European flag

Iris Oifigiúil
an Aontais Eorpaigh

GA

Sraith L


2024/265

18.1.2024

RIALACHÁN CUR CHUN FEIDHME (AE) 2024/265 ÓN gCOIMISIÚN

an 17 Eanáir 2024

maidir le coimpléasc sinc(II)-béitín a údarú mar bhreiseán beathaithe le haghaidh gach speicis ainmhíoch seachas ainmhithe uisceacha a shaothraítear i gcórais dobharshaothraithe mhuirí

(Téacs atá ábhartha maidir le LEE)

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (CE) Uimh. 1831/2003 ó Pharlaimint na hEorpa agus ón gComhairle an 22 Meán Fómhair 2003 maidir le breiseáin lena n-úsáid i gcothú ainmhithe (1), agus go háirithe Airteagal 9(2) de,

De bharr an mhéid seo a leanas:

(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta i leith an t-údarú sin a dheonú.

(2)

I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas chun coimpléasc sinc(II)-béitín a údarú. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin.

(3)

Baineann an t-iarratas le húdarú coimpléisc sinc(II)-béitín mar bhreiseán beathaithe le haghaidh gach speicis ainmhíoch, breiseán atá le haicmiú sa chatagóir breiseán ‘breiseáin chothaitheacha’ agus san fheidhmghrúpa ‘comhdhúile de riandúile’.

(4)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sna tuairimí uaidh an 11 Eanáir 2023 (2), go bhfuil coimpléasc sinc(II)-béitín sábháilte do gach speiceas ainmhíoch agus do thomhaltóirí, faoi na coinníollacha úsáide atá beartaithe, ar choinníoll nach sárófar na huasleibhéil údaraithe le haghaidh since iomlán i mbeatha. Maidir le sábháilteacht coimpléisc sinc(II)-béitín don chomhshaol, ní féidir teacht ar chonclúid leis na sonraí atá ar fáil maidir lena shábháilteacht i leith an dríodair mhuirí nuair a úsáidtear an tsubstaint sin i gcliabháin éisc. Tháinig an tÚdarás ar an gconclúid thairis sin go meastar gur íogróir craicinn agus riospráide é coimpléasc sinc(II)-béitín, de bharr láithreacht nicile. Is greannaitheoir súl é, ach ní greannaitheoir craicinn é. Tháinig an tÚdarás ar an gconclúid go bhfuil an tsubstaint éifeachtúil mar fhoinse since chun ceanglais an ainmhí a chomhlíonadh. Níor mheas an tÚdarás go bhfuil gá le ceanglais shonracha maidir le faireachán iarmhargaidh. D’fhíoraigh sé freisin an tuarascáil maidir leis an modh anailíse ar an mbreiseán beathaithe i mbeatha, tuarascáil arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(5)

I bhfianaise an mhéid thuas, measann an Coimisiún go gcomhlíonann coimpléasc sinc(II)-béitín na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na substainte sin a údarú. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc.

(6)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

TAR ÉIS AN RIALACHÁN SEO A GHLACADH:

Airteagal 1

Údarú

An tsubstaint a shonraítear san Iarscríbhinn, substaint a bhaineann leis an gcatagóir breiseán ‘breiseáin chothaitheacha’ agus leis an bhfeidhmghrúpa ‘comhdhúile de riandúile’, údaraítear í mar bhreiseán i gcothú ainmhithe, faoi réir na gcoinníollacha a leagtar síos san Iarscríbhinn sin.

Airteagal 2

Teacht i bhfeidhm

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, an 17 Eanáir 2024.

Thar ceann an Choimisiúin

An tUachtarán

Ursula VON DER LEYEN


(1)   IO L 268, 18.10.2003, lch. 29.

(2)   EFSA Journal [Iris EFSA] 2023;21(2):7819


IARSCRÍBHINN

Uimhir aitheantais an bhreiseáin

Breiseán

Comhdhéanamh, foirmle cheimiceach, tuairisc, modh anailíse

Speiceas nó catagóir ainmhí

Uasteorainn aoise

Íoschion

Uaschion

Forálacha eile

Deireadh na tréimhse údaraithe

Cion den dúile (Zn) i mg/kg d’ábhar beatha iomlán ina bhfuil cion taise 12 %

Catagóir: breiseáin chothaitheacha. Feidhmghrúpa: comhdhúile de riandúile

3b616

Coimpléasc sinc(II)-béitín

Comhdhéanamh an bhreiseáin:

Coimpléasc sinc-béitín ag a bhfuil íosmhéad 20 % de shinc agus íosmhéad 41 % de bhéitín

Nicil: 60 mg/kg ar a mhéad

Foirm sholadach

Tréithriú na substaintí gníomhacha:

Ainm: caitéine-[μ3-sulfáta-

Trímheithilamóinión)aicéatón-since)aicéatón-since(II)]

Foirmle cheimiceach: [Zn((CH3)3NCH2COO) (SO4)]n

Sonraíochtaí

—

Íosmhéad 20 % de shinc

—

Íosmhéad 41 % de bhéitín,

—

9 %–12 % de shulfar

—

Uasmhéad 5 % de thais

Modhanna anailíse:  (1)

Maidir leis an sinc iomlán atá sa bhreiseán beathaithe a chainníochtú:

—

Speictriméadracht astaíochta adamhaí le plasma cúpláilte go hionduchtach, ICP-AES (EN 15621 nó EN 15510) nó

—

Speictriméadracht ionsú adamhaigh, AAS (ISO 6869)

Maidir le cion iomlán since sna réamh-mheascáin a chainníochtú:

—

Speictriméadracht astaíochta adamhaí le plasma cúpláilte go hionduchtach, ICP-AES (EN 15621 nó EN 15510) nó

—

Speictriméadracht ionsú adamhaigh, AAS (ISO 6869) nó

—

Speictriméadracht astaíochta adamhaí le plasma cúpláilte go hionduchtach, ICP-MS (EN 17053)

Maidir le cion iomlán an chopair sa bheatha chumaisc a chainníochtú:

—

Speictriméadracht astaíochta adamhaí le plasma cúpláilte go hionduchtach, ICP-AES (EN 15621 nó EN 15510) nó

—

Speictriméadracht ionsú adamhaigh, AAS (Rialachán (CE) Uimh. 152/2009 ón gCoimisiún, (Iarscríbhinn IV-C) nó ISO 6869) nó

—

Speictriméadracht astaíochta adamhaí le plasma cúpláilte go hionduchtach, ICP-MS (EN 17053)

Maidir leis an mbéitín iomlán atá sa bhreiseán beathaithe a chainníochtú:

—

Crómatagrafaíocht leachta ardfheidhmíochta le brath na comhéifeachta athraonta (HPLC-RI)

Maidir le sulfar agus sulfáit atá sa bhreiseán beathaithe a chainníochtú:

—

Plasma cúpláilte go hionduchtach — speictriméadracht astaíochta adamhaí, ICP-AES (EN 15621)

Cruthúnas ar fhoirmiú coimpléisc idir sinc, béitín agus sulfáit: Díraonadh x-ghathanna le púdar (XRD) (2)

—

Madraí

—

Cait

—

—

200

1.

Déanfar an breiseán a ionchorprú sa bheatha i bhfoirm réamh-mheascáin.

2.

I gcás úsáideoirí an bhreiseáin agus na réamh-mheascán, bunóidh oibreoirí gnólachtaí beatha nósanna imeachta oibríochtúla agus bearta eagraíochtúla chun aghaidh a thabhairt ar rioscaí a d’fhéadfadh eascairt as a n-úsáid. I gcás nach féidir na rioscaí sin a dhíothú le nósanna imeachta agus bearta den chineál sin, is le trealamh análaithe pearsanta, súl agus craicinn a úsáidfear an breiseán agus na réamh-mheascáin.

7 Feabhra 2034

—

Bainbh

—

Cránacha

—

Coiníní

—

Éisc a shaothraítear i gcórais dobharshaothraithe ar talamh, cé is moite de shalmainidí

—

—

150

—

Laonna (bainne púdrach)

—

Salmainidí agus ainmhithe a shaothraítear i gcórais dobharshaothraithe ar talamh

—

—

180

Speicis agus catagóirí eile cé is moite d’ainmhithe uisceacha a shaothraítear i gcórais dobharshaothraithe mhuirí

—

—

120


(1)  Tá sonraí faoi na modhanna anailíse le fáil ag an seoladh seo a leanas sa tSaotharlann Tagartha: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_ga

(2)  Díraonmhéadar Stoe Stadi P i ngeoiméadracht Guinier trí radaíocht Cu-Κα1 a úsáid (Gémhonacrómatóir Johann) agus brathadóir íomhá/pláta IP-PSD.


ELI: http://data.europa.eu/eli/reg_impl/2024/265/oj

ISSN 1977-0839 (electronic edition)