|
1.11.2011 |
MT |
Il-Ġurnal Uffiċjali tal-Unjoni Ewropea |
L 285/23 |
DEĊIŻJONI TAL-KUNSILL
tal-11 ta’ Ottubru 2011
li temenda d-Deċiżjoni 1999/70/KE dwar l-awdituri esterni tal-banek ċentrali nazzjonali, fir-rigward tal-awdituri esterni tal-Banco de Portugal
(2011/714/UE)
IL-KUNSILL TAL-UNJONI EWROPEA,
Wara li kkunsidra l-Protokoll dwar l-Istatut tas-Sistema Ewropea tal-Banek Ċentrali u tal-Bank Ċentrali Ewropew anness għat-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea, u b’mod partikolari l-Artikolu 27.1 tiegħu,
Wara li kkunsidra r-Rakkomandazzjoni BĊE/2011/11 tal-Bank Ċentrali Ewropew tal-25 ta’ Awwissu 2011 lill-Kunsill tal-Unjoni Ewropea dwar l-awdituri esterni tal-Banco de Portugal (1),
Billi:
|
(1) |
Il-kontijiet tal-Bank Ċentrali Ewropew (BĊE) u tal-banek ċentrali nazzjonali tal-Eurosistema għandhom jiġu verifikati minn awdituri esterni indipendenti rrakkomandati mill-Kunsill Governattiv tal-BĊE u approvati mill-Kunsill tal-Unjoni Ewropea. |
|
(2) |
Il-mandat tal-awdituri esterni attwali tal-Banco de Portugal intemm wara l-verifika għas-sena finanzjarja 2010. Għalhekk jeħtieġ li jinħatru awdituri esterni mis-sena finanzjarja 2011. |
|
(3) |
Il-Banco de Portugal għażel PricewaterhouseCoopers & Associados — Sociedade de Revisores Oficiais de Contas, Lda. bħala l-awdituri esterni tiegħu għas-snin finanzjarji mill-2011 sal-2016. |
|
(4) |
Il-Kunsill Governattiv tal-BĊE rrakkomanda li PricewaterhouseCoopers & Associados - Sociedade de Revisores Oficiais de Contas, Lda. għandhom jinħatru bħala awdituri esterni tal-Banco de Portugal għas-snin finanzjarji mill-2011 sal-2016. |
|
(5) |
Huwa xieraq li r-rakkomandazzjoni tal-Kunsill Governattiv tal-BĊE tiġi segwita u li d-Deċiżjoni tal-Kunsill 1999/70/KE (2) tiġi emendata kif meħtieġ, |
ADOTTA DIN ID-DEĊIŻJONI:
Artikolu 1
L-Artikolu 1(10) tad-Deċiżjoni 1999/70/KE għandu jiġi sostitwit b’dan li ġej:
“10. PricewaterhouseCoopers & Associados — Sociedade de Revisores Oficiais de Contas, Lda. hija b’dan approvata bħala l-awdituri esterni tal-Banco de Portugal għas-snin finanzjarji mill-2011 sal-2016.”
Artikolu 2
Din id-Deċiżjoni għandha tidħol fis-seħħ fil-jum tan-notifika tagħha.
Artikolu 3
Din id-Deċiżjoni hija indirizzata lill-Bank Ċentrali Ewropew.
Magħmul fil-Lussemburgu, il-11 ta’ Ottubru 2011.
Għall-Kunsill
Il-President
M. DOWGIELEWICZ