|
22.5.2013 |
MT |
Il-Ġurnal Uffiċjali tal-Unjoni Ewropea |
L 135/19 |
DEĊIŻJONI TAL-KUMMISSJONI
tal-24 ta’ April 2013
li temenda d-Deċiżjoni 2000/745/KE li taċċetta l-impenji offruti b’rabta mal-proċedimenti tal-antidumping u kontra s-sussidji li jikkonċernaw l-importazzjonijiet ta’ ċertu polietilentereftalat (PET) li joriġina mill-Indja, l-Indoneżja, il-Malasja u r-Repubblika tal-Korea, it-Tajwan u t-Tajlandja
(2013/223/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1225/2009 tat-30 ta’ Novembru 2009 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Komunità Ewropea (1) (“ir-Regolament bażiku tal-antidumping”), u b’mod partikolari l-Artikoli 8 u 9 tiegħu,
Wara li kkonsultat il-Kumitat Konsultattiv,
Billi:
A. MIŻURI EŻISTENTI
|
(1) |
Permezz tar-Regolament (KE) Nru 192/2007 (2) u wara analiżi tal-iskadenza u analiżi parzjali interim, il-Kunsill impona dazju definittiv tal-antidumping fuq l-importazzjoni ta’ ċertu polietilentereftalat (“PET”) li joriġina mill-Indja, l-Indoneżja, il-Malażja, ir-Repubblika tal-Korea, it-Tajlandja u t-Tajwan. Il-miżuri kienu oriġinarjament ġew imposti f’Awwissu tal-2000 (3). Attwalment il-miżuri huma soġġetti għal analiżi oħra tal-iskadenza (4). |
|
(2) |
Il-Kummissjoni, permezz tad-Deċiżjoni 2000/745/KE (5) (“id-Deċiżjoni”) aċċettat impenn fuq il-prezz (“l-impenn”), fost l-oħrajn mill-kumpanija Indoneżjana P.T. Polypet Karyapersada (“Polypet”). Wara s-sejbiet u l-konklużjonijiet relatati ma’ analiżi ta’ “esportatur ġdid” (6), il-Kummissjoni, bid-Deċiżjoni 2002/232/KE (7) li temenda d-Deċiżjoni 2000/745/KE, aċċettat impenn mill-kumpanija Indjana Futura Polyesters Limited (“Futura”). |
B. OBBLIGI LI JOĦORĠU MILL-IMPENN
|
(3) |
Wieħed mill-obbligi fundamentali li jirriżultaw minn impenn huwa r-rappurtar kull tliet xhur tal-bejgħ, li jippermetti lill-Kummissjoni timmonitorja l-impenn b’mod effettiv. L-obbligu tal-monitoraġġ ikopri wkoll sitwazzjoni fejn ma jsirx bejgħ matul tliet xhur partikolari (l-hekk imsejjaħ rapport ta’ “bla bejgħ”). |
|
(4) |
Barra minn hekk, il-produtturi esportaturi għandhom jinnotifikaw lill-Kummissjoni immedjatament dwar kwalunkwe bidla fl-istruttura korporattiva tal-kumpanija li tista’ jsseħħ matul l-applikazzjoni tal-impenn. |
|
(5) |
Id-dispożizzjonijiet tal-impenn jistipulaw li n-nuqqas ta’ kooperazzjoni mal-Kummissjoni dwar dawn il-kwistjonijiet jitqiesu bħala ksur tal-impenn. Deċiżjoni reċenti tal-Qorti tal-Ġustizzja (8) kkonfermat ukoll li l-obbligi tar-rappurtar għandhom jitqiesu bħala obbligi primarji għat-tħaddim sewwa tal-impenn. |
C. KSUR TAL-IMPENN
|
(6) |
Il-kumpanija Polypet ma bagħtitx rapport tal-bejgħ fir-rigward tat-tielet tliet xhur tal-2012, minkejja t-tfakkiriet ripetittivi. Barra minn dan, għall-kontrarju tad-dispożizzjonijiet tal-impenn li kkommettiet ruħha għalih il-kumpanija. Polypet ma informatx lill-Kummissjoni immedjatament li l-assi tagħha nbiegħu lil kumpanija Indoneżjana oħra f’Awwissu 2012. Ma wasal l-ebda rapport fir-rigward tar-raba’ tliet xhur tal-2012. |
|
(7) |
Il-kumpanija Futura ma bagħtet l-ebda rapport għat-tielet u r-raba’ tliet xhur tal-2012, minkejja t-tfakkiret ripetittivi. |
|
(8) |
Dawn in-nuqqasijiet fil-preżentazzjoni u n-notifiki dwar il-bidla fl-istruttura tal-kumpanija jikkwalifikaw bħala nuqqas ta’ kooperazzjoni kontinwu, u b’hekk ksur tad-dispożizzjonijiet tal-impenji. Dan jiġġustifika l-irtirar taż-żewġ impenji. |
D. SOTTOMISSJONIJIET BIL-MIKTUB
|
(9) |
Iż-żewġ kumpaniji ngħataw l-opportunità li jinstemgħu u jagħmlu sottomissjonijiet bil-miktub. Ma waslet l-ebda sottomissjoni mingħand il-kumpaniji |
E. EMENDA TAD-DEĊIŻJONI 2000/745/KE
|
(10) |
Għalhekk, skont l-Artikolu 8(9) tar-Regolament bażiku tal-antidumping kif ukoll skont il-klawżoli rilevanti tal-impenji li jawtorizzaw lill-Kummissjoni tirtira l-impenn, il-Kummissjoni kkonkludiet li l-aċċettazzjoni tal-impenji offruti mill-kumpaniji Polypet u Futura għandha tiġi rtirata u li d-Deċiżjoni 2000/745/KE kif emendata mid-Deċiżjoni 2002/232/KE għandha tiġi emendata. Għaldaqstant, id-dazju definittiv tal-antidumping impost permezz tal-Artikolu 1 tar-Regolament (KE) Nru 192/2007 għandu japplika awtomatikament għall-importazzjonijiet ta’ PET manifatturat mill-kumpaniji Polypet u Futura (kodiċi addizzjonali TARIC A193 għal Polypet u kodiċi addizzjonali TARIC A184 għal Futura), |
ADOTTAT DIN ID-DEĊIŻJONI:
Artikolu 1
L-aċċettazzjoni tal-impenji fir-rigward tal-kumpaniji P.T.Polypet Karyapersada, l-Indoneżja (kodiċi addizzjonali TARIC A193) u Futura Polyesters Limited, l-Indja (kodiċi addizzjonali TARIC A184) qiegħda b’dan tiġi rtirata.
Artikolu 2
It-tabella tal-Artikolu 1 fid-Deċiżjoni 2000/745/KE qed tinbidel bit-tabella li ġejja:
|
“Pajjiż |
Kumpaniji |
Kodiċi TARIC addizzjonali |
|
L-Indja |
Reliance Industries Limited |
A181 |
|
L-Indja |
Pearl Engineering Polymers Limited |
A182 |
|
L-Indja |
Dhunseri Petrochem & Tea Limited |
A585 ” |
Artikolu 3
Din id-Deċiżjoni għandha tidħol fis-seħħ l-għada tal-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, l-24 ta’ April 2013.
Għall-Kummissjoni
Il-President
José Manuel BARROSO
(1) ĠU L 343, 22.12.2009, p. 51.
(3) ĠU L 199, 5.8.2000, p. 48.
(5) ĠU L 301, 30.11.2000, p. 88.
(7) ĠU L 78, 21.3.2002, p. 12, ĠU C 116, 15.5.2003, p. 2.
(8) Kawża C-552/10 P, http://curia.europa.eu/juris/document/document.jsf?text=&docid=130244&pageIndex=0&doclang=en&mode=req&dir=&occ=first&part=1&cid=825501