(1)

It-trasport marittimu jirrappreżenta madwar 75 % tal-kummerċ barrani tal-UE u 31 % tal-kummerċ intern tal-UE f'termini ta' volum. Fl-istess ħin, it-traffiku tal-vapuri lejn jew mill-portijiet fiż-Żona Ekonomika Ewropea jirrappreżenta madwar 11 % tal-emissjonijiet tas-CO2 kollha tal-UE mit-trasport u 3-4 % tal-emissjonijiet tas-CO2 totali tal-UE. 400 miljun passiġġier jimbarkaw jew jiżbarkaw kull sena f'portijiet tal-Istati Membri, inklużi madwar 14-il miljun fuq vapuri tal-kruċiera. Għalhekk, it-trasport marittimu huwa komponent essenzjali tas-sistema ta' trasport tal-Ewropa u għandu rwol kritiku għall-ekonomija Ewropea. Is-suq tat-trasport marittimu huwa soġġett għal kompetizzjoni qawwija bejn atturi ekonomiċi fl-Unjoni u lil hinn minnha, li għalihom huma indispensabbli kundizzjonijiet ekwivalenti ta' kompetizzjoni. L-istabbiltà u l-prosperità tas-suq tat-trasport marittimu u tal-atturi ekonomiċi tiegħu jiddependu minn qafas ta' politika ċar u armonizzat fejn l-operaturi fit-trasport marittimu, il-portijiet u atturi oħra fis-settur jistgħu joperaw abbażi ta' opportunitajiet indaqs. Fejn iseħħu distorsjonijiet tas-suq, dawn jirriskjaw li jqiegħdu lill-operaturi tal-vapuri jew lill-portijiet fi żvantaġġ meta mqabbla mal-kompetituri fis-settur tat-trasport marittimu jew f'setturi oħra tat-trasport. Min-naħa tiegħu , dan jista' jirriżulta f'telf ta' kompetittività tal-industrija tat-trasport marittimu, u f'telf ta' konnettività għaċ-ċittadini u għan-negozji

(1)

It-trasport marittimu jirrappreżenta madwar 75 % tal-kummerċ barrani tal-UE u 31 % tal-kummerċ intern tal-UE f'termini ta' volum. 400 miljun passiġġier jimbarkaw jew jiżbarkaw kull sena f'portijiet tal-Istati Membri, inklużi madwar 14-il miljun fuq vapuri tal-kruċiera. Għalhekk, it-trasport marittimu huwa komponent essenzjali tas-sistema ta' trasport tal-Ewropa u għandu rwol kritiku għall-ekonomija Ewropea. Is-suq tat-trasport marittimu huwa soġġett għal kompetizzjoni qawwija bejn atturi ekonomiċi fl-Unjoni u lil hinn minnha, li għalihom huma indispensabbli kundizzjonijiet ekwivalenti ta' kompetizzjoni globali . L-istabbiltà u l-prosperità tas-suq tat-trasport marittimu u tal-atturi ekonomiċi tiegħu jiddependu minn qafas ta' politika ċar u armonizzat fejn l-operaturi fit-trasport marittimu, il-portijiet u atturi oħra fis-settur jistgħu joperaw abbażi ta' opportunitajiet indaqs. Meta jseħħu distorsjonijiet tas-suq, dawn jirriskjaw li jqiegħdu lill-operaturi tal-vapuri jew lill-portijiet fi żvantaġġ meta mqabbla mal-kompetituri fis-settur tat-trasport marittimu jew f'setturi oħra tat-trasport. Dan, imbagħad , jista' jirriżulta f'telf ta' kompetittività tal-industrija tat-trasport marittimu, f'inqas impjiegi u f'telf ta' konnettività għaċ-ċittadini u għan-negozji.

(1a)

Is-settur marittimu jimpjega żewġ miljun Ewropew u jikkontribwixxi EUR 149 biljun għall-ekonomija. Għal kull EUR 1 miljun iġġenerati fl-industrija tat-tbaħħir, EUR 1,8  miljun jiġu ġġenerati xi mkien ieħor fl-ekonomija tal-UE  (1a) .

(1b)

It-trasport marittimu huwa l-mod ta' trasport l-aktar ekoloġiku, bi kwantità konsiderevolment aktar baxxa f'termini ta' emissjonijiet ta' gassijiet serra għal kull tunnellata ta' merkanzija ttrasportata meta mqabbel ma' modi oħrajn  (1a) . Fl-istess ħin, it-traffiku tal-vapuri lejn il-portijiet fiż-Żona Ekonomika Ewropea jew minnhom jirrappreżenta madwar 11 % tal-emissjonijiet tas-CO2 kollha tal-UE mit-trasport u 3 sa 4 % tal-emissjonijiet tas-CO2 totali tal-UE. L-emissjonijiet tas-CO2 mit-trasport marittimu mistennija jiżdiedu, sakemm ma titteħidx azzjoni ulterjuri. Is-setturi kollha tal-ekonomija jridu jikkontribwixxu għat-tnaqqis rapidu tal-emissjonijiet ta' gassijiet serra biex tinkiseb newtralità klimatika sa mhux aktar tard mill-2050 kif minqux fir-Regolament (UE) 2021/1119. Għalhekk huwa essenzjali li l-Unjoni tistabbilixxi perkors ambizzjuż għat-tranżizzjoni ekoloġika rapida tas-settur marittimu, peress li dan jikkontribwixxi wkoll għaż-żamma u l-promozzjoni ulterjuri tar-rwol ta' tmexxija globali tagħha fit-teknoloġiji, is-servizzi u s-soluzzjonijiet ekoloġiċi, u biex ikompli jiġi stimulat il-ħolqien tal-impjiegi fil-ktajjen tal-valur relatati filwaqt li tinżamm il-kompetittività.

(2)

Biex jissaħħaħ l-impenn klimatiku tal-Unjoni skont il-Ftehim ta' Pariġi u jiġu stabbiliti l-passi li għandhom jittieħdu biex tinkiseb in-newtralità klimatika sal- 2050, u biex l-impenn politiku jissarraf f'obbligu legali, il-Kummissjoni adottat il-proposta (emendata) għal Regolament tal-Parlament Ewropew u tal-Kunsill dwar l-istabbiliment tal-qafas għall-kisba tan-newtralità klimatika u li jemenda r-Regolament (UE) 2018/1999 (il-Liġi Ewropea dwar il-Klima) (19), kif ukoll il-Komunikazzjoni “It-Tisħiħ tal-Ambizzjoni Klimatika tal-Ewropa għall-2030” (20). Dan jintegra wkoll il-mira għat-tnaqqis tal-emissjonijiet ta' gassijiet serra (GHG) b'mill-inqas 55 % sal-2030, meta mqabbla mal-livelli tal-1990. Għaldaqstant, huma meħtieġa diversi strumenti ta' politika komplementari biex jiġi mmotivat l-użu ta' fjuwils rinnovabbli u b'livell baxx ta' emissjonijiet tal-karbonju prodotti b'mod sostenibbli, inklużi fis-settur tat-trasport marittimu. L-iżvilupp u l-varar tat-teknoloġija meħtieġa jridu jseħħu sal-2030 biex minn hemm 'il quddiem issir tħejjija għal bidla ħafna aktar rapida.

(2)

Biex jissaħħaħ l-impenn klimatiku tal-Unjoni skont il-Ftehim ta' Pariġi u jiġu stabbiliti l-passi li għandhom jittieħdu biex tinkiseb in-newtralità klimatika sa mhux aktar tard mill- 2050, u biex l-impenn politiku jissarraf f'obbligu legali, il-Kummissjoni adottat il-proposta (emendata) għal Regolament tal-Parlament Ewropew u tal-Kunsill dwar l-istabbiliment tal-qafas għall-kisba tan-newtralità klimatika u li jemenda r-Regolament (UE) 2018/1999 (il-Liġi Ewropea dwar il-Klima) (19), kif ukoll il-Komunikazzjoni “It-Tisħiħ tal-Ambizzjoni Klimatika tal-Ewropa għall-2030” (20). Dan jintegra wkoll il-mira għat-tnaqqis tal-emissjonijiet ta' gassijiet serra (GHG) b'mill-inqas 55 % sal-2030, meta mqabbla mal-livelli tal-1990. Għaldaqstant, huma meħtieġa diversi strumenti ta' politika komplementari biex jippromwovu u jħaffu l-produzzjoni fuq skala kbira u l-użu ta' fjuwils rinnovabbli u b'livell baxx ta' emissjonijiet tal-karbonju prodotti b'mod sostenibbli, inkluż fis-settur tat-trasport marittimu , filwaqt li jiġi rrispettat il-prinċipju tan-newtralità teknoloġika . L-iżvilupp u l-varar tat-teknoloġija meħtieġa jenħtieġ li jiġu appoġġati mill-aktar fis possibbli u jridu jkunu fis-seħħ sal-2030 biex minn hemm 'il quddiem issir tħejjija għal bidla ħafna aktar rapida. Huwa essenzjali wkoll li titrawwem l-innovazzjoni u li tiġi appoġġata r-riċerka għal innovazzjoni emerġenti u futura bħall-fjuwils alternattivi emerġenti, l-ekodisinn, il-materjali b'bażi bijoloġika, il-propulsjoni tar-riħ u l-propulsjoni assistita mir-riħ.

(2a)

L-LNG x'aktarx li jkollu rwol tranżizzjonali fit-trasport marittimu, u jippermetti tranżizzjoni gradwali lejn alternattivi b'emissjonijiet żero, speċjalment fejn bħalissa ma hemm l-ebda teknoloġija disponibbli tal-motopropulsjoni b'emissjonijiet żero ekonomikament vijabbli. Il-Komunikazzjoni dwar l-Istrateġija għal Mobbiltà Sostenibbli u Intelliġenti tindika li l-vapuri li jbaħħru b'emissjonijiet żero se jkunu lesti għas-suq sal-2030. Il-konverżjoni tal-flotta jenħtieġ li sseħħ gradwalment minħabba l-ħajja twila tal-vapuri. Il-fjuwils tat-trasport bħal-LNG jeħtieġ li jiġu dekarbonizzati dejjem aktar bit-taħlit bil-bijometan likwifikat (bijo-LNG) jew b'e-fjuwils gassużi sintetiċi rinnovabbli u b'livell baxx ta' emissjonijiet tal-karbonju (e-gass), pereżempju.

(3)

Fil-kuntest tat-tranżizzjoni tal-fjuwils lejn fjuwils rinnovabbli u b'livell baxx ta' emissjonijiet tal-karbonju u sorsi alternattivi tal-enerġija, huwa essenzjali li jiġu żgurati l-funzjonament xieraq u l-kompetizzjoni ġusta fis-suq tat-trasport marittimu tal-UE fir-rigward tal-fjuwils tal-baħar, li jirrappreżentaw sehem sostanzjali mill-kostijiet tal-operaturi tal-vapuri. Id-differenzi fir-rekwiżiti tal-fjuwils madwar l-Istati Membri tal-Unjoni jistgħu jaffettwaw b'mod sinifikanti l-prestazzjoni ekonomika tal-operaturi tal-vapuri u jkollhom impatt negattiv fuq il-kompetizzjoni fis-suq. Minħabba n-natura internazzjonali tat-tbaħħir, l-operaturi tal-vapuri jistgħu jwettqu bunkering faċilment f'pajjiżi terzi u jittrasportaw ammonti kbar ta' fjuwil. Dan jista' jwassal għal rilokazzjoni tal-emissjonijiet tal-karbonju u għal effetti detrimentali fuq il-kompetittività tas-settur jekk id-disponibbiltà ta' fjuwils rinnovabbli u b'livell baxx ta' emissjonijiet tal-karbonju fil-portijiet marittimi taħt il-ġuriżdizzjoni ta' Stat Membru ma tkunx akkumpanjata minn rekwiżiti għall-użu tagħhom li japplikaw għall-operaturi kollha tal-vapuri li jkunu qed jaslu u jitilqu minn portijiet taħt il-ġuriżdizzjoni tal-Istati Membri. Dan ir-Regolament jenħtieġ li jistabbilixxi miżuri biex jiġi żgurat li l-penetrazzjoni tal-fjuwils rinnovabbli b'livell baxx ta' emissjonijiet tal-karbonju fis-suq tal-fjuwils tal-baħar isseħħ skont il-kundizzjonijiet ta' kompetizzjoni ġusta fis-suq tat-trasport marittimu tal-UE.

(3)

Fil-kuntest tat-tranżizzjoni tal-fjuwils lejn fjuwils rinnovabbli u b'livell baxx ta' emissjonijiet tal-karbonju u sorsi alternattivi tal-enerġija, huwa essenzjali li jiġu żgurati l-funzjonament xieraq u l-kompetizzjoni ġusta fis-suq tat-trasport marittimu tal-UE fir-rigward tal-fjuwils tal-baħar, li jirrappreżentaw sehem sostanzjali mill-kostijiet tal-operaturi tal-vapuri – normalment bejn 35 % u 53 % tan-nollijiet tat-tbaħħir. Għalhekk, il-miżuri ta' politika jridu jkunu kosteffettivi u jkollhom l-għan li jiġġeneraw l-akbar dekarbonizzazzjoni possibbli bl-inqas kost possibbli . Id-differenzi fir-rekwiżiti tal-fjuwils madwar l-Istati Membri tal-Unjoni jistgħu jaffettwaw b'mod sinifikanti l-prestazzjoni ekonomika tal-operaturi tal-vapuri u jkollhom impatt negattiv fuq il-kompetizzjoni fis-suq. Minħabba n-natura internazzjonali tat-tbaħħir, l-operaturi tal-vapuri jistgħu jwettqu bunkering faċilment f'pajjiżi terzi u jittrasportaw ammonti kbar ta' fjuwil , u dan jista' jikkontribwixxi wkoll għal riskju ta' telf ta' kompetittività tal-portijiet tal-Unjoni fil-konfront ta' portijiet mhux tal-Unjoni . Dan jista' jwassal għal rilokazzjonijiet tal-emissjonijiet tal-karbonju u tan-negozji u għal effetti detrimentali fuq il-kompetittività tas-settur jekk id-disponibbiltà ta' fjuwils rinnovabbli u b'livell baxx ta' emissjonijiet tal-karbonju fil-portijiet marittimi taħt il-ġuriżdizzjoni ta' Stat Membru ma tkunx akkumpanjata minn rekwiżiti għall-użu tagħhom li japplikaw għall-operaturi kollha tal-vapuri li jkunu qed jaslu u jitilqu minn portijiet taħt il-ġuriżdizzjoni tal-Istati Membri. Dan ir-Regolament jenħtieġ li jistabbilixxi miżuri biex jiġi żgurat li l-penetrazzjoni tal-fjuwils rinnovabbli u b'livell baxx ta' emissjonijiet tal-karbonju fis-suq tal-fjuwils tal-baħar isseħħ skont il-kundizzjonijiet ta' kompetizzjoni ġusta fis-suq tat-trasport marittimu tal-UE , u dan jipprovdi lill-operaturi tat-tbaħħir opzjoni ta' tnaqqis tal-emissjonijiet b'kost aktar baxx. Id-disponibbiltà ta' tali opzjoni hija essenzjali biex tiġi ggarantita l-kompetittività tal-industriji tat-tbaħħir Ewropej u r-rilevanza tar-rotot loġistiċi li jgħaqqdu l-portijiet Ewropej mal-kummerċ globali.

(3a)

Is-settur marittimu huwa kkaratterizzat minn kompetizzjoni internazzjonali ħarxa. Id-differenzi kbar fil-piżijiet regolatorji bejn l-Istati tal-bandiera aggravaw prattiki mhux mixtieqa bħall-bdil tal-bandiera tal-bastimenti. Il-karattru globali intrinsiku tas-settur jissottolinja l-importanza ta' approċċ newtrali f'termini ta' bandiera u ta' ambjent regolatorju favorevoli, li huwa prekundizzjoni biex jiġu attirati investimenti ġodda u tiġi ssalvagwardjata l-kompetittività tal-portijiet u tas-sidien u l-operaturi tal-vapuri Ewropej.

(4)

Sabiex jiġi prodott effett fuq l-attivitajiet kollha tas-settur tat-trasport marittimu, jixraq li dan ir-Regolament ikopri sehem mill-vjaġġi bejn port taħt il-ġuriżdizzjoni ta' Stat Membru u port taħt il-ġuriżdizzjoni ta' pajjiż terz. Dan ir-Regolament jenħtieġ li għalhekk japplika għal nofs l-enerġija użata minn vapur li jwettaq vjaġġi li jaslu f'port taħt il-ġuriżdizzjoni ta' Stat Membru minn port barra mill-ġuriżdizzjoni ta' Stat Membru, nofs l-enerġija użata minn vapur li jwettaq vjaġġi li jitilqu minn port taħt il-ġuriżdizzjoni ta' Stat Membru u li jaslu f'port barra mill-ġuriżdizzjoni ta' Stat Membru, l-enerġija kollha użata minn vapur li jwettaq vjaġġi li jaslu f'port taħt il-ġuriżdizzjoni ta' Stat Membru minn port taħt il-ġuriżdizzjoni ta' Stat Membru, u l-enerġija użata waqt l-irmiġġ f'port taħt il-ġuriżdizzjoni ta' Stat Membru. Din il-kopertura ta' sehem mill-enerġija użata minn vapur fi vjaġġi kemm deħlin kif ukoll ħerġin bejn l-Unjoni u pajjiżi terzi tiżgura l-effettività ta' dan ir-Regolament, inkluż billi żżid l-impatt pożittiv fuq l-ambjent ta' dan il-qafas. Fl-istess ħin, dan il-qafas jillimita r-riskju ta' waqfiet evażivi f'port u r-riskju ta' delokalizzazzjoni tal-attivitajiet ta' trażbord barra mill-Unjoni. Sabiex jiġu żgurati tħaddim mingħajr xkiel tat-traffiku marittimu, kundizzjonijiet ekwivalenti ta' kompetizzjoni fost l-operaturi tat-trasport marittimu u fost il-portijiet, u jiġu evitati distorsjonijiet fis-suq intern, il-vjaġġi kollha li jaslu jew jitilqu minn portijiet taħt il-ġuriżdizzjoni tal-Istati Membri, kif ukoll is-soġġorn ta' vapuri f'dawk il-portijiet jenħtieġ li jkunu koperti minn regoli uniformi li jinsabu f'dan ir-Regolament.

(4)

Sabiex jiġi prodott effett fuq l-attivitajiet kollha tas-settur tat-trasport marittimu, jixraq li dan ir-Regolament ikopri sehem mill-vjaġġi bejn port taħt il-ġuriżdizzjoni ta' Stat Membru u port taħt il-ġuriżdizzjoni ta' pajjiż terz. Dan ir-Regolament jenħtieġ li għalhekk japplika għal nofs l-enerġija użata minn vapur li jwettaq vjaġġi li jaslu f'port taħt il-ġuriżdizzjoni ta' Stat Membru minn port barra mill-ġuriżdizzjoni ta' Stat Membru, nofs l-enerġija użata minn vapur li jwettaq vjaġġi li jitilqu minn port taħt il-ġuriżdizzjoni ta' Stat Membru u li jaslu f'port barra mill-ġuriżdizzjoni ta' Stat Membru, l-enerġija kollha użata minn vapur li jwettaq vjaġġi li jaslu f'port taħt il-ġuriżdizzjoni ta' Stat Membru minn port taħt il-ġuriżdizzjoni ta' Stat Membru, u l-enerġija użata waqt l-irmiġġ f'port taħt il-ġuriżdizzjoni ta' Stat Membru. Din il-kopertura ta' sehem mill-enerġija użata minn vapur fi vjaġġi kemm deħlin kif ukoll ħerġin bejn l-Unjoni u pajjiżi terzi tiżgura l-effettività ta' dan ir-Regolament, inkluż billi żżid l-impatt pożittiv fuq l-ambjent ta' dan il-qafas. Dan il-qafas jenħtieġ li jillimita r-riskju ta' waqfiet evażivi f'port u r-riskju ta' delokalizzazzjoni tal-attivitajiet ta' trażbord barra mill-Unjoni. Sabiex jiġu żgurati tħaddim mingħajr xkiel tat-traffiku marittimu, kundizzjonijiet ekwivalenti ta' kompetizzjoni fost l-operaturi tat-trasport marittimu u fost il-portijiet, u jiġu evitati distorsjonijiet fis-suq intern, il-vjaġġi kollha li jaslu jew jitilqu minn portijiet taħt il-ġuriżdizzjoni tal-Istati Membri, kif ukoll is-soġġorn ta' vapuri f'dawk il-portijiet jenħtieġ li jkunu koperti mir-regoli uniformi li jinsabu f'dan ir-Regolament. Il-Kummissjoni jenħtieġ li tistabbilixxi skema ta' monitoraġġ speċifikament biex tivvaluta r-rilokazzjonijiet tal-emissjonijiet tal-karbonju u tan-negozji, kif ukoll il-prattiki evażivi potenzjali, u tabbozza lista ta' attivitajiet kummerċjali potenzjali li ma jaqgħux taħt attivitajiet kummerċjali sinifikanti mwettqa f'waqfiet f'portijiet ġirien tal-UE. Meta tagħmel dan, jekk jiġu rrappurtati rilokazzjonijiet sinifikanti tal-emissjonijiet tal-karbonju u tan-negozji kif ukoll prattiki evażivi, il-Kummissjoni jenħtieġ li tipproponi miżuri biex tindirizza dawn il-kwistjonijiet.

(4a)

Minħabba li dan ir-Regolament se jimponi kostijiet ta' konformità addizzjonali fuq is-settur, jeħtieġ li jittieħdu azzjonijiet ta' kumpens sabiex jiġi evitat li jiżdied il-livell totali tal-piż regolatorju. Għalhekk jenħtieġ li, qabel l-applikazzjoni ta' dan ir-Regolament, il-Kummissjoni tippreżenta proposti li jikkumpensaw għall-piżijiet regolatorji introdotti minn dan ir-Regolament, permezz tal-emenda jew it-tneħħija ta' dispożizzjonijiet f'atti leġiżlattivi oħra tal-Unjoni li jiġġeneraw piżijiet regolatorji fis-settur marittimu.

(4b)

Sabiex jiġi żgurat il-grad meħtieġ ta' ċertezza legali u ta' investiment, dan ir-Regolament jenħtieġ li jkun allinjat mill-qrib u konsistenti mar-Regolament XXXX-XXX (ir-Regolament dwar l-Infrastruttura tal-Fjuwils Alternattivi), mad-Direttiva 2003/87/KE (EU ETS), mad-Direttiva XXXX-XXX (id-Direttiva dwar l-Enerġija Rinnovabbli), u mad-Direttiva 2003/96/KE (id-Direttiva dwar it-Tassazzjoni fuq l-Enerġija). Tali allinjament jenħtieġ li jirriżulta f'qafas leġiżlattiv koerenti għas-settur tat-tbaħħir, li jikkontribwixxi għal żieda sinifikanti fil-produzzjoni ta' fjuwils alternattivi sostenibbli, jiżgura l-varar tal-infrastruttura meħtieġa u jinċentiva l-użu ta' dawn il-fjuwils f'sehem dejjem jikber ta' bastimenti. Sabiex tiġi żgurata l-konsistenza ġenerali mal-miri klimatiċi, tal-kompetittività u tat-“tkabbir ekonomiku sostenibbli” tal-Unjoni, jenħtieġ li l-impatti klimatiċi u ekonomiċi globali, ikkombinati u kumulattivi ta' dawk l-atti leġiżlattivi jiġu evalwati b'mod komprensiv u kontinwu.

(4c)

L-obbligu tal-portijiet li jfornu provvista tal-enerġija fuq l-art jenħtieġ li jkun akkumpanjat b'obbligu korrispondenti għall-vapuri li jikkonnettjaw mal-infrastruttura tal-iċċarġjar imfassla biex twassal dik il-provvista tal-enerġija waqt li jkunu rmiġġati, sabiex tiġi żgurata l-effettività ta' dik l-infrastruttura u jiġi evitat ir-riskju ta' assi mhux rekuperabbli. Barra minn hekk, jenħtieġ li jsiru sforzi biex jitnaqqsu l-kostijiet assoċjati mal-iċċarġjar fuq l-art billi l-elettriku fornut lill-bastimenti fil-port jiġi eżentat b'mod permanenti mit-tassazzjoni permezz ta' emendi għad-Direttiva XXXX-XXXX (id-Direttiva dwar it-Tassazzjoni fuq l-Enerġija).

(5a)

Biż-żieda fil-kostijiet tat-tbaħħir għall-bastimenti li ma jikkonformawx mar-rekwiżit ta' dan ir-Regolament, jenħtieġ li jiġi indirizzat ir-riskju ta' mġiba evażiva u ċirkomvenzjoni tad-dispożizzjonijiet ta' dan ir-Regolament, b'mod partikolari b'rabta mat-taqsima tal-kummerċ tal-kontejners tal-linja. Il-waqfiet fil-port f'dawk il-portijiet fil-viċinanza tal-Unjoni sabiex jiġu limitati l-kostijiet tal-konformità ma' dan ir-Regolament mhux biss inaqqsu l-benefiċċji ambjentali mistennija u jimminaw b'mod sinifikanti l-objettivi segwiti minn dan ir-Regolament, iżda jistgħu jwasslu għal emissjonijiet addizzjonali minħabba d-distanza żejda vvjaġġata biex tiġi evitata l-applikazzjoni ta' dan ir-Regolament. Għalhekk huwa xieraq li ċerti waqfiet f'portijiet mhux tal-Unjoni jiġu esklużi mill-kunċett ta' port tal-waqfa. Jenħtieġ li dik l-esklużjoni tkun immirata lejn portijiet fil-viċinanza tal-Unjoni fejn ir-riskju ta' evażjoni huwa l-akbar. Limitu ta' 300 mil nawtiku jikkostitwixxi rispons proporzjonat għal dak ir-riskju, u jibbilanċja l-piż addizzjonali u r-riskju ta' evażjoni. Barra minn hekk, l-esklużjoni mill-kunċett ta' port tal-waqfa jenħtieġ li tkun immirata biss lejn vapuri tal-kontejners u portijiet li l-attività ewlenija tagħhom hija t-trażbord tal-kontejners. Għal tali vjeġġi r-riskju ta' evażjoni jikkonsisti wkoll f'ċaqliq tal-hub portwarju lejn portijiet barra mill-Unjoni u dan jaggrava l-effetti tal-evażjoni. Għal din ir-raġuni, u fin-nuqqas ta' skema obbligatorja tal-IMO dwar l-użu ta' fjuwils rinnovabbli u b'livell baxx ta' karbonju għal vjaġġi internazzjonali fil-livell globali b'livell simili ta' ambizzjoni meta mqabbel mar-rekwiżiti stabbiliti f'dan ir-Regolament, jenħtieġ li l-waqfiet ta' vapuri tal-kontejners f'port ġar tat-trażbord ta' kontejners ma jitqisux bħala waqfiet f'portijiet tal-waqfa fis-sens ta' dan ir-Regolament. Sabiex jiġi żgurat li l-miżura tkun proporzjonali għall-objettivi segwiti u tirriżulta fi trattament ugwali, jenħtieġ li jitqiesu l-miżuri f'pajjiżi terzi li jkollhom effett ekwivalenti għal dan ir-Regolament.

(5b)

Sabiex jitqiesu s-sitwazzjoni speċifika tar-reġjuni insulari, kif issottolinjat fl-Artikolu 174 tat-Trattat, u l-ħtieġa li tiġi ppreservata l-konnettività bejn il-gżejjer u r-reġjuni periferiċi mar-reġjuni ċentrali tal-Unjoni, jenħtieġ li jkunu permessi eżenzjonijiet temporanji għal vjaġġi mwettqa minn vapuri tal-passiġġieri għajr vapuri tal-kruċiera bejn port tal-waqfa taħt il-ġuriżdizzjoni ta' Stat Membru u port tal-waqfa taħt il-ġuriżdizzjoni tal-istess Stat Membru li jkun jinsab fi gżira b'inqas minn 100 000  resident permanenti.

(5c)

Filwaqt li jitqiesu l-karatteristiċi speċjali tar-reġjuni ultraperiferiċi tal-Unjoni, b'mod partikolari l-pożizzjoni remota u l-insularità tagħhom, u r-restrizzjonijiet li huma soġġetti għalihom, jenħtieġ li tingħata kunsiderazzjoni speċjali lill-preservazzjoni tal-aċċessibbiltà tagħhom, u l-kapaċità ta' konnessjoni magħhom b'mod effiċjenti permezz tat-trasport marittimu. Għalhekk, fil-kamp ta' applikazzjoni ta' dan ir-Regolament jenħtieġ li tiġi inkluża biss nofs l-enerġija użata fuq vjaġġi li jitilqu minn port tal-waqfa jew li jaslu fih u li jkun jinsab f'reġjun ultraperiferiku. Għall-istess raġuni, jenħtieġ li jkunu permessi eżenzjonijiet temporanji għal vjaġġi bejn port tal-waqfa li jinsab f'reġjun ultraperiferiku u port tal-waqfa ieħor li jinsab f'reġjun ultraperiferiku, u għall-enerġija użata matul is-soġġorn tagħhom fil-portijiet tal-waqfa tar-reġjuni ultraperiferiċi korrispondenti.

(5d)

Biex jiġu żgurati kundizzjonijiet ekwivalenti ta' kompetizzjoni għall-vapuri, inklużi dawk mibnija biex joperaw f'ilmijiet miksija bis-silġ fi triqthom lejn, minn jew bejn portijiet tal-Istati Membri, jenħtieġ li titqies l-informazzjoni speċifika relatata mal-klassi tas-silġ ta' vapur, u man-navigazzjoni tiegħu minn ġos-silġ, meta jiġi kkalkolat it-tnaqqis tal-emissjonijiet ta' gassijiet serra fuq bażi individwali għal kull bastiment, kif ukoll fid-data mmonitorjata u rrappurtata abbażi tar-Regolament (UE) 2015/757.

(6)

Il-persuna jew l-organizzazzjoni responsabbli għall-konformità ma' dan ir-Regolament jenħtieġ li tkun il-kumpanija tat-tbaħħir, iddefinita bħala sid il-vapur jew kwalunkwe organizzazzjoni jew persuna oħra, bħall-maniġer jew in-noleġġatur ta' vapur mingħajr ekwipaġġ, li jkun assuma r-responsabbiltà għat-tħaddim tal-vapur minn sid il-vapur u li, meta jassumi din ir-responsabbiltà, ikun qabel li jassumi d-dmirijiet u r-responsabbiltajiet kollha imposti mill-Kodiċi Internazzjonali ta' Ġestjoni għall-Operazzjoni Sikura tal-Bastimenti u għall-Prevenzjoni tat-Tniġġis. Din id-definizzjoni hija bbażata fuq id-definizzjoni ta' “kumpanija” fl-Artikolu 3, il-punt  (d) tar-Regolament (UE) 2015/757 tal-Parlament Ewropew u tal-Kunsill (21), u f'konformità mas-sistema globali għall-ġbir ta' data stabbilita fl-2016 mill-Organizzazzjoni Marittima Internazzjonali (IMO). F'konformità mal-prinċipju ta' min iniġġes iħallas, il-kumpanija tat-tbaħħir, permezz ta' arranġament kuntrattwali, tista' żżomm lill-entità li tkun direttament responsabbli għad-deċiżjonijiet li jaffettwaw l-intensità tal-gassijiet serra tal-enerġija użata mill-vapur responsabbli għall-kostijiet ta' konformità skont dan ir-Regolament. Din l-entità normalment tkun l-entità responsabbli għall-għażla tal-fjuwil, tar-rotta u tal-veloċità tal-vapur.

(6)

Il-persuna jew l-organizzazzjoni responsabbli għall-konformità ma' dan ir-Regolament jenħtieġ li tkun il-kumpanija tat-tbaħħir, iddefinita bħala sid il-vapur jew kwalunkwe organizzazzjoni jew persuna oħra, bħall-maniġer jew in-noleġġatur ta' vapur mingħajr ekwipaġġ, li tkun assumiet ir-responsabbiltà għat-tħaddim tal-vapur minn sid il-vapur u li, meta tassumi din ir-responsabbiltà, tkun qablet li tassumi d-dmirijiet u r-responsabbiltajiet kollha imposti mill-Kodiċi Internazzjonali ta' Ġestjoni għall-Operazzjoni Sikura tal-Bastimenti u għall-Prevenzjoni tat-Tniġġis. Din id-definizzjoni hija bbażata fuq id-definizzjoni ta' “kumpanija” fl-Artikolu 3, punt  (d) tar-Regolament (UE) 2015/757 tal-Parlament Ewropew u tal-Kunsill (21), u f'konformità mas-sistema globali għall-ġbir ta' data stabbilita fl-2016 mill-Organizzazzjoni Marittima Internazzjonali (IMO). F'konformità mal-prinċipju ta' min iniġġes iħallas, il-kumpanija tat-tbaħħir, permezz ta' arranġament kuntrattwali, tista' żżomm lill-entità li tkun direttament responsabbli għad-deċiżjonijiet li jaffettwaw l-intensità tal-gassijiet serra tal-enerġija użata mill-vapur responsabbli għall-kostijiet ta' konformità skont dan ir-Regolament. Din l-entità normalment tkun l-entità responsabbli għall-għażla tal-fjuwil, tar-rotta u tal-veloċità tal-vapur.

(7)

Sabiex jiġi limitat il-piż amministrattiv, b'mod partikolari dak ta' operaturi iżgħar, jenħtieġ li dan ir-Regolament ma japplikax għal vapuri tal-injam b'binja primittiva u  għal vapuri li ma jitħaddmux b'mezzi mekkaniċi, u jiffoka fuq vapuri b'tunnellaġġ gross ogħla minn 5 000 . Għalkemm dawn il-vapuri tal-aħħar jirrappreżentaw biss madwar 55 % mill-vapuri kollha li jidħlu fil-portijiet skont ir-Regolament (UE) 2015/757 tal-Parlament Ewropew u tal-Kunsill, huma responsabbli għal 90 % tal-emissjonijiet tad-diossidu tal-karbonju (CO2) mis-settur marittimu.

(7)

Sabiex jiġi limitat il-piż amministrattiv, b'mod partikolari dak ta' operaturi iżgħar, jenħtieġ li dan ir-Regolament ma japplikax għal vapuri tal-injam b'binja primittiva u jiffoka fuq vapuri b'tunnellaġġ gross ogħla minn 5 000 . Għalkemm dawn il-vapuri tal-aħħar jirrappreżentaw biss madwar 55 % mill-vapuri kollha li jidħlu fil-portijiet skont ir-Regolament (UE) 2015/757 tal-Parlament Ewropew u tal-Kunsill, huma responsabbli għal 90 % tal-emissjonijiet tad-diossidu tal-karbonju (CO2) mis-settur marittimu.

(7a)

Sabiex tiġi żgurata l-effettività kontinwa ta' dan ir-Regolament, jenħtieġ li l-Kummissjoni timmonitorja l-funzjonament tiegħu, twettaq valutazzjonijiet tal-impatt fir-rigward tal-limitu ta' tunnellaġġ gross u t-tipi ta' bastimenti koperti minn dan ir-Regolament. B'mod partikolari, jenħtieġ li l-Kummissjoni tiddeċiedi jekk hemmx raġunijiet sinifikanti biex tinkludi vapuri iżgħar u tipi addizzjonali ta' vapuri fil-kamp ta' applikazzjoni ta' dan ir-Regolament. B'mod partikolari, jenħtieġ li l-Kummissjoni tqis kunsiderazzjonijiet bħad-disponibbiltà ta' data rilevanti, it-tnaqqis potenzjali tal-emissjonijiet ta' gassijiet serra u l-effettività tat-twessigħ tal-kamp ta' applikazzjoni f'termini ta' impatt klimatiku, l-iskala tal-piż amministrattiv, kif ukoll il-konsegwenzi finanzjarji u soċjali tiegħu.

(9)

Filwaqt li strumenti bħall-ipprezzar tal-karbonju jew miri dwar l-intensità tal-karbonju ta' attività jippromwovu titjib fl-effiċjenza enerġetika, dawn mhumiex adattati biex iwasslu għal bidla sinifikanti lejn fjuwils rinnovabbli u b'livell baxx ta' emissjonijiet tal-karbonju fuq terminu qasir u medju. Għalhekk huwa meħtieġ approċċ regolatorju speċifiku ddedikat għall-użu ta' fjuwils tal-baħar rinnovabbli u b'livell baxx ta' emissjonijiet tal-karbonju u ta' sorsi alternattivi tal-enerġija, bħar-riħ jew l-elettriku.

(9)

Filwaqt li strumenti bħall-ipprezzar tal-karbonju jew miri dwar l-intensità tal-karbonju ta' attività jippromwovu titjib fl-effiċjenza enerġetika, dawn mhumiex adattati biex iwasslu għal bidla sinifikanti lejn fjuwils rinnovabbli u b'livell baxx ta' emissjonijiet tal-karbonju fuq terminu qasir u medju. Għalhekk huwa meħtieġ approċċ regolatorju speċifiku ddedikat għall-użu ta' fjuwils tal-baħar rinnovabbli u b'livell baxx ta' emissjonijiet tal-karbonju u ta' sorsi alternattivi tal-enerġija, bħar-riħ jew l-elettriku. Dak l-approċċ jenħtieġ li jiġi implimentat b'mod ibbażat fuq l-għanijiet, teknoloġikament newtrali u kosteffettiv.

(10)

L-intervent ta' politika biex tiġi stimulata d-domanda għal fjuwils marittimi rinnovabbli u b'livell baxx ta' emissjonijiet tal-karbonju jenħtieġ li jkun ibbażat fuq l-għanijiet u jirrispetta l-prinċipju tan-newtralità teknoloġika. Għaldaqstant, jenħtieġ li jiġu stabbiliti limiti fuq l-intensità tal-gassijiet serra tal-enerġija użata abbord mill-vapuri mingħajr ma jiġi preskritt l-użu ta' kwalunkwe fjuwil jew teknoloġija partikolari.

(10)

L-intervent ta' politika biex tiġi stimulata d-domanda għal fjuwils marittimi rinnovabbli u b'livell baxx ta' emissjonijiet tal-karbonju jenħtieġ li jkun ibbażat fuq l-għanijiet u jirrispetta l-prinċipju tan-newtralità teknoloġika. Għaldaqstant, jenħtieġ li jiġu stabbiliti limiti ambizzjużi, f'konformità mal-għanijiet tal-Ftehim ta' Pariġi, fuq l-intensità tal-gassijiet serra tal-enerġija użata abbord mill-vapuri mingħajr ma jiġi preskritt l-użu ta' kwalunkwe fjuwil jew teknoloġija partikolari.

(10a)

Jenħtieġ li jiġi stabbilit Fond għall-Oċeani ddedikat, li jalloka d-dħul iġġenerat mill-irkant tal-kwoti marittimi fi ħdan l-ETS lura lis-settur marittimu. Il-fondi pprovduti fl-ambitu tal-Fond għall-Oċeani jenħtieġ li jintużaw biex jappoġġaw proġetti u investimenti relatati mat-titjib tal-effiċjenza enerġetika tal-vapuri u tal-portijiet, għat-teknoloġiji u l-infrastruttura innovattivi għad-dekarbonizzazzjoni tat-trasport marittimu, għall-produzzjoni u l-użu ta' fjuwils alternattivi sostenibbli u għall-iżvilupp ta' teknoloġiji ta' propulsjoni b'emissjonijiet żero.

(11)

Jenħtieġ li jiġi promoss l-iżvilupp u l-użu ta' fjuwils rinnovabbli u b'livell baxx ta' emissjonijiet tal-karbonju b'potenzjal għoli għal sostenibbiltà, maturità kummerċjali u potenzjal għoli għall-innovazzjoni u t-tkabbir biex jiġu ssodisfati l-ħtiġijiet futuri. Dan se jappoġġa l-ħolqien ta' swieq tal-fjuwils innovattivi u kompetittivi u jiżgura provvista suffiċjenti ta' fjuwils marittimi sostenibbli fit-terminu qasir u fit-tul, biex jikkontribwixxi għall-ambizzjonijiet tad-dekarbonizzazzjoni tat-trasport tal-Unjoni filwaqt li jsaħħaħ l-isforzi tal-Unjoni lejn livell għoli ta' ħarsien tal-ambjent. Għal dan il-għan, jenħtieġ li jkunu eliġibbli l-fjuwils marittimi sostenibbli prodotti mill-materja prima elenkata fil-Partijiet A u B tal-Anness IX tad-Direttiva (UE) 2018/2001, kif ukoll il-fjuwils marittimi sintetiċi. B'mod partikolari, il-fjuwils marittimi sostenibbli prodotti mill-materja prima elenkata fil-Parti B tal-Anness IX tad-Direttiva (UE) 2018/2001 huma essenzjali, billi attwalment huma l-aktar teknoloġija kummerċjalment matura għad-dekarbonizzazzjoni tat-trasport marittimu fit-terminu qasir.

(11)

Jenħtieġ li jiġi promoss l-iżvilupp u l-użu ta' fjuwils rinnovabbli u b'livell baxx ta' emissjonijiet tal-karbonju u teknoloġiji ta' propulsjoni b'potenzjal għoli għal sostenibbiltà, maturità kummerċjali u potenzjal għoli għall-innovazzjoni u t-tkabbir biex jiġu ssodisfati l-ħtiġijiet futuri. Dan se jappoġġa l-ħolqien ta' swieq tal-fjuwils innovattivi u kompetittivi u jiżgura provvista suffiċjenti ta' fjuwils marittimi sostenibbli fit-terminu qasir u fit-tul, biex jikkontribwixxi għall-ambizzjonijiet tad-dekarbonizzazzjoni tat-trasport tal-Unjoni filwaqt li jsaħħaħ l-isforzi tal-Unjoni lejn livell għoli ta' ħarsien tal-ambjent. Għal dan il-għan, jenħtieġ li jkunu eliġibbli l-fjuwils marittimi sostenibbli prodotti mill-materja prima elenkata fil-Partijiet A u B tal-Anness IX tad-Direttiva (UE) 2018/2001, kif ukoll il-fjuwils marittimi sintetiċi. B'mod partikolari, il-fjuwils marittimi sostenibbli prodotti mill-materja prima elenkata fil-Parti B tal-Anness IX tad-Direttiva (UE) 2018/2001 huma essenzjali, billi attwalment huma l-aktar teknoloġija kummerċjalment matura għad-dekarbonizzazzjoni tat-trasport marittimu fit-terminu qasir.

(11a)

Sabiex jiġu mħeġġa l-iżvilupp bikri tas-suq u l-użu tat-teknoloġiji tal-fjuwil l-aktar sostenibbli u innovattivi b'potenzjal ta' tkabbir biex jiġu ssodisfati l-ħtiġijiet futuri, huwa meħtieġ inċentiv iddedikat għall-fjuwils rinnovabbli ta' oriġini mhux bijoloġika (RFNBO). Din il-familja ta' fjuwils għandha potenzjal għoli li tintroduċi l-enerġija rinnovabbli fit-taħlita tal-fjuwil tal-bastimenti. Fid-dawl tal-kostijiet ta' produzzjoni ferm ogħla għall-RFNBOs fuq terminu qasir u medju, importanti li jiġi żgurat livell ta' domanda li jappoġġa l-investiment f'tali familja ta' fjuwils. Dan ir-Regolament jintroduċi taħlita ta' miżuri biex jiġi żgurat l-appoġġ għall-adozzjoni ta' RFNBOs sostenibbli. Dawn jinkludu (a) multiplikatur sal-2035 biex jiġu ppremjati l-kumpaniji li jiddeċiedu li jagħżlu dawn il-fjuwils minkejja l-prezz relattivament għoli tagħhom, u (b) mill-2030 sehem minimu fiss ta' RFNBOs fit-taħlita tal-enerġija tal-fjuwil. Sabiex tiġi ffaċilitata l-konformità mas-sehem minimu ta' RFNBOs, jenħtieġ li jiġu applikati miżuri ta' flessibbiltà skont l-Artikoli 17 u 18 ta' dan ir-Regolament. Il-kumpaniji jistgħu, permezz ta' arranġamenti kuntrattwali, iżommu lill-fornituri tal-fjuwil responsabbli għall-kostijiet tal-konformità skont dan ir-Regolament, jekk l-RFNBOs ma jkunux ġew ikkonsenjati skont il-kundizzjonijiet miftiehma.

(13)

Madankollu, dan l-approċċ irid ikun aktar strett fis-settur marittimu. Is-settur marittimu attwalment għandu livelli insinifikanti ta' domanda għall-bijofjuwils, il-bijolikwidi u l-fjuwils tal-bijomassa mill-għalf u minn kultivazzjonijiet alimentari , billi aktar minn 99 % mill-fjuwils tal-baħar użati attwalment huma ta' oriġini fossili. Għalhekk, in-nuqqas ta' eliġibbiltà ta' fjuwils mill-għalf u minn kultivazzjonijiet alimentari skont dan ir-Regolament jimminimizza wkoll kwalunkwe riskju ta' tnaqqis fir-ritmu tad-dekarbonizzazzjoni tas-settur tat-trasport, li jista' jirriżulta b'mod ieħor minn trasferiment ta' bijofjuwils minn kultivazzjonijiet alimentari mit-toroq għas-settur marittimu. Huwa essenzjali li jiġi mminimizzat dan it-trasferiment, peress li t-trasport bit-triq attwalment għadu bil-bosta l-aktar settur tat-trasport li jniġġes u t-trasport marittimu attwalment juża, b'mod predominanti, fjuwils ta' oriġini fossili. Għalhekk huwa xieraq li jiġi evitat il-ħolqien ta' domanda potenzjalment kbira ta' bijofjuwils, bijolikwidi u bijomassa mill-għalf u minn kultivazzjonijiet alimentari billi jiġi promoss l-użu tagħhom skont dan ir-Regolament. Għaldaqstant, l-emissjonijiet addizzjonali ta' gassijiet serra u t-telfien tal-bijodiversità kkawżati mit-tipi kollha ta' fjuwils ibbażati fuq l-għelejjel tal-għalf u tal-ikel jeħtieġu li dawn il-fjuwils jitqiesu li għandhom l-istess fatturi ta' emissjoni bħall-perkors l-inqas favorevoli.

(13)

Madankollu, dan l-approċċ irid ikun aktar strett fis-settur marittimu. Is-settur marittimu attwalment għandu livelli insinifikanti ta' domanda għall-bijofjuwils, il-bijolikwidi u l-fjuwils tal-bijomassa bbażati fuq l-għelejjel tal-għalf u tal-ikel , billi aktar minn 99 % tal-fjuwils tal-baħar użati attwalment huma ta' oriġini fossili. Għalhekk, in-nuqqas ta' eliġibbiltà ta' fjuwils ibbażati fuq l-għelejjel tal-għalf u tal-ikel skont dan ir-Regolament jimminimizza wkoll kwalunkwe riskju ta' tnaqqis fir-ritmu tad-dekarbonizzazzjoni tas-settur tat-trasport, li jista' jirriżulta b'mod ieħor minn trasferiment ta' bijofjuwils ibbażati fuq l-għelejjel mit-toroq għas-settur marittimu. Huwa essenzjali li jiġi mminimizzat dan it-trasferiment, peress li t-trasport bit-triq attwalment għadu bil-bosta l-aktar settur tat-trasport li jniġġes u t-trasport marittimu attwalment juża, b'mod predominanti, fjuwils ta' oriġini fossili. Għalhekk huwa xieraq li jiġi evitat il-ħolqien ta' domanda potenzjalment kbira għal bijofjuwils, bijolikwidi u bijomassa bbażati fuq l-għelejjel tal-għalf u tal-ikel billi jiġi promoss l-użu tagħhom skont dan ir-Regolament. Għaldaqstant, l-emissjonijiet addizzjonali ta' gassijiet serra u t-telfien tal-bijodiversità kkawżati mit-tipi kollha ta' fjuwils ibbażati fuq l-għelejjel tal-għalf u tal-ikel jeħtieġu li dawn il-fjuwils jitqiesu li għandhom l-istess fatturi ta' emissjoni bħall-perkors l-inqas favorevoli.

(14)

Iż-żminijiet twal assoċjati mal-iżvilupp u l-użu ta' fjuwils u soluzzjonijiet tal-enerġija ġodda għat-trasport marittimu jeħtieġu azzjoni rapida u l-istabbiliment ta' qafas regolatorju fit-tul ċar u prevedibbli li jiffaċilita l-ippjanar u l-investiment mill-partijiet ikkonċernati kollha kkonċernati . Qafas regolatorju fit-tul ċar u stabbli jiffaċilita l-iżvilupp u l-użu ta' fjuwils u soluzzjonijiet tal-enerġija ġodda għat-trasport marittimu, u jħeġġeġ l-investiment mill-partijiet ikkonċernati. Jenħtieġ li dan il-qafas jiddefinixxi l-limiti għall-intensità tal-gassijiet serra tal-enerġija użata abbord mill-vapuri sal-2050. Jenħtieġ li dawk il-limiti jsiru aktar ambizzjużi maż-żmien biex jirriflettu l-iżvilupp teknoloġiku mistenni u ż-żieda fil-produzzjoni ta' fjuwils tal-baħar rinnovabbli u b'livell baxx ta' emissjonijiet tal-karbonju.

(14)

Iż-żminijiet twal assoċjati mal-iżvilupp u l-użu ta' fjuwils rinnovabbli u soluzzjonijiet tal-enerġija ġodda għat-trasport marittimu , kif ukoll it-tul ta' ħajja medja twila tal-vapuri, li normalment tvarja bejn 25 u 30 sena, jeħtieġu azzjoni rapida u l-istabbiliment ta' qafas regolatorju fit-tul ċar u prevedibbli li jiffaċilita l-ippjanar u l-investiment mill-partijiet ikkonċernati kollha. Qafas regolatorju fit-tul ċar u stabbli jiffaċilita l-iżvilupp u l-użu ta' fjuwils u soluzzjonijiet tal-enerġija ġodda għat-trasport marittimu, u jħeġġeġ l-investiment mill-partijiet ikkonċernati. Jenħtieġ li dan il-qafas jiddefinixxi l-limiti għall-intensità tal-gassijiet serra tal-enerġija użata abbord mill-vapuri , kemm waqt in-navigazzjoni kif ukoll waqt l-irmiġġ, sal-2050. Jenħtieġ li dawk il-limiti jsiru aktar ambizzjużi maż-żmien biex jirriflettu l-iżvilupp teknoloġiku mistenni u ż-żieda fil-produzzjoni ta' fjuwils tal-baħar rinnovabbli u b'livell baxx ta' emissjonijiet tal-karbonju. Biex jiġi żgurat li tinkiseb iċ-ċertezza legali u jitħalla żmien suffiċjenti ħalli s-settur ikun jista' jippjana u jħejji għat-terminu twil, kif ukoll biex jiġu evitati assi mhux rekuperabbli, jenħtieġ li kwalunkwe proposta futura biex jiġi emendat dan ir-Regolament tkun limitata fil-kamp ta' applikazzjoni u jenħtieġ li tevita bidliet sinifikanti tar-rekwiżiti.

(15)

Jenħtieġ li dan ir-Regolament jistabbilixxi l-metodoloġija u l-formula li jenħtieġ li japplikaw biex tiġi kkalkulata l-intensità medja annwali tal-gassijiet serra tal-enerġija użata abbord minn vapur. Jenħtieġ li din il-formula tkun ibbażata fuq il-konsum tal-fjuwil irrappurtat mill-vapuri u tqis il-fatturi ta' emissjoni rilevanti ta' dawn il-fjuwils. Jenħtieġ li l-użu ta' sorsi alternattivi tal-enerġija, bħar-riħ jew l-elettriku, jiġi rifless ukoll fil-metodoloġija.

(15)

Jenħtieġ li dan ir-Regolament jistabbilixxi l-metodoloġija u l-formula li jenħtieġ li japplikaw biex tiġi kkalkulata l-intensità medja annwali tal-gassijiet serra tal-enerġija użata abbord minn vapur. Jenħtieġ li din il-formula tkun ibbażata fuq il-konsum tal-fjuwil irrappurtat mill-vapuri u tqis il-fatturi ta' emissjoni rilevanti ta' dawn il-fjuwils. Jenħtieġ li l-użu ta' sorsi alternattivi tal-enerġija, bħall-enerġija mir-riħ jew mix-xemx, l-enerġija ġġenerata abbord, jew l-elettriku pprovdut waqt l-irmiġġ , jiġi rifless ukoll fil-metodoloġija.

(16)

Sabiex tingħata stampa aktar sħiħa tal-prestazzjoni ambjentali tad-diversi sorsi tal-enerġija, jenħtieġ li l-prestazzjoni tal-gassijiet serra tal-fjuwils tiġi vvalutata fuq bażi well-to-wake, billi jitqiesu l-impatti tal-produzzjoni, it-trasport, id-distribuzzjoni u l-użu tal-enerġija abbord. Dan għandu l-għan li jinċentiva t-teknoloġiji u l-perkorsi ta' produzzjoni li jipprovdu impronta tal-gassijiet serra aktar baxxa u benefiċċji reali meta mqabbla mal-fjuwils konvenzjonali eżistenti.

(16)

Sabiex tingħata stampa aktar sħiħa tal-prestazzjoni ambjentali tad-diversi sorsi tal-enerġija, jenħtieġ li l-prestazzjoni tal-gassijiet serra tal-fjuwils tiġi vvalutata fuq bażi well-to-wake, billi jitqiesu l-impatti tal-produzzjoni, it-trasport, id-distribuzzjoni u l-użu tal-enerġija abbord , b'kont meħud tal-impronti tad-diversi stadji taċ-ċiklu tal-ħajja tal-fjuwils . Dan għandu l-għan li jinċentiva t-teknoloġiji u l-perkorsi ta' produzzjoni li jipprovdu impronta tal-gassijiet serra aktar baxxa u benefiċċji reali meta mqabbla mal-fjuwils konvenzjonali eżistenti.

(17)

Jenħtieġ li l-prestazzjoni well-to-wake tal-fjuwils marittimi rinnovabbli u b'livell baxx ta' emissjonijiet tal-karbonju tiġi stabbilita permezz ta' fatturi ta' emissjoni prestabbiliti jew attwali u ċċertifikati li jkopru l-emissjonijiet well-to-tank u tank-to-wake. Madankollu, jenħtieġ li l-prestazzjoni tal-fjuwils fossili tiġi vvalutata biss permezz tal-użu ta' fatturi ta' emissjoni prestabbiliti kif previst f'dan ir-Regolament.

(17)

Jenħtieġ li l-prestazzjoni well-to-wake tal-fjuwils marittimi tiġi stabbilita permezz ta' fatturi ta' emissjoni prestabbiliti jew attwali u ċċertifikati li jkopru l-emissjonijiet well-to-tank u tank-to-wake.

(21)

L-użu ta' provvista tal-enerġija fuq l-art (OPS) inaqqas it-tniġġis tal-arja prodott mill-vapuri u jnaqqas ukoll l-ammont ta' emissjonijiet ta' gassijiet serra ġġenerati mit-trasport marittimu. L-OPS jirrappreżenta provvista tal-enerġija dejjem aktar nadifa disponibbli għall-vapuri rmiġġati, fid-dawl tas-sehem dejjem akbar tal-enerġija rinnovabbli fit-taħlita tal-elettriku tal-UE. Filwaqt li huwa biss il-forniment ta' punti ta' konnessjoni tal-OPS li huwa kopert mid-Direttiva 2014/94/UE (id-Direttiva dwar Infrastruttura tal-Karburanti Alternattivi – AFD), id-domanda għal u, b'riżultat ta' dan, l-użu ta' din it-teknoloġija baqa' limitat . Għalhekk jenħtieġ li jiġu stabbiliti regoli speċifiċi biex jiġi awtorizzat l-użu tal-OPS mill-vapuri l-aktar niġġiesa.

(21)

L-użu ta' provvista tal-enerġija fuq l-art (OPS) inaqqas it-tniġġis tal-arja prodott mill-vapuri rmiġġati u jnaqqas ukoll l-ammont ta' emissjonijiet ta' gassijiet serra ġġenerati mit-trasport marittimu waqt l-irmiġġ . L-OPS tirrappreżenta provvista tal-enerġija dejjem aktar nadifa disponibbli għall-vapuri rmiġġati, fid-dawl tal-ishma dejjem akbar tal-enerġija rinnovabbli u tas-sorsi tal-enerġija ħielsa mill-fjuwils fossili fit-taħlita tal-elettriku tal-UE. Filwaqt li huwa biss il-forniment ta' punti ta' konnessjoni tal-OPS li huwa kopert mid-Direttiva 2014/94/UE (id-Direttiva dwar Infrastruttura tal-Karburanti Alternattivi – AFD), id-domanda għal u, b'riżultat ta' dan, l-użu ta' din it-teknoloġija baqgħu limitati . Sabiex jiġi żgurat li t-tniġġis tal-arja waqt l-irmiġġ jitnaqqas u li l-infrastruttura tal-OPS tkun ekonomikament vijabbli u twassal għal redditu fuq l-investiment, jenħtieġ li jiġu stabbiliti regoli speċifiċi biex jiġi awtorizzat l-użu tal-OPS mill-vapuri l-aktar niġġiesa f'sitwazzjonijiet fejn dak l-użu jnaqqas l-emissjonijiet b'mod effettiv u b'kost raġonevoli .

(22)

Minbarra l-OPS, teknoloġiji oħra jistgħu jkunu kapaċi joffru benefiċċji ambjentali ekwivalenti fil-portijiet. Meta jintwera li l-użu ta' teknoloġija alternattiva huwa ekwivalenti għall-użu tal-OPS, jenħtieġ li vapur ikun eżentat milli juża l-OPS.

(22)

Minbarra l-OPS, teknoloġiji b'emissjonijiet żero oħra jistgħu jkunu kapaċi joffru benefiċċji ambjentali ekwivalenti fil-portijiet. Meta jintwera li l-użu ta' teknoloġija alternattiva huwa ekwivalenti għall-użu tal-OPS f'termini ta' tniġġis tal-arja u tnaqqis tal-emissjonijiet ta' gassijiet serra , jenħtieġ li vapur ikun eżentat milli juża l-OPS.

(23)

Jenħtieġ li jiġu pprovduti wkoll eċċezzjonijiet għall-użu tal-OPS għal għadd ta' raġunijiet oġġettivi, iċċertifikati mill-korp maniġerjali tal-port tal-waqfa u limitati għal waqfiet mhux skedati f'port għal raġunijiet ta' sikurezza jew ta' salvataġġ tal-ħajja fuq il-baħar, għal soġġorni qosra ta' vapuri rmiġġati ta' inqas minn sagħtejn, peress li dan huwa l-ħin minimu meħtieġ għall-konnessjoni, u għall-użu tal-ġenerazzjoni tal-enerġija abbord f'sitwazzjonijiet ta' emerġenza.

(23)

Jenħtieġ li jiġu pprovduti wkoll eċċezzjonijiet għall-użu tal-OPS għal għadd ta' raġunijiet oġġettivi, iċċertifikati mill-korp maniġerjali tal-port tal-waqfa , mill-operatur tat-terminal jew mill-awtorità kompetenti, skont il-mudell ta' governanza għall-portijiet fl-Istati Membri differenti. Dawn l-eċċezzjonijiet jenħtieġ li jkunu limitati għal waqfiet mhux skedati f'port għal raġunijiet ta' sikurezza jew salvataġġ tal-ħajja fuq il-baħar, għal soġġorni qosra ta' vapuri rmiġġati ta' inqas minn sagħtejn peress li dan huwa l-ħin minimu meħtieġ għall-konnessjoni, u għall-użu tal-ġenerazzjoni tal-enerġija abbord f'sitwazzjonijiet ta' emerġenza. Jekk ikun impossibbli li tiġi fornuta biżżejjed enerġija fuq l-art minħabba kapaċità dgħajfa fil-grilja lokali konnessa mal-port, jenħtieġ li dan ma jitqiesx bħala nuqqas la min-naħa tal-port u lanqas min-naħa tas-sid jew tal-operatur tal-vapur li jikkonformaw mar-rekwiżiti ta' dan ir-Regolament, dment li l-kapaċità insuffiċjenti tal-grilja lokali tkun debitament attestata mill-maniġer tal-grilja lill-verifikaturi.

(24)

Jenħtieġ li l-eċċezzjonijiet f'każ ta' nuqqas ta' disponibbiltà jew ta' inkompatibbiltà tal-OPS ikunu limitati wara li l-operaturi tal-vapuri u tal-portijiet ikunu ngħataw biżżejjed żmien biex jagħmlu l-investimenti meħtieġa, sabiex jiġu pprovduti l-inċentivi meħtieġa għal dawk l-investimenti u tiġi evitata kompetizzjoni inġusta. Mill-2035, jenħtieġ li l-operaturi tal-vapuri jippjanaw bir-reqqa l-waqfiet tagħhom f'port biex jiżguraw li jkunu jistgħu jwettqu l-attivitajiet tagħhom mingħajr l-emissjoni ta' sustanzi li jniġġsu fl-arja u ta' gassijiet serra waqt l-irmiġġ, u b'hekk jikkompromettu l-ambjent fiż-żoni kostali u fil-bliet b'portijiet . Jenħtieġ li jinżamm għadd limitat ta' eċċezzjonijiet f'każ ta' nuqqas ta' disponibbiltà jew ta' inkompatibbiltà tal-OPS, sabiex tingħata l-possibbiltà ta' bidliet okkażjonali tal-aħħar minuta fl-iskedi tal-waqfiet f'port u ta' waqfiet f'portijiet b'tagħmir inkompatibbli.

(24)

Jenħtieġ li l-eċċezzjonijiet f'każ ta' nuqqas ta' disponibbiltà jew ta' inkompatibbiltà tal-OPS ikunu limitati wara li l-operaturi tal-vapuri u tal-portijiet ikunu ngħataw biżżejjed żmien biex jagħmlu l-investimenti meħtieġa, sabiex jiġu pprovduti l-inċentivi meħtieġa għal dawk l-investimenti u tiġi evitata kompetizzjoni inġusta. Sabiex tiġi żgurata interoperabbiltà sħiħa, jenħtieġ li l-portijiet jgħammru l-irmiġġi tagħhom, u s-sidien tal-vapuri jgħammru l-bastimenti tagħhom, b'installazzjonijiet tal-enerġija li jikkonformaw mal-istandards applikabbli. Mill-2035, jenħtieġ li l-operaturi tal-vapuri jippjanaw bir-reqqa l-waqfiet tagħhom fil-portijiet TEN-T koperti mir-Regolament XXXX-XXX (ir-Regolament dwar l-Infrastruttura tal-Fjuwils Alternattivi) biex jiżguraw li jkunu jistgħu jwettqu l-attivitajiet tagħhom mingħajr l-emissjoni ta' sustanzi li jniġġsu fl-arja u ta' gassijiet serra waqt l-irmiġġ, u b'hekk jikkompromettu l-ambjent fiż-żoni kostali u fil-bliet portwarji . Jenħtieġ li jinżamm għadd limitat ta' eċċezzjonijiet f'każ ta' nuqqas ta' disponibbiltà jew ta' inkompatibbiltà tal-OPS, sabiex tingħata l-possibbiltà ta' bidliet okkażjonali tal-aħħar minuta fl-iskedi tal-waqfiet f'port u ta' waqfiet f'portijiet b'tagħmir inkompatibbli. Sabiex jittaffa r-riskju ta' assi mhux rekuperabbli, l-inkompatibbiltà tal-infrastruttura tal-OPS abbord u fl-irmiġġ kif ukoll id-domanda għall-fjuwil alternattiv u l-iżbilanċi fil-provvista, jenħtieġ li jiġu organizzati laqgħat ta' konsultazzjoni frekwenti bejn il-partijiet ikkonċernati rilevanti biex jiddiskutu u jieħdu deċiżjonijiet dwar ir-rekwiżiti u l-pjanijiet futuri.

(24a)

Il-miri għall-forniment ta' OPS stabbiliti fir-Regolament XXXX-XXX (ir-Regolament dwar l-Infrastruttura tal-Fjuwils Alternattivi) iqisu t-tipi ta' bastimenti moqdija u l-volumi tat-traffiku rispettivi tal-portijiet marittimi. Jenħtieġ li r-rekwiżit li l-vapuri jikkonnettjaw ma' OPS waqt l-irmiġġ ma japplikax għall-bastimenti meta jieqfu f'portijiet barra mill-kamp ta' applikazzjoni tar-rekwiżit ta' OPS ta' dak ir-Regolament, sakemm il-port ma jkollux OPS installata u disponibbli fil-post tal-irmiġġ miżjur. Jekk vapur jieqaf f'port mhux TEN-T fejn tkun disponibbli OPS, il-vapur jenħtieġ li jikkonnettja mal-OPS waqt li jkun irmiġġat.

(24b)

Anke jekk l-OPS hija għodda importanti biex jitnaqqsu l-emissjonijiet lokali ta' sustanzi li jniġġsu fl-arja, il-potenzjal tagħha li tnaqqas l-emissjonijiet tal-gassijiet serra jiddependi kompletament mit-taħlita tal-enerġija li tiġi fornuta permezz tal-kejbils. Biex jisfruttaw il-potenzjal klimatiku u ambjentali sħiħ tal-OPS, jenħtieġ li l-Istati Membri jżidu l-kapaċità u l-konnettività tal-grilji elettriċi u jkomplu jnaqqsu l-intensità tal-gassijiet serra tat-taħlitiet tal-enerġija tagħhom, sabiex jipprovdu lill-portijiet elettriku bi prezzijiet raġonevoli, prevedibbli u ħieles mill-fjuwils fossili.

(24c)

Jenħtieġ li l-implimentazzjoni ta' dan ir-Regolament tqis kif xieraq il-mudelli ta' governanza diversi għall-portijiet fl-Unjoni kollha, b'mod partikolari fir-rigward tar-responsabbiltà għall-ħruġ ta' ċertifikat li jeżenta lil bastiment mill-obbligu ta' konnessjoni ma' OPS.

(24d)

Il-koordinament bejn il-portijiet u l-operaturi tal-vapuri huwa kruċjali biex jiġu żgurati proċeduri ta' konnessjoni bla xkiel mal-enerġija fuq l-art fil-portijiet. L-operaturi tal-vapuri jenħtieġ li jinfurmaw lill-portijiet li jidħlu fihom dwar l-intenzjonijiet tagħhom li jikkonnettjaw mal-enerġija fuq l-art, u l-ammont ta' enerġija li jeħtieġu matul il-waqfa speċifika, b'mod partikolari meta dan l-ammont jaqbeż il-ħtiġijiet stmati għal din il-kategorija ta' vapur.

(25)

Jenħtieġ li tiġi stabbilita sistema robusta ta' monitoraġġ, rappurtar u verifika permezz ta' dan ir-Regolament sabiex tiġi traċċata l-konformità mad-dispożizzjonijiet tiegħu. Jenħtieġ li din is-sistema tapplika b'mod mhux diskriminatorju għall-vapuri kollha u teħtieġ verifika minn parti terza biex tiġi żgurata l-akkuratezza tad-data sottomessa fi ħdan din is-sistema. Sabiex tiġi ffaċilitata l-kisba tal-objettiv ta' dan ir-Regolament, jenħtieġ li kwalunkwe data diġà rrappurtata għall-finijiet tar-Regolament (UE) 2015/757 tintuża, fejn ikun meħtieġ, biex tiġi vverifikata l-konformità ma' dan ir-Regolament sabiex jiġi limitat il-piż amministrattiv impost fuq il-kumpaniji, il-verifikaturi u l-awtoritajiet marittimi.

(25)

Jenħtieġ li tiġi stabbilita sistema robusta u trasparenti ta' monitoraġġ, rappurtar u verifika permezz ta' dan ir-Regolament sabiex tiġi traċċata l-konformità mad-dispożizzjonijiet tiegħu. Jenħtieġ li din is-sistema tapplika b'mod mhux diskriminatorju għall-vapuri kollha u teħtieġ verifika minn parti terza biex tiġi żgurata l-akkuratezza tad-data sottomessa fi ħdan din is-sistema. Sabiex tiġi ffaċilitata l-kisba tal-objettiv ta' dan ir-Regolament, jenħtieġ li kwalunkwe data diġà rrappurtata għall-finijiet tar-Regolament (UE) 2015/757 tintuża, fejn ikun meħtieġ, biex tiġi vverifikata l-konformità ma' dan ir-Regolament sabiex jiġi limitat il-piż amministrattiv impost fuq il-kumpaniji, il-verifikaturi u l-awtoritajiet marittimi.

(26)

Jenħtieġ li l-kumpaniji jkunu responsabbli għall-monitoraġġ u r-rappurtar tal-ammont u t-tip ta' enerġija użata abbord minn vapuri fin-navigazzjoni u rmiġġati, kif ukoll informazzjoni rilevanti oħra, bħal informazzjoni dwar it-tip ta' magna abbord jew il-preżenza ta' teknoloġiji ta' assistenza mir-riħ, bil-għan li tintwera l-konformità mal-limitu fuq l-intensità tal-gassijiet serra tal-enerġija użata abbord minn vapur stipulat minn dan ir-Regolament. Biex jiġi ffaċilitat l-issodisfar ta' dawn l-obbligi ta' monitoraġġ u rappurtar u l-proċess ta' verifika mill-verifikaturi, b'mod simili għar-Regolament (UE) 2015/757, jenħtieġ li l-kumpaniji jiddokumentaw il-metodu ta' monitoraġġ previst u jipprovdu aktar dettalji dwar l-applikazzjoni tar-regoli ta' dan ir-Regolament fi pjan ta' monitoraġġ. Jenħtieġ li l-pjan ta' monitoraġġ, kif ukoll il-modifiki sussegwenti tiegħu, jekk ikun applikabbli, jiġu sottomessi lill-verifikatur.

(26)

Jenħtieġ li l-kumpaniji jkunu responsabbli għall-monitoraġġ u r-rappurtar tal-ammont u t-tip ta' enerġija użata abbord minn vapuri fin-navigazzjoni u rmiġġati, kif ukoll informazzjoni rilevanti oħra, bħal informazzjoni dwar it-tip ta' magna abbord u l-ispeċifikazzjoni teknika tat-teknoloġiji ta' assistenza mir-riħ , jew kwalunkwe sors alternattiv ta' enerġija preżenti abbord , bil-għan li tintwera l-konformità mal-limitu fuq l-intensità tal-gassijiet serra tal-enerġija użata abbord minn vapur stipulat minn dan ir-Regolament. Biex jiġi ffaċilitat l-issodisfar ta' dawn l-obbligi ta' monitoraġġ u rappurtar u l-proċess ta' verifika mill-verifikaturi, b'mod simili għar-Regolament (UE) 2015/757, jenħtieġ li l-kumpaniji jiddokumentaw il-metodu ta' monitoraġġ previst u jipprovdu aktar dettalji dwar l-applikazzjoni tar-regoli ta' dan ir-Regolament fi pjan ta' monitoraġġ. Jenħtieġ li l-pjan ta' monitoraġġ, kif ukoll il-modifiki sussegwenti tiegħu, jekk ikun applikabbli, jiġu sottomessi lill-verifikatur.

(27)

Iċ-ċertifikazzjoni tal-fjuwils hija essenzjali biex jintlaħqu l-objettivi ta' dan ir-Regolament u biex tiġi ggarantita l-integrità ambjentali tal-fjuwils rinnovabbli u b'livell baxx ta' emissjonijiet tal-karbonju li huma mistennija jintużaw fis-settur marittimu. Din iċ-ċertifikazzjoni jenħtieġ li ssir permezz ta' proċedura trasparenti u mhux diskriminatorja. Bil-għan li tiġi ffaċilitata ċ-ċertifikazzjoni u li jiġi limitat il-piż amministrattiv, jenħtieġ li ċ-ċertifikazzjoni tal-bijofjuwils, tal-bijogass, tal-fjuwils rinnovabbli ta' oriġini mhux bijoloġika u tal-fjuwils tal-karbonju riċiklat tiddependi mir-regoli stabbiliti mid-Direttiva (UE) 2018/2001. Jenħtieġ li dan l-approċċ ta' ċertifikazzjoni japplika wkoll għall-bunkering ta' fjuwils barra mill-Unjoni, li jenħtieġ li jitqiesu bħala fjuwils importati, b'mod simili għad-Direttiva (UE) 2018/2001. Meta l-kumpaniji jkunu biħsiebhom jitbiegħdu mill-valuri prestabbiliti previsti minn dik id-Direttiva jew minn dan il-qafas il-ġdid, jenħtieġ li dan isir biss meta l-valuri jkunu jistgħu jiġu ċċertifikati minn waħda mill-iskemi volontarji rikonoxxuti skont id-Direttiva (UE) 2018/2001 (għall-valuri well-to-tank) jew permezz ta' ttestjar fil-laboratorju jew kejl dirett tal-emissjonijiet (tank-to-wake).

(27)

Iċ-ċertifikazzjoni u l-monitoraġġ robusti tal-fjuwils huma essenzjali biex jintlaħqu l-objettivi ta' dan ir-Regolament u biex tiġi ggarantita l-integrità ambjentali tal-fjuwils rinnovabbli u b'livell baxx ta' emissjonijiet tal-karbonju li huma mistennija jintużaw fis-settur marittimu. Jenħtieġ li tali ċertifikazzjoni ssir permezz ta' proċedura trasparenti u mhux diskriminatorja. Bil-għan li tiġi ffaċilitata ċ-ċertifikazzjoni u li jiġi limitat il-piż amministrattiv, jenħtieġ li ċ-ċertifikazzjoni tal-bijofjuwils, tal-bijogass, tal-fjuwils rinnovabbli ta' oriġini mhux bijoloġika u tal-fjuwils tal-karbonju riċiklat tiddependi mir-regoli stabbiliti mid-Direttiva (UE) 2018/2001. Jenħtieġ li dan l-approċċ ta' ċertifikazzjoni japplika wkoll għall-bunkering ta' fjuwils barra mill-Unjoni, li jenħtieġ li jitqiesu bħala fjuwils importati, b'mod simili għad-Direttiva (UE) 2018/2001. Meta l-kumpaniji jkunu biħsiebhom jitbiegħdu mill-valuri prestabbiliti previsti minn dik id-Direttiva jew minn dan il-qafas il-ġdid, jenħtieġ li dan isir biss meta l-valuri jkunu jistgħu jiġu ċċertifikati minn waħda mill-iskemi volontarji rikonoxxuti skont id-Direttiva (UE) 2018/2001 (għall-valuri well-to-tank) jew permezz ta' kejl dirett tal-emissjonijiet (tank-to-wake).

(27a)

L-affidabbiltà u l-akkuratezza tal-informazzjoni dwar il-karatteristiċi tal-fjuwils huma essenzjali għall-infurzar ta' dan ir-Regolament. Jenħtieġ li l-fornituri tal-fjuwil li jkun ġie ppruvat li pprovdew informazzjoni qarrieqa jew mhux preċiża dwar l-intensità tal-gassijiet serra tal-fjuwils li jfornu jiġu soġġetti għal penali. Jenħtieġ li l-fornituri tal-fjuwil li jkunu pprovdew ripetutament informazzjoni falza jew qarrieqa jiġu esklużi mill-iskemi ta' ċertifikazzjoni stipulati fid-Direttiva (UE) 2018/2001 (id-Direttiva dwar l-Enerġija Rinnovabbli). F'każijiet bħal dawn, kwalunkwe fjuwil miġbur mill-faċilitajiet tagħhom jenħtieġ li jiġi kkunsidrat li għandu l-istess fattur ta' emissjoni daqs l-inqas fjuwil fossili favorevoli.

(28)

Jenħtieġ li l-verifika minn verifikaturi akkreditati tiżgura l-akkuratezza u l-kompletezza tal-monitoraġġ u tar-rappurtar mill-kumpaniji, kif ukoll il-konformità ma' dan ir-Regolament. Sabiex tiġi żgurata l-imparzjalità, jenħtieġ li l-verifikaturi jkunu entitajiet ġuridiċi indipendenti u kompetenti u jenħtieġ li jiġu akkreditati minn korpi nazzjonali ta' akkreditament stabbiliti skont ir-Regolament (KE) Nru 765/2008 tal-Parlament Ewropew u tal-Kunsill (24).

(28)

Jenħtieġ li l-verifika minn verifikaturi akkreditati tiżgura l-akkuratezza u l-kompletezza tal-monitoraġġ u tar-rappurtar mill-kumpaniji, kif ukoll il-konformità ma' dan ir-Regolament. Sabiex jiġu żgurati l-imparzjalità u l-effettività , jenħtieġ li l-verifikaturi jkunu entitajiet ġuridiċi indipendenti u kompetenti u jenħtieġ li jiġu akkreditati u ssorveljati minn korpi nazzjonali ta' akkreditament stabbiliti skont ir-Regolament (KE) Nru 765/2008 tal-Parlament Ewropew u tal-Kunsill (24).

(31a)

Il-kumpaniji u l-fornituri tal-fjuwil jistgħu, permezz ta' arranġamenti kuntrattwali, jaqblu dwar impenji reċiproċi biex jipproduċu, ifornu u jixtru kwantitajiet predeterminati ta' ċerti fjuwils. Jenħtieġ li tali arranġamenti kuntrattwali jkopru wkoll ir-responsabbiltà u jistabbilixxu l-kundizzjonijiet għal kumpens finanzjarju f'każijiet fejn il-fjuwils ma jkunux magħmula disponibbli kif maqbul.

(36)

Il-penali imposti għal kull waqfa mhux konformi f'port jenħtieġ li jkunu proporzjonati mal-kost tal-użu tal-elettriku u f'livell suffiċjenti biex ikollhom effett dissważiv mill-użu ta' sorsi ta' enerġija aktar niġġiesa. Il-penali jenħtieġ li jkunu bbażati fuq il-kapaċità installata abbord il-bastiment, espressa f'megawatts, immultiplikata b'piena fissa f'EUR għal kull siegħa ta' soġġorn fl-irmiġġ. Minħabba n-nuqqas ta' ċifri preċiżi dwar il-kost tal-forniment ta' OPS fl-Unjoni, din ir-rata jenħtieġ li tkun ibbażata fuq il-prezz medju tal-elettriku tal-UE għall-konsumaturi mhux domestiċi mmultiplikat b'fattur ta' tnejn, biex jittieħed kont ta' imposti oħra relatati mal-forniment tas-servizz, inklużi fost l-oħrajn il-kostijiet tal-konnessjoni u l-irkupru tal-investiment.

(36)

Il-penali imposti għal kull waqfa mhux konformi f'port jenħtieġ li jkunu proporzjonati mal-kost tal-użu tal-elettriku u f'livell suffiċjenti biex ikollhom effett dissważiv mill-użu ta' sorsi ta' enerġija aktar niġġiesa. Il-penali jenħtieġ li jkunu bbażati fuq il-kapaċità installata abbord il-bastiment, espressa f'megawatts, immultiplikata b'piena fissa f'EUR għal kull siegħa ta' soġġorn fl-irmiġġ. Minħabba n-nuqqas ta' ċifri preċiżi dwar il-kost tal-forniment ta' OPS fl-Unjoni, din ir-rata jenħtieġ li tkun ibbażata fuq il-prezz medju tal-elettriku tal-UE għall-konsumaturi mhux domestiċi l-aktar aġġornat, immultiplikat b'fattur ta' tnejn, biex jittieħed kont ta' imposti oħra relatati mal-forniment tas-servizz, inklużi fost l-oħrajn il-kostijiet tal-konnessjoni u l-irkupru tal-investiment.

(37)

Id-dħul iġġenerat mill-ħlas ta' penali jenħtieġ li jintuża biex jippromwovi d-distribuzzjoni u l-użu ta' fjuwils rinnovabbli u  b'livell baxx ta' emissjonijiet tal-karbonju fis-settur marittimu u  biex jgħin lill-operaturi marittimi jilħqu l-għanijiet klimatiċi u ambjentali tagħhom . Għal dan il-għan, dan id-dħul jenħtieġ li jiġi allokat lill-Fond għall-Innovazzjoni msemmi fl-Artikolu  10a(8) tad-Direttiva 2003/87/KE.

(37)

Id-dħul iġġenerat mill-ħlas ta' penali jenħtieġ li jiġi allokat lis-settur marittimu u jintuża biex jippromwovi d-dekarbonizzazzjoni tiegħu, inkluż l-appoġġ għall-iżvilupp, il-produzzjoni u  l-varar ta' fjuwils alternattivi, għall-infrastruttura tal-fjuwils alternattivi u  għall-infrastruttura tal-OPS, kif ukoll għal teknoloġiji innovattivi ġodda . Għal dan il-għan, dan id-dħul jenħtieġ li jiġi allokat lill-Fond għall-Oċeani msemmi fl-Artikolu  3gab tad-Direttiva 2003/87/KE.

(39)

Minħabba l-importanza tal-konsegwenzi li jista' jkollhom il-miżuri meħuda mill-verifikaturi skont dan ir-Regolament għall-kumpaniji kkonċernati, b'mod partikolari rigward id-determinazzjoni ta' waqfiet mhux konformi f'port, il-kalkolu tal-ammonti ta' penali u r-rifjut li jinħareġ ċertifikat tal-konformità FuelEU, dawk il-kumpaniji jenħtieġ li jkunu intitolati japplikaw għal rieżami ta' dawn il-miżuri mal-awtorità kompetenti fl-Istat Membru fejn ikun ġie akkreditat il-verifikatur. Fid-dawl tad-dritt fundamentali għal rimedju effettiv, minqux fl-Artikolu 47 tal-Karta tad-Drittijiet Fundamentali tal-Unjoni Ewropea, id-deċiżjonijiet meħuda mill-awtoritajiet kompetenti u mill-korpi maniġerjali tal-port skont dan ir-Regolament jenħtieġ li jkunu soġġetti għal rimedju ġudizzjarju, imwettaq f'konformità mad-dritt nazzjonali tal-Istat Membru kkonċernat.

(39)

Minħabba l-importanza tal-konsegwenzi li jista' jkollhom il-miżuri meħuda mill-verifikaturi skont dan ir-Regolament għall-kumpaniji kkonċernati, b'mod partikolari rigward id-determinazzjoni ta' waqfiet mhux konformi f'port, il-ġbir ta' informazzjoni għall-kalkolu tal-ammonti ta' penali u r-rifjut li jinħareġ ċertifikat tal-konformità FuelEU, dawk il-kumpaniji jenħtieġ li jkunu intitolati japplikaw għal rieżami ta' dawn il-miżuri mal-awtorità kompetenti fl-Istat Membru fejn ikun ġie akkreditat il-verifikatur. Fid-dawl tad-dritt fundamentali għal rimedju effettiv, minqux fl-Artikolu 47 tal-Karta tad-Drittijiet Fundamentali tal-Unjoni Ewropea, id-deċiżjonijiet meħuda mill-awtoritajiet kompetenti u mill-korpi maniġerjali tal-port skont dan ir-Regolament jenħtieġ li jkunu soġġetti għal rimedju ġudizzjarju, imwettaq f'konformità mad-dritt nazzjonali tal-Istat Membru kkonċernat.

(40)

Sabiex jinżammu kundizzjonijiet ekwivalenti ta' kompetizzjoni permezz tal-funzjonament effiċjenti ta' dan ir-Regolament, is-setgħa ta' adozzjoni ta' atti f'konformità mal-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi ddelegata lill-Kummissjoni fir-rigward tal-emenda tal-lista ta' fatturi tal-emissjoni well-to-wake, tal-emenda tal-lista tat-teknoloġiji b'emissjonijiet żero applikabbli jew tal-kriterji għall-użu tagħhom, biex jiġu stabbiliti r-regoli dwar it-twettiq tal-ittestjar fil-laboratorju u l-kejl dirett tal-emissjonijiet, l-adattament tal-fattur ta' penali, l-akkreditament tal-verifikaturi, l-adattament tal-fattur ta' penali, u l-modalitajiet għall-ħlas tal-penali. Huwa ta' importanza partikolari li l-Kummissjoni twettaq konsultazzjonijiet xierqa waqt il-ħidma ta' tħejjija tagħha, anke fil-livell ta' esperti, u li dawk il-konsultazzjonijiet jitwettqu f'konformità mal-prinċipji stabbiliti fil-Ftehim Interistituzzjonali dwar it-Tfassil Aħjar tal-Liġijiet tat-13 ta' April 2016. B'mod partikolari, biex tiġi żgurata parteċipazzjoni ugwali fit-tħejjija tal-atti delegati, il-Parlament Ewropew u l-Kunsill jirċievu d-dokumenti kollha fl-istess ħin bħall-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi ta' esperti tal-Kummissjoni li jittrattaw it-tħejjija ta' atti delegati.

(40)

Sabiex jinżammu kundizzjonijiet ekwivalenti ta' kompetizzjoni permezz tal-funzjonament effiċjenti ta' dan ir-Regolament, is-setgħa ta' adozzjoni ta' atti f'konformità mal-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi ddelegata lill-Kummissjoni fir-rigward tal-emenda tal-lista ta' fatturi tal-emissjoni well-to-wake, tal-emenda tal-lista tat-teknoloġiji b'emissjonijiet żero applikabbli jew tal-kriterji għall-użu tagħhom, biex jiġu stabbiliti r-regoli dwar iċ-ċertifikazzjoni tal-emissjonijiet attwali well-to-tank, ir-regoli dwar it-twettiq tal-kejl dirett tal-emissjonijiet, l-adattament tal-fattur ta' penali, l-akkreditament tal-verifikaturi, l-adattament tal-fattur ta' penali, u l-modalitajiet għall-ħlas tal-penali. Huwa ta' importanza partikolari li l-Kummissjoni twettaq konsultazzjonijiet xierqa waqt il-ħidma ta' tħejjija tagħha, anke fil-livell ta' esperti, u li dawk il-konsultazzjonijiet jitwettqu f'konformità mal-prinċipji stabbiliti fil-Ftehim Interistituzzjonali dwar it-Tfassil Aħjar tal-Liġijiet tat-13 ta' April 2016. B'mod partikolari, biex tiġi żgurata parteċipazzjoni ugwali fit-tħejjija tal-atti delegati, il-Parlament Ewropew u l-Kunsill jirċievu d-dokumenti kollha fl-istess ħin bħall-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi ta' esperti tal-Kummissjoni li jittrattaw it-tħejjija ta' atti delegati.

(42)

Minħabba d-dimensjoni internazzjonali tas-settur marittimu, huwa preferibbli approċċ globali għal-limitazzjoni tal-intensità tal-gassijiet serra tal-enerġija użata mill-vapuri, billi dan jista' jitqies bħala aktar effettiv minħabba l-kamp ta' applikazzjoni usa' tiegħu. F'dan il-kuntest, u bil-ħsieb li jiġi ffaċilitat l-iżvilupp ta' regoli internazzjonali fi ħdan l-Organizzazzjoni Marittima Internazzjonali (IMO), il-Kummissjoni jenħtieġ li tikkondividi informazzjoni rilevanti dwar l-implimentazzjoni ta' dan ir-Regolament mal-IMO u ma' korpi internazzjonali rilevanti oħra, u jenħtieġ li jsiru s-sottomissjonijiet rilevanti lill-IMO. Meta jintlaħaq ftehim dwar approċċ globali dwar kwistjonijiet ta' rilevanza għal dan ir-Regolament, il-Kummissjoni jenħtieġ li tirrieżamina dan ir-Regolament bl-għan li tallinjah , fejn ikun xieraq, mar-regoli internazzjonali.

(42)

Minħabba d-dimensjoni internazzjonali tas-settur marittimu, huwa preferibbli approċċ globali għal-limitazzjoni tal-intensità tal-gassijiet serra tal-enerġija użata mill-vapuri, billi dan ikun aktar effettiv b'mod sinifikanti minħabba l-kamp ta' applikazzjoni usa' tiegħu. F'dan il-kuntest, u bil-ħsieb li jiġi ffaċilitat l-iżvilupp ta' regoli internazzjonali fi ħdan l-Organizzazzjoni Marittima Internazzjonali (IMO), il-Kummissjoni jenħtieġ li tikkondividi informazzjoni rilevanti dwar l-implimentazzjoni ta' dan ir-Regolament mal-IMO u ma' korpi internazzjonali rilevanti oħra, u jenħtieġ li jsiru s-sottomissjonijiet rilevanti lill-IMO , bit-tkomplija tal-isforzi tal-UE biex tippromwovi miri tad-dekarbonizzazzjoni marittima ambizzjużi fuq livell internazzjonali . Meta jintlaħaq ftehim dwar approċċ globali dwar kwistjonijiet ta' rilevanza għal dan ir-Regolament, il-Kummissjoni jenħtieġ li tirrieżamina dan ir-Regolament biex tallinjah mar-regoli internazzjonali.

(42a)

Sabiex jiġu żgurati kundizzjonijiet ekwivalenti ta' kompetizzjoni internazzjonali u jiġi mmassimizzat l-impatt ambjentali tal-leġiżlazzjoni dwar il-fjuwils rinnovabbli u b'livell baxx ta' karbonju, il-Kummissjoni u l-Istati Membri jenħtieġ li jippromwovu fi ħdan l-IMO u organizzazzjonijiet internazzjonali oħra, sistemi ta' ċertifikazzjoni u monitoraġġ robusti għall-fjuwils rinnovabbli.

(42b)

Il-Kummissjoni jenħtieġ li tiżgura l-implimentazzjoni u d-disponibbiltà tal-għodod għall-kollaborazzjoni u l-iskambju tal-aħjar prattiki għas-settur tat-trasport marittimu, kif definit fil-“Linji Gwida għal Regolamentazzjoni Aħjar”  (1a) .

(43)

L-użu ta' fjuwils rinnovabbli u b'livell baxx ta' emissjonijiet tal-karbonju u ta' sorsi alternattivi tal-enerġija minn vapuri li jaslu fi, jkunu fi jew jitilqu minn portijiet taħt il-ġuriżdizzjoni ta' Stat Membru madwar l-Unjoni, mhuwiex objettiv li jista' jintlaħaq b'mod suffiċjenti mill-Istati Membri mingħajr ma jirriskjaw li jintroduċu ostakli għas-suq intern u distorsjonijiet tal-kompetizzjoni bejn il-portijiet u bejn l-operaturi marittimi. Dan l-objettiv jista' jintlaħaq aħjar billi jiġu introdotti regoli uniformi fil-livell tal-Unjoni li joħolqu inċentivi ekonomiċi għall-operaturi marittimi biex ikomplu joperaw mingħajr tfixkil filwaqt li jissodisfaw l-obbligi dwar l-użu ta' fjuwils rinnovabbli u b'livell baxx ta' emissjonijiet tal-karbonju. Għaldaqstant, l-Unjoni tista' tadotta miżuri, f'konformità mal-prinċipju tas-sussidjarjetà kif stipulat fl-Artikolu 5 tat-Trattat dwar l-Unjoni Ewropea. F'konformità mal-prinċipju tal-proporzjonalità, kif stipulat f'dak l-Artikolu, dan ir-Regolament ma jmurx lil hinn minn dak li huwa meħtieġ sabiex jintlaħaq dak l-objettiv,

(43)

L-iżvilupp u l-użu fuq skala kbira ta' fjuwils rinnovabbli u b'livell baxx ta' emissjonijiet tal-karbonju u ta' sorsi alternattivi tal-enerġija minn vapuri li jaslu fi, ikunu fi jew jitilqu minn portijiet taħt il-ġuriżdizzjoni ta' Stat Membru madwar l-Unjoni, mhumiex objettiv li jista' jintlaħaq b'mod suffiċjenti mill-Istati Membri mingħajr ma jirriskjaw li jintroduċu ostakli għas-suq intern u distorsjonijiet tal-kompetizzjoni bejn il-portijiet u bejn l-operaturi marittimi. Dan l-objettiv jista' jintlaħaq aħjar billi jiġu introdotti regoli uniformi fil-livell tal-Unjoni li joħolqu inċentivi ekonomiċi għall-operaturi marittimi biex ikomplu joperaw mingħajr tfixkil filwaqt li jissodisfaw l-obbligi dwar l-użu ta' fjuwils rinnovabbli u b'livell baxx ta' emissjonijiet tal-karbonju. Għaldaqstant, l-Unjoni tista' tadotta miżuri, f'konformità mal-prinċipju tas-sussidjarjetà kif stipulat fl-Artikolu 5 tat-Trattat dwar l-Unjoni Ewropea. F'konformità mal-prinċipju tal-proporzjonalità, kif stipulat f'dak l-Artikolu, dan ir-Regolament ma jmurx lil hinn minn dak li huwa meħtieġ sabiex jintlaħaq dak l-objettiv,

(a)

il-limitu fuq l-intensità tal-gassijiet serra (“GHG”) tal-enerġija użata abbord minn vapur li jasal, ikun fi jew jitlaq minn portijiet taħt il-ġuriżdizzjoni ta' Stat Membru u

(a)

limitu fuq l-intensità tal-gassijiet serra (“GHG”) tal-enerġija użata abbord minn vapur li jasal, ikun fi jew jitlaq minn portijiet taħt il-ġuriżdizzjoni ta' Stat Membru u

(b)

l-obbligu li tintuża provvista tal-enerġija fuq l-art jew teknoloġija b'emissjonijiet żero fil-portijiet taħt il-ġuriżdizzjoni ta' Stat Membru,

(b)

obbligu li tintuża provvista tal-enerġija fuq l-art jew teknoloġija b'emissjonijiet żero fil-portijiet taħt il-ġuriżdizzjoni ta' Stat Membru.

(b)

tal-enerġija kollha użata fuq vjaġġi minn port tal-waqfa taħt il-ġuriżdizzjoni ta' Stat Membru lejn port tal-waqfa taħt il-ġuriżdizzjoni ta' Stat Membru, u

(b)

tal-enerġija kollha użata fuq vjaġġi minn port tal-waqfa taħt il-ġuriżdizzjoni ta' Stat Membru lejn port tal-waqfa taħt il-ġuriżdizzjoni ta' Stat Membru,

(ba)

nofs l-enerġija użata fuq vjaġġi li jitilqu minn jew jaslu f'port tal-waqfa li jinsab f'reġjun ultraperiferiku taħt il-ġuriżdizzjoni ta' Stat Membru, u

(c)

ta' nofs l-enerġija użata fuq vjaġġi li jitilqu minn jew li jaslu f'port tal-waqfa taħt il-ġuriżdizzjoni ta' Stat Membru, fejn l-aħħar port tal-waqfa jew dak sussegwenti jkun taħt il-ġuriżdizzjoni ta' pajjiż terz.

(h)

“sorsi alternattivi tal-enerġija” tfisser enerġija rinnovabbli mir-riħ jew mix-xemx iġġenerata abbord jew elettriku fornut minn provvista tal-enerġija fuq l-art;

(h)

“sorsi alternattivi tal-enerġija” tfisser enerġija rinnovabbli ġġenerata abbord jew elettriku fornut minn provvista tal-enerġija fuq l-art;

(ha)

“propulsjoni tar-riħ” jew “propulsjoni assistita mir-riħ” tfisser teknika ta' propulsjoni li tikkontribwixxi primarjament jew b'mod awżiljarju għall-propulsjoni ta' kwalunkwe tip ta' bastiment permezz tal-enerġija mir-riħ, li tiġi utilizzata meta l-vapur ikun qed ibaħħar;

(i)

“port tal-waqfa” tfisser port tal-waqfa kif iddefinit fl-Artikolu 3 , il-punt (b) tar-Regolament (UE) 2015/757;

(i)

“port tal-waqfa” tfisser port fejn bastiment jieqaf biex jgħabbi jew iħott parti sostanzjali mill-merkanzija tiegħu jew biex jimbarka jew jiżbarka passiġġieri; u konsegwentement, huma esklużi waqfiet għall-finijiet uniċi ta' riforniment ta' fjuwil, akkwist ta' provvisti, bdil ta' ekwipaġġ, dħul f'baċiri jew tiswijiet lill-vapur jew lit-tagħmir tiegħu, waqfiet f'port minħabba li l-vapur ikun jeħtieġ assistenza jew jinsab fil-periklu, trażbordi minn vapur għal vapur barra mill-portijiet, waqfiet għall-iskop uniku ta' rifuġju minn temp ħażin jew li jsiru meħtieġa minħabba attivitajiet ta' tiftix u salvataġġ u waqfiet ta' vapuri tal-kontejners f'port ġar tat-trażbord tal-kontejners;

(m)

“vapur irmiġġat” tfisser vapur irmiġġat kif iddefinit fl-Artikolu 3 , il-punt (n) tar-Regolament (UE) 2015/757 ;

(m)

“vapur irmiġġat” tfisser vapur li jkun irmiġġat b'mod sikur mal-moll f'port li jaqa' taħt il-ġuriżdizzjoni ta' Stat Membru waqt li jkun qed jgħabbi , iħott, waqt l-imbark jew l-iżbark ta' passiġġieri jew waqt attivitajiet ta' akkomodazzjoni ta' persuni, inkluż il-ħin li fih ma jkunx involut fl-operazzjonijiet tal-merkanzija jew tal-passiġġieri ;

(n)

“użu tal-enerġija abbord” tfisser l-ammont ta' enerġija, espress f'mega joules (MJ), użat minn vapur għall-propulsjoni u għat-tħaddim ta' kwalunkwe tagħmir abbord, fuq il-baħar jew fl-irmiġġ;

(n)

“użu tal-enerġija abbord” tfisser l-ammont ta' enerġija, espress f'mega joules (MJ), użat minn vapur għall-propulsjoni u għat-tħaddim ta' kwalunkwe tagħmir abbord, fuq il-baħar jew fl-irmiġġ mingħajr l-enerġija addizzjonali użata minħabba l-karatteristiċi tekniċi ta' vapur li jkollu l-klassi ta' silġ IA jew IA Super jew klassi ekwivalenti ta' silġ, u mingħajr l-enerġija addizzjonali użata minn vapur li jkollu l-klassi ta' silġ IC, IB, IA jew IA Super jew klassi ekwivalenti ta' silġ minħabba t-tbaħħir f'kundizzjonijiet ta' silġ ;

(qa)

“klassi tas-silġ” tfisser l-indikazzjoni mogħtija lill-bastiment mill-awtoritajiet nazzjonali kompetenti tal-Istat tal-bandiera, jew minn organizzazzjoni rikonoxxuta minn dak l-Istat, li turi li l-bastiment ġie mfassal għan-navigazzjoni f'kondizzjonijiet ta' silġ fuq il-baħar.

(qb)

“tbaħħir f'kundizzjonijiet tas-silġ” tfisser it-tbaħħir ta' vapur tal-klassi tas-silġ f'żona tal-baħar fil-limitu tas-silġ;

(qc)

“limitu tas-silġ” tfisser id-demarkazzjoni fi kwalunkwe mument partikolari bejn l-ibħra miftuħa u s-silġ tal-baħar ta' kwalunkwe tip, sew jekk fiss kif ukoll iżomm f'wiċċ l-ilma;

(r)

“provvista tal-enerġija fuq l-art” tfisser is-sistema ta' provvista tal-elettriku lill-vapuri rmiġġati, b'voltaġġ baxx jew għoli u b'kurrent alternat jew dirett, inklużi installazzjonijiet fuq in-naħa tal-vapur u fuq ix-xatt, meta tkun qed tiġi alimentata direttament l-iswiċċbord ta' distribuzzjoni ewlenija tal-vapur biex tingħata enerġija lit-tagħbijiet tal-lukanda u tas-servizz, jew biex jiġu ċċarġjati l-batteriji sekondarji;

(r)

“provvista tal-enerġija fuq l-art” tfisser is-sistema ta' provvista tal-elettriku lill-vapuri rmiġġati, b'voltaġġ baxx jew għoli u b'kurrent alternat jew dirett, inklużi installazzjonijiet fissi, fuq wiċċ l-ilma u mobbli fuq in-naħa tal-vapur u fuq ix-xatt, li talimenta l-iswiċċbord ta' distribuzzjoni ewlenija tal-vapur biex tingħata enerġija lit-tagħbijiet tal-lukanda u tas-servizz, jew biex jiġu ċċarġjati l-batteriji sekondarji;

—

- 13 % mill-1 ta' Jannar 2035;

—

- 20  % mill-1 ta' Jannar 2035;

—

-26  % mill-1 ta' Jannar 2040;

—

-38  % mill-1 ta' Jannar 2040;

—

- 59  % mill-1 ta' Jannar 2045;

—

- 64  % mill-1 ta' Jannar 2045;

—

- 75  % mill-1 ta' Jannar 2050.

—

- 80  % mill-1 ta' Jannar 2050.

—

ikun hemm tħassib serju dwar il-kapaċità tal-produzzjoni, id-disponibbiltà jew il-prezz tal-RFNBOs, jew;

—

ikun hemm tnaqqis sostanzjali fil-kostijiet u disponibbiltà ġeografikament komprensiva tal-RFNBOs u l-ħtieġa li jiżdied il-livell ta' subkwota biex jintlaħqu l-miri klimatiċi tal-Unjoni.

(b)

li jużaw teknoloġiji b'emissjonijiet żero, kif speċifikat fl-Anness III;

(b)

li jużaw teknoloġiji b'emissjonijiet żero, kif speċifikat fl-Anness III dment li kontinwament jiksbu emissjonijiet li huma ekwivalenti għat-tnaqqis tal-emissjonijiet li jinkiseb kieku tintuża l-provvista tal-enerġija fuq l-art ;

(d)

li ma jkunux jistgħu jikkonnettjaw mal-provvista tal-enerġija fuq l-art minħabba li ma jkunx hemm punti ta' konnessjoni disponibbli f'port;

(d)

li ma jkunux jistgħu jikkonnettjaw mal-provvista tal-enerġija fuq l-art minħabba li ma jkunx hemm punti ta' konnessjoni disponibbli f'port , inkluż minħabba nuqqas (temporanju) ta' kapaċità fil-grilja, inkluż matul l-ogħla domandi (staġjonali) tal-enerġija min-naħa tal-vapuri waqt li jkunu rmiġġati ;

(e)

li ma jkunux jistgħu jikkonnettjaw mal-provvista tal-enerġija fuq l-art minħabba li l-installazzjoni fil-port ma tkunx kompatibbli mat-tagħmir tal-elettriku mix-xatt li jkun hemm abbord;

(e)

li ma jkunux jistgħu jikkonnettjaw mal-provvista tal-enerġija fuq l-art minħabba li l-installazzjoni fil-port ma tkunx kompatibbli mat-tagħmir tal-elettriku mix-xatt li jkun hemm abbord , dment li l-installazzjoni għall-konnessjoni mal-art abbord il-vapur tkun iċċertifikata skont l-istandards speċifikati fl-Anness II tar-Regolament XXXX-XXX (Regolament dwar l-Infrastruttura tal-Fjuwils Alternattivi) għas-sistemi ta' konnessjoni mal-art tal-vapuri li jbaħħru ;

(e)

deskrizzjoni tas-sors(i) intenzjonat(i) ta' enerġija li għandha/għandhom tintuża/jintużaw abbord waqt in-navigazzjoni u mal-irmiġġ biex ikun hemm konformità mar-rekwiżiti stipulati fl-Artikoli 4 u 5;

(e)

deskrizzjoni tas-sors(i) intenzjonat(i) ta' enerġija li għandha/għandhom tintuża/jintużaw abbord waqt in-navigazzjoni u mal-irmiġġ biex ikun hemm konformità mar-rekwiżiti stipulati fl-Artikoli 4 u 5 , kif ukoll fl-Annessi I u III, respettivament ;

(k)

deskrizzjoni tal-metodu li għandu jintuża biex tiġi ddeterminata d-data ta' sostituzzjoni għall-eliminazzjoni ta' lakuni fid-data;

(k)

deskrizzjoni tal-metodu li għandu jintuża biex tiġi ddeterminata d-data ta' sostituzzjoni għall-eliminazzjoni ta' lakuni fid-data jew għall-identifikazzjoni u l-korrezzjoni tal-iżbalji tad-data ;

(a)

informazzjoni dwar il-klassi ta' silġ tal-vapur;

(b)

deskrizzjoni tal-proċedura għall-monitoraġġ tad-distanza vvjaġġata tul il-vjaġġ kollu; u

(c)

fit-tbaħħir f'kundizzjonijiet ta' silġ, id-data u l-ħin fit-tbaħħir f'kundizzjonijiet ta' silġ, il-konsum tal-fjuwil u l-enerġija pprovduta minn sorsi alternattivi tal-enerġija, jew teknoloġija b'emissjonijiet żero kif speċifikat fl-Anness III fit-tbaħħir f'kundizzjonijiet ta' silġ.

(ea)

fejn il-metodi għall-prevenzjoni tal-lakuni fid-data u għall-identifikazzjoni tal-iżbalji fid-data jkunu nstabu li mhumiex adegwati biex jiżguraw is-solidità u t-trasparenza tad-data.

(d)

l-użu ta' provvista tal-enerġija fuq l-art jew il-preżenza ta' eċċezzjonijiet iċċertifikati f'konformità mal-Artikolu 5(5).

(d)

l-użu ta' provvista tal-enerġija fuq l-art jew il-preżenza ta' eċċezzjonijiet elenkati fl-Artikolu 5(3) kif iċċertifikati f'konformità mal-Artikolu 5(5).

(d)

ir-reġistri rilevanti tal-vapur huma kompleti u konsistenti.

(d)

ir-reġistri rilevanti tal-vapur huma kompleti , trasparenti u konsistenti.

(a)

ikollu l-għarfien dwar it-tbaħħir;

(b)

ikun mgħammar f'kull ħin b'persunal sinifikanti fil-qasam tekniku u ta' appoġġ, b'mod proporzjonat mal-ammont ta' bastimenti li jivverifika;

(c)

ikun kapaċi, meta u kif ikun meħtieġ, jassenja lil kull post tax-xogħol il-mezzi u l-persunal b'mod proporzjonat mal-kompiti li jridu jitwettqu f'konformità mad-diversi kompiti elenkati fil-Kapitolu V ta' dan ir-Regolament.

(c)

l-ammont ta' kull tip ta' fjuwil ikkunsmat fl-irmiġġ u fuq il-baħar;

(c)

l-ammont ta' kull tip ta' fjuwil ikkunsmat fl-irmiġġ u fuq il-baħar , inkluż l-ammont ta' elettriku meħud fl-irmiġġ għall-finijiet ta' navigazzjoni ;

(d)

il-fatturi ta' emissjoni well-to-wake għal kull tip ta' fjuwil ikkunsmat waqt l-irmiġġ u fuq il-baħar, analizzati skont l-emissjonijiet well-to-tank, tank-to-wake u l-emissjonijiet li jaħarbu, fejn jiġu koperti l-gassijiet serra rilevanti kollha;

(d)

il-fatturi ta' emissjoni well-to-wake għal kull tip ta' fjuwil , inkluż l-elettriku li jkun ittieħed minn provvista tal-enerġija fuq l-art, ikkunsmat waqt l-irmiġġ u fuq il-baħar, analizzati skont l-emissjonijiet well-to-tank, tank-to-wake u l-emissjonijiet li jaħarbu, fejn jiġu koperti l-gassijiet serra rilevanti kollha;

(e)

l-ammont ta' kull tip ta' sors alternattiv tal-enerġija kkunsmat waqt l-irmiġġ u fuq il-baħar.

(e)

l-ammont ta' kull tip ta' sors alternattiv tal-enerġija kkunsmat waqt l-irmiġġ u fuq il-baħar , inklużi l-fjuwils, l-elettriku, l-enerġija mir-riħ u l-enerġija mix-xemx .

(a)

il-klassi ta' silġ tal-bastiment;

(b)

id-data u l-ħin waqt tbaħħir f'kundizzjonijiet ta' silġ;

(c)

l-ammont ta' kull tip ta' fjuwil ikkunsmat waqt tbaħħir f'kundizzjonijiet ta' silġ;

(d)

l-ammont ta' kull tip ta' sors alternattiv tal-enerġija kkunsmat waqt tbaħħir f'kundizzjonijiet ta' silġ;

(e)

id-distanza vvjaġġata fit-tbaħħir f'kundizzjonijiet ta' silġ;

(f)

id-distanza koperta matul il-vjaġġ;

(g)

l-ammont ta' kull tip ta' fjuwil ikkunsmat fuq il-baħar; u

(h)

l-ammont ta' kull tip ta' sors alternattiv tal-enerġija kkunsmat fuq il-baħar.

(ca)

jikkompila dik l-informazzjoni, ipprovduta skont l-Artikolu 14(3), u jibgħatha lill-awtorità kompetenti tal-Istat Membru.

(d)

jikkalkula l-ammont tal-penali msemmija fl-Artikolu 20(1) u (2).

(a)

f'każ ta' kumpanija tat-tbaħħir irreġistrata fi Stat Membru, l-Istat Membru li fih tkun irreġistrata l-kumpanija tat-tbaħħir;

(b)

f'każ ta' kumpanija tat-tbaħħir li ma tkunx irreġistrata fi Stat Membru, l-Istat Membru bl-akbar għadd stmat ta' waqfiet f'port minn vjaġġi mwettqa minn dik il-kumpanija tat-tbaħħir fl-aħħar sentejn ta' monitoraġġ u li jaqgħu fil-kamp ta' applikazzjoni stabbilit fl-Artikolu 2;

(c)

f'każ ta' kumpanija tat-tbaħħir li ma tkunx irreġistrata fi Stat Membru u li ma tkun wettqet l-ebda vjaġġ li jaqa' fil-kamp ta' applikazzjoni stabbilit fl-Artikolu 2 fis-sentejn ta' monitoraġġ preċedenti, l-awtorità amministrattiva għandha tkun l-Istat Membru minn fejn il-kumpanija tat-tbaħħir tkun bdiet l-ewwel vjaġġ tagħha fil-kamp ta' applikazzjoni stabbilit fl-Artikolu 2;

(aa)

għall-kamp ta' applikazzjoni ta' dan ir-Regolament f'termini ta':

(ab)

il-valuri prestabbiliti pprovduti fl-Anness II, abbażi tal-aktar għarfien u evidenza xjentifiċi preċiżi disponibbli;

(ac)

il-lista ta' sustanzi li jniġġsu koperti minn dan ir-Regolament, b'mod partikolari l-possibbiltà li jiġu inklużi l-emissjonijiet ta' karbonju iswed;

(b)

għat-tipi ta' vapur li għalihom japplika l-Artikolu 5(1);

(b)

estensjoni tat-tipi ta' vapur li għalihom japplika l-Artikolu 5(1);

(ca)

il-metodoloġija speċifikata fl-Anness I.

A.

Formula għall-kalkolu tal-bilanċ tal-konformità tal-vapur

a)

Bilanċ ta' konformità fir-rigward tal-intensità tal-gassijiet serra tal-vapur, skont l-Artikolu 4.2

b)

Bilanċ ta' konformità fir-rigward tal-kwota tal-RFNBO, skont l-Artikolu 4a(3)

B.

Formula għall-kalkolu tal-penali stabbiliti fl-Artikolu 20(1)

a)

Penali ta' rimedju fir-rigward tal-bilanċ ta' konformità għall-intensità tal-gassijiet serra tal-vapur, skont l-Artikolu 4.2

b)

Penali ta' rimedju fir-rigward tal-kwota tal-RFNBO, skont l-Artikolu 4a(3)