|
9.3.2021 |
GA |
Iris Oifigiúil an Aontais Eorpaigh |
L 81/65 |
TREOIR CUR CHUN FEIDHME (AE) 2021/415 ÓN gCOIMISIÚN
an 8 Márta 2021
lena leasaítear Treoracha 66/401/CEE agus 66/402/CEE ón gComhairle chun grúpaí tacsanomaíocha agus ainmneacha speiceas áirithe síolta agus fiailí a oiriúnú don dul chun cinn atá déanta san eolas eolaíoch agus teicniúil
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Threoir 66/401/CEE ón gComhairle an 14 Meitheamh 1966 maidir le síol plandaí farae a mhargú (1), agus go háirithe Airteagal 2(1)(A)(a) agus Airteagal 21a de,
Ag féachaint do Threoir 66/402/CEE ón gComhairle an 14 Meitheamh 1966 maidir le síol gránach a mhargú (2), agus go háirithe Airteagal 2(1)(A) agus Airteagal 21a de,
De bharr an mhéid seo a leanas:
|
(1) |
I bhfianaise an dul chun cinn atá déanta san eolas eolaíoch, rinneadh athbhreithniú ar na hainmneacha luibheolaíocha atá ar feisciú crua agus broimfhéar, chomh maith leis na hainmneacha luibheolaíocha atá ar chruithneacht, cruithneacht chrua, speilt, sorgam agus sorgam Súdánach, i gcomhréir le rialacha an Chóid Idirnáisiúnta um Ainmníocht le haghaidh algaí, fungas agus plandaí. |
|
(2) |
Rinneadh athbhreithniú ar an ainm luibheolaíoch ar fheisciú crua ós rud é gur foilsíodh go bailí an t-ainm Festuca trachyphylla (Hack.) Hack. níos luaithe ná an t-ainm Festuca trachyphylla (Hack.) Krajina. Níor foilsíodh Elytrigia repens, mar an t-ainm luibheolaíoch ar bhroimfhéir, go bailí. Ina ionad sin, leagadh síos Elymus repens mar an t-ainm luibheolaíoch bailí ar an speicis sin. |
|
(3) |
Le cur chuige géanóm-bhunaithe agus fíligineacht-bhunaithe maidir le tacsanomaíocht na speiceas Triticum, tá sé deimhnithe anois gur fospeicis de speicis eile iad an chruithneacht chrua agus an speilt, rudaí a measadh a bheith ina speicis neamhspleácha roimhe seo. Dá bhrí sin, rinneadh athbhreithniú ar an ainm luibheolaíoch a bhí ar chruithneacht chrua roimhe seo, Triticum durum, agus is é Triticum turgidum L. subsp. durum (Desf.) van Slageren an t-ainm nua atá aici. Rinneadh athbhreithniú ar an ainm luibheolaíoch a bhí ar speilt, Triticum spelta L., agus is é Triticum aestivum L. subsp. spelta (L.) Thell. an t-ainm nua atá aici anois. Mar iarmhairt ar speilt a bheith ina fospeiceas den chruithneacht, rinneadh an grúpa plandaí darbh ainm Triticum aestivum L a athainmniú i gcomhréir le rialacha an Chóid Idirnáisiúnta um Ainmníocht le haghaidh algaí, fungas agus plandaí agus is é Triticum aestivum L. subsp. Aestivum an t-ainm nua atá aige. |
|
(4) |
Níor foilsíodh go bailí an t-ainm luibheolaíoch a bhí ar shorgam Súdánach, Sorghum sudanense (Piper) Stapf„ agus is é Sorghum bicolor (L.) Moench subsp. drummondii (Steud.) de Wet ex Davidse atá leagtha síos anois mar an t-ainm luibheolaíoch bailí ar an ngrúpa plandaí sin i gcomhréir le rialacha an Chóid Idirnáisiúnta um Ainmníocht le haghaidh algaí, fungas agus plandaí. Mar iarmhairt ar leibhéal tacsanomaíoch fospeicis sorgaim a bheith ag sorgam Súdánach, rinneadh athbhreithniú ar an ainm luibheolaíoch a bhí ar shorgam, Sorghum bicolor (L.) Moench, i gcomhréir le rialacha an Chóid Idirnáisiúnta um Ainmníocht le haghaidh algaí, fungas agus plandaí, agus is é Sorghum bicolor (L.) Moench subsp. Bicolor.. an t-ainm luibheolaíoch atá air anois. |
|
(5) |
Ba cheart, dá bhrí sin, Treoracha 66/401/CEE agus 66/402/CEE a leasú chun na hathruithe sin a léiriú. |
|
(6) |
Tá na bearta dá bhforáiltear sa Treoir seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN TREOIR SEO A GHLACADH:
Airteagal 1
Leasuithe ar Threoir 66/401/CEE
Leasaítear Treoir 66/401/CEE mar a leanas:
|
(1) |
in Airteagal 2(1)(A)(a), cuirtear an méid seo a leanas in ionad an séú sainmhíniú déag:
|
|
(2) |
Leasaítear Iarscríbhinn II i gcomhréir le Cuid A den Iarscríbhinn a ghabhann leis an Treoir seo. |
Airteagal 2
Leasuithe ar Threoir 66/402/CEE
Leasaítear Treoir 66/402/CEE mar a leanas:
|
(1) |
Leasaítear Airteagal 2(1)(A) mar a leanas:
|
|
(2) |
Leasaítear Iarscríbhinní I, II agus III i gcomhréir le Cuid B den Iarscríbhinn a ghabhann leis an Treoir seo. |
Airteagal 3
Trasuí
1. Na forálacha reachtaíochta, rialúcháin agus riaracháin is gá chun an Treoir seo a chomhlíonadh, déanfaidh na Ballstáit iad a ghlacadh agus a fhoilsiú faoin 31 Eanáir 2022 ar a dhéanaí. Cuirfidh siad téacs na bhforálacha sin in iúl don Choimisiún láithreach.
Cuirfidh siad na forálacha sin i bhfeidhm ón 1 Feabhra 2022.
Nuair a ghlacfaidh na Ballstáit na forálacha sin, beidh tagairt iontu don Treoir seo nó beidh tagairt den sórt sin ag gabháil leo tráth a bhfoilsithe oifigiúil. Is iad na Ballstáit a chinnfidh an bealach le tagairt den sórt sin a dhéanamh.
2. Déanfaidh na Ballstáit téacs phríomhfhorálacha an dlí náisiúnta a ghlacfaidh siad sa réimse a chumhdaítear leis an Treoir seo a chur in iúl don Choimisiún.
Airteagal 4
Teacht i bhfeidhm
Tiocfaidh an Treoir seo i bhfeidhm an fichiú lá tar éis lá a foilsithe in Iris Oifigiúil an Aontais Eorpaigh.
Airteagal 5
Seolaithe
Is chuig na Ballstáit a dhírítear an Treoir seo.
Arna dhéanamh sa Bhruiséil, 8 Márta 2021.
Thar ceann an Choimisiúin
An tUachtarán
Ursula VON DER LEYEN
IARSCRÍBHINN
Cuid A – Leasuithe ar Iarscríbhinn II a ghabhann le Treoir 66/401/CEE
Cuirtear an méid seo a leanas in ionad cheannteideal cholún 7 sa tábla i bpointe I(2)(A), agus in ionad cheannteideal cholún 5 sa tábla i bpointe II(2)(A):
“ Elymus repens ”.
Cuid B – Leasuithe ar Iarscríbhinní I, II agus III a ghabhann le Treoir 66/402/CEE
|
(1) |
Leasaítear Iarscríbhinn I mar a leanas:
|
|
(2) |
leasaítear Iarscríbhinn II mar a leanas:
|
|
(3) |
In Iarscríbhinn III leasaítear an tábla mar a leanas:
|