1.   Beidh feidhm ag an Rialachán seo maidir leis an méid seo a leanas:

2.   Beidh feidhm ag mír 1 ar an gcoinníoll gur fíor an méid seo a leanas i leith paisinéirí:

3.   Ní bheidh feidhm ag an Rialachán seo maidir le paisinéirí atá ag taisteal saor in aisce nó ar tháille laghdaithe nach bhfuil ar fáil, go díreach nó go hindíreach, don phobal, seachas:

4.   Gan dochar d’Airteagal 8(2), an chéad fhomhír, pointe (e), ní bheidh feidhm ag an Rialachán seo ach maidir le paisinéirí arna n-iompar in aerárthach mótarthrealmhaithe ag a bhfuil sciatháin dhobhogtha.

5.   Mura sonraítear a mhalairt, beidh an t-aeriompróir oibriúcháin freagrach as na hoibleagáidí de bhun an Rialacháin seo a chomhlíonadh.

6.   Gan dochar d’Airteagal 12 den Rialachán seo, beidh feidhm ag an Rialachán seo freisin maidir le paisinéirí a iompraítear ar eitilt a chumhdaítear le conradh taistil láneagraithe mar a shainmhínítear in Airteagal 3, pointe (3), de Threoir (AE) 2015/2302, ach amháin má fhoirceanntar an conradh taistil láneagraithe sin nó má dhéantar difear dá fheidhmíocht ar chúiseanna seachas cur isteach ar an eitilt sin.

7.   Ní bheidh feidhm ag Airteagal 7 den Rialachán seo, má tharlaíonn an cur isteach ar nasceitilt a imíonn ó aerfort sa Ghraonlainn agus a thagann isteach chuig aerfort sa Ghraonlainn.’

1.   Bunaítear leis seo “Lipéad an Aontais um Chearta Aerphaisinéirí” (an “lipéad”) a bheidh deonach.

2.   Leis an lipéad, beifear in ann paisinéirí a chur ar an eolas go tapa faoi chur i bhfeidhm an Rialacháin seo maidir le turas chun comparáid agus rogha idir tairiscintí ticéad a éascú.

3.   Féadfaidh aeriompróirí nó idirghabhálaithe, agus ticéid á dtairiscint acu do phaisinéirí le haghaidh turais a dhéanann aeriompróirí de chuid an Aontais laistigh de raon feidhme an Rialacháin seo, úsáid a bhaint as an lipéad.

4.   Is ar bhonn deonach a úsáidfidh aeriompróir nó idirghabhálaí an lipéad, ach amháin i gcás ina gcuirfidh aeriompróir oibriúcháin de cheangal ar aeriompróir nó ar idirghabhálaí an lipéad a úsáid ar bhonn comhaontú tráchtála.

5.   Ní thaispeánfar an lipéad ach amháin le linn gníomhaíochtaí díolacháin agus margaíochta atá in aice leis an tairiscint turais a dhéanann aeriompróir de chuid an Aontais a thagann faoi raon feidhme an Rialacháin seo nó nasctha go díreach leis. Agus iltairiscintí turais á dtaispeáint, beidh sé soiléir cén turas a bhfuil feidhm ag an lipéad maidir leis.

6.   Toirmeascfar aon fhógraíocht bhréagach nó aon fhógraíocht mhíthreorach, nó úsáid aon lipéid nó aon lógó a d’fhéadfadh a chur ina luí ar dhaoine gurb é an lipéad atá i gceist.

7.   Déanfaidh an Coimisiún úsáid an lipéid ag aeriompróirí nó ag idirghabhálaithe a chur chun cinn.

8.   Chun cur chun feidhme aonfhoirmeach an Airteagail seo a áirithiú, déanfaidh an Coimisiún gníomhartha cur chun feidhme a ghlacadh faoin 23 Deireadh Fómhair 2027, lena leagtar síos forálacha mionsonraithe maidir le dearadh, ábhar agus teimpléad an lipéid a chuirtear ar fáil de bhun an Airteagail seo.

Glacfar na gníomhartha cur chun feidhme sin i gcomhréir leis an nós imeachta comhairleach dá dtagraítear in Airteagal 16h(2).’

1.   Beidh feidhm ag an Airteagal seo maidir le paisinéirí a thagann i láthair chun bordála ag an ngeata, tar éis seiceáil isteach ar líne nó seiceáil isteach ag an aerfort a bheith déanta acu, mar a shonraítear agus ag an am arna chur in iúl roimh ré i scríbhinn (lena n-áirítear trí mheán leictreonach) ag an aeriompróir oibriúcháin, nó ag an idirghabhálaí, nó, mura sonraítear am bordála, tráth nach déanaí ná 45 nóiméad roimh an am imeachta a luaitear ar thicéad an phaisinéara. Beidh feidhm ag an Airteagal seo freisin maidir le paisinéirí nach dtagann i láthair chun bordála nuair a cuireadh in iúl dóibh roimh ré go ndiúltófaí cead bordála dóibh in aghaidh a dtola.

2.   Nuair a mheasann aeriompróir oibriúcháin go réasúnta go ndiúltóidh sé cead bordála do phaisinéirí ar eitilt, cuirfidh sé na paisinéirí lena mbaineann ar an eolas láithreach. An tráth céanna, sonróidh an t-aeriompróir oibriúcháin do na paisinéirí lena mbaineann a gcearta sonracha de bhun an Rialacháin seo is infheidhme maidir leis an gcás, go háirithe a mhéid a bhaineann leis an gceart chun cúitimh mar a leagtar amach in Airteagal 7, an ceart chun aisíocaíochta nó athródú i gcomhréir le hAirteagal 8 agus an ceart chun cúnaimh i gcomhréir le hAirteagal 9.

Iarrfaidh an t-aeriompróir oibriúcháin ar dhaoine deonacha gan dul ar bord an aerárthaigh mar mhalairt ar shochair r shaorálaithe gan dul ar bord an aerárthaigh mar mhalairt ar shochair faoi choinníollacha atá le comhaontú idir gach duine deonach agus an t-aeriompróir oibriúcháin. Cuirfidh an t-aeriompróir oibriúcháin na daoine deonacha ar an eolas faoina gcearta i gcomhréir leis an Rialachán seo. Ní thiocfaidh an comhaontú le gach duine deonach maidir leis na sochair in ionad cheart an duine dheonaigh chun cúitimh mar a leagtar síos in Airteagal 7(1) ach amháin má fhormheasann an duine deonach é go sainráite ar mheán marthanach. In éagmais formheas den sórt sin, déanfaidh an t-aeriompróir oibriúcháin a dhiúltaíonn cead bordála cúiteamh a thabhairt don duine deonach, gan moill mhíchuí agus ar a dhéanaí laistigh de 7 lá féilire ón gcead bordála a dhiúltú, i gcomhréir le hAirteagal 7(1).

3.   Mura bhfuil an líon daoine deonacha a thagann chun cinn leordhóthanach chun ligean do na paisinéirí eile a bhfuil ticéid acu dul ar bord na heitilte, ansin, féadfaidh an t-aeriompróir oibriúcháin cead bordála a dhiúltú do phaisinéirí in aghaidh a dtola, cé is moite de phaisinéirí dá dtagraítear in Airteagal 11.

4.   An t-aeriompróir oibriúcháin a dhiúltaíonn cead bordála, soláthróidh sé láithreach do na paisinéirí lena mbaineann an fhaisnéis maidir le láimhseáil gearán i gcomhréir le hAirteagal 15a.

Déanfaidh an t-aeriompróir oibriúcháin a dhiúltaíonn cead bordála rogha idir aisíocaíocht agus athródú a thairiscint, gan moill mhíchuí, do na paisinéirí lena mbaineann i gcomhréir le hAirteagal 8. De mhaolú ar Airteagal 8(1), an chéad fhomhír, pointe (a), nuair atá na paisinéirí ar diúltaíodh cead bordála dóibh i dteideal aisíocaíochta, deonófar í gan moill mhíchuí agus ar a dhéanaí laistigh de 7 lá féilire ó dhiúltú an cheada bordála.

Déanfaidh an t-aeriompróir oibriúcháin a dhiúltaíonn cead bordála cúnamh a thairiscint do na paisinéirí lena mbaineann i gcomhréir le hAirteagal 9. De mhaolú ar Airteagal 9(1), pointe (a), deonófar sólaistí láithreach.

An t-aeriompróir oibriúcháin a dhiúltaíonn cead bordála do phaisinéirí in aghaidh a dtola, tabharfaidh sé cúiteamh do na paisinéirí lena mbaineann i gcomhréir le hAirteagal 7(1), gan moill mhíchuí agus ar a dhéanaí laistigh de 7 lá féilire ón gcead bordála a dhiúltú.

5.   Ní dhiúltófar cead bordála do phaisinéirí agus ní ghearrfar aon táille orthu ar an turas isteach, lena n-áirítear turas ina bhfuil nasceitiltí, ar na forais nár thóg siad an turas amach faoin gconradh aeriompair céanna.’

1.   I gcás ina gcuirtear eitilt ar ceal, cuirfidh aeriompróir oibriúcháin na heitilte a cuireadh ar ceal na paisinéirí lena mbaineann ar an eolas láithreach. An tráth céanna, sonróidh an t-aeriompróir oibriúcháin do na paisinéirí lena mbaineann a gcearta sonracha faoin Rialachán seo is infheidhme maidir leis an gcás, go háirithe a mhéid a bhaineann le haisíocaíocht nó athródú faoi Airteagal 8 agus cúnamh faoi Airteagal 9, chomh maith leis an bhfaisnéis faoin bpróiseas chun cúiteamh a iarraidh a leagtar amach in Airteagal 7 agus faoi láimhseáil gearán faoi Airteagal 15a.

Sonróidh an t-aeriompróir oibriúcháin, gan moill mhíchuí, do na paisinéirí lena mbaineann an chúis a bhí leis an gcealú.

2.   Déanfaidh aeriompróir oibriúcháin na heitilte a cuireadh ar ceal rogha idir aisíocaíocht agus athródú a thairiscint, gan moill mhíchuí, do na paisinéirí lena mbaineann i gcomhréir le hAirteagal 8.

3.   Déanfaidh an t-aeriompróir oibriúcháin cúnamh a thairiscint do na paisinéirí lena mbaineann i gcomhréir le hAirteagal 9.

4.   Beidh sé de cheart ag paisinéirí cúiteamh a fháil, arna iarraidh sin, ó aeriompróir oibriúcháin na heitilte a cuireadh ar ceal i gcomhréir le hAirteagal 7.

5.   Ní bheidh feidhm ag an gceart chun cúiteamh a fháil faoi mhír 4 más rud é gur cuireadh na paisinéirí ar an eolas faoin gcealú 14 lá féilire ar a laghad roimh an dáta imeachta a luaitear ar thicéad an phaisinéara nó má chuirtear an cealú in iúl dóibh níos lú ná 14 lá féilire roimh an am imeachta sceidealaithe agus má thairgtear athródú dóibh, a chuireann ar a gcumas imeacht ag am nach faide ná uair an chloig roimh an am imeachta sceidealaithe agus a gceann scríbe deiridh a bhaint amach níos lú ná 2 uair an chloig tar éis an ama teacht isteach sceidealaithe. Is ar an aeriompróir oibriúcháin a bheidh an dualgas cruthúnais i dtaobh a bhunú ar cuireadh an paisinéir ar an eolas gur cuireadh an eitilt ar ceal agus i dtaobh cathain a cuireadh an paisinéir ar an eolas faoin gcealú sin.

6.   Ní bheidh feidhm ag an gceart aisíocaíocht agus athródú a fháil mar a leagtar amach i mír 2 ná cúiteamh a fháil mar a leagtar amach i mír 4 i gcás inar éirigh an t-aerárthach de thalamh ach ina ndearnadh é a atreorú chuig aerfort eile nach é an t-aerfort teacht isteach a luaitear ar an ticéad, má fhreastalaíonn an t-aerfort teacht isteach iarbhír agus an t-aerfort teacht isteach a léirítear ar an ticéad ar an mbaile, ar an gcathair nó ar an réigiún céanna agus má sholáthair an t-aeriompróir iompar don phaisinéir chuig an aerfort teacht isteach a léirítear ar an ticéad, ar choinníoll nach mó ná 3 uair an chloig an mhoill ar theacht isteach san aerfort teacht isteach a léirítear ar an ticéad. Chun na críche sin, is ar an aeriompróir oibriúcháin a bheidh an dualgas cruthúnais maidir leis an am teacht isteach a bhunú, trí mhodhanna malartacha iompair, ag an aerfort teacht isteach a léirítear ar an ticéad.

Ní bheidh feidhm ag an gcéad fhomhír den mhír seo i gcásanna ina ndiúltaítear ticéad le haghaidh modh malartach iompair nó bordáil ar mhodh malartach iompair do phaisinéirí a bhfuil riachtanais shonracha acu dá dtagraítear in Airteagal 11(3) nó d’aon duine atá ag tionlacan na bpaisinéirí sin ar an bhforas go bhfuil aon cheanglas sábháilteachta is infheidhme ann nó go bhfuil sé dodhéanta go fisiciúil dul ar bord, nó i gcás nach bhfuil siad in ann an tseirbhís iompair sin a úsáid toisc nach bhfuil cúnamh ar fáil. Déanfaidh an t-aeriompróir oibriúcháin iarracht réasúnta chun go mbeidh rochtain ag paisinéirí den sórt sin ar mhodhanna malartacha iompair. Déanfar an mhoill ar theacht chuig an aerfort teacht isteach a léirítear ar an ticéad a ríomh bunaithe ar am teacht isteach na seirbhíse iompair a chuir an t-aeriompróir oibriúcháin ar fáil agus a thóg paisinéirí a bhfuil riachtanais shonracha acu nó, más infheidhme, aon duine a bhí á dtionlacan, go hiarbhír nó a d’fhéadfadh siad a thógáil chun an t-aerfort sin a bhaint amach.’

1.   Nuair a mheasann aeriompróir oibriúcháin go réasúnta go gcuirfear moill ar eitilt ar imeacht nó ar theacht isteach, cuirfidh sé na paisinéirí lena mbaineann ar an eolas láithreach, i gcás inar féidir, ach ar a dhéanaí, faoin am imeachta a luaitear ar thicéad an phaisinéara. A mhéid is féidir, gheobhaidh paisinéirí nuashonruithe tráthrialta i bhfíor-am. An tráth céanna, cuirfidh an t-aeriompróir oibriúcháin na paisinéirí lena mbaineann ar an eolas maidir lena gcearta sonracha faoin Rialachán seo is infheidhme maidir leis an gcás, go háirithe a mhéid a bhaineann le cúnamh faoi Airteagal 9, agus soláthróidh sé faisnéis faoin bpróiseas chun cúiteamh a iarraidh a leagtar amach in Airteagal 7 agus faoi láimhseáil gearán faoi Airteagal 15a.

Soláthróidh an t-aeriompróir oibriúcháin do na paisinéirí lena mbaineann, gan moill mhíchuí, na cúiseanna a bhí leis an moill a bhí ar an eitilt ar imeacht nó ar theacht isteach.

2.   Déanfaidh an t-aeriompróir oibriúcháin cúnamh a thairiscint do na paisinéirí lena mbaineann i gcomhréir le hAirteagal 9.

3.   Nuair a shroichfidh an mhoill ar imeacht 5 uair an chloig, déanfaidh an t-aeriompróir oibriúcháin, gan moill mhíchuí, aisíocaíocht a thairiscint do na paisinéirí lena mbaineann i gcomhréir le hAirteagal 8(1), an chéad fhomhír, pointe (a).

4.   Beidh sé de cheart ag na paisinéirí, arna iarraidh sin dóibh, cúiteamh a fháil ó aeriompróir oibriúcháin na heitilte ar cuireadh moill uirthi i gcomhréir le hAirteagal 7 i gcás ina mbaineann siad a gceann scríbe deiridh amach le moill ar theacht isteach dóibh a sháraíonn 3 uair an chloig.’

1.   I gcás moill ar an tarmac, soláthróidh an t-aeriompróir oibriúcháin nuashonruithe tráthrialta, fíor-ama do phaisinéirí, a mhéid is féidir.

2.   Faoi réir srianta sábháilteachta nó slándála, i gcás ina dtarlaíonn moill ar an tarmac, áiritheoidh an t-aeriompróir oibriúcháin go mbeidh teas nó fuarú leordhóthanach i gcábán na bpaisinéirí agus go mbeidh rochtain saor in aisce ar shaoráidí leithris ar bord agus áiritheoidh sé go bhfaighidh na paisinéirí dá dtagraítear in Airteagal 11 an aire is gá. Mura rud é go gcuirfeadh sé síneadh leis an moill ar an tarmac nó más rud é nach bhfuil sé comhoiriúnach le ceanglais aershábháilteachta nó aershlándála, soláthróidh an t-aeriompróir oibriúcháin uisce óil saor in aisce ar bord.

3.   I gcás ina bhfuil moill ar an tarmac a mhaireann 2 uair an chloig in aerfort ina bhfuil trácht tráchtála paisinéirí atá suite i gcríoch Bhallstáit a bhfuil feidhm ag na Conarthaí maidir léi, rachaidh an t-aerárthach ar aghaidh chuig an ngeata nó chuig pointe oiriúnach díbhordála eile ina ligfear do phaisinéirí díbhordáil. Tar éis an sprioc-ama sin, ní féidir cur le moill ar an tarmac ach amháin má tá cúiseanna ann a bhaineann le sábháilteacht, inimirce, rialú aerthráchta nó slándáil a fhágann nach féidir leis an aerárthach imeacht ón áit a bhfuil sé ar an tarmac.

4.   Beidh paisinéirí a dhíbhordáiltear i gcomhréir le mír 3 den Airteagal seo i dteideal na gceart dá bhforáiltear in Airteagal 6 agus, i gcás inarb iomchuí, de bhun Airteagal 11, agus an mhoill ar an tarmac agus an t-am imeachta a luaitear ar thicéad an phaisinéara á gcur san áireamh.

1.   I gcás ina gcailleann paisinéir nasceitilt le linn turais toisc gur cuireadh isteach ar eitilt roimhe sin, beidh aeriompróir oibriúcháin na heitilte roimhe sin freagrach as an bpaisinéir a athródú i gcomhréir le hAirteagal 8(1), an chéad fhomhír, pointe (b), agus as cúnamh a sholáthar i gcomhréir le hAirteagal 9.

2.   I gcás nach féidir leis an aeriompróir oibriúcháin an paisinéir a athródú laistigh de 5 uair an chloig arna ríomh ón am imeachta a luaitear ar thicéad an phaisinéara don nasceitilt a cailleadh, déanfaidh an t-aeriompróir oibriúcháin aisíocaíocht a thairiscint freisin, gan moill mhíchuí, do na paisinéirí lena mbaineann i gcomhréir le hAirteagal 8(1), an chéad fhomhír, pointe (a).

3.   Beidh sé de cheart ag paisinéirí freisin, arna iarraidh sin dóibh, cúiteamh a fháil ón aeriompróir a oibríonn an eitilt ar cuireadh isteach uirthi i gcomhréir le hAirteagal 7, i gcás ina mbaineann siad a gceann scríbe deiridh amach le moill ar theacht isteach dóibh a sháraíonn 3 uair an chloig.

De mhaolú ar an sainmhíniú ar mhoill ar theacht isteach, i gcás nasceitiltí a cailleadh, ríomhfar an mhoill ar theacht isteach ón am teacht isteach ag an gceann scríbe deiridh, mar a léirítear ar thicéad an phaisinéara, roimh an nasceitilt a cailleadh.

1.   Chun críoch an Rialacháin seo, áirítear le himthosca urghnácha na teagmhais ar liosta na n-imthosca urghnácha a leagtar amach san Iarscríbhinn, ach gan bheith teoranta dóibh.

2.   Ní bheidh sé d’oibleagáid ar aeriompróir oibriúcháin cúiteamh a íoc i gcomhréir le hAirteagal 7, ach amháin más féidir leis a chruthú gurbh iad imthosca urghnácha ba chúis le cealú, moill nó nasceitilt a cailleadh agus nárbh fhéidir an cealú, an mhoill nó an nasceitilt a cailleadh a sheachaint fiú dá ndéanfadh an t-aeriompróir gach beart réasúnta. Ní fhéadfar na himthosca urghnácha sin a agairt ach amháin i gcás ina bhfuil nasc cúisíoch díreach idir an imthoisc sin agus cur isteach ar an eitilt. Is ar an aeriompróir oibriúcháin a bheidh an dualgas cruthúnais i dtaobh a bhunú gurb ann do nasc cúisíoch díreach sin agus a bhunú go bhfuil gach beart réasúnta glactha ag an aeriompróir chun an cur isteach a sheachaint.’

1.   I gcás ina ndéanfar tagairt don Airteagal seo, gheobhaidh paisinéirí cúiteamh arb é atá ann:

2.   Féadfaidh aeriompróirí oibriúcháin an cúiteamh dá bhforáiltear i mír 1, pointe (c), a laghdú 50 % murar mó ná 4 uair an chloig am teacht isteach sceidealaithe an turais a bhí curtha in áirithe ar dtús agus sna cásanna seo a leanas:

3.   I gcás athródú i gcomhréir le hAirteagal 8(1), an chéad fhomhír, pointe (b), tar éis cealú, i gcás ina bhfuil an turas athródaithe sceidealaithe le himeacht níos mó ná uair an chloig roimh am imeachta sceidealaithe an turais nó na heitilte bunaidh, féadfaidh an t-aeriompróir oibriúcháin an cúiteamh dá bhforáiltear in Airteagal 5 a laghdú:

4.   I gcás ina bhféadfadh sé go mbeadh ceart chun cúitimh ag paisinéir i gcomhréir le hAirteagal 5(4), le hAirteagal 6(4), nó le hAirteagal 6b(3), déanfaidh an t-aeriompróir oibriúcháin, laistigh de 96 uair an chloig ó dheireadh an turais, faisnéis a sholáthar don phaisinéir go huathoibríoch agus go leictreonach, ar mheán marthanach, maidir le cearta cúitimh an phaisinéara, agus treoracha soiléire maidir le conas iarraidh ar chúiteamh a chur isteach.

5.   Agus na faid á gcinneadh chun críocha an Rialacháin seo, is é a bheidh mar bhonn leis an ríomh an fad idir pointe tosaigh an imeachta agus an ceann scríbe deiridh. I gcás nasceitilte, ní chuirfear san áireamh ach amháin pointe tosaigh an imeachta agus an ceann scríbe deiridh. Déanfar na faid sin a thomhas trí mhodh an bhealaigh mhórchiorclaigh.

6.   I gcás inar roghnaigh an paisinéir leanúint dá thuras nó dá turas de bhun Airteagal 8(1), an chéad fhomhír, pointí (a), (b) nó (c), agus ina dtarlaíonn cur isteach breise ar an eitilt le linn an athródaithe, coimeádfaidh an paisinéir a cheart nó a ceart chun aon chúiteamh breise a fháil le linn an athródaithe chuig a phointe tosaigh imeachta nó a pointe tosaigh imeachta nó chuig a cheann scríbe deiridh nó a ceann scríbe deiridh.

7.   Íocfar an cúiteamh trí aistriú leictreonach bainc nó, má chomhaontaíonn an paisinéir go sainráite ar mheán marthanach, ar mhodh eile.

8.   Is ar an aeriompróir oibriúcháin a bheidh an dualgas cruthúnais maidir le cathain agus conas a ghlac an paisinéir leis an gcomhaontú a bhaineann leis an gcineál íocaíochta cúitimh a leagtar amach i mír 7.

9.   Déanfaidh an paisinéir iarrataí ar chúiteamh faoin Airteagal seo a thíolacadh laistigh de naoi mí ón dáta imeachta iarbhír nó ón dáta imeachta a luaitear ar thicéad an phaisinéara. I gcás ina gcuireann tríú páirtí iarraidh isteach thar ceann paisinéirí, féadfaidh an t-aeriompróir oibriúcháin fianaise a éileamh i dtaca le sainordú bailí chun gníomhú a dhéanamh. Admhóidh aeriompróirí oibriúcháin láithreach go bhfuarthas an iarraidh ar mheán marthanach. Laistigh de 30 lá féilire ón iarraidh a fháil, íocfaidh an t-aeriompróir oibriúcháin an cúiteamh nó tabharfaidh sé údar maith don phaisinéir gan an cúiteamh a íoc agus sa chás sin ní mór faisnéis faoi láimhseáil gearán faoi Airteagail 15a a chur ar fáil. I gcás ina ndéanann an t-aeriompróir oibriúcháin imthoisc urghnách a agairt, faoi na coinníollacha a leagtar amach in Airteagal 6c(2), sonróidh sé cén imthoisc urghnách a liostaítear san Iarscríbhinn atá á hagairt aige agus, i gcás ina n-agraíonn sé teagmhas nach bhfuil ar an liosta sin, sonróidh sé an teagmhas atá á agairt aige agus na cúiseanna ba cheart é a mheas mar imthoisc urghnách. Aon uair a agraíonn an t-aeriompróir oibriúcháin imthoisc urghnách, soláthróidh sé míniú soiléir agus cuí-réasúnaithe, lena n-áirítear míniú gonta ar an gcaoi a gcomhlíonann an imthoisc urghnách na coinníollacha maidir le nasc cúisíoch díreach agus gach beart réasúnta a leagtar amach in Airteagal 6c(2).

I gcás nach n-íocann an t-aeriompróir oibriúcháin an cúiteamh a iarrtar, féadfaidh an paisinéir gearán a thíolacadh i gcomhréir le hAirteagal 15a.’

1.   I gcás ina gcuirtear isteach ar eitilt, déanfaidh an t-aeriompróir oibriúcháin, gan moill mhíchuí agus faoi na coinníollacha a leagtar amach in Airteagal 4, 5, 6, nó 6b agus san Airteagal seo, rogha a thairiscint do na paisinéirí idir na roghanna seo a leanas, a chuirfear ar fáil saor in aisce:

I gcás ina ngníomhachtaíonn comhlacht bainistithe an aerfoirt a phlean teagmhasach i gcomhréir le hAirteagal 10a, féadfar síneadh 30 lá féilire a chur leis an sprioc-am dá dtagraítear i bpointe (a) den chéad fhomhír den mhír seo.

2.   Ionas go mbainfidh an paisinéir a cheann scríbe nó a ceann scríbe amach a luaithe is féidir mar a chinntear de bhun mhír 1, an chéad fhomhír, pointe (b), agus an t-am taistil iomlán a bheith chomh gar is féidir le réasún d’am taistil sceidealaithe iomlán na heitilte bunaidh, déanfaidh an t-aeriompróir oibriúcháin ceann amháin ar a laghad de na roghanna malartacha seo a leanas a thairiscint don phaisinéir lena mheas, agus lena chomhaontú go sainráite ar mheán marthanach, faoi réir iad a bheith ar fáil:

I gcás athródú le haeriompróir eile nó trí mhodh iompair eile, leanfaidh an t-aeriompróir oibriúcháin de bheith freagrach as faisnéis, cúnamh agus athródú a sholáthar go dtí imeacht na seirbhíse athródaithe sin agus go dtí an tráth sin amháin. Leanfaidh an t-aeriompróir oibriúcháin de bheith freagrach as cúiteamh as moill ar theacht isteach chuig an gceann scríbe deiridh i gcomhréir le hAirteagal 7. Beidh oibreoir na seirbhíse athródaithe freagrach as gach ceart eile a bhaineann leis an tseirbhís sin i gcomhréir le dlí an Aontais is infheidhme maidir le cearta paisinéirí le haghaidh an mhodha iompair sin.

3.   I gcás inar chuir paisinéir an t-aeriompróir oibriúcháin ar an eolas faoina rogha leanúint dá thuras nó dá turas i gcomhréir le mír 1, pointe (b), agus mír 5 den Airteagal seo, agus i gcás nár thairg an t-aeriompróir oibriúcháin athródú faoi dhálaí iompair inchomparáide laistigh de 3 uair an chloig, féadfaidh an paisinéir a athródú féin nó a hathródú féin a shocrú, i gcomhréir le mír 2. Má roghnaíonn an paisinéir a athródú nó a hathródú féin a shocrú, cuirfidh an paisinéir an t-aeriompróir oibriúcháin ar an eolas dá réir sin. Beidh an ceart chun diúltú do roghanna athródaithe ag an bpaisinéir mura mbeidh na roghanna athródaithe sin faoi dhálaí iompair inchomparáide, agus, i gcás den sórt sin, déanfar a chearta nó a cearta chun cúnaimh a choimeád i gcomhréir le hAirteagal 9 agus é nó í ag fanacht le haghaidh an athródaithe.

I gcás cealú, beidh feidhm ag an gcéad fhomhír ón am imeachta a luaitear ar thicéad an phaisinéara.

Agus a n-athródú féin á shocrú acu, cuirfidh na paisinéirí teorainn leis na speansais ach an méid is gá, is réasúnach agus is iomchuí. Aisíocfaidh an t-aeriompróir oibriúcháin na speansais nach mó iad ná 400 % de phraghas iomlán an ticéid nó na dticéad agus na dtáillí idirghabhála, i gcás ina gcuirtear i bhfeidhm iad, arna dtabhú ag an bpaisinéir laistigh de 14 lá féilire ón iarraidh a thíolacadh. I gcás ina ngníomhachtaíonn comhlacht bainistithe an aerfoirt a phlean teagmhasach, féadfaidh an t-aeriompróir oibriúcháin síneadh 30 lá féilire a chur leis an sprioc-am sin.

4.   Gan dochar d’fhorálacha eile an Airteagail seo, i gcás ina bhfuil briseadh turais eagraithe ag paisinéir, beidh an ceart breise aige nó aici roghanna athródaithe a dhiúltú, má fhágann na roghanna athródaithe sin an briseadh turais sin ar lár.

5.   Féadfaidh paisinéir rogha a dhéanamh idir aisíocaíocht i gcomhréir le mír 1, an chéad fhomhír, pointe (a), nó athródú ar dháta níos déanaí i gcomhréir le mír 1, an chéad fhomhír, pointe (c), go dtí go mbeidh athródú atá tairgthe ag an aeriompróir oibriúcháin i gcomhréir le mír 1, an chéad fhomhír, pointe (b), glactha ag an bpaisinéir a luaithe is féidir nó go dtí go mbeidh rogha déanta ag an bpaisinéir athródú a shocrú é nó í féin i gcomhréir le mír 3.

Cuirfidh an paisinéir an t-aeriompróir oibriúcháin ar an eolas faoina rogha.

6.   Soláthróidh an t-aeriompróir oibriúcháin, arna iarraidh sin don phaisinéir, an fhaisnéis a leagtar amach san Airteagal seo i bhfoirm páipéir. Áiritheoidh an t-aeriompróir oibriúcháin go ndaingneofar go sainráite an rogha a dhéanfaidh an paisinéir de bhun an Airteagail seo ar mheán marthanach.

7.   Taispeánfar na roghanna a leagtar amach i mír 1 go soiléir, gan bheith faoi réir réamhroghnúcháin, réamhshocruithe ná ualaí breise nós imeachta a thacaíonn le rogha amháin.’

1.   I gcás ina mbeidh paisinéir i dteideal cúitimh i gcomhréir le hAirteagal 7, nó aisíocaíochta i gcomhréir le hAirteagal 8(1), an chéad fhomhír, pointe (a), nó Airteagal 10(2), féadfaidh an t-aeriompróir dearbhán a thairiscint don phaisinéir ar luach a chomhfhreagraíonn, ar a laghad, do mhéid na haisíocaíochta nó don chúiteamh atá dlite.

2.   Ní bheidh d’oibleagáid ar an bpaisinéir glacadh le dearbhán in ionad íocaíochta. Ní bheidh glacadh bailí ach amháin má tá toiliú sainráite tugtha ag an bpaisinéir ar mheán marthanach. Déanfar na roghanna uile dá bhforáiltear in Airteagal 7(7) agus Airteagal 8(1), an chéad fhomhír, pointe (a), a thaispeáint go soiléir, gan bheith faoi réir réamhroghnúcháin, réamhshocruithe ná ualaí breise nós imeachta a thacaíonn le rogha amháin.

3.   Cuirfidh an t-aeriompróir an paisinéir ar an eolas go soiléir ar mheán marthanach, maidir leis an bhfaisnéis a leagtar amach i míreanna 2, 4, 5 agus 6, sula bhfeidhmeoidh an paisinéir an rogha dá dtagraítear i mír 1.

4.   Maidir le dearbhán:

5.   Féadfaidh an paisinéir agus an t-aeriompróir comhaontú le híocaíocht iomlán nó pháirteach tráth ar bith sula bhfuasclófar an dearbhán nó sula rachaidh sé in éag d’ainneoin go raibh dearbhán ar an gcéad rogha ag an bpaisinéir.

6.   Aisíocfaidh an t-aeriompróir an méid atá fágtha ar an dearbhán lena mbaineann go huathoibríoch gan moill mhíchuí agus, in aon chás, laistigh de 7 lá féilire ar a dhéanaí:

1.   I gcás ina ndéantar tagairt don Airteagal seo, tairgfear do na paisinéirí, saor in aisce, an méid seo a leanas:

Féadfaidh an t-aeriompróir oibriúcháin an cúnamh dá bhforáiltear de bhun na chéad fhomhíre a theorannú nó a dhiúltú dá gcuirfeadh soláthar an chúnaimh sin moill bhreise ar imeacht na heitilte ar cuireadh moill uirthi nó ar an athródú, lena n-áirítear imeacht an iompair mhalartaigh.

2.   De bhreis air sin, i gcás ina mbeidh gá le fanacht oíche amháin nó níos mó agus paisinéirí ag fanacht leis an eitilt nó iompar malartach, tairgfear do phaisinéirí an méid seo a leanas saor in aisce:

3.   Féadfaidh an t-aeriompróir oibriúcháin dearbháin a úsáid chun a oibleagáidí de bhun mhír 1, an chéad fhomhír, pointí (a) agus (b), agus mhír 2 a chomhlíonadh. Beifear in ann na dearbháin arna soláthar i gcomhréir le mír 1 a úsáid i ngach siopa a sholáthraíonn bia agus sólaistí ag an aerfort ina bhfuil fuireach ar na paisinéirí lena mbaineann, ar bord a n-eitilte, agus, de réir mar is iomchuí, ag an lóistín a sholáthraítear de bhun mhír 2, pointe (a). Ní féidir dearbhán le haghaidh lóistín in óstán arna sholáthar i gcomhréir le mír 2, pointe (a), a eisiúint ach amháin má tá seomra curtha in áirithe roimh ré ag an aeriompróir oibriúcháin don phaisinéir lena mbaineann.

4.   I gcás nach gcomhlíonann an t-aeriompróir oibriúcháin a oibleagáidí de bhun mhíreanna 1, 2 agus 3, féadfaidh na paisinéirí lena mbaineann a gcuid socruithe féin a dhéanamh. Aisíocfaidh an t-aeriompróir a oibríonn an eitilt ar cuireadh isteach uirthi na speansais arna dtabhú ag na paisinéirí laistigh de 14 lá féilire ón iarraidh ar aisíocaíocht a thíolacadh, a mhéid atá na speansais sin riachtanach, réasúnach agus comhréireach le fad na tréimhse feithimh agus le costais na sólaistí agus na mbéilí ag suíomh an aerfoirt nó ag suíomh an lóistín ina bhfuil fuireach ar na paisinéirí. I gcás ina ngníomhachtaíonn comhlacht bainistithe an aerfoirt a phlean teagmhasach, féadfaidh an t-aeriompróir a oibríonn an eitilt ar cuireadh isteach uirthi síneadh 30 lá féilire a chur leis an sprioc-am sin.

5.   Ag aerfoirt uile an Aontais ina bhfuil trácht tráchtála paisinéirí, cuirfidh comhlacht bainistithe an aerfoirt socruithe i bhfeidhm chun a áirithiú gur féidir uisce óil agus stáisiúin athluchtaithe le haghaidh gléasanna leictreonacha a chur ar fáil, saor in aisce, gan beann ar an tráth den lá, an eitilt ná an críochfort.

6.   Más imthosca urghnácha a chuir isteach ar an eitilt agus nárbh fhéidir an cur isteach sin a sheachaint fiú dá mba rud é go ndearna an t-aeriompróir gach beart réasúnta, féadfaidh an t-aeriompróir an lóistín in óstán a sholáthraítear i gcomhréir le mír 2, pointe (a), a theorannú do 3 oíche ar a mhéad.

7.   I gcás ina roghnaíonn paisinéir aisíocaíocht de bhun Airteagal 8(1), an chéad fhomhír, pointe (a), agus é nó í ag pointe tosaigh an imeachta, nó i gcás ina roghnaíonn paisinéir athródú ar dháta níos déanaí de bhun Airteagal 8(1), an chéad fhomhír, pointe (c), ní bheidh tuilleadh ceart ag an bpaisinéir i ndáil le cúnamh de bhun mhíreanna 1 agus 2 den Airteagal seo maidir leis an eitilt lena mbaineann.’

1.   Má chuireann an t-aeriompróir oibriúcháin paisinéir in aicme iompair níos airde ná an aicme dár ceannaíodh an ticéad, ní iarrfaidh sé aon íocaíocht fhorlíontach.

2.   Má chuireann aeriompróir oibriúcháin paisinéir in aicme iompair atá níos ísle ná an aicme dár ceannaíodh an ticéad, déanfaidh sé, laistigh de 14 lá féilire ón íosghrádú, aisíocaíocht uathoibríoch a sholáthar don phaisinéir a bheidh coibhéiseach ar a laghad leis an méid seo a leanas:

3.   I gcás nach luaitear praghas na heitilte ar an ticéad, ríomhfar an aisíocaíocht dá dtagraítear i mír 2 den Airteagal seo bunaithe ar an gcomhréir ábhartha idir fad na heitilte nuair a chuirtear i gcomparáid leis an bhfad iomlán a chumhdaítear leis an gconradh aeriompair é, arna ríomh i gcomhréir le hAirteagal 7(5).

4.   Ar phraghas na heitilte dá dtagraítear san Airteagal seo, ní áirítear cánacha ná muirir a luaitear ar an ticéad, ar choinníoll nach mbraitheann an ceanglas na cánacha agus na muirir sin a íoc ná méid na gcánacha agus na muirear sin ar an aicme iompair dár ceannaíodh an ticéad sin.

5.   Ní bheidh feidhm ag an Airteagal seo maidir le seirbhísí coimhdeacha, amhail suíocháin shonracha nó lónadóireacht, atá neamhspleách ar an aicme iompair agus a dhíoltar ar leithligh.’

1.   I gcás aerfort de chuid an Aontais ag a bhfuil méid iomlán tráchta paisinéirí bliantúil ar mó é ná ceithre mhilliún paisinéir ar feadh trí bliana as a chéile ar a laghad, áiritheoidh comhlacht bainistithe an aerfoirt go gcomhordófar oibríochtaí chomhlacht bainistithe an aerfoirt agus na soláthraithe seirbhísí bunriachtanacha aerfoirt, go háirithe na haeriompróirí, agus soláthróirí na seirbhísí láimhseála ar an talamh, trí bhíthin plean cuí teagmhasach d’fhonn aghaidh a thabhairt ar chásanna ina bhféadfadh iliomad cealuithe, iliomad moilleanna ar eitiltí, nó an dá rud, tarlú, rud a d’fhágfadh go mbeadh fuireach ar líon suntasach paisinéirí ag an aerfort. Cuirfear an plean teagmhasach ar bun chun a áirithiú go dtabharfar faisnéis agus cúnamh leormhaith do phaisinéirí a mbeidh fuireach orthu agus beidh socruithe ann ionas go n-íoslaghdófar an t-achar a bheidh siad ag feitheamh agus an míchompord a bheidh orthu.

2.   Cuirfear san áireamh i bpleananna teagmhasacha na n-aerfort riachtanais ar leith agus riachtanais aonair na bpaisinéirí dá dtagraítear in Airteagal 11.

3.   Cuirfear an plean teagmhasach ar bun go háirithe le rannpháirtíocht Choiste na nÚsáideoirí Aerfoirt dá dtagraítear i dTreoir 96/67/CE ón gComhairle (*6), le rannpháirtíocht sholáthraithe na seirbhísí ar an talamh, agus le rannpháirtíocht soláthraithe seirbhísí bunriachtanacha aerfoirt eile, lena n-áirítear soláthraithe cúnaimh speisialta do dhaoine faoi mhíchumas nó do dhaoine a bhfuil a soghluaisteacht laghdaithe. Bunófar an plean teagmhasach le rannpháirtíocht na n-údarás ábhartha, i gcás inarb iomchuí. Áireofar sa phlean teagmhasach freisin sonraí teagmhála an duine nó na ndaoine atá ainmnithe ag na haeriompróirí atá rannpháirteach i gCoiste na nÚsáideoirí Aerfoirt d’fhonn ionadaíocht a dhéanamh orthu ar an toirt i gcás iliomad cealuithe, iliomad moilleanna ar eitiltí, nó an dá rud. Áiritheoidh an t-aeriompróir go mbeidh na hacmhainní is gá ag aon duine atá ainmnithe aige chun cuidiú le paisinéirí i gcomhréir leis na hoibleagáidí a eascraíonn as an Rialachán seo i gcás ina gcuirtear isteach ar eitilt.

4.   Cuirfidh comhlacht bainistithe an aerfoirt an plean teagmhasach in iúl do Choiste na nÚsáideoirí Aerfoirt dá dtagraítear i dTreoir 96/67/CE ón gComhairle agus, arna iarraidh sin, don chomhlacht náisiúnta forfheidhmiúcháin a ainmnítear de bhun Airteagal 16 den Rialachán seo. Déanfaidh an comhlacht náisiúnta forfheidhmiúcháin faireachán ar chomhlíontacht cheanglais an Airteagail seo ag comhlacht bainistithe an aerfoirt.

5.   Féadfaidh Ballstát a chinneadh go bhfuil aerfort nach gcumhdaítear le mír 1, atá suite ar a chríoch, na hoibleagáidí a leagtar síos i míreanna 1 go 4 le comhlíonadh.

6.   Ag aerfoirt de chuid an Aontais ina bhfuil méid iomlán tráchta paisinéirí bliantúil atá faoi bhun na tairsí a leagtar síos i mír 1 nó nach gcumhdaítear le cinneadh ó Bhallstát de bhun mhír 5, déanfaidh comhlacht bainistithe an aerfoirt gach iarracht réasúnta úsáideoirí aerfoirt a chomhordú agus socruithe a dhéanamh le húsáideoirí aerfoirt chun paisinéirí a bhfuil fuireach orthu a chur ar an eolas i gcás iliomad cealuithe, iliomad moilleanna ar eitiltí, nó an dá rud, rud a d’fhágfadh go mbeadh fuireach ar líon suntasach paisinéirí ag an aerfort.

1.   Beidh cearta daoine atá faoi mhíchumas agus daoine a bhfuil a soghluaisteacht laghdaithe, ar cearta iad a leagtar síos san Airteagal seo, gan dochar do na cearta atá acu i gcomhréir le Rialachán (CE) Uimh. 1107/2006.

2.   Is i bhformáid inrochtana a sholáthrófar an fhaisnéis uile a sholáthraítear do phaisinéirí i gcomhréir leis an Rialachán seo.

3.   Chun críocha an Rialacháin seo, measfar gur “paisinéirí a bhfuil riachtanais shonracha acu” iad na catagóirí paisinéirí seo a leanas:

Aon fhógra a thabharfar don aeriompróir i leith na n-imthosca dá dtagraítear sa chéad fhomhír, measfar go gcumhdaíonn an sé gach turas faoi chonradh aeriompair.

4.   Tabharfaidh an t-aeriompróir an deis, saor in aisce, d’aon duine atá ag tionlacan na ndaoine dá dtagraítear i mír 3 nó atá ag tionlacan linbh, faoin gconradh aeriompair céanna, a bheith curtha i suíochán cóngarach leis an duine nó leanbh sin. I gcás nach bhfuil suíocháin chóngaracha ar fáil, féachfaidh an t-aeriompróir le cúnamh a thabhairt don duine tionlacain nó do na daoine tionlacain chun suíocháin chóngaracha a aimsiú.

5.   Ar dhul ar bord dóibh, tabharfaidh aeriompróirí oibriúcháin tosaíocht do na daoine dá dtagraítear i mír 3 agus d’aon duine nó d’aon mhadra cuidithe aitheanta atá á dtionlacan, agus do leanaí i bpram nó naíchóiste lena nduine tionlacain chomh maith.

6.   Áiritheoidh aeriompróirí oibriúcháin, gan aon chostas breise, gur féidir naíonáin agus leanaí a bhfuil gá acu le pram nó naíchóiste a iompar ina bpram nó ina naíchóiste, suas go dtí an geata bordála nó doras an aerárthaigh, agus go dtabharfar an pram sin nó naíchóiste sin ar ais dóibh ag doras an aerárthaigh, mura bhfuil srianta sábháilteachta, slándála, toillte nó oibríochtúla ann.

7.   I gcás nach gcomhlíonann comhlacht bainistithe an aerfoirt a oibleagáidí faoi Airteagail 7 agus 8 de Rialachán (CE) Uimh. 1107/2006 agus, mar thoradh air sin, ina gcailleann daoine faoi mhíchumas agus daoine a bhfuil a soghluaisteacht laghdaithe a n-eitilt, beidh an t-aeriompróir oibriúcháin freagrach as cúiteamh, athródú agus cúnamh a sholáthar do na paisinéirí sin i gcomhréir le hAirteagail 7, 8 agus 9 den Rialachán seo. Déanfaidh an t-aeriompróir oibriúcháin athródú agus cúnamh den sórt sin a sholáthar dá nduine tionlacain i gcomhréir leis na coinníollacha a leagtar síos in Airteagal 4(2) de Rialachán (CE) Uimh. 1107/2006.

Aisíocfaidh comhlacht bainistithe an aerfoirt an t-aeriompróir oibriúcháin as na costais a thabhóidh an t-aeriompróir oibriúcháin i gcomhréir leis an gcéad fhomhír den mhír seo. Faoin 23 Deireadh Fómhair 2027, glacfaidh an Coimisiún gníomh cur chun feidhme i gcomhréir leis an nós imeachta scrúdúcháin dá dtagraítear in Airteagal 16h(3) lena leagtar síos na módúlachtaí praiticiúla don aisíocaíocht sin. Ní bhainfidh an gníomh cur chun feidhme sin an bonn de fhreagrachtaí an aeriompróra i ndáil le soláthar cúitimh, athródú agus cúnamh do phaisinéirí de bhun na míre seo.

8.   I gcás ina dtabharfaidh an t-aeriompróir, nó a ghníomhaire údaraithe, conradh i gcrích le duine atá ag gníomhú thar ceann mionaoisigh neamhthionlactha d’fhonn cúnamh sonrach a sholáthar do na mionaoisigh sin dá dturas, agus, mar thoradh ar mhainneachtain cúnamh sonrach a sholáthar, ina gcaillfidh na mionaoisigh sin a n-eitilt, beidh na haeriompróirí oibriúcháin freagrach as cúiteamh a sholáthar, athródú agus cúnamh do na mionaoisigh sin i gcomhréir le hAirteagail 7, 8 agus 9.

9.   Agus an t-athródú agus an cúnamh á gcur i bhfeidhm aige i gcomhréir le hAirteagail 8 agus 9, tabharfaidh an t-aeriompróir oibriúcháin aire ar leith do na daoine dá dtagraítear i mír 3 den Airteagal seo a mhéid a bhaineann lena riachtanais. Soláthróidh aeriompróirí an t-athródú agus an cúnamh sin do na daoine sin, lena n-áirítear d’aon duine nó d’aon mhadra cuidithe aitheanta atá á dtionlacan, a luaithe is féidir.

10.   Ní bheidh feidhm ag Airteagal 9(6) maidir le paisinéir dá dtagraítear i mír 3 den Airteagal seo, ná maidir le haon duine nó madraí cuidithe aitheanta atá á dtionlacan.’

1.   Gan dochar do Rialachán (CE) Uimh. 1107/2006, ceadóidh aeriompróirí oibriúcháin do phaisinéirí earra pearsanta a iompar isteach sa chábán gan aon chostas breise.

Gan dochar do Rialachán (CE) Uimh. 1107/2006, ceadóidh aeriompróirí oibriúcháin do phaisinéirí, faoi réir thoilleadh chábán an aerárthaigh, píosa bagáiste láimhe a iompar isteach sa chábán.

Aon uair a dhéanfar táillí aeir a thairiscint nó a fhoilsiú, déanfar na táillí aeir lena n-áirítear lamháltas do phíosa bagáiste láimhe a thaispeáint mar réamhshocrú sula dtosóidh aon phróiseas áirithinte.

Leis an mír seo, ní choiscfear aeriompróirí ná idirghabhálaí tairiscintí atá difreáilte ó thaobh na tráchtála de a thairiscint do phaisinéirí a roghnaíonn go deonach taisteal gan bagáiste láimhe.

2.   I gcásanna ina gcuirtear bac ar earra pearsanta nó ar phíosa bagáiste láimhe dá dtagraítear i mír 1 a iompar sa chábán ar chúiseanna sonracha, amhail cúiseanna sábháilteachta, cúiseanna toillte nó athrú ar an gcineál aerárthaigh ó rinneadh an áirithint, féadfaidh an t-aeriompróir oibriúcháin a éileamh ag an tseiceáil isteach nó ag an ngeata, de réir mar is iomchuí, go ndéanfaí an bagáiste sin nár seiceáladh isteach a iompar i mbolg an aerárthaigh, ach gan aon chostas breise a ghearradh ar an bpaisinéir.

3.   Ní dhéantar leis an Airteagal seo aon difear do na srianta ar bhagáiste nár seiceáladh isteach arna mbunú le rialacha de chuid an Aontais amhail iad siúd a leagtar síos i Rialachán (CE) Uimh. 300/2008 ó Pharlaimint na hEorpa agus ón gComhairle (*7) agus Rialachán Cur Chun Feidhme (AE) 2015/1998 ón gCoimisiún (*8), ná do na srianta sin a bunaíodh le rialacha slándála agus sábháilteachta idirnáisiúnta.

1.   Ní dhéanfar leis an Rialachán seo aon difear do chearta paisinéirí a dheonaítear de bhun gníomhartha dlí eile, lena n-áirítear Treoir (AE) 2015/2302, mura bhforáiltear a mhalairt san Airteagal seo.

Asbhainfear an cúiteamh a dheonaítear i gcomhréir le hAirteagal 7 nó an aisíocaíocht a dheonaítear i gcomhréir le hAirteagal 10(2) den Rialachán seo ón gcúiteamh nó ón laghdú praghsanna a dheonaítear i gcomhréir le gníomhartha dlí eile, amhail Treoir (AE) 2015/2302, má chosnaíonn na cearta dá ndeonaítear an cúiteamh nó laghdú praghsanna an leas céanna nó má tá an cuspóir céanna acu. Ar an gcaoi chéanna, asbhainfear an cúiteamh nó laghdú praghsanna a dheonaítear i gcomhréir le gníomhartha dlí eile amhail Treoir (AE) 2015/2302 ón gcúiteamh a dheonaítear i gcomhréir le hAirteagal 7 nó ón aisíocaíocht a dheonaítear i gcomhréir le hAirteagal 10(2) den Rialachán seo, má chosnaíonn na cearta dá ndeonaítear an cúiteamh nó laghdú praghsanna an leas céanna nó má tá an cuspóir céanna acu.

D’ainneoin an chirt atá ag eagraí taistil láneagraithe sásamh nó aisíocaíochtaí a lorg i gcomhréir le hAirteagal 22 de Threoir (AE) 2015/2302, gan dochar d’Airteagal 13 den Rialachán seo, agus de mhaolú ar Airteagal 8(1), an chéad fhomhír, pointe (a), den Rialachán seo, más cuid de chonradh taistil láneagraithe mar a shainmhínítear in Airteagal 3, pointe (3), de Threoir (AE) 2015/2302 í an eitilt, ní bheidh aon cheart chun aisíocaíochta i gcomhréir leis an Rialachán seo ag paisinéirí a mhéid a eascraíonn ceart comhfhreagrach as Treoir (AE) 2015/2302.

2.   Gan dochar do phrionsabail agus rialacha ábhartha an dlí náisiúnta, lena n-áirítear cásdlí, ní bheidh feidhm ag mír 1 den Airteagal seo maidir le daoine deonacha i gcomhréir leis na coinníollacha a leagtar amach in Airteagal 4(2).

3.   I gcás inar íocadh cúiteamh nó aisíocaíocht cheana féin leis an bpaisinéir i gcomhréir le reachtaíocht tríú tír, asbhainfear méid an chúitimh nó na haisíocaíochta sin ó mhéid an chúitimh nó na haisíocaíochta a dheonaítear i gcomhréir leis an Rialachán seo.;’

1.   Déanfaidh an t-aeriompróir oibriúcháin, tar éis dó iarraidh a fháil arna cur isteach 48 n-uair an chloig ar a dhéanaí roimh an am imeachta sceidealaithe, botúin litrithe in ainm paisinéara a cheartú nó, i gcás athrú riaracháin, ainm paisinéara a nuashonrú. Déanfar ceartú nó nuashonrú den sórt sin saor in aisce uair amháin ar a laghad agus ní bheidh sé ina fhoras chun bordáil a dhiúltú i gcomhréir le hAirteagal 4.

2.   Féadfaidh siad seo a leanas an iarraidh dá dtagraítear i mír 1 a chur isteach:

3.   Ní bheidh ceartú nó nuashonrú a dhéanfar de bhun mhír 1 ina aistriú ticéid ón bpaisinéir chuig duine eile.’

1.   Áireoidh an t-aeriompróir oibriúcháin agus an t-idirghabhálaí ar a shuíomh gréasáin agus ar a fheidhmchlár móibíleach fógra faisnéise ina sonraítear na cearta faoin Rialachán seo, lena n-áirítear faisnéis faoin bpróiseas chun gearáin a láimhseáil. Chun an ceanglas sin a chomhlíonadh, féadfaidh an t-aeriompróir oibriúcháin agus an t-idirghabhálaí úsáid a bhaint as achoimre ar fhorálacha an Rialacháin seo arna hullmhú agus arna cur ar fáil don phobal ag an gCoimisiún i dteangacha oifigiúla uile an Aontais.

2.   Agus ticéid le haghaidh eitilte nó nasceitiltí á dtairiscint acu agus sula gceannófar na ticéid do na heitiltí sin, cuirfidh aeriompróirí agus idirghabhálaithe an paisinéir ar an eolas faoin méid seo a leanas:

3.   Déanfaidh idirghabhálaí nó aeriompróir a dhíolann ticéid a chumhdaítear le meascán de chonarthaí aeriompair an paisinéir a chur ar an eolas, sula gceannófar iad, go bhfuil na ticéid cumhdaithe ag conarthaí aeriompair ar leithligh agus nach bhfuil feidhm ag na cearta faoi Airteagail 7, 8 agus 9 a bhaineann le cúiteamh, aisíocaíocht, athródú nó cúnamh i gcás eitiltí a chailltear ina dhiaidh sin faoin gconradh aeriompair ar leithligh. Beidh an fhaisnéis sin curtha in iúl ar bhealach soiléir agus ar mheán marthanach agus na ticéid á ndíol.

4.   Áiritheoidh comhlacht bainistithe an aerfoirt, nó i gcás inarb ábhartha, an t-aeriompróir oibriúcháin, go gcuirfear an téacs seo a leanas ar taispeáint ar bhealach soiléir ag na deasca seiceáil isteach (lena n-áirítear ag meaisíní seiceáil isteach féinseirbhíse) agus ag an ngeata bordála: “Má dhiúltaítear cead bordála duit nó má chuirtear d’eitilt ar ceal nó má tá moill 2 uair an chloig ar a laghad uirthi ag an aerfort imeachta, nó moill níos mó ná 3 uair an chloig uirthi tráth an ama teacht isteach ag an gceann scríbe deiridh, iarr ag an gcuntar seiceáil isteach nó ag an ngeata bordála an fógra faisnéise ina luaitear do chearta, go háirithe maidir le cúiteamh nó athródú, cúnamh agus cúiteamh féideartha”. Cuirfear an téacs sin ar taispeáint ar a laghad i dteanga nó teangacha shuíomh an aerfoirt agus i dteanga a úsáidtear go hidirnáisiúnta. Áiritheoidh comhlacht bainistithe an aerfoirt freisin go dtaispeánfar cód QR nó aon mhodh digiteach eile ag na deasca seiceáil isteach, in aice leis an téacs sin, chun rochtain a fháil ar fheidhmchlár móibíleach an Choimisiúin maidir le cearta paisinéirí ina mbeidh achoimre ar an Rialachán seo. Chuige sin, comhoibreoidh comhlachtaí bainistithe aerfoirt le haeriompróirí oibriúcháin.

5.   Tar éis na ticéid a cheannach, cuirfidh na haeriompróirí oibriúcháin an fhaisnéis a leagtar amach i mír 2 ar fáil do phaisinéirí ar mheán marthanach gan moill mhíchuí.

6.   Soláthróidh aeriompróirí agus idirghabhálaithe, i gcás inarb ábhartha, an fhaisnéis de bhun an Airteagail seo i dteanga an chonartha aeriompair agus i dteanga a úsáidtear go hidirnáisiúnta.

7.   Beidh an fhaisnéis le haghaidh an chomhfhreagrais nó an mhalartaithe foirmeacha nó doiciméad le paisinéirí de bhun an Rialacháin seo, lena n-áirítear cumarsáid dá dtagraítear in Airteagal 7(4) agus tairiscintí ar roghanna nó comhaontuithe i gcomhréir le hAirteagal 4, 5, 6b, 7, 8 nó 8a ar fáil go héasca agus soláthrófar í ar bhealach soiléir gan débhrí. I gcás ina soláthraítear faisnéis, comhfhreagras, foirmeacha nó doiciméid trí mheán leictreonach, soláthróidh aeriompróirí agus idirghabhálaithe iad ar mheán marthanach agus áireofar leo an dáta agus an t-am.

Chun críocha den sórt sin, áiritheoidh aeriompróirí agus idirghabhálaithe nach mbeidh sé d’oibleagáid ar phaisinéir cuntas úsáideora ná iarratas sonrach a bheith aige nó aici mar réamhchoinníoll chun faisnéis, comhfhreagras, foirmeacha nó doiciméid a rochtain nó a fháil de bhun an Rialacháin seo, lena n-áirítear pasanna bordála, ach gan faisnéis agus doiciméid a bhaineann le hábhair amhail cláir maidir le daoine a eitlíonn go minic nó cláir thráchtála eile arna dtairiscint ag aeriompróir nó ag idirghabhálaí a áireamh.

Is ar na haeriompróirí agus ar na hidirghabhálaithe a bheidh an dualgas cruthúnais i dtaobh a bhunú an ndearna siad an fhaisnéis, an comhfhreagras, na foirmeacha nó na doiciméid is gá a sholáthar do phaisinéirí agus cathain a rinne siad amhlaidh, lena n-áirítear maidir leis an gcumarsáid dá dtagraítear in Airteagal 7(4) agus le pasanna bordála nó tairiscintí le haghaidh roghanna nó comhaontuithe i gcomhréir le hAirteagal 4, 5, 6b, 7, 8 nó 8a.

Chun críocha an Rialacháin seo, le gach modh cumarsáide cuirfear é ar a chumas nó ar a cumas don phaisinéir teagmháil a dhéanamh le haeriompróirí agus idirghabhálaithe go tapa agus saor in aisce agus cumarsáid a dhéanamh go héifeachtach.’

1.   Déanfaidh gach aeriompróir agus gach idirghabhálaí sásra láimhseála gearán a chur ar bun i gcás na gceart agus na n-oibleagáidí a chumhdaítear leis an Rialachán seo ina réimsí freagrachta faoi seach.

2.   Féadfaidh paisinéirí gearán a chur faoi bhráid aon aeriompróra nó aon idirghabhálaí i ndáil lena réimsí freagrachtaí faoi seach trí bhíthin an tsásra dá dtagraítear i mír 1. Cuirfear gearán den sórt sin isteach laistigh de 12 mhí ón dáta a tharla an eitilt nó a bhí sé sceidealaithe tarlú, nó 3 mhí tar éis iarraidh ar chúiteamh a chur isteach, cibé acu is déanaí.

Laistigh de 7 lá oibre ón ngearán a fháil, dearbhóidh an seolaí don phaisinéir go bhfuil an gearán faighte aige. Laistigh d’aon mhí amháin tar éis dó gearán a fháil, tabharfaidh an seolaí freagra réasúnaithe nó, i gcásanna a bhfuil údar cuí leo, cuirfidh sé in iúl don phaisinéir go bhfaighidh sé nó sí freagra deiridh laistigh de thréimhse nach faide ná 2 mhí ón dáta a fuarthas an gearán.

Beidh sa fhreagra deiridh freisin sonraí teagmhála ábhartha an chomhlachta nó na gcomhlachtaí atá freagrach as gearáin a láimhseáil de bhun an Rialacháin seo. Féadfar an oibleagáid sin a chomhlíonadh tríd an bpaisinéir a threorú chuig liosta na gcomhlachtaí láimhseála gearán arna chur ar fáil ag an gCoimisiún.

3.   Is ar an aeriompróir agus ar an idirghabhálaí a bheidh an dualgas cruthúnais maidir leis an bhfaisnéis riachtanach a sholáthar do phaisinéirí.’

1.   Tabharfaidh coiste cúnamh don Choimisiún. Beidh an coiste sin ina choiste de réir bhrí Rialachán (AE) Uimh. 182/2011 ó Pharlaimint na hEorpa agus ón gComhairle (*9).

2.   I gcás ina ndéantar tagairt don mhír seo, beidh feidhm ag Airteagal 4 de Rialachán (AE) Uimh. 182/2011.

3.   I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

I gcás nach dtugann an coiste aon tuairim, ní dhéanfaidh an Coimisiún an dréachtghníomh cur chun feidhme a ghlacadh agus beidh feidhm ag Airteagal 5(4), an tríú fomhír, de Rialachán (AE) Uimh. 182/2011.

1.   Faoin 23 Deireadh Fómhair 2031 agus gach 5 bliana ina dhiaidh sin, tuairisceoidh an Coimisiún do Pharlaimint na hEorpa agus don Chomhairle maidir le liosta na n-imthosca urghnácha a leagtar amach san Iarscríbhinn, i bhfianaise na dteagmhas a rinne difear d’oibriú tráthúil éifeachtach eitiltí a tharla le linn na mblianta roimh gach tuarascáil.

2.   Faoin 23 Deireadh Fómhair 2031 agus gach 5 bliana ina dhiaidh sin, tuairisceoidh an Coimisiún do Pharlaimint na hEorpa agus don Chomhairle maidir le hoibriú, forfheidhmiú agus torthaí an Rialacháin seo. Áireoidh an Coimisiún sa tuarascáil faisnéis faoi chosaint fheabhsaithe a thugtar d’aerphaisinéirí ar eitiltí arna n-oibriú ag aeriompróirí tríú tír chuig tríú tíortha agus uathu.

Áireofar sa tuarascáil sin freisin athbhreithniú ar na tairseacha, ar na méideanna a leagtar amach sa Rialachán seo, agus aird á tabhairt, inter alia, ar éabhlóid na dtáillí aeir, an ráta boilscithe agus an staidreamh maidir le cead bordála a diúltaíodh, cealuithe, moilleanna agus nasceitiltí a cailleadh atá inchurtha i leith aeriompróirí, chomh maith le staidreamh maidir le híosghrádú, le linn na 5 bliana roimhe sin.

Sa tuarascáil de bhun na chéad fhomhíre, déanfaidh an Coimisiún measúnú ar an méid seo a leanas freisin:

3.   Beidh tograí reachtacha ag gabháil leis na tuarascálacha sin, i gcás inar gá.’

1.   Beidh dliteanas aeriompróra de chuid an Aontais i leith paisinéirí agus a gcuid bagáiste faoi rialú ag forálacha uile Choinbhinsiún Montréal a bhaineann leis an dliteanas sin. Áirítear leis sin dliteanas aeriompróra de chuid an Aontais maidir le moill ar phaisinéirí nó ar bhagáiste;

2.   Maidir leis an oibleagáid árachas a bheith ag duine a leagtar amach in Airteagal 6 de Rialachán (CE) Uimh. 785/2004 ó Pharlaimint na hEorpa agus ón gComhairle (*13) agus in Airteagal 11 de Rialachán (CE) Uimh. 1008/2008 a mhéid a bhaineann le dliteanas i leith paisinéirí, tuigfear go gceanglaítear léi go mbeidh árachas ag aeriompróir de chuid an Aontais suas go dtí leibhéal atá leormhaith chun a áirithiú go bhfaighidh gach duine atá i dteideal cúitimh an méid iomlán cúitimh a bhfuil siad ina theideal i gcomhréir leis an Rialachán seo.

1.   I gcás bás paisinéirí nó i gcás ina ngortaítear iad, íocfaidh an t-aeriompróir de chuid an Aontais, gan mhoill, agus i gcás ar bith tráth nach déanaí ná 15 lá tar éis chéannacht an duine nádúrtha atá i dteideal cúitimh a bheith suite, na réamhíocaíochtaí sin a d’fhéadfadh a bheith ag teastáil chun freastal ar riachtanais eacnamaíocha láithreacha ar bhonn atá comhréireach leis an gcruatan a fulaingíodh.

2.   Gan dochar do mhír 1 den Airteagal seo, ní bheidh réamhíocaíocht i gcás bás paisinéirí níos lú ná 16 % in aghaidh an phaisinéara, den teorainn dliteanais a leagtar síos faoi Airteagal 21(1) de Choinbhinsiún Montréal agus ag an Eagraíocht Eitlíochta Sibhialta Idirnáisiúnta de bhun Airteagal 24(2) de Choinbhinsiún Montréal.

3.   Ní hionann réamhíocaíocht agus dliteanas a aithint agus féadfar í a fhritháireamh in aghaidh aon suimeanna a íocfar ina dhiaidh sin ar bhonn dliteanas aeriompróra de chuid an Aontais, ach ní bheidh sí in-aischurtha, ach amháin sna cásanna a fhorordaítear in Airteagal 20 de Choinbhinsiún Montréal nó i gcás nárbh é nó í an duine a fuair an réamhíocaíocht an duine a bhí i dteideal cúitimh.’

1.   Aon uair a bheidh trealamh soghluaisteachta a seiceáladh isteach nó madra cuidithe aitheanta á iompar ag aeriompróir de chuid an Aontais, áiritheoidh sé go gcuirfear daoine faoi mhíchumas agus daoine a bhfuil a soghluaisteacht laghdaithe ar an eolas faoina gcearta agus go dtabharfar an rogha dóibh dearbhú speisialta leasa a dhéanamh, i bhformáid inrochtana, de bhun Airteagal 22(2) de Choinbhinsiún Montréal, tráth na háirithinte, ag an am céanna leis an bhfógra de bhun Airteagal 6 de Rialachán (CE) Uimh. 1107/2006 agus, ar a dhéanaí, nuair a thugtar an trealamh don aeriompróir agus, i gcás madra cuidithe aitheanta, tráth bordála. Sa chás sin, ní ghearrfaidh an t-aeriompróir de chuid an Aontais táille bhreise ar na paisinéirí lena mbaineann. I gcás ina scriostar trealamh, ina gcailltear é, ina ndéantar damáiste dó nó ina gcuirtear moill air, nó i gcás bás madra chuidithe aitheanta nó i gcás ina ngortaítear é, féadfaidh an t-aeriompróir de chuid an Aontais a cheangal ar an duine faoi mhíchumas nó ar an duine a bhfuil a shoghluaisteacht nó a soghluaisteacht laghdaithe cruthúnas a sholáthar ar an gcostas a bhaineann le hathsholáthar an trealaimh soghluaisteachta nó an mhadra chuidithe aitheanta, lena n-áirítear an costas a bhaineann le hathsholáthar sealadach, chun tacú leis an méid a dhearbhaítear sa dearbhú speisialta leasa.

2.   Chun cur i bhfeidhm aonfhoirmeach mhír 1 den Airteagal seo a áirithiú, glacfaidh an Coimisiún gníomh cur chun feidhme lena mbunófar foirm shamplach don dearbhú speisialta leasa. Bunófar an fhoirm shamplach sin i bhformáid a bheidh inrochtana ag daoine faoi mhíchumas agus daoine a bhfuil a soghluaisteacht laghdaithe. Glacfar an gníomh cur chun feidhme sin i gcomhréir leis an nós imeachta comhairleach dá dtagraítear in Airteagal 6d(2).

Beidh sé de cheart ag paisinéirí a ndearbhú speisialta leasa a chur faoi bhráid na n-aeriompróirí trí úsáid a bhaint as an bhfoirm sin. Féadfaidh aeriompróirí a bhfoirm féin a sholáthar do phaisinéirí ar a suíomhanna gréasáin, ar a bhfeidhmchláir mhóibíleacha nó ar pháipéar, ar choinníoll go dtairgfidh foirm den sórt sin, i bhformáid inrochtana, an rogha agus an fhaisnéis a leagtar amach san fhoirm arna bunú ag an gCoimisiún agus go mbeidh sí ar fáil i dteanga na háirithinte ar a laghad.

Agus iompar d’aer á dhíol thar ceann aeriompróra de chuid an Aontais, cuirfidh na hidirghabhálaithe na paisinéirí lena mbaineann ar an eolas faoina gcearta agus tabharfaidh siad an rogha dóibh dearbhú speisialta leasa a dhéanamh, i bhformáid inrochtana, de bhun Airteagal 22(2) de Choinbhinsiún Montréal, tráth na háirithinte, ag an am céanna leis an bhfógra de bhun Airteagal 6 de Rialachán (CE) Uimh. 1107/2006. Tabharfar an dearbhú speisialta leasa sin faoi na coinníollacha céanna a leagtar amach sa chéad fhomhír den mhír seo. Tarchuirfidh an t-idirghabhálaí an dearbhú chuig an aeriompróir de chuid an Aontais a luaithe is féidir.

3.   I gcás scriosadh, cailliúint, damáiste nó moill i dtaca le hiompar trealaimh soghluaisteachta a seiceáladh isteach nó i gcás bás madra chuidithe aitheanta nó i gcás ina ngortaítear madra cuidithe aitheanta, beidh an t-aeriompróir de chuid an Aontais faoi dhliteanas suim a íoc nach mó í ná an tsuim a dhearbhaigh an paisinéir; ach amháin má chruthaíonn sé go bhfuil an tsuim a éilítear níos mó ná leas iarbhír an duine sa seachadadh ag ceann scríbe.

4.   I gcás ina bhfuil feidhm ag mír 3 den Airteagal seo, agus gan dochar d’Airteagail 7 agus 8 agus d’Iarscríbhinn I, an ceathrú fomhír, de Rialachán (CE) Uimh. 1107/2006, déanfaidh na haeriompróirí de chuid an Aontais gach iarracht réasúnta go pras chun athsholáthairtí sealadacha a bhfuil gá leo láithreach a sholáthar le haghaidh trealamh soghluaisteachta a seiceáladh isteach agus réitigh shealadacha a sholáthar a mhéid a bhaineann le hathsholáthar madraí cuidithe aitheanta. Ceadófar don duine faoi mhíchumas nó don duine a bhfuil a shoghluaisteacht nó a soghluaisteacht laghdaithe an t-athsholáthar sealadach sin a choimeád saor in aisce go dtí go n-íocfar an cúiteamh dá dtagraítear i mír 3 nó go dtí go mbeidh na daoine dlítheanacha nó nádúrtha cúitithe ag aeriompróirí an Aontais as na costais a bhaineann le trealamh soghluaisteachta nó madra cuidithe aitheanta a athsholáthar go sealadach.

5.   Ní hionann mír 4 a chomhlíonadh agus dliteanas an aeriompróra de chuid an Aontais a aithint.

1.   Tabharfaidh aeriompróir de chuid an Aontais cead do phaisinéir uirlis cheoil a iompar i gcábán na bpaisinéirí in aerárthach, faoi réir na rialacha slándála agus sábháilteachta is infheidhme agus faoi réir shonraíochtaí teicniúla agus shrianta teicniúla an aerárthaigh lena mbaineann. Glacfar le huirlisí ceoil lena n-iompar i gcábán aerárthaigh ar choinníoll gur féidir na huirlisí sin a stuáil go sábháilte in urrann oiriúnach bagáiste laistigh den chábán nó faoi shuíochán iomchuí paisinéara. Beidh uirlisí ceoil ina gcuid den lamháltas bagáiste nár seiceáladh isteach a cheadófar do phaisinéir. Féadfaidh an t-aeriompróir an deis a thabhairt do phaisinéirí píosa bagáiste láimhe eile a iompar sa bhreis ar an lamháltas sin, faoi réir muirir fhéideartha bhreise.

2.   Faoi réir na rialacha slándála agus sábháilteachta is infheidhme, i gcás ina bhfuil uirlis cheoil rómhór lena stuáil go sábháilte in urrann oiriúnach bagáiste sa chábán nó faoi shuíochán iomchuí paisinéara, féadfaidh aeriompróir a iarraidh go n-íocfar táille eile i gcás ina ndéantar uirlisí ceoil den sórt sin a iompar mar bhagáiste nár seiceáladh isteach ar shuíochán eile. Ní bheidh an dara táille sin faoi réir cánacha a íoc dá dtagraítear in Airteagal 23(1), pointí (b), (c) agus (d), de Rialachán (CE) Uimh. 1008/2008. Beidh an paisinéir agus an uirlis cheoil suite ar shuíocháin chóngaracha agus beidh an uirlis cheoil suite ar shuíochán fuinneoige. Iomprófar uirlisí ceoil i gcuid de bholg an aerárthaigh atá téite, i gcás ina bhfuil a leithéid ar fáil agus má iarrtar é, faoi réir na rialacha sábháilteachta is infheidhme agus faoi réir shrianta spáis agus shonraíochtaí teicniúla an aerárthaigh lena mbaineann.

1.   Tabharfaidh coiste cúnamh don Choimisiún. Beidh an coiste sin ina choiste de réir bhrí Rialachán (AE) Uimh. 182/2011 ó Pharlaimint na hEorpa agus ón gComhairle (*14).

2.   I gcás ina ndéantar tagairt don mhír seo, beidh feidhm ag Airteagal 4 de Rialachán (AE) Uimh. 182/2011.