|
16.6.2023 |
GA |
Iris Oifigiúil an Aontais Eorpaigh |
L 155/28 |
RIALACHÁN CUR CHUN FEIDHME (AE) 2023/1173 ÓN gCOIMISIÚN
an 15 Meitheamh 2023
breiseáin bheathaithe áirithe a tharraingt siar ón margadh, lena leasaítear Rialachán (CE) Uimh. 1810/2005 agus lena n-aisghairtear Rialachán (CE) Uimh. 1453/2004, Rialachán (CE) Uimh. 2148/2004 agus Rialachán (CE) Uimh. 943/2005
(Téacs atá ábhartha maidir leis an LEE)
AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1831/2003 ó Pharlaimint na hEorpa agus ón gComhairle an 22 Meán Fómhair 2003 maidir le breiseáin lena n-úsáid i gcothú ainmhithe (1), agus go háirithe Airteagal 10(5) de,
De bharr an méid seo a leanas:
|
(1) |
Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta chun údarú den sórt sin a dheonú. Go háirithe, le hAirteagal 10(2) den Rialachán sin déantar foráil maidir le rialaithe maidir le athmheastóireacht ar bhreiseáin a údaraítear de bhun Threoir 70/524/CEE ón gComhairle (2). |
|
(2) |
Le hAirteagal 10(5) de Rialachán (CE) Uimh. 1831/2003, forchuirtear oibleagáid ar an gCoimisiún Rialachán a ghlacadh lena dtarraingítear siar ón margadh breiseáin bheathaithe nár cuireadh iarratais isteach ina leith mar a cheanglaítear le hAirteagal 10, le mír 2 agus le mír 7 de Rialachán (CE) Uimh. 1831/2003 roimh an spriocdháta dá bhforáiltear sna forálacha sin, nó ar cuireadh iarratas isteach ina leith ach a tarraingíodh siar ina dhiaidh sin. |
|
(3) |
Dá bhrí sin, ba cheart na breiseáin bheathaithe mar a liostaítear san Iarscríbhinn a tharraingt siar ón margadh. |
|
(4) |
Maidir le breiseáin bheathaithe ar cuireadh iarratais isteach ina leith le haghaidh speicis áirithe ainmhithe nó catagóirí áirithe ainmhithe agus le haghaidh na speiceas nó na gcatagóirí sin amháin, nó maidir le breiseáin bheathaithe ar tarraingíodh siar iarratais ina leith le haghaidh speicis áirithe ainmhithe nó catagóirí áirithe ainmhithe agus le haghaidh na speiceas nó na gcatagóirí sin amháin, níor cheart go mbainfeadh an tarraingt siar ón margadh ach leis na speicis ainmhithe agus na catagóirí ainmhithe nár cuireadh iarratas isteach ina leith nó ar tarraingíodh an t-iarratas siar ina leith. |
|
(5) |
Mar thoradh ar tharraingt siar na mbreiseán beathaithe liostaithe ón margadh, is iomchuí na forálacha lena n-údaraítear iad a aisghairm. Dá bhrí sin, ba cheart Rialachán (CE) Uimh. 1810/2005 ón gCoimisiún (3) a leasú dá réir sin agus ba cheart Rialacháin (CE) Uimh. 1453/2004 (4), (CE) Uimh. 2148/2004 (5) agus Uimh. 943/2005 ón gCoimisiún (6) a aisghairm. |
|
(6) |
Is iomchuí idirthréimhse a thabhairt inar féidir stoic atá ann cheana de na breiseáin, réamh-mheascáin, ábhair bheatha agus beatha cumaisc lena mbaineann a táirgeadh leis na breiseáin sin a ídiú, chun gur féidir le páirtithe leasmhara oiriúnú do tharraingt siar na dtáirgí sin ón margadh. |
|
(7) |
Maidir le tarraingt siar na dtáirgí ón margadh a liostaítear sa Iarscríbhinn, ní chiallaíonn sin nach gcuirfear cosc ar a n-údarú ná nach mbeidh siad faoi réir beart maidir lena stádas i gcomhréir le Rialachán (CE) Uimh. 1831/2003. |
|
(8) |
Tá na bearta dá bhforáiltear sa Rialachán seo i gcomhréir le tuairim an Bhuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Tarraingt siar ón margadh
Déanfar na breiseáin bheathaithe a shonraítear sa Iarscríbhinn a tharraingt siar ón margadh i ndáil leis na speicis ainmhithe nó na catagóirí ainmhithe faoi mar a luaitear san Iarscríbhinn sin.
Airteagal 2
Bearta idirthréimhseacha i leith na mbreiseán beathaithe atá le tarraingt siar ón margadh
1. Na stoic atá ann cheana de na breiseáin bheathaithe a liostaítear san Iarscríbhinn, féadfar leanúint lena gcur ar an margadh agus lena n-úsáid go dtí an 6 Iúil 2024.
2. Réamh-mheascáin a tháirgtear leis na breiseáin dá dtagraítear i mír 1, féadfar leanúint lena gcur ar an margadh agus lena n-úsáid go dtí an 6 Deireadh Fomhair 2024 .
3. Beatha cumaisc agus ábhair bheatha a tháirgtear leis na breiseáin dá dtagraítear i mír 1 nó leis na réamh-mheascáin dá dtagraítear i mír 2, féadfar leanúint lena gcur ar an margadh agus lena n-úsáid go dtí an 6 Iúil 2025.
Airteagal 3
Leasú ar Rialachán (CE) Uimh. 1810/2005
Leasaítear Rialachán (CE) Uimh. 1810/2005 mar seo a leanas:
|
(1) |
Scriostar Airteagal 3; |
|
(2) |
Scriostar Iarscríbhinn III. |
Airteagal 4
Aisghairmeacha
Aisghairtear Rialacháin (CE) Uimh. 1453/2004, (CE) Uimh. 2148/2004 agus (CE) Uimh. 943/2005.
Airteagal 5
Teacht i bhfeidhm
Tiocfaidh an Cinneadh seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 15 Meitheamh 2023.
Thar ceann an Choimisiúin
An tUachtarán
Ursula VON DER LEYEN
(1) IO L 268, 18.10.2003, lch. 29.
(2) Treoir 70/524/CEE ón gComhairle an 23 Samhain 1970 maidir le breiseáin in ábhair bheatha (IO L 270, 14.12.1970, lch. 1).
(3) Rialachán (CE) Uimh. 1810/2005 ón gCoimisiún an 4 Samhain 2005 maidir le húdarú nua ar feadh 10 mbliana i ndáil le breiseán in ábhair bheatha, maidir le húdarú buan breiseán áirithe in ábhair bheatha agus maidir le húdarú sealadach le haghaidh úsáidí nua breiseán áirithe atá údaraithe cheana in ábhair bheatha (IO L 291, 5.11.2005, lch. 5).
(4) Rialachán (CE) Uimh. 1453/2004 ón gCoimisiún an 16 Lúnasa 2004 maidir le húdarú buan breiseán áirithe in ábhair bheatha (IO L 269, 17.8.2004, lch. 3).
(5) Rialachán (CE) Uimh. 2148/2004 ón gCoimisiún an 16 Nollaig 2004 maidir le húdaruithe buana agus údaruithe sealadacha i ndáil le breiseáin áirithe agus maidir le húdarú le haghaidh úsáidí nua i ndáil le breiseán atá údaraithe cheana in ábhair bheatha (IO L 370, 17.12.2004, lch. 24).
(6) Rialachán (CE) Uimh. 943/2005 ón gCoimisiún an 21 Meitheamh 2005 maidir le húdarú buan breiseán in ábhair bheatha (IO L 159, 22.6.2005, lch. 6).
IARSCRÍBHINN
Breiseáin bheathaithe atá le tarraingt siar ón margadh, dá dtagraítear in Airteagal 1
CUID 1
Breiseáin bheathaithe atá le tarraingt siar ón margadh maidir le gach speiceas agus catagóir ainmhithe
|
Uimhir Aitheantais |
Breiseán |
Speiceas nó catagóir ainmhithe |
|
Eiblitheoirí, cobhsaitheoirí, tiúsóirí agus oibreáin ghlóthúcháin |
||
|
E 433 |
Mona-oláit soirbíotáin pholocseitiléine |
Gach speiceas |
|
E 413 |
Tragacant |
Gach speiceas |
|
Ceanglóirí, oibreáin frithstolptha agus téachtaigh |
||
|
E 561 |
Veirmicilít |
Gach speiceas |
|
E 599 |
Péirlít |
Gach speiceas |
|
Vitimíní, próivitimíní agus substaintí atá mionsainithe ó thaobh na gceimiceán de agus atá ar aon éifeacht le chéile |
||
|
|
Vitimín B12 nó Cianacóbalaimín. Gach foirm cé is moite d’ullmhóid cianacóbalaimín arna tháirgeadh ag Ensifer adhaerens CNCM I-5541 agus ina bhfuil ≤ 1 % de chianacóbalaimín, foirm sholadach [3a835] (1). |
Gach speiceas |
|
Breiseáin sadhlais |
||
|
Miocrorgánaigh |
||
|
|
Lactobacillus casei NBRC 3425 (ATCC 7469) |
Gach speiceas |
|
|
Saccharomyces cerevisiae NBRC 0203 (IFO 0203) |
Gach speiceas |
|
Einsímí |
||
|
|
Aimileáis alfa EC 3.2.1.1 ó Aspergillus oryzae CBS 585.94 |
Gach speiceas |
|
Datháin, lena n-áirítear líocha |
||
|
Datháin eile |
||
|
E 150b, E 150c agus E 150d |
Dathanna caramail mar oibreáin dathúcháin atá údaraithe chun earraí bia a dhathú de réir rialacha an Chomhphobail |
Gach speiceas |
|
Blaistiú agus substaintí blaistithe |
||
|
Táirgí nádúrtha – sainithe ó thaobh na luibheolaíochta de |
||
|
|
Abies alba Mill., A. sibirica Ledeb.: Ola spíonlaigh giúise CAS 8021-29-2 FEMA 2905 CoE 5 Einecs 294-351-9 |
Gach speiceas |
|
|
Eleutherococcus senticosus Rupr. et Maxim. = Acanthopanax s. Harms: Eastóscán fréimhe Taiga (bunaithe ar thuaslagóirí) |
Gach speiceas |
|
|
Helianthus annuus L.: Dearbh-lus na gréine/Ola lus na gréine/Tintiúr lus na gréine |
Gach speiceas |
|
|
Origanum heracleoticum L.: Eastóscán oragáin Ghréagaigh/olaroisín/ola oragáin Ghréagaigh |
Gach speiceas |
|
|
Origanum heracleoticum L.: Ola oragáin |
Gach speiceas |
|
|
Petroselinum sativum Hoffm. = P. crispum Mill. = P. hortense L.: Ola duilleoige peirsile CAS 8000-68-8 FEMA 2836 CoE 326 Einecs 281-677-1/Ola síl peirsile CAS 8000-68-8 CoE 326 Einecs 281-677-1 |
Gach speiceas |
|
|
Trachyspermum ammi (L.) Sprag. et Turr.: Ola Ajowan |
Gach speiceas |
|
|
Bupleurum rotundifolium L.: Tintiúr bupleurum rotundifolium |
Gach speiceas |
|
|
Boswellia serrata Roxb. ex Colebr.: Tintiúr olibanum |
Gach speiceas |
|
|
Bambusa sp.: tintiúr |
Gach speiceas |
|
|
Pimenta dioica L. Merr. = P. officinalis Lind L.: Ola ilspíosra CAS 8006-77-7 FEMA 2018 CoE 335 Einecs 284-540-4 |
Gach speiceas |
|
Táirgí nádúrtha agus táirgí sintéiseacha comhfhreagracha |
||
|
|
CAS Uimh. 13678-67-6/Suilfíd Difurfuryl/Flavis Uimh. 13.056 |
Gach speiceas |
|
|
CAS Uimh. 29606-79-9/Iseapúlagón/Flavis Uimh. 07.067 |
Gach speiceas |
|
|
CAS Uimh. 43052-87-5/alfa-Dhamascón/Flavis Uimh. 07.134 |
Gach speiceas |
|
|
CAS Uimh. 4437-22-3/Éitear difurfuryl/Flavis Uimh. 13.061 |
Gach speiceas |
|
|
CAS Uimh. 623-15-4/4-(2-Furyl)but-3-en-2-one/Flavis Uimh. F13.044 |
Gach speiceas |
CUID 2
Breiseáin bheathaithe atá le tarraingt siar ón margadh maidir le speicis agus catagóirí ainmhithe áirithe
|
Uimhir Aitheantais |
Breiseán |
Speiceas agus catagóir ainmhithe |
|
Leasaithigh |
||
|
E 250 |
Nítrít sóidiam |
Madraí; Cait |
|
Eiblitheoirí, cobhsaitheoirí, tiúsóirí agus oibreáin ghlóthúcháin |
||
|
E 406 |
Agar |
Peataí agus ainmhithe eile nach nach bia-ainmhithe iad |
|
Ceanglóirí, oibreáin frithstolptha agus téachtaigh |
||
|
E 567 |
Clinitililít de thionscnamh bolcánach |
Muca, Éanlaith chlóis |
|
Breiseáin sadhlais |
||
|
Substaintí |
||
|
|
Teatraimín heicsimeitiléine |
Bó-ainmhithe; Ainmhithe de chineál caorach; Muca; Éanlaith chlóis; Coiníní; Capaill; Gabhair |
|
Einsímí |
||
|
E 1613 |
Ion -1,4-béite-xiolanáis/EC 3.2.1.8 arna tháirgeadh ag Trichoderma longibrachiatum (CNCM MA 6-10 W) |
Béaróga; Turcaithe lena ramhrú; Sicíní lena ramhrú |
|
Datháin, lena n-áirítear líocha |
||
|
Datháin eile |
||
|
E 127 |
Eireatroisín mar oibreáin dathúcháin atá údaraithe chun earraí bia a dhathú de réir rialacha an Chomhphobail |
Reiptílí; Cait |
|
E 127 |
Eireatroisín [grúpa feidhmiúil 2 a (iii)] |
Éisc ornáideacha |
|
Blaistiú agus substaintí blaistithe |
||
|
Táirgí nádúrtha – sainithe ó thaobh luibheolaíochta de |
||
|
|
Humulus lupulus L. flos: Eastóscán hopa (strobilus) ar mhóran béite-aigéad |
Gach speiceas ainmhíoch cé is moite de mhuca atá bainte de dhiúl, muca lena ramhrú agus mionspeiceas mucúil atá bainte de dhiúl agus lena ramhrú |
|
|
Táirgí nádúrtha agus táirgí sintéiseacha comhfhreagracha |
|
|
|
CAS Uimh. 3188-00-9/4,5 -Déhidreach-2- -meitiolfúrán -3 (2H)-aon/Flavis Uimh. 13.042 |
Gach speiceas ainmhíoch cé is moite de pheataí |
|
|
CAS Uimh. 3658-77-3/4 - Hiodrocsa-2,5-démheitiolfúrán-3 (2H)-aon/Flavis Uimh. 13.010 |
Gach speiceas ainmhíoch cé is moite de pheataí |
|
|
CAS Uimh. 4180-23-8/1 - Meatocsa-4-(próp-1(tras)-einil)beinséin/Flavis Uimh. 04.010 |
Éanlaith chlóis agus iasc |
|
|
CAS Uimh. 97-53-0/Eoigeanól/Flavis Uimh. 04.003 |
Éanlaith chlóis |
|
Vitimíní, próivitimíní agus substaintí atá mionsainithe ó thaobh na gceimiceán de agus atá ar aon éifeacht le chéile |
||
|
|
Óimige-6 Aigéid shailleacha neamhsháithithe riachtanacha (mar aigéad octadecadienoic) |
Cránacha lena n-atáirgeadh; Cránacha, d’fhonn a bheith tairbheach i mbainbh; Ba lena n-atáirgeadh |
(1) daraíodh an fhoirm sin vitimín B12 nó cianacóbalaimín le Rialachán Cur Chun Feidhme (AE) 2022/1249 ón gCoimisiún an 19 Iúil 2022 maidir le húdarú vitimín B12 i bhfoirm cianacóbalaimín arna tháirgeadh ag Ensifer adhaerens CNCM I-5541 mar bhreiseán beathaithe le haghaidh gach speicis ainmhíoch (IO L 191, 20.7.2022, lch. 10).