(1)

De bhun Airteagal 7 de Rialachán (AE) 2024/792, is féidir leis na Ballstáit, tríú tíortha, eagraíochtaí idirnáisiúnta, institiúidí airgeadais idirnáisiúnta nó foinsí eile ranníocaíochtaí breise a sholáthar don tSaoráid don Úcráin, lena n-áirítear do Phlean na hÚcráine.

(2)

Thug an Iorua gealltanas NOK 1 000 000 000 a sholáthar mar ranníocaíocht airgeadais bhreise le Colún I den tSaoráid don Úcráin i bhfoirm tacaíochta airgeadais neamh-inaisíoctha. Is ioncam sannta seachtrach í an ranníocaíocht sin. Tá an Coimisiún freagrach as an ranníocaíocht sin a bhainistiú i gcomhréir leis na nósanna imeachta is infheidhme maidir le caiteachas an Aontais, go háirithe na nósanna imeachta faoi Rialachán (AE) 2024/792 agus Rialachán (AE, Euratom) 2024/2509 ó Pharlaimint na hEorpa agus ón gComhairle (2).

(3)

Ba cheart an ranníocaíocht airgeadais ón Iorua a chur ar fáil don Úcráin, faoi réir teacht i bhfeidhm comhaontaithe maidir le haistriú idir an Iorua agus an Coimisiún agus faoi réir aistriú na ranníocaíochta airgeadais gaolmhaire. Ba cheart an ranníocaíocht airgeadais sin a leithdháileadh ar an aonú tráthchuid ráithiúil déag de Phlean na hÚcráine, agus ba cheart í a eisíoc faoi réir chomhlíonadh sásúil na gcéimeanna cáilíochtúla agus cainníochtúla ábhartha. Ba cheart méid an aonú tráthchuid déag de Phlean na hÚcráine a choigeartú chun ranníocaíocht na hIorua a chur san áireamh, ranníocaíocht arna sloinneadh ina euro, a eascraíonn as an ráta malairte oifigiúil tráth an aistrithe.

(4)

I bhfianaise na staide san Úcráin agus chun leanúnachas a áirithiú maidir le tacaíocht a sholáthar don Úcráin, ba cheart an Cinneadh seo a theacht i bhfeidhm mar ábhar práinne ar dháta a fhoilsithe in Iris Oifigiúil an Aontais Eorpaigh agus ba cheart feidhm a bheith aige ó dháta a ghlactha.

(5)

Ba cheart, dá bhrí sin, Cinneadh Cur Chun Feidhme (AE) 2024/1447 ón gComhairle (3) a leasú dá réir sin,

(1)

in Airteagal 2, cuirtear an mhír seo a leanas isteach:

(2)

san Iarscríbhinn, sa roinn dar teideal ‘An t-aonú tráthchuid déag (R4 2026)’, cuirtear an méid seo a leanas in ionad an téacs idir an teideal agus an tábla:

‘Méid iomlán: EUR 2 103 225 808 agus NOK 1 000 000 000

Tacaíocht neamh-inaisíoctha: EUR 270 000 000 agus NOK 1 000 000 000

Iasachtaí: EUR 1 833 225 808

Líon iomlán beart: 23’.