9.2.2021   

MT

Il-Ġurnal Uffiċjali tal-Unjoni Ewropea

C 46/8


Avviż minn qabel ta’ konċentrazzjoni

(Il-Każ M.10088 — Pai Partners/Euro Ethnic Foods)

(Test b’rilevanza għaż-ŻEE)

(2021/C 46/06)

1.   

Fid-29 ta’ January 2021, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—

PAI Partners SAS (“PAI Partners”, Franza),

—

Euro Ethnic Foods S.A. (“EEF”, il-Lussemburgu).

PAI Partners takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll esklużiv ta’ EEF kollha kemm hi.

Il-konċentrazzjoni qed issir permezz tax-xiri ta’ ishma.

2.   

L-attivitajiet kummerċjali tal-impriżi kkonċernati huma:

—

PAI Partners: ditta ta’ ekwità privata li s-setturi ewlenin tal-investiment tagħha huma prodotti tal-konsumatur, prodotti industrijali, id-distribuzzjoni, is-saħħa u s-servizzi tan-negozju. PAI Partners hija wkoll il-kumpanija prinċipali ta’, fost entitajiet oħra, Refresco, kumpanija attiva fil-produzzjoni u l-ibbottiljar ta’ xorb mhux alkoħoliku, inklużi xarbiet karbonizzati, meraq tal-frott u xorb mhux alkoħoliku.

—

EEF: operatur tat-taqsima tal-merċa u tax-xarbiet tal-ħwienet Grand Frais u l-kumpanija prinċipali ta’ La Compagnie des Pruneaux, attiva fil-produzzjoni u l-bejgħ lil terzi persuni tal-materja prima magħmula mill-pruna u b’mod partikolari mill-meraq tal-pruna.

3.   

Wara eżami preliminari, il-Kummissjoni Ewropea tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Dawn il-kummenti jeħtieġ li jaslu għand il-Kummissjoni mhux aktar tard minn għaxart ijiem wara id-data ta’ din il-pubblikazzjoni. Jinħtieġ li dejjem tiġi speċifikata din ir-referenza:

M.10088 — Pai Partners/Euro Ethnic Foods

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz postali:

Commission européenne

Direction générale de la concurrence

Greffe des concentrations

1049 Bruxelles

BELGIQUE


(1)  ĠU L 24, 29.1.2004, p. 1 (ir-“Regolament dwar l-Għaqdiet”).