Dírítear aird Hadi ZAHOURIAN (Uimh. 1), Mohammad Shahab KHANIAN (Uimh. 2), Ehsan Rahat VARNOSFADRANI (Uimh. 3), daoine atá san Iarscríbhinn a ghabhann le Cinneadh (CBES) 2023/1532 ón gComhairle (1) agus in Iarscríbhinn III a ghabhann le Rialachán (AE) 2023/1529 ón gComhairle (2) a bhaineann le bearta sriantacha i bhfianaise thacaíocht mhíleata na hIaráine do chogadh foghach na Rúise i gcoinne na hÚcráine, ar an bhfaisnéis seo a leanas.

Tá sé beartaithe ag an gComhairle na bearta sriantacha i gcoinne na ndaoine thuasluaite a choimeád agus leasú déanta ar na ráitis ar chúiseanna.

Cuirtear in iúl do na daoine sin, leis seo, go bhféadfaidh siad iarraidh a chur faoi bhráid na Comhairle chun go bhfaighidh siad an ráiteas ar chúiseanna atá beartaithe, roimh an 7 Bealtaine 2024 , ag an seoladh seo a leanas:

Comhairle an Aontais Eorpaigh

An Ardrúnaíocht

RELEX.1 Gnóthaí Domhanda agus Cothrománacha

Rue de la Loi/Wetstraat 175

1048 Bruxelles/Brussel

BELGIQUE/BELGIË

ríomhphost: sanctions@consilium.europa.eu

Maidir le barúlacha a gheofar roimh an 21 Bealtaine 2024 , cuirfear san áireamh iad chun críoch athbhreithniú tréimhsiúil na Comhairle, i gcomhréir le hAirteagal 4 de Chinneadh 2023/1532/CBES agus le hAirteagal 7(4) de Rialachán (AE) 2023/1529.

---

(1)   IO L 186, 25.7.2023, lch. 20.

(2)   IO L 186, 25.7.2023, lch. 1.