European flag

Il-Ġurnal Uffiċjali
ta'l-Unjoni Ewropea

MT

Is-serje L


2024/3004

3.12.2024

DEĊIŻJONI TAL-KUNSILL (PESK) 2024/3004

tat-2 ta’ Diċembru 2024

li temenda d-Deċiżjoni (PESK) 2020/1999 li tikkonċerna miżuri restrittivi kontra l-ksur u l-abbużi serji tad-drittijiet tal-bniedem

IL-KUNSILL TAL-UNJONI EWROPEA,

Wara li kkunsidra t-Trattat dwar l-Unjoni Ewropea, u b'mod partikolari l-Artikolu 29 tiegħu,

Wara li kkunsidra l-proposta tar-Rappreżentant Għoli tal-Unjoni għall-Affarijiet Barranin u l-Politika ta' Sigurtà,

Billi:

(1)

Fis-7 ta' Diċembru 2020, il-Kunsill adotta d-Deċiżjoni (PESK) 2020/1999 (1).

(2)

Abbażi ta' rieżami tal-Anness tad-Deċiżjoni (PESK) 2020/1999, il-miżuri stipulati fl-Artikoli 2 u 3 ta' dik id-Deċiżjoni fir-rigward tal-persuni fiżiċi jew ġuridiċi, l-entitajiet, u l-korpi elenkati f'dak l-Anness jistgħu, ħlief fil-każ ta' persuna waħda li mietet, jiġu estiżi sat-8 ta' Diċembru 2025. Jenħtieġ li l-entrati li jikkonċernaw 31 persuna fiżika u disa’ entitajiet elenkati f'dak l-Anness jiġu aġġornati.

(3)

Għalhekk, jenħtieġ li d-Deċiżjoni (PESK) 2020/1999 tiġi emendata skont dan,

ADOTTA DIN ID-DEĊIŻJONI:

Artikolu 1

Id-Deċiżjoni (PESK) 2020/1999 hija emendata kif ġej:

(1)

fl-Artikolu 10, il-paragrafu (1) huwa sostitwit b'dan li ġej:

“1.   Din id-Deċiżjoni għandha tapplika sat-8 ta' Diċembru 2026 u għandha tinżamm taħt rieżami kostanti. Il-miżuri stipulati fl-Artikoli 2 u 3 għandhom japplikaw fir-rigward tal-persuni fiżiċi jew ġuridiċi, l-entitajiet, u l-korpi elenkati fl-Anness sat-8 ta' Diċembru 2025.”

;

(2)

l-Anness huwa emendat f’konformità mal-Anness ta' din id-Deċiżjoni.

Artikolu 2

Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.

Magħmul fi Brussell, it-2 ta’ Diċembru 2024.

Għall-Kunsill

Il-President

NAGY M.


(1)  Id-Deċiżjoni tal-Kunsill (PESK) 2020/1999 tas-7 ta' Diċembru 2020 li tikkonċerna miżuri restrittivi kontra l-ksur u l-abbużi serji tad-drittijiet tal-bniedem (ĠU L 410 I, 7.12.2020, p. 13).


ANNESS

L-Anness tad-Deċiżjoni (PESK) 2020/1999 huwa emendat kif ġej:

(1)

fit-taqsima “A. Persuni fiżiċi”, l-entrata 16 titħassar;

(2)

fit-taqsima “A. Persuni fiżiċi”, l-entrati tal-31 persuna fiżika li ġejja huma sostitwiti b'dan li ġej:

 

Ismijiet (Trażlitterazzjoni bl-alfabett Latin)

Ismijiet

Informazzjoni ta' identifikazzjoni

Raġunijiet għall-elenkar

Data tal-elenkar

“1.

Alexander (Alexandr) Petrovich KALASHNIKOV

Aлександр Петрович КАЛАШНИКОВ

(ortografija Russa)

Pożizzjoni(jiet): Eks Direttur tar-Russian Federal Penitentiary Service (FSIN)

Data tat-twelid: 27.1.1964

Post tat-twelid: Tatarsk, Novosibirsk Region/Oblast, Russian SFSR (issa Russian Federation)

Nazzjonalità: Russa

Sess: raġel

Numru tal-identità: 771670606787

Alexander Kalashnikov kien id-direttur tas-Servizz Penitenzjarju Federali Russu (FSIN) mit-8 ta' Ottubru 2019 sal-25 ta' Novembru 2021. F'dik il-pożizzjoni, huwa ssorvelja l-attivitajiet kollha tal-FSIN. Fil-kapaċità tiegħu bħala direttur tal-FSIN, huwa kien responsabbli għal ksur serju tad-drittijiet tal-bniedem fir-Russja, inkluż arresti u detenzjonijiet arbitrarji.

Waqt li Alexei Navalny kien qed jirkupra fil-Ġermanja (Settembru 2020-Jannar 2021) wara li kien ġie avvelenat b'aġent nervin tossiku tal-grupp Novichok, fit-28 ta' Diċembru 2020, l-FSIN ordna li jippreżenta ruħu b'mod immedjat quddiem uffiċjal tal-probation jew, jekk jonqos milli jagħmel dan, jiffaċċa sentenza ta' ħabs talli jkun kiser il-kundizzjonijiet ta' sentenza sospiża għal kundanna għal frodi. Dik il-kundanna għal frodi nstabet li kienet arbitrarja u inġusta mill-Qorti Ewropea tad-Drittijiet tal-Bniedem fl-2018. Fis-17 ta' Jannar 2021, fuq ordnijiet ta' Alexander Kalashnikov, uffiċjali tal-FSIN arrestaw lil Alexei Navalny mal-wasla tiegħu fl-ajruport ta' Moska.

L-arrest ta' Alexei Navalny huwa bbażat fuq deċiżjoni tal-qorti tal-belt ta' Khimki, li min-naħa tagħha nħarġet fuq talba tal-FSIN. Lejn l-aħħar ta' Diċembru 2020, l-FSIN kien diġà talab li qorti tissostitwixxi s-sentenza sospiża ta' Alexei Navalny b'sentenza ta' ħabs. Fis-17 ta' Frar 2021, il-Qorti Ewropea tad-Drittijiet tal-Bniedem ordnat lill-Gvern tal-Federazzjoni Russa jirrilaxxa lil Alexei Navalny.

2.3.2021

2.

Alexander (Alexandr) Ivanovich BASTRYKIN

Алексaндр Ивaнович БАСТРЫКИН

Pożizzjoni(jiet): President tal-Investigative Committee tar-Russian Federation

Data tat-twelid: 27.8.1953

Post tat-twelid: Pskov, Russian SFSR (issa Russian Federation)

Nazzjonalità: Russa

Sess: raġel

Numru tal-identità: 782618375392

Alexander Bastrykin ilu jservi bħala president tal-Kumitat Investigattiv tal-Federazzjoni Russa (il-‘Kumitat’) minn Jannar 2011 (u bħala aġent president minn Ottubru sa Diċembru 2010). F'dik il-pożizzjoni, huwa jissorvelja l-attivitajiet kollha tal-Kumitat. Uffiċjalment, il-Kumitat huwa ppresedut mill-President Russu. Fil-kapaċità tiegħu, Alexander Bastrykin, bħala president tal-Kumitat, huwa responsabbli għal ksur serju tad-drittijiet tal-bniedem fir-Russja, inkluż arresti u detenzjonijiet arbitrarji.

Alexander Bastrykin huwa responsabbli għall-kampanji mifruxa u sistematiċi ta' repressjoni tal-Kumitat kontra l-oppożizzjoni Russa li jimmiraw u jinvestigaw il-membri tagħha. Fid-29 ta' Diċembru 2020, il-Kumitat nieda investigazzjoni dwar il-mexxej tal-oppożizzjoni Alexei Navalny, fejn ġie akkużat bi frodi fuq skala kbira. Alexei Navalny u oħrajn ippubblikaw artikli dwar is-sjieda ta' Alexander Bastrykin tad-ditta tal-proprjetà immobbli Ċeka LAW Bohemia fis-snin 2000.

Fl-2022, il-Kumitat Investigattiv, li Alexander Bastrykin għadu jippresiedi, akkuża lil 92 suldat Ukren b'delitti kontra l-umanità matul il-gwerra ta' aggressjoni tar-Russja kontra l-Ukrajna.

2.3.2021

4.

Viktor Vasilievich (Vasilyevich) ZOLOTOV

Виктор Васильевич ЗОЛОТОВ

Pożizzjoni(jiet): Direttur tal-Federal Service of National Guard Troops tar-Russian Federation (Rosgvardia)

Data tat-twelid: 27.1.1954

Post tat-twelid: Sasovo, Russian SFSR (issa Russian Federation)

Nazzjonalità: Russa

Sess: raġel

Numru tal-identità: 770600283509

Viktor Zolotov ilu d-Direttur tas-Servizz Federali tat-Truppi tal-Gwardja Nazzjonali tal-Federazzjoni Russa (Rosgvardia) mill-5 ta' April 2016 u, għalhekk, huwa Kap Kmandant tat-Truppi tal-Gwardja Nazzjonali tal-Federazzjoni Russa, kif ukoll Kmandant tal-OMON – Unita Mobbli bi Skop Speċjali integrata fir-Rosgvardia. F'dik il-pożizzjoni, huwa jissorvelja l-attivitajiet kollha tat-truppi tar-Rosgvardia u tal-OMON. Fil-kapaċità tiegħu bħala Direttur tar-Rosgvardia, huwa responsabbli għal ksur serju tad-drittijiet tal-bniedem fir-Russja, inkluż arresti u detenzjonijiet arbitrarji u l-ksur mifrux u sistematiku tad-dritt għal-libertà ta' għaqda paċifika u ta' assoċjazzjoni, b'mod partikolari bir-repressjoni vjolenti ta' protesti u dimostrazzjonijiet.

Ir-Rosgvardia ntużat biex trażżan il-protesti favur Navalny tat-23 ta' Jannar u tal-21 ta' April 2021, u ġie rrappurtat li bosta uffiċjali tal-OMON u tal-Gwardja Nazzjonali użaw brutalità u vjolenza kontra d-dimostranti. Għexieren ta' ġurnalisti spiċċaw fil-mira ta' aggressjoni mill-forzi tas-sigurtà, inkluż il-korrispondent ta' Meduza, Kristina Safronova, li sfat aggredita minn uffiċjal tal-OMON, u l-ġurnalista ta' Novaya Gazeta Yelizaveta Kirpanova, li laqtet daqqa ta' lembuba fuq rasha, li darrbitha. Matul il-protesti tat-23 ta' Jannar 2021, il-forzi tas-sigurtà iddetenew arbitrarjament aktar minn 300 minorenni.

2.3.2021

6.

WANG Junzheng

Image 1

(Ortografija Ċiniża)

Pożizzjoni(jiet): Membru tal-20 Chinese Communist Party (CCP) Central Committee (Diċembru 2022-Diċembru 2026); Deputat tal-14-il National People's Congress (NPC, Frar 2023 – Frar 2027); Segretarju tal-Partit taċ-Chinese Communist Party (CCP) tat-Tibet Autonomous Region (TAR); Direttur tal-Foreign Affairs Committee tat-Tibet Autonomous Region (TAR) (minn Mejju 2024); eks Segretarju tal-Partit tal-Xinjiang Production and Construction Corps (XPCC), u Viċi Segretarju tal-Party Committee tal-Xinjiang Uyghur Autonomous Region taċ-Ċina; Kummissarju politiku tal-XPCC u CEO taċ-China Xinjian Group

Data tat-twelid: Mejju 1963

Post tat-twelid: Linyi, Shandong (China)

Nazzjonalità: Ċiniża

Sess: raġel

Segretarju taċ-Chinese Communist Party (CCP) tat-Tibet Autonomous Region (TAR) minn Ottubru 2021. Membru tal-20 Chinese Communist Party (CCP) Central Committee (Diċembru 2022-Diċembru 2026). Deputat tal-14-il National People's Congress (NPC, Frar 2023 - Frar 2027).

Eks Segretarju tal-Partit tal-Xinjiang Production and Construction Corps (XPCC) u Viċi Segretarju tal-Party Committee tal-Xinjiang Uyghur Autonomous Region (XUAR) taċ-Ċina minn April 2020 sa Ottubru 2021, kif ukoll Kummissarju politiku tal-XPCC minn Mejju 2020 sa Ottubru 2021. Eks Segretarju tal-Political and Legal Affairs Committee tal-XUAR, minn Frar 2019 sa Settembru 2020. Wang Junzheng okkupa wkoll pożizzjonijiet għolja oħra fl-XPCC.

L-XPCC hija organizzazzjoni ekonomika u paramilitari tal-istat fl-XUAR, li teżerċita awtorità amministrattiva u tikkontrolla l-attivitajiet ekonomiċi f'Xinjiang.

Bħala Segretarju tal-Partit u Kummissarju Politiku tal-XPCC, Wang Junzheng kien involut fis-sorveljanza tal-politiki kollha implimentati mill-XPCC. F'dik il-pożizzjoni, huwa kien responsabbli għal ksur serju tad-drittijiet tal-bniedem fiċ-Ċina, b'mod partikolari detenzjonijiet arbitrarji u trattament degradanti fuq skala kbira imposti fuq l-Ujguri u popli minn minoranzi etniċi Musulmani oħrajn, kif ukoll ksur sistematiku tal-libertà ta' reliġjon jew ta' twemmin tagħhom, fost l-oħrajn, b'rabta mal-implimentazzjoni mill-XPCC ta' programm ta' sorveljanza, detenzjoni u indottrinazzjoni fuq skala kbira mmirat lejn l-Ujguri u nies minn minoranzi etniċi Musulmani oħrajn.

Hu kien ukoll responsabbli għall-użu sistematiku mill-XPCC tal-Ujguri u nies minn minoranzi etniċi Musulmani oħrajn bħala forza tax-xogħol furzat, b'mod partikolari fl-għelieqi tal-qoton.

Bħala Viċi Segretarju tal-Kumitat tal-Partit tal-XUAR, Wang Junzheng kien involut fis-sorveljanza tal-politiki tas-sigurtà kollha implimentati f'Xinjiang, inkluż il-programm imsemmi qabel immirat lejn l-Ujguri u nies minn minoranzi etniċi Musulmani oħrajn. Bħala Segretarju tal-Kumitat għall-Affarijiet Politiċi u Legali tal-XUAR minn Frar 2019 sa Settembru 2020, Wang Junzheng kien responabbli għaż-żamma tas-sigurtà interna u l-infurzar tal-liġi fil-XUAR. Bħala tali, kellu pożizzjoni politika importanti, inkarigat bis-sorveljenza u l-implimentazzjoni tal-programm imsemmi qabel.

22.3.2021

7.

WANG Mingshan

Image 2

(ortografija Ċiniża)

Pożizzjoni(jiet): Deputat tal-14-il National People's Congress (NPC, Frar 2023 – Frar 2027); Viċi Direttur tal-iStanding Committee tal-Party Committee tal-Xinjiang Uyghur Autonomous Region (XUAR)

Data tat-twelid: Jannar 1964

Post tat-twelid: Wuwei, Gansu (China)

Nazzjonalità: Ċiniża

Sess: raġel

Viċi Direttur (minn Frar 2024) u eks membru tal-iStanding Committee tal-Party Committee tal-Xinjiang Uyghur Autonomous Region (XUAR). Deputat tal-14-il National People's Congress (NPC, Frar 2023 - Frar 2027).

Eks Direttur u Viċi Segretarju tal-Partit tal-Xinjiang Public Security Bureau (XPSB) bejn l-2017 u Jannar 2021.

Bħala Viċi Direttur u eks Segretarju tal-Kumitat għall-Affarijiet Politiċi u Legali tal-XUAR (Settembru 2020 – Frar 2024), Wang Mingshan hu responabbli għaż-żamma tas-sigurtà interna u l-infurzar tal-liġi fl-XUAR. Bħala tali, għandu pożizzjoni politika importanti, inkarigat biex isegwi programm fuq skala kbira ta' sorveljanza, detenzjoni u indottrinazzjoni mmirat lejn persuni Ujguri u nies minn minoranzi etniċi oħrajn.

Bħala eks Direttur u Viċi Segretarju tal-Partit tal-XPSB (mill-2017 sa Jannar 2021), hu kellu pożizzjoni ewlenija fl-apparat tas-sigurtà ta' Xinjiang u kien direttament responsabbli għall-implimentazzjoni tal-programm imsemmi qabel. B'mod partikolari, l-XPSB uża l-‘Pjattaforma Integrata ta' Operazzjonijiet Konġunti’ (IJOP), programm ta' big data użat biex isegwi miljuni ta' Ujguri fir-reġjun ta' Xinjiang u jimmarka lil dawk meqjusa bħala ‘theddida potenzjali’ biex jintbagħtu f'kampijiet ta' detenzjoni.

Fil-pożizzjoni attwali tiegħu u minħabba l-funzjonijiet li kellu qabel, Wang Mingshan hu responsabbli għal ksur serju tad-drittijiet tal-bniedem fiċ-Ċina, b'mod partikolari detenzjonijiet arbitrarji u trattament degradanti fuq skala kbira mwettqa fuq l-Ujguri u nies minn minoranzi etniċi Musulmani oħrajn, kif ukoll ksur sistematiku tal-libertà tar-reliġjon jew tat-twemmin tagħhom.

22.3.2021

8.

CHEN Mingguo

Image 3

(Ortografija Ċiniża)

Pożizzjoni(jiet): Segretarju tal-Political and Legal Affairs Commission tal-Xinjiang Uygur Autonomous Region (XUAR); Membru tal-iStanding Committee tas-CCP tal-XUAR.

Data tat-twelid: Ottubru 1966

Post tat-twelid: Yilong, Sichuan (China)

Nazzjonalità: Ċiniża

Sess: raġel

Segretarju tal-Political and Legal Affairs Commission tal-Xinjiang Uygur Autonomous Region (XUAR) u Membru tal-iStanding Committee tas-CCP tal-XUAR minn Frar 2024.

Eks Direttur tal-Xinjiang Public Security Bureau (XPSB) minn Jannar 2021 u Viċi President tal-People's Government tal-Xinjiang Uygur Autonomous Region (XUAR).

Bħala Segretarju tal-Kummissjoni għall-Affarijiet Politiċi u Legali tar-Reġjun Awtonomu ta' Xinjiang Uygur (XUAR), Membru tal-Kumitat Permanenti tas-CCP tal-XUAR u eks Direttur tal-XPSB, Chen Mingguo għandu pożizzjoni ewlenija fl-apparat tas-sigurtà ta' Xinjiang u huwa involut direttament fl-implimentazzjoni ta' programm ta' sorveljanza, detenzjoni u indottrinazzjoni fuq skala kbira mmirat lejn l-Ujguri u persuni minn minoranzi etniċi Musulmani oħra. B'mod partikolari, l-XPSB uża l-‘Pjattaforma Integrata ta' Operazzjonijiet Konġunti’ (IJOP), programm ta' big data użat biex isegwi miljuni ta' Ujguri fir-reġjun ta' Xinjiang u jimmarka lil dawk meqjusa bħala ‘theddida potenzjali’ biex jintbagħtu f'kampijiet ta' detenzjoni. Chen Mingguo hu għalhekk responsabbli għal ksur serju tad-drittijiet tal-bniedem fiċ-Ċina, b'mod partikolari detenzjonijiet arbitrarji u trattament degradanti mwettqa fuq l-Ujguri u nies minn minoranzi etniċi Musulmani oħrajn, kif ukoll ksur sistematiku tal-libertà ta' reliġjon jew tat-twemmin tagħhom.

22.3.2021

13.

Aiub Vakhaevich KATAEV (magħruf ukoll bħala Ayubkhan Vakhaevich KATAEV)

Аюб Вахаевич КАТАЕВ (magħruf ukoll bħala Аюбхан Вахаевич КАТАЕВ) (ortografija Russa)

Pożizzjoni(jiet): Eks Kap tad-Department of the Ministry of Internal Affairs tar-Russian Federation fil-belt ta' Argun fir-Repubblika Ċeċena

Data tat-twelid: 1.12.1983

Post tat-twelid: Ilyinsky, Chechnya

Nazzjonalità: Russa

Numru tal-identità: 200505588830, 014112081090

Sess: raġel

Kap tad-Dipartiment tal-Ministeru għall-Affarijiet Interni tal-Federazzjoni Russa fil-belt ta' Argun fir-Repubblika Ċeċena sal-2018.

Fil-kapaċità tiegħu bħala Kap tad-Dipartiment tal-Ministeru għall-Affarijiet Interni tal-Federazzjoni Russa f'Argun, Aiub Kataev kien jissorvelja l-attivitajiet tas-sigurtà tal-istat u tal-aġenziji tal-pulizija lokali. F'din il-pożizzjoni, huwa kien jissorvelja personalment persekuzzjonijiet mifruxa u sistematiċi fiċ-Ċeċenja, li bdew fl-2017. Ir-repressjonijiet huma diretti kontra persuni leżbjani, gay, bisesswali, transġeneri u intersesswali (LGBTI), dawk li huma preżunti li jappartjenu għal gruppi LGBTI, u individwi oħra ssuspettati li huma avversarji tal-Kap tar-Repubblika Ċeċena, Ramzan Kadyrov. Aiub Kataev u forzi li kienu taħt il-kmand tiegħu huma responsabbli għal ksur serju tad-drittijiet tal-bniedem fir-Russja, b'mod partikolari t-tortura u trattament krudili, inuman jew degradanti ieħor, kif ukoll arresti u detenzjonijiet arbitrarji, u eżekuzzjonijiet u qtil arbitrarji jew ekstraġudizzjarji.

Skont diversi xiehda, Aiub Kataev issorvelja personalment u ħa sehem fit-tortura ta' detenuti.

22.3.2021

20.

Aleksandr Grigorievitch MALOLETKO

Александр Григорьевич МАЛОЛЕТКО

(ortografija Russa)

 

Aleksandr Maloletko kien kollaboratur mill-qrib ta' Yevgeny Prigozhin. L-azzjoni tiegħu bħala ‘difensur tal-Patrija’ u bħala l-Kap tal-‘Veteran's Interests Defenders League’ kien imfaħħar pubblikament minn Yevgeny Prigozhin. Huwa kien qed jaħdem bħala istruttur għall-Wagner Group fir-Repubblika Ċentru-Afrikana (RCA). Huwa assoċjat mal-Wagner Group, elenkat għal abbużi serji tad-drittijiet tal-bniedem, f'diversi pajjiżi, inkluż ir-RCA, u huwa responsabbli talli appoġġa l-atti tal-Wagner Group.

25.2.2023

22.

Dimitri SYTII

magħruf ukoll bħala

Dimitri SYTYI

Дмитрий СЫТИЙ

(ortografija Russa)

Pożizzjoni(jiet): Direttur tar-Russian House of Bangui

Data tat-twelid: 23.3.1989

Post tat-twelid: Minsk (Belarus)

Nazzjonalità: Russa

Numru tal-Passaport: 550246878

Sess: raġel

Indirizz: NA-SYTAIA/A1-TANKISTAZ KHRUSTITSKOGO 62 APT25/ZP-198217/CI St Petersburg, Russian Federation

Dimitri Sytii għandu rwol ewlieni fil-Wagner Group fir-Repubblika Ċentru-Afrikana (RCA), u kellu rabtiet mill-qrib ma' Yevgeny Prigozhin. Huwa inkarigat bit-tmexxija tal-operazzjonijiet u tal-politika ta' influwenza tal-Wagner Group fir-RCA. Huwa l-kap tal-fergħa lokali tar-Russian House, il-fergħa kulturali tal-Ministeru għall-Affarijiet Barranin tar-Russja.

Il-Wagner Group huwa elenkat għal abbużi serji tad-drittijiet tal-bniedem, li jinkludu t-tortura u eżekuzzjonijiet u qtil ekstraġudizzjarji, sommarji jew arbitrarji, f'diversi pajjiżi, inkluż ir-RCA.

Minħabba l-pożizzjoni influwenti tiegħu fir-RCA u r-rwol ta' tmexxija tiegħu fil-Wagner Group, huwa responsabbli għal abbużi serji tad-drittijiet tal-bniedem imwettqa mill-Wagner Group fir-RCA.

25.2.2023

23.

Mikhail Sergeyevich POTEPKIN

Михаил Сергеевич ПОТЕПКИН

(ortografija Russa)

Pożizzjoni(jiet): Direttur Meroe Gold

Data tat-twelid: 19.9.1981 jew 29.9.1981

Nazzjonalità: Russa

Sess: raġel

Numru tal-Passaport: 651697952 (passaport Russu)

Indirizz: Sudan

Kumpaniji assoċjati: Megaline; Concord; IT-Debugger

Mikhail Potepkin huwa direttur ta' Meroe Gold, entità ta' kopertura għall-operazzjonijiet tal-Wagner Group fis-Sudan, kif ukoll huwa involut f'M-Invest, il-kumpanija omm ta' Meroe. Huwa għandu rwol prinċipali fi ħdan il-Wagner Group fis-Sudan, u kellu rabtiet mill-qrib ma' Yevgeny Prigozhin. Billi kien affiljat mal-militar Sudaniż, il-Wagner Group żgura l-isfruttament u l-esportazzjoni tad-deheb Sudaniż lejn ir-Russja. Potepkin huwa assoċjat mal-Wagner Group, elenkat għal abbużi serji tad-drittijiet tal-bniedem, li jinkludu t-tortura u eżekuzzjonijiet u qtil ekstraġudizzjarji, sommarji jew arbitrarji, f'diversi pajjiżi, inkluż fis-Sudan. Permezz tal-attivitajiet tiegħu, huwa jipprovdi wkoll appoġġ għal tali abbużi mwettqa fis-Sudan.

25.2.2023

25.

Vitalii Viktorovitch PERFILEV

Виталий Викторович ПЕРФИЛЬЕВ

(ortografija Russa)

Data tat-twelid: 11.9.1983

Post tat-twelid: Novossibirsk USSR (issa Russian Federation)

Nazzjonalità: Russa

Indirizz: Bangui (Central African Republic)

Sess: raġel

Numru tal-Passaport: NR 75 2987491

Data tal-konsenja: 30.3.2016

Data ta' skadenza: 30.3.2026

Vitalii Perfilev kien il-konsulent tas-sigurtà tal-President tar-Repubblika Ċentru-Afrikana (RCA) sa Novembru 2023, u figura ewlenija fi ħdan il-Wagner Group fir-RCA.

Il-Wagner Group huwa elenkat għal abbużi serji tad-drittijiet tal-bniedem, li jinkludu t-tortura u eżekuzzjonijiet u qtil ekstraġudizzjarji, sommarji jew arbitrarji, f'diversi pajjiżi, inkluż ir-RCA.

Minħabba l-pożizzjoni influwenti li kellu matul il-perjodu tat-twettiq tal-abbużi tad-drittijiet tal-bniedem fir-RCA u r-rwol ta' tmexxija tiegħu fil-Wagner Group, Vitalii Perfilev huwa responsabbli għal abbużi serji tad-drittijiet tal-bniedem imwettqa mill-Wagner Group fir-RCA.

25.2.2023

26.

Andrei Sergeevich MANDEL

Андрей Сергеевич МАНДЕЛЬ

(ortografija Russa)

Data tat-twelid: 2.3.1990

Post tat-twelid: Germany

Sess: raġel

Numru tal-Passaport: 753615660

Andrei Mandel huwa l-kap ta' M-Invest, entità ta' kopertura għall-operazzjonijiet tal-Wagner Group fis-Sudan, kif ukoll huwa involut fis-sussidjarja tagħha Meroe Gold. Huwa għandu rwol prinċipali fi ħdan il-Wagner Group fis-Sudan, u kellu rabtiet mill-qrib ma' Yevgeny Prigozhin. Billi kien affiljat mill-qrib mal-militar Sudaniż, il-Wagner Group żgura l-isfruttament u l-esportazzjoni tad-deheb Sudaniż lejn ir-Russja. Andrei Mandel huwa assoċjat ma' Wagner Group, elenkat għal abbużi serji tad-drittijiet tal-bniedem, li jinkludu t-tortura u eżekuzzjonijiet u qtil ekstraġudizzjarji, sommarji jew arbitrarji, f'diversi pajjiżi, inkluż fis-Sudan. Permezz tal-attivitajiet tiegħu, Andrei Mandel jipprovdi wkoll appoġġ għal tali abbużi mwettqa fis-Sudan.

25.2.2023

27.

Neda Mohammad NADEEM

Image 4

(ortografija Pashto)

Pożizzjoni(jiet): Aġent Ministru tat-Taliban għall-Edukazzjoni Għolja

Nazzjonalità: Afgana

Data tat-twelid: 1977

Post tat-twelid: Kandahar, Afghanistan

Sess: raġel

Neda Mohammed Nadeem ilu l-aġent Ministru tat-Taliban għall-Edukazzjoni Għolja mit-22 ta' Ottubru 2022.

Minn meta daħal fil-pożizzjoni tiegħu, it-Taliban ippubblikaw digrieti li jipprojbixxu lin-nisa mill-edukazzjoni għolja fil-pajjiż kollu. Dawn id-digrieti jċaħħdu lin-nisa mid-dritt tagħhom għall-edukazzjoni kif ukoll mill-aċċess ugwali tagħhom għall-edukazzjoni, u b'hekk jiksru l-prinċipju tat-trattament ugwali bejn l-irġiel u n-nisa.

Fil-kapaċità tiegħu bħala aġent Ministru tat-Taliban għall-Edukazzjoni Għolja, Neda Mohammed Nadeem huwa għalhekk responsabbli għal ksur serju tad-drittijiet tal-bniedem fl-Afganistan, b'mod partikolari għall-ksur mifrux tad-dritt tan-nisa għall-edukazzjoni u d-dritt għal trattament ugwali bejn l-irġiel u n-nisa fil-qasam tal-edukazzjoni.

7.3.2023

29.

Alexander Georgievich FEDORINOV

Александр Георгиевич ФЕДОРИНОВ

(ortografija Russa)

Pożizzjoni(jiet): uffiċjal kmandant ta' Moscow Police Station

Grad: Logutenent Kurunell

Data tat-twelid: 31.5.1980

Post tat-twelid: Michurinsk, Tambov, Russian Federation

Nazzjonalità: Russa

Sess: raġel

Il-Logutenent Kurunell Alexander Fedorinov huwa uffiċjal kmandant ta' Moscow Police Station.

Fil-kapaċità tiegħu bħala aġent kap tal-għassa tal-pulizija f'Marzu 2022, huwa awtorizza l-arrest u d-detenzjoni arbitrarji, kif ukoll it-tortura sussegwenti, ta' dimostranti nisa kontra l-gwerra.

Alexander Fedorinov huwa għalhekk responsabbli għal ksur serju tad-drittijiet tal-bniedem fir-Russja, b'mod partikolari għal tortura u trattament jew pieni krudili, inumani jew degradanti oħra, arresti jew detenzjonijiet arbitrarji kif ukoll vjolenza sesswali u abbażi tal-ġeneru sistematika.

7.3.2023

33.

Gatluak Nyang HOTH

 

Nazzjonalità: Sud Sudaniża

Sess: raġel

Gatluak Nyang Hoth kien il-kummissarju tal-kontea għall-kontea ta' Mayiandit (Unity State, is-Sudan t'Isfel) minn Frar 2021 sa Ġunju 2024.

F'din il-pożizzjoni, huwa ordna lil milizzji allinjati mal-gvern biex iwettqu attakki fin-Nofsinhar ta' Unity State bejn Frar u Mejju 2022. Matul dan il-perjodu, it-truppi taħt il-kmand tiegħu għamlu użu mifrux u sistematiku tal-vjolenza sesswali bħala tattika tal-gwerra u strumentalizzawha bħala premju u intitolament għall-irġiel li jipparteċipaw fil-kunflitt.

Fil-kapaċità tiegħu bħala kummissarju tal-kontea, Gatlual Nyang Hoth huwa għalhekk responsabbli għal ksur serju tad-drittijiet tal-bniedem fis-Sudan t'Isfel, inkluż għal vjolenza sesswali u abbażi tal-ġeneru sistematika u mifruxa.

7.3.2023

35.

Toe UI

magħruf ukoll bħala: Toe YI

 

Pożizzjoni(jiet): Viċi Ministru għall-Affarijiet Interni

Grad: Maġġur Ġeneral

Data tat-twelid: 1966

Nazzjonalità: Myanmarjana/Burmiża

Sess: raġel

Il-Maġġur Ġeneral Toe Ui nħatar Viċi Ministru għall-Affarijiet Interni fit-3 ta' Frar 2023. Huwa l-eks viċi kmandant tal-Office of the Chief of Military Security Affairs (OCMSA). L-OCMSA huwa responsabbli għall-ġestjoni taċ-ċentri ta' detenzjoni u interrogazzjoni fil-Myanmar/Burma u huwa inkarigat ukoll bil-ġbir ta' intelligence.

Il-persunal tal-OCMSA taħt l-awtorità ta' Ui juża nudità sfurzata, stupru, xokkijiet elettriċi, ħruq ta' ġenitali u vjolenza eċċessiva matul id-detenzjoni arbitrarja u l-interrogazzjoni ta' rġiel, nisa u membri tal-komunità LGBTIQ.

Fil-kapaċità tiegħu bħala viċi kmandant tal-OCMSA, il-Maġġur Ġeneral Toe Ui huwa responsabbli għal ksur serju tad-drittijiet tal-bniedem fil-Myanmar/Burma, inkluż detenzjonijiet arbitrarji u tortura, kif ukoll għal vjolenza sesswali u abbażi tal-ġeneru sistematika u mifruxa.

7.3.2023

37.

Andrei Andreevich ZADACHIN

Андрей Андреевич ЗАДАЧИН

(ortografija Russa)

Pożizzjoni(jiet): Investigatur tal-Major Investigative Unit fl-Investigative Committee tar-Russian Federation; Maġġur

Data tat-twelid: 22.8.1990

Post tat-twelid: Moscow, Russian Federation

Nazzjonalità: Russa

Sess: raġel

Numru tal-Kontribwent Individwali: 771577190559

Numru tar-Reġistrazzjoni Fiskali: YBLWST14JJ39

Fil-pożizzjoni tiegħu bħala Investigatur tal-Unità Investigattiva Ewlenija fil-Kumitat Investigattiv tal-Federazzjoni Russa, Andrei Zadachin ħareġ akkuża kriminali politikament motivata kontra Vladimir Kara-Murza. Andrei Zadachin talab ukoll lill-qorti biex Vladimir Kara-Murza jiġi detenut u pprovda xhieda li ssostni dan fil-qorti.

Vladimir Kara-Murza huwa attivist prominenti tal-oppożizzjoni fir-Russja. Fl-2022 inbdew proċedimenti tal-qorti b'motivazzjoni politika bbażati fuq allegazzjonijiet foloz kontrih wara li akkuża lill-Kremlin li wettaq delitti tal-gwerra fl-Ukrajna u kkundanna l-aggressjoni Russa pubblikament. F'April 2023 ġie kkundannat għal 25 sena f'ħabs/kamp tax-xogħol ta' sigurtà għolja. Il-proċedimenti tal-qorti kontrih kienu mmirati lejn l-attiviżmu tiegħu u servew biex jagħtu eżempju bih permezz ta' proċess farsa fir-Russja biex ilħna kritiċi tar-reġim fil-gvern jitrażżnu milli jleħħnu oppożizzjoni għall-gwerra ta' aggressjoni kontra l-Ukrajna. Ir-reġim Russu qed juża l-ġudikatura tal-pajjiż bħala għodda mifruxa f'għadd kbir ta' każijiet ta' ksur serju tad-drittijiet tal-bniedem. Is-sistema ġudizzjarja mhijiex indipendenti u tintuża biex jinkisru b'mod sistematiku u serju ħafna d-drittijiet tal-bniedem ta' individwi li jopponu lir-reġim fil-gvern, billi ma jiġux rispettati l-libertà ta' opinjoni u ta' espressjoni tagħhom.

Għalhekk, Andrei Zadachin huwa responsabbli għal ksur serju tad-drittijiet tal-bniedem fir-Russja, inkluż għal ksur tal-libertà ta' opinjoni u ta' espressjoni.

5.6.2023

40.

Diana Igorevna MISHCHENKO

(Kunjom ta' xebba: GARIPOVA)

Диана Игоревнa МИЩЕНКО

(ortografija Russa)

Pożizzjoni(jiet): Imħallef tal-Khamovniki District Court of Moscow

Data tat-twelid: 12.5.1977

Post tat-twelid: Moscow, Russian Federation

Nazzjonalità: Russa

Nru tal-passaport: 4508731961

Sess: mara

Numru tar-Reġistrazzjoni Fiskali: K7VGTQKBDX68

Numru tal-Kontribwent Individwali: 771805281790

Fil-pożizzjoni tagħha bħala Mħallef tal-Qorti Distrettwali ta' Khamovniki ta' Moska, Diana Mishchenko hija involuta fil-kawża tal-qorti politikament motivata kontra Vladimir Kara-Murza. Hija tat sentenza biex tapprova l-arrest amministrattiv ta' Vladimir Kara-Murza għal 15-il jum.

Vladimir Kara-Murza huwa attivist prominenti tal-oppożizzjoni fir-Russja. Fl-2022 inbdew proċedimenti tal-qorti b'motivazzjoni politika bbażati fuq allegazzjonijiet foloz kontrih wara li akkuża lill-Kremlin li wettaq delitti tal-gwerra fl-Ukrajna u kkundanna l-aggressjoni Russa pubblikament. F'April 2023 ġie kkundannat għal 25 sena f'ħabs/kamp tax-xogħol ta' sigurtà għolja. Il-proċedimenti tal-qorti kontrih kienu mmirati lejn l-attiviżmu tiegħu u servew biex jagħtu eżempju bih permezz ta' proċess farsa fir-Russja biex ilħna kritiċi tar-reġim fil-gvern jitrażżnu milli jleħħnu oppożizzjoni għall-gwerra ta' aggressjoni kontra l-Ukrajna. Ir-reġim Russu qed juża l-ġudikatura tal-pajjiż bħala għodda mifruxa f'għadd kbir ta' każijiet ta' ksur serju tad-drittijiet tal-bniedem. Is-sistema ġudizzjarja mhijiex indipendenti u tintuża biex jinkisru b'mod sistematiku u serju ħafna d-drittijiet tal-bniedem ta' individwi li jopponu lir-reġim fil-gvern, billi ma jiġux rispettati l-libertà ta' opinjoni u ta' espressjoni tagħhom.

Għalhekk, Diana Mishchenko hija responsabbli għal ksur serju tad-drittijiet tal-bniedem fir-Russja, inkluż għal ksur tal-libertà ta' opinjoni u ta' espressjoni.

5.6.2023

43.

Sergei Gennadievich PODOPRIGOROV

Сергей Геннадьевич ПОДОПРИГОРОВ

(ortografija Russa)

Funzjoni: Imħallef tal-Moscow City Court

Data tat-twelid: 8.1.1974

Post tat-twelid: Moscow, Russian Federation

Nazzjonalità: Russa

Sess: raġel

Numru tal-Kontribwent Individwali: 772606428578

Indirizz

Shmitovskiy Proyezd, 16c2, Moscow, Russia, 123100. Apartment 52.

(Шмитовский пр-д, 16с2, Москва, Россия, 123100. Квартира 52)

Fil-pożizzjoni tiegħu bħala Mħallef tal-Qorti tal-Belt ta' Moska, Sergei Podoprigorov huwa involut fil-kawża tal-qorti politikament motivata kontra Vladimir Kara-Murza. Huwa ppresieda l-kulleġġ tal-Imħallfin fil-Qorti tal-Belt ta' Moska li fis-17 ta' April 2023 ikkundanna lill-attivist tal-oppożizzjoni Vladimir Kara-Murza għal 25 sena f'ħabs/kamp tax-xogħol ta' sigurtà għolja.

Vladimir Kara-Murza huwa attivist prominenti tal-oppożizzjoni fir-Russja. Fl-2022 inbdew proċedimenti tal-qorti b'motivazzjoni politika bbażati fuq allegazzjonijiet foloz kontrih wara li akkuża lill-Kremlin li wettaq delitti tal-gwerra fl-Ukrajna u kkundanna l-aggressjoni Russa pubblikament. F'April 2023 ġie kkundannat għal 25 sena f'ħabs/kamp tax-xogħol ta' sigurtà għolja. Il-proċedimenti tal-qorti kontrih kienu mmirati lejn l-attiviżmu tiegħu u servew biex jagħtu eżempju bih permezz ta' proċess farsa fir-Russja biex ilħna kritiċi tar-reġim fil-gvern jitrażżnu milli jleħħnu oppożizzjoni għall-gwerra ta' aggressjoni kontra l-Ukrajna. Ir-reġim Russu qed juża l-ġudikatura tal-pajjiż bħala għodda mifruxa f'għadd kbir ta' każijiet ta' ksur serju tad-drittijiet tal-bniedem. Is-sistema ġudizzjarja mhijiex indipendenti u tintuża biex jinkisru b'mod sistematiku u serju ħafna d-drittijiet tal-bniedem ta' individwi li jopponu lir-reġim fil-gvern, billi ma jiġux rispettati l-libertà ta' opinjoni u ta' espressjoni tagħhom.

Qabel, Sergei Podoprigorov, bħala Mħallef fil-qorti distrettwali ta' Tverskoi ta' Moska, kien ħa żewġ deċiżjonijiet fir-rigward ta' Sergei Magnitsky, li kixef il-korruzzjoni u l-imġiba ħażina ta' uffiċjali tal-gvern Russu u aktar tard ġie ppersegwitat u miet f'ħabs Russu.

Għalhekk, Sergei Podoprigorov huwa responsabbli għal ksur serju tad-drittijiet tal-bniedem fir-Russja, inkluż għal ksur tal-libertà ta' opinjoni u ta' espressjoni.

5.6.2023

75.

Wadim Konstantinowitsch KALININ

Вадим Kонстантинович КАЛИНИН

Pożizzjoni(jiet): Kap tal-IK-3 penal colony

Data tat-twelid: 7.3.1973

Post tat-twelid: Russian Federation

Nazzjonalità: Russa

Sess: raġel

Numru tal-Kontribwent Individwali: 663401241613

Wadim Kalinin huwa l-Kap tal-kolonja penali IK-3.

Filwaqt li jinsab fil-linja ta' kmand tal-kolonja penali IK-3, u billi uffiċjalment jagħmel parti mill-‘persunal għoli ta' kmand’ tas-Servizz Penitenzjarju Federali Russu (FSIN) u għandu rwol maniġerjali, huwa inkarigat direttament b'deċiżjonijiet eżekuttivi u għalhekk huwa responsabbli għall-kundizzjonijiet ġenerali tal-priġunerija fil-kolonja penali IK-3. Il-kolonja penali IK-3, komunement magħrufa bħala l-‘Polar Wolf’, hija l-post fejn il-politiku tal-oppożizzjoni detenut Alexei Navalny miet f'ċirkostanzi mhux magħrufa. Il-kundizzjonijiet tal-priġunerija ta’ Alexei Navalny fil-kolonja penali IK-3 inkludew il-vjolenza fiżika, bħat-tortura u n-nuqqas ta' misħun u ħwejjeġ xierqa fix-xitwa, ta' assistenza medika u ikel u ilma.

Għalhekk, Wadim Kalinin huwa responsabbli għal ksur serju tad-drittijiet tal-bniedem fir-Russja, inkluż għal tortura u trattament jew pieni krudili, inumani jew degradanti oħra, detenzjonijiet arbitrarji, u l-ksur sistematiku tal-libertà ta' opinjoni u ta' espressjoni.

22.3.2024

86.

Aleksandr Aleksandrovich MUKHANOV

Александр Александрович МУХАНОВ

Pożizzjoni(jiet): Direttur ta' IK-1

Data tat-twelid: 7.12.1984

Post tat-twelid: Russian Federation

Nazzjonalità: Russa

Sess: raġel

Numru tal-Kontribwent Individwali: 332806323008

Aleksandr Mukhanov huwa d-Direttur tal-kolonja korrettiva No1 (IK-1) u kien id-Direttur tal-kolonja korrettiva No2 (IK-2) matul il-perjodu meta Alexei Navalny inżamm hemm minn Marzu 2021 sa Ġunju 2022.

IK-2 hija magħrufa għall-kundizzjonijiet ħżiena ta' detenzjoni. Alexei Navalny, li kien ġie avvelenat ftit qabel, ma ngħatax aċċess għal tobba ċivili f'dik il-kolonja, minkejja t-theddida għal saħħtu.

Bħala direttur ta' IK-1, Aleksandr Mukhanov huwa responsabbli għal ksur serju tad-drittijiet tal-bniedem fir-Russja, b'mod partikolari għal tortura u trattament jew pieni krudili, inumani jew degradanti oħra, kif ukoll għall-ksur sistematiku tal-libertà ta' opinjoni u ta' espressjoni.

22.3.2024

87.

Roman Alexandrovitch VIDYUKOV

Роман Александрович ВИДЮКОВ

(ortografija Russa)

Pożizzjoni(jiet): Viċi Kap tal-Main Investigation Department fl-State Investigative Committee tar-Russian Federation

Data tat-twelid: 30.7.1980

Post tat-twelid: Russia Federation

Nazzjonalità: Russa

Sess: raġel

Roman Vidyukov huwa l-Viċi Kap tad-Dipartiment Ewlieni tal-Investigazzjoni u eks investigatur fil-Kumitat Investigattiv tal-Istat tal-Federazzjoni Russa.

Matul il-perjodu meta kien fil-pożizzjoni ta' investigatur fil-Kumitat Investigattiv tal-Istat, Roman Vidyukov mexxa l-investigazzjoni f'waħda mill-kawżi li fihom Alexei Navalny ġie kkundannat għal disa' snin ħabs fl-2022. Roman Vidyukov kien ukoll membru tal-iskwadra ta' investigazzjoni preliminari għall-kawża ta' ‘ħasil tal-flus’ kontra l-fondazzjoni ta' Alexei Navalny kontra l-korruzzjoni. Roman Vidyukov mexxa wkoll l-investigazzjoni kontra Lilia Chanysheva, eks Kap tal-kwartieri ġenerali ta' Alexei Navalny f'Ufa, li ġiet ikkundannata għall-‘ħolqien ta' komunità estremista’. Lilia Chanysheva ġiet ikkundannata għal seba' snin u nofs ħabs fl-2023.

Matul dawk il-kawżi tal-qorti, Roman Vidyukov allegatament hedded xhud sabiex iġiegħlu jixhed b'tali mod li jaġevola l-investigazzjoni matul il-kawża ta' frodi ta' Alexei Navalny.

Roman Vidyukov huwa għalhekk responsabbli għal ksur serju tad-drittijiet tal-bniedem fir-Russja, inkluż għal arresti jew detenzjonijiet arbitrarji u għall-ksur tal-libertà ta' opinjoni u ta' espressjoni, li huwa ta' tħassib serju fir-rigward tal-objettivi tal-politika estera u ta' sigurtà komuni stipulati fl-Artikolu 21 TUE.

22.3.2024

88.

Evgenia Sergeevna NIKOLAEVA

Евгения Сергеевна НИКОЛАЕВА

(ortografija Russa)

Pożizzjoni(jiet): Imħallef tal-Basmanny District Court f'Moscow

Data tat-twelid: 9.7.1981

Post tat-twelid: Russian Federation

Nazzjonalità: Russa

Sess: mara

Numru tal-Kontribwent Individwali: 771873894393

Evgenia Nikolaeva ilha mill-2016 imħallef tal-Qorti Distrettwali ta' Basmanny f'Moska.

Hija ħarġet għadd ta' sentenzi kontra avversarji politiċi (inkluż Alexei Navalny, Ilia Yashin u Vladimir Kara-Murza), u b'hekk ikkontribwiet għar-repressjoni politika fir-Russja. F'Ottubru 2023, qiegħdet lill-avukati ta' Alexei Navalny, Alexey Liptser u Igor Sergunin, f'arrest preventiv għal xahrejn. Qabel dan, kienet ripetutament għamlet il-ħajja diffiċli għall-priġunieri politiċi, inkluż billi estendiet it-termini ta' detenzjoni f'ċentru ta' arrest preventiv għall-eks kap tal-kwartieri ġenerali ta' Alexei Navalny f'Ufa, Lilia Chanysheva. Evgenia Nikolaeva rrifjutat ukoll li tindirizza l-ilmenti dwar in-nuqqas ta' azzjoni tal-Kumitat Investigattiv tal-Federazzjoni Russa dwar l-allegazzjoni tal-avvelenament ta' Alexei Navalny.

Fil-pożizzjoni tagħha, Evgenia Nikolaeva hija għalhekk responsabbli għal ksur serju tad-drittijiet tal-bniedem fir-Russja, inkluż għal arresti jew detenzjonijiet arbitrarji u għall-ksur tal-libertà ta' opinjoni u ta' espressjoni, li huwa ta' tħassib serju fir-rigward tal-objettivi tal-politika estera u ta' sigurtà komuni stipulati fl-Artikolu 21 TUE.

22.3.2024

96.

Sergey Anatolevich MOROZ

Сергей Анатольевич МОРОЗ

(ortografija Russa)

Pożizzjoni(jiet): Kap tal-Federal Penitentiary Service tar-Russian Federation for Moscow

Data tat-twelid: 15.9.1968

Post tat-twelid: Berdyansk, Zaporozhye, Ukrainian SSR (issa Ukraine)

Nazzjonalità: Russa

Sess: raġel

Numru tal-Kontribwent Individwali: 644918369538

Sergey Moroz huwa uffiċjal Russu. Huwa l-Kap tas-Servizz Penitenzjarju Federali f'Moska.

F'dik il-pożizzjoni, poġġa lill-politiku tal-oppożizzjoni Alexei Navalny fuq il-lista federali ta' persuni mfittxija. Sergey Moroz huwa akkużat li eżerċita umiljazzjoni estrema u vjolenza fuq id-detenuti mal-wasla tagħhom f'detenzjoni.

Għalhekk, Sergey Moroz huwa responsabbli għal ksur serju tad-drittijiet tal-bniedem fir-Russja, inkluż għal tortura u trattament jew pieni krudili, inumani jew degradanti oħra, detenzjonijiet arbitrarji, u l-ksur sistematiku tal-libertà ta' opinjoni u ta' espressjoni.

22.3.2024

97.

Elena Evgenievna MOROZOVA

Елена Евгеньевна МОРОЗОВА

(ortografija Russa)

Pożizzjoni(jiet): Imħallef tal-Khimki City Court

Data tat-twelid: 2.12.1977

Nazzjonalità: Russa

Sess: mara

Elena Morozova hija mħallef Russa li taħdem fil-Qorti tal-Belt ta' Khimki.

Fil-pożizzjoni tagħha, iddeċidiet li tqiegħed lill-politiku tal-oppożizzjoni Alexei Navalny f'kustodja għal 30 jum hekk kif wasal f'Moska wara l-kura tiegħu għall-avvelenament bin-Novichok. Il-proċess li hija ppresediet kiser l-istandards ta' proċess ġust, inkluż id-dritt ta' rieżami tal-kontenut tal-att tal-akkuża u tad-dokumenti tal-proċess, l-opportunità ta' konsultazzjoni ma' avukat, u l-aċċess pubbliku għall-proċess.

Għalhekk, Elena Morozova hija responsabbli għal ksur serju tad-drittijiet tal-bniedem fir-Russja, inkluż għal tortura u trattament jew pieni krudili, inumani jew degradanti oħra, arresti u detenzjonijiet arbitrarji, u l-ksur sistematiku tal-libertà ta' opinjoni u ta' espressjoni.

22.3.2024

99.

Mikhail Yurievich PTITSYN

Михаил Юрьевич ПТИЦЫН

(ortografija Russa)

Pożizzjoni(jiet): President tal-Moscow City Court

Data tat-twelid: 21.8.1963

Nazzjonalità: Russa

Sess: raġel

Mikhail Ptitsyn huwa l-President tal-Qorti tal-Belt ta' Moska.

F'dik il-pożizzjoni, ikkunsidra b'mod pożittiv il-proposta tas-Servizz Penitenzjarju Federali Russu li s-sentenza ta' probation tal-mexxej tal-oppożizzjoni Alexei Navalny tiġi sostitwita b'sentenza sħiħa. Konsegwentement, Alexei Navalny ġie mċaħħad mill-possibbiltà li jaġixxi fil-ħajja pubblika fir-Russja billi ntbagħat il-ħabs f'kolonja penali.

Għalhekk, Mikhail Ptitsyn huwa responsabbli għal ksur serju tad-drittijiet tal-bniedem fir-Russja, inkluż għal tortura u trattament jew pieni krudili, inumani jew degradanti oħra, detenzjonijiet arbitrarji, u l-ksur sistematiku tal-libertà ta' opinjoni u ta' espressjoni.

22.3.2024

100.

Sergey Alekseevich RYABTSEV

Сергей Алексеевич РЯБЦЕВ

(ortografija Russa)

Pożizzjoni(jiet): Imħallef tal-Lefortovo District Court of Moscow

Data tat-twelid: 4.9.1989

Nazzjonalità: Russa

Sess: raġel

Sergey Ryabtsev huwa mħallef Russu li jaħdem fil-Qorti Distrettwali ta' Lefortovo ta' Moska.

F'dik il-pożizzjoni kien involut fis-sabotaġġ tal-investigazzjoni rigward l-avvelenament ta' Alexei Navalny billi rrifjuta li jindirizza l-ilment dwar in-nuqqas ta' azzjoni tad-Direttorat Investigattiv tas-Servizz tas-Sigurtà Federali tal-Federazzjoni Russa (FSB). Barra minn hekk, huwa kontinwament jagħti sentenzi kontra l-libertà tal-espressjoni fir-Russja.

Għalhekk, Sergey Ryabtsev huwa responsabbli għal ksur serju tad-drittijiet tal-bniedem fir-Russja, inkluż għal tortura u trattament jew pieni krudili, inumani jew degradanti oħra, detenzjonijiet arbitrarji, u l-ksur sistematiku tal-libertà ta' opinjoni u ta' espressjoni.

22.3.2024

101.

Petr Pavlovich SERKOV

Пётр Павлович СЕРКОВ

(ortografija Russa)

Pożizzjoni(jiet): L-Ewwel Viċi President tas-Supreme Court tar-Russian Federation

Data tat-twelid: 7.6.1955

Post tat-twelid: Poldamasovo, Ulyanovsk region, eks USSR (issa Russian Federation)

Nazzjonalità: Russa

Sess: raġel

Numru tal-Kontribwent Individwali: 732502615730

Petr Serkov huwa l-Ewwel Viċi President tal-Qorti Suprema tal-Federazzjoni Russa.

F'dik il-pożizzjoni kkonferma l-verdett kontra l-politiku tal-oppożizzjoni Alexei Navalny fl-2018. Konsegwentement, Alexei Navalny instab ħati u ntbagħat il-ħabs f'kolonja penali ta' sigurtà għolja biex ma jkunx jista' jinvolvi ruħu f'attività politika. It-tqegħid ta' Alexei Navalny f'kolonja penali wassal għall-mewt tiegħu.

Għalhekk, Petr Serkov huwa responsabbli għal ksur serju tad-drittijiet tal-bniedem fir-Russja, inkluż għal tortura u trattament jew pieni krudili, inumani jew degradanti oħra, detenzjonijiet arbitrarji, u l-ksur sistematiku tal-libertà ta' opinjoni u ta' espressjoni.

22.3.2024

103.

Nikolay Viktorovich TIMOSHIN

Николай Викторович ТИМОШИН

(ortografija Russa)

Pożizzjoni(jiet): President tal-Presidium of the Supreme Court tar-Russian Federation

Data tat-twelid: 14.8.1959

Post tat-twelid: Zhidkoe village, Znamensky district, Oryol region, eks USSR (issa Russian Federation)

Nazzjonalità: Russa

Sess: raġel

Nikolay Timoshin huwa l-President tal-Presidju tal-Qorti Suprema tal-Federazzjoni Russa. Qabel dan, kien Membru tal-Presidju tal-Qorti.

Bħala Membru tal-Presidju, Nikolay Timoshin ikkonferma l-verdett kontra l-politiku tal-oppożizzjoni Alexei Navalny fl-2018. Konsegwentement, Alexei Navalny instab ħati u ntbagħat il-ħabs f'kolonja penali ta' sigurtà għolja biex ma jkunx jista' jinvolvi ruħu f'attività politika.

Għalhekk, Nikolay Timoshin huwa responsabbli għal ksur serju tad-drittijiet tal-bniedem fir-Russja, inkluż għal tortura u trattament jew pieni krudili, inumani jew degradanti oħra, detenzjonijiet arbitrarji, u l-ksur sistematiku tal-libertà ta' opinjoni u ta' espressjoni.

22.3.2024

104.

Vladimir Yurievich ZAITSEV

Владимир Юрьевич ЗАЙЦЕВ

(ortografija Russa)

Pożizzjoni(jiet): President tal-Appellate Chamber tas-Supreme Court tar-Russian Federation

Data tat-twelid: 31.3.1957

Post tat-twelid: Valamaz, Krasnogorsk, Udmurtia SSR (issa Russian Federation)

Nazzjonalità: Russa

Sess: raġel

Vladimir Zaitsev huwa l-President tal-Awla tal-Appell tal-Qorti Suprema tal-Federazzjoni Russa.

F'dik il-pożizzjoni eskluda lil Alexei Navalny milli joħroġ fl-elezzjoni presidenzjali fir-Russja fl-2018 fi proċess politikament motivat.

Għalhekk, Vladimir Zaitsev huwa responsabbli għal ksur serju tad-drittijiet tal-bniedem fir-Russja, inkluż għall-ksur sistematiku tad-dritt għal-libertà ta' għaqda paċifika u ta' assoċjazzjoni, u tal-libertà ta' opinjoni u ta' espressjoni.

22.3.2024

115.

Abdel Karim Mahmoud (Mahmood, Mohammad)

IBRAHIM

Image 5

(Ortografija Għarbija)

Pożizzjoni(jiet): Kap Kmandant tal-Armata Sirjana

Post tat-twelid: Tartous, Syria

Nazzjonalità: Sirjana

Sess: raġel

Abdel Karim Mahmoud Ibrahim huwa l-kap kmandant tal-Armata Sirjana.

L-Istat Sirjan, inkluż il-militar tiegħu, iwettaq tortura sistematika u mifruxa, stupru u vjolenza sesswali u abbażi tal-ġeneru kontra persuni ċivili.

Bħala l-kap kmandant tal-Armata Sirjana, Abdel Karim Mahmoud Ibrahim huwa responsabbli għall-azzjonijiet tal-forzi armati taħt il-kmand tiegħu.

Abdel Karim Mohammad Ibrahim huwa għalhekk responsabbli għal ksur serju tad-drittijiet tal-bniedem, inkluż għal tortura u vjolenza sesswali u abbażi tal-ġeneru sistematika u mifruxa.

22.7.2024”;

(3)

fit-Taqsima “B. ‘Persuni ġuridiċi, entitajiet u korpi’, l-entrati għad-disa” entitajiet li ġejjin huma sostitwiti b'dan li ġej:

 

Isem (Trażlitterazzjoni bl-alfabett Latin)

Isem

Informazzjoni ta' identifikazzjoni

Raġunijiet għall-elenkar

Data tal-elenkar

“5.

Wagner Group (magħruf ukoll bħala Expeditionary and Volunteer Corps, Expeditionary Corps, Volunteer Corps, Africa Corps, Vagner Group, PMC Wagner, Liga, League)

Группа Вагнера

(ortografija Russa)

 

Il-Wagner Group huwa entità militari privata mhux inkorporata bbażata fir-Russja, li ġiet stabbilita fl-2014 bħala organizzazzjoni suċċessur tal-Korp Slavoniku. Permezz tal-istabbiliment ta' entitajiet lokali, u bl-appoġġ tal-gvernijiet lokali, il-Wagner Group jiffinanzja u jwettaq l-operazzjonijiet tiegħu.

Il-Wagner Group huwa responsabbli għal abbużi serji tad-drittijiet tal-bniedem fl-Ukrajna, is-Sirja, il-Libja, ir-Repubblika Ċentru-Afrikana (RCA), is-Sudan, il-Mali u l-Mozambique, li jinkludu tortura u eżekuzzjonijiet u qtil ekstraġudizzjarji, sommarji jew arbitrarji.

13.12.2021

6.

Lobaye Invest SARLU

 

Post tar-reġistrazzjoni: Bangui (Central African Republic)

Data tar-reġistrazzjoni: 24.10.2017

Numru tar-reġistrazzjoni: M 354838 D 0001 (numru ‘NIF’, Numru ta' identifikazzjoni tat-taxxa)

Post prinċipali tan-negozju: Central African Republic

Informazzjoni oħra: Fergħa ta' M-Finans

Lobaye Invest SARLU hija kumpanija privata rreġistrata fir-Repubblika Ċentru-Afrikana (RCA), sussidjarja tal-kumpanija Russa M-Finans, oriġinarjament ikkontrollata minn Yevgeny Prigozhin. Hija mmexxija minn Dimitri Sytii, li jokkupa pożizzjoni eżekuttiva għolja f'Wagner Group, u minn Yevgeny Khodotov, li kien assoċjat ma' Yevgeny Prigozhin. Lobaye Invest tħaddem minjieri tad-deheb u tad-djamanti fir-RCA. Hija ġiet assoċjata mal-operazzjonijiet tal-Wagner Group fir-RCA. Tiffinanzja wkoll diversi mezzi tal-media, bħall-istazzjon tar-radju Lengo Sengo, stazzjon tar-radju Ċentru-Afrikan li jmexxi kampanji ta' diżinformazzjoni u jippromwovi l-preżenza tal-Wagner Group fir-RCA.

Lobaye Invest hija assoċjata mal-Wagner Group, elenkat għal abbużi serji tad-drittijiet tal-bniedem, li jinkludu tortura u eżekuzzjonijiet u qtil ekstraġudizzjarji, sommarji jew arbitrarji f'diversi pajjiżi, inkluż fir-RCA. Permezz tal-attivitajiet tagħha, Lobaye Invest tappoġġa wkoll abbużi bħal dawn li jsiru fir-RCA.

25.2.2023

7.

DIAMVILLE

 

Data tar-reġistrazzjoni: 28.3.2019

Numru tar-reġistrazzjoni: CA/BG2019B519

Post prinċipali tan-negozju: Central African Republic

Informazzjoni oħra: individwi u entitajiet assoċjati: Wagner Group, Dimitri Sytii, Valery Zakharov, Perfilev, Svetlana Troitskaya, Lobaye Invest

Diamville hija kumpanija faċċata li tintuża mill-Wagner Group preżenti fir-Repubblika Ċentru-Afrikana (RCA) għall-kummerċ illegali ta' djamanti. Hija marbuta mill-qrib mal-atturi ewlenin kollha tal-Wagner Group fir-RCA, bħal Dimitri Sytii. Diamville hija assoċjata mal-Wagner Group, elenkat għal abbużi serji tad-drittijiet tal-bniedem, li jinkludu tortura u eżekuzzjonijiet u qtil ekstraġudizzjarji, sommarji jew arbitrarji f'diversi pajjiżi, inkluż fir-RCA. Permezz tal-attivitajiet tagħha, hija tappoġġa abbużi bħal dawn li jsiru fir-RCA.

25.2.2023

8.

Foundation for the Defence of National Values (FDNV)

Fund for the Defence of National Values (FDNV)

Foundation/organization for the Protection of National Values (FPNV)/(FZNC)

Foundation for National Values Protection

Organization for the Protection of National Values

 

Post tar-reġistrazzjoni: Moscow (64 Zemlyanoy Val str., building 2, office 201, Moscow, Russian Federation)

Sit web: https://en.fznc.ru/

Numru tar-reġistrazzjoni: 1197700003137

Numru tal-Kontribwent Individwali: 7709448606

Il-Foundation for the Defence of National Values (FDNV) hija assoċjata mal-Wagner Group. L-FDNV topera bħala l-fergħa tar-relazzjonijiet pubbliċi tal-Wagner Group. Hija tmexxi l-propaganda favur il-Wagner Group u l-kampanji ta' diżinformazzjoni, fost affarijiet oħra biex ittejjeb ir-reputazzjoni tal-Wagner Group u tappoġġa l-iskjerament tiegħu, u tinvolvi ruħha f'interferenza moħbija f'isem il-Wagner Group fid-diversi pajjiżi li hija attiva fihom.

Il-Wagner Group huwa elenkat għal abbużi serji tad-drittijiet tal-bniedem, li jinkludu tortura u eżekuzzjonijiet u qtil ekstraġudizzjarji, sommarji jew arbitrarji f'diversi pajjiżi, inkluż fil-Libja, il-Mali u r-Repubblika Ċentru-Afrikana.

L-FDNV hija assoċjata mal-Wagner Group u hija responsabbli għall-appoġġ u t-tħeġġiġ tal-atti tal-Wagner Group permezz ta' propaganda favur il-Wagner Group, interferenza politika u diżinformazzjoni.

25.2.2023

9.

Radio Centrafricaine Lengo Sengo

 

Post tar-reġistrazzjoni: Bangui, Central African Republic

Data tar-reġistrazzjoni: Novembru 2018

Post prinċipali tan-negozju: Galabadja

Bangui, Commune de Bangui

Galabadja, 8eme Arr.

[GPS]-> 4.4070, 18.5465

Radio Lengo Sengo huwa stazzjon tar-radju Ċentru-Afrikan involut f'operazzjonijiet ta' influwenza online f'isem il-Wagner Group. L-għan aħħari tiegħu huwa li jimmanipula l-opinjoni pubblika. Il-kumpanija tmexxi kampanji ta' diżinformazzjoni u tippromwovi l-preżenza tal-Wagner Group fir-Repubblika Ċentru-Afrikana (RCA). Radio Lengo Sengo huwa ffinanzjat minn Lobaye Invest, kumpanija privata marbuta mal-Wagner Group li sservi bħala kopertura għall-attivitajiet tiegħu fir-RCA.

Il-Wagner Group huwa elenkat għal abbużi serji tad-drittijiet tal-bniedem, li jinkludu tortura u eżekuzzjonijiet u qtil ekstraġudizzjarji, sommarji jew arbitrarji f'diversi pajjiżi, inkluż fir-RCA.

Radio Lengo Sengo huwa responsabbli għall-appoġġ u t-tħeġġiġ tal-atti tal-Wagner Group fir-RCA.

25.2.2023

10.

Meroe Gold Co. Ltd

(magħrufa wkoll bħala: Meroe For Agricultural & Animal Production; Al-Solag; Al-Sarraj Mining Company Ltd; Al-Sawlaj Mining Company Ltd; Al-Solaj Mining Company; Al-Soladzh Mining Company; Al-Solag Mining Company; Sullaj Mining Company; Al-Sullaj; Al-Solage; Solange; Sullag)

 

Post tar-reġistrazzjoni: Al-jref Gharb Plot 134 Blok 1h, Khartoum, Sudan

Informazzjoni oħra: Estrazzjoni ta' minerali oħra tal-metall mhux ferruż

Assoċjata ma':

Al Sawlaj for Mining Ltd

Image 6

Aswar Multi Activities Co., Ltd

Meroe Gold hija entità ta' kopertura għall-operazzjonijiet tal-Wagner Group fis-Sudan, u hija marbuta mill-qrib miegħu. Bl-affiljazzjoni tiegħu mal-militar Sudaniż, il-Wagner Group żgura l-isfruttament u l-esportazzjoni tad-deheb Sudaniż lejn ir-Russja.

Meroe Gold hija assoċjata mal-Wagner Group, elenkat għal abbużi serji tad-drittijiet tal-bniedem, li jinkludu tortura u eżekuzzjonijiet u qtil ekstraġudizzjarji, sommarji jew arbitrarji f'diversi pajjiżi, inkluż fis-Sudan. Permezz tal-attivitajiet tagħha, Meroe Gold tappoġġa wkoll abbużi bħal dawn li jsiru fis-Sudan.

25.2.2023

11.

M-Invest

 

Post tar-reġistrazzjoni: d. 76 korp. 4 litera A ofis N620, prospekt Obukhovskoi Oborony St. Petersburg, Russian Federation

Numru tar-reġistrazzjoni: 1177847044066

Post prinċipali tan-negozju: Khartoum, Sudan

Informazzjoni oħra: Numru ta' identifikazzjoni tat-taxxa: 7811636632; Numru tal-gazzetta tal-Gvern: 06513574

M-Invest hija entità ta' kopertura għall-operazzjonijiet tal-Wagner Group fis-Sudan. Kienet marbuta mill-qrib ma' Yevgeny Prigozhin. Bl-affiljazzjoni tiegħu mal-militar Sudaniż, il-Wagner Group żgura l-isfruttament u l-esportazzjoni tad-deheb Sudaniż lejn ir-Russja. M-Invest hija assoċjata mal-Wagner Group, elenkat għal abbużi serji tad-drittijiet tal-bniedem, li jinkludu tortura u eżekuzzjonijiet u qtil ekstraġudizzjarji, sommarji jew arbitrarji f'diversi pajjiżi, inkluż fis-Sudan. Permezz tal-attivitajiet tagħha, M-Invest tappoġġa wkoll abbużi bħal dawn li jsiru fis-Sudan.

25.2.2023

12.

Sewa Security Services

 

Post tar-reġistrazzjoni: Bangui (Central African Republic)

Post prinċipali tan-negozju: Central African Republic

Informazzjoni oħra: sussidjarja ta' Lobaye Invest

Sewa Security Services hija kumpanija privata bbażata fir-Repubblika Ċentru-Afrikana (RCA) li tipprovdi protezzjoni għall-uffiċjali għolja tal-gvern tar-RCA. Din isservi bħala kopertura għall-attivitajiet tal-Wagner Group fir-RCA. Hija sussidjarja ta' Lobaye Invest, immexxija minn Dimitri Sytii, li jokkupa pożizzjoni eżekuttiva għolja f'Wagner Group, u minn Yevgeny Khodotov, li kien assoċjat ma' Yevgeny Prigozhin. Sewa Security kienet involuta flimkien mal-Wagner Group f'sensiela ta' attakki vjolenti li seħħew fir-RCA mill-elezzjonijiet presidenzjali ta' Diċembru 2020 'l hawn. Sewa Security hija assoċjata mal-Wagner Group, elenkat għal abbużi serji tad-drittijiet tal-bniedem, li jinkludu tortura u eżekuzzjonijiet u qtil ekstraġudizzjarji, sommarji jew arbitrarji f'diversi pajjiżi, inkluż fir-RCA. Permezz tal-attivitajiet tagħha, Sewa Security Services tappoġġa wkoll abbużi bħal dawn li jsiru fir-RCA.

25.2.2023

17.

Department of Information Technologies of the City of Moscow

Департамент Информационных Технологий города Москвы

(ortografija Russa)

Indirizz: (Legali) Russia, 123100 Moscow, 1-Y Krasnogvardeyskiy Proyezd, 21, bld 1; (Attwali) Russia, 105064 Moscow Yakovoapostol'skiy Pereulok, 12с1

Telefown: + 7 (495) 957-01-31

Faks: + 7 (495) 957-75-42

Indirizz elettroniku: dit@mos.ru

Sit web: https://www.mos.ru/dit/

Telegram: t.me/dit_moscow

Id-Dipartiment tat-Teknoloġiji tal-Informazzjoni tal-Belt ta' Moska jiżviluppa u juża s-sistema ta' rikonoxximent tal-wiċċ f'Moska. Jibgħat data mis-sistema ta' rikonoxximent tal-wiċċ lill-unitajiet tal-infurzar tal-liġi tad-Direttorat Ewlieni għall-Affarijiet Interni tal-Belt ta' Moska.

Id-Direttorat Ewlieni għall-Affarijiet Interni tal-Belt ta' Moska uża s-sistema ta' rikonoxximent tal-wiċċ f'Moska bħala għodda ta' repressjoni. Użaha biex iwettaq monitoraġġ u detenzjoni arbitrarja ta' ġurnalisti indipendenti u attivisti tal-oppożizzjoni li ħadu sehem fi protesti paċifiċi b'appoġġ għal Alexei Navalny, kontra l-korruzzjoni tal-gvern tar-Russja u b'oppożizzjoni għall-invażjoni tal-Ukrajna mir-Russja. Is-sistema ta' rikonoxximent tal-wiċċ intużat ukoll mid-Direttorat Ewlieni għall-Affarijiet Interni tal-Belt ta' Moska biex jinstabu u jiġu detenuti dawk maqbudin bil-lieva li ppruvaw jevadu l-mobilizzazzjoni għall-gwerra ta' aggressjoni tar-Russja kontra l-Ukrajna.

Id-Dipartiment tat-Teknoloġiji tal-Informazzjoni tal-Belt ta' Moska huwa għalhekk responsabbli għal ksur serju tad-drittijiet tal-bniedem fir-Russja, inkluż arresti jew detenzjonijiet arbitrarji, u ksur jew abbużi tal-libertà ta' għaqda paċifika u ta' assoċjazzjoni.

20.7.2023.”


ELI: http://data.europa.eu/eli/dec/2024/3004/oj

ISSN 1977-074X (electronic edition)