(1)

Tá deimhniú ceart agus comhchuibhithe trí scéimeanna deonacha fíor-riachtanach chun a chinneadh cé acu a chomhlíonann nó nach gcomhlíonann bithbhreoslaí, bithleachtanna, breoslaí bithmhaise, breoslaí in-athnuaite gásacha agus leachtacha de thionscnamh neamhbhitheolaíoch agus breoslaí carbóin athchúrsáilte ceanglais Threoir (AE) 2018/2001. Chun deimhneacht dhlíthiúil a áirithiú maidir leis na rialacha is infheidhme maidir le hoibreoirí eacnamaíocha agus scéimeanna deonacha, leagtar amach i Rialachán Cur Chun Feidhme (AE) 2022/996 (2) ón gCoimisiún rialacha comhchuibhithe is infheidhme maidir leis an bpróiseas deimhniúcháin ar fad.

(2)

Le linn chur chun feidhme na gceanglas ar na Ballstáit maidir le creidiúnú na gcomhlachtaí deimhniúcháin, mar a leagtar amach in Airteagal 11(1) de Rialachán Cur Chun Feidhme (AE) 2022/996, thángthas ar an gconclúid go mbeadh tréimhse i bhfad níos faide ag teastáil chun go n-ullmhódh na Ballstáit na cláir chreidiúnaithe i gceart, agus rinneadh cur i bhfeidhm na gceanglas sin a chur siar ar feadh bliana cheana le Rialachán Cur Chun Feidhme (AE) 2024/805 (3) ón gCoimisiún dá bharr.

(3)

Leis an obair ullmhúcháin ina dhiaidh sin a rinne na Ballstáit chun na forálacha maidir le creidiúnú na gcomhlachtaí deimhniúcháin a chur i bhfeidhm, sainaithníodh an gá atá le tuilleadh ama chun cláir chreidiúnaithe ag comhlachtaí creidiúnaithe náisiúnta na mBallstát a ullmhú agus a ghlacadh chomh maith le soiléiriú a dhéanamh ar na caighdeáin ar ar a mbonn is ceart cláir den sórt sin a ullmhú. Chun ullmhú na gclár creidiúnaithe ag údaráis inniúla na mBallstát a éascú, ba cheart próiseas éigeantach measúnaithe a thabhairt isteach freisin maidir le hoiriúnacht chaighdeáin deimhniúcháin na scéimeanna deonacha agus náisiúnta don chreidiúnú. Ba cheart an measúnú sin a bheith mar chuid de mheasúnú foriomlán na scéimeanna sula dtabharfaidh an Coimisiún aitheantas dóibh agus ba cheart é a dhéanamh i gcomhairle le comhlachtaí creidiúnaithe náisiúnta na mBallstát faoi ról comhordúcháin an Chomhair Eorpaigh don Chreidiúnú.

(4)

Maidir leis an sainmhíniú le haghaidh ‘comhlacht deimhniúcháin’ in Airteagal 2(14) de Rialachán Cur Chun Feidhme (AE) 2022/996, ba cheart an sainmhíniú sin a leasú freisin chun é a ailíniú leis na forálacha nua maidir le creidiúnú.

(5)

Chun leanúnachas gnó a áirithiú agus chun aon riosca go gcuirfí isteach ar an margadh deimhniúcháin a sheachaint, is gá foráil a dhéanamh maidir le hidirthréimhse, is é sin idirthréimhse a mbeidh feidhm aici maidir le comhlachtaí deimhniúcháin atá i mbun gníomhaíochtaí deimhniúcháin thar ceann scéim dheonach nó náisiúnta a aithníonn an Coimisiún faoi dheireadh na hidirthréimhse. Ba cheart cead a bheith ag na comhlachtaí deimhniúcháin sin leanúint dá ngníomhaíochtaí gan gá le creidiúnú faoi Airteagal 11(1) de Rialachán Cur Chun Feidhme (AE) 2022/996 go dtí an 31 Nollaig 2026.

(6)

Ina theannta sin, is gá freisin earráid shoiléir in Iarscríbhinn VII a ghabhann le Rialachán Cur Chun Feidhme (AE) 2022/996 a cheartú. Rinneadh na luachanna le haghaidh leasacháin nítrigine a bhabhtáil, trí earráid, leis na luachanna le haghaidh leasacháin úiré. Dá bhrí sin, ba cheart na luachanna sin a cheartú dá réir.

(7)

Dá bhrí sin, ba cheart Rialachán Cur Chun Feidhme (AE) 2022/996 a leasú agus a cheartú dá réir.

(8)

Na bearta dá bhforáiltear sa Rialachán seo, tá siad i gcomhréir leis an tuairim ón gCoiste um Inbhuanaitheacht Bithbhreoslaí, Bithleachtanna agus Breoslaí Bithmhaise,

(1)

in Airteagal 2, cuirtear an méid seo a leanas in ionad phointe (14):

(2)

Leasaítear Airteagal 11 mar a leanas:

(3)

in Airteagal 28, cuirtear an méid seo a leanas in ionad an tríú fomhír:

‘Beidh feidhm ag Airteagal 11(1) ón 1 Eanáir 2027.’