|
20.5.2022 |
MT |
Il-Ġurnal Uffiċjali tal-Unjoni Ewropea |
L 141/47 |
DEĊIŻJONI TAL-KUNSILL (UE) 2022/793
tas-16 ta’ Mejju 2022
dwar il-pożizzjoni li għandha tittieħed f’isem l-Unjoni Ewropea fil-Kunsill ta’ Assoċjazzjoni stabbilit mill-Ftehim ta’ Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa l-waħda, u l-Georgia min-naħa l-oħra, fir-rigward tal-adozzjoni tal-Aġenda ta’ Assoċjazzjoni bejn l-UE u l-Georgia 2021-2027
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 217, flimkien mal-Artikolu 218(9) tiegħu,
Wara li kkunsidra l-proposta tal-Kummissjoni Ewropea,
Billi:
|
(1) |
Il-Ftehim ta’ Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa l-waħda, u l-Georgia min-naħa l-oħra (1) (il-“Ftehim”) ġie ffirmat fis-27 ta’ Ġunju 2014 u daħal fis-seħħ fl-1 ta’ Lulju 2016. |
|
(2) |
Skont l-Artikolu 406(1) tal-Ftehim, il-Kunsill ta’ Assoċjazzjoni għandu s-setgħa li jadotta rakkomandazzjonijiet għall-finijiet tal-ilħuq tal-objettivi tal-Ftehim. |
|
(3) |
Sabiex jiffaċilitaw l-applikazzjoni tal-Ftehim, il-Partijiet qablu li jistabbilixxu Aġenda ta’ Assoċjazzjoni li telenka l-prijoritajiet għall-ħidma konġunta tagħhom imqassma skont is-settur li jkun. |
|
(4) |
Il-Kunsill ta’ Assoċjazzjoni għandu jadotta rakkomandazzjoni dwar l-Aġenda ta’ Assoċjazzjoni bejn l-UE u l-Georgia 2021-2027 permezz ta’ proċedura bil-miktub. |
|
(5) |
Huwa xieraq li tiġi stabbilita l-pożizzjoni li għandha tittieħed f’isem l-Unjoni fil-Kunsill ta’ Assoċjazzjoni, peress li l-Aġenda ta’ Assoċjazzjoni bejn l-UE u l-Georgia 2021-2027 se tkun il-bażi għall-ipprogrammar skont l-Istrument ta’ Viċinat, ta’ Kooperazzjoni għall-Iżvilupp u ta’ Kooperazzjoni Internazzjonali – Ewropa Globali stabbilit bir-Regolament (UE) 2021/947 tal-Parlament Ewropew u tal-Kunsill (2). |
|
(6) |
Għalhekk il-pożizzjoni tal-Unjoni fil-Kunsill ta’ Assoċjazzjoni jenħtieġ li tkun ibbażata fuq l-abbozz tar-Rakkomandazzjoni mehmuż, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tittieħed f’isem l-Unjoni fi ħdan il-Kunsill ta’ Assoċjazzjoni stabbilit mill-Ftehim ta’ Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa l-waħda, u l-Georgia min-naħa l-oħra, dwar l-adozzjoni tal-Aġenda ta’ Assoċjazzjoni bejn l-UE u l-Georgia 2021-2027, għandha tkun ibbażata fuq l-abbozz tarRakkomandazzjoni tal-Kunsill ta’ Assoċjazzjoni mehmuż ma’ din id-Deċiżjoni.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, is-16 ta’ Mejju 2022.
Għall-Kunsill
Il-President
J. BORRELL FONTELLES
(1) ĠU L 261, 30.8.2014, p. 4.
(2) Ir-Regolament (UE) 2021/947 tal-Parlament Ewropew u tal-Kunsill tad-9 ta’ Ġunju 2021 li jistabbilixxi l-Istrument ta’ Viċinat, ta’ Kooperazzjoni għall-Iżvilupp u ta’ Kooperazzjoni Internazzjonali - Ewropa Globali, li jemenda u li jħassar id-Deċiżjoni Nru 466/2014/UE tal-Parlament Ewropew u tal-Kunsill u jħassar ir-Regolament (UE) 2017/1601 tal-Parlament Ewropew u tal-Kunsill u r-Regolament tal-Kunsill (KE, Euratom) Nru 480/2009 (ĠU L 209, 14.6.2021, p. 1).
ABBOZZ
RAKKOMANDAZZJONI Nru 1/2022 TAL-KUNSILL TA’ ASSOĊJAZZJONI BEJN L-UE U L-GEORGIA
ta’…
dwar l-Aġenda ta’ Assoċjazzjoni bejn l-UE u l-Georgia 2021-2027
IL-KUNSILL TA’ ASSOĊJAZZJONI BEJN L-UE U L-GEORGIA,
Wara li kkunsidra l-Ftehim ta’ Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa l-waħda, u l-Georgia, min-naħa l-oħra,
Billi:
|
(1) |
Il-Ftehim ta’ Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa l-waħda, u l-Georgia, min-naħa l-oħra (1) (il-“Ftehim”) ġie ffirmat fis-27 ta’ Ġunju 2014 u daħal fis-seħħ fl-1 ta’ Lulju 2016. |
|
(2) |
Skont l-Artikolu 406(1) tal-Ftehim, il-Kunsill ta’ Assoċjazzjoni għandu s-setgħa li jadotta rakkomandazzjonijiet, bil-għan li jintlaħqu l-objettivi tal-Ftehim. |
|
(3) |
Skont l-Artikolu 420(1) tal-Ftehim, il-Partijiet għandhom jieħdu kull miżura ġenerali jew speċifika meħtieġa biex jissodisfaw l-obbligi tagħhom skont il-Ftehim u għandhom jiżguraw li jintlaħqu l-objettivi stipulati fil-Ftehim. |
|
(4) |
L-Artikolu 11 tar-Regoli ta’ Proċedura tal-Kunsill ta’ Assoċjazzjoni jippevedi l-possibbiltà li jittieħdu deċiżjonijiet u jsiru rakkomandazzjonijiet permezz ta’ proċedura bil-miktub jekk iż-żewġ Partijiet jaqblu li jsir dan. |
|
(5) |
L-Unjoni u l-Georgia qablu li jikkonsolidaw is-sħubija tagħhom billi qablu fuq sett ta’ prijoritajiet għall-perjodu bejn l-2021 u l-2027 (l-“Aġenda ta’ Assoċjazzjoni bejn l-UE u l-Georgia 2021-2027”) għall-ħidma konġunta lejn il-kisba tal-objettivi ta’ assoċjazzjoni politika u integrazzjoni ekonomika kif stipulati fil-Ftehim. |
|
(6) |
Il-Partijiet għall-Ftehim qablu fuq it-test tal-Aġenda ta’ Assoċjazzjoni bejn l-UE u l-Georgia 2021-2027, li se tappoġġa l-implimentazzjoni tal-Ftehim, b’enfasi fuq il-kooperazzjoni f’interessi identifikati b’mod komuni bejniethom, |
ADOTTA R-RAKKOMANDAZZJONI LI ĠEJJA:
Artikolu 1
Il-Kunsill ta’ Assoċjazzjoni jirrakkomanda li l-Partijiet jimplimentaw l-Aġenda ta’ Assoċjazzjoni bejn l-UE u l-Georgia 2021-2027, kif tinsab fl-Anness (2).
Artikolu 2
L-Aġenda ta’ Assoċjazzjoni bejn l-UE u l-Georgia 2021-2027, kif tinsab fl-Anness, għandha tissostitwixxi l-Aġenda ta’ Assoċjazzjoni bejn l-UE u l-Georgia li ġiet adottata fl-20 ta’ Novembru 2017.
Artikolu 3
Din ir-Rakkomandazzjoni għandha ssir effettiva fil-jum tal-adozzjoni tagħha.
Magħmul fi Tbilisi, [jum xahar sena].
Għall-Kunsill ta’ Assoċjazzjoni
Il-President
(1) ĠU L 261, 30.8.2014, p. 4.
(2) Ara d-dokument ST 8327/22 ADD 2 fuq https://register.consilium.europa.eu.