|
23.4.2019 |
MT |
Il-Ġurnal Uffiċjali tal-Unjoni Ewropea |
C 142/24 |
Notifika minn qabel ta’ konċentrazzjoni
(Il-Każ M.9348 — OMERS Infrastructure/Morgan Stanley/VTG)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2019/C 142/06)
1.
Fil-11 ta’ April 2019, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
|
— |
OMERS Infrastructure European Holdings B.V. (“OMERS Infrastructure”, in-Netherlands), |
|
— |
Morgan Stanley (“Morgan Stanley”, l-Istati Uniti tal-Amerika). |
OMERS Infrastructure u Morgan Stanley jakkwistaw, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll konġunt tal-VTG Aktiengesellschaft (“VTG”, il-Ġermanja).
Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma:— OMERS Infrastructure: il-pjattaforma ta’ investiment Ewropea għall-investimenti fl-infrastruttura għal OMERS Administration Corporation, il-Kanada, li tiġġestixxi portafoll dinji diversifikat ta’ stokks u bonds kif ukoll proprjetà immobbli, infrastruttura u investimenti ta’ ekwità privata għal pjan tal-pensjoni Kanadiż,
— Morgan Stanley: hija kumpanija ewlenija tas-servizzi finanzjarji dinjija li tipprovdi firxa wiesgħa ta’ servizzi bankarji ta’ investiment, titoli, servizzi ta’ ġestjoni tal-ġid u ta’ ġestjoni tal-investiment,
— VTG: fornitur ta’ vaguni għall-kiri u ta’ loġistika tal-ferroviji li għandha l-kwartieri ġenerali tagħha f’Hamburg, il-Ġermanja, bi flotta estensiva ta’ vetturi, li jikkonsistu l-aktar f’vaguni bit-tankijiet, vaguni intermodali, vaguni tal-merkanzija standard, u vaguni b’ħitan li jiżżerżqu. Minbarra l-kiri ta’ vaguni tal-merkanzija bil-ferrovija, il-VTG tipprovdi servizzi loġistiċi multimodali, li jiffukaw fuq it-trasport bil-ferrovija u t-trasport dinji tal-containers bit-tankijiet.
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.9348 — OMERS Infrastructure/Morgan Stanley/VTG
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
|
Email: COMP-MERGER-REGISTRY@ec.europa.eu |
|
Faks: +32 22964301 |
|
Indirizz postali: |
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).