(1)

Le Rialachán (CE) Uimh. 1922/2006 foráiltear go bhfuil 18 gcomhalta, chomh maith le comhaltaí malartacha, le ceapadh ag an gComhairle do Bhord Bainistíochta na hInstitiúide Eorpaí um Chomhionannas Inscne ar feadh tréimhse 3 bliana. Le haghaidh gach téarma oifige, déanfaidh na comhaltaí agus na comhaltaí malartacha arna gceapadh ag an gComhairle ionadaíocht ar 18 mBallstát in ord na nUachtaránachtaí rothlacha, agus molfaidh gach Ballstát lena mbaineann comhalta amháin, chomh maith le comhalta malartach amháin.

(2)

Le Rialachán (CE) Uimh. 1922/2006 foráiltear freisin go bhfuil comhaltaí an Bhoird Bainistíochta, agus na comhaltaí malartacha, le ceapadh ar bhealach a áiritheoidh na caighdeáin inniúlachta is airde agus raon leathan saineolais ábhartha agus trasdisciplíneach i réimse an chomhionannais inscne, agus go bhfuil sé d’aidhm ag an gComhairle ionadaíocht chothrom idir fir agus mná ar an mBord Bainistíochta a bhaint amach.

(3)

Chuir an Chróit, an Ghearmáin, an Phortaingéil, an tSlóivéin, an Fhrainc, Poblacht na Seice, an tSualainn, an Spáinn, an Bheilg, an Ungáir, an Pholainn, an Danmhairg, an Chipir, Éire, an Liotuáin, an Ghréig, an Iodáil agus an Laitvia ainmniúcháin faoi bhráid na Comhairle chun na comhaltaí agus na comhaltaí malartacha a cheapadh don Bhord Bainistíochta don tréimhse ón 1 Meitheamh 2025 go dtí an 31 Bealtaine 2028,