(1)

Sabiex jiġi evitat il-ħolqien ta’ kunflitti ta’ interess li jistgħu jirriżultaw meta l-impjegati tal-fornitur ta’ klassifikazzjonijiet ESG li jkunu involuti direttament fil-proċess ta’ valutazzjoni tal-elementi kklassifikati kellhom ikunu involuti fi kwalunkwe waħda mill-attivitajiet imsemmija fl-Artikolu 16(1), il-punti (c), (d), jew (f), tar-Regolament (UE) 2024/3005, jenħtieġ li l-fornituri ta’ klassifikazzjonijiet Ambjentali, Soċjali u ta’ Governanza (ESG) jiżguraw li tali persunal kritiku jkollu rwoli u responsabbiltajiet delineati b’mod ċar u jiġi assenjat lil strutturi distinti fi ħdan il-fornitur ta’ klassifikazzjonijiet ESG. Sabiex jiġi evitat il-fluss involontarju ta’ informazzjoni sensittiva fi ħdan strutturi jew oqsma tan-negozju u attivitajiet differenti, jenħtieġ li dawk il-fornituri ta’ klassifikazzjonijiet ESG japplikaw ukoll miżuri ta’ separazzjoni fiżika, inkluż l-assenjazzjoni ta’ spazji tax-xogħol iddedikati lill-analisti tal-klassifikazzjoni, biex jisseparaw fiżikament lil tali persunal mill-impjegati tal-fornitur ta’ klassifikazzjonijiet ESG li huma involuti fi kwalunkwe waħda mill-attivitajiet imsemmija fl-Artikolu 16(1) tar-Regolament (UE) 2024/3005.

(2)

Għall-istess raġuni, jenħtieġ li dawk il-fornituri ta’ klassifikazzjonijiet ESG diġà involuti jew li beħsiebhom jinvolvu ruħhom f’servizzi u f’attivitajiet ta’ investiment, f’attivitajiet ta’ istituzzjonijiet ta’ kreditu jew f’attivitajiet tal-assigurazzjoni jew tar-riassigurazzjoni jkollhom fis-seħħ miżuri addizzjonali fil-forma ta’ sigurtà tal-informazzjoni u kontrolli relatati man-network, politiki u proċeduri interni, taħriġ, miżuri kuntrattwali u kontrolli tal-monitoraġġ tal-konformità, inkluż ir-rieżami tal-komunikazzjonijiet tal-impjegati involuti fil-proċess ta’ valutazzjoni ta’ element ikklassifikat.

(3)

Sabiex jiġu identifikati kunflitti ta’ interess attwali jew potenzjali, fornitur ta’ klassifikazzjonijiet ESG li jkollu l-ħsieb li jipprovdi parametri referenzjarji permezz tal-istess entità ġuridika jenħtieġ li jkollu fis-seħħ salvagwardji addizzjonali fir-rigward tar-remunerazzjoni u l-arranġamenti ta’ kumpens tal-impjegati jew ta’ persuni oħra li huma involuti direttament fil-proċess ta’ valutazzjoni, fil-produzzjoni u fl-offerta ta’ klassifikazzjonijiet ESG, u fl-arranġamenti prekuntrattwali.

(4)

Peress li dan ir-Regolament jissupplimenta r-Regolament (UE) 2024/3005, li japplika mit-2 ta’ Lulju 2026, huwa xieraq li d-data tal-applikazzjoni ta’ dan ir-Regolament tiġi differita għal dik id-data.

(5)

Dan ir-Regolament huwa bbażat fuq l-abbozz ta’ standards tekniċi regolatorji ppreżentat mill-Awtorità Ewropea tat-Titoli u s-Swieq (ESMA) lill-Kummissjoni.

(6)

L-ESMA wettqet konsultazzjonijiet pubbliċi miftuħa dwar l-abbozz tal-istandards tekniċi regolatorji li fuqu huwa bbażat dan ir-Regolament u analizzat il-kostijiet u l-benefiċċji potenzjali relatati u talbet il-parir tal-Grupp tal-Partijiet Interessati tat-Titoli u s-Swieq stabbilit f’konformità mal-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (2),

(a)

ikollhom fis-seħħ proċeduri ta’ teħid ta’ deċiżjonijiet u strutturi organizzazzjonali, b’linji ta’ rapportar speċifiċi u allokazzjoni speċifika ta’ funzjonijiet u responsabbiltajiet, li jiżguraw li l-impjegati involuti direttament fil-proċess ta’ valutazzjoni ta’ element ikklassifikat ma jkunu involuti fl-ebda waħda mill-attivitajiet imsemmija fl-Artikolu 16(1) tar-Regolament (UE) 2024/3005;

(b)

jimplimentaw miżuri ta’ separazzjoni fiżika għall-impjegati u għal persuni oħra involuti direttament fil-proċess ta’ valutazzjoni ta’ element ikklassifikat u għall-persunal li jipprovdi kwalunkwe waħda mill-attivitajiet imsemmija fl-Artikolu 16(1) tar-Regolament (UE) 2024/3005 b’mod li jissalvagwardja l-indipendenza u l-imparzjalità tal-impjegati u ta’ persuni oħra involuti direttament fil-proċess ta’ valutazzjoni ta’ element ikklassifikat;

(c)

jiżguraw li l-impjegati u persuni oħra involuti direttament fil-proċess ta’ valutazzjoni ta’ element ikklassifikat jissottomettu darba kull 12-il xahar awtodikjarazzjoni li tiddikjara li mhumiex involuti fl-għoti ta’ kwalunkwe waħda mill-attivitajiet imsemmija fl-Artikolu 16(1) tar-Regolament (UE) 2024/3005.

(a)

miżuri li jiżguraw li l-arranġamenti ta’ kumpens u ta’ evalwazzjoni tal-prestazzjoni applikabbli għall-impjegati u għal persuni oħra involuti direttament fil-proċess ta’ valutazzjoni ta’ element ikklassifikat ma jiġux affettwati minn kunflitti ta’ interess reali jew potenzjali li joriġinaw mill-involviment tal-fornitur ta’ klassifikazzjonijiet ESG fl-attività tal-forniment tal-parametri referenzjarji;

(b)

arranġamenti biex jiġi żgurat li l-produzzjoni u l-offerta tal-klassifikazzjonijiet ESG ma jiddependux fuq użu mekkanistiku tal-kostitwenti jew tal-output ta’ parametru referenzjarju li għalih il-fornitur ta’ klassifikazzjonijiet ESG ikun l-amministratur;

(c)

valutazzjoni dokumentata ta’ kwalunkwe kunflitt ta’ interess attwali jew potenzjali qabel ma l-fornitur ta’ klassifikazzjonijiet ESG jidħol f’kuntratt għall-forniment ta’ servizzi għal: