1.   Beidh na hiarrthóirí 18 mbliana d’aois ar a laghad ar dháta tosaigh a dtréimhse oiliúna.

2.   Beidh iarrthóirí ina náisiúnaigh de Bhallstát den Aontas Eorpach nó de thír is iarrthóir a thairbhíonn de straitéis réamhaontachais. In imthosca eisceachtúla a bhfuil údar cuí leo, ní mór don tseirbhís, ar mian léi glacadh le hiarratais ar thréimhse oiliúna ó náisiúnaigh tíortha nach tíortha den Aontas iad, comhaontú a lorg roimh ré ón Ard-Stiúrthóireacht um Acmhainní Daonna agus um Shlándáil.

3.   Le linn na céime roghnúcháin, féadfaidh ranna áirithe de chuid an Choimisiúin a chinneadh gan a bpoist oiliúna a oscailt d’iarrthóirí réamhroghnaithe ar náisiúnaigh tríú tír iad mar gheall ar chineál na gcúraimí atá beartaithe, gan beann ar mhír 2. Foilseofar faisnéis ábhartha, arna soláthar ag ranna an Choimisiúin, ar shuíomh gréasáin tiomnaithe faoi bhainistiú Oifig na dTréimhsí Oiliúna.

4.   Déanfar iarrthóirí a fuair aon taithí ghairmiúil roimhe sin nó a bheidh i mbun taithí ghairmiúil in institiúid, comhlacht nó gníomhaireacht Eorpach (8) ar faide í ná 6 seachtaine (42 lá féilire) sula gcuirfidh siad tús lena dtréimhse oiliúna a eisiamh ón tréimhse oiliúna. Áirítear sa mhéid sin aon chineál tréimhse oiliúna (bíodh sí foirmiúil nó neamhfhoirmiúil, íoctha nó neamhíoctha, lánaimseartha nó páirtaimseartha), chomh maith post mar chúntóir parlaiminteach creidiúnaithe nó mar chúntóir d’Fheisire de Pharlaimint na hEorpa, mar shainchomhairleoir nó taighdeoir intra-muros, mar bhall foirne sealadach, mar bhall foirne ar conradh, mar bhall foirne eatramhach, etc.

1.   Beidh dhá chineál tréimhse oiliúna ann: tréimhsí oiliúna sa riarachán a bheidh dírithe ar chéimithe ardoideachais agus ar chéimithe gairmoideachais agus gairmoiliúna, agus tréimhsí oiliúna san aistriúchán.

2.   De réir cineál sonrach na tréimhse oiliúna Blue Book, comhlíonfaidh iarrthóirí na coinníollacha seo a leanas freisin:

1.   Bunóidh Oifig na dTréimhsí Oiliúna an nós imeachta iarratais agus cuirfear gach iarratas isteach i gcomhréir leis an nós imeachta sin. Foilseofar na treoracha uile is gá ar shuíomh gréasáin tiomnaithe faoi bhainistiú Oifig na dTréimhsí Oiliúna.

2.   Ní chuirfidh na hiarrthóirí ach iarratas amháin isteach ar sheisiún oiliúna ar leith.

3.   Ní mór d’iarrthóirí cóipeanna de chéimeanna nó de dheimhnithe eile a sholáthar mar chruthúnas ar na cáilíochtaí uile is gá, lena n-áirítear na staidéir uile, na deimhnithe cáilíochta gairmoideachais agus gairmoiliúna uile, agus an taithí ghairmiúil agus idirnáisiúnta uile atá dearbhaithe ina n-iarratas. I gcás staidéir dhearbhaithe agus oiliúint dhearbhaithe a bhfuiltear ina mbun go fóill, beidh gá le dearbhú oifigiúil ón institiúid nó ón soláthraí ábhartha ina leith.

4.   Iarrthóirí nár eisíodh a ndeimhnithe céime i gceann de theangacha oifigiúla an Aontais Eorpaigh, iarrfar orthu aistriúchán ar na doiciméid sin go Béarla, go Fraincis nó go Gearmáinis a sholáthar.

5.   Beidh bonn cirt iomchuí ina thaca leis an eolas ar na teangacha arna ndearbhú san iarratas, lena n-áirítear deimhnithe céime, cruthúnas go ndearna an t-iarrthóir staidéar ar feadh tréimhse áirithe sa teanga atá i gceist. Níl feidhm ag an gceanglas sin maidir le máthairtheanga an iarrthóra.

6.   Diúltóidh Oifig na dTréimhsí Oiliúna go huathoibríoch gach iarratas a gheofar tar éis an dáta deiridh. Soláthróidh iarrthóirí na doiciméid tacaíochta uile de réir mar a cheanglaítear leis an nós imeachta bunaithe. Ní ghlacfaidh Oifig na dTréimhsí Oiliúna le haon athrú faisnéise tar éis an sprioc-ama le hiarratas a dhéanamh.

1.   Is é príomhchuspóir an réamhroghnúcháin an rogha is fearr is féidir d’iarrthóirí a chur ar fáil do ranna an Choimisiúin a bhfuil an raon cúlraí oideachais is leithne is féidir acu agus as an raon geografach is leithne is féidir i leith náisiúnaigh na mBallstát, as ar féidir lena ranna a roghnú deiridh a dhéanamh.

2.   Déanfaidh Oifig na dTréimhsí Oiliúna an réamhroghnú de réir na dtreoirlínte agus na gcritéar réamhroghnúcháin a fhoilseofar ar shuíomh gréasáin tiomnaithe. Déantar an réamhroghnú faoi rún agus ní bhíonn a thorthaí ar fáil ach d’Oifig na dTréimhsí Oiliúna.

3.   Forchoimeádann Oifig na dTréimhsí Oiliúna an ceart an próiseas agus na critéir réamhroghnúcháin a leasú de réir mar is gá agus nuair is gá. Foilseoidh Oifig na dTréimhsí Oiliúna na hathruithe sin ar shuíomh gréasáin tiomnaithe roimh thús na tréimhse iarratais.

4.   Sainaithneoidh Oifig na dTréimhsí Oiliúna na hiarrthóirí is fearr a chomhlíonann na critéir roghnúcháin ar bhonn na faisnéise a bheidh dearbhaithe san fhoirm iarratais.

5.   Cuirfidh Oifig na dTréimhsí Oiliúna na rátaí treorach i bhfeidhm i gcomhréir leis na forálacha ginearálta maidir le cur chun feidhme Airteagal 27 de na Rialacháin Foirne agus Airteagal 12(1) de Choinníollacha Fostaíochta Sheirbhísigh Eile an Aontais Eorpaigh.

6.   Cuirfidh Oifig na dTréimhsí Oiliúna na hiarrthóirí ar an eolas faoina réamhroghnú tar éis na seiceála incháilitheachta agus fhíorú na ndoiciméad tacaíochta.

1.1.   Cuirfidh Oifig na dTréimhsí Oiliúna iarrthóirí réamhroghnaithe i mbunachar sonraí a bheidh ar fáil do na ranna agus na seirbhísí go léir a bheidh rannpháirteach sa chlár oiliúna Blue Book le haghaidh an roghnaithe deiridh, dá ngairtear an Blue Book Fíorúil anseo feasta. Beidh an líon iarratasóirí sa Blue Book Fíorúil suas le trí huaire níos mó ná líon na bpost oiliúna a bheidh ar fáil.

1.2.   Agus riachtanais agus infhaighteacht buiséadach na ranna agus na seirbhísí á gcur san áireamh, déanfaidh Oifig na dTréimhsí Oiliúna amach líon na dtréimhsí oiliúna a shannfar do gach seirbhís le haghaidh gach seisiúin oiliúna. Ullmhóidh na seirbhísí tuairisc mhionsonraithe ar phost ina leagfar amach na príomhcheanglais agus na príomhfhreagrachtaí a bhaineann le gach post a leithdháileadh.

1.3.   Leagfaidh Oifig na dTréimhsí Oiliúna amach an nós imeachta d’iarrthóirí réamhroghnaithe trínar féidir leo iarratas a dhéanamh ar na poist sin. Foilseofar an nós imeachta ar shuíomh gréasáin tiomnaithe. I gcás nach sainaithneofar aon iarrthóir oiriúnach nó nach bhfaighfear aon iarratas ar phost ar leith, is féidir leis na seirbhísí cuardach réamhghníomhach a dhéanamh ar iarrthóirí réamhroghnaithe laistigh den Blue Book Fíorúil chun iarrthóirí oiriúnacha a shainaithint a chomhlíonann na critéir réamhshainithe a bhaineann leis na poist sin.

1.4.   Is faoi fhreagracht ranna agus sheirbhísí an Choimisiúin amháin an cinneadh deiridh iarrthóirí a roghnú agus ní thiocfaidh an cinneadh sin i bhfeidhm go dtí go seolfaidh Oifig na dTréimhsí Oiliúna an tairiscint socrúcháin.

2.1.   Síneoidh Oifig na dTréimhsí Oiliúna tairiscint tréimhse oiliúna agus seolfaidh sí chuig na hiarrthóirí roghnaithe go léir í lena síniú. Measfar go bhfuil glactha leis an tairiscint tréimhse oiliúna agus, dá bhrí sin, measfar gur comhaontú tréimhse oiliúna í nuair a bheidh sí sínithe ag an iarrthóir agus faighte ag Oifig na dTréimhsí Oiliúna. Ní fhéadfar ach aon tréimhse oiliúna amháin a thairiscint do na hiarrthóirí roghnaithe le haghaidh seisiún oiliúna ar leith.

2.2.   Áiritheoidh Oifig na dTréimhsí Oiliúna go gcuirfidh iarrthóirí roghnaithe nach iarrthóirí de chuid an Aontais iad na doiciméid uile ar fáil a theastaíonn ó údaráis na tíre chun cónaí agus obair a dhéanamh go dleathach inti le linn a dtréimhse oiliúna.

2.3.   Déanfar iarrthóirí roghnaithe a dhiúltaigh tairiscint tréimhse oiliúna a eisiamh ón bpróiseas roghnúcháin a bheidh ar bun.

1.   Mairfidh gach seisiún oiliúna 5 mhí.

2.   I gcásanna eisceachtúla cuí-réasúnaithe, ar chomhaontú leis an eintiteas óstach, féadfar an tréimhse oiliúna a ghiorrú go tréimhse is lú ná 5 mhí, agus is í 3 mhí an fad íosta. Sna cásanna sin tosóidh an comhaontú tréimhse oiliúna an 1ú nó an 16ú de mhí áirithe.

3.   Níl feidhm ag an teorainn faoi mhír 1 maidir le hoiliúnaithe a leanann ar aghaidh mar chomhaltaí den Choiste Idirchaidrimh faoi Airteagal 26.

4.   Bíonn dhá sheisiún oiliúna ann in aghaidh na bliana:

1.   Féadfaidh Oifig na dTréimhsí Oiliúna an tréimhse oiliúna a fhoirceannadh tráth ar bith, más léir go ndearna an t-oiliúnaí dearbhuithe éagóracha go feasach nó gur sholáthair sé ráitis bhréagacha nó doiciméid bhréagacha tráth an iarratais nó le linn na tréimhse oiliúna de shárú ar Airteagal 5.

2.   Tar éis iarraidh chuí-réasúnaithe a fháil ó sheirbhís acmhainní daonna an eintitis óstaigh, féadfaidh Oifig na dTréimhsí Oiliúna tréimhse oiliúna a fhoirceannadh tráth ar bith tar éis dó éisteacht leis an oiliúnaí. Féadfaidh sárú ar an gCinneadh seo, lena n-áirítear na téarmaí agus na coinníollacha a leagtar amach san Iarscríbhinn a ghabhann leis an gCinneadh seo, sárú ar an gcomhaontú tréimhse oiliúna, nó cásanna a bhaineann le tearcfheidhmíocht, nó iompraíocht an oiliúnaí, a bheith ina chuid de na forais le foirceannadh.

3.   I gcás ina ndéanfar iarraidh faoi mhír 2 ar chúis tearcfheidhmíochta (lena n-áirítear scileanna teanga neamhleora), tabharfaidh a gcomhairleoir oiliúna fógra do na hoiliúnaithe faoin tearcfheidhmíocht agus tabharfaidh Oifig na dTréimhsí Oiliúna cuireadh dóibh chuig plé a bheidh dírithe ar a bhfeidhmíocht a fheabhsú. Ní fhéadfar an tréimhse oiliúna a fhoirceannadh ach amháin mura dtiocfaidh feabhas ar an bhfeidhmíocht sa choicís tar éis an phlé sin.

1.   I gcásanna eisceachtúla agus tar éis di iarraidh chuí-réasúnaithe i scríbhinn a fháil ón oiliúnaí ina mbeidh na cúiseanna ábhartha luaite, féadfaidh Oifig na dTréimhsí Oiliúna fionraíocht suas le 2 mhí a dheonú, ar choinníoll gur 3 mhí ar a laghad a bheidh in iomlán na tréimhse oiliúna gníomhaí.

2.   Cuirfear an deontas tréimhse oiliúna agus na híocaíochtaí eile ar fionraí le linn na tréimhse ábhartha, agus ní bheidh an t-oiliúnaí i dteideal aisíocaíocht a fháil ar aon speansas taistil ná ar aon speansas árachais sláinte agus timpiste a tabhaíodh i ndáil leis an tréimhse fionraíochta. Ní aisíocfar aon iarraidh ar aisíocaíocht árachais sláinte a dhéanfaidh an t-oiliúnaí le linn na tréimhse sin.

3.   Ní féidir leis an oiliúnaí teacht ar ais chun an chuid den tréimhse oiliúna nár críochnaíodh a dhéanamh ach go dtí deireadh tréimhse thosaigh na tréimhse oiliúna.

1.1.   Dámhfar deontas míosúil ar oiliúnaithe. Tá an deontas míosúil d’oiliúnaithe socraithe ag 25 % de bhuntuarastal oifigigh ar ghrád AD5, céim 1. Foilseofar an bundeontas le haghaidh gach seisiúin oiliúna i dtús gach tréimhse iarratais ar shuíomh gréasáin tiomnaithe faoi bhainistiú Oifig na dTréimhsí Oiliúna.

1.2.   Tar éis nuashonrú bliantúil nó idirmheánach a dhéanamh ar bhuntuarastal oifigigh agus sheirbhísigh eile an Aontais Eorpaigh, féadfar an deontas míosúil a thabhairt cothrom le dáta le haghaidh an tseisiúin a bheidh ann dá éis sin, chun é a ailíniú le leibhéal coigeartaithe an bhuntuarastail dá dtagraítear i mír 1.1. Ní athrófar an deontas míosúil cothrom le dáta le linn an tseisiúin oiliúna.

1.   Faoi réir an chistithe a bheidh ar fáil, gheobhaidh oiliúnaithe liúntas taistil mar ranníocaíocht leis an speansas taistil arna dtabhú chun taisteal chuig an áit cheapacháin agus uaidh i dtús agus i ndeireadh a dtréimhse oiliúna. Íocfar an liúntas mar íocaíocht aonuaire i dtús na tréimhse oiliúna.

2.   Bunóidh an Ard-Stiúrthóireacht um Acmhainní Daonna agus um Shlándáil an liúntas taistil ar bhonn an mheán-achair idir príomhchathracha an Aontais agus an Bhruiséil, i.e. 1 300 km, agus an méid comhfhreagrach dá bhforáiltear i gclár Erasmus+. Foilseofar an méid cruinn ar shuíomh gréasáin tiomnaithe faoi bhainistiú Oifig na dTréimhsí Oiliúna.

3.   Nuair a thogróidh oiliúnaithe an tréimhse oiliúna a fhoirceannadh sula mbeidh an íostréimhse oiliúna curtha i gcrích acu ar chúiseanna cé is moite de bhreoiteacht thromchúiseach nó force majeure, déanfaidh Oifig na dTréimhsí Oiliúna leath den liúntas taistil íoctha a aisghabháil.

1.   Faoi réir an chistithe a bheidh ar fáil, gheobhaidh oiliúnaithe a cheapfar i ranna an Choimisiúin i Lucsamburg agus a mbeidh cónaí orthu in Ard-Diúcacht Lucsamburg le linn a dtréimhse oiliúna liúntas cóiríochta forlíontach chun a gcostais chóiríochta a chumhdach go páirteach. Íocfar an liúntas sin in éineacht leis an deontas míosúil tar éis do na hoiliúnaithe na doiciméid ábhartha a chur isteach lena gcruthófar go bhfuil an t-oiliúnaí ina chónaí i Lucsamburg le linn na tréimhse oiliúna.

2.   Beidh méid an liúntais cóiríochta ag freagairt do 20 % den deontas míosúil a bheidh beartaithe le haghaidh gach seisiúin oiliúna agus foilseofar é ar shuíomh gréasáin tiomnaithe faoi bhainistiú Oifig na dTréimhsí Oiliúna i dtús gach tréimhse iarratais.

1.   Oiliúnaithe nach í an Bhruiséil a n-áit cheapacháin, beidh siad i dteideal liúntas taistil a fháil nuair a thabharfaidh Oifig na dTréimhsí Oiliúna cuireadh oifigiúil dóibh chun na Bruiséile chun freastal ar imeacht agus/nó ar chúrsa oiliúna ar leith.

2.   De bhreis ar an liúntas agus faoi na coinníollacha céanna a leagtar amach i mír 1, beidh oiliúnaithe nach í an Bhruiséil a n-áit cheapacháin agus nach mbeidh áit chónaithe acu sa Bhruiséil i dteideal liúntas laethúil a fháil a chomhfhreagróidh don liúntas cothaithe laethúil a bheidh socraithe le haghaidh na Beilge faoi Airteagal 13 d’Iarscríbhinn VII a ghabhann leis na Rialacháin Foirne.

3.   Beidh an liúntas cothaithe laethúil ar aon mhéid leis an liúntas cothaithe laethúil a bheidh socraithe le haghaidh baill foirne reachtúla i gCinneadh C(2025) 2495 ón gCoimisiún maidir leis na forálacha ginearálta lena gcuirtear chun feidhme Airteagail 11, 12 agus 13 d’Iarscríbhinn VII a ghabhann le Rialacháin Foirne na nOifigeach agus taisteal údaraithe. Is í Oifig na dTréimhsí Oiliúna a leagann síos na rialacha mionsonraithe agus an nós imeachta atá le leanúint.

1.   Nuair a chuirfear isteach cruthúnas ar mhíchumas aitheanta, arna eisiúint ag údarás náisiúnta inniúil, beidh oiliúnaithe faoi mhíchumas incháilithe do liúntas forlíontach suas le 50 % den deontas míosúil. Foilseofar an nós imeachta maidir leis an liúntais sin a éileamh ar shuíomh gréasáin Oifig na dTréimhsí Oiliúna.

2.   I gcásanna eisceachtúla cuí-réasúnaithe (e.g. cúntóir pearsanta), féadfar tacaíocht airgeadais bhreise a dheonú. Mar sin féin, ní rachaidh an deontas míosúil, an liúntas míchumais agus an tacaíocht airgeadais bhreise thar choibhéis dhá dheontas mhíosúla.

1.   Cuirfidh ranna an Choimisiúin cóiríocht réasúnta ar fáil d’oiliúnaithe faoi mhíchumas a aithneofar i ndeimhniú míchumais arna eisiúint ag údarás náisiúnta inniúil.

2.   Is éard a bheidh i gceist le cóiríocht réasúnta, bearta iomchuí, i gcás inar gá, chun a chur ar a chumas d’oiliúnaí faoi mhíchumas rochtain a fháil ar an gclár oiliúna Blue Book agus páirt a ghlacadh ann, mura rud é go bhforchuirfeadh na bearta sin ualach díréireach ar an gCoimisiún.

1.   Aisghairtear Cinneadh C(2005) 458 ón gCoimisiún maidir leis na rialacha lena rialaítear scéim oifigiúil tréimhsí oiliúna an Choimisiúin Eorpaigh agus Cinneadh C(2007) 1221) ón gCoimisiún maidir le méid an deontais d’oiliúnaithe faoi scéim oifigiúil tréimhsí oiliúna an Choimisiúin Eorpaigh a shocrú.

2.   Tréimhsí oiliúna ar cuireadh tús leis an bpróiseas iarratais ina leith roimh ghlacadh an Chinnidh seo, leanfaidh siad de bheith faoi rialú na gCinntí a luaitear i mír 1.