(1)(2)(3)(4)(5)(6)

Id-Deċiżjoni tal-Kunsill 2004/288/KE tas-26 ta' Marzu 2004 li tagħti lill-Awstralja u New Zealand aċċess temporanju għar-riżervi Komunitarji ta' l-antiġeni għall-virus tal-marda ta' l-ilsien u d-dwiefer (2), tiddisponi li dawk il-pajjiżi jingħataw aċċess għar-riżervi Komunitarji ta' l-antiġeni għall-formazzjoni ta' vaċċini kontra l-marda ta' l-ilsien u d-dwiefer sal-31 ta' Diċembru 2004.L-Awstralja impenjat ruħha li tkabbar il-ħażna tagħha ta' l-antiġeni għall-virus tal-marda ta' l-ilsien u d-dwiefer u wriet l-intenzjoni tagħha li tilħaq arranġament mal-Komunità fuq l-għoti reċiproku ta' aċċess għall-ħażniet ta' ċerti antiġeni għall-virus tal-marda ta' l-ilsien u d-dwiefer. Sakemm jintlaħaq dan il-ftehim possibbli, l-Awstralja talbet li jkun hemm titwil ta' l-aċċess temporanju għar-riżervi Komunitarji ta' l-antiġeni għall-virus tal-marda ta' l-ilsien u d-dwiefer.New Zealand talbet li jkun hemm titwil ta' l-aċċess temporanju għar-riżervi Komunitarji ta' l-antiġeni għall-virus tal-marda ta' l-ilsien u d-dwiefer minħabba dewmien bla mistenni fil-bini tal-ħażniet tagħha ta' antiġeni ta' dan it-tip.Fid-dawl tal-kapaċità u tad-disponibbiltà tar-riżervi ta' l-antiġeni għall-virus tal-marda ta' l-ilsien u d-dwiefer maħżuna fil-Komunità, jidher li t-titwil mitlub mill-Awstralja u minn New Zealand jista' jingħata mingħajr ma jikkomprometti bla bżonn l-arranġamenti ta' kontinġenza tal-Komunità.Għaldaqstant, it-titwil mitlub ta' l-aċċess temporanju ta' l-Awstralja u New Zealand għar-riżervi Komunitarji ta' l-antiġeni għall-virus tal-marda ta' l-ilsien u d-dwiefer għandu jingħata u d-Deċiżjoni 2004/288/KE għandha tiġi emendata f'dan is-sens.Il-miżuri previsti f'din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali.