|
1.7.2009 |
MT |
Il-Ġurnal Uffiċjali tal-Unjoni Ewropea |
L 171/47 |
DEĊIŻJONI TAL-KUMMISSJONI
tat-30 ta' Ġunju 2009
li taħtar il-membri tal-Kumitat għall-Prodotti Mediċinali Orfni
(Test b’relevanza għaż-ŻEE)
(2009/506/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 141/2000 tal-Parlament Ewropew u tal-Kunsill tas-16 ta’ Diċembru 1999 dwar il-prodotti mediċinali orfni (1), b’mod partikolari l-Artikolu 4(3) tiegħu,
Wara li kkunsidrat ir-rakkomandazzjoni tal-Aġenzija Ewropea għall-Mediċini tat-3 ta’ April 2009,
Billi:
|
(1) |
Il-mandat ta’ erba’ membri tal-Kumitat għall-Prodotti Mediċinal Orfni, minn hawn ‘il quddiem “il-Kumitat”, stabbilit skont l-Artikolu 4 tar-Regolament (KE) Nru 141/2000, skada fil-15 ta’ April 2009. Membru tal-Kumitat li skadielu l-mandat tiegħu nħatar mill-Kummissjoni fuq il-bażi ta’ Rakkomandazzjoni mill-Aġenzija Ewropea għall-Mediċini. Tliet membri oħra li skadielhom il-mandat tagħhom inħatru mill-Kummissjoni biex jirrappreżentaw l-organizzazzjonijiet tal-pazjenti. Għaldaqstant, jinħtieġ li jinħatru erba’ membri fil-Kumitat. |
|
(2) |
L-Aġenzija Ewopea għall-Mediċini rrakkomandat persuna għall-ħatra. |
|
(3) |
Il-membri tal-Kumitat għandhom jinħatru għal perjodu ta’ tliet snin li jibdew fl-1 ta’ Lulju 2009, |
IDDEĊIDIET KIF ĠEJ:
Artikolu 1
1. Il-persuna segwenti qiegħda b’hekk tinħatar membru tal-Kumitat għall-Prodotti Mediċinali Orfni, minn hawn ‘il quddiem imsejjaħ il-Kumitat, biex tirrappreżenta lill-organizzazzjonijiet tal-pazjenti għal terminu ta’ tliet snin, mill-1 ta’ Lulju 2009,
Is-Sinjura Lesley Claire GREENE
2. Il-persuni segwenti qegħdin b’hekk jerġgħu jinħatru membri tal-Kumitat biex jirrappreżentaw lill-organizzazzjonijet tal-pazjenti għal terminu ta’ tliet snin, mill-1 ta’ Lulju 2009,
|
|
Is-Sinjura Birthe Byskov HOLM |
|
|
Dr Marie Pauline EVERS |
Artikolu 2
Fuq ir-rakkomandazzjoni tal-Aġenzija Ewropea għall-Mediċini, il-persuna segwenti qiegħda b’hekk tinħatar mill-ġdid membru tal-Kumitat għal terminu ta’ tliet snin, mill-1 ta’ Lulju 2009,
Dr David LYONS.
Magħmula fi Brussell, it-30 ta’ Ġunju 2009.
Għall-Kummissjoni
Günter VERHEUGEN
Viċi President