(1)

Fit-8 ta’ Frar 2024, il-Kunsill adotta d-Deċiżjoni (PESK) 2024/583 li stabbiliet operazzjoni ta’ sigurtà marittima tal-Unjoni Ewropea biex tiġi ssalvagwardata l-libertà ta’ navigazzjoni b’rabta mal-kriżi tal-Baħar l-Aħmar (EUNAVFOR ASPIDES).

(2)

Skont l-Artikolu 4(2) tad-Deċiżjoni (PESK) 2024/583, il-Kunsill awtorizza lill-Kumitat Politiku u ta’ Sigurtà (KPS) jieħu deċiżjonijiet dwar il-ħatra tal-Kmandant tal-Forza tal-UE għall-EUNAVFOR ASPIDES (il-“Kmandant tal-Forza tal-UE”).

(3)

Fit-22 ta’ Ottubru 2024, il-KPS adotta d-Deċiżjoni (PESK) 2024/2763 (2), li ħatret lill-Komodor Konstantinos PITYKAKIS Kmandant tal-Forza tal-UE mill-1 ta’ Novembru 2024.

(4)

Fil-15 ta’ Jannar 2025, l-Awtoritajiet militari Griegi pproponew il-ħatra tal-Komodor Michail PANTOUVAKIS biex jieħu post il-Komodor Konstantinos PITYKAKIS bħala l-Kmandant tal-Forza tal-UE (“il-ħatra proposta”) mit-2 ta’ Frar 2025.

(5)

Fil-15 ta’ Jannar 2025, il-Kmandant tal-Operazzjoni tal-UE EUNAVFOR ASPIDES appoġġa l-ħatra proposta.

(6)

Fl-20 ta’ Jannar 2025, il-Kumitat Militari tal-UE appoġġa l-ħatra proposta u qabel li l-Komodor Micahil PANTOUVAKIS jinħatar bħala Kmandant tal-Forza tal-UE.

(7)

Jenħtieġ li tittieħed deċiżjoni dwar il-ħatra tal-Komodor Michail PANTOUVAKIS bħala l-Kmandant tal-Forza tal-UE.

(8)

Jenħtieġ li titħassar id-Deċiżjoni (PESK) 2024/2763,