Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2025/199 |
30.1.2025 |
CINNEADH (CBES) 2025/199 ÓN gCOISTE POLAITIÚIL AGUS SLÁNDÁLA
an 28 Eanáir 2025
maidir le Ceannasaí Fórsa an Aontais Eorpaigh a cheapadh le haghaidh oibríocht slándála muirí de chuid an Aontais Eorpaigh chun saoirse loingseoireachta a chosaint i ndáil le géarchéim na Mara Rua (EUNAVFOR ASPIDES) agus lena n-aisghairtear Cinneadh (CBES) 2024/2763 (EUNAVFOR ASPIDES/1/2025)
TÁ AN COISTE POLAITIÚIL AGUS SLÁNDÁLA,
Ag féachaint don Chonradh ar an Aontas Eorpach, agus go háirithe Airteagal 38 de,
Ag féachaint do Chinneadh (CBES) 2024/583 ón gComhairle an 8 Feabhra 2024 maidir le hoibríocht slándála muirí an Aontais Eorpaigh chun saoirse loingseoireachta a chosaint i ndáil le géarchéim na Mara Rua (EUNAVFOR ASPIDES) (1), agus go háirithe Airteagal 4(2) de,
De bharr an mhéid seo a leanas:
|
(1) |
An 8 Feabhra 2024, ghlac an Chomhairle Cinneadh (CBES) 2024/583, lenar bunaíodh oibríocht muirí de chuid an Aontais Eorpaigh chun saoirse loingseoireachta a chosaint i ndáil le géarchéim na Mara Rua (EUNAVFOR ASPIDES). |
|
(2) |
De bhun Airteagal 4(2) de Chinneadh (CBES) 2024/583, d’údaraigh an Chomhairle an Coiste Polaitiúil agus Slándála cinntí a dhéanamh maidir le Ceannasaí Fórsa an Aontais a cheapadh ar EUNAVFOR ASPIDES (‘Ceannasaí Fórsa an Aontais Eorpaigh’). |
|
(3) |
An 22 Deireadh Fómhair 2024, ghlac an Coiste Polaitiúil agus Slándála Cinneadh (CBES) 2024/2763 (2), lenar ceapadh an Ceannasóir Konstantinos PITYKAKIS ina Cheannasaí Fórsa an Aontais Eorpaigh ón 1 Samhain 2024. |
|
(4) |
An 15 Eanáir 2025, mhol údaráis mhíleata na Gréige an Ceannasóir Michail PANTOUVAKIS a cheapadh i gcomharbas ar an Ceannasóir Konstantinos PITYKAKIS, ina Cheannasaí Fórsa an Aontais (‘an ceapachán molta’) ón 2 Feabhra 2025 ar aghaidh. |
|
(5) |
An 15 Eanáir 2025, thacaigh Ceannasaí Oibríochta an Aontais Eorpaigh ar EUNAVFOR ASPIDES leis an gceapachán molta sin. |
|
(6) |
An 20 Eanáir 2025, thacaigh Coiste Míleata an Aontais leis an gceapachán molta agus chomhaontaigh siad go gceapfar an Ceannasóir Michail PANTOUVAKIS ina Cheannasaí Fórsa an Aontais Eorpaigh. |
|
(7) |
Ba cheart cinneadh a dhéanamh maidir leis an gCeannasóir Michail PANTOUVAKIS a cheapadh ina Cheannasaí Fórsa an Aontais Eorpaigh. |
|
(8) |
Ba cheart Cinneadh (CBES) 2024/2763 a aisghairm, |
TAR ÉIS AN CINNEADH SEO A GHLACADH:
Airteagal 1
Ceaptar an Ceannasóir Michail PANTOUVAKIS ina Cheannasaí Fórsa an Aontais Eorpaigh le haghaidh oibríocht slándála muirí an Aontais Eorpaigh chun saoirse loingseoireachta a chosaint i ndáil le géarchéim na Mara Rua (EUNAVFOR ASPIDES) amhail ón 2 Feabhra 2025.
Airteagal 2
Leis seo, déantar Cinneadh (CBES) 2024/2763 a aisghairm.
Airteagal 3
Tiocfaidh an Cinneadh seo i bhfeidhm an 2 Feabhra 2025.
Arna dhéanamh sa Bhruiséil, an 28 Eanair 2025.
Thar ceann an Choiste Pholaitiúil agus Slándála
An Cathaoirleach
D. PRONK
(1) IO L, 2024/583, 12.2.2024, ELI: http://data.europa.eu/eli/dec/2024/583/oj.
(2) Cinneadh (CBES) 2024/2763 ón gCoiste Polaitiúil agus Slándála an 22 Deireadh Fómhair 2024 maidir le Ceannasaí Fórsa an Aontais a cheapadh ar oibríocht slándála muirí an Aontais Eorpaigh chun saoirse loingseoireachta a choimirciú i ndáil le géarchéim na Mara Rua (EUNAVFOR ASPIDES) agus lena n-aisghairtear Cinneadh (CBES) 2024/2038 (EUNAVFOR ASPIDES/4/2024) (IO L, 2024/2763, 28.10.2024, ELI: http://data.europa.eu/eli/dec/2024/2763/oj).
ELI: http://data.europa.eu/eli/dec/2025/199/oj
ISSN 1977-0839 (electronic edition)