European flag

Iris Oifigiúil
an Aontais Eorpaigh

GA

Sraith L


2026/2206

30.9.2026

CINNEADH (CBES) 2026/2206 ÓN gCOISTE POLAITIÚIL AGUS SLÁNDÁLA

an 29 Meán Fómhair 2026

maidir le Ceannasaí Fórsa an Aontais a cheapadh le haghaidh oibríocht mhíleata an Aontais Eorpaigh sa Mheánmhuir (EUNAVFOR MED IRINI) agus lena n-aisghairtear Cinneadh (CBES) 2026/768 (EUNAVFOR MED IRINI/4/2026)

TÁ AN COISTE POLAITIÚIL AGUS SLÁNDÁLA,

Ag féachaint don Chonradh ar an Aontas Eorpach, agus go háirithe Airteagal 38 de,

Ag féachaint do Chinneadh (CBES) 2020/472 ón gComhairle an 31 Márta 2020 maidir le hoibríocht mhíleata an Aontais Eorpaigh sa Mheánmhuir (EUNAVFOR MED IRINI) (1), agus go háirithe Airteagal 8(2) de,

De bharr an mhéid seo a leanas:

(1)

An 31 Márta 2020, ghlac an Chomhairle Cinneadh (CBES) 2020/472, lenar bunaíodh agus lenar seoladh oibríocht mhíleata an Aontais Eorpaigh sa Mheánmhuir (EUNAVFOR MED IRINI).

(2)

De bhun Airteagal 8(2) de Chinneadh (CBES) 2020/472, d’údaraigh an Chomhairle don Choiste Polaitiúil agus Slándála cinntí a dhéanamh maidir le Ceannasaí Fórsa an Aontais ar EUNAVFOR MED IRINI (‘Ceannasaí Fórsa an Aontais’) a cheapadh.

(3)

An 24 Márta 2026, ghlac an Coiste Polaitiúil agus Slándála Cinneadh (CBES) 2026/768 (2), lenar ceapadh an Seachaimiréal Andrea BIELLI mar Cheannasaí Fórsa an Aontais ón 1 Aibreán 2026.

(4)

An 25 Lúnasa 2026, mhol na húdaráis mhíleata Heilléanacha an Ceannasóir Stavros POLYDOROU a cheapadh i gcomharbas ar an Seachaimiréal Andrea BIELLI mar Cheannasaí Fórsa an Aontais (‘an ceapachán molta’).

(5)

An 26 Lúnasa 2026, thacaigh Ceannasaí Oibríochta an Aontais ar EUNAVFOR MED IRINI leis an gceapachán molta.

(6)

An 28 Lúnasa 2026, thacaigh Coiste Míleata an Aontais Eorpaigh leis an gceapachán molta agus chomhaontaigh sé go ndéanfaí an Ceannasóir Stavros POLYDOROU a cheapadh mar Cheannasaí Fórsa an Aontais ón 1 Deireadh Fómhair 2026.

(7)

Ba cheart cinneadh a dhéanamh maidir leis an gCeannasóir Stavros POLYDOROU a cheapadh mar Cheannasaí Fórsa an Aontais ón 1 Deireadh Fómhair 2026.

(8)

Ba cheart Cinneadh (CBES) 2026/768 a aisghairm,

TAR ÉIS AN CINNEADH SEO A GHLACADH:

Airteagal 1

Ceaptar an Ceannasóir Stavros POLYDOROU mar Cheannasaí Fórsa an Aontais ar oibríocht mhíleata an Aontais Eorpaigh sa Mheánmhuir (EUNAVFOR MED IRINI) ón 1 Deireadh Fómhair 2026.

Airteagal 2

Leis seo, aisghairtear Cinneadh (CBES) 2026/768.

Airteagal 3

Tiocfaidh an Cinneadh seo i bhfeidhm an 1 Deireadh Fómhair 2026.

Arna dhéanamh sa Bhruiséil, an 29 Meán Fómhair 2026.

Thar ceann an Choiste Pholaitiúil agus Slándála

An Cathaoirleach

L. MANDEL VENSILD


(1)   IO L 101, 1.4.2020, lch. 4, ELI: http://data.europa.eu/eli/dec/2020/472/oj.

(2)  Cinneadh (CBES) 2026/768 ón gCoiste Polaitiúil agus Slándála an 24 Márta 2026 maidir le Ceannasaí Fórsa an Aontais a cheapadh ar oibríocht mhíleata an Aontais Eorpaigh sa Mheánmhuir (EUNAVFOR MED IRINI) agus lena n-aisghairtear Cinneadh (CBES) 2025/2012 (EUNAVFOR MED IRINI/2/2026) (IO L, 2026/768, 30.3.2026, ELI: http://data.europa.eu/eli/dec/2026/768/oj).


ELI: http://data.europa.eu/eli/dec/2026/2206/oj

ISSN 1977-0839 (electronic edition)