(8)

Bejn it-8 ta’ Mejju 2018 u l-25 ta’ Settembru 2020, il-Kummissjoni rċeviet mill-partijiet elenkati fit-Tabelli 1 u 2, it-talbiet għal eżenzjoni bl-informazzjoni kollha meħtieġa sabiex tiddetermina jekk dawn it-talbiet kinux ammissibbli skont l-Artikolu 4(1) tar-Regolament (KE) Nru 88/97.

(9)

Il-partijiet li talbu eżenzjoni ngħataw il-possibbiltà li jikkummentaw dwar il-konklużjonijiet tal-Kummissjoni dwar l-ammissibbiltà tat-talbiet tagħhom.

(10)

Skont l-Artikolu 5(1) tar-Regolament (KE) Nru 88/97, sakemm tittieħed deċiżjoni dwar il-mertu tat-talbiet mill-partijiet li qed jitolbu eżenzjoni, il-pagament tad-dazju estiż fir-rigward ta’ kull importazzjoni ta’ partijiet essenzjali tar-roti ddikjarati għaċ-ċirkolazzjoni libera minn dawn il-partijiet elenkati fit-Tabelli 1 u 3 ta’ hawn taħt ġie sospiż mid-data li fiha l-Kummissjoni rċeviet it-talbiet rispettivi tagħhom ’il quddiem.

(11)

Ġie konkluż l-eżami tal-merti tat-talba tal-partijiet elenkati fit-Tabella 1.

Tabella 1

(12)

Matul l-eżaminazzjoni tagħha, il-Kummissjoni stabbilixxiet li l-valur tal-partijiet li joriġinaw fiċ-Ċina kien jikkostitwixxi inqas minn 60 % tal-valur totali tal-partijiet tar-roti kollha assemblati minn FJ Bikes Unipessoal Lda u li l-valur miżjud mal-partijiet miġjuba matul l-operazzjonijiet tal-immuntar ta’ Frog Bikes Manufacturing Ltd kien akbar minn 25 % tal-kostijiet tal-manifattura.

(13)

Konsegwentement, il-Kummissjoni kkonkludiet li l-operazzjonijiet tal-immuntar rispettivi ta’ FJ Bikes Unipessoal Lda u ta’ Frog Bikes Manufacturing Ltd ma jaqgħux fil-kamp ta’ applikazzjoni tal-Artikolu 13(2) tar-Regolament (UE) 2016/1036.

(14)

Għal din ir-raġuni, u skont l-Artikolu 7(1) tar-Regolament (KE) Nru 88/97, il-partijiet elenkati fit-Tabella 1 jissodisfaw il-kundizzjonijiet għall-eżenzjoni mid-dazju estiż.

(15)

F’konformità mal-Artikolu 7(2) tar-Regolament (KE) Nru 88/97, jenħtieġ li l-eżenzjoni tidħol fis-seħħ mid-dati tal-wasla tat-talba ’l quddiem. Id-dejn doganali fir-rigward tad-dazju estiż mill-partijiet li qed jitolbu eżenzjoni jenħtieġ li, għalhekk, jitqies null mill-istess data.

(16)

Il-partijiet interessati ġew infurmati bil-konklużjonijiet tal-Kummissjoni dwar il-merti tat-talbiet tagħhom rispettivament u ngħataw opportunità biex jikkummentaw dwarhom.

(17)

Peress li l-eżenzjonijiet japplikaw biss għall-partijiet speċifikament imsemmija fit-Tabella 1, jenħtieġ li l-partijiet eżentati jinnotifikaw lill-Kummissjoni (7) mingħajr dewmien dwar kull tibdil f’din id-data (pereżempju, wara li jinbidel l-isem, il-forma ġuridika jew l-indirizz jew wara lil jitwaqqfu entitajiet ġodda tal-immuntar).

(18)

F’każ ta’ bidla fir-referenza, jenħtieġ li l-partijiet eżentati jipprovdu l-informazzjoni rilevanti, b’mod partikolari dwar kull modifika fl-attivitajiet tagħhom marbuta ma’ operazzjonijiet tal-immuntar. Fejn xieraq, il-Kummissjoni se taġġorna r-referenzi għal tali parti.

(19)

L-eżami tal-mertu tat-talbiet mill-partijiet elenkati fit-Tabella 2 għadu għaddej. Sakemm tittieħed deċiżjoni dwar il-mertu tat-talbiet tagħhom, il-pagament tad-dazju estiż għal dawn il-partijiet huwa sospiż.

(20)

Billi s-sospensjonijiet se japplikaw biss għall-partijiet speċifikament imsemmija fit-Tabella 2, jenħtieġ li dawn il-partijiet jinnotifikaw lill-Kummissjoni (8) minnufih dwar kwalunkwe bidla f’din id-data (pereżempju wara bidla fl-isem, fil-forma ġuridika jew fl-indirizz jew wara t-twaqqif ta’ entitajiet ġodda tal-immuntar).

(21)

F’każ ta’ bidla fir-referenza, jenħtieġ li l-parti tipprovdi l-informazzjoni rilevanti kollha, b’mod partikolari dwar kull modifika fl-attivitajiet tagħha marbuta ma’ operazzjonijiet tal-immuntar. Fejn xieraq, il-Kummissjoni se taġġorna r-referenzi ta’ tali parti.

Tabella 2

(22)

Bejn it-28 ta’ Lulju 2020 u d-9 ta’ Diċembru 2020, il-partijiet eżentati jew sospiżi elenkati fit-Tabella 3 innotifikaw lill-Kummissjoni bil-bidliet fir-referenzi tagħhom (ismijiet, forom legali u/jew indirizzi). Il-Kummissjoni, wara li eżaminat l-informazzjoni mressqa, ikkonkludiet li dawn il-bidliet bl-ebda mod ma jaffettwaw l-operazzjonijiet tal-immuntar fir-rigward tal-kundizzjonijiet ta’ eżenzjoni jew sospensjoni stabbiliti fir-Regolament (KE) Nru 88/97.

(23)

Filwaqt li l-eżenzjoni jew is-sospensjoni ta’ dawn il-partijiet mid-dazju estiż awtorizzata skont l-Artikolu 7(1) tar-Regolament (KE) Nru 88/97 tibqa’ mhux affettwata, jenħtieġ li r-referenzi għal dawn il-partijiet jiġu aġġornati.

Tabella 3

(24)

Jenħtieġ li s-sospensjoni tal-pagament tad-dazji għall-partijiet li qed jiġu eżaminati titneħħa għall-parti elenkata fit-Tabella 4 mid-29 ta’ Novembru 2018 sal-24 ta’ Settembru 2020.

Tabella 4

(25)

Fid-29 ta’ Novembru 2018, il-Kummissjoni rċeviet talba mingħand il-parti elenkata fit-Tabella 4 (“Motokit”) għal eżenzjoni bl-informazzjoni meħtieġa biex jiġi ddeterminat jekk din it-talba kinitx ammissibbli skont l-Artikolu 4(1) tar-Regolament (KE) Nru 88/97.

(26)

Skont l-Artikolu 5(1) tar-Regolament (KE) Nru 88/97 sakemm tittieħed deċiżjoni dwar il-mertu tat-talba, il-ħlas tad-dazju estiż fir-rigward ta’ kull importazzjoni ta’ partijiet essenzjali tar-roti ddikjarati għaċ-ċirkolazzjoni libera minn Motokit ġie sospiż mill-jum li fih il-Kummissjoni rċeviet it-talba għall-eżenzjoni.

(27)

Il-kodiċi addizzjonali TARIC C492 ġie assenjat lil Motokit sabiex jidentifika l-importazzjonijiet ta’ partijiet essenzjali tar-roti ddikjarati għaċ-ċirkolazzjoni libera u soġġett għas-sospensjoni tal-pagament tad-dazju estiż.

(28)

Fit-22 ta’ Lulju 2020, il-Kummissjoni rċeviet talba minn Motokit biex tiġi rtirata l-applikazzjoni għal eżenzjoni, waqt li kien għaddej l-eżami tal-merti tagħha u l-pagament tad-dazju estiż kien sospiż.

(29)

Il-Kummissjoni aċċettat l-irtirar u konsegwentement jenħtieġ li s-sospensjoni tal-ħlas tad-dazju estiż titneħħa u d-dazju estiż jinġabar mid-data li fiha daħlet fis-seħħ is-sospensjoni, jiġifieri d-29 ta’ Novembru 2018.

(30)

Fil-25 ta’ Settembru 2020, il-Kummissjoni rċeviet talba ġdida mingħand Motokit għal eżenzjoni bl-informazzjoni meħtieġa biex jiġi ddeterminat jekk din it-talba kinitx ammissibbli skont l-Artikolu 4(1) tar-Regolament (KE) Nru 88/97.

(31)

Skont l-Artikolu 5(1) tar-Regolament (KE) Nru 88/97 sakemm tittieħed deċiżjoni dwar il-mertu tat-talba, il-ħlas tad-dazju estiż fir-rigward ta’ kull importazzjoni ta’ partijiet essenzjali tar-roti ddikjarati għaċ-ċirkolazzjoni libera minn Motokit ġie sospiż mill-jum li fih il-Kummissjoni rċeviet it-talba l-ġdida għall-eżenzjoni, jiġifieri l-25 ta’ Settembru 2020.

(32)

Għalhekk, jenħtieġ li s-sospensjoni tal-ħlas tad-dazju estiż titneħħa għall-perjodu ta’ qabel il-25 ta’ Settembru 2020. Jenħtieġ li d-dazju estiż jinġabar mid-data tal-wasla tal-ewwel talba għal eżenzjoni mressqa minn Motokit, jiġifieri mill-29 ta’ Novembru 2018 sal-24 ta’ Settembru 2020. Għalhekk, sakemm tittieħed deċiżjoni fuq il-merti tat-talba għal eżenzjoni, jenħtieġ li d-data l-ġdida li fiha daħlet fis-seħħ is-sospensjoni tad-dazju estiż tinbidel fil-25 ta’ Settembru 2020.

(33)

Il-parti elenkata fit-Tabella 4 ġiet informata bil-konklużjonijiet tal-Kummissjoni u ngħatat l-opportunità tikkummenta dwarhom. Ma wasal l-ebda kumment.

(34)

Il-partijiet elenkati fit-Tabella 5 ressqu talbiet għal eżenzjoni li nstab li kienu inammissibbli skont it-tifsira tal-Artikolu 4(4) tar-Regolament (KE) Nru 88/97, minħabba li ma ssodisfawx il-kundizzjonijiet stabbiliti fl-Artikolu 4(1)(a).

Tabella 5

(35)

Il-partijiet elenkati fit-Tabella 5 ġew informati bil-konklużjonijiet tal-Kummissjoni u ngħataw opportunità jikkummentaw dwarhom. Ma wasal l-ebda kumment dwar il-konklużjonijiet tal-Kummissjoni.

(36)

Kif imsemmi fil-premessa (1), id-dazju estiż japplika fuq l-importazzjonijiet fl-Unjoni ta’ partijiet essenzjali tar-roti li joriġinaw miċ-Ċina.

(37)

Wara tmiem il-perjodu ta’ tranżizzjoni previst fil-Ftehim tal-24 ta’ Jannar 2020 dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika, u mingħajr preġudizzju għall-Artikoli 5(3) u (4) tal-Protokoll dwar l-Irlanda/l-Irlanda ta’ Fuq, id-dazju estiż ma jibqax applikabbli għall-importazzjonijiet li jiġu rilaxxati mid-dwana fir-Renju Unit.

(38)

Konsegwentement, jenħtieġ li l-awtorizzazzjoni ta’ eżenzjoni mill-ħlas tad-dazju estiż għall-partijiet elenkati fit-Tabella 6 tiġi rtirata mill-1 ta’ Jannar 2021.

Tabella 6