—

ag féachaint do pháipéar eacnamaíoch muirí Uimh. 08/2020 ón gCoimisiún an 9 Márta 2021 dar teideal The EU fishing fleet 2020: Trends and economic results [Cabhlach iascaireachta AE 2020: Treochtaí agus torthaí eacnamaíocha] (1),

—

ag féachaint do theachtaireacht ón gCoimisiún an 16 Meitheamh 2020 dar teideal Towards more sustainable fishing in the EU: state of play and orientations for 2021 [I dtreo iascaireacht níos inbhuanaithe san Aontas: staid na himeartha agus treoshuíomhanna le haghaidh 2021] (COM(2020)0248),

—

ag féachaint d’Airteagail 38 go 44 agus Airteagal 349 den Chonradh ar Fheidhmiú an Aontais Eorpaigh (CFAE),

—

ag féachaint d’aithris 4 de Rialachán (AE) Uimh. 1380/2013 ó Pharlaimint na hEorpa agus ón gComhairle an 11 Nollaig 2013 maidir leis an gComhbheartas Iascaigh, lena leasaítear Rialachán (CE) Uimh. 1954/2003 ón gComhairle agus Rialachán (CE) Uimh. 1224/2009 ón gComhairle agus lena n-aisghairtear Rialachán (CE) Uimh. 2371/2002 ón gComhairle, Rialachán (CE) Uimh. 639/2004 ón gComhairle agus Cinneadh 2004/585/CE ón gComhairle (2) (“an Rialachán maidir le CBI”), ina luaitear gur cheart don Chomhbheartas Iascaigh (CBI) cur leis “an inbhuanaitheacht chomhshaoil, eacnamaíoch agus shóisialta san fhadtéarma” agus le “caighdeán cóir maireachtála don earnáil iascaigh, lena n-áirítear iascaireacht ar mhionscála”, agus d’aithris (33) de, ina luaitear gur cheart “rochtain ar iascach a bheith bunaithe ar chritéir thrédhearcacha, oibiachtúla lena n-áirítear critéir maidir leis an gcomhshaol agus de chineál sóisialta agus eacnamaíoch” agus gur cheart “do na Ballstáit iascaireacht fhreagrach a chur chun cinn trí dhreasachtaí a chur ar fáil do na hoibreoirí sin a iascann ar an mbealach is lú a ndéantar díobháil don chomhshaol leis agus a chuireann na tairbhí is fearr ar fáil don tsochaí”,

—

ag féachaint d’Airteagal 17 den Rialachán maidir le CBI ina luaitear, agus deiseanna iascaireachta á gcionroinnt, go mbainfidh na Ballstáit leas as “critéir trédhearcacha, oibiachtúla lena n-áirítear critéir maidir leis an gcomhshaol agus de chineál sóisialta agus eacnamaíoch”,

—

ag féachaint do Rialachán (AE) Uimh. 1379/2013 ó Pharlaimint na hEorpa agus ón gComhairle maidir le comheagrú na margaí i dtáirgí iascaigh agus dobharshaothraithe, lena leasaítear Rialachán (CE) Uimh. 1184/2006 ón gComhairle agus Rialachán (CE) Uimh. 1224/2009 ón gComhairle agus lena n-aisghairtear Rialachán (CE) Uimh. 104/2000 ón gComhairle (3) (“an Rialachán maidir le CEM”),

—

ag féachaint do Threoir 2014/89/AE ó Pharlaimint na hEorpa agus ón gComhairle an 23 Iúil 2014 lena mbunaítear creat don phleanáil spásúil mhuirí (4),

—

ag féachaint do na leasuithe a ghlac Parlaimint na hEorpa an 11 Márta 2021 maidir leis an togra le haghaidh rialachán ó Pharlaimint na hEorpa agus ón gComhairle lena leasaítear Rialachán (CE) Uimh. 1224/2009 ón gComhairle, agus lena leasaítear Rialacháin (CE) Uimh. 768/2005, (CE) Uimh. 1967/2006, (CE) Uimh. 1005/2008 ón gComhairle agus Rialachán (AE) 2016/1139 ó Pharlaimint na hEorpa agus ón gComhairle i dtaca leis an rialú ar iascach (5),

—

ag féachaint do Rialachán (AE) 2021/1139 ó Pharlaimint na hEorpa agus ón gComhairle an 7 Iúil 2021 lena mbunaítear an Ciste Eorpach Muirí, Iascaigh agus Dobharshaothraithe agus lena leasaítear Rialachán (AE) 2017/1004 (6) (“Rialachán CEMID”),

—

ag féachaint do Rialachán (AE) Uimh. 508/2014 ó Pharlaimint na hEorpa agus ón gComhairle an 15 Bealtaine 2014 maidir leis an gCiste Eorpach Muirí agus Iascaigh agus lena n-aisghairtear Rialachán (CE) Uimh. 2328/2003 ón gComhairle, Rialachán (CE) Uimh. 861/2006 ón gComhairle, Rialachán (CE) Uimh. 1198/2006 ón gComhairle, Rialachán (CE) Uimh. 791/2007 ón gComhairle agus Rialachán (AE) Uimh. 1255/2011 ó Pharlaimint na hEorpa agus ón gComhairle (7) (“Rialachán CEMI”),

—

ag féachaint do rún uaithi an 20 Deireadh Fómhair 2021 maidir le Straitéis “Ón bhFeirm go dtí an Forc” le haghaidh córas bia atá cothrom, sláintiúil agus neamhdhíobhálach don chomhshaol (8),

—

ag féachaint do thuarascáil an 20 Lúnasa 2019 ón gCoiste Eolaíoch, Teicniúil agus Eacnamaíoch um Iascach (STECF) sa Choimisiún dar teideal The 2019 Annual Economic Report on the EU Fishing Fleet [Tuarascáil Bhliantúil Eacnamaíoch ar Chabhlach Iascaireachta AE] (STECF 19-06)’ (9),

—

ag féachaint do thuarascáil ó STECF an 26 Meán Fómhair 2019 dar teideal Social data in the EU fisheries sector [Sonraí sóisialta in earnáil iascaigh AE] (STECF 19-03) (10),

—

ag féachaint do thuarascáil ó STECF an 8 Nollaig 2021 dar teideal The 2021 Annual Economic Report on the EU Fishing Fleet [Tuarascáil Bhliantúil Eacnamaíoch ar Chabhlach Iascaireachta AE] (STECF 21-08) (11),

—

ag féachaint do thuarascáil ó STECF an 10 Nollaig 2020 dar teideal Social dimension of the CFP [An ghné shóisialta de CBI] (12),

—

ag féachaint do na conclúidí ó Chomhdháil Réigiúnach Eagraíocht Bhia agus Talmhaíochta (FAO) na Náisiún Aontaithe dar teideal Building a future for sustainable small-scale fisheries in the Mediterranean and Black Sea [Todhchaí a fhorbairt don iascach inbhuanaithe ar mionscála sa Mheánmhuir agus sa Mhuir Dhubh], a tionóladh in Algiers ón 7 go dtí an 9 Márta 2016,

—

ag féachaint do sprioc 14.b de Spriocanna Forbartha Inbhuanaithe (SDGanna) na Náisiún Aontaithe, ina n-iarrtar go mbeadh rochtain ag iascairí mionscála ar acmhainní muirí agus ar mhargaí,

—

ag féachaint do Threoirlínte Deonacha FAO maidir leis an Iascach Inbhuanaithe ar Mionscála a Chinntiú i gComhthéacs na Slándála Bia agus Dhíothú na Bochtaineachta,

—

ag féachaint don tuarascáil ó FAO dar teideal The State of World Fisheries and Aquaculture 2020: Sustainability in action [Staid an Iascaigh agus an Dobharshaothraithe ar Domhan in 2020: Inbhuanaitheacht faoi lán seoil],

—

ag féachaint do Bhliain Idirnáisiúnta an Iascaigh agus an Dobharshaothraithe Mionscála a d’fhógair na Náisiúin Aontaithe le haghaidh 2022,

—

ag féachaint don seachtú Clár Gníomhaíochta Comhshaoil (CGC) agus do na coincheapa atá cumhdaithe ann, amhail teorainneacha pláinéadacha agus teorainneacha éiceolaíocha,

—

ag féachaint don fhoilseachán dar teideal Small-Scale Fisheries in Europe: Status, Resilience and Governance [An tIascach ar Mionscála san Eoraip: Stádas, Teacht Aniar agus Rialachas] (13),

—

ag féachaint do dhearbhú aireachta agus treochlár MedFish4Ever (14),

—

ag féachaint do thuarascáil 2020 ar chur chun feidhme an Chiste Eorpaigh Mhuirí agus Iascaigh (CEMI) (15),

—

ag féachaint do dhearbhú aireachta 2018 maidir leis an bPlean Gníomhaíochta Réigiúnach le haghaidh an Iascaigh ar Mionscála sa Mheánmhuir agus sa Mhuir Dhubh,

—

ag féachaint do staidéar 2018 ón Eagraíocht um Chomhar agus Forbairt Eacnamaíochta (ECFE) dar teideal Relative Effects of Fisheries Support Policies [Éifeachtaí coibhneasta na mBeartas Tacaíochta Iascaigh] (16),

—

ag féachaint don alt eolaíoch dar teideal Small-scale fisheries access to fishing opportunities in the European Union: Is the Common Fisheries Policy the right step to SDG14b? [Rochtain an iascaigh ar mionscála ar dheiseanna iascaireachta san Aontas Eorpach: An é an Comhbheartas Iascaigh an chéim cheart i dtreo SDG14b?] (17),

—

ag féachaint don alt eolaíoch dar teideal Defining Small-Scale Fisheries and Examining the Role of Science in Shaping Perceptions of Who and What Counts: A Systematic Review [An tIascach ar Mionscála a Shainú agus Scrúdú a Dhéanamh ar Ról na hEolaíochta i dtaca le Braistintí a Mhúnlú faoi Cé agus Cad atá Tábhachtach: Athbhreithniú Córasach] (18),

—

ag féachaint don staidéar a rinneadh in 2017 thar ceann an Choiste um Iascach dar teideal Small-scale Fisheries and “Blue Growth” in the EU [An tIascach ar Mionscála agus “Fás Gorm” in AE], (19),

—

ag féachaint don staidéar a rinneadh in 2021 thar ceann an Choiste um Iascach dar teideal Workshop on electronic technologies for fisheries – Part III: Systems adapted for small-scale vessels [Ceardlann ar theicneolaíochtaí leictreonacha don iascach – Cuid III: Córais atá curtha in oiriúint do shoithí mionscála] (20),

—

ag féachaint don staidéar a rinneadh thar ceann an Choiste um Iascach i mí Iúil 2021 dar teideal Impacts of the COVID-19 pandemic on EU fisheries and aquaculture [Tionchar phaindéim COVID-19 ar iascach agus dobharshaothrú AE] (21),

—

ag féachaint do rún uaithi an 22 Samhain 2012 maidir le hiascaireacht chósta ar mionscála, iascaireacht ar mionscála agus athchóiriú an chomhbheartais iascaigh (22),

—

ag féachaint do rún uaithi an 12 Aibreán 2016 maidir leis an nuálaíocht san iascaireacht chósta ar mionscála i réigiúin atá ag brath ar an iascach agus éagsúlú na hiascaireachta sin (23),

—

ag féachaint do rún uaithi an 4 Iúil 2017 maidir leis an ról atá ag an turasóireacht a bhaineann leis an iascach in éagsúlú an iascaigh (24),

—

ag féachaint do rún uaithi an 14 Meán Fómhair 2021 i dtreo comhpháirtíocht níos láidre leis na réigiúin is forimeallaí san Aontas (25),

—

ag féachaint do rún uaithi an 16 Meán Fómhair 2021 maidir le hIascairí amach anseo: Glúin nua lucht saothair a mhealladh i dtreo na hiascaireachta agus fostaíocht a chruthú i measc pobal cósta (26),

—

ag féachaint do Riail 54 dá Rialacha Nós Imeachta,

—

ag féachaint don tuarascáil ón gCoiste um Iascach (A9-0291/2022),

A.

de bhrí gurb é an sainmhíniú a thugtar i Rialachán CEMID ar “iascaireacht chósta ar mionscála” ná gníomhaíochtaí iascaireachta arna ndéanamh ag soithí iascaireachta muirí agus intíre ar lú ná 12 mhéadar a bhfad iomlán agus nach n-úsáideann trealamh iascaireachta tarraingthe agus ag iascairí de chois freisin, lena n-áirítear bailitheoirí sliogéisc, agus de bhrí gurb é sin an t-aon sainmhíniú ar iascaireacht chósta atá i reachtaíocht AE;

B.

de bhrí nach bhfuil cineálacha áirithe soithí, amhail iad siúd a úsáideann trealamh traidisúnta, san áireamh sa sainmhíniú atá ann faoi láthair ar iascaireacht ar mionscála atá i Rialachán CEMI agus i Rialachán CEMID, rud a fhágann go mbíonn deacrachtaí acu dá réir sin cistiú a fháil ó AE; de bhrí gur annamh a bhíonn an iascaireacht ar mionscála le feiceáil agus le fáil i staitisticí AE dá dheasca sin, toisc nach n-áirítear na soithí sin i measc na soithí a bhaineann leis an earnáil;

C.

de bhrí go bhfuil cineálacha eile cur chuige níos scaoilte ann atá i leith an tsainmhínithe ar iascaireacht ar mionscála agus chósta, amhail i dTreoirlínte Deonacha FAO maidir leis an Iascach Inbhuanaithe ar Mionscála a Chinntiú i gComhthéacs na Slándála Bia agus Dhíothú na Bochtaineachta nó sa phlé atá ar siúl faoi láthair ag an meitheal um iascaireacht ar mionscála sa Choimisiún Ginearálta Iascaigh don Mheánmhuir;

D.

de bhrí, i bhformhór na mBallstát, go dtéann saintréithe na hiascaireachta ar mionscála níos faide ná sainmhíniú an Chiste Eorpaigh Mhuirí, Iascaigh agus Dobharshaothraithe (CEMID), ós rud é go gcuireann rialtais raon critéar breise i bhfeidhm, lena n-áirítear maidir leis an trealamh a cheadaítear, uasfhad an tsoithigh, cumhacht an innill, uastréimhse na dturas iascaireachta, an t-achar ón gcalafort ar féidir le soithí oibriú ann, an limistéar oibríochta, an t-uasmhéid ama taistil atá ceadaithe agus úinéireacht an tsoithigh;

E.

de bhrí nach sainmhínítear go cuí sa chomhbheartas iascaigh (CBI) atá ann faoi láthair coincheap na hiascaireachta ar mionscála nó cósta, agus gur ar fhad an tsoithigh amháin atá sé bunaithe, agus go dtugtar sainmhínithe eile atá níos iomchuí agus níos cothroime le dáta ar an gcineál sin iascaireachta i gcoinbhinsiúin idirnáisiúnta; de bhrí gur cheart athbhreithniú a dhéanamh ar na sainmhínithe Eorpacha ar an iascaireacht ar mionscála agus an iascaireacht chósta;

F.

de bhrí, in 2019, go raibh cabhlach 42 838 soitheach in earnáil an iascaigh ar mionscála in AE-28 – arbh ionann an líon sin agus díreach 7,5 % den olltonnáiste agus 5,4 % den mheáchan tuirlingthe ar fud na mBallstát ar an iomlán – agus go raibh 62 650 iascaire fostaithe inti, arbh ionann an méid sin agus 75 % de na longa iascaireachta gníomhacha agus 48 % den chriú; de bhrí gurbh ionann an cabhlach mórscála agus 19 % de na soithí iomlána agus 67 % den olltonnáiste, ina raibh 46 % de na hiascairí go léir fostaithe agus arbh ionann é agus 81 % den mheáchan tuirlingthe a cláraíodh sna Ballstáit; de bhrí nach raibh ach 259 soitheach cláraithe sa chabhlach cianuisce, arbh ionann iad agus níos lú ná 1 % de líon iomlán na soithí ach 19 % den olltonnáiste agus 14 % den mheáchan tuirlingthe iomlán a cláraíodh sna Ballstáit;

G.

de bhrí, sa bhreis ar acmhainní an-teoranta a bheith á gcur ar fáil chun tacú le soithí faoin gCiste Eorpach Muirí agus Iascaigh (CEMI) (EUR 500 milliún) agus ar ráta cur chun feidhme atá íseal i gcoitinne, gurb í an iascaireacht ar mionscála, in ainneoin a méide agus na tábhachta atá léi, an earnáil a fhaigheann an tacaíocht is lú agus gurb í a fhaigheann an sciar is lú de chistí: is ionann í agus 38 % de líon iomlán na n-oibríochtaí atá nasctha le soithí, ach ní fhaigheann sí ach 25 % den chaiteachas iomlán ar shoithí faoi CEMI;

H.

de bhrí gur tháinig laghdú eile ar chabhlach na hEorpa le blianta beaga anuas agus, in 2020, gur tháinig laghdú 17 % ar luach an éisc a gabhadh, laghdú 19 % ar líon na ndaoine a bhí fostaithe agus laghdú 29 % ar an mbrabús a rinneadh i gcomparáid le 2019 (27);

I.

de bhrí gurb é an cabhlach iascaireachta ar mionscála an cabhlach a bhfuil na hacmhainní airgeadais is teoranta aige;

J.

de bhrí, maidir leis an iascaireacht ar mionscála, go bhfuil tionchar íseal aici ar an gcomhshaol; go bhfuil éagsúlacht ag baint léi go séasúrach i dtaca leis na speicis, na meánna agus an trealamh; gur ar mionscála atá a cuid oibríochtaí táirgthe; go bhfuil meas aici ar na timthriallta bitheolaíocha agus imirce atá ag speicis éagsúla de bharr na hilghnéitheachta a bhaineann léi agus de bharr go mbaineann sí úsáid an-chúramach as trealamh; go ndéantar leibhéal íseal speiceas a fhoghabháil agus a aischur; agus go bhfuil sé de chumas aici níos mó ioncaim a ghiniúint in aghaidh an euro a infheistítear mar aon le gabhálacha níos mó in aghaidh an lítir breosla a ídítear agus luach socheacnamaíoch níos mó in aghaidh an chileagraim d’éisc a ghabhtar;

K.

de bhrí gur gá aird chuí a thabhairt ar na difríochtaí suntasacha atá idir cabhlaigh, ranna cabhlaigh, tionchar comhshaoil ranna éagsúla cabhlaigh, spriocspeicis, trealamh iascaireachta, táirgiúlacht agus roghanna caite éisc na mBallstát éagsúil, sa bhreis ar na saintréithe speisialta a bhaineann le gníomhaíocht iascaireachta a eascraíonn as a struchtúr sóisialta, cineálacha margaíochta agus neamhionannais struchtúracha agus nádúrtha idir na réigiúin éagsúla iascaireachta;

L.

de bhrí gur gné ghinearálta é den chabhlach mionscála go bhfuil soithí an-sean agus teicneolaíocht neamhleor ann, rud a tharraingíonn aird ar an ngá atá le clár tacaíochta sonrach don iascaireacht ar mionscála agus le tacaíocht láidir airgeadais phoiblí do nuachóiriú agus forbairt na hearnála, nithe a mbeadh todhchaí na hearnála i mbaol dá n-uireasa;

M.

de bhrí, i Rialachán CEMID, go leagtar oibleagáid ar na Ballstáit riachtanais shonracha na hiascaireachta cósta ar mionscála a chur san áireamh agus anailís á déanamh ar an staid ó thaobh láidreachtaí, laigí, deiseanna agus bagairtí de dá dtagraítear sa Rialachán;

N.

de bhrí, in 2019, go raibh 64,9 % de na soithí i gcabhlach iascaireachta AE-28 25 bliana d’aois nó níos sine (28) agus gurbh ionann meánaois an chabhlaigh agus 29,9 bliain ar an iomlán (29), nó 32,5 bliain i gcás an chabhlaigh iascaireachta mionscála, rud a thugann le fios go bhfuil cuid an-suntasach den chabhlach an-sean, rud a fhágann nach féidir na dálaí sábháilteachta agus oibríochtúla is fearr a ráthú agus, dá dheasca sin, go bhfuil méadú ar na rioscaí gaolmhara agus go bhfuil costas níos mó ag baint le hoibríochtaí;

O.

de bhrí go bhfuil meánaois na n-iascairí mionscála níos airde ná mar atá i gcás cineálacha eile iascaireachta – tá 72 % de na hiascairí mionscála os cionn 40 bliain d’aois agus tá 11 % acu os cionn 65 bliana d’aois;

P.

de bhrí go bhfágann cineál teoranta na staitisticí atá ann cheana go bhfuil sé deacair anailís chruinn a dhéanamh ar ról na mban san iascach; de bhrí, áfach, go léiríonn fianaise thurgnamhach go bhfuil ról suntasach ag mná san iascaireacht ar mionscála, agus go nglacann siad ról níos lárnaí inti i roinnt pobal, go bhfuil líon tábhachtach acu ag obair san iascaireacht sliogéisc agus go bhfuil ról ceannasach acu ar an talamh i dtaca le hoibríochtaí agus trealamh a ullmhú, agus i dtaca le héisc a dhíol agus a phróiseáil, go háirithe sa tionscal cannadóireachta;

Q.

de bhrí, de réir na tuarascála ar ghné shóisialta na hiascaireachta in AE, gur mná iad 5,4 % de líon iomlán na ndaoine atá fostaithe san iascaireacht ar mionscála (níos mó ná a dhá oiread níos mó ná na figiúirí faoi seach san iascaireacht ar mórscála agus san iascaireacht chianuisce);

R.

de bhrí go bhfuil ról lárnach ag earnáil iascaireachta AE maidir le héisc a sholáthar don phobal agus cur leis na stoic bhia sna Ballstáit agus in AE ina iomláine;

S.

de bhrí nach mór a áirithiú go mbeidh lárú an bhainistithe iascaigh a mholtar in CBI comhoiriúnach leis an mbainistiú áitiúil, rud atá ríthábhachtach chun inmharthanacht shocheacnamaíoch na hearnála a áirithiú;

T.

de bhrí go bhfuil an réigiúnú ar cheann de cholúin CBI agus go bhfuil tábhacht ar leith ag baint leis an gcur chuige díláraithe in earnáil na hiascaireachta cósta ar mionscála, agus na difríochtaí in earnáil an iascaigh i measc na mBallstát aonair á gcur san áireamh;

U.

de bhrí gur príomhuirlis é an comhbhainistiú chun rannpháirtíocht na n-iascairí mionscála sa phróiseas cinnteoireachta a áirithiú;

V.

de bhrí, ar an ábhar sin, nach gcuirtear tacaíocht reachtach shoiléir agus dhifreáilte ar fáil faoi CBI don iascaireacht ar mionscála a d’fhéadfadh cabhrú lena hinmharthanacht shocheacnamaíoch; de bhrí go bhfuil ag teip ar na Ballstáit freisin bearta éifeachtacha a bhunú don chineál sin iascaireachta;

W.

de bhrí, i roinnt mhaith réigiúin chósta san Eoraip, agus go háirithe sa Mheánmhuir, go bhfuil idir ghnéithe eacnamaíocha, ghnéithe sóisialta agus ghnéithe comhshaoil ag baint leis an iascaireacht ar mionscála agus bailiú sliogéisc, agus go rannchuidíonn na hearnálacha sin go mór leis an dea-bhail shocheacnamaíoch, leis an bhfostaíocht agus le cur chun cinn an chomhtháthaithe eacnamaíoch agus shóisialta i réigiúin éagsúla chósta agus sna réigiúin is forimeallaí, réigiúin a mbíonn srianta struchtúracha orthu go minic agus a bhfuil tacaíocht ag teastáil uathu chun leas a bhaint as na deiseanna a bhaineann leis an éagsúlú eacnamaíoch;

X.

de bhrí nár cheart, ar an ábhar sin, an t-ioncam ón iascach a mheas mar bhrabús amháin, ós rud é go rannchuidíonn sé freisin le modh maireachtála a bhuanú a bhfuil luach cultúrtha agus stairiúil ollmhór ag baint leis do roinnt mhaith pobail chósta agus, ag an am céanna, gur líontán sábhála sóisialta agus eacnamaíoch tábhachtach é; de bhrí, ar an gcaoi sin, gur réiteach é an t-iascach ar mionscála ar an méadú ar bhánú na gceantar cósta, ar an daonra atá ag dul in aois agus ar an dífhostaíocht atá ag dul i méid, nithe ar dúshláin mhóra iad go léir don chuid is mó de réigiúin chósta thíortha agus oileáin na hEorpa; de bhrí go bhfuil tionchar eisceachtúil agus éagsúil ag an iascach ar mionscála ar oidhreacht shóisialta agus chultúrtha na gceantar cósta;

Y.

de bhrí gur féidir leis an iascach ar mionscála ról bunúsach a imirt maidir leis na spriocanna forbartha inbhuanaithe (SDGanna) a bhaint amach, mar atá aitheanta go sainráite i sprioc 14.b; de bhrí gur féidir leis iascach ar mionscála rannchuidiú leis na riachtanais bheartais eile atá mar bhonn leis na SDGanna, amhail SDG 2 – “Díothú an Ocrais” agus sprioc 2.3 de, SDG 5 – “Comhionannas Inscne” agus spriocanna 5.a agus 5.b de, SDG 8 – “Obair Chuibhiúil agus Fás Eacnamaíoch” agus sprioc 8.5 de, agus SDG 13 — “Gníomhaíocht ar son na hAeráide” ina iomláine;

Z.

de bhrí go bhfuil ról “chaomhnóirí na farraige” ag iascairí agus go rannchuidíonn an iascaireacht le soláthar bia ar mhórán próitéine le haghaidh aiste bia shláintiúil agus chothrom;

AA.

de bhrí gur mar thoradh ar thosca daonna a tharlaíonn formhór mór na dtionóiscí agus na n-eachtraí ar shoithí iascaireachta (62,4 %) agus gur cliseadh córais/trealaimh an dara cúis is coitianta (23,2 % de chásanna);

AB.

de bhrí, i mórán cásanna, go mbítear ag iascaireacht ar mionscála agus gan ach iascaire amháin ar bord;

AC.

de bhrí nach féidir breathnú ar na fadhbanna sábháilteachta agus compoird a bhíonn ag cabhlach an iascaigh ar mionscála gan aird a thabhairt ar an iarracht iascaireachta agus an táirgeacht éisc; de bhrí, i ndáil leis sin, go bhfuil drochthionchar ag teorannú an olltonnáiste, mar chritéar chun an acmhainn iascaireachta a thomhas, ar shábháilteacht agus compord chabhlach an iascaigh ar mionscála, toisc gur beag spreagadh atá ann soithí nua a chur in ionad seansoithí agus soithí a nuachóiriú nó an spás atá ar fáil a mhéadú chun feabhas a chur ar chompord agus sábháilteacht an chriú agus ar tharraingteacht na hearnála ar deireadh thiar, go háirithe do dhaoine óga agus do mhná;

AD.

de bhrí nach féidir breathnú ar na fadhbanna sábháilteachta sin gan aird a thabhairt ar shaintréithe chabhlach an iascaigh ar mionscála sna Ballstáit, amhail go bhféadfadh an cabhlach a bheith gan chosaint ar ardleibhéal riosca cheal sainchomhairle sábháilteachta don earnáil, gur go haonarach a dhéantar an obair go minic, na huaireanta fada oibre nó an baol go mbeadh duine sáinnithe sa trealamh; de bhrí go mbíonn dálaí éagsúla oibriúcháin ann i gcás an chabhlaigh; de bhrí go mbíonn cuid den chabhlach ag oibriú ó thránna agus ó chalafoirt ina mbíonn dálaí contúirteacha oibriúcháin go minic; de bhrí, i bhfianaise an mhéid sin, gur cheart machnamh a dhéanamh ar an gcumhacht tiomána a chur in oiriúint do shaintréithe agus dálaí oibriúcháin an chabhlaigh, gan cur leis an iarracht iascaireachta ná leis na rátaí gabhála, d’fhonn dálaí níos sábháilte a chinntiú don chabhlach agus é ag dul isteach sa chalafort agus ag imeacht uaidh;

AE.

de bhrí gur cheart na gnéithe sin a bhaineann le méadú ar an gcumhacht innill ar chúiseanna sonracha sábháilteachta a mhaoiniú trí fhóirdheontais agus, faoi choinníollacha áirithe, gur cheart tacaíocht a thabhairt dóibh ó CEMID, ar choinníoll nach gcuirfear leis an iarracht iascaireachta ná leis an gcumas gabhála éisc mar thoradh orthu; de bhrí, ar na cúiseanna sin, gur cheart tacaíocht ó CEMID a bheith ar fáil freisin d’oibríochtaí dreidireachta calafoirt;

AF.

de bhrí go bhfuil an iascaireacht ar mionscála ag brath i bhfad níos mó ar dhálaí farraige ná mar atá an iascaireacht ar mórscála, rud a fhágann, ag brath ar an gcineál soithigh agus trealaimh, nach mar a chéile a bhíonn na tréimhsí iascaireachta i gcónaí, rud a dhéanann difear do líon na laethanta oibre in aghaidh na bliana ar féidir seoltóireacht a dhéanamh;

AG.

de bhrí go bhfuil an t-iascach ar mionscála inbhuanaithe ó thaobh bhainistiú bitheolaíoch na stoc éisc de agus i dtaca le hacmhainní agus an roghnaíocht, ar bhonn sóisialta agus eacnamaíoch freisin, agus cuireann na nithe sin ar fad le fréamhacha doimhne na hiascaireachta sin;

AH.

de bhrí go n-áirítear ar na tosca a chuireann brú ar na stoic éisc, agus a dhéanann damáiste díreach agus indíreach don iascach, an truailliú, cailliúint na ngnáthóg, an trácht muirí agus an iomaíocht don spás, mar aon leis an athrú aeráide a fhágann go bhfuil ardú ag teacht ar theocht an uisce, go bhfuil na haigéin á n-aigéadú, go bhfuil athruithe ag teacht ar shruthanna farraige, nach bhfuil speicis i gcomhthráth le chéile níos mó agus go bhfuil speicis neamhdhúchasacha ag teacht;

AI.

de bhrí gur gá acmhainní a mhéadú chun dul in oiriúint d’éifeachtaí an athraithe aeráide agus na ngéarchéimeanna agus chun iad a mhaolú trí bhearta a ghlacadh chun an teacht aniar atá sna pobail chósta a neartú;

AJ.

de bhrí go bhfuil an deis ag an iascaireacht ar mionscála cur leis an dícharbónú agus leis an éifeachtúlacht fuinnimh agus, ar deireadh thiar, leis na hiarrachtaí atá ar bun an t-athrú aeráide a mhaolú;

AK.

de bhrí go bhfuil an iascaireacht ar mionscála an-tábhachtach in AE, go háirithe i roinnt pobail iascaireachta, in éineacht leis an iascaireacht ar mórscála agus an iascaireacht chianuisce;

AL.

de bhrí nach mór aghaidh a thabhairt go fóill ar go leor de na cúiseanna atá le cúrsaí socheacnamaíocha a bheith ag dul in olcas san earnáil, lena n-áirítear an gá atá le seasamh na n-iascairí sa slabhra soláthair a neartú;

AM.

de bhrí, trí aitheantas a thabhairt d’eagraíochtaí táirgeoirí, do chomhlachais iascairí agus do chuallachtaí iascairí, go gcuirfí ar a gcumas rochtain a fháil ar chabhair airgeadais, agus go bhféadfadh cur chun cinn a gcuid rannpháirtíochta gníomhaí tríd an gcomhbhainistiú feabhas a chur ar an méid airgid a thuilltear san earnáil;

AN.

de bhrí go mbíonn tionchar ag praghsanna luaineacha agus athruithe géara ar an margadh ar an méid airgid a thuilltear san iascach ar mionscála agus cósta, ar iascach é a gcuireann go leor tosca seachtracha isteach air, amhail paindéim COVID-19;

AO.

de bhrí go bhfuil na córais éagsúla ioncaim agus pá in earnáil na hiascaireachta an-athraitheach agus ag brath go mór ar na deiseanna iascaireachta a bhaineann leis an bhfarraige, agus go bhfuil sé sin ar cheann de na tosca a fhágann nach bhfuil an earnáil chomh tarraingteach céanna don ghlúin óg;

AP.

de bhrí gur minic a íoctar pá íseal le hiascairí agus nach mór dóibh dul i ngleic le dálaí oibre deacra – a bhíonn contúirteach go minic – i ngairm bheatha atá fós ar an gceann is contúirtí ar domhan, agus go bhfágann an méadú ar na costais a bhaineann le gnó iascaireachta a thosú, mar aon leis an méadú ar an gcomhchruinniú sa tionscal, nach bhfuil an earnáil chomh tarraingteach sin, go háirithe do dhaoine óga;

AQ.

de bhrí gur minic a bhíonn forlámhas sna margaí ag líon beag táirgí seanbhunaithe agus nach dtugtar aird leordhóthanach i gcúrsaí margaíochta ar tháirgí de chuid an iascaigh ar mionscála a chuireann rogha mhalartach inbhuanaithe ar fáil ar speicis a ndéantar dúshaothrú orthu; de bhrí gur minic a chuirtear cosc ar thomhaltóirí faisnéis iomlán a fháil faoin táirge atá á cheannach acu nó faoin gcóras táirgthe agus faoin trealamh iascaireachta a úsáideadh;

AR.

de bhrí go bhfuil sé tábhachtach go mbeadh an t-iascach ar mionscála brabúsach ar bhonn inbhuanaithe chun cur le tarraingteacht na hearnála;

AS.

de bhrí gurb iad na soithí mionscála is mó a bhíonn thíos leis na dúshláin a bhaineann le leithdháileadh na gceadúnas iascaireachta in uiscí na Ríochta Aontaithe, i ngeall ar na deacrachtaí a bhíonn acu a stair iascaireachta a chruthú;

AT.

de bhrí gur minic nach leor an caipiteal ná an maoiniú a bhíonn ar fáil ag fiontair iascaigh ar mionscála agus go mbíonn rochtain an-teoranta acu ar uirlisí bunúsacha cuntasaíochta, ar chreidmheas, ar mhicreamhaoiniú agus ar árachas;

AU.

de bhrí go bhfuil deacrachtaí eacnamaíocha i gcónaí ag earnáil an iascaigh ar mionscála agus go bhfuil laghdú mór tagtha ar a hioncam mar thoradh ar an méadú suntasach atá tagtha ar chostais oibriúcháin agus tosca géaraitheacha eile amhail an laghdú ar luach an éisc céad-díola agus an méadú atá ag teacht ar phraghsanna breosla; de bhrí go bhfuil an t-iascach ar mionscála ag brath níos mó ná riamh ar fhóirdheontais bhreosla mar gheall ar na tosca sin agus tosca eile agus gur minic a bhíonn ar iascairí an iarracht iascaireachta a mhéadú chun go mbeidh a ngníomhaíocht inmharthana ó thaobh na heacnamaíochta de;

AV.

de bhrí go bhfuil tacaíocht shonrach do na réigiúin is forimeallaí san Aontas beartaithe sa Chonradh ar Fheidhmiú an Aontais Eorpaigh (CFAE) agus i Rialachán CEMID agus go bhforáiltear don tacaíocht sin iontu freisin;

AW.

de bhrí go raibh earnáil an iascaigh ar mionscála thíos le heaspa acmhainn eagrúcháin go traidisiúnta; de bhrí go n-áirítear ar na príomhthosca a chuireann teorainn le gníomhaíocht chomhchoiteann earnáil an iascaigh ar mionscála an líon mór gníomhaithe san earnáil sin agus iad a bheith scaipthe go geografach; cineál an ghnó, atá bunaithe den chuid is mó ar fhiontair bheaga teaghlaigh; an easpa foirne oilte atá dírithe ar an mbainistiú; agus an easpa tacaíochta airgeadais d’eagraíochtaí in earnáil an iascaigh ar mionscála chun páirt a ghlacadh sa phróiseas cinnteoireachta;

AX.

de bhrí go ndearnadh faillí i gcoitinne ar an iascach ar mionscála in AE maidir leis an bhfaireachán agus an rialú a dhéanann eolaithe iascaigh agus bainisteoirí iascaigh ar an leibhéal náisiúnta agus ar leibhéal AE; de bhrí gur cheart an faireachán agus an rialú ar an iascach ar mionscála a fheabhsú chun bunús a thabhairt leis an mbainistiú inbhuanaithe ar iascach AE agus chun cruthúnas ar ghníomhaíochtaí iascaireachta a sholáthar nuair is gá;

AY.

de bhrí go bhfuil gá le hinfheistíocht níos mó chun taighde atá cothrom le dáta a dhéanamh ar staid na n-acmhainní nádúrtha, na n-éiceachóras muirí agus na stoc éisc go sonrach, agus feabhas a chur ar an tuiscint orthu sin, chun a mbainistiú inbhuanaithe a áirithiú;

AZ.

de bhrí go bhfuil na straitéisí bainistithe atá bunaithe ar laghdú na laethanta iascaireachta amháin, amhail na cinn a chuirtear i bhfeidhm maidir leis an Meánmhuir Thiar, ag fágáil earnáil an iascaigh ar mionscála in anchaoi; de bhrí go bhfuil baol ann go gclisfidh ar sciar mór den earnáil mar gheall ar na laghduithe leanúnacha sin agus an drochbhail a d’fhág paindéim COVID-19 ar chúrsaí, rud a fhágann nach mbeadh an earnáil in ann an tairseach íosta bhrabúsachta a chinntíonn go mairfidh sí a bhaint amach a thuilleadh; de bhrí go dtarraingítear go leor ceisteanna anuas de bharr na laghduithe sin freisin, amhail ábhair imní faoin tsábháilteacht ar bord, méadú ar an mbaol gortaithe, méadú ar an iascaireacht neamhdhleathach agus iarmhairtí sóisialta na dífhostaíochta;

BA.

de bhrí go bhfuil comhlachais iascairí amhail cuallachtaí ina bpríomhghníomhaithe i gcórais bhia roinnt Ballstát, áit a bhfeidhmíonn siad mar eintitis geilleagair shóisialta neamhbhrabúis a dhéanann ionadaíocht ar earnáil an iascaigh, agus go háirithe ar chabhlach an iascaigh cósta ar mionscála agus ar bhailitheoirí sliogéisc, agus a ndéanann siad feidhmeanna leasa ghinearálta chun leasa na hiascaireachta muirí agus na n-oibrithe san earnáil iascaigh, mar aon le cúraimí a bhaineann le gnó a chur i gcrích, amhail táirgí margaíochta a mhargú agus seirbhísí comhairleacha agus bainistíochta a sholáthar;

BB.

de bhrí gur gá beartas bainistithe acmhainní iascaigh a chinneadh lena dtugtar urraim don rochtain chomhchoiteann ar acmhainní iascaigh, atá bunaithe go príomha ar a gcuid gnéithe bitheolaíocha agus atá i bhfoirm córais comhbhainistithe iascaigh lena ndéantar dálaí sonracha na n-acmhainní iascaigh agus na limistéar farraige faoi seach a mheas, agus ina bhfuil na daoine sin atá ag obair san earnáil rannpháirteach go héifeachtach;

BC.

de bhrí go moltar sa straitéis “Ón bhFeirm go dtí an Forc” go dtabharfaí aitheantas do chomhlachais amhail cuallachtaí faoi dhlí AE agus go mbeidís i dteideal tacaíocht airgeadais a fháil ar comhchéim le heagraíochtaí táirgeoirí; de bhrí gur iarradh ar an gCoimisiún tionscnamh a ghlacadh i ndáil leis sin;

BD.

de bhrí go dteastaíonn oiliúint ó iascairí mionscála, lena n-áirítear chun scileanna nua a fhorbairt;

BE.

de bhrí go gcuireann obair na mban breisluach ar fáil in earnáil an iascaigh ar mionscála;

BF.

de bhrí go bhfuil earnáil an iascaigh ar mionscála in iomaíocht níos mó le gníomhaíochtaí eile an gheilleagair ghoirm agus le tionscadail fuinnimh in-athnuaite a dhéanann difear do mhórán gníomhaíochtaí feadh an chósta, ar thránna nó i limistéir chalafoirt, rud a fhágann go bhféadfaidís seilbh a ghlacadh ar limistéir nach raibh in úsáid ach ag an iascach ar mionscála roimhe seo a bheag nó a mhór, rud a bhféadfadh easáitiú agus “grabáil farraige agus cósta” a bheith mar thoradh air;

BG.

de bhrí go bhfuil an baol ann go mbeidh sé níos neamhacmhainne d’iascairí ar mionscála maireachtáil i limistéir chósta mar gheall ar phróisis uaislithe a tharlaíonn in go leor limistéir chósta atá i mbéal forbartha, rud a fhágann go mbíonn siad i bhfad i gcéin óna n-áit oibre agus go mbíonn a ngníomhaíocht níos deacra agus níos mí-áisiúla fós dá bharr;

BH.

de bhrí go bhfuil tionchar ar leith ag an mbéim mhéadaithe atá ar an gcaomhnú, arna cur chun cinn ag AE, ar an iascaireacht ar mionscála, mar shampla cur chun feidhme limistéar muirí faoi chosaint (MPAnna) agus líonraí MPA, a dhéanann difear don iascaireacht ar mionscála trí na gníomhaíochtaí gaolmhara a shrianadh agus trí shoghluaisteacht a theorannú; de bhrí gur annamh a mheastar an tionchar ar an roinn sin i ndearadh na mbeartas sin, ar gné é sin atá níos measa toisc nach bhfuil gníomhaithe ón roinn rannpháirteach go leormhaith sna próisis sin (30);

BI.

de bhrí go bhfuil an earnáil iascaireachta i gcoitinne agus an iascaireacht ar mionscála go háirithe faoi ghannionadaíocht agus beartais bainistithe iascaigh agus beartais maidir le húsáid spáis mhuirí á sainiú;

BJ.

de bhrí gur ann do chineálacha éagsúla eagraíochtaí iascaigh, agus go bhfuil leibhéil éagsúla ballraíochta ann a dhéanann ionadaíocht ar an iascaireacht ar mionscála: eagraíochtaí táirgeoirí, comhlachais iascairí, comhlachais longúinéirí agus comharchumainn, i measc nithe eile; de bhrí go bhfuil go leor longúinéirí beaga ann nach bhfuil cleamhnaithe le haon eagraíocht; de bhrí go ndéantar ionadaíocht ar ghairmithe sa tionscal iascaireachta i gceardchumainn iascaigh; de bhrí gur cheart gur faoin earnáil a bheadh sé a chinneadh conas a eagraíonn sí í féin;

BK.

de bhrí nach leor dí-chomhiomlánú na sonraí ábhartha, a fhágann go bhfuil sé deacair rochtain a fháil ar fhaisnéis mhionsonraithe, go háirithe maidir leis an iascaireacht ar mionscála, agus go gcuireann sé bac ar an anailís, go háirithe maidir le gnóthais, longúinéirí, gairmithe iascaireachta, soithí agus trealamh, dálaí oibre, aois agus inscne, i measc nithe eile, a bhriseadh síos;

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

22.

23.

24.

25.

26.

27.

28.

29.

30.

31.

32.

33.

34.

35.

36.

37.

38.

39.

40.

41.

42.

43.

44.

45.

46.

47.

48.

49.

50.

51.

52.

53.

54.

55.

56.

57.

58.

59.

60.

61.

62.

63.

64.

65.

66.

67.

68.

69.

70.

71.

72.

73.

74.

75.

76.

77.

78.

79.