02010R1105 — MT — 11.08.2016 — 002.002
Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument
|
REGOLAMENT TA’ IMPLIMENTAZZJONI TAL-KUNSILL (UE) Nru 1105/2010 tad-29 ta’ Novembru 2010 (ĠU L 315 1.12.2010, p. 1) |
Emendat bi:
|
|
|
Il-Ġurnal Uffiċjali |
||
|
Nru |
Paġna |
Data |
||
|
REGOLAMENT TA’ IMPLIMENTAZZJONI TAL-KUNSILL (UE) Nru 907/2011 tas-6 ta’ Settembru 2011 |
L 232 |
29 |
9.9.2011 |
|
|
Emendat bi: REGOLAMENT TA' IMPLIMENTAZZJONI TAL-KUMMISSJONI (UE) 2016/1356 tad-9 ta' Awwissu 2016 |
L 215 |
20 |
10.8.2016 |
|
|
REGOLAMENT TA' IMPLIMENTAZZJONI TAL-KUMMISSJONI (UE) 2017/1159 tad-29 ta' Ġunju 2017 |
L 167 |
31 |
30.6.2017 |
|
Ikkoreġut b'
REGOLAMENT TA’ IMPLIMENTAZZJONI TAL-KUNSILL (UE) Nru 1105/2010
tad-29 ta’ Novembru 2010
li jimponi dazju definittiv tal-antidumping u jiġbor b’mod definittiv id-dazju provviżorju impost fuq l-importazzjonijiet tal-ħjut tal-poliesteri ta’ tenaċità għolja li joriġinaw fir-Repubblika Popolari taċ-Ċina u li jtemm il-proċediment li jikkonċerna l-importazzjonijiet tal-ħjut tal-poliesteri ta’ tenaċità għolja li joriġinaw fir-Repubblika tal-Korea u t-Tajwan
Artikolu 1
1. Dazju definittiv antidumping qiegħed b'dan jiġi impost fuq l-importazzjonijiet tal-ħjut tal-poliesteri ta' tenaċità għolja mhux disponibbli għall-bejgħ għall-konsumatur, inkluż il-monofilament ta' inqas minn 67 deċitek (bl-esklużjoni tal-ħajt għal ħjata u ħjut multipli (mitnijin) jew immaljati b'kisra “Z”, maħsuba għall-produzzjoni ta' ħajt għall-ħjata, lesti biex jingħataw il-kulur u biex jirċievu trattament tal-aħħar, imseffħa b'mod imlaħlaħ fuq tubu mtaqqab tal-plastik), li attwalment jaqgħu taħt il-kodiċi NM 5402 20 00 (il-kodiċi TARIC 5402200010 ) u li joriġinaw mir-Repubblika tal-Poplu taċ-Ċina.
2. Ir-rata tad-dazju definittiv tal-antidumping applikabbli għall-prezz nett, ħieles fil-fruntiera tal-Unjoni, qabel id-dazju, tal-prodott deskritt fil-Paragrafu 1 u prodott mill-kumpaniji ta’ hawn taħt għandha tkun din li ġejja:
|
Kumpanija |
Dazju (%) |
Kodiċi addizzjonali TARIC |
|
Zhejiang Guxiandao Industrial Fibre Co., Ltd. |
5,1 |
A974 |
|
Zhejiang Hailide New Material Co., Ltd. |
0 |
A976 |
|
Zhejiang Unifull Industrial Fibre Co., Ltd. |
5,5 |
A975 |
|
Companies listed in the Annex |
5,3 |
A977 |
|
Hangzhou Huachun Chemical Fiber Co., Ltd. |
0 |
A989 |
|
Oriental Industries (Suzhou) Ltd. |
9,8 |
A990 |
|
Il-kumpaniji l-oħra kollha |
9,8 |
A999 |
3. Sakemm ma jkunx speċifikat mod ieħor, għandhom japplikaw id-dispożizzjonijiet fis-seħħ li jikkonċernaw id-dazji doganali.
Artikolu 2
Il-proċedura antidumping li tikkonċerna l-importazzjonijiet tal-ħjut tal-poliesteri ta’ tenaċità għolja li joriġina fir-Repubblika tal-Korea t’Isfel u t-Tajwan qiegħda b’dan tintemm.
Artikolu 3
L-ammonti garantiti permezz tad-dazju provviżorju tal-antidumping skont ir-Regolament (UE) Nru 478/2010 dwar l-importazzjonijiet ta’ ħjut tal-polijesteri ta’ tenaċità għolja (minbarra l-ħajt tal-ħjata), li ma jkunx għall-bejgħ bl-imnut, inkluż il-monofilament ta’ inqas minn 67 decitex li attwalment jaqa’ taħt il-kodiċi NM 5402 20 00 u li joriġina fir-Repubblika Popolari taċ-Ċina għandhom jinġabru b’mod definittiv bir-rata tad-dazju definittiv impost skont l-Artikolu 1. L-ammonti garantiti ogħla mir-rati definittivi tad-dazju tal-antidumping għandhom jiġu rilaxxati.
Artikolu 4
Fejn kwalunkwe produttur esportatur ġdid fir-Repubblika Popolari taċ-Ċina jipprovdi evidenza biżżejjed lill-Kummissjoni li:
— ma jkunx esporta fl-Unjoni l-prodott deskritt fl-Artikolu 1(1) waqt il-perjodu tal-investigazzjoni (l-1 ta’ Lulju 2008 sat-30 ta’ Ġunju 2009),
— ma jkun relatat ma l-ebda wieħed mill-esportaturi jew produtturi fir-Repubblika Popolari taċ-Ċina li huma soġġetti għall-miżuri imposti minn dan ir-Regolament,
— li effettivament esporta fl-Unjoni l-prodott ikkonċernat wara l-perjodu tal-investigazzjoni li fuqu huma bbażati l-miżuri, jew li jkun daħal f’obbligu kuntrattwali irrevokabbli sabiex jesporta kwantità sinifikanti fl-Unjoni,
il-Kunsill, waqt li jaġixxi b’maġġoranza sempliċi dwar proposta sottomessa mill-Kummissjoni wara li jkun ikkonsulta l-Kumitat Konsultattiv, jista’ jemenda l-Artikolu 1(2) billi jżid il-produttur esportatur ġdid mal-kumpaniji li jkunu qegħdin jikkooperaw mhux inklużi fil-kampjun u għalhekk soġġetti għar-rata tad-dazju medja differenzjata ta’ 5,3 %.
Artikolu 5
Dan ir-Regolament għandu jidħol fis-seħħ fil-jum wara dak li fih jiġi ppubblikat f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u għandu jkun direttament applikabbli fl-Istati Membri kollha.
ANNESS
PRODUTTURI ESPORTATURI ĊINIŻI LI KKOOPERAW LI MHUX INKLUŻI FIL-KAMPJUN
Kodiċi Addizzjonali Taric A977
|
Isem il-kumpanija |
Belt |
|
Heilongjiang Longdi Co. Ltd |
Harbin |
|
Jiangsu Hengli Chemical Fibre Co. Ltd |
Wujiang |
|
Hyosung Chemical Fiber (Jiaxing) Co. Ltd |
Jiaxing |
|
Shanghai Wenlong Chemical Fiber Co., Ltd |
Shanghai |
|
Shaoxing Haiu Chemistry Fibre Co., Ltd |
Shaoxing |
|
Sinopec Shanghai Petrochemical Company |
Shanghai |
|
Wuxi Taiji Industry Co., Ltd |
Wuxi |
|
Zhejiang Kingsway High-Tech Fiber Co. Ltd. |
Haining City |