|
Il-Ġurnal Uffiċjali |
MT Serje C |
|
C/2024/681 |
9.1.2024 |
Avviż minn qabel ta’ konċentrazzjoni
(Il-Każ M.11421 — JSW / JFE /JV)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(C/2024/681)
1.
Fil-21 ta’ Diċembru 2023, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
|
— |
JFE Steel Corporation (“JFE”, il-Ġappun), ikkontrollata minn JFE Holdings, Inc, kumpanija kkwotata pubblikament, |
|
— |
JSW Steel Limited (“JSW”, l-Indja), kumpanija kkwotata pubblikament, |
|
— |
JSW Electrical Steel Private Limited (“JV”, l-Indja), kumpanija privata b’responsabbiltà limitata li għadha kif inħolqot. |
JFE u JSW se jakkwistaw, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll konġunt tal-JV.
Il-konċentrazzjoni qed issir permezz ta’ xiri ta’ ishma f’kumpanija maħluqa ġdida li tikkostitwixxi impriża bi sħab.
2.
L-attivitajiet kummerċjali tal-impriżi kkonċernati huma dawn li ġejjin:|
— |
JFE hija manifattur integrat tal-azzar li jinvolvi ruħu fil-proċess kollu tal-produzzjoni tal-azzar, billi jieħu l-materja prima tal-mineral tal-ħadid u jbiddilha fi prodotti finali. JFE jipproduċi folji, pjanċi, forom, pajpijiet u tubi, azzar li ma jissaddadx u azzar speċjalizzat, azzar elettriku, staneg u vireg tal-wajer, u trabijiet tal-ħadid. |
|
— |
JSW hija l-impriża ewlenija ta’ JSW Group diversifikat, li jopera bħala manifattur integrat ta’ firxa varjata ta’ prodotti tal-azzar u tal-ħadid. L-operazzjonijiet ta’ JSW jinkludu l-estrazzjoni minerarja, l-ipproċessar tal-materja prima, il-manifattura tal-azzar u l-prodotti b’valur miżjud downstream, |
|
— |
Il-JV se tkun attiva fil-manifattura u l-bejgħ ta’ prodotti tal-azzar elettriċi bil-granijiet orjentati. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar trattament simplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn l-impriżi (2) jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati jibagħtulha l-kummenti li jista’ jkollhom dwar l-operazzjoni proposta lill-Kummissjoni.Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:
M.11421 — JSW / JFE /JV
Il-kummenti jistgħu jintbagħtu lill-Kummissjoni permezz ta’ email jew bil-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Indirizz postali:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).
ELI: http://data.europa.eu/eli/C/2024/681/oj
ISSN 1977-0987 (electronic edition)