(1)

F'konformità mal-punti (a) sa (c) tal-Artikolu 16(1) tar-Regolament (UE) Nru 652/2014, l-Istati Membri jistgħu jingħataw finanzjament mill-Unjoni biex ikopru n-nefqa marbuta direttament, skont kif ikun japplika għal miżuri adottati skont l-Artikolu 16(1) jew l-Artikolu 16(3) tad-Direttiva tal-Kunsill 2000/29/KE (3) fir-rigward tal-qerda jew it-trażżin ta' organiżmi ta' ħsara, jew il-prevenzjoni tat-tixrid tagħhom. Bħala regola tranżitorja, l-Artikolu 45(3) ta' dan ir-Regolament jistipula li għall-applikazzjonijiet mill-Istati Membri għal finanzjament mill-Unjoni għall-miżuri ta' emerġenza msemmija hawn fuq li jiġu ppreżentati lill-Kummissjoni sat-30 ta' April 2014, għandhom ikomplu japplikaw l-Artikoli 22 sa 24 tad-Direttiva 2000/29/KE.

(2)

Il-Ġermanja ressqet tmien applikazzjonijiet għal finanzjament mill-Unjoni. L-ewwel applikazzjoni tressqet fit-12 ta' Diċembru 2013 u għandha x'taqsam mal-miżuri li ttieħdu fl-2012 biex jiġi kkontrollat l-Anoplophora glabripennis f'Baden-Württemberg. It-tifqigħa ta' dak l-organiżmu ta' ħsara ġiet innutata hemmhekk fl-2012.

(3)

It-tieni applkazzjoni tressqet fit-18 ta' Diċembru 2013 u għandha x'taqsam mal-miżuri li ttieħdu fl-2012 u fl-2013 biex jiġi kkontrollat id-Diabrotica virgifera fis-Sassonja. It-tifqigħa ta' dak l-organiżmu ta' ħsara ġiet innutata fl-2012.

(4)

It-tielet applikazzjoni tressqet fid-19 ta' Diċembru 2013 u għandha x'taqsam mal-miżuri li ttieħdu fl-2012 u fl-2013 biex jiġi kkontrollat l-Anoplophora glabripennis fil-Bavarja. It-tifqigħa ta' dak l-organiżmu ta' ħsara ġiet innutata hemmhekk fl-2012.

(5)

Ir-raba' applikazzjoni tressqet fit-3 ta' April 2014 u għandha x'taqsam mal-miżuri li ttieħdu fl-2013 biex jiġi kkontrollat l-Anoplophora glabripennis f'Baden-Württemberg. It-tifqigħa ta' dak l-organiżmu ta' ħsara ġiet innutata hemmhekk fl-2012 (l-istess tifqigħa kif imsemmi fil-punt 2).

(6)

Il-ħames applikazzjoni tressqet fis-16 ta' April 2014 u għandha x'taqsam mal-miżuri li ttieħdu fl-2013 biex jiġi kkontrollat id-Diabrotica virgifera fir-Rheinland-Palatinat. It-tifqigħa ta' dak l-organiżmu ta' ħsara ġiet innutata fl-2011 u fl-2012.

(7)

Is-sitt applikazzjoni tressqet fis-16 ta' April 2014 u għandha x'taqsam mal-miżuri li ttieħdu fl-2013 biex jiġi kkontrollat id-Diabrotica virgifera f'Baden-Württemberg. It-tifqigħat ta' dak l-organiżmu ta' ħsara ġew innutati f'distretti rurali jew urbani differenti ta' dak l-Istat fl-2010, l-2011, l-2012 u l-2013.

(8)

Is-seba' applikazjoni ġiet introdotta fit-28 ta' April 2014 u għandha x'taqsam mal-miżuri li ttieħdu bejn Awwissu tal-2012 u Awwissu tal-2013 biex jiġi kkontrollat il-Anoplophora glabripennis f'Nordrhein-Westfalen. It-tifqigħa ta' dak l-organiżmu ta' ħsara ġiet innutata hemmhekk fl-2009.

(9)

It-tmien applikazzjoni ġiet introdotta fit-30 ta' April 2014 u għandha x'taqsam mal-miżuri li ttieħdu fl-2012 u fl-2013 biex jiġi kkontrollat id-Diabrotica virgifera f'Hessen. It-tifqigħa ta' dak l-organiżmu ta' ħsara ġiet innutata fl-2011.

(10)

Spanja ressqet ħames applikazzjonijiet għal finanzjament tal-Unjoni fis-16 ta' April 2014. L-ewwel applikazzjoni għandha x'taqsam mal-miżuri ta' spezzjonijiet intensifikati li ttieħdu fl-2013 fl-erba' Komunitajiet Awtonomi li jmissu mal-fruntiera tal-Portugall biex jiġi kkontrollat il-Bursaphelenchus xylophilus. Dawn l-ispezzjonijiet saru minħabba l-preżenza mifruxa ta' dak l-organiżmu ta' ħsara f'żoni ġirien tal-Portugall, mingħajr ma kienet ir-riżultat ta' tifqigħa speċifika ta' dak l-organiżmu ta' ħsara fit-territorju ta' Spanja.

(11)

It-tieni talba għandha x'taqsam mal-miżuri li ttieħdu jew li ġew previsti għall-2014 f'Galizja biex jiġi kkontrollat il-Bursaphelenchus xylophilus. It-tifqigħa ta' dak l-organiżmu ta' ħsara ġiet innutata fl-2010 fiż-żona ta' As Neves.

(12)

It-tielet applikazzjoni għandha x'taqsam mal-miżuri li ttieħdu jew li ġew previsti għall-2014 fil-Katalonja biex jiġi kkontrollat il-Pomacea insularum. It-tifqigħa ta' dak l-organiżmu ta' ħsara ġiet innutata fl-2010.

(13)

Ir-raba' applikazzjoni għandha x'taqsam mal-miżuri li ttieħdu jew li ġew previsti għall-2014 f'Extremadura biex jiġi kkontrollat il-Bursaphelenchus xylophilus. It-tifqigħa ta' dak l-organiżmu ta' ħsara ġiet innutata fl-2012 fiż-żona ta' Valverde del Fresno.

(14)

Il-ħames applikazzjoni għandha x'taqsam mal-miżuri li ttieħdu jew li ġew previsti għall-2014 f'Castilla y León biex jiġi kkontrollat il-Bursaphelenchus xylophilus. It-tifqigħa ta' dak l-organiżmu ta' ħsara ġiet innutata fl-2013 fiż-żona ta' Sancti-Spiritus.

(15)

Franza ressqet żewġ applikazzjonijiet għal finanzjament tal-Unjoni fit-30 ta' April 2014. L-ewwel applikazzjoni għandha x'taqsam mal-miżuri li ttieħdu jew li ġew previsti fl-2014 biex tiġi kkontrollata l-Anoplophora glabripennis fl-Alsace. Fi Franza ttieħdu miżuri wara li f' Lulju tal-2011 instab dak l-organiżmu ta' ħsara fiż-żona tal-fruntiera mal-Ġermanja.

(16)

It-tieni applikazzjoni għandha x'taqsam mal-miżuri li ttieħdu jew li ġew previsti fl-2013 u fl-2014 biex jiġi kkontrollat l-Anoplophora glabripennis f'Korsika. It-tifqigħa ta' dak l-organiżmu ta' ħsara ġiet innutata fl-2013.

(17)

L-Italja ressqet tliet applikazzjonijiet għal finanzjament tal-Unjoni. L-ewwel applikazzjoni tressqet fid-29 ta' April 2014 u għandha x'taqsam mal-miżuri li ttieħdu jew li ġew previsti fl-2014 biex jiġi kkontrollat l-Anoplophora glabripennis fil-Marche. It-tifqigħa ta' dak l-organiżmu ta' ħsara ġiet innutata fl-2013.

(18)

It-tieni applikazzjoni tressqet fid-29 ta' April 2014 u għandha x'taqsam mal-miżuri li ttieħdu jew li ġew previsti fl-2013 u fl-2014 biex jiġi kkontrollat ix-Xylella fastidiosa fil-Pulja. It-tifqigħa ta' dak l-organiżmu ta' ħsara ġiet innutata fl-2013.

(19)

It-tielet waħda tressqet fit-30 ta' April 2014 u għandha x'taqsam mal-miżuri li ttieħdu jew li ġew previsti għal bejn Settembru 2014 u Settembru 2015 biex jiġi kkontrollat il-vajrus tas-Citrus tristeza fi Sqallija, fejn il-preżenza ta' razza ta' mikrobu severa ġiet ikkonfermata fl-2013.

(20)

Il-Pajjiżi l-Baxxi ressqu tliet applikazzjonijiet għal finanzjament mill-Unjoni. L-ewwel applikazzjoni tressqet fil-31 ta' Diċembru 2013 u għandha x'taqsam mal-miżuri li ttieħdu fl-2012 u fl-2013 fiż-żona ta' Westland biex jiġi kkontrollat l-Anthonomus eugenii. It-tifqigħa ta' dak l-organiżmu ta' ħsara ġiet innutata fl-2012.

(21)

It-tieni u t-tielet applikazzjonijiet ġew ippreżentati fit-30 ta' April 2014. It-tieni waħda għandha x'taqsam mal-miżuri li ttieħdu fl-2013 u fl-2014 fiż-żona ta' Winterswijk biex jiġi kkontrollat l-Anoplophora glabripennis. It-tifqigħa ta' dak l-organiżmu ta' ħsara ġiet innutata fl-2012.

(22)

It-tielet talba għandha x'taqsam mal-miżuri li ttieħdu fl-2013 u fl-2014 fiż-żona tal-Olanda t'Isfel biex jiġi kkontrollat l-Virojde tat-Tuberu Fusiformi tal-Patata. It-tifqigħa ta' dak l-organiżmu ta' ħsara ġiet innutata fl-2013.

(23)

L-Awstrija ressqet żewġ applikazzjonijiet għal finanzjament tal-Unjoni fit-30 ta' April 2014 li għandhom x'jaqsmu mal-miżuri li ttieħdu biex jiġi kkontrollat l-Anoplophora glabripennis. L-ewwel talba għandha x'taqsam mal-miżuri li ttieħdu fl-2012 u fl- 2013 fiż-żona ta' Sankt Georgen bei Obernberg am Inn, fejn it-tifqigħa ta' dak l-organiżmu ta' ħsara ġiet innutata fl-2012. Dik l-applikazzjoni tinkludi aġġornament ta' applikazzjoni mressqa f'Mejju 2013 dwar il-miżuri li ttieħdu fl-2012 u previsti, f'dak iż-żmien, għall-2013.

(24)

It-tieni applikazzjoni għandha x'taqsam mal-miżuri li ttieħdu fl-2013 u fl- 2014 fiż-żona ta' Gallspach, fejn it-tifqigħa ta' dak l-organiżmu ta' ħsara ġiet innutata fl-2013.

(25)

Il-Ġermanja, Spanja, Franza, l-Italja, il-Pajjiżi l-Baxxi u l-Awstrija fit-talbiet tagħhom ilkoll stabbilixxew programm ta' azzjonijiet biex jeqirdu jew meta legalment possibbli, irażżnu dawn l-organiżmi ta' ħsara introdotti fit-territorji tagħhom. Dawn il-programmi jispeċifikaw l-għanijiet li għandhom jintlaħqu, il-miżuri mwettqa, it-tul tagħhom u kemm swew.

(26)

Il-miżuri kollha li jissemmew hawn jinkludu varjetà ta' miżuri għas-saħħa tal-pjanti, fosthom il-qerda ta' siġar jew ta' uċuħ tar-raba' kontaminati, l-applikazzjoni ta' prodotti għall-protezzjoni tal-pjanti, tekniki tas-sanità, spezzjonijiet u testijiet li jsiru b'mod uffiċjali jew fuq talba uffiċjali għall-monitoraġġ tal-preżenza jew tal-firxa tal-kontaminazzjoni mill-organiżmi ta' ħsara rispettivi, u s-sostituzzjoni tal-pjanti meqruda, fit-tifsira tal-Artikolu 23(2)(a), (b) u (c) tad-Direttiva 2000/29/KE.

(27)

Permezz tal-informazzjoni teknika mogħtija mill-Ġermanja, minn Spanja, minn Franza, mill-Italja, mill-Pajjiżi l-Baxxi u mill-Awstrija, il-Kummissjoni setgħet tanalizza s-sitwazzjoni b'mod preċiż u komprensiv. Il-Kummissjoni kkonkludiet li l-kundizzjonijiet għall-għoti ta' finanzjament mill-Unjoni, kif stabbiliti b'mod partikolari fl-Artikolu 23 tad-Direttiva 2000/29/KE, intlaħqu. Għalhekk, huwa xieraq li tingħata kontribuzzjoni finanzjarja mill-Unjoni biex tiġi koperta n-nefqa f'dawk it-talbiet.

(28)

Il-miżuri u l-infiq eliġibbli għal kontribuzzjoni finanzjarja mill-Unjoni ġew iċċarati permezz ta' ittra mill-Kummissjoni lill-Uffiċjali Kapijiet fil-Qasam tas-Saħħa tal-Pjanti tal-Istati Membri bid-data 25 ta' Mejju 2012.

(29)

Skont it-tieni subparagrafu tal-Artikolu 23(5) tad-Direttiva 2000/29/KE, il-kontribuzzjoni finanzjarja mill-Unjoni tista' tkopri sa 50 % tan-nefqa eliġibbli għall-miżuri li jittieħdu f'perjodu ta' mhux iktar minn sentejn wara d-data meta tkun ġiet innutata t-tifqigħa jew għall-miżuri previsti għal dak il-perjodu. Madanakollu, skont it-tielet subparagrafu ta' dak l-Artikolu, dak il-perjodu jista' jiġi estiż jekk ikun ġie stabbilit li l-għan tal-miżuri jkun se jintlaħaq f'perjodu addizzjonali raġonevoli, u f'liema każ ir-rata ta' kontribuzzjoni finanzjarja mill-Unjoni għandha tkun digressiva tul is-snin ikkonċernati.

(30)

Wara li kkunsidrat il-konklużjonijiet tal-Bord ta' Valutazzjoni tas-Saħħa tal-Pjanti tal-Kummissjoni li sar mit-30 ta' Ġunju sal-4 ta' Lulju 2014 dwar l-evalwazzjoni tat-talbiet rispettivi, huwa xieraq li jiġi estiż il-perjodu ta' sentejn tal-applikazzjonijiet ikkonċernati għal sentejn oħra, skont il-punt (b) tal-Artikolu 1(2) tar-Regolament tal-Kummissjoni (KE) Nru 1040/2002 (4). Madankollu, u, skont il-prinċipju ta' digressività, huwa xieraq li titnaqqas ir-rata ta' kontribuzzjoni finanzjarja mill-Unjoni għal dawn il-miżuri għal 45 % tan-nefqa eliġibbli għat-tielet sena u għal 40 % għar-raba' sena ta' dawn it-talbiet.

(31)

Għalhekk, il-finanzjament mill-Unjoni sa 50 % tan-nefqa eliġibbli għandha tapplika għal dawn l-applikazzjonijiet: Il-Ġermanja, f'Baden-Württemberg, Diabrotica virgifera, fid-distretti rurali ta' Alb-Donau-Kreis u Karlsruhe (2013), il-Ġermanja, f'Baden-Württemberg, Anoplophora glabripennis (2012 u 2013), il-Ġermanja, fil-Bavarja, Anoplophora glabripennis (2012 u 2013), il-Ġermanja, f'Hessen, Diabrotica virgifera (2012), il-Ġermanja, fir-Rheinland-Palatinat, Diabrotica virgifera (2013), il-Ġermanja, fis-Sassonja, Diabrotica virgifera (2012 u 2013), Spanja, f'Castilla y León, Bursaphelenchus xylophilus (2014), Franza, fil-Korsika, Anoplophora glabripennis (2013 u 2014), l-Italja, fil-Marche, Anoplophora glabripennis (2014), l-Italja, fi Sqallija, il-Vajru Citrus Tristeza (2014 u 2015), l-Italja, f'Pulja, Xylella fastidiosa (2013 u 2014), il-Pajjiżi l-Baxxi, fiż-żona ta' Winterswijk, Anoplophora glabripennis (2013), il-Pajjiżi l-Baxxi, fl-Olanda t'Isfel, il-Virojde tat-Tuberu Fusiformi tal-Patata (2013 u 2014), il-Pajjiżi l-Baxxi, f'Westland, Anthonomus eugenii (2012 u 2013), l-Awstrija, f'Sankt Georgen bei Obernberg am Inn, Anoplophora glabripennis (2012 u 2013) u l-Awstrija, f'Gallspach, Anoplophora glabripennis (2013 u 2014).

(32)

Għalhekk, il-kontribuzzjoni finanzjarja mill-Unjoni sa 45 % tan-nefqa eliġibbli għandha tapplika għal dawn it-talbiet: Il-Ġermanja, f'Baden-Württemberg, Diabrotica virgifera, id-distretti rurali ta' Rastatt (2013), il-Ġermanja, f'Hessen, Diabrotica virgifera (2013), Spanja, f'Extremadura, Valverde del Fresno, Bursaphelenchus xylophilus (2014), Franza, fl-Alsace, Anoplophora glabripennis (2014) u l-Pajjiżi l-Baxxi, fiż-żona ta' Winterswijk, Anoplophora glabripennis (2014), billi l-miżuri kkonċernati diġà kienu s-suġġett ta' kontribut finanzjarju mill-Unjoni skont id-Deċiżjoni ta' Implimentazzjoni tal-Kummissjoni 2012/789/UE (5) (il-Ġermanja, Spanja u Franza) u d-Deċiżjoni ta' Implimentazzjoni tal-Kummissjoni 2013/800/UE (6) (il-Ġermanja, Baden-Württemberg, Spanja, Franza u l-Pajjiżi l-Baxxi), għall-ewwel sentejn tal-implimentazzjoni tagħhom.

(33)

Barra minn hekk, għandu japplika finanzjament mill-Unjoni sa 40 % għar-raba' sena ta' dawn it-talbiet: Il-Ġermanja, f'Baden-Württemberg, id-Diabrotica virgifera, fid-distretti rurali ta' Breisgau-Hochschwarzwald (2013), il-Ġermanja, Anoplophora glabripennis, f'Nordrhein-Westfalen (bejn Awwissu 2012 u Awwissu 2013), Spanja, fil-Katalonja, Pomacea insularum (2014), Spanja, fil-Galizja, il-Bursaphelenchus xylophilus (2014) billi, għal kull wieħed minn dawn l-erba' dossiers, il-miżuri ġew soġġetti għal kontribuzzjoni finanzjarja mill-Unjoni skont id-Deċiżjoni ta' Implimentazzjoni tal-Kummissjoni 2011/868/UE (7), id-Deċiżjoni ta' Implimentazzjoni 2012/789/UE u d-Deċiżjoni ta' Implimentazzjoni 2013/800/UE għall-ewwel tliet snin tal-implimentazzjoni tagħhom.

(34)

F'konformità mas-subparagrafi 1 u 2 tal-Artikolu 23(6) tad-Direttiva 2000/29/KE, fid-dawl tal-iżvilupp tas-sitwazzjoni fl-Unjoni tista' tiġi implimentata azzjoni ulterjuri, u tista' tiġi deċiża l-allokazzjoni ta' kontribuzzjoni finanzjarja mill-Unjoni għal din l-azzjoni. L-azzjoni trid tkun soġġetta għal ċerti rekwiżiti jew kundizzjonijiet addizzjonali, jekk dawn ikunu meħtieġa biex jintlaħaq l-għan inkwistjoni. Barra minn hekk, f'konformità mas-subparagrafu 3 tal-Artikolu 23(6), meta azzjoni ulterjuri bħal din tkun maħsuba essenzjalment biex tipproteġi t-territorji tal-Unjoni, minbarra dak tal-Istat Membru kkonċernat, jista' jiġi deċiż li l-allokazzjoni finanzjarja mill-Unjoni tkopri aktar minn 50 % tan-nefqa.

(35)

Spanja wettqet spezzjonijiet intensivi għal Bursaphelenchus xylophilus fiż-żona tal-fruntiera mal-Portugall, fil-Komunitajiet Awtonomi tal-Andalusija, Castilla y León, Extremadura u Galicia, u kopriet żoni li mhumiex demarkati għal dak l-organiżmu ta' ħsara. Dawk l-ispezzjonijiet għandhom l-għan ta' monitoraġġ intensiv għad-detezzjoni u l-eradikazzjoni bikrin f'dawn iż-żoni partikolari li jipproteġu l-bqija tat-territorju tal-Unjoni. Spanja diġà allokat għadd sinifikanti ta' riżorsi biex tikkontrolla tliet tifqigħat iżolati tal-Bursaphelenchus xylophilus f'Castilla y León, f'Extremadura u fil-Galizja. Dik titqies bħala azzjoni maħsuba essenzjalment biex tipproteġi t-territorju ta' Spanja, kif ukoll it-territorji tal-Unjoni minbarra dak ta' Spanja, minħabba r-rilevanza kbira tal-Bursaphelenchus xylophilus għall-pjanti u l-injam koniferu, ir-rapidità li biha l-organiżmu ta' ħsara jinfirex, u l-impatt possibbli fuq il-kummerċ tal-injam tal-foresti tal-Unjoni u internazzjonali. Għaldaqstant ikun rilevanti li tiġi allokata rata ogħla ta' kontribuzzjoni finanzjarja mill-Unjoni għal dik it-talba, u b'mod partikolari rata ta' 75 %.

(36)

Skont l-Artikolu 84 tar-Regolament (UE, Euratom) Nru 966/2012, l-impenn ta' nefqa mill-baġit tal-Unjoni għandu jkollu qablu deċiżjoni ta' finanzjament li tistabbilixxi l-elementi essenzjali tal-azzjoni li tinvolvi n-nefqa u li tiġi adottata mill-istituzzjoni jew mill-awtoritajiet b'setgħat li ġew delegati lilhom mill-istituzzjoni. L-Artikolu 94 tar-Regolament ta' Delega tal-Kummissjoni (UE) Nru 1268/2012 (8) jistabbilixxi regoli dettaljati dwar id-deċiżjoni ta' finanzjament.

(37)

Id-deċiżjoni preżenti tikkostitwixxi deċiżjoni ta' finanzjament għan-nefqa prevista fl-applikazzjonijiet ta' finanzjament mill-Unjoni ippreżentati mill-Istati Membri.

(38)

Għall-applikazzjoni ta' din id-Deċiżjoni, jixraq li t-terminu “bidla sostanzjali” jiġi ddefinit fit-tifsira tal-Artikolu 94(4) tar-Regolament ta' Delega (UE) Nru 1268/2012.

(39)

Il-miżuri stipulati f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,