|
Iris Oifigiúil |
GA Sraith L |
|
2025/1874 |
15.9.2025 |
CINNEADH (AE) 2025/1874 ÓN gCOIMISIÚN
an 12 Meán Fómhair 2025
lena leasaítear Cinneadh (AE) 2024/2383 a mhéid a bhaineann le hainmniú Comhordaitheoirí Eorpacha le haghaidh Chonairí Iompair Eorpacha an Atlantaigh, na Réine-na Danóibe, agus Mhuir Bhailt – na Mara Duibhe – na Mara Aeigéiche agus le socruithe mionsonraithe a leagan síos maidir lena misean agus a gcúraimí a fheidhmiú
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2024/1679 ó Pharlaimint na hEorpa agus ón gComhairle an 13 Meitheamh 2024 maidir le treoirlínte an Aontais chun an gréasán tras-Eorpach iompair a fhorbairt, lena leasaítear Rialacháin (AE) 2021/1153 agus (AE) Uimh. 913/2010 agus lena n-aisghairtear Rialachán (AE) Uimh. 1315/2013 (1), agus go háirithe Airteagal 52(1) de,
De bharr an mhéid seo a leanas:
|
(1) |
Conairí Iompair Eorpacha mar ionstraimí chun cur chun feidhme comhordaithe an chroíghréasáin agus an chroíghréasáin bhreisithe a éascú, déantar foráil maidir leo i gCaibidil V de Rialachán (AE) 2024/1679 agus liostaítear iad in Airteagal 11(1) den Rialachán sin. |
|
(2) |
De bhun Airteagal 52(1) de Rialachán (AE) 2024/1679, tá na Comhordaitheoirí Eorpacha ainmnithe chun cur chun feidhme comhordaithe na gConairí Iompair Eorpacha, an Chórais Eorpaigh um Bainistiú Tráchta Iarnróid (ERTMS) agus an Spáis Eorpaigh Mhuirí a éascú. |
|
(3) |
An ról atá ag Comhordaitheoirí Eorpacha, tá sé ríthábhachtach i dtaca le forbairt na gConairí Iompair Eorpacha agus leis an gcomhar feadh na gconairí sin. |
|
(4) |
Le Cinneadh (AE) 2024/2383 ón gCoimisiún (2) ainmníodh na Comhordaitheoirí Eorpacha le haghaidh seacht gConair Iompair Eorpacha as naoi gConair Iompair Eorpacha. Tá poist na gComhordaitheoirí Eorpacha le haghaidh Chonairí Iompair Eorpacha na Réine — na Danóibe agus Mhuir Bhailt — na Mara Duibhe — na Mara Aeigéiche folamh fós agus tá siad le líonadh. |
|
(5) |
I gcomhaontú leis an gComhordaitheoir Eorpach lena mbaineann, moltar freisin an Comhordaitheoir Eorpach le haghaidh Chonair Iompair Eorpach an Atlantaigh a ionadú. |
|
(6) |
I gcomhréir le hAirteagal 52(1) de Rialachán (AE) 2024/1679, chuathas i gcomhairle leis na Ballstáit, le tíortha comharsanacha atá mar chuid de na Conairí Iompair Eorpacha lena mbaineann, le Parlaimint na hEorpa agus leis an gComhairle. Tá sé curtha in iúl ag na Ballstáit lena mbaineann go n-aontaíonn siad le hainmniú na gComhordaitheoirí Eorpacha, agus d’eisigh Parlaimint na hEorpa tuairim dhearfach i mí Iúil 2025 agus d’eisigh an Chomhairle tuairim dhearfach i mí Iúil 2025. |
|
(7) |
Ós rud é go bhfuil dhá phost mar Chomhordaitheoir Eorpach folamh faoi láthair, ní mór iad a cheapadh go pras. Ar an gcúis chéanna, ba cheart don Chinneadh seo teacht i bhfeidhm an lá tar éis lá a fhoilsithe, |
TAR ÉIS AN CINNEADH SEO A GHLACADH:
Airteagal 1
Leasaítear Cinneadh (AE) 2024/2383 ón gCoimisiún mar a leanas:
|
(1) |
in Airteagal 2(1), cuirtear an fhomhír seo a leanas isteach: ‘Mar sin féin, tosóidh sainordú na gComhordaitheoirí Eorpacha le haghaidh Chonairí Iompair Eorpacha an Atlantaigh, Mhuir Bhailt — na Mara Duibhe — na Mara Aeigéiche agus na Réine — na Danóibe an 16 Meán Fómhair 2025 agus tiocfaidh deireadh leis 4 bliana tar éis an dáta sin.’; |
|
(2) |
Cuirtear an téacs a leagtar amach in Iarscríbhinn I a ghabhann leis an gCinneadh seo in ionad Iarscríbhinn I; |
|
(3) |
in Iarscríbhinn II, cuirtear isteach na litreacha sainordaithe do na Comhordaitheoirí Eorpacha le haghaidh Chonair Iompair Eorpach na Réine – na Danóibe agus le haghaidh Chonair Iompair Eorpach Mhuir Bhailt – na Mara Duibhe – na Mara Aeigéiche a leagtar amach in Iarscríbhinn II a ghabhann leis an gCinneadh seo. |
Airteagal 2
Tiocfaidh an Cinneadh seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, an 12 Meán Fómhair 2025.
Thar ceann an Choimisiúin
An tUachtarán
Ursula VON DER LEYEN
(1) IO L 2024/1679, 28.6.2024, ELI: http://data.europa.eu/eli/reg/2024/1679/oj.
(2) Cinneadh (AE) 2024/2383 ón gCoimisiún an 6 Meán Fómhair 2024 lena n-ainmnítear na Comhordaitheoirí Eorpacha le haghaidh na gConairí Iompair Eorpacha, an Chórais Eorpaigh um Bainistiú Tráchta Iarnróid (ERTMS) agus an Spáis Mhuirí Eorpaigh agus lena leagtar síos na socruithe mionsonraithe maidir lena misean agus a gcúraimí a chomhlíonadh (IO L, 2024/2383, 9.9.2024, ELI: http://data.europa.eu/eli/dec/2024/2383/oj).
IARSCRÍBHINN I
Ainmniú na gComhordaitheoirí Eorpacha do na Conairí Iompair Eorpacha, don ERTMS agus don Spás Eorpach Muirí
|
An Mhuir Thuaidh - Muir Bhailt |
Catherine TRAUTMANN (FR) |
|
Críoch Lochlann - Meánmhuir |
Pat COX (IE) |
|
An tAtlantach |
François BAUSCH (LU) |
|
An Mhuir Thuaidh - an Réin - an Mheánmhuir |
Paweł WOJCIECHOWSKI (PL) |
|
An Mheánmhuir |
Mathieu GROSCH (BE) |
|
Muir Bhailt - Muir Aidriad |
Anne Elisabet JENSEN (DK) |
|
Na Balcáin Thiar - an Mheánmhuir Thoir |
Marian-Jean MARINESCU (RO) |
|
ERTMS |
Matthias RUETE (DE) |
|
An Spás Eorpach Muirí |
Gesine MEISSNER (DE) |
|
Conair na Réine – na Danóibe |
Margarida MARQUES (PT) |
|
Muir Bhailt – an Mhuir Dhubh – an Mhuir Aeigéach |
Mario MAURO (IT) |
‘ IARSCRÍBHINN II
Litir shainordaithe don Chomhordaitheoir Eorpach le haghaidh
Chonair Iompair Eorpach na Réine – na Danóibe
Le Rialachán (AE) 2024/1679 ó Pharlaimint na hEorpa agus ón gComhairle (1), déantar foráil maidir le Comhordaitheoirí Eorpacha a cheapadh a bheidh freagrach as cur chun feidhme na gConairí Iompair Eorpacha agus an dá thosaíocht chothrománacha, is iad sin an Spás Eorpach Muirí agus an Córas Eorpach um Bainistiú Tráchta Iarnróid (ERTMS).
Leis an gcur chuige maidir le conair, is féidir comhar éifeachtúil a bheith ann idir na príomhghníomhaithe i mbainistiú na dtionscadal trasteorann agus na dtionscadal náisiúnta araon a bhfuil ábharthacht Eorpach ag baint leo agus atá suite ar an gconair. Cuimsíonn na Conairí Iompair Eorpacha na modhanna iompair uile, arb é is aidhm do na Conairí éifeachtúlacht leathan an chórais iompair Eorpaigh a mhéadú. Dá bhrí sin, tá ról mór ag cur in úsáid na gConairí Iompair Eorpacha ó thaobh spriocanna polaitiúla an Aontais maidir leis an aistriú iompair inbhuanaithe a bhaint amach agus maidir le geilleagar na hEorpa a threisiú.
Tá freagracht glactha agat mar Chomhordaitheoir Eorpach le haghaidh Chonair Iompair Eorpach na Réine – na Danóibe. Tosaíonn an chonair i gcalafoirt na Gearmáine thuaidh, is iad sin Wilhelmshaven, Bremen, Hamburg agus Rostock, agus téann roinnt aiseanna ilmhódacha uathu siúd i dtreo Bheirlín, Hannover, Leipzig agus Dresden, agus ar aghaidh go Prág, áit a dtagann ais Thuaidh na conaire le chéile leis an ais Thiar a thosaíonn i gcathair Strasbourg na Fraince agus a théann ar aghaidh go cathracha Frankfurt agus Stuttgart na Gearmáine agus soir i dtreo Prág agus Munich faoi seach. Téann sí ar aghaidh ina dhiaidh sin tríd an Ostair, an tSlóvaic agus an Ungáir go calafoirt Constanta agus Galati sa Rómáin. Téann an ais a sholáthraíonn nasc conaire leis an tSlóvaic ar aghaidh chomh fada le Lviv na hÚcráine. Cumhdaíonn sí iarnród, bóithre, aerfoirt, calafoirt, críochfoirt iarnróid-bóthair agus córas uiscebhealaigh intíre phríomhabhainn na hEilbe, Canáil Chliathánach na hEilbe, cuid de Mittellandkanal na hEilbe, Weser, Schleusenkanal Geesthacht agus abhainn Vltava sa chuid thuaidh den chonair, agus an Mhaidhn, Canáil na Maidhne – na Danóibe, iomlán na Danóibe i dtreo bhéal na habhann tar éis Kelheim agus aibhneacha Váh, an Sava agus Tisza. Is iad na príomhthionscadail na scrogaill loingseoireachta a bhaint ar feadh na Danóibe agus uiscebhealaí intíre eile mar aon leis na stráicí trasteorann iarnróid Dresden – Prág, Phrág – Vín / na Bratasláive – Bhúdaipeist agus Bhúdaipeist – Bhúcairist, chomh maith leis mórstráicí náisiúnta, lena n-áirítear Stuttgart – Ulm.
Tá an Coimisiún cinnte go mbeidh do thacaíocht, a bhfuil sé ag brath go mór uirthi, ríthábhachtach chun go mbeidh rath leanúnach ar na Conairí Iompair Eorpacha agus ar na tosaíochtaí cothrománacha.
Misean
Is é is aidhm d’obair an Chomhordaitheora Eorpaigh forbairt fhoriomlán na conaire a chur chun cinn trí ghníomhaíochtaí comhordaithe spriocdhírithe, go háirithe i ndáil le hinfheistíocht tionscadail (oibreacha a shioncrónú, cistiú náisiúnta agus cistiú ón Aontas a leithdháileadh) agus, de réir mar is iomchuí, gníomhaíochtaí sonracha eile chun córas iompair atá iomaíoch agus tíosach ar acmhainní a chur chun cinn. Chun na críche sin, éascóidh an Comhordaitheoir Eorpach comhar idir na Ballstáit lena mbaineann agus treoróidh sé rannpháirtíocht na bpáirtithe leasmhara ábhartha laistigh d’Fhóram na Conaire agus tacóidh sé le hullmhú agus le cur chun feidhme ghníomhartha cur chun feidhme an Choimisiúin dá dtagraítear in Airteagal 55 de Rialachán (AE) 2024/1679, ar bhonn pleananna oibre conaire dá dtagraítear in Airteagal 54 den Rialachán sin.
Sna dualgais a bheidh ort, dualgais a eascraíonn as na cinn a leagtar síos in Airteagal 52(5), (6) agus (7) de Rialachán (AE)2024/1679, áireofar na cinn seo a leanas:
|
— |
anailís a dhéanamh ar staid an chomhlíonta agus tacú le cur chun feidhme comhordaithe Chonair Iompair Eorpach na Réine – na Danóibe, i gcomhréir le caighdeáin an ghréasáin thras-Eorpaigh iompair (GTE-I); |
|
— |
i gcomhréir le hAirteagal 54(1) agus (2) de Rialachán (AE) 2024/1679, plean oibre a tharraingt suas, faoin 19 Iúil 2026 ar a dhéanaí agus gach 4 bliana ina dhiaidh sin, in éineacht leis na Ballstáit lena mbaineann agus, i gcás inarb ábhartha, i gcomhairle le tíortha comharsanacha, atá mar chuid de Chonair Iompair Eorpach na Réine – na Danóibe; |
|
— |
tuarascáil stádais bhliantúil a chur faoi bhráid Pharlaimint na hEorpa, na Comhairle, an Choimisiúin agus na mBallstáit lena mbaineann faoin dul chun cinn atá déanta i gcur chun feidhme Chonair Iompair Eorpach na Réine – na Danóibe; díreofar sa tuarascáil stádais bhliantúil sin ar an dul chun cinn a dhéanfar ar phríomhthosaíochtaí agus ar phríomhinfheistíochtaí, tabharfar tuairisc inti ar an gcineál fadhbanna a tháinig chun cinn ina gcur chun feidhme agus molfar réitigh; |
|
— |
tacaíocht a chur ar fáil do na Ballstáit, agus, i gcás inarb iomchuí, do thíortha comharsanacha ábhartha, chun an plean oibre a chur chun feidhme; |
|
— |
i gcomhréir le hAirteagal 53(2) de Rialachán (AE) 2024/1679, Fóram na Conaire, atá comhdhéanta de pháirtithe leasmhara bainistíochta bonneagair, a bhunú go foirmiúil agus cathaoirleacht a dhéanamh air. Tiocfaidh an fóram le chéile go tráthrialta le linn do shainordaithe; |
|
— |
dul i gcomhairle le Fóram na Conaire maidir leis an bplean oibre agus an Fóram a chur ar an eolas go tráthrialta maidir lena chur chun feidhme; |
|
— |
nuair is gá, roinnt meithleacha a chur ar bun agus cathaoirleacht a dhéanamh orthu, ar meithleacha iad a thuairiscíonn d’Fhóram na Conaire, i gcomhréir le hAirteagal 53(4) de Rialachán (AE) 2024/1679; |
|
— |
na misin uile is gá a dhéanamh maidir leis na príomhchathracha, na réigiúin agus na nóid uirbeacha ábhartha atá suite ar an gconair iompair; |
|
— |
obair leantach a dhéanamh ar chur chun feidhme agus ar chomhordú an phlean oibre agus an ghnímh cur chun feidhme ón gCoimisiún atá bunaithe air sin chomh maith le gníomhartha cur chun feidhme sonracha eile le haghaidh stráicí trasteorann i gcás inarb infheidhme; |
|
— |
nuair is iomchuí, dul i gcomhairle le húdaráis réigiúnacha agus áitiúla, le bainisteoirí bonneagair, le hoibreoirí iompair, go háirithe leo siúd ar comhaltaí den rialachas lasta iarnróid iad, leis an tionscal soláthair, le húsáideoirí iompair agus le páirtithe leasmhara ábhartha i ndáil leis an bplean oibre agus lena chur chun feidhme; |
|
— |
tuairisciú do na Ballstáit, don Chomhairle, do na tíortha comharsanacha atá mar chuid de Chonair Iompair Eorpach na Réine – na Danóibe, do Pharlaimint na hEorpa agus don Choimisiún, chomh maith le haon eintiteas eile a bhfuil baint acu le Conair Iompair Eorpach na Réine – na Danóibe a fhorbairt, maidir le deacrachtaí a tháinig chun cinn agus maidir le réitigh atá beartaithe; |
|
— |
dul i ndlúthchomhar leis na Ballstáit agus leis an rialachas lasta iarnróid chun tosaíochtaí agus riachtanais infheistíochta a shainaithint maidir le lasta iarnróid ar línte lasta iarnróid Chonair Iompair Eorpach na Réine – na Danóibe, agus an tairbhe a sholáthraítear don ghréasán tras-Eorpach iompair agus na dátaí críochnaithe foriomlána mar a leagtar amach i Rialachán (AE) 2024/1679 á gcur san áireamh, gan dochar d’inniúlacht an rialachais lasta iarnróid faoi Rialachán (AE) Uimh. 913/2010 ó Pharlaimint na hEorpa agus ón gComhairle (2) ná d’inniúlacht na mBallstát maidir le bonneagar a bhainistiú agus a mhaoiniú; |
|
— |
faireachán a dhéanamh ar fheidhmíocht na seirbhísí lasta iarnróid, agus bacainní a d’fhéadfadh a bheith ann a shainaithint, amhail bacainní teicniúla, riaracháin agus oibríochtúla, agus béim ar leith á leagan ar an ngné thrasteorann, agus moltaí a dhéanamh ina leith sin, i gcás inarb ábhartha; |
|
— |
dul i ndlúthchomhar leis na Ballstáit lena mbaineann chun cuidiú tosaíochtaí agus riachtanais infheistíochta a shainaithint do línte paisinéirí iarnróid Chonair Iompair Eorpach na Réine – na Danóibe; |
|
— |
faireachán a dhéanamh ar fheidhmíocht na seirbhísí paisinéirí iarnróid, agus bacainní a d’fhéadfadh a bheith ann a shainaithint, amhail bacainní teicniúla, riaracháin agus oibríochtúla, agus béim ar leith á leagan ar na gnéithe trasteorann, agus moltaí a dhéanamh ina leith sin, i gcás inarb ábhartha; |
|
— |
dul i ndlúthchomhar leis na Ballstáit lena mbaineann chun teagmhálacha agus comhordú a éascú, i gcás inarb ábhartha, idir ionadaithe muirí agus ionadaithe uiscebhealaí intíre d’fhonn a sineirgí a mhéadú; |
|
— |
a fhíorú an bhfuil tionscadail arna mbeartú ag na Ballstáit, nó ag tíortha comharsanacha, i gcás inarb infheidhme, le haghaidh cómhaoiniú faoin tSaoráid um Chónascadh na hEorpa (SCE) comhsheasmhach le tosaíochtaí an phlean oibre; |
|
— |
dul i gcomhar le tíortha comharsanacha agus iad a thabhairt isteach i ngníomhaíochtaí conaire, amhail Fóram na Conaire nó meithleacha; |
|
— |
dul i gcomhar le heagraíochtaí idirnáisiúnta, le haghaidh gníomhaíochtaí a bhaineann leis an gconair a shíneann go tíortha comharsanacha atá ina gcomhaltaí de na heagraíochtaí idirnáisiúnta sin. |
Dá bhrí sin, beidh do chúram mar Chomhordaitheoir Eorpach an-éagsúil agus beidh sé an-tábhachtach don Aontas agus don tionscadal foriomlán i gcomhthéacs chlársceidealú an chistithe agus an idirphlé pholaitiúil leis na Ballstáit chun a chur ar a gcumas do na Ballstáit aon deacracht a bhaineann le cur i gcrích na dtionscadal bonneagair éagsúil a shárú.
Rialacha agus nósanna imeachta
Beidh an cúram mar Chomhordaitheoir Eorpach ort ar feadh tréimhse 4 bliana ag tosú ar dháta theacht i bhfeidhm Chinneadh (AE) 2025/1874 ón gCoimisiún (3) agus féadfar é a athnuachan trí chomhaontú frithpháirteach.
Féadfaidh an Coimisiún tréimhse do shainordaithe a athrú tráth ar bith ar a thionscnamh féin nó arna iarraidh sin duit. Forchoimeádann an Coimisiún an ceart deireadh a chur le do shainordú tráth ar bith.
Agus do chuid cúraimí á gcomhlíonadh agat, ní dhéanfaidh tú gealltanais thar ceann an Choimisiúin gan comhaontú i scríbhinn a fháil uaidh roimh ré. Dá réir sin, gníomhóidh tú go neamhchlaonta, ar bhealach neamhspleách agus rúnda agus cuirfidh tú do chuid eolais ghairmiúil agus scileanna gairmiúla i bhfeidhm chomh maith agus is féidir leat chun leas an Aontais agus chun a leasa sin amháin.
Seachnóidh tú aon chás a mbeadh coinbhleacht leasa mar thoradh air maidir leis na réimsí ina n-iarrtar ort idirghabháil a dhéanamh. Cuirfidh tú an Coimisiún ar an eolas láithreach faoi aon choinbhleacht leasa a thiocfaidh chun cinn le linn do théarma oifige.
Ina theannta sin, ní úsáidfidh tú ná ní sceithfidh tú aon doiciméad ná faisnéis a gheobhaidh tú le linn do chuid dualgas a chomhlíonadh, mura bhfuil an fhaisnéis sin san fhearann poiblí cheana. Beidh na torthaí uile a chuirfidh tú ar fáil faoi úinéireacht an Aontais, agus féadfaidh an tAontas iad a úsáid nó iad a fhoilsiú de réir mar is cuí leis.
Agus do chúram á chomhlíonadh agat, deonófar liúntas míosúil ar ráta comhréidh EUR 3 000 duit chun na costais a bhaineann le cúnamh rúnaíochta a chumhdach, i gcás nach soláthraíonn seirbhísí an Choimisiúin é go díreach (costais a bhaineann le cumarsáid, troscán oifige éagsúil, spás oifige), agus costais a bhaineann le hionadaíocht ar mhisin taistil i gcomhréir le rialacha an Choimisiúin.
Is é an Stiúrthóir um Infheistíocht, Iompar Nuálach agus Inbhuanaithe an duine teagmhála a bheidh agat in Ard-Stiúrthóireacht na Soghluaisteachta agus an Iompair. Is féidir leis an gCoimisiún a dhearbhú duit, roimh ré, go mbeidh lántacaíocht agat ón Stiúrthóir agus ó na baill foirne a bheidh ainmnithe chun cúnamh a thabhairt duit ar bhonn laethúil maidir le cúrsaí teicniúla agus riaracháin agus do chúram á chur chun feidhme agat.
Eagróidh Ard-Stiúrthóireacht na Soghluaisteachta agus an Iompair cruinnithe tráthrialta idir na Comhordaitheoirí Eorpacha chun gur féidir faisnéis agus taithí a chomhroinnt.
Beidh dlínse eisiach ag cúirteanna na Beilge i leith aon díospóid a bhaineann le bailíocht, cur i bhfeidhm nó léirmhíniú an chonartha seo. Rialaítear an conradh seo le dlí na Beilge.
Litir shainordaithe don Chomhordaitheoir Eorpach le haghaidh
Chonair Iompair Eorpach Mhuir Bhailt – na Mara Duibhe – na Mara Aeigéiche
Le Rialachán (AE) 2024/1679 ó Pharlaimint na hEorpa agus ón gComhairle (4), déantar foráil maidir le Comhordaitheoirí Eorpacha a cheapadh a bheidh freagrach as cur chun feidhme na gConairí Iompair Eorpacha agus an dá thosaíocht chothrománacha, is iad sin an Spás Eorpach Muirí agus an Córas Eorpach um Bainistiú Tráchta Iarnróid (ERTMS).
Leis an gcur chuige maidir le conair, is féidir comhar éifeachtúil a bheith ann idir na príomhghníomhaithe i mbainistiú na dtionscadal trasteorann agus na dtionscadal náisiúnta araon a bhfuil ábharthacht Eorpach ag baint leo agus atá suite ar an gconair. Cuimsíonn na Conairí Iompair Eorpacha na modhanna iompair uile, arb é is aidhm do na Conairí éifeachtúlacht leathan sa chóras iompair Eorpach a mhéadú. Dá bhrí sin, tá ról mór ag cur in úsáid na gConairí Iompair Eorpacha ó thaobh spriocanna polaitiúla an Aontais maidir leis an aistriú iompair inbhuanaithe a bhaint amach agus maidir le geilleagar na hEorpa a threisiú.
Tá freagracht glactha agat mar Chomhordaitheoir Eorpach le haghaidh Chonair Iompair Eorpach Mhuir Bhailt – na Mara Duibhe – na Mara Aeigéiche. Téann an chonair ó Heilsincí na Fionlainne ó thuaidh, trasna na hEastóine, na Laitvia agus na Liotuáine trí Gdansk agus Vársá go dtí an Pholainn Theas. Uaidh sin, téann an líonra go Lviv na hÚcráine agus Chișinău na Moldóive go cathair chalafoirt Odesa na hÚcráine ar an Muir Dhubh. Téann stráice eile ón tSlóvaic agus ón Ungáir go dtí an Rómáin agus ina dhiaidh sin go dtí an Bhulgáir agus an Ghréig. Ceanglaítear an Chipir leis freisin le nasc Spáis Eorpaigh Muirí. Cumhdaíonn an chonair iarnród, bóithre, aerfoirt, calafoirt agus críochfoirt iarnróid–bóthair. Is iad na príomhthionscadail tionscadal Rail Blatica agus an nasc leis an Úcráin agus an Mholdóiv.
Tá an Coimisiún cinnte go mbeidh do thacaíocht, a bhfuil sé ag brath go mór uirthi, ríthábhachtach chun go mbeidh rath leanúnach ar na Conairí Iompair Eorpacha agus ar na tosaíochtaí cothrománacha.
Misean
Is é is aidhm d’obair an Chomhordaitheora Eorpaigh forbairt fhoriomlán na conaire a chur chun cinn trí ghníomhaíochtaí comhordaithe spriocdhírithe, go háirithe i ndáil le hinfheistíocht tionscadail (oibreacha a shioncrónú, cistiú náisiúnta agus cistiú ón Aontas a leithdháileadh) agus, de réir mar is iomchuí, gníomhaíochtaí sonracha eile chun córas iompair atá iomaíoch agus tíosach ar acmhainní a chur chun cinn. Chun na críche sin, éascóidh an Comhordaitheoir Eorpach comhar idir na Ballstáit lena mbaineann, treoróidh sé rannpháirtíocht na bpáirtithe leasmhara ábhartha laistigh d’Fhóram na Conaire agus tacóidh sé le hullmhú agus le cur chun feidhme ghníomhartha cur chun feidhme an Choimisiúin dá dtagraítear in Airteagal 55 de Rialachán AE 2024/1679, ar bhonn pleananna oibre conaire dá dtagraítear in Airteagal 54 den Rialachán sin.
Sna dualgais a bheidh ort, dualgais a eascraíonn as na cinn a leagtar síos in Airteagal 52(5), (6) agus (7) de Rialachán (AE)2024/1679, áireofar na cinn seo a leanas:
|
— |
anailís a dhéanamh ar staid an chomhlíonta agus tacú le cur chun feidhme comhordaithe Chonair Iompair Eorpach Mhuir Bhailt – na Mara Duibhe – na Mara Aeigéiche i gcomhréir le caighdeáin an ghréasáin thras-Eorpaigh iompair (GTE-I); |
|
— |
i gcomhréir le hAirteagal 54(1), agus (2) de Rialachán (AE) 2024/1679, plean oibre a tharraingt suas, faoin 19 Iúil 2026 ar a dhéanaí agus gach 4 bliana ina dhiaidh sin, in éineacht leis na Ballstáit lena mbaineann agus, i gcás inarb ábhartha, i gcomhairle le tíortha comharsanacha, atá mar chuid de Chonair Iompair Eorpach Mhuir Bhailt – na Mara Duibhe – na Mara Aeigéiche; |
|
— |
tuarascáil stádais bhliantúil a chur faoi bhráid Pharlaimint na hEorpa, na Comhairle, an Choimisiúin agus na mBallstáit lena mbaineann faoin dul chun cinn atá déanta i gcur chun feidhme Chonair Iompair Eorpach Mhuir Bhailt – na Mara Duibhe – na Mara Aeigéiche; díreofar sa tuarascáil stádais bhliantúil sin ar an dul chun cinn a dhéanfar ar phríomhthosaíochtaí agus ar phríomhinfheistíochtaí, tabharfar tuairisc inti ar an gcineál fadhbanna a tháinig chun cinn ina gcur chun feidhme agus molfar réitigh; |
|
— |
tacaíocht a chur ar fáil do na Ballstáit, agus, i gcás inarb iomchuí, do thíortha comharsanacha ábhartha, chun an plean oibre a chur chun feidhme; |
|
— |
i gcomhréir le hAirteagal 53(2) de Rialachán (AE) 2024/1679, Fóram na Conaire, atá comhdhéanta de pháirtithe leasmhara bainistíochta bonneagair, a bhunú go foirmiúil agus cathaoirleacht a dhéanamh air. Tiocfaidh an fóram le chéile go tráthrialta le linn do shainordaithe; |
|
— |
dul i gcomhairle le Fóram na Conaire maidir leis an bplean oibre agus an Fóram a chur ar an eolas go tráthrialta maidir lena chur chun feidhme; |
|
— |
nuair is gá, roinnt meithleacha a chur ar bun agus cathaoirleacht a dhéanamh orthu, ar meithleacha iad a thuairiscíonn d’Fhóram na Conaire, i gcomhréir le hAirteagal 53(4) de Rialachán (AE) 2024/1679; |
|
— |
na misin uile is gá a dhéanamh maidir leis na príomhchathracha, na réigiúin agus na nóid uirbeacha ábhartha atá suite ar an gconair iompair; |
|
— |
obair leantach a dhéanamh ar chur chun feidhme agus ar chomhordú an phlean oibre agus an ghnímh cur chun feidhme ón gCoimisiún atá bunaithe air sin chomh maith le gníomhartha cur chun feidhme sonracha eile le haghaidh stráicí trasteorann i gcás inarb infheidhme; |
|
— |
nuair is iomchuí, dul i gcomhairle le húdaráis réigiúnacha agus áitiúla, le bainisteoirí bonneagair, le hoibreoirí iompair, go háirithe leo siúd ar comhaltaí den rialachas lasta iarnróid iad, leis an tionscal soláthair, le húsáideoirí iompair agus le páirtithe leasmhara ábhartha i ndáil leis an bplean oibre agus lena chur chun feidhme; |
|
— |
tuairisciú do na Ballstáit, don Chomhairle, do na tíortha comharsanacha atá mar chuid de Chonair Iompair Eorpach Mhuir Bhailt – na Mara Duibhe – na Mara Aeigéiche, do Pharlaimint na hEorpa agus don Choimisiún, chomh maith le haon eintiteas eile a bhfuil baint acu le Conair Iompair Eorpach Mhuir Bhailt – na Mara Duibhe – na Mara Aeigéiche a fhorbairt, maidir le deacrachtaí a tháinig chun cinn agus maidir le réitigh atá beartaithe; |
|
— |
dul i ndlúthchomhar leis na Ballstáit agus leis an rialachas lasta iarnróid chun tosaíochtaí agus riachtanais infheistíochta a shainaithint maidir le lasta iarnróid ar línte lasta iarnróid Chonair Iompair Eorpach Mhuir Bhailt – na Mara Duibhe – na Mara Aeigéiche, agus an tairbhe a sholáthraítear don ghréasán tras-Eorpach iompair agus na dátaí críochnaithe foriomlána mar a leagtar amach i Rialachán (AE) 2024/1679 á gcur san áireamh, gan dochar d’inniúlacht an rialachais lasta iarnróid faoi Rialachán (AE) Uimh. 913/2010 ó Pharlaimint na hEorpa agus ón gComhairle (5) ná d’inniúlacht na mBallstát maidir le bonneagar a bhainistiú agus a mhaoiniú; |
|
— |
faireachán a dhéanamh ar fheidhmíocht na seirbhísí lasta iarnróid, agus bacainní a d’fhéadfadh a bheith ann a shainaithint, amhail bacainní teicniúla, riaracháin agus oibríochtúla, agus béim ar leith á leagan ar an ngné thrasteorann, agus moltaí a dhéanamh ina leith sin, i gcás inarb ábhartha; |
|
— |
dul i ndlúthchomhar leis na Ballstáit lena mbaineann chun cuidiú tosaíochtaí agus riachtanais infheistíochta a shainaithint do línte paisinéirí iarnróid Chonair Iompair Eorpach Mhuir Bhailt – na Mara Duibhe – na Mara Aeigéiche; |
|
— |
faireachán a dhéanamh ar fheidhmíocht na seirbhísí paisinéirí iarnróid, agus bacainní a d’fhéadfadh a bheith ann a shainaithint, amhail bacainní teicniúla, riaracháin agus oibríochtúla, agus béim ar leith á leagan ar na gnéithe trasteorann, agus moltaí a dhéanamh ina leith sin, i gcás inarb ábhartha; |
|
— |
dul i ndlúthchomhar leis na Ballstáit lena mbaineann chun teagmhálacha agus comhordú a éascú, i gcás inarb ábhartha, idir ionadaithe muirí agus ionadaithe uiscebhealaí intíre d’fhonn a sineirgí a mhéadú; |
|
— |
a fhíorú an bhfuil tionscadail arna mbeartú ag na Ballstáit, nó ag tíortha comharsanacha, i gcás inarb infheidhme, le haghaidh cómhaoiniú faoin tSaoráid um Chónascadh na hEorpa (SCE) comhsheasmhach le tosaíochtaí an phlean oibre; |
|
— |
dul i gcomhar le tíortha comharsanacha agus iad a thabhairt isteach i ngníomhaíochtaí conaire, amhail Fóram na Conaire nó meithleacha; |
|
— |
dul i gcomhar le heagraíochtaí idirnáisiúnta, le haghaidh gníomhaíochtaí a bhaineann leis an gconair a shíneann go tíortha comharsanacha atá ina gcomhaltaí de na heagraíochtaí idirnáisiúnta sin. |
Dá bhrí sin, beidh do chúram mar Chomhordaitheoir Eorpach an-éagsúil agus beidh sé an-tábhachtach don Aontas agus don tionscadal foriomlán i gcomhthéacs chlársceidealú an chistithe agus an idirphlé pholaitiúil leis na Ballstáit chun a chur ar a gcumas do na Ballstáit aon deacracht a bhaineann le cur i gcrích na dtionscadal bonneagair éagsúil a shárú.
Rialacha agus nósanna imeachta
Beidh an cúram mar Chomhordaitheoir Eorpach ort ar feadh tréimhse 4 bliana ag tosú ar dháta theacht i bhfeidhm Chinneadh (AE) 2025/1874 ón gCoimisiún (6) agus féadfar é a athnuachan trí chomhaontú frithpháirteach.
Féadfaidh an Coimisiún tréimhse do shainordaithe a athrú tráth ar bith ar a thionscnamh féin nó arna iarraidh sin duit. Forchoimeádann an Coimisiún an ceart deireadh a chur le do shainordú tráth ar bith.
Agus do chuid cúraimí á gcomhlíonadh agat, ní dhéanfaidh tú gealltanais thar ceann an Choimisiúin gan comhaontú i scríbhinn a fháil uaidh roimh ré. Dá réir sin, gníomhóidh tú go neamhchlaonta, ar bhealach neamhspleách agus rúnda agus cuirfidh tú do chuid eolais ghairmiúil agus scileanna gairmiúla i bhfeidhm chomh maith agus is féidir leat chun leas an Aontais agus chun a leasa sin amháin.
Seachnóidh tú aon chás a mbeadh coinbhleacht leasa mar thoradh air maidir leis na réimsí ina n-iarrtar ort idirghabháil a dhéanamh. Cuirfidh tú an Coimisiún ar an eolas láithreach faoi aon choinbhleacht leasa a thiocfaidh chun cinn le linn do théarma oifige.
Ina theannta sin, ní úsáidfidh tú ná ní sceithfidh tú aon doiciméad ná faisnéis a gheobhaidh tú le linn do chuid dualgas a chomhlíonadh, mura bhfuil an fhaisnéis sin san fhearann poiblí cheana. Beidh na torthaí uile a chuirfidh tú ar fáil faoi úinéireacht an Aontais, agus féadfaidh an tAontas iad a úsáid nó iad a fhoilsiú de réir mar is cuí leis.
Agus do chúram á chomhlíonadh agat, deonófar liúntas míosúil ar ráta comhréidh EUR 3 000 duit chun na costais a bhaineann le cúnamh rúnaíochta a chumhdach, i gcás nach soláthraíonn seirbhísí an Choimisiúin é go díreach (costais a bhaineann le cumarsáid, troscán oifige éagsúil, spás oifige), agus costais a bhaineann le hionadaíocht ar mhisin taistil i gcomhréir le rialacha an Choimisiúin.
Is é an Stiúrthóir um Infheistíocht, Iompar Nuálach agus Inbhuanaithe an duine teagmhála a bheidh agat in Ard-Stiúrthóireacht na Soghluaisteachta agus an Iompair. Is féidir leis an gCoimisiún a dhearbhú duit, roimh ré, go mbeidh lántacaíocht agat ón Stiúrthóir agus ó na baill foirne a bheidh ainmnithe chun cúnamh a thabhairt duit ar bhonn laethúil maidir le cúrsaí teicniúla agus riaracháin agus do chúram á chur chun feidhme agat.
Eagróidh Ard-Stiúrthóireacht na Soghluaisteachta agus an Iompair cruinnithe tráthrialta idir na Comhordaitheoirí Eorpacha chun gur féidir faisnéis agus taithí a chomhroinnt.
Beidh dlínse eisiach ag cúirteanna na Beilge i leith aon díospóid a bhaineann le bailíocht, cur i bhfeidhm nó léirmhíniú an chonartha seo. Rialaítear an conradh seo le dlí na Beilge.’
(1) Rialachán (AE) 2024/1679 ó Pharlaimint na hEorpa agus ón gComhairle an 13 Meitheamh 2024 maidir le treoirlínte an Aontais chun an gréasán tras-Eorpach iompair a fhorbairt, lena leasaítear Rialacháin (AE) 2021/1153 agus (AE) Uimh. 913/2010 agus lena n-aisghairtear Rialachán (AE) Uimh. 1315/2013 (IO L, 2024/1679, 28.6.2024, ELI: http://data.europa.eu/eli/reg/2024/1679/oj).
(2) Rialachán (AE) Uimh. 913/2010 ó Pharlaimint na hEorpa agus ón gComhairle an 22 Meán Fómhair 2010 maidir le gréasán Eorpach iarnróid i gcomhair lasta iomaíoch (IO L 276, 20.10.2010, lch. 22, ELI: http://data.europa.eu/eli/reg/2010/913/oj).
(3) Rialachán (AE) 2025/1874 ó Pharlaimint na hEorpa agus ón gComhairle an 12 Meán Fómhair 2025 lena leasaítear Cinneadh (AE) 2024/2383 a mhéid a bhaineann le hainmniú Comhordaitheoirí Eorpacha le haghaidh Chonairí Iompair Eorpacha an Atlantaigh, na Réine-na Danóibe, agus Mhuir Bhailt – na Mara Duibhe – na Mara Aeigéiche agus le socruithe mionsonraithe a leagan síos maidir lena misean agus a gcúraimí a fheidhmiú (IO L 2025/1874, 15.9.2025, ELI: http://data.europa.eu/eli/dec/2025/1874/oj).
(4) Rialachán (AE) 2024/1679 ó Pharlaimint na hEorpa agus ón gComhairle an 13 Meitheamh 2024 maidir le treoirlínte an Aontais chun an gréasán tras-Eorpach iompair a fhorbairt, lena leasaítear Rialacháin (AE) 2021/1153 agus (AE) Uimh. 913/2010 agus lena n-aisghairtear Rialachán (AE) Uimh. 1315/2013 (IO L, 2024/1679, 28.6.2024, ELI: http://data.europa.eu/eli/reg/2024/1679/oj).
(5) Rialachán (AE) Uimh. 913/2010 ó Pharlaimint na hEorpa agus ón gComhairle an 22 Meán Fómhair 2010 maidir le gréasán Eorpach iarnróid i gcomhair lasta iomaíoch (IO L 276, 20.10.2010, lch. 22, ELI: http://data.europa.eu/eli/reg/2010/913/oj).
(6) Rialachán (AE) 2025/1874 ó Pharlaimint na hEorpa agus ón gComhairle an 12 Meán Fómhair 2025 lena leasaítear Cinneadh (AE) 2024/2383 a mhéid a bhaineann le hainmniú Comhordaitheoirí Eorpacha le haghaidh Chonairí Iompair Eorpacha an Atlantaigh, na Réine-na Danóibe, agus Mhuir Bhailt – na Mara Duibhe – na Mara Aeigéiche agus le socruithe mionsonraithe a leagan síos maidir lena misean agus a gcúraimí a fheidhmiú (IO L 2025/1874, 15.9.2025, ELI: http://data.europa.eu/eli/dec/2025/1874/oj).
ELI: http://data.europa.eu/eli/dec/2025/1874/oj
ISSN 1977-0839 (electronic edition)