(1)

Rinneadh an Coinbhinsiún Custaim um iompar idirnáisiúnta earraí faoi chumhdach carnets TIR an 14 Samhain 1975 (“Coinbhinsiún TIR”) a fhormheas thar ceann Chomhphobal Eacnamaíochta na hEorpa le Rialachán (CEE) Uimh. 2112/78 (1) ón gComhairle agus tháinig sé i bhfeidhm, a mhéid a bhaineann leis an gComhphobal, an 20 Meitheamh 1983.

(2)

Foilsíodh leagan comhdhlúite de Choinbhinsiún TIR mar Iarscríbhinn a ghabhann le Cinneadh 2009/477/CE ón gComhairle (2). Leis an gCinneadh sin, déantar foráil go bhfoilseoidh an Coimisiún leasuithe a dhéanfar amach anseo ar Choinbhinsiún TIR in Iris Oifigiúil an Aontais Eorpaigh ina léireofar dáta a dteacht i bhfeidhm.

(3)

De bhun Choinbhinsiún TIR, féadfaidh an Coiste Riaracháin arna bhunú ag Coinbhinsiún TIR (an “Coiste Riaracháin”) leasuithe ar Choinbhinsiún TIR agus ar na hIarscríbhinní a ghabhann leis a ghlacadh ag tromlach dhá thrian dá chomhaltaí a bheidh i láthair agus i mbun vótála.

(4)

An Coiste Riaracháin, le linn a 74ú seisiún an 9-12 Feabhra 2021 nó ag seisiún níos faide anonn, tá sé le roinnt leasuithe a ghlacadh ar na hIarscríbhinní a ghabhann le Coinbhinsiún TIR.

(5)

D’fhonn an leasú a glacadh roimhe seo ar Airteagal 18 de Choinbhinsiún TIR a chur san áireamh, ar leasú é a mhéadaigh líon iomlán na n-oifigí custaim, a bhféadfadh baint a bheith acu le hoibríocht TIR, is gá Iarscríbhinn 1 a ghabhann le Coinbhinsiún TIR a leasú, agus leagan amach Leagan 1 agus Leagan 2 de shamhail Carnet TIR a nuashonrú.

(6)

Maidir leis an seasamh atá le glacadh thar ceann an Aontais sa Choiste Riaracháin a mhéid a bhaineann leis na leasuithe ar Choinbhinsiún TIR, is iomchuí an seasamh sin a bhunú mar go mbeidh na leasuithe sin ceangailteach ar an Aontas.

(7)

Dá bhrí sin, ba cheart an seasamh an Aontais sa Choiste Riaracháin a bheith bunaithe ar na dréachtleasuithe atá i gceangal leis an gCinneadh seo,