31963D0491



Official Journal 130 , 24/08/1963 P. 2303 - 2304
Finnish special edition: Chapter 1 Volume 1 P. 0025
Danish special edition: Series I Chapter 1963-1964 P. 0045
Swedish special edition: Chapter 1 Volume 1 P. 0025
English special edition: Series I Chapter 1963-1964 P. 0050
Greek special edition: Chapter 01 Volume 4 P. 0000
Spanish special edition: Chapter 01 Volume 6 P. 0003
Portuguese special edition Chapter 01 Volume 6 P. 0003


Id-Deċiżjoni

ta' l-10 ta' Lulju 1963

li tispeċifika l-istituzzjoni responsabbli mill-pagament ta' benefiċċji previsti fl-iskema tal-pensjonijiet

(63/46/Euratom)

(63/491/KEE)

IL-KUNSILL TAL-KOMUNITÀ EWROPEA GĦALL-ENERĠIJA ATOMIKA,

IL-KUMITAT TAL-PRESIDENTI TAL-KOMUNITÀ EWROPEA TAL-FAĦAM U L-AZZAR,

Il-KUNSILL TAL-KOMUNITÀ EKONOMIKA EWROPEA,

Wara li kkunsidraw ir-Regolament dwar ir-Regolamenti tal-Persunal għall-Uffiċjali u l-Kondizzjonijiet ta' l-Impieg applikabbli għall-aġenti l-oħra tal-Komunità' Ewropea tal-Faħam u l-Azzar, u b'mod partikolari l-Artikolu 45 ta' l-Anness VIII tar-Regolamenti tal-Persunal u l-Artikolu 43 tal-Kondizzjonijiet ta' l-Impieg:

Wara li kkunsidraw r-Regolament Nru 31 (KEE), 11 (KEEA) dwar ir-Regolamenti tal-Persunal għall-Uffiċjali u l-Kondizzjonijiet ta' l-Impieg applikabbli għall-aġenti l-oħra tal-Komunità Ekonomika Ewropea u tal-Komunità Ewropea għall-Enerġija Atomika, [1] u b'mod partikolari l-Artikolu 45 ta' l-Anness VIII tar-Regolamenti taL-Persunal u l-Artikolu 43 tal-Kondizzjonijiet ta' l-Impieg:

IDDEĊIDEW KIF ĠEJ:

Artikolu 1

L-istituzzjonijiet speċifikati hawn taħt għandhom ikunu responsabbli għall-pagament tal-benefiċċji previsti fl-iskema tal-pensjonijiet għall-uffiċjali u taħt it-Titolu II, Kapitlu 6, Taqsimiet B u Ċ tal-Kondizzjonijiet ta' l-Impieg applikabbli għall-aġenti oħra tal-Komunitajiet:

1. Għall-uffiċjali u l-persunal fuq bażi temporanja tal-Kummissjoni tal-Komunità Ewropea:

Il-Kummissjoni tal-Komunità Ekonomika Ewropea:

2. Għall-uffiċjali u l-persunal fuq bażi temporanja tal-Kummissjoni tal-Komunità Ewropea għall-Enerġija Atomika:

Il-Kummissjoni tal-Komunità Ewropea għall-Enerġija Atomika:

3. Għall-uffiċjali u l-persunal fuq bażi temporanja ta' l-Awtorità Għolja:

L-Awtorità Għolja (Fond tal-Pensjoni):

4. Għall-uffiċjali ta' l-istituzzjoniet jew organi komuni li għalihom japplikaw id-dispożizzjonijiet transitorji tar-regolamenti tal-persunal tal-Komunità Ewropea tal-Faħam u l-Azzar:

L-Awtorità Għolja (Fond tal-Pensjoni):

5. Għal uffiċjali oħra u persunal fuq bażi temporanja ta' l-istituzzjonijiet jew aġenziji komuni:

Il-Kummissjoni tal-Komunità Ekonomika Ewropea.

Artikolu 2

Din id-Deċiżjoni għandha tidħol fis-seħħ fl-1 ta' Jannar 1962.

Magħmula, fl-10 ta' Lulju 1963.

Għall-Kumitat tal-Presidenti

Il-President

A. M. Donner

Għall-Kunsill

Il-President

J. M. A. H. Luns

[1] ĠU C 45, ta' l-14.6.1962, p. 1385.

--------------------------------------------------