Iris Oifigiúil
an Aontais Eorpaigh
GA
Sraith C
|
|
Iris Oifigiúil |
GA Sraith C |
|
C/2024/4628 |
18.7.2024 |
CINNEADH ÓN gCOMHAIRLE
an 15 Iúil 2024
lena gcuirtear síneadh le téarma oifige na gcathaoirleach ar dhá Bhord Achomhairc de chuid Oifig Maoine Intleachtúla an Aontais Eorpaigh
(C/2024/4628)
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2017/1001 ó Pharlaimint na hEorpa agus ón gComhairle an 14 Meitheamh 2017 maidir le trádmharc an Aontais Eorpaigh (1) agus go háirithe Airteagal 166(1) agus (3) de,
De bharr an mhéid seo a leanas:
|
(1) |
An 21 Samhain 2023, chinn Bord Bainistíochta Oifig Maoine Intleachtúla an Aontais Eorpaigh (EUIPO) a mholadh don Chomhairle síneadh a chur le téarma oifige Gordon HUMPHREYS mar chathaoirleach ar Bhord Achomhairc de chuid EUIPO. Ba cheart gur ar feadh tréimhse bhreise 5 bliana dar tús an 1 Meán Fómhair 2024 a mhairfeadh an síneadh sin, nó go dtí aois scoir má bhaintear an aois sin amach le linn an téarma oifige nua. |
|
(2) |
An 4 Meitheamh 2024, chinn Bord Bainistíochta EUIPO a mholadh don Chomhairle síneadh a chur le téarma oifige Virginia MELGAR mar chathaoirleach ar Bhord Achomhairc de chuid EUIPO. Ba cheart gur ar feadh tréimhse bhreise 5 bliana dar tús an 1 Aibreán 2025 a mhairfeadh an síneadh sin, nó go dtí aois scoir má bhaintear an aois sin amach le linn an téarma oifige nua, |
TAR ÉIS AN CINNEADH SEO A GHLACADH:
Airteagal 1
Leis seo, cuirtear síneadh le téarma oifige Gordon HUMPHREYS mar chathaoirleach ar Bhord Achomhairc de chuid EUIPO ar feadh tréimhse 5 bliana dar tús an 1 Meán Fómhair 2024, nó go dtí aois scoir má bhaintear an aois sin amach le linn an téarma nua oifige.
Airteagal 2
Leis seo, cuirtear síneadh le téarma oifige Virginia MELGAR mar chathaoirleach ar Bhord Achomhairc de chuid EUIPO ar feadh tréimhse 5 bliana dar tús an 1 Aibreán 2025, nó go dtí aois scoir má bhaintear an aois sin amach le linn an téarma oifige nua.
Airteagal 3
Tiocfaidh an Cinneadh seo i bhfeidhm ar dháta a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, 15 Iúil 2024.
Thar ceann na Comhairle
An tUachtarán
NAGY I.
ELI: http://data.europa.eu/eli/C/2024/4628/oj
ISSN 1977-107X (electronic edition)