(1)

Le Rialachán (CE) Uimh. 599/2009 (5), d’fhorchuir an Chomhairle dleacht frithchúitimh chinntitheach, ó EUR 0 go EUR 198 in aghaidh an tona, ar allmhairí eistir mhona-ailcile aigéid shailligh agus/nó gás-ola pairifíní a fhaightear ó shintéis agus/nó ó hidreachóireáil, de thionscnamh neamh-iontaise, ar a dtugtar “bithdhíosal” go coitianta, i bhfoirm íon nó i gcumasc ina bhfuil, de réir meáchain, níos mó ná 20 % d’eistir mhona-ailcile aigéid shailligh agus/nó gás-ola phairifíneach a fhaightear ó shintéis agus/nó ó hidreachóireáil, de thionscnamh neamh-iontaise, ar de thionscnamh Stáit Aontaithe Mheiriceá (“SAM”) iad. An dleacht frithdhumpála a forchuireadh leis an Rialachán sin, tabharfar “na bearta bunaidh” air anseo feasta. An t-imscrúdú ar forchuireadh na bearta bunaidh mar thoradh air, tabharfar “an t-imscrúdú frithdhumpála bunaidh” air anseo feasta.

(2)

Le Rialachán Cur Chun Feidhme (AE) Uimh. 444/2011 ón gComhairle (6), leathnaigh an Chomhairle, tar éis imscrúdú frith-imchéimniúcháin, an dleacht frithdhumpála chinntitheach arna forchur le Rialachán (CE) Uimh. 599/2009, chun allmhairí bithdhíosail arna gcur chun bealaigh ó Cheanada a chumhdach, bíodh dearbhú ann gur de thionscnamh Cheanada iad nó nach bíodh. Leis an Rialachán céanna, leathnaigh an Chomhairle an dleacht frithdhumpála chinntitheach arna forchur le Rialachán (CE) Uimh. 599/2009, chun go gcumhdófaí allmhairí bithdhíosail i gcumasc ina bhfuil, de réir meáchain, 20 % nó níos lú d’eistir mhona-ailcile aigéid shailligh agus/nó gás-ola phairifíneach a fhaightear ó shintéis agus/nó ó hidreachóireáil de thionscnamh neamh-iontaise, ar de thionscnamh SAM iad.

(3)

Na bearta atá i bhfeidhm faoi láthair, is bearta iad a forchuireadh le Rialachán Cur Chun Feidhme (AE) 2021/1266 tar éis imscrúdú athbhreithniúcháin éaga ar na bearta frithdhumpála bunaidh. Is méideanna socraithe iad na dleachtanna atá i bhfeidhm, agus iad idir EUR 0 in aghaidh an tona agus EUR 198 in aghaidh an tona ar allmhairí ó na táirgeoirí onnmhairiúcháin sampláilte, EUR 115,6 in aghaidh an tona ar allmhairí ó na cuideachtaí comhoibríocha nár sampláladh, agus méid socraithe EUR 172,2 in aghaidh an tona ar allmhairí ó gach cuideachta eile.

(4)

Le hAirteagal 4(2) de Rialachán Cur Chun Feidhme (AE) 2021/1266, foráiltear maidir leis an méid seo a leanas: ‘I gcomhréir le hAirteagal 13(4) de Rialachán (AE) 2016/1036, féadfaidh an Coimisiún, tar éis dó dul i gcomhairle leis an gCoiste Comhairleach, a údarú, le cinneadh, go ndéanfar allmhairí ó chuideachtaí nach dtéann timpeall ar na bearta frithdhumpála a fhorchuirtear le hAirteagal 1, a dhíolmhú ón ndleacht a leathnaítear le hAirteagal 2(1) agus Airteagal 3(1).’

(5)

Le Rialachán (CE) Uimh. 598/2009 (7), d’fhorchuir an Chomhairle dleacht frithchúitimh chinntitheach, ó EUR 211,2 go EUR 237 in aghaidh an tona, ar allmhairí eistir mhona-ailcile aigéid shailligh agus/nó gás-ola pairifíní a fhaightear ó shintéis agus/nó ó hidreachóireáil, de thionscnamh neamh-iontaise, ar a dtugtar “bithdhíosal” go coitianta, i bhfoirm íon nó i gcumasc ina bhfuil, de réir meáchain, níos mó ná 20 % d’eistir mhona-ailcile aigéid shailligh agus/nó gás-ola phairifíneach a fhaightear ó shintéis agus/nó ó hidreachóireáil, de thionscnamh neamh-iontaise, ar de thionscnamh Stáit Aontaithe Mheiriceá (“SAM”) iad. An dleacht frithchúitimh a forchuireadh leis an Rialachán sin, tabharfar “na bearta frithchúitimh bunaidh” uirthi anseo feasta. An t-imscrúdú ar forchuireadh na bearta frithchúitimh bunaidh mar thoradh air, tabharfar “an t-imscrúdú frithchúitimh bunaidh” air anseo feasta.

(6)

Le Rialachán Cur Chun Feidhme (AE) Uimh. 443/2011 ón gComhairle (8), leathnaigh an Chomhairle, tar éis imscrúdú frith-imchéimniúcháin, an dleacht frithchúitimh chinntitheach arna forchur le Rialachán (CE) Uimh. 598/2009, chun allmhairí bithdhíosail arna gcur chun bealaigh ó Cheanada a chumhdach, bíodh dearbhú ann gur de thionscnamh Cheanada iad nó nach bíodh. Leis an Rialachán céanna, leathnaigh an Chomhairle an dleacht frithchúitimh chinntitheach arna forchur le Rialachán (CE) Uimh. 598/2009, chun go gcumhdófaí allmhairí bithdhíosail i gcumasc ina bhfuil, de réir meáchain, 20 % nó níos lú d’eistir mhona-ailcile aigéid shailligh agus/nó gás-ola phairifíneach a fhaightear ó shintéis agus/nó ó hidreachóireáil, de thionscnamh neamh-iontaise, ar de thionscnamh SAM iad.

(7)

Na bearta atá i bhfeidhm faoi láthair, is bearta iad a forchuireadh le Rialachán Cur Chun Feidhme (AE) 2021/1267 tar éis imscrúdú athbhreithniúcháin éaga ar na bearta frithchúitimh bunaidh. Is méideanna seasta iad na dleachtanna frithchúitimh atá i bhfeidhm faoi láthair, ar méideanna iad ó EUR 211,2 go EUR 237 in aghaidh an tona ghlan ar allmhairí ó na táirgeoirí onnmhairiúcháin.

(8)

Le hAirteagal 4(2) de Rialachán Cur Chun Feidhme (AE) 2021/1267, foráiltear maidir leis an méid seo a leanas: ‘I gcomhréir le hAirteagal 23(6) de Rialachán (AE) 2016/1037, féadfaidh an Coimisiún, tar éis dó dul i gcomhairle leis an gCoiste Comhairleach, a údarú, le cinneadh, go ndéanfar allmhairí ó chuideachtaí nach dtéann timpeall ar na bearta frithchúitimh a fhorchuirtear le hAirteagal 1, a dhíolmhú ón dleacht a leathnaítear le hAirteagal 2(1) agus Airteagal 3(1).’

(9)

An 7 Meán Fómhair 2021, fuair an Coimisiún Eorpach iarraidh ar dhíolúine ó na bearta frithdhumpála agus frithchúitimh is infheidhme maidir le hallmhairí bithdhíosail arna gcur chun bealaigh ó Cheanada, bíodh dearbhú ann gur de thionscnamh Cheanada iad nó ná bíodh. Is í an chuideachta Verbio Diesel Canada Corporation (“an t-iarratasóir”) a rinne an iarraidh.

(10)

Bhí fianaise san iarraidh gur táirgeoir onnmhairiúcháin nua é Verbio agus gur chomhlíon sé na critéir le haghaidh díolúine de bhun Airteagal 13(4) de Rialachán (AE) 2016/1036 (“an bun-Rialachán frithdhumpála”) agus Airteagal 23(6) de Rialachán (AE) 2016/1037 (“an bun-Rialachán frith-fhóirdheontais”), eadhon:

(11)

Chinn an Coimisiún gur leor an fhianaise a bhí san iarraidh chun údar cuí a thabhairt le himscrúdú a thionscnamh de bhun Airteagal 13(4) den bhun-Rialachán frithdhumpála agus de bhun Airteagal 23(6) den bhun-Rialachán frith-fhóirdheontais chun a chinneadh an féidir díolúine ó na bearta leathnaithe a dheonú don iarratasóir.

(12)

An 7 Nollaig 2021, le Rialachán Cur Chun Feidhme (AE) 2021/2157 (9), thionscain an Coimisiún athbhreithniú ar Rialacháin Cur Chun Feidhme (AE) 2021/1266 agus (AE) 2021/1267 chun a chinneadh an féidir díolúine ó na bearta leathnaithe a dheonú don iarratasóir. Leis an Rialachán céanna, d’aisghair an Coimisiún na dleachtanna frithdhumpála arna bhforchur le Rialachán Cur Chun Feidhme (AE) 2021/1266 a mhéid a bhaineann le hallmhairí bithdhíosail ag an iarratasóir, agus d’ordaigh sé do na húdaráis chustaim na céimeanna iomchuí a thabhairt chun na hallmhairí sin a chlárú.

(13)

D’iarr an Coimisiún ar na páirtithe leasmhara teagmháil a dhéanamh leis chun bheith rannpháirteach san imscrúdú athbhreithniúcháin. Bhí deis ag na páirtithe leasmhara uile barúil a thabhairt maidir le tionscnamh an imscrúdaithe agus éisteacht a iarraidh leis an gCoimisiún nó leis an Oifigeach Éisteachta in imeachtaí trádála, nó leis an dá cheann acu, laistigh den tréimhse ama a leagtar síos le Rialachán Cur Chun Feidhme (AE) 2021/2157. Ní bhfuarthas aon bharúil ná iarraidh ar éisteacht.

(14)

Is é atá sa táirge faoi athbhreithniú eistir mhona-ailcile aigéid shailligh agus/nó gás-ola phairifíneach a fhaightear ó shintéis agus/nó ó hidreachóireáil, de thionscnamh neamh-iontaise, ar a dtugtar “bithdhíosal” go coitianta, i bhfoirm íon nó i gcumasc ina bhfuil, de réir meáchain, níos mó ná 20 % d’eistir mhona-ailcile aigéid shailligh agus/nó gás-ola phairifíneach a fhaightear ó shintéis agus/nó ó hidreachóireáil, de thionscnamh neamh-iontaise, a chuirtear chun bealaigh ó Cheanada, bíodh dearbhú ann gur de thionscnamh Cheanada iad nó ná bíodh, atá faoi láthair faoi chóid CN ex 1516 20 98 (cód TARIC 1516209821), ex 1518 00 91 (cód TARIC 1518009121), ex 1518 00 99 (cód TARIC 1518009921), ex 2710 19 43 (cód TARIC 2710194321), ex 2710 19 46 (cód TARIC 2710194621), ex 2710 19 47 (cód TARIC 2710194721), ex 2710 20 11 (cód TARIC 2710201121), ex 2710 20 16 (cód TARIC 2710201621), ex 3824 99 92 (cód TARIC 3824999210), ex 3826 00 10 (cóid TARIC 3826001020, 3826001050, 3826001089) agus ex 3826 00 90 (cód TARIC 3826009011).

(15)

Chumhdaigh an t-imscrúdú an tréimhse ón 1 Aibreán 2009 go dtí an 30 Meán Fómhair 2021 (“tréimhse an imscrúdaithe athbhreithniúcháin”).

(16)

An 7 Nollaig 2021, d’iarr an Coimisiún ar an iarratasóir ceistneoir a chomhlánú chun go bhfaigheadh sé an fhaisnéis a mheas sé a bheith riachtanach le haghaidh a imscrúdaithe. Chuir an t-iarratasóir an freagra ar an gceistneoir isteach an 6 Eanáir 2022.

(17)

Maidir le critéar (a) dá dtagraítear in aithris (10), dhearbhaigh an fhianaise gur fíortháirgeoir bithdhíosail i gCeanada é an t-iarratasóir. Bunaíodh é in 2019, tar éis comhaontú um cheannach sócmhainní lenar cheannaigh sé gléasra táirgthe bithdhíosail a bhí ann cheana. Thairis sin, dhearbhaigh an t-imscrúdú nár thosaigh an t-iarratasóir ar bhithdhíosail a tháirgeadh go dtí mí Lúnasa 2019. Dá bhrí sin, níorbh ann don iarratasóir tráth na tréimhse imscrúdúcháin bunaidh agus níorbh fhéidir leis bithdhíosail a onnmhairiú chuig an Aontas le linn na tréimhse sin (1 Aibreán 2009 go dtí an 30 Meitheamh 2010). Dá bhrí sin, chomhlíon an t-iarratasóir critéar (a).

(18)

Maidir le critéar (b), dá dtagraítear in aithris (10), shuigh an Coimisiún, ar bhonn na ndoiciméad a chuir an t-iarratasóir isteach, gur onnmhairigh an t-iarratasóir bithdhíosal chuig an Aontas i mí Iúil 2021, i.e. tar éis na tréimhse imscrúdúcháin bunaidh. Dá bhrí sin, chomhlíon an t-iarratasóir critéar (b) freisin.

(19)

Maidir le critéar (c) dá dtagraítear in aithris (10), níor aimsigh an Coimisiún aon chruthúnas gur cheannaigh an t-iarratasóir aon bhithdhíosal ó SAM ó bunaíodh é in 2019 agus/nó go ndeachaigh sé i mbun cleachtais imchéimniúcháin. A mhalairt ar fad, bhí an Coimisiún in ann a shuí, ar bhonn na ndoiciméad a cuireadh isteach, gur fíortháirgeoir bithdhíosail i gCeanada é an t-iarratsóir.

(20)

Ar deireadh, shuigh an Coimisiún freisin, ar bhonn na ndoiciméad a chuir an t-iarratasóir isteach, nach bhfuil an t-iarratasóir gaolmhar le haon táirgeoir onnmhairiúcháin in SAM atá faoi réir na mbeart frithdhumpála nó frithchúitimh.

(21)

Dá bhrí sin, ba é conclúid an Choimisiúin gur chomhlíon an t-iarratasóir na critéir de bhun Airteagal 13(4) den bhun-Rialachán frithdhumpála agus Airteagal 23(6) den bhun-Rialachán frith-fhóirdheontais. Dá bhrí sin, ba cheart an t-iarratasóir a dhíolmhú ó na dleachtanna frithdhumpála agus frithchúitimh atá i bhfeidhm i gcomhréir le Rialachán Cur Chun Feidhme (AE) 2021/1266 agus Rialachán Cur chun Feidhme (AE) 2021/1267.

(22)

Dá réir sin, ba cheart Rialacháin Cur Chun Feidhme (AE) 2021/1266 agus (AE) 2021/1267 a leasú.

(23)

I bhfianaise na dtorthaí dá dtagraítear thuas, agus de bhun Airteagal 4(2) de Rialachán Cur Chun Feidhme (AE) 2021/1266 agus Rialachán Cur Chun Feidhme (AE) 2021/1267 faoi seach, ba é conclúid an Choimisiúin gur cheart an t-iarratasóir a chur le liosta na gcuideachtaí atá díolmhaithe ó na bearta frithdhumpála agus na bearta frithchúitimh a fhorchuirtear le Rialachán Cur Chun Feidhme (AE) 2021/1266 agus Rialachán Cur Chun Feidhme (AE) 2021/1267 faoi seach.

(24)

Cuireadh in iúl do na páirtithe leasmhara go raibh sé beartaithe ag an gCoimisiún Verbio a dhíolmhú ó na dleachtanna frithdhumpála agus frithchúitimh a fhorchuirtear ar bithdhíosal arna chur chun bealaigh ó Cheanada agus iarradh orthu barúil a thabhairt maidir leis sin. Ní bhfuarthas aon bharúil.

(25)

Tá na bearta dá bhforáiltear sa Rialachán seo i gcomhréir leis an tuairim ón gCoiste arna bhunú le hAirteagal 15(1) de Rialachán (AE) 2016/1036.