Tugtar an fhaisnéis a leanas ar aird na ndaoine dlítheanacha, na n-eintiteas agus na gcomhlachtaí atá faoi réir na mbeart sriantach dá bhforáiltear i gCinneadh 2014/512/CBES ón gComhairle (1), arna leasú le Cinneadh (CBES) 2026/1437 ón gComhairle (2), agus i Rialachán (AE) Uimh. 833/2014 ón gComhairle a bhaineann le bearta sriantacha i bhfianaise ghníomhaíochtaí na Rúise i ndíchobhsú staid na hÚcráine (3).

Tá cinneadh déanta ag Comhairle an Aontais Eorpaigh gur cheart na daoine dlítheanacha, na heintitis agus na comhlachtaí sin leanúint de bheith faoi réir na mbeart sriantach dá bhforáiltear i gCinneadh 2014/512/CBES agus i Rialachán (AE) Uimh. 833/2014 a bhaineann le bearta sriantacha i bhfianaise ghníomhaíochtaí na Rúise i ndíchobhsú staid na hÚcráine.

Féadfaidh na daoine dlítheanacha, na heintitis agus na comhlachtaí lena mbaineann iarraidh ar athbhreithniú an chinnidh chun leanúint dá gcoinneáil faoi réir na mbeart sriantach thuasluaite, a chur faoi bhráid na Comhairle, roimh an 18 Samhain 2026 , ag an seoladh seo a leanas:

Comhairle an Aontais Eorpaigh

An Ardrúnaíocht

RELEX.1

Rue de la Loi/Wetstraat 175

1048 Bruxelles/Brussel

BELGIQUE/BELGIË

ríomhphost: sanctions@consilium.europa.eu

Cuirfear aon bharúlacha a gheofar san áireamh chun críoch athbhreithniú na Comhairle ar na bearta sriantacha sula rachaidh Cinneadh 2014/512/CBES in éag.

Cuirtear in iúl do na daoine dlítheanacha, do na heintitis agus do na comhlachtaí lena mbaineann freisin gur féidir an cinneadh ón gComhairle a chonspóid os comhair Chúirt Ghinearálta an Aontais Eorpaigh, i gcomhréir leis na coinníollacha a leagtar síos in Airteagal 275, an dara mír, agus in Airteagal 263, an ceathrú agus an séú mír, den Chonradh ar Fheidhmiú an Aontais Eorpaigh.

---

(1)   IO L 229, 31.7.2014, lch. 13.

(2)   IO L, 2026/1437, 26.6.2026, ELI: http://data.europa.eu/eli/dec/2026/1437/oj.

(3)   IO L 229, 31.7.2014, lch. 1.