11.2.2009   

MT

Il-Ġurnal Uffiċjali tal-Unjoni Ewropea

L 40/26


DEĊIŻJONI TAL-KUMMISSJONI

tad-9 ta' Frar 2009

dwar l-organizzazzjoni ta’ esperiment temporanju li jipprovdi għal ċerti derogi għat-tqegħid fis-suq ta’ taħlitiet taż-żrieragħ intiżi għall-użu bħala pjanti tal-għalf skont id-Direttiva tal-Kunsill 66/401/KEE biex jiġi stabbilit jekk ċerti speċi li mhumiex imniżżla fid-Direttivi tal-Kunsill 66/401/KEE, 66/402/KEE, 2002/55/KE jew 2002/57/KE jissodisfawx ir-rekwiżiti biex ikunu inklużi fl-Artikolu 2(1)(A) tad-Direttiva 66/401/KEE

(notifikata taħt id-dokument numru C(2009) 724)

(Test b’relevanza għaż-ŻEE)

(2009/109/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 66/401/KEE tal-14 ta’ Ġunju 1966 dwar it-tqegħid fis-suq taż-żrieragħ tal-għalf (1), u b’mod partikolari l-Artikolu 13a tagħha,

Billi:

(1)

L-għarfien tradizzjonali tal-bdiewa flimkien ma’ riżultati riċenti mir-riċerka jindikaw li xi speċi tal-Leguminosae u tal-Plantago lanceolata li mhumiex imniżżla fid-Direttivi 66/401/KEE, 66/402/KEE (2), 2002/55/KE (3) jew 2002/57/KE (4) (minn issa ‘l quddiem “il-leġiżlazzjoni eżistenti”), b’mod partikolari meta użati ma’ taħlitiet ma’ speċi koperti mil-leġiżlazjoni eżistenti, huma interessanti għall-produzzjoni tal-għalf minħabba li jippermettu għalf bilanċjat għall-annimali tul is-sena filwaqt li, fl-istess ħin, jikkontribwixxu għar-riabilitazzjoni tal-ħamrija f’artijiet li jinħartu jew dawk li jinżergħu marġinalment. Dan jgħodd għall-Biserrula pelecinus, il-Lotus glaber, il-Lotus uliginosus, il-Medicago italica, il-Medicago littoralis, il-Medicago murex, il-Medicago polymorpha, il-Medicago rugosa, il-Medicago scutelatta, il-Medicago truncatula, l-Ornithopus compressus, l-Ornithopus sativus, il-Plantago lanceolata, it-Trifolium fragiferum, it-Trifolium glanduliferum, it-Trifolium hirtum, it-Trifolium michelianum, it-Trifolium squarrosum, it-Trifolium subterraneum, it-Trifolium vesiculosum, u l-Vicia benghalensis (minn issa ‘l quddiem “l-ispeċi msemmija fil-premessa 1”).

(2)

F’konformità mat-tieni inċiż tal-Artikolu 13(1) tad-Direttiva 66/401/KEE, huma biss iż-żrieragħ tal-ispeċi tal-pjanti mniżżla fil-leġiżlazzjoni eżistenti, bl-eċċezzjoni tal-varjetajiet imsemmija fl-Artikolu 4(2) tad-Direttiva tal-Kunsill 2002/53/KE (5), li jistgħu jitqiegħdu fis-suq madwar il-Komunità f’taħlitiet ta’ żrieragħ intiżi għall-użu bħala pjanti tal-għalf. Fin-nuqqas tal-possibilità li jitqiegħdu fis-suq taħlitiet ta’ żrieragħ li jkun fihom żerriegħa tal-ispeċi msemmija fil-premessa 1, il-bdiewa li jkunu jixtiequ jagħmlu użu minn dawk l-ispeċi jridu jġorruhom u jiżirgħuhom bħala speċi individwali, jew f’ċerti każi, jippreparaw taħlitiet huma stess fir-razzett, xi ħaġa li tinvolvi aktar spejjeż u xogħol. Barra minn hekk, hemm ir-riskju dejjem jikber li l-ispeċi differenti inklużi fit-taħlita jitqassmu b’mod mhux l-istess fl-għelieqi minħabba li t-taħlitiet ma jkunux tħejjew minn nies professjonali.

(3)

Biex l-ispeċi msemmija fil-premessa 1 jitħallew jitqiegħdu fis-suq f’taħlitiet bħal dawn tkun meħtieġa emenda fl-Artikolu 2(1)(A) tad-Direttiva 66/401/KEE billi wieħed jinkludi f’dik id-dipożizzjoni dawk l-ispeċi.

(4)

Biex tittieħed deċiżjoni dwar emenda bħal din lill-Artikolu 2(1)(A) tad-Direttiva 66/401/KEE, hu meħtieġ li tinġabar informazzjoni dwar it-tqegħid fis-suq ta’ taħlitiet li jinkludu l-ispeċi msemmija fil-premessa 1. Jeħtieġ li jiġi vverifikat, partikolarment, jekk fejn dawn l-ispeċi huma użati fit-taħlitiet, huwiex possibbli li wieħed jikkonferma b’kontroll ta’ wara uffiċjali li l-perċentwali ta’ żerriegħa ta’ kull komponent indikata fuq it-tikketta tal-pakkett tikkorrispondix mal-kompożizzjoni tat-taħlita u jekk it-taħlitiet tal-istess lott humiex omoġenji fil-pakketti kollha li tqiegħdu fis-suq. Fin-nuqqas ta’ dik l-informazzjoni, ma jkunx possibbli li l-utenti jingħataw garanzija li ż-żerriegħa tat-taħlitiet li fihom l-ispeċi msemmija fil-premessa 1 se tipprovdi riżultati ta’ kwalità għolja.

(5)

Għaldaqstant huwa xieraq li jiġi organizzat esperiment temporanju biex jiġi vverifikat jekk l-ispeċi msemmija fil-premessa 1 jissodisfawx ir-rekwiżiti biex jiġu inklużi fl-Artikolu 2(1)(A) tad-Direttiva 66/401/KEE.

(6)

L-Istati Membri li se jkunu qegħdin jipparteċipaw fl-esperiment għandhom jinħelsu mill-obbligi stipulati fit-tieni inċiż tal-Artikolu 13(1) tad-Direttiva 66/401/KEE fir-rigward tal-ispeċi msemmija fil-premessa 1. Għandhom jippermettu t-tqegħid fis-suq tat-taħlitiet li fihom dawk l-ispeċi b’ċerti kundizzjonijiet.

(7)

Huwa xieraq li wieħed jipprovdi għal rekwiżiti xierqa għaċ-ċertifikazzjoni tal-ispeċi msemmija fil-premessa 1 sabiex ikun żgurat li ż-żerriegħa ta’ dawn l-ispeċi tissodisfa l-istess rekwiżiti fl-Istati Membri kollha li qed jieħdu sehem. Dawn ir-rekwiżiti għandhom ikunu bbażati fuq il-kundizzjonijiet stipulati fl-Iskemi ta’ Ċertifikazzjoni tal-OECD għaċ-Ċertifikazzjoni Varjetali jew il-Kontroll taż-Żrieragħ intiżi għall-Kummerċ Internazzjonali (minn hawn ‘il quddiem: l-Iskemi tal-OECD) jew fl-istandards nazzjonali tal-Istat Membru fejn hija prodotta ż-żerriegħa.

(8)

Barra mill-kundizzjonijiet ġenerali pprovduti fid-Deċiżjoni tal-Kummissjoni 2004/371/KE tal-20 ta’ April 2004 dwar kundizzjonijiet għat-tqegħid fis-suq ta’ taħlitiet ta’ żrieragħ intiżi għall-użu bħala pjanti tal-għalf (6), għandhom jiġu stipulati kundizzjonijiet speċifiċi għat-tqegħid fis-suq ta’ taħlitiet inklużi fl-esperiment. Dawn il-kundizzjonijiet għandhom jiżguraw il-ġabra ta’ informazzjoni biżżejjed għall-evalwazzjoni tal-esperiment. Għaldaqstant huwa neċessarju li jiġu stipualti regoli dwar it-tikkettjar, il-monitoraġġ u r-rappurtar.

(9)

Minħabba n-natura esperimentali tal-miżura pprovduta f’din id-Deċiżjoni, għandha tiġi ffissata l-kwantità massima għat-tqegħid fis-suq ta’ taħlitiet ta’ żerriegħa, b’mod li titqies il-ħtieġa li jiġu ttestjati taħlitiet differenti bl-użu tal-faċilitajiet eżistenti.

(10)

Biex jagħmluha possibbli lill-Istati Membri biex jivverifikaw li ma tinqbiżx il-kwantità massima, il-kumpaniji li beħsiebhom jipproduċu dawn it-taħlitiet taż-żrieragħ għandhom jikkomunikaw lill-Istati Membri kkonċernati l-kwantitajiet li beħsiebhom jipproduċu. L-Istati Memebri għandhom ikollhom il-possibilità li jipprojbixxu t-tqegħid fis-suq tat-taħlitiet taż-żrieragħ fejn dawn jikkunsidraw li dan hu neċessarju fid-dawl tal-ħtieġa li jittestjaw taħlitiet differenti mingħajr ma jeċċedu l-kwantità massima.

(11)

Sabiex jippermettu l-fornituri li jipproduċu u jqiegħdu fis-suq kwantità suffiċjenti ta’ żerriegħa, biex jagħmluha possibbli għall-awtoritajiet kompetenti biex jispezzjonaw dak il-materjal u jiġbru biżżejjed informazzjoni, u waħda li tkun komparabbli biex tintuża għat-tħejjija tar-rapport, l-esperiment għandu jsir tul perjodu ta’ mill-inqas ħames staġuni ta’ tqegħid fis-suq.

(12)

Il-miżuri stipulati f’din id-Deċiżjoni huma skont l-opinjoni tal-Kumitat Permanenti għaż-Żrieragħ u l-Materjal ta’ Propagazzjoni għall-Agrikoltura, l-Ortikultura u l-Forestrija,

ADOTTAT DIN ID-DEĊIŻJONI:

Artikolu 1

Is-Suġġett

Jiġi organizzat esperiment temporanju fil-livell Komunitarju biex jevalwa jekk l-ispeċi li ġejjin: il-Biserrula pelecinus, il-Lotus glaber, il-Lotus uliginosus, il-Medicago italica, il-Medicago littoralis, il-Medicago murex, il-Medicago polymorpha, il-Medicago rugosa, il-Medicago scutelatta, il-Medicago truncatula, l-Ornithopus compressus, l-Ornithopus sativus, il-Plantago lanceolata, it-Trifolium fragiferum, it-Trifolium glanduliferum, it-Trifolium hirtum, it-Trifolium michelianum, it-Trifolium squarrosum, it-Trifolium subterraneum, it-Trifolium vesiculosum, u l-Vicia benghalensis (minn issa ‘l quddiem “l-ispeċi msemmija fl-Artikolu 1”), jistgħux jitqiegħdu fis-suq bħala taħlitiet taż-żrieragħ, inkella fihom, bil-għan li jiġi deċiż jekk uħud minn dawn l-ispeċi, jew inkella kollha kemm huma, għandhomx jiġu inklużi fil-lista ta’ pjanti tal-għalf fl-Artikolu 2(1)(A) tad-Direttiva 66/401/KEE.

Artikolu 2

Il-Parteċipazzjoni tal-Istati Membri

Kull Stat Membru jista’ jipparteċipa fl-esperiment.

L-Istati Membri li jiddeċiedu li jieħdu sehem fl-esperiment (minn issa ‘l quddiem: l-Istati Membri li qed jieħdu sehem) għandhom jinfurmaw lill-Kummissjoni b’dan.

Għaldaqstant huma jistgħu jtemmu l-parteċipazzjoni tagħhom fi kwalunkwe żmien billi jgħarrfu lill-Kummissjoni.

Artikolu 3

Il-Ħelsien mill-Obbligi

1.   Għall-finijiet tal-esperiment, taħlitiet taż-żrieragħ li fihom l-ispeċi msemmija fl-Artikolu 1, bi żrieragħ ta’ speċi mniżżla fid-Direttivi 66/401/KEE, 66/402/KEE, 2002/55/KE jew 2002/57/KE, jew inkella mingħajrhom, jistgħu jitqiegħdu fis-suq skont il-kundizzjonijiet ipprovduti fl-Artikoli 4 u 5.

2.   L-Istati Membri li qed jieħdu sehem huma meħlusa mill-obbligi pprovduti fit-tieni inċiż tal-Artikolu 13(1) tad-Direttiva 66/401/KEE.

Artikolu 4

Il-kundizzjonijiet li jikkonċernaw żerriegħa tal-ispeċi msemmija fl-Artikolu 1

Iż-żerriegħa tal-ispeċi msemmija fl-Artikolu 1 għandha tissodisfa l-kundizzjonijiet li ġejjin:

(a)

tkun tappartjeni lil varjetà mniżżla f’katalgu nazzjonali ta’ Stat Membru jew fil-Lista ta’ Varjetajiet Eliġibbli għaċ-Ċertifikazzjoni taż-Żerriegħa tal-OECD;

(b)

hija ċċertifikata skont l-Anness I;

(c)

tissodisfa l-kundizzjonijiet stipulati fil-punt 1 tal-Anness II.

Artikolu 5

Il-kundizzjonijiet li jikkonċernaw it-taħlitiet li se jkunu inklużi fl-esperiment

Barra mill-kundizzjonijiet ipprovduti fid-Deċiżjoni 2004/371/KE, it-taħlitiet inklużi fl-esperiment għandhom jissodisfaw il-kundizzjonijiet stipulati fil-punt 2 tal-Anness II.

Artikolu 6

Restrizzjonijiet kwantitattivi

1.   L-Istati Membri li qed jieħdu sehem għandhom jiżguraw li l-kwantità sħiħa ta’ żerriegħa li tkun se tintuża f’taħlitiet inklużi fl-esperiment ma taqbiżx l-1 000 tunnellata fis-sena.

2.   L-Istati Membri li qed jieħdu sehem għandhom jiżguraw li l-kumpaniji jiddikjaraw lill-awtorità msemmija fil-punt (A)(I)(c)(2) tal-Anness IV tad-Direttiva 66/401/KEE il-kwantità ta’ taħlitiet taż-żrieragħ li beħsiebhom jipproduċu.

Stat Membru jista’ jipprojbixxi t-tqegħid fis-suq ta’ taħlita taż-żerriegħa jekk dan iqis li, fid-dawl tal-għan tal-esperiment, ma jkunx xieraq li jitqiegħdu fis-suq kwantitajiet addizzjonali tat-taħlita taż-żerriegħa kkonċernata. Dan għandu jinforma immedjatament lill-kumpanija jew kumpaniji kkonċernati.

Artikolu 7

Monitoraġġ

L-Awtorità msemmija fil-punt (A)(I)(c)(2) tal-Anness IV tad-Direttiva 66/401/KE tal-Istati Membri li qed jieħdu sehem għandhom isegwu l-esperiment.

Artikolu 8

L-obbligi ta’ rappurtar

1.   L-Istati Membri li qed jieħdu sehem għandhom, għal kull sena, iressqu rapport lill-Kummisjoni u lill-Istati Membri l-oħra li jinkludi lista ta’ speċi użati fit-taħlitiet inklużi fl-esperiment, u l-kwantità mqiegħda fis-suq għal kull waħda minn dawn it-taħlitiet sal-31 ta’ Marzu tas-sena ta’ wara. L-Istati Membri jistgħu jiddeċiedu li jinkludu fir-rapport kull informazzjoni relevanti oħra.

2.   Fi tmiem l-esperiment u, f’kull każ, fi tmiem il-parteċipazzjoni tagħhom, l-Istati Membri li qed jieħdu sehem għandhom, sal-31 ta’ Marzu tas-sena ta’ wara, iressqu rapport lill-Kummissjoni u lill-Istati Membri l-oħra li jinkludi l-informazzjoni msemmija fil-punt 3 tal-Anness II. Ir-rapport jista’ jinkludi informazzjoni oħra li huma jikkundisraw relevanti fid-dawl tal-għan tal-esperiment.

Artikolu 9

Perjodu ta’ żmien

L-esperiment għandu jibda fl-1 ta’ Ġunju 2009 u jiġi fi tmiemu fil-31 ta’ Mejju 2014.

Artikolu 10

Destinatarji

Din id-Deċiżjoni hija indirizzata lill-Istati Membri.

Magħmula fi Brussell, 9 ta’ Frar 2009.

Għall-Kummissjoni

Androulla VASSILIOU

Membru tal-Kummissjoni


(1)   ĠU 125, 11.7.1966, p. 2298/66.

(2)   ĠU 125, 11.7.1966, p. 2309/66.

(3)   ĠU L 193, 20.7.2002, p. 33.

(4)   ĠU L 193, 20.7.2002, p. 74.

(5)   ĠU L 193, 20.7.2002, p. 1.

(6)   ĠU L 116, 22.4.2004, p. 39.


ANNESS I

L-ISPEĊI MSEMMIJA FL-ARTIKOLU 1 U L-KUNDIZZJONIJIET GĦAĊ-ĊERTIFIKAZZJONI TAGĦHOM

Speċi

Ġerminazzjoni minima

(% ta’ żerriegħa pura) (1))

Purità analitika minima

(% f’piż)

Kontenut massimu ta’ żerriegħa ta’ pjanti ta’ speċi oħra

(% f’piż)

Kontenut massimu ta’ żrieragħ ta’ speċi ta’ pjanti oħrajn f’kampjun tal-piż speċifikat fil-kolonna 7

Piż massimu ta’ lott

(tunnellati)

Piż minimu ta’ kampjun li għandu jittieħed minn lott

(grammi)

1

2

3

4

5

6

7

Biserrula pelecinus

70 (inklużi żrieragħ ibsin)

98

0,5

 (3)  (4)  (5)

10

30

Lotus uliginosus

75 (40)

97

0,5

 (3)  (4)  (5)

10

25

Lotus glaber

75 (40)

97

0,5

 (3)  (4)  (5)

10

30

Medicago murex

70 (30)

98

2,0

 (3)  (4)  (5)

10

50

Medicago polymorpha

70 (30)

98

2,0

 (3)  (4)  (5)

10

70

Medicago rugosa

70 (20)

98

2,0

 (3)  (4)  (5)

10

180

Medicago scutellata

70

98

2,0

 (3)  (4)  (5)

10

400

Medicago italica

70 (20)

98

2,0

 (3)  (4)  (5)

10

100

Medicago littoralis

70

98

2,0

 (3)  (4)  (5)

10

70

Medicago truncatula

70 (20)

98

2,0

 (3)  (4)  (5)

10

100

Ornithopus compressus

75 (inklużi żrieragħ ibsin)

90

1,0

 (3)  (4)  (5)

10

120

Ornithopus sativus

75 (inklużi żrieragħ ibsin)

90

1,0

 (3)  (4)  (5)

10

90

Plantago lanceolata

75

85

1,5

 (3)  (4)  (5)

5

20

Trifolium fragiferum

70

98

1,0

 (3)  (4)  (5)

10

40

Trifolium glanduliferum

70 (30)

98

1,0

 (3)  (4)  (5)

10

20

Trifolium hirtum

70

98

1,0

 (3)  (4)  (5)

10

70

Trifolium. michelianum

75 (30)

98

1,0

 (3)  (4)  (5)

10

25

Trifolium squarrosum

75 (20)

97

1,5

 (3)  (4)  (5)

10

150

Trifolium subterraneum

80 (40)

97

0,5

 (3)  (4)  (5)

10

250

Trifolium vesiculosum

70 (inklużi żrieragħ ibsin)

98

1,0

 (3)  (4)  (5)

10

100

Vicia benghalensis

80 (20)

97 (2)

1,0

 (3)  (4)  (5)

20

1 000


(1)  Meta sal-kwantità massima indikata, żerriegħa iebsa li tkun preżenti għandha titqies bħala żerriegħa li tista’ tiġġermina.

(2)  Total massimu ta’ 6 % f’piż ta’ żrieragħ tal-Vicia pannonica, tal-Vicia villiosa jew tal-ispeċi kkultivati relatati fi speċi relevanti oħrajn ma għandux jitqies bħala impurità.

(3)  Żrieragħ tal-Avena fatua u tal-Avena sterilis ma għandhomx ikunu preżenti f’kampjun tal-piż preskritt.

(4)  Il-preżenza ta’ żerriegħa waħda tal-Cuscuta spp. f’kampjun bil-piż doppju ta’ dak preskritt ma għandhiex titqies bħala impurità meta t-tieni kampjun bil-piż doppju ta’ dak preskritt ikun ħieles minn kwalunkwe żerriegħa tal-Cuscuta spp.

(5)  Il-preżenza taż-żrieragħ tar-Rumex spp., bl-eċċezzjoni tar-Rumex acetosella u tar-Rumex maritimus ma għandhiex taqbeż l-10 f’kampjun bil-piż preskritt.


ANNESS II

IL-KUNDIZZJONIJIET GĦALL-ESPERIMENT

1.   Il-kundizzjonijiet għal żerriegħa tal-ispeċi msemmija fl-Artikolu 1.

(a)

L-ispezzjoni fuq il-post għandha ssir skont l-Iskemi tal-OECD, fejn l-ispeċi huma koperti b’dawn l-Iskemi jew, jekk dan mhux il-każ, skont l-istandards nazzjonali tal-Istat Membru fejn hi prodotta ż-żerriegħa.

(b)

L-Istati Membri għandhom jiżguraw li l-lottijiet kollha taż-żerriegħa jkunu suġġetti għal spezzjoni fuq il-post, għal teħid ta’ kampjuni u analiżi taż-żerriegħa skont id-Direttiva 66/401/KEE qabel ma dawn jitħalltu, kemm jekk uffiċjalment kif ukoll jekk taħt sorveljanza uffiċjali.

2.   Il-kundizzjonijiet għat-taħlitiet li se jkunu inklużi fl-esperiment

(a)

Il-kampjuni taż-żerriegħa għandhom jittieħdu addoċċ mil-lottijiet tat-taħlitiet taż-żerriegħa li se jkunu inklużi fl-esperiment minn uffiċjali inkarigati mit-teħid tal-kampjuni taż-żrieragħ. Dawn il-kampjuni għandhom jintużaw bħala kampjuni ta’ kontroll għall-iċċekkjar tal-kompożizzjoni tat-taħlitiet li se jkunu inklużi fl-esperiment skont l-Artikolu 4 tad-Deċiżjoni 2004/371/KE.

Il-livell u l-intensità tat-teħid tal-kampjuni u tal-ispezzjonijiet mmexxija skont l-Artikolu 4 tad-Deċiżjoni 2004/371/KE għandhom ikunu adattati għall-għanijiet tal-esperiment.

(b)

Barra mill-informazzjoni mitluba mid-Direttiva 66/401/KEE u d-Deċiżjoni 2004/371/KE, it-tikketta uffiċjali għandha tinkludi l-informazzjoni li ġejja:

(i)

l-ismijiet botaniċi tal-ispeċi kollha msemmija fl-Artikolu 1 (inkluż il-varjetajiet, fejn hu l-każ) inklużi fit-taħlita li se tkun inkluża fl-esperiment;

(ii)

il-perċentwali tal-kompożizzjoni f’piż tal-komponenti varji murija skont l-ispeċi msemmija fl-Artikolu 1 u, fejn hu l-każ, skont il-varjetà;

(iii)

referenza għal din id-Deċiżjoni.

Fejn l-informazzjoni msemmija fil-punti (i) u (ii) mhix leġibbli fuq it-tikketta uffiċjali, it-taħlita inkluża fl-esperiment tista’ titqiegħed fis-suq bl-isem tat-taħlita. Dan isir kemm-il darba l-informazzjoni msemmija fil-punti (i) u (ii) tkun ġiet innotifikata bil-miktub lix-xerrej u tkun ġiet irreġistrata uffiċjalment.

3.   Informazzjoni li għandha tiġi rreġistrata.

(a)

isem l-ispeċi (inkluż il-varjetajiet, fejn relevanti) użati fit-taħlitiet inklużi fl-esperiment;

(b)

il-kwantità ta’ kull taħlita taż-żerriegħa li qed tkun inkluża fl-esperiment li titqiegħed fis-suq waqt il-perjodu awtorizzat, u l-Istat Membru li għalih kienet intiża t-taħlita taż-żerriegħa;

(c)

il-kompożizzjoni tat-taħlitiet li se jkunu inklużi fl-esperiment li tqiegħdu fis-suq;

(d)

il-proċeduri (l-istandards) segwiti għaċ-ċertifikazzjoni tal-ispeċi msemmija fl-Artikolu 1 (l-Iskemi tal-OECD jew l-istandards nazzjonali);

(e)

ir-riżultati tal-ispezzjoni fuq il-post u tat-testijiet fil-laboratorju għaċ-ċertifikazzjoni tal-ispeċi msemmija fl-Artikolu 1, fejn dawn isiru fl-Istati Memebri;

(f)

l-informazzjoni dwar l-importazzjonijiet taħt l-Iskemi tal-OECD, partikolarment fir-rigward tal-kwantità, tal-kompożizzjoni tat-taħlitiet taż-żerriegħa li huma inklużi fl-esperiment, il-pajjiż tal-oriġini u t-tikkettjar;

(g)

ir-riżultati tat-testijiet li jsiru skont il-punti (a) u (b) tal-paragrafu (2) dwar il-kampjuni ta’ kontroll;

(h)

analiżi ta’ kost benefiċċji li għandha tintuża biex tkun (jew ma tkunx) ta’ sostenn għall-għan tal-esperiment.