(1)

Foráiltear le hAirteagal 300(3) den Chonradh gur cheart Coiste na Réigiún a bheith comhdhéanta d’ionadaithe do chomhlachtaí réigiúnacha agus áitiúla a bhfuil sainordú toghchánach in údarás réigiúnach nó áitiúil acu nó atá freagrach go polaitiúil do thionól tofa.

(2)

Foráiltear le hAirteagal 305 den Chonradh go ndéanfaidh an Chomhairle comhaltaí Choiste na Réigiún mar aon lena chomhlíon de chomhaltaí malartacha a cheapadh go ceann téarma 5 bliana i gcomhréir leis na tograí arna ndéanamh ag gach Ballstát.

(3)

Ós rud é go ndeachaigh téarma oifige chomhaltaí agus chomhaltaí malartacha Choiste na Réigiún in éag an 25 Eanáir 2020, ba cheart comhaltaí nua agus comhaltaí malartacha nua a cheapadh.

(4)

An 10 Nollaig 2019, ghlac an Chomhairle Cinneadh (AE) 2019/2157 (2), i gcomhréir leis na tograí arna ndéanamh ag na Ballstáit. Leis an gCinneadh sin, ceapadh, don tréimhse ón 26 Eanáir 2020 go dtí an 25 Eanáir 2025, na comhaltaí agus na comhaltaí malartacha a mhol Rialtais Phoblacht na Seice, na Danmhairge, na hEastóine, na Cipire, na Laitvia, Lucsamburg, na hÍsiltíre, na hOstaire, na Rómáine, na Slóivéine, na Slóvaice agus na Sualainne. Ceapadh le Cinneadh (AE) 2019/2157 chomh maith agus don tréimhse chéanna, triúr comhaltaí arna moladh ag Rialtas na Beilge, 21 chomhalta agus 20 comhalta malartach arna moladh ag Rialtas na Gearmáine, ochtar comhaltaí agus ochtar comhaltaí malartacha arna moladh ag Rialtas na hÉireann, 16 chomhalta agus 16 chomhalta mhalartacha arna moladh ag Rialtas na Spáinne, deichniúr comhaltaí agus 14 chomhalta mhalartacha arna moladh ag Rialtas na hIodáile, ceathrar comhaltaí agus ceathrar comhaltaí malartacha arna moladh ag Rialtas Mhálta, agus ochtar comhaltaí agus ochtar comhaltaí malartacha arna moladh ag Rialtas na Fionlainne.

(5)

An 20 Eanáir 2020, ghlac an Chomhairle Cinneadh (AE) 2020/102 (3), i gcomhréir leis na tograí arna ndéanamh ag na Ballstáit. Leis an gCinneadh sin ceapadh, don tréimhse chéanna, ón 26 Eanáir 2020 go dtí an 25 Eanáir 2025, na comhaltaí agus na comhaltaí malartacha a mhol Rialtais na Gréige, na Fraince, na Cróite, na Liotuáine, na hUngáire agus na Portaingéile, mar aon le ceathrar comhaltaí agus ceathrar comhaltaí malartacha a mhol Rialtas na Beilge, comhalta amháin a mhol Rialtas na Bulgáire, comhalta amháin agus comhalta malartach amháin a mhol Rialtas na hÉireann, comhalta amháin agus comhalta malartach amháin a mhol Rialtas na Spáinne, 14 chomhalta agus deichniúr comhaltaí malartach a mhol Rialtas na hIodáile, agus 21 chomhalta agus 20 comhalta malartach a mhol Rialtas na Polainne.

(6)

An 3 Feabhra 2020, ghlac an Chomhairle Cinneadh (AE) 2020/144 (4), i gcomhréir leis na tograí arna ndéanamh ag na Ballstáit. Leis an gCinneadh sin ceapadh, don tréimhse ón 26 Eanáir 2020 go dtí an 25 Eanáir 2025, ceathrar comhaltaí agus ceathrar comhaltaí malartacha a mhol Rialtas na Spáinne, mar aon le comhalta amháin agus comhalta malartach amháin a mhol Rialtas na Fionlainne.

(7)

An 26 Márta 2020, ghlac an Chomhairle Cinneadh (AE) 2020/511 (5), i gcomhréir leis na tograí arna ndéanamh ag na Ballstáit. Leis an gCinneadh sin ceapadh, don tréimhse ón 26 Eanáir 2020 go dtí an 25 Eanáir 2025, cúigear comhaltaí agus ochtar comhaltaí malartacha a mhol Rialtas na Beilge, comhalta malartach amháin a mhol Rialtas na Gearmáine agus comhalta amháin a mhol Rialtas Mhálta.

(8)

An 8 Meitheamh 2020, tar éis don Ríocht Aontaithe tarraingt siar as an Aontas, ar tarraingt siar í a raibh éifeacht dhlíthiúil léi an 1 Feabhra 2020, ghlac an Chomhairle Cinneadh (AE) 2020/766 (6), i gcomhréir le Cinneadh (AE) 2019/852 agus leis na tograí a rinne na Ballstáit. Leis an gCinneadh sin ceapadh, don tréimhse ón 1 Feabhra 2020 go dtí an 25 Eanáir 2025, comhalta breise amháin agus comhalta malartach breise amháin a mhol Rialtas na hEastóine, comhalta breise amháin agus comhalta malartach breise amháin a mhol Rialtas na Cipire, mar aon le comhalta breise amháin agus comhalta malartach breise amháin a mhol Rialtas Lucsamburg.

(9)

Faoi Chinneadh (AE) 2019/2157, ceapadh Christakis MELETIES mar chomhalta malartach don Chipir. Le Cinneadh (AE) 2020/766, ceapadh Christakis MELETIES mar chomhalta don Chipir. Tar éis Cinneadh (AE) 2020/766 a ghlacadh, dá bhrí sin, tá suíochán comhalta mhalartaigh do Choiste na Réigiún folamh amhail ón 1 Feabhra 2020.

(10)

Faoi Chinneadh (AE) 2019/2157, rinneadh Gusty GRAAS a cheapadh mar chomhalta malartach do Lucsamburg. Le Cinneadh (AE) 2020/766, ceapadh Gusty GRAAS mar chomhalta do Lucsamburg. Tar éis Cinneadh (AE) 2020/766 a ghlacadh, dá bhrí sin, tá suíochán comhalta mhalartaigh do Choiste na Réigiún folamh amhail ón 1 Feabhra 2020.

(11)

Tá a n‐iarrthóirí le haghaidh shuíocháin a gcomhaltaí agus a gcomhaltaí malartacha molta ag Rialtas na Bulgáire, na Gearmáine agus Mhálta. Ba cheart go gceapfaí na comhaltaí agus na comhaltaí malartacha sin don tréimhse ón 26 Eanáir 2020 go dtí an 25 Eanáir 2025. Maidir lena gceapadh, ba cheart feidhm chúlghabhálach a bheith ag an gCinneadh seo dá bhrí sin ón 26 Eanáir 2020. Tá a n‐iarrthóirí le haghaidh shuíocháin a gcomhaltaí malartacha molta ag Rialtas na Cipire agus Rialtas Lucsamburg. Ba cheart go gceapfaí na comhaltaí malartacha sin don tréimhse ón 1 Feabhra 2020 go dtí an 25 Eanáir 2025. Maidir lena gceapadh, ba cheart feidhm chúlghabhálach a bheith ag an gCinneadh seo dá bhrí sin ón 1 Feabhra 2020,

—

mar chomhaltaí, na daoine a liostaítear de réir Ballstáit in Iarscríbhinn I;

—

mar chomhaltaí malartacha, na daoine a liostaítear de réir Ballstáit in Iarscríbhinn II.