Official Journal L 094 , 26/04/1995 P. 0001 - 0001
Id-Deċiżjoni tal-Kunsill tal-20 ta’ Frar 1995 dwar l-applikazzjoni temporanja ta’ ċerti ftehim bejn il-Komunità Ewropea u ċerti pajjiżi terzi dwar il-kummerċ fi prodotti tessili (95/131/KE) IL-KUNSILL TA’ L-UNJONI EWROPEA, Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 113 flimkien ma’ l-Artikolu 228(2), l-ewwel sentenza tiegħu, Wara li kkunsidra l-proposta mill-Kummissjoni, Billi l-Kummissjoni nnegozjat f’isem il-Komunità ftehim bilaterali fil-forma ta’ skambju ta’ ittri biex ikunu emendati l-ftehim bilaterali eżistenti, l-arranġamenti u l-protokolli dwar il-kummerċ fi prodotti tessili ma’ ċerti pajjiżi terzi biex tingħata konsiderazzjoni ta’ l-adeżjoni tar-Repubblika ta’ l-Awstrija, tar-Repubblika tal-Finlandja u tar-Renju ta’ l-Isvezja ma’ l-Unjoni Ewropea, kif jipprovdu l-Artikoli 75, 100 u 127 ta’ l-Att dwar il-kondizzjonijiet ta’ l-adeżjoni u l-aġġustamenti tat-Trattati li hija stabbilita fuqhom l-Unjoni u li jinsabu mehmuża mat-Trattat ta’ l-Adeżjoni ta’ l-1994; Billi dawn il-ftehim bilaterali għandhom ikunu applikati fuq bażi temporanja mill-1 ta’ Jannar 1995, sakemm jintemmu l-proċeduri meħtieġa għall-konklużjoni tagħhom, bla ħsara għall-applikazzjoni temporanja mill-pajjiżi msieħba, IDDEĊIEDA KIF ĠEJ: Artikolu 1 Il-ftehim bilaterali fil-forma ta’ skambju ta’ ittri biex ikunu emendati l-ftehim bilaterali eżistenti, l-arranġamenti u l-protokolli dwar il-kummerċ fi prodotti tessili ma’ ċerti pajjiżi terzi biex tingħata konsiderazzjoni ta’ l-adeżjoni tar-Repubblika ta’ l-Awstrija, tar-Repubblika tal-Finlandja u tar-Renju ta’ l-Isvezja ma’ l-Unjoni Ewropea, bejn il-Komunità Ewropea, fuq in-naħa l-waħda, u l-pajjiżi terzi rispettivi fuq in-naħa l-oħra, elenkati fl-Anness ta’ din id-Deċiżjoni, għandhom ikunu applikati fuq bażi temporanja mill-1 ta’ Jannar 1995, sal-konklużjoni formali tagħhom, bla ħsara għall-applikazzjoni reċiproka mill-pajjiżi msieħba. Artikolu 2 It-testi tal-ftehim inizjalati huma mehmuża ma’ din id-Deċiżjoni. Magħmula fi Brussell, fl-20 ta’ Frar 1995. Għall-Kunsill Il-President E. Alphandéry -------------------------------------------------- ANNESS LISTA TA' PAJJIŻI L-ARĠENTINA | L-UNGERIJA | IL-POLONJA | IL-BANGLADEXX | L-INDJA | IR-RUMANIJA | IL-BELARUS | L-INDONEŻJA | SINGAPOR | IL-BRAŻIL | IL-MACAW | IS-SLOVAKJA | IL-BULGARIJA | IL-MALASJA | IL-KOREA T'ISFEL | IĊ-ĊINA | IL-MONGOLJA | SRI LANKA | IR-PEPUBBLIKA ĊEKA | IL-PAKISTAN | L-UKRAINA | L-ESTONJA | IL-PERÙ | L-URUGWAJ | HONG KONG | IL-FILIPPINI | IL-VJETNAM | --------------------------------------------------