European flag

Il-Ġurnal Uffiċjali
ta'l-Unjoni Ewropea

MT

Is-serje L


2025/2046

13.10.2025

REGOLAMENT TA’ IMPLIMENTAZZJONI TAL-KUMMISSJONI (UE) 2025/2046

tal-10 ta’ Ottubru 2025

li jemenda r-Regolament ta’ Implimentazzjoni (UE) 2015/1486 fir-rigward tat-termini tal-awtorizzazzjoni tal-kantaksantina bħala addittiv tal-għalf għal ċerti kategoriji ta’ pollam, ħut ornamentali u għasafar ornamentali

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-additivi għall-użu fl-għalf tal-annimali (1), u b’mod partikolari l-Artikolu 9(2) u l-Artikolu 13(2) tiegħu,

Billi:

(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutrizzjoni tal-annimali u r-raġunijiet u l-proċeduri għall-għoti u għall-modifika ta’ din l-awtorizzazzjoni.

(2)

Il-kantaksantina ġiet awtorizzata għal 10 snin bħala addittiv tal-għalf għal ċerti kategoriji ta’ pollam, ħut ornamentali u għasafar ornamentali bir-Regolament ta’ Implimentazzjoni tal-Kummissjoni (UE) 2015/1486 (2).

(3)

F’konformità mal-Artikolu 13(1) tar-Regolament (KE) Nru 1831/2003, il-Kummissjoni talbet lill-Awtorità Ewropea dwar is-Sigurtà fl-Ikel (“l-Awtorità”) biex toħroġ opinjoni dwar jekk l-awtorizzazzjoni tal-kantaksantina bħala addittiv tal-għalf tibqax tissodisfa l-kundizzjonijiet stabbiliti fl-Artikolu 5 tar-Regolament (KE) Nru 1831/2003, jekk it-termini ta’ dik l-awtorizzazzjoni jiġu modifikati. Il-modifika tikkonsisti fiż-żieda ta’ rotta ta’ produzzjoni ġdida permezz tal-fermentazzjoni bil-Yarrowia lipolytica CBS 146148. L-applikant iddikjara li l-kantaksantina, sintetika jew prodotta permezz tal-fermentazzjoni, se titqiegħed fis-suq biss bħala preparat. Flimkien mat-talba, intbagħtet id-data ta’ sostenn rilevanti.

(4)

Fl-opinjoni tagħha tas-26 ta’ Novembru 2024 (3), l-Awtorità kkonkludiet li l-preparat tal-kantaksantina prodott permezz tal-fermentazzjoni bil-Yarrowia lipolytica CBS 146148 huwa sikur għall-ispeċijiet fil-mira, għall-konsumatur u għall-ambjent fil-kundizzjonijiet tal-użu awtorizzati attwali. Ikkonkludiet ukoll li, fin-nuqqas ta’ data marbuta mal-preparat tal-kantaksantina, ma setgħet tintlaħaq l-ebda konklużjoni dwar is-sikurezza tagħha għall-utent. L-Awtorità kkonkludiet ukoll li l-kantaksantina prodotta permezz tal-fermentazzjoni bil-Yarrowia lipolytica CBS 146148 hija effikaċi bħala sustanza kuluranti fl-għalf għat-tiġieġ tas-simna u għall-ispeċijiet minuri tal-pollam tas-simna, għall-pollam tal-bajd u għall-pollam imrobbija għall-bajd, għall-ħut ornamentali u għall-għasafar ornamentali. Fl-aħħar nett, huwa rrakkomanda li jiġi aġġustat il-kliem tad-dispożizzjoni tal-awtorizzazzjoni attwali fir-rigward tat-taħlita tal-preparat tal-kantaksantina ma’ karotenojdi oħra.

(5)

Fid-dawl ta’ dan ta’ hawn fuq, il-Kummissjoni tqis li l-preparat tal-kantaksantina għadu jissodisfa l-kundizzjonijiet, kif previst fl-Artikolu 5 tar-Regolament (KE) Nru 1831/2003, meta jimmodifika t-termini tal-awtorizzazzjoni biż-żieda ta’ rotta ġdida tal-produzzjoni permezz tal-fermentazzjoni bil-Yarrowia lipolytica CBS 146148. Barra minn hekk, id-dispożizzjoni tar-Regolament ta’ Implimentazzjoni (UE) 2015/1486 fir-rigward tat-taħlita tal-preparat tal-kantaksantina ma’ karotenojdi oħra jenħtieġ li tiġi aġġustata f’konformità mar-rakkomandazzjoni tal-Awtorità. Għalhekk, jenħtieġ li r-Regolament ta’ Implimentazzjoni (UE) 2015/1486 jiġi emendat kif xieraq.

(6)

Sabiex ikun jista’ jsir kontroll aħjar, jenħtieġ li jingħata numru ta’ identifikazzjoni ġdid lill-kantaksantina prodotta permezz tal-fermentazzjoni bil-Yarrowia lipolytica CBS 146148.

(7)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

Emenda tar-Regolament ta’ Implimentazzjoni (UE) 2015/1486

L-Anness tar-Regolament ta’ Implimentazzjoni (UE) 2015/1486 hu sostitwit bl-Anness ta’ dan ir-Regolament.

Artikolu 2

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-10 ta’ Ottubru 2025.

Għall-Kummissjoni

Il-President

Ursula VON DER LEYEN


(1)   ĠU L 268, 18.10.2003, p. 29, ELI: http://data.europa.eu/eli/reg/2003/1831/oj.

(2)  Ir-Regolament ta’ Implimentazzjoni tal-Kummissjoni (UE) 2015/1486 tat-2 ta’ Settembru 2015 li jikkonċerna l-awtorizzazzjoni tal-kantaksantin bħala addittiv tal-għalf għal ċerti kategoriji ta’ tjur, ħut ornamentali u għasafar ornamentali (ĠU L 229, 3.9.2015, p. 5; ELI: http://data.europa.eu/eli/reg_impl/2015/1486/oj).

(3)   EFSA Journal, 23(1), e9134. https://doi.org/10.2903/j.efsa.2025.9134.


ANNESS

Numru tal-identifikazzjoni tal-addittiv tal-għalf

Addittiv

Kompożizzjoni, formula kimika, deskrizzjoni, metodu analitiku

Speċi jew kategorija tal-annimal

Età massima

Kontenut minimu

Kontenut massimu

Dispożizzjonijiet oħra

Livelli massimi ta’ residwi

Tmiem tal-perjodu tal-awtorizzazzjoni

mg tas-sustanza attiva għal kull kg ta’ għalf komplet b’kontenut ta’ ndewwa ta’ 12 %

 

Kategorija: addittivi sensorjali. Grupp funzjonali: kuluranti: (ii) sustanzi li, meta jiġu mitmugħa lill-annimali, iżidu l-kuluri mal-ikel li joriġina mill-annimali

2a161 g

Kantaksantina

Kompożizzjoni tal-addittiv

Kantaksantina

Ossidu tat-trifenilfosfina (TPPO) ≤ 100 mg/kg

Diklorometan ≤ 600 mg/kg

Karatterizzazzjoni tas-sustanza attiva

—

Kantaksantina

—

C40H52O2

—

Numru CAS: 514-78-3

—

Kantaksantina, f’forma solida, prodotta permezz ta’ sinteżi kimika.

Purità:

Assaġġ: minimu ta’ 96 %

Karotenojdi għajr il-kantaksantina:

mhux aktar minn 5 % tat-total tas-sustanzi kuluranti.

Metodu ta’ analiżi  (1)

Għall-kwantifikazzjoni tal-kantaksantina fl-addittiv tal-għalf: spettrofotometrija f’426 nm.

Għall-kwantifikazzjoni tal-kantaksantina fil-premixxeli u fl-għalf: Kromatografija Likwida bi Prestazzjoni Għolja f’Fażi Normali flimkien ma’ detezzjoni viżibbli (NP-HPLC-VIS, 466 nm).

Tiġieġ tas-simna u speċijiet minuri ta’ pollam tas-simna

-

-

25

1.

Il-kantaksantina tista’ titqiegħed fis-suq u tintuża bħala addittiv f’għamla ta’ preparat.

2.

It-taħlita ta’ dan l-addittiv ma’ addittivi oħra li fihom il-kantaksantina u karotenojdi oħra huwa permess sakemm il-konċentrazzjoni totali tat-taħlita ma taqbiżx it-80 mg ta’ karotenojdi totali/kg tal-għalf komplet.

3.

Għall-utenti tal-addittiv u tal-premixxeli, l-operaturi tan-negozji tal-għalf għandhom jistabbilixxu proċeduri operattivi u miżuri organizzattivi biex jindirizzaw ir-riskji potenzjali li jirriżultaw mill-użu tagħhom. Meta dawk ir-riskji ma jkunux jistgħu jiġu eliminati b’tali proċeduri u miżuri, l-addittiv u l-premixxeli għandhom jintużaw b’tagħmir ta’ protezzjoni personali għall-ġilda, għall-għajnejn u għan-nifs.

Pollam: 15 mg ta’ kantaksantina/kg ta’ fwied (tessut imxarrab) u 2,5 mg ta’ kantaksantina/kg ta’ ġilda/xaħam (tessut imxarrab)

Pollam tal-bajd 30 mg ta’ kantaksantina/kg ta’ isfar tal-bajd (tessut imxarrab)

23.9.2025

Pollam tal-bajd u pollam imrobbi għall-bajd

-

-

8

2a161gi

Kantaksantina

Kompożizzjoni tal-addittiv

Preparat li fih minimu ta’ 10 % ta’ kantaksantina

Diklorometan ≤ 80 mg/kg

Karatterizzazzjoni tas-sustanza attiva

—

Kantaksantina, f’forma solida, prodotta bil-Yarrowia lipolytica CBS 146148.

—

C40H52O2

—

Numru CAS: 514-78-3

Purità:

Assaġġ: minimu ta’ 96 % tat-total tas-sustanzi koloranti (espress bħala kantaksantina)

Karotenojdi għajr il-kantaksantina:

mhux aktar minn 5 % tat-total tas-sustanzi kuluranti.

Metodu ta’ analiżi  (1)

Għall-kwantifikazzjoni tal-kantaksantina fl-addittiv tal-għalf: spettrofotometrija f’426 nm.

Għall-kwantifikazzjoni tal-kantaksantina fil-premixxeli u fl-għalf: Kromatografija Likwida bi Prestazzjoni Għolja f’Fażi Normali flimkien ma’ detezzjoni viżibbli (NP-HPLC-VIS, 466 nm).

Tiġieġ tas-simna u speċijiet minuri ta’ pollam tas-simna

-

-

25

1.

It-taħlita ta’ dan l-addittiv ma’ addittivi oħra li fihom il-kantaksantina u karotenojdi oħra huwa permess sakemm il-konċentrazzjoni totali tat-taħlita ma taqbiżx it-80 mg ta’ karotenojdi totali/kg tal-għalf komplet.

2.

Għall-utenti tal-addittiv u tal-premixxeli, l-operaturi tan-negozji tal-għalf għandhom jistabbilixxu proċeduri operattivi u miżuri organizzattivi biex jindirizzaw ir-riskji potenzjali li jirriżultaw mill-użu tagħhom. Meta dawk ir-riskji ma jkunux jistgħu jiġu eliminati b’tali proċeduri u miżuri, l-addittiv u l-premixxeli għandhom jintużaw b’tagħmir ta’ protezzjoni personali għall-ġilda, għall-għajnejn u għan-nifs.

Pollam: 15 mg ta’ kantaksantina/kg ta’ fwied (tessut imxarrab) u 2,5 mg ta’ kantaksantina/kg ta’ ġilda/xaħam (tessut imxarrab)

Pollam tal-bajd 30 mg ta’ kantaksantina/kg ta’ isfar tal-bajd (tessut imxarrab)

23.9.2025

Pollam tal-bajd u pollam imrobbi għall-bajd

-

-

8


Numru tal-identifikazzjoni tal-addittiv tal-għalf

Addittiv

Kompożizzjoni, formula kimika, deskrizzjoni, metodu analitiku

Speċi jew kategorija tal-annimal

Età massima

Kontenut minimu

Kontenut massimu

Dispożizzjonijiet oħra

Livelli massimi ta’ residwi

Tmiem tal-perjodu tal-awtorizzazzjoni

mg tas-sustanza attiva għal kull kg ta’ għalf komplet b’kontenut ta’ ndewwa ta’ 12 %

 

Kategorija: addittivi sensorjali. Grupp funzjonali: kuluranti: (iii) sustanzi li jaffettwaw tajjeb il-kulur tal-ħut jew tal-għasafar ornamentali

2a161 g

Kantaksantina

Kompożizzjoni tal-addittiv

Kantaksantina

Ossidu tat-trifenilfosfina (TPPO) ≤ 100 mg/kg

Diklorometan ≤ 600 mg/kg

Karatterizzazzjoni tas-sustanza attiva

—

Kantaksantina

—

C40H52O2

—

Numru CAS: 514-78-3

—

Kantaksantina, f’forma solida, prodotta permezz ta’ sinteżi kimika.

Purità:

Assaġġ: minimu ta’ 96 %

Karotenojdi għajr il-kantaksantina:

mhux aktar minn 5 % tat-total tas-sustanzi kuluranti.

Metodu ta’ analiżi  (2)

Għall-kwantifikazzjoni tal-kantaksantina fl-addittiv tal-għalf: spettrofotometrija f’426 nm.

Għall-kwantifikazzjoni tal-kantaksantina fil-premixxeli u fl-għalf: Kromatografija Likwida bi Prestazzjoni Għolja f’Fażi Normali flimkien ma’ detezzjoni viżibbli (NP-HPLC-VIS, 466 nm).

Ħut ornamentali u għasafar ornamentali għajr t-tiġieġ ornamentali għat-tnissil

-

-

100

1.

Il-kantaksantina tista’ titqiegħed fis-suq u tintuża bħala addittiv f’għamla ta’ preparat.

2.

It-taħlit ta’ dan l-addittiv ma’ addittivi oħra li fihom il-kantaksantina u karotenojdi oħra huwa permess sakemm il-konċentrazzjoni totali tat-taħlita ma taqbiżx il-100 mg ta’ karotenojdi totali/kg tal-għalf komplet.

3.

Għall-utenti tal-addittiv u tal-premixxeli, l-operaturi tan-negozji tal-għalf għandhom jistabbilixxu proċeduri operattivi u miżuri organizzattivi biex jindirizzaw ir-riskji potenzjali li jirriżultaw mill-użu tagħhom. Meta dawk ir-riskji ma jkunux jistgħu jiġu eliminati b’tali proċeduri u miżuri, l-addittiv u l-premixxeli għandhom jintużaw b’tagħmir ta’ protezzjoni personali għall-ġilda, għall-għajnejn u għan-nifs.

 

23.9.2025

Tiġieġ ornamentali għat-tnissil

-

-

8

2a161gi

Kantaksantina

Kompożizzjoni tal-addittiv

Preparat li fih minimu ta’ 10 % ta’ kantaksantina

Diklorometan ≤ 80 mg/kg

Karatterizzazzjoni tas-sustanza attiva

—

Kantaksantina, f’forma solida, prodotta bil-Yarrowia lipolytica CBS 146148.

—

C40H52O2

—

Numru CAS: 514-78-3

Purità:

Assaġġ: minimu ta’ 96 % tat-total tas-sustanzi koloranti (espress bħala kantaksantina)

Karotenojdi għajr il-kantaksantina:

mhux aktar minn 5 % tat-total tas-sustanzi kuluranti.

Metodu ta’ analiżi  (2)

Għall-kwantifikazzjoni tal-kantaksantina fl-addittiv tal-għalf: spettrofotometrija f’426 nm.

Għall-kwantifikazzjoni tal-kantaksantina fil-premixxeli u fl-għalf: Kromatografija Likwida bi Prestazzjoni Għolja f’Fażi Normali flimkien ma’ detezzjoni viżibbli (NP-HPLC-VIS, 466 nm).

Ħut ornamentali u għasafar ornamentali għajr t-tiġieġ ornamentali għat-tnissil

-

-

100

1.

It-taħlit ta’ dan l-addittiv ma’ addittivi oħra li fihom il-kantaksantina u karotenojdi oħra huwa permess sakemm il-konċentrazzjoni totali tat-taħlita ma taqbiżx il-100 mg ta’ karotenojdi totali/kg tal-għalf komplet.

2.

Għall-utenti tal-addittiv u tal-premixxeli, l-operaturi tan-negozji tal-għalf għandhom jistabbilixxu proċeduri operattivi u miżuri organizzattivi biex jindirizzaw ir-riskji potenzjali li jirriżultaw mill-użu tagħhom. Meta dawk ir-riskji ma jkunux jistgħu jiġu eliminati b’tali proċeduri u miżuri, l-addittiv u l-premixxeli għandhom jintużaw b’tagħmir ta’ protezzjoni personali għall-ġilda, għall-għajnejn u għan-nifs.

 

23.9.2025

Tiġieġ ornamentali għat-tnissil

-

-

8


(1)  Id-dettalji tal-metodi analitiċi huma disponibbli fl-indirizz tal-Laboratorju ta’ Referenza li ġej: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_en?prefLang=mt.

(2)  Id-dettalji tal-metodi analitiċi huma disponibbli fl-indirizz tal-Laboratorju ta’ Referenza li ġej: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_en?prefLang=mt.


ELI: http://data.europa.eu/eli/reg_impl/2025/2046/oj

ISSN 1977-074X (electronic edition)