|
24.3.2022 |
GA |
Iris Oifigiúil an Aontais Eorpaigh |
L 96/36 |
RIALACHÁN CUR CHUN FEIDHME (AE) 2022/469 ÓN gCOIMISIÚN
an 23 Márta 2022
lena gceartaítear Rialachán Cur Chun Feidhme (AE) 2022/72 lena bhforchuirtear dleachtanna frithchúitimh cinntitheacha ar allmhairí cáblaí snáthoptaice de thionscnamh Dhaon-Phoblacht na Síne agus lena leasaítear Rialachán Cur Chun Feidhme (AE) 2021/2011 lena bhforchuirtear dleacht frithdhumpála chinntitheach ar allmhairí cáblaí snáthoptaice de thionscnamh Dhaon-Phoblacht na Síne
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2016/1037 ó Pharlaimint na hEorpa agus ón gComhairle an 8 Meitheamh 2016 maidir le cosaint i gcoinne allmhairí ar tugadh fóirdheontas ina leith, ar allmhairí iad ó thíortha nach baill den Aontas Eorpach iad (1), agus go háirithe Airteagal 15 agus Airteagal 24(1) de,
De bharr an mhéid seo a leanas:
|
(1) |
Trí Rialachán Cur Chun Feidhme (AE) 2022/72 ón gCoimisiún (2), d’fhorchuir an Coimisiún dleachtanna frithchúitimh cinntitheacha ar allmhairí cáblaí snáthoptaice de thionscnamh Dhaon-Phoblacht na Síne agus leasaigh sé Rialachán Cur Chun Feidhme (AE) 2021/2011 lena bhforchuirtear dleacht frithdhumpála chinntitheach ar allmhairí cáblaí snáthoptaice de thionscnamh Dhaon-Phoblacht na Síne (3). |
|
(2) |
Na rátaí dleachta frithchúitimh cinntitheacha, arna sloinneadh ar an bpraghas costais, árachais agus last-táille (CAL) ag teorainn an Aontais, roimh dhleacht chustaim a íoc, is mar seo a leanas a bunaíodh iad:
|
|
(3) |
Tá rátaí na dleachta frithchúitimh a shonraítear thuas ceart agus nochtadh iad do na páirtithe le linn an imscrúdaithe. Mar sin féin, in aithris (217) agus aithris (339) de Rialachán (AE) 2022/72 bhí earráidí cló maidir le rátaí fóirdheontais an Ghrúpa FTT i ndáil le “deontais” agus “maoiniú fabhrach: iasachtaí”, faoi seach. Is iad 1,88 % le haghaidh “deontais” agus 1,39 % le haghaidh “maoiniú fabhrach: iasachtaí” na rátaí cearta ba cheart a bheith ann in ionad 1,79 % agus 0,9 % faoi seach. |
|
(4) |
Thairis sin, in Airteagal 2(1) de Rialachán Cur Chun Feidhme (AE) 2022/72 bhí earráid chló maidir leis an gcód breise TARIC i ndáil le “gach cuideachta eile” i Rialachán Cur Chun Feidhme (AE) 2021/2011 ón gCoimisiún, ba cheart C999 in ionad C699 a bheith ann. |
|
(5) |
Dá bhrí sin, chinn an Coimisiún aithris (217) agus aithris (339) a cheartú mar aon le hAirteagal 2(1) de Rialachán Cur Chun Feidhme (AE) 2022/72, lena leasaítear Airteagal 1(2) de Rialachán Cur Chun Feidhme (AE) 2021/2011 dá réir. Tá feidhm ag an gceartúchán seo ó theacht i bhfeidhm Rialachán Cur Chun Feidhme (AE) 2022/72, is é sin 20 Eanáir 2022. |
|
(6) |
Tá na bearta dá bhforáiltear sa Rialachán seo i gcomhréir leis an tuairim ón gCoiste arna bhunú le hAirteagal 15(1) de Rialachán (AE) 2016/1036 (4), |
TAR ÉIS AN RIALACHÁN SEO A GHLACADH:
Airteagal 1
Ceartaítear Rialachán Cur Chun Feidhme (AE) 2022/72 mar a leanas:
|
(1) |
cuirtear an méid seo a leanas in ionad Aithris (217): “Is mar seo a leanas a bhí na rátaí fóirdheontais a bunaíodh maidir le gach deontas le linn na tréimhse imscrúdúcháin le haghaidh na dtáirgeoirí onnmhairiúcháin sampláilte: Deontais
|
|
(2) |
cuirtear an méid seo a leanas in ionad Aithris (339): “Ba é a bhí sna rátaí fóirdheontais a bunaíodh maidir leis an maoiniú fabhrach trí iasachtaí le linn na tréimhse imscrúdúcháin le haghaidh na ngrúpaí cuideachtaí sampláilte: Maoiniú fabhrach: iasachtaí
|
|
(3) |
cuirtear an méid seo a leanas in ionad Airteagal 2(1): “(1) cuirtear an méid seo a leanas in ionad Airteagal 1(2): “(1)‘2. Rátaí na dleachta frithdhumpála cinntithí is infheidhme maidir leis an nglanphraghas, saor ag teorainn an Aontais, roimh dhleacht, atá ar an táirge a shonraítear i mír 1 agus a thairgeann na cuideachtaí a liostaítear thíos, is mar seo a leanas a bheidh sé:
|
Airteagal 2
Tiocfaidh an Rialachán seo i bhfeidhm le héifeacht chúlghabhálach ón 20 Eanáir 2022.
Arna dhéanamh sa Bhruiséil, 23 Márta 2022.
Thar ceann an Choimisiúin
An tUachtarán
Ursula VON DER LEYEN
(1) IO L 176, 30.6.2016, lch. 55.
(2) Rialachán Cur Chun Feidhme (AE) 2022/72 ón gCoimisiún an 18 Eanáir 2022 lena bhforchuirtear dleachtanna frithchúitimh cinntitheacha ar allmhairí cáblaí snáthoptaice de thionscnamh Dhaon-Phoblacht na Síne agus lena leasaítear Rialachán Cur Chun Feidhme (AE) 2021/2011 lena bhforchuirtear dleacht frithdhumpála chinntitheach ar allmhairí cáblaí snáthoptaice de thionscnamh Dhaon-Phoblacht na Síne (IO L 12, 19.1.2022, lch. 34).
(3) Rialachán Cur Chun Feidhme (AE) 2021/2011 ón gCoimisiún an 17 Samhain 2021 lena bhforchuirtear dleacht frithdhumpála chinntitheach ar allmhairí cáblaí snáthoptaice de thionscnamh Dhaon-Phoblacht na Síne (IO L 410, 18.11.2021, lch. 51).
(4) Rialachán (AE) 2016/1036 ó Pharlaimint na hEorpa agus ón gComhairle an 8 Meitheamh 2016 maidir le cosaint i gcoinne allmhairí dumpáilte ó thíortha nach baill den Aontas Eorpach iad (IO L 176, 30.6.2016, lch. 21).