2003R0462 — MT — 01.01.2007 — 002.002

Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

Emendat bi:

Ikkoreġut b'

▼B

IR-REGOLAMENT TAL-KUMMISSJONI (EEC) Nru 462/2003

tat-13 ta’ Marzu 2003

li jistabbilixxi regoli dettaljati għall-applikazzjoni ta’ l-arranġamenti applikabbli għall-importazzjoni ta’ ċerti prodotti mil-laħam tal-majjal li joriġinaw fl-Istati ACP u li jħassar ir-Regolament (KE) Nru 2568/98

▼C2

Artikolu 1

(1)  L-importazzjoni kollha fil-Komunità fil-qafas tar-Regolament (KE) Nru 2286/2002 tal-prodotti koperti bil-kodiċi NM elenkati fl-Anness I ta' dan ir-Regolament għandhom jikkwalifikaw għal dazji doganali mnaqqsa mal-preżentazzjoni ta' liċenzja ta importazzjoni.

(2)  Id-dispożizzjonijiet tar-Regolament (KE) Nru 1291/2000 ( 9 ) u tar-Regolament tal-Kummissjoni (KE) Nru 1301/2006 ( 10 ) għandhom japplikaw, ħlief meta dan ir-Regolament preżenti jipprovdi mod ieħor.

(3)  Il-kwantità tal-prodotti li jibbenefikaw mill-arranġamenti u r-rati tad-dazju tad-dwana għandhom ikunu dawk elenkati fil-lista fl-Anness I.

Artikolu 2

Il-kwantità ffissata fl-Anness I parti B għandha tinqasam kif ġej, f'subperjodi, matul il-perjodu tal-kwota tariffarja ta' importazzjoni:

Artikolu 3

(1)  Bla ħsara għall-Artikolu 5 tar-Regolament (KE) Nru 1301/2006, stabbilimenti tal-bejgħ bl-imnut jew ristoranti li jbiegħu il-prodotti tagħhom lill-konsumaturi aħħarija huma esklużi mill-benefiċċji tat-tnaqqis tad-drittijiet doganali msemmija fl-Artikolu 1(1) ta' dan ir-Regolament u ma jistgħux iressqu applikazzjonijiet għal-liċenzji ta' importazzjoni għal dan il-għan;

(2)  L-applikazzjoni għal liċenzja ta' importazzjoni għandha ssemmi biss numri tas-serje msemmija fl-Anness I. Tista’ tkopri diversi prodotti li jaqgħu taħt kodiċijiet tan-nomenklatura magħquda (NM) differenti; f'dan il-każ, il-kodiċijiet kollha tan-NM għandhom jintwerew, rispettivament, fil-kaxxi 16 u 15 tal-applikazzjonijiet u tal-liċenzji.

(3)  L-applikazzjonijiet għandhom ikopru tal-anqas tunnellata u massmu ta' 100 % tal-kwantità disponibbli għall-perjodu ddefinit fl-Artikolu 2.

Artikolu 4

(1)  Il-kaxxa 8 tal-applikazzjonijiet għal-liċenzji u tal-liċenzji jeħtiġilhom juru l-pajjiż tal-oriġini, u l-kelma “Iva” għandha tkun ingassata b'salib.

(2)  fil-kaxxa 20 tal-applikazzjoni għal liċenzja u tal-liċenzja, għandha tingħata waħda mir-referenzi mniżżla fl-Anness II, il-parti A;

(3)  il-liċenzja għandu jkun fiha, fil-kaxxa 24, waħda mir-referenzi li jingħataw fl-Anness II, il-parti B.

Artikolu 5

(1)  Applikazzjoni għal liċenzja għandha titressaq matul l-ewwel sebat ijiem tax-xahar qabel kull subperjodu msemmi fl-Artikolu 2.

Madankollu, għall-perjodu bejn l-1 ta' Jannar u l-31 ta' Marzu 2007, l-applikazzjonijiet għal-liċenzji għandhom jitressqu matul l-ewwel ħmistax-il jum tax-xahar ta' Jannar.

(2)  L-Istati Membri għandhom jikkomunikaw lill-Kummissjoni, sa mhux aktar tard mit-tielet jum ta’ xogħol wara dak ta’ tmiem il-perjodu tat-tressiq tal-applikazzjonijiet, il-kwantitajiet totali mitluba mill-kwota, espressi f'kilogrammi.

(3)  Il-liċenzji għandhom jinħarġu malajr kemm jista' jkun wara li l-Kummissjoni tieħu d-deċiżjoni tagħha.

(4)  Qabel tmiem ir-raba' xahar wara kull perjodu annwali, l-Istati Membri għandhom jikkomunikaw lill-Kummissjoni l-kwantitajiet li fil-fatt ikunu tqiegħdu f'ċirkolazzjoni ħielsa skont dan ir-Regolament matul il-perjodu kkonċernat, imqassmin skont l-oriġini u espressi f'kilogrammi.

Artikolu 6

(1)  Il-liċenzji tal-importazzjoni huma validi għal 150 jum mid-data attwali tal-ħruġ taħt l-Artikolu 23(2) tar-Regolament (KE) Nru 1291/2000.

(2)  Bla ħsara għall-Artikolu 9(1) tar-Regolament (KE) Nru 1291/2000, it-trasferiment tad-drittijiet mogħtija bil-liċenzji huma limitat għall-konċessjonarji li jissodisfaw il-kundizzjonijiet ta' eliġibbiltà stipulati bl-Artikolu 5 tar-Regolament (KE) Nru 1301/2006 u l-Artikolu 3(1) tar-Regolament preżenti.

▼B

Artikolu 7

Għandha tkun iddepożitata garanzija ta’ 20 EUR għal kull 100 kilogramma għall-applikazzjonijiet għal liċenzja ta’ l-importazzjoni għall-prodotti kollha.

Artikolu 8

L-importazzjoni skond l-arranġamenti għal tnaqqis fid-dazji doganali li hemm provvediment dwarhom f’dan ir-Regolament tista’ ssir biss jekk l-oriġini tal-prodotti kkonċernati tkun iċċertifikata mill-awtoritajiet kompetenti tal-pajjiżi esportaturi b’mod konformi mar-regoli dwar l-oriġini li japplikaw għall-prodotti f’dan il-każ skond il-Protokoll 1 tal-Ftehim tas-Sħubija ACP-KE iffirmat f’Cotonou fit-23 ta’ Ġunju 2000.

▼M2 —————

▼B

Artikolu 10

Ir-Regolament (KE) Nru 2562/98 huwa hawnhekk imħassar.

Artikolu 11

Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.

Għandu japplika mill-1 Jannar 2003.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

L-ANNESS I

A.   Il-prodotti referuti fl-Artikolu 1(3) u fl-Anness I tar-Regolament (KE) Nru 2286/2002 li jikkwalifikaw għal rata-ta’-dazju-il-barra-mill-kwota

B.   Il-prodotti referuti fl-Artikolu 1(3) u fl-Anness II tar-Regolament (KE) Nru 2286/2002 li jikkwalifikaw għal tnaqqis fid-dazju doganali permezz tal-kwota

▼M2

L-ANNESS II

TAQSIMA A

Ir-referenzi msemmija fl-Artikolu 4(2):

TAQSIMA B

Ir-referenzi imsemmija fl-Artikolu 4(3):

▼M2 —————

( 1 ) ĠU L 282, ta’ l-1.11.1975, p. 1.

( 2 ) ĠU L 156, tad-29.6.2000, p. 5.

( 3 ) ĠU L 348, tal-21.12.2002, p. 5.

( 4 ) ĠU L 317, tal-15.12.2000, p. 3.

( 5 ) ĠU L 320, tat-28.11.1998, p. 34.

( 6 ) ĠU L 140, ta’ l-24.5.2001, p. 13.

( 7 ) ĠU L 152, ta’ l-24.6.2000, p. 1.

( 8 ) ĠU L 308, tas-27.11.2001, p. 19.

( 9 ) ĠU L 152, 24.6.2000, p. 1.

( 10 ) ĠU L 238, 1.9.2006, p. 13.