25.8.2020   

MT

Il-Ġurnal Uffiċjali tal-Unjoni Ewropea

C 280/21


Notifika minn qabel ta’ konċentrazzjoni

(Il-Każ M.9930 — LGP/TPG/WellSky)

Każ li jista’ jiġi kkunsidrat għal proċedura ssimplifikata

(Test b’rilevanza għaż-ŻEE)

(2020/C 280/09)

1.   

Fit-18 ta’ Awwissu 2020, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—

Leonard Green & Partners, L.P. (“LGP”, l-Istati Uniti tal-Amerka),

—

TPG Capital (“TPG”, l-Istati Uniti tal-Amerka),

—

WellSky Corporation (“WellSky”, l-Istati Uniti tal-Amerka).

LPG u TPG jakkwistaw, fis-sens tal-Artikolu 3(1)(b) tar-Regolament dwar l-Għaqdiet, il-kontroll bi sħab ta’ WellSky kollha kemm hi. BħalissaTPG tikkontrolla hija biss lil WellSky.

Il-konċentrazzjoni hija mwettqa permezz tax-xiri ta’ ishma.

2.   

L-attivitajiet kummerċjali tal-impriżi kkonċernati huma:

—

LGP: ditta ta’ investiment ta’ ekwità privata, li primarjament tinvesti f’kumpaniji li jipprovdu servizzi, inklużi servizzi tal-konsumatur, tan-negozju, u tal-kura tas-saħħa, kif ukoll bejgħ bl-imnut, distribuzzjoni, u industrijali,

—

TPG: ditta globali ta’ investiment privat li tiġġestixxi familja ta’ fondi, li tinvesti f’varjetà ta’ kumpaniji permezz ta’ akkwisti u ristrutturar korporattiv,

—

WellSky: fornitur ta’ software tal-kura tas-saħħa ta’ speċjalità (Software as a Service, “SaaS” u pjattaformi ta’ software oħrajn) għall-ġestjoni tal-flussi ta’ xogħol kliniku, finanzjarju u amministrattiv. Fiż-ŻEE, WellSky tikkummerċjalizza biss soluzzjonijiet ta’ software, li jittrattaw il-ġestjoni tal-medikazzjoni u s-software ta’ ġestjoni tal-kimoterapija.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.9930 — LGP/TPG/WellSky

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks: +32 22964301

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË


(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.