1.   

An 7 Márta 2023, fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).

Baineann an fógra seo leis na gnóthais seo a leanas:

—	LSW GmbH (“LSW”, an Ostair), faoi rialú LSW Privatstiftung (“LSWPS”, an Ostair),

—	SGW-Immo-GmbH (“SGW-Immo”, an Ostair), faoi rialú WSF Privatstiftung (“WSFPS”, an Ostair),

—	home24 SE (“home24”, an Ghearmáin).

Baintear an comhchruinniú amach trí bhíthin tairiscint phoiblí.

Gheobhaidh LSW agus SGW-Immo rialú comhpháirteach ar home24 ina iomláine de réir bhrí Airteagail 3(1)(b) agus 3(4) den Rialachán um Chumaisc.

2.   

Is iad seo a leanas gníomhaíochtaí gnó na ngnóthas lena mbaineann:

—	Tá LSWPS agus WSFPS, trí rialú comhpháirteach a bheith acu freisin ar XXXLutz KG, gníomhach i miondíol troscáin, trealaimh soilsithe agus earraí tí eile i siopaí speisialaithe in go leor tíortha AE,

—	Is siopa ar líne é home24 atá gníomhach san earnáil miondíola troscáin, feistis tí agus earraí tí i mór-roinn na hEorpa agus sa Bhrasaíl.

3.   

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart faoinar tugadh fógra a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

4.   

Iarrann an Coimisiún ar thríú páirtithe leasmhara aon bharúil a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.10969 — XXXLUTZ / HOME24

Is féidir barúlacha a sheoladh chuig an gCoimisiún le ríomhphost nó tríd an bpost. Baintear úsáid as na sonraí teagmhála thíos:

R-phost: COMP-MERGER-REGISTRY@ec.europa.eu

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË