|
25.5.2021 |
MT |
Il-Ġurnal Uffiċjali tal-Unjoni Ewropea |
L 184/62 |
It-testi oriġinali tan-NU/KEE biss għandhom effett ġuridiku skont id-dritt internazzjonali pubbliku. L-istatus u d-data tad-dħul fis-seħħ ta’ dan ir-Regolament għandhom jiġu vverifikati fl-aktar verżjoni riċenti tad-dokument tal-istatus tan-NU/KEE TRANS/WP.29/343, disponibbli fuq: http://www.unece.org/trans/main/wp29/wp29wgs/wp29gen/wp29fdocstts.html
Ir-Regolament Nru 159 tan-NU — dispożizzjonijiet uniformi li jikkonċernaw l-approvazzjoni ta’ vetturi bil-mutur fir-rigward tas-Sistema ta’ Informazzjoni waqt it-Tluq tal-Vettura għad-Detezzjoni ta’ Persuni bil-Mixi u ta’ Ċiklisti [2021/829]
Data tad-dħul fis-seħħ: 10 ta’ Ġunju 2021
Dan id-dokument huwa intiż purament bħala għodda ta’ dokumentazzjoni. It-test awtentiku u legalment vinkolanti huwa: ECE/TRANS/WP.29/2020/122.
WERREJ
REGOLAMENT
|
0. |
Introduzzjoni |
|
1. |
Kamp ta’ applikazzjoni |
|
2. |
Definizzjonijiet |
|
3. |
Applikazzjoni għall-approvazzjoni |
|
4. |
Approvazzjoni |
|
5. |
Speċifikazzjonijiet |
|
6. |
Proċedura tat-test |
|
7. |
Modifika tat-tip ta’ vettura u estensjoni tal-approvazzjoni tat-tip |
|
8. |
Konformità tal-produzzjoni |
|
9. |
Penali għan-nuqqas ta’ konformità tal-produzzjoni |
|
10. |
Produzzjoni mwaqqfa għalkollox |
|
11. |
Ismijiet u indirizzi tas-Servizzi Tekniċi responsabbli għat-twettiq tat-testijiet ta’ approvazzjoni, u tal-Awtoritajiet tal-Approvazzjoni tat-Tip |
ANNESSI
|
1. |
Komunikazzjoni |
|
2. |
Arranġamenti tal-marki ta’ approvazzjoni |
|
3. |
Metodu tat-test għad-determinazzjoni tal-limitu tal-punti moħbija |
0. INTRODUZZJONI (għall-informazzjoni)
|
0.1. |
Il-manuvri ta’ tluq tal-vettura minn stat wieqaf b’veloċità baxxa li jinvolvu ħabtiet bejn vetturi tal-kategorija tal-vetturi (vetturi tat-test) M2, M3, N2 u N3 u persuni bil-mixi u ċiklisti għandhom konsegwenzi serji għal dawn l-utenti vulnerabbli tat-triq (VRUs). Fil-passat, is-sikurezza tal-VRU ġiet imtejba biż-żieda tan-numru ta’ mirja biex tiġi pprovduta viżibbiltà aħjar taż-żona li tinsab quddiem il-vettura. Billi ħabtiet b’dawn il-karatteristiċi għadhom iseħħu u ġew introdotti sistemi ta’ assistenza avvanzati għas-sewwieq f’ħafna segmenti tal-vetturi, huwa ovvju li għandhom jintużaw sistemi ta’ assistenza bħal dawn sabiex jiġu evitati inċidenti bejn il-vetturi tat-test u l-VRUs. |
|
0.2. |
Il-kunsiderazzjonijiet teoretiċi juru li l-kritikalità tas-sitwazzjonijiet tat-traffiku li jinvolvu l-vetturi tat-test u VRUs tista’ tkun sinifikanti minħabba nuqqas ta’ fehim tas-sitwazzjoni mill-operaturi tal-vetturi. F’xi każijiet, iż-żieda fil-kritikalità tas-sitwazzjoni tista’ sseħħ tant f’daqqa li twissijiet ta’ urġenza għolja, maħsuba biex jiġġeneraw reazzjoni min-naħa tas-sewwieq għas-sitwazzjoni, ma jkunux jistgħu jiġu attivati kmieni biżżejjed biex is-sewwieq jirreaġixxi fil-ħin. B’mod ġenerali, ir-rispons tas-sewwieq għal kwalunkwe informazzjoni (sinjali ta’ urġenza għolja/baxxa) jista’ jkun mistenni biss wara ċertu ħin ta’ reazzjoni. F’ħafna sitwazzjonijiet, dan il-ħin ta’ rispons, b’mod partikolari matul manuvri mill-qrib ħafna jkun ħafna itwal mill-ħin meħtieġ sabiex jiġi evitat l-inċident — l-inċident ma jkunx jista’ jiġi evitat minkejja t-twissija. |
|
0.3. |
It-twissijiet ta’ urġenza għolja waqt sitwazzjoni ta’ sewqan ikunu ġġustifikati biss jekk il-probabbiltà ta’ inċident tkun għolja — inkella s-sewwieqa tal-vetturi għandhom it-tendenza li jinjoraw it-twissijiet tas-sistema. Madankollu, jekk is-sinjali ta’ informazzjoni ta’ urġenza aktar baxxa jiġu attivati kmieni biżżejjed, dawn jistgħu jgħinu lis-sewwieq aktar milli jdejquh. Huwa preżunt li hu possibbli li tiġi ddisinjata interfaċċja bniedem-magna (HMI) għal sistemi ta’ assistenza għas-sewwieq waqt it-tluq tal-vettura b’tali mod li ma ddejjaqx lis-sewwieqa meta l-informazzjoni ma tkunx meħtieġa, pereżempju billi jkun meħtieġ l-użu ta’ modalità tas-sinjal inqas intrużiva. |
|
0.4. |
Għalhekk, dan ir-Regolament jirrikjedi l-attivazzjoni ta’ sinjal ta’ informazzjoni dwar il-qrubija f’każ li l-persuni bil-mixi jew iċ-ċiklisti jidħlu fiż-żona tal-punti moħbija kritiċi quddiem il-vettura, jekk il-vettura tat-test tkun qed tħejji biex titlaq minn stat wieqaf f’linja dritta jew tkun qed tivvjaġġa dritt ’il quddiem b’veloċitajiet baxxi. Dan is-sinjal għandu jiġi diżattivat b’mod awtomatiku f’każ ta’ falliment tas-sistema jew kontaminazzjoni tas-sensuri, filwaqt li d-diżattivazzjoni manwali tista’ tkun possibbli wkoll permezz ta’ sekwenza ta’ azzjonijiet mis-sewwieq biex tiġi evitata d-diżattivazzjoni mhux intenzjonata. |
|
0.5. |
Barra minn hekk, dan ir-Regolament jitlob sinjal addizzjonali, li għandu jingħata meta l-ħabta ssir imminenti, eż. meta l-vettura taċċellera mill-istat wieqaf u l-persuni bil-mixi jew iċ-ċiklisti jkunu jinsabu direttament quddiem il-vettura. L-istrateġija ta’ attivazzjoni u ta’ diżattivazzjoni għal dan is-sinjal ta’ twissija ta’ ħabta tista’ tiġi ddeterminata mill-manifattur; madankollu, f’każ ta’ falliment tas-sistema jew kontaminazzjoni tas-sensur, is-sinjal ta’ informazzjoni dwar il-qrubija u s-sinjal ta’ twissija ta’ ħabta għandhom jiġu diżattivati flimkien. |
|
0.6. |
Dan ir-Regolament jiddefinixxi proċedura tat-test ibbażata fuq vetturi tat-test li huma stazzjonarji, li se jitilqu mill-istat wieqaf u jimxu ’l quddiem b’veloċitajiet baxxi f’linja dritta għal veloċitajiet ta’ 10 km/h jew anqas. Id-data analitika tal-ħabta turi li l-għoti ta’ informazzjoni u t-twissijiet matul dawn il-manuvri tal-vettura huwa xieraq peress li s-sinjal ta’ informazzjoni jeħtieġ li jkun preżenti kmieni biżżejjed biex iwissi lis-sewwieq dwar il-persuni bil-mixi u ċ-ċiklisti qrib ħafna tal-parti ta’ quddiem tal-vettura. |
|
0.7. |
Dan ir-Regolament ma jistax ikopri l-kundizzjonijiet tat-traffiku u l-karatteristiċi tal-infrastruttura kollha fil-proċess tal-approvazzjoni tat-tip; dan ir-Regolament jirrikonoxxi li l-prestazzjonijiet meħtieġa f’dan ir-Regolament ma jistgħux jinkisbu fil-kundizzjonijiet kollha (il-kundizzjoni tal-vettura, l-ambjent tat-triq, il-kundizzjonijiet tat-temp, ix-xenarji tat-traffiku eċċ, jistgħu jaffettwaw il-prestazzjonijiet tas-sistema). Il-kundizzjonijiet attwali u l-karatteristiċi fid-dinja reali ma għandhomx jirriżultaw fi twissijiet foloz sal-punt li jinkoraġġixxu lis-sewwieq jitfi s-sistema. |
1. KAMP TA’ APPLIKAZZJONI
|
1.1. |
Dan ir-Regolament japplika għall-approvazzjoni ta’ vetturi tal-kategoriji M2, M3, N2 u N3 rigward sistema abbord biex tidentifika u tinforma lis-sewwieq dwar il-preżenza ta’ persuni bil-mixi u ta’ ċiklisti fil-punt moħbi ta’ quddiem fil-qrib tal-vettura u, jekk jitqies meħtieġ abbażi tal-istrateġija tal-manifattur, twissi lis-sewwieq dwar ħabta potenzjali. |
|
1.2. |
Ir-rekwiżiti ta’ dan ir-Regolament huma fformulati b’tali mod li japplikaw għal vetturi li huma żviluppati għas-sewqan fuq il-lemin. F’vetturi li huma żviluppati għas-sewqan fuq ix-xellug, dawn ir-rekwiżiti għandhom jiġu applikati billi jinqalbu l-kriterji, meta dan ikun xieraq. |
|
1.3. |
Il-vetturi tal-kategorija M u N li ġejjin għandhom jiġu eżentati minn dan ir-Regolament:
Il-vetturi fejn l-installazzjoni ta’ kwalunkwe apparat għas-sistema ta’ informazzjoni waqt it-tluq tal-vettura tkun inkompatibbli mal-użu fit-triq tagħhom jistgħu jiġu eżentati parzjalment jew għalkollox minn dan ir-Regolament, skont id-deċiżjoni tal-Awtorità tal-Approvazzjoni tat-Tip. |
2. DEFINIZZJONIJIET
Għall-finijiet ta’ dan ir-Regolament:
|
2.1. |
“Sistema ta’ Informazzjoni waqt it-Tluq tal-Vettura (MOIS )” tfisser sistema li tidentifika u tinforma lis-sewwieq bil-preżenza ta’ persuni bil-mixi u ta’ ċiklisti fil-punt moħbi ta’ quddiem fil-qrib tal-vettura u, jekk jitqies meħtieġ abbażi tal-istrateġija tal-manifattur, twissi lis-sewwieq dwar ħabta potenzjali. |
|
2.2. |
“Approvazzjoni tat-tip ta’ vettura” tfisser il-proċedura kollha li permezz tagħha Parti Kontraenti għall-Ftehim tiċċertifika li tip ta’ vettura jissodisfa r-rekwiżiti tekniċi ta’ dan ir-Regolament. |
|
2.3. |
“Tip ta’ vettura fir-rigward tas-Sistema ta’ Informazzjoni waqt it-Tluq tal-Vettura” tfisser kategorija ta’ vetturi li ma tvarjax f’aspetti essenzjali bħal:
|
|
2.4. |
“Vettura tat-test” tfisser il-vettura li qed tiġi ttestjata. |
|
2.5. |
“Utent Vulnerabbli tat-Triq (VRU )” tfisser persuna adulta jew minorenni bil-mixi jew adult jew ċiklist minorenni. |
|
2.6. |
“Sinjal ta’ informazzjoni” tfisser sinjal li joħroġ mill-MOIS bil-għan li jinforma lis-sewwieq tal-vettura dwar VRU qrib ħafna tal-parti ta’ quddiem tal-vettura. |
|
2.7. |
“Sinjal ta’ twissija ta’ ħabta” tfisser sinjal li joħroġ mill-MOIS bil-għan li jwissi lis-sewwieq tal-vettura meta l-MOIS tkun identifikat ħabta frontali potenzjali ma’ VRU qrib ħafna tal-parti ta’ quddiem tal-vettura. |
|
2.8. |
“Swiċċ ta’ kontroll prinċipali tal-vettura” tfisser l-apparat li permezz tiegħu, is-sistema tal-elettronika abbord il-vettura tgħaddi mill-modalità mitfija, bħal fil-każ li fih vettura tkun ipparkjata mingħajr il-preżenza tas-sewwieq, għall-modalità ta’ tħaddim normali. |
|
2.9. |
“Inizjalizzazzjoni” tfisser il-proċess tal-issettjar tat-tħaddim tal-MOIS wara li jiġi attivat l-iswiċċ ta’ kontroll prinċipali tal-vettura sakemm din tkun kompletament funzjonali. |
|
2.10. |
“Spazju komuni” tfisser żona li fiha jistgħu jintwerew żewġ funzjonijiet tal-informazzjoni jew aktar (eż. simboli), iżda mhux simultanjament. |
|
2.11. |
“Punt ta’ referenza okulari” tfisser il-punt tan-nofs bejn żewġ punti 65 mm ’il bogħod minn xulxin u 635 mm vertikalment ’il fuq mill-punt ta’ referenza li huwa speċifikat fl-Anness 1 tal-ECE/TRANS/WP.29/78/Rev.6 (1) fuq is-sit tas-sewwieq. Il-linja dritta li tgħaqqad iż-żewġ punti tgħaddi b’mod perpendikolari mal-pjan medjan lonġitudinali vertikali tal-vettura. Iċ-ċentru tas-segment li jgħaqqad iż-żewġ punti jinsab fi pjan lonġitudinali vertikali li jgħaddi minn ġoċ-ċentru tal-pożizzjoni ddeżinjata tas-sit tas-sewwieq, kif speċifikat mill-manifattur tal-vettura. |
|
2.12. |
“Quddiem tal-vettura” tfisser il-pjan perpendikolari mal-pjan lonġitudinali medjan tal-vettura u li jmiss il-punt ta’ quddiem nett tagħha, filwaqt li tiġi injorata l-projezzjoni tal-apparati għall-viżjoni indiretta u ta’ kwalunkwe parti tal-vettura aktar minn 2,0 m ’il fuq mill-art. |
|
2.13. |
“Nearside” tfisser in-naħa tal-lemin tal-vettura, għat-traffiku fuq in-naħa tal-lemin. |
|
2.14. |
“Pjan tan-nearside tal-vettura” tfisser il-pjan parallel mal-pjan lonġitudinali medjan tal-vettura u li jmiss l-aktar punt fuq barra tagħha fid-direzzjoni ’l quddiem tan-nearside tal-punt ta’ referenza okulari tas-sewwieq, filwaqt li tiġi injorata l-projezzjoni tal-apparati għall-viżjoni indiretta u ta’ kwalunkwe parti mill-vettura tat-test ogħla minn 2,0 m ’il fuq mill-art. |
|
2.15. |
“Offside” tfisser in-naħa tax-xellug tal-vettura, għat-traffiku fuq in-naħa tal-lemin |
|
2.16. |
“Pjan tal-offside tal-vettura” tfisser il-pjan parallel mal-pjan lonġitudinali medjan tal-vettura u li jmiss l-aktar punt fuq barra tagħha fid-direzzjoni ’l quddiem tal-offside tal-punt ta’ referenza okulari tas-sewwieq, filwaqt li tiġi injorata l-projezzjoni tal-apparati għall-viżjoni indiretta u ta’ kwalunkwe parti mill-vettura tat-test ogħla minn 2,0 m ’il fuq mill-art. |
|
2.17. |
“Wisa’ tal-vettura” tfisser id-distanza bejn il-pjani tan-nearside u tal-offside tal-vettura. |
|
2.18. |
“Trajettorja tal-vettura” tfisser il-konnessjoni tal-pożizzjonijiet kollha fil-wisa’ tal-vettura fejn kienet jew se tkun il-parti ta’ quddiem tal-vettura matul il-provi tat-test. |
|
2.19. |
“Bersall artab” tfisser bersall li jsofri dannu minimu u li jikkawża dannu minimu lill-vettura tat-test fil-każ ta’ ħabta. |
|
2.20. |
“Bersall tat-test fil-forma ta’ persuna bil-mixi” tfisser persuni bil-mixi ta’ daqs ta’ adult jew ta’ tfal simulat b’apparat ta’ bersall artab speċifikat skont ISO 19206-2:2018. |
|
2.21. |
“Bersall tat-test fil-forma ta’ ċiklist” tfisser ċiklist ta’ daqs ta’ adult u rota simulat b’apparat ta’ bersall artab u rota speċifikat skont ISO (CD) 19206-4. |
|
2.22. |
“Limitu tal-punti moħbija” tfisser il-linja, deskritta kif definit fl-Anness 3, li tgħaqqad il-punti kollha li jinsabu fil-limiti taż-żoni viżibbli ’l quddiem mill-parti ta’ quddiem tal-vettura u qrib ħafna tal-vettura tat-test. |
|
2.23. |
“Punt ta’ ħbit” tfisser il-pożizzjoni fejn it-trajettorja ta’ kwalunkwe punt fuq quddiem tal-vettura tinkroċja ma’ kwalunkwe punt ta’ referenza ta’ bersall artab tal-VRU jekk il-vettura twettaq manuvra ta’ tluq jew b’veloċità baxxa. |
|
2.24. |
“Distanza ta’ separazzjoni ’l quddiem” tfisser id-distanza fid-direzzjoni ’l quddiem bejn il-parti ta’ quddiem tal-vettura u l-eqreb punt tal-bersall artab. |
|
2.25. |
“Pjan ta’ separazzjoni ’l quddiem massima” tfisser il-pjan perpendikolari mal-pjan lonġitudinali tal-vettura li jirrappreżenta l-akbar distanza ta’ separazzjoni ’l quddiem li l-MOIS teħtieġ biex tiġi identifikata l-preżenza ta’ VRU. Id-distanza ta’ dan il-pjan mill-parti ta’ quddiem tal-vettura għandha tintgħażel jew bħala 3,7 m jew bħala l-aktar punt ’il quddiem tal-limitu tal-punti moħbija skont l-għażla tal-manifattur, u ma għandhiex tkun anqas minn 1,0 m. |
|
2.26. |
“Pjan ta’ separazzjoni ’l quddiem minima” tfisser il-pjan perpendikolari mal-pjan lonġitudinali tal-vettura li jirrappreżenta l-iqsar distanza ta’ separazzjoni ’l quddiem li l-MOIS teħtieġ biex tiġi identifikata l-preżenza ta’ VRU. Id-distanza ta’ dan il-pjan mill-parti ta’ quddiem tal-vettura għandha tkun ta’ 0,8 m. |
|
2.27. |
“Pjan ta’ separazzjoni tan-nearside” tfisser il-pjan parallel mal-pjan lonġitudinali tal-vettura u li jinsab 0,5 m ’il barra mill-pjan tan-nearside tal-vettura. |
|
2.28. |
“Pjan ta’ separazzjoni tal-offside” tfisser il-pjan parallel mal-pjan lonġitudinali tal-vettura u li jinsab 0,5 m ’il barra mill-pjan tal-vettura lil hinn mill-pjan tal-offside tal-vettura. |
|
2.29. |
“Modalità tal-vettura ’l quddiem” tfisser il-modalità tal-vettura meta s-sistema tal-motopropulsjoni tmexxi l-vettura ’l quddiem, mar-rilaxx tas-sistema tal-brejk jew bl-applikazzjoni ta’ pressjoni fuq il-pedala tal-aċċelleratur (jew l-attivazzjoni ta’ kontroll ekwivalenti). |
|
2.30. |
“Manuvra potenzjali tat-tluq” tfisser li l-vettura tat-test tkun wieqfa, li l-iswiċċ ta’ kontroll prinċipali tal-vettura jkun attivat, li l-vettura tkun f’modalità ta’ tħaddim normali u bil-modalità tal-vettura ’l quddiem jew bil-ger għall-mixi ’l quddiem attivat/magħżul. |
|
2.31. |
“Manuvra b’veloċità baxxa” tfisser li l-vettura tat-test tkun f’modalità ta’ tħaddim normali, u timxi ’l quddiem f’linja dritta b’veloċitajiet ta’ anqas minn 10 km/h. |
|
2.32. |
“L-Aħħar Punt ta’ Informazzjoni (LPI )” tfisser il-punt li fih għandu jkun ingħata s-sinjal ta’ informazzjoni. |
3. APPLIKAZZJONI GĦALL-APPROVAZZJONI
|
3.1. |
L-applikazzjoni għall-approvazzjoni ta’ tip ta’ vettura fir-rigward tas-Sistemi ta’ Informazzjoni waqt it-Tluq tal-Vettura (MOIS) għandha tiġi sottomessa mill-manifattur tal-vettura jew mir-rappreżentant awtorizzat tiegħu. |
|
3.2. |
Hija għandha tiġi akkumpanjata mid-dokumenti msemmija hawn taħt fi tliet kopji kif ukoll id-dettalji li ġejjin: |
|
3.2.1. |
Deskrizzjoni tat-tip ta’ vettura fir-rigward tal-punti msemmija fil-paragrafu 5, flimkien ma’ disinji dimensjonali u mad-dokumentazzjoni kif imsemmi fil-paragrafu 6.1. Għandhom jiġu speċifikati n-numri u/jew is-simboli li jidentifikaw it-tip ta’ vettura. |
|
3.3. |
Vettura rappreżentattiva tat-tip ta’ vettura li għandha tiġi approvata għandha tiġi sottomessa lis-Servizz Tekniku li jwettaq it-testijiet ta’ approvazzjoni. |
4. APPROVAZZJONI
|
4.1. |
Jekk it-tip ta’ vettura mressqa għall-approvazzjoni skont dan ir-Regolament jissodisfa r-rekwiżiti tal-paragrafu 5 ta’ hawn taħt, għandha tingħata l-approvazzjoni għal dak it-tip tal-vettura. |
|
4.2. |
Il-konformità tar-rekwiżiti fil-paragrafu 5 għandha tiġi vverifikata bil-proċedura tat-test kif iddefinita fil-paragrafu 6, iżda t-tħaddim tagħha ma għandux ikun limitat għal dawn il-kundizzjonijiet tat-test speċifiċi. |
|
4.3. |
Kull tip ta’ vettura approvat għandu jiġi assenjat numru ta’ approvazzjoni; l-ewwel żewġ ċifri tiegħu (00 għal dan ir-Regolament fil-forma inizjali tiegħu) għandhom jindikaw is-serje ta’ emendi li jinkorporaw l-emendi tekniċi l-aktar riċenti u importanti magħmula għal dan ir-Regolament fiż-żmien tal-ħruġ tal-approvazzjoni. L-istess Parti Kontraenti ma għandhiex tassenja l-istess numru lill-istess tip ta’ vettura mgħammar b’tip ieħor ta’ MOIS, jew lil tip ieħor ta’ vettura. |
|
4.4. |
Għandha tintbagħat notifika ta’ approvazzjoni jew ta’ ċaħda ta’ approvazzjoni skont dan ir-Regolament lill-Partijiet għall-Ftehim li japplikaw dan ir-Regolament permezz ta’ formola li tikkonforma mal-mudell fl-Anness 1 u ritratti u/jew disinji forniti mill-applikant li jkunu f’format mhux akbar minn A4 (210 × 297 mm), jew mitwija f’dak il-format, u fuq skala xierqa. |
|
4.5. |
Ma’ kull vettura li tikkonforma ma’ tip ta’ vettura approvat skont dan ir-Regolament, għandha titwaħħal, b’mod li jidher u f’post li huwa faċilment aċċessibbli speċifikat fil-formola tal-approvazzjoni, marka ta’ approvazzjoni internazzjonali li tikkonforma mal-mudell li hemm deskritt fl-Anness 2 u li tikkonsisti f’dawn li ġejjin: |
|
4.5.1. |
Ċirku madwar l-ittra “E” segwit minn dawn:
|
|
4.5.2. |
Ovali madwar l-ittri “UI” segwita mill-Identifikatur Uniku. |
|
4.6. |
Jekk il-vettura tkun konformi ma’ tip ta’ vettura approvat skont wieħed jew aktar mir-Regolamenti l-oħra tan-NU annessi mal-Ftehim, fil-pajjiż li jkun ta l-approvazzjoni skont dan ir-Regolament, is-simbolu stipulat fil-paragrafu 4.5. ta’ hawn fuq ma għandux għalfejn jiġi repetut. F’dan il-każ, ir-Regolament tan-NU u n-numri ta’ approvazzjoni u s-simboli addizzjonali għandhom jitqiegħdu fil-kolonni vertikali fuq in-naħa tal-lemin tas-simbolu li hemm stipulat fil-paragrafu 4.5. ta’ hawn fuq. |
|
4.7. |
Il-marka ta’ approvazzjoni għandha tkun tista’ tinqara b’mod ċar u ma tkunx tista’ titħassar. |
|
4.8. |
Il-marka ta’ approvazzjoni għandha titqiegħed fuq il-pjanċa tad-data tal-vettura jew qrib tagħha. |
5. SPEĊIFIKAZZJONIJIET
|
5.1. |
Rekwiżiti ġenerali |
|
5.1.1. |
Kwalunkwe vettura mgħammra b’MOIS li tikkonforma mad-definizzjoni tal-paragrafu 2.1. ta’ hawn fuq għandha tissodisfa r-rekwiżiti li jinsabu fil-paragrafi 5.2. sa 5.8. ta’ dan ir-Regolament. |
|
5.1.2. |
L-effettività tal-MOIS ma għandhiex tkun affettwata b’mod avvers minn kampijiet manjetiċi jew elettriċi. Dan għandu jintwera b’konformità mar-rekwiżiti tekniċi u mad-dispożizzjonijiet tranżizzjonali tar-Regolament Nru 10 tan-NU, is-serje 05 ta’ emendi jew kwalunkwe serje ta’ emendi aktar riċenti. |
|
5.2. |
Rekwiżiti ta’ prestazzjoni |
|
5.2.1. |
L-MOIS għandha tal-anqas topera matul il-manuvri potenzjali tat-tluq u l-manuvri b’veloċità baxxa kollha, għal kundizzjonijiet ta’ dawl ambjentali ’l fuq minn 15 Lux bi jew mingħajr fanali ta’ quddiem b’raġġ baxx attivati. |
|
5.2.2. |
L-MOIS għandha tinforma lis-sewwieq dwar il-VRUs qrib il-parti ta’ quddiem tal-vettura li jistgħu jitqiegħdu f’periklu matul manuvra potenzjali tat-tluq jew manuvra b’veloċità baxxa. Din l-informazzjoni għandha tiġi pprovduta lis-sewwieq sabiex is-sewwieq jimpedixxi milli l-vettura tinteraġixxi mat-trajettorja tal-VRU. |
|
5.2.2.1. |
Is-sinjal ta’ informazzjoni għandu jiġi pprovdut tal-anqas dment li jkunu ssodisfati l-kundizzjonijiet speċifikati fil-paragrafi 5.2.2.2. u 5.2.2.3. |
|
5.2.2.2. |
Manuvra ta’ tluq potenzjali tal-vettura |
|
5.2.2.2.1. |
Meta titwettaq manuvra tat-tluq potenzjali tal-vettura, l-MOIS għandha tipprovdi sinjal ta’ informazzjoni lill-VRUs li jiċċaqalqu b’veloċitajiet ta’ bejn 3 km/h u 5 km/h, meta jivvjaġġaw min-nearside u l-offside tal-vettura f’direzzjoni perpendikolari mal-pjan lonġitudinali medjan tal-vettura u li jkunu jinsabu f’żona limitata mill-pjani ta’ separazzjoni ’l quddiem massima u minima u mill-pjani ta’ separazzjoni tan-nearside u tal-offside. |
|
5.2.2.3. |
Manuvra b’veloċità baxxa |
|
5.2.2.3.1. |
Meta titwettaq manuvra b’veloċità baxxa, l-MOIS għandha tipprovdi sinjal ta’ informazzjoni liċ-ċiklisti adulti u liċ-ċiklisti tfal li jkunu weqfin jew mexjin ’il quddiem f’direzzjoni parallela mal-pjan lonġitudinali medjan tal-vettura b’veloċitajiet ta’ bejn 0 km/h u 10 km/h u li jkunu jinsabu f’żona limitata mill-pjani tan-nearside u tal-offside tal-vettura u l-pjani ta’ separazzjoni ’l quddiem massima u minima. |
|
5.2.2.3.2. |
Meta vettura li twettaq manuvra b’veloċità baxxa tkun diġà identifikat ċiklist adult jew ċiklist tfal u tkun ipprovdiet sinjal ta’ informazzjoni f’konformità ma’ 5.2.2.3.1., l-MOIS għandha żżomm is-sinjal ta’ informazzjoni anke jekk il-vettura tieqaf. Is-sinjal ta’ informazzjoni għandu jinżamm sakemm iċ-ċiklist jibqa’ f’żona limitata mill-pjani tan-nearside u tal-offside tal-vettura u l-pjani tas-separazzjoni ’l quddiem massima u minima. |
|
5.2.2.3.3. |
Meta titwettaq manuvra ta’ dawran, l-istrateġija ta’ detezzjoni tal-MOIS tista’ tiġi aġġustata. Mhuwiex meħtieġ li s-sensuri jiġu aġġustati għall-angolu tal-istering. L-istrateġija ta’ aġġustament għad-detezzjoni għandha tiġi spjegata fl-informazzjoni msemmija fil-paragrafu 6.1. Is-Servizz Tekniku għandu jivverifika t-tħaddim tas-sistema skont l-istrateġija. |
|
5.2.2.4. |
Is-sinjal ta’ informazzjoni għandu jissodisfa r-rekwiżiti tal-paragrafu 5.6. |
|
5.2.3. |
Il-manifattur għandu juri, għas-sodisfazzjon tas-Servizz Tekniku u tal-Awtorità tal-Approvazzjoni tat-Tip, permezz ta’ dokumentazzjoni, simulazzjoni jew mezzi oħra, li l-MOIS qed taħdem kif speċifikat għal ċiklisti u roti iżgħar, simili fid-daqs għal ċiklist tfal. |
|
5.2.4. |
Il-manifattur għandu juri, għas-sodisfazzjon tas-Servizz Tekniku u tal-Awtorità tal-Approvazzjoni tat-Tip, permezz ta’ dokumentazzjoni, simulazzjoni jew mezzi oħra, li n-numru ta’ reazzjonijiet foloz minħabba l-identifikazzjoni ta’ VRUs u oġġetti statiċi (bħal koni, sinjali tat-traffiku, sisien tal-ħaxix u karozzi pparkjati) li jkunu jinsabu barra mil-limiti ddefiniti f’5.2.2.2 u 5.2.2.3 għall-manuvri tal-vettura rilevanti huwa minimizzat. |
|
5.3. |
Diżattivazzjoni Awtomatika |
|
5.3.1. |
L-MOIS għandha tiddiżattiva ruħha awtomatikament jekk iġġarrab ħsara jew jekk ma tkunx tista’ taħdem sew minħabba li l-apparati tas-sensuri tagħha jkunu kkontaminati b’silġ, b’borra, b’tajn, bi trab jew b’materjal simili. L-MOIS tista’ wkoll tiddiżattiva ruħha awtomatikament minħabba kundizzjonijiet tad-dawl ambjentali agħar minn dawk speċifikati fil-paragrafu 5.2.1. |
|
5.3.2. |
Id-diżattivazzjoni awtomatika għandha tiġi indikata bis-sinjal ta’ twissija ta’ falliment speċifikat fil-paragrafu 5.8. |
|
5.3.3. |
L-MOIS għandha tiġi riattivata b’mod awtomatiku meta tiġi vverifikata l-funzjoni normali tas-sensuri. Din għandha tiġi ttestjata f’konformità mad-dispożizzjonijiet tal-paragrafi 6.8 (test ta’ detezzjoni ta’ falliment) u 6.9. (test tad-diżattivazzjoni awtomatika). |
|
5.4. |
Diżattivazzjoni manwali |
|
5.4.1. |
Jista’ jkun possibbli li l-MOIS tiġi diżattivata b’mod manwali. |
|
5.4.2. |
Id-diżattivazzjoni manwali għandha sseħħ permezz ta’ sekwenza ta’ azzjonijiet intenzjonati li għandhom jitwettqu mis-sewwieq, pereżempju billi jkun meħtieġ input wieħed li jaqbeż ċertu limitu ta’ ħin jew għafsa doppja, jew żewġ inputs separati iżda simultanji. |
|
5.4.3. |
Ma għandux ikun possibbli li kwalunkwe sistema oħra tiġi diżattivata b’mod manwali fl-istess ħin bħall-MOIS jew permezz tal-istess sekwenza ta’ azzjonijiet. |
|
5.4.4. |
Meta l-MOIS tiġi diżattivata b’mod manwali, għandu jkun possibbli li s-sewwieq jattivaha mill-ġdid faċilment b’mod manwali. |
|
5.4.5. |
Meta l-MOIS tiġi diżattivata b’mod manwali, hija għandha tiġi riattivata b’mod awtomatiku meta jiġi attivat l-iswiċċ ta’ kontroll prinċipali tal-vettura. |
|
5.5. |
Inizjalizzazzjoni tas-sistema |
|
5.5.1. |
Jekk l-MOIS ma tkunx ġiet ikkalibrata wara ħin ta’ sewqan kumulattiv ta’ 15-il sekonda b’veloċità ta’ aktar minn 0 km/h (inkluż il-fażijiet fi stat wieqaf), l-informazzjoni dwar dan l-istatus għandha tiġi indikata lis-sewwieq. Din l-informazzjoni għandha tibqa’ tiġi indikata sakemm is-sistema tkun ġiet ikkalibrata b’suċċess. |
|
5.6. |
Sinjal ta’ informazzjoni |
|
5.6.1. |
Is-sinjal ta’ informazzjoni tal-MOIS imsemmi fil-paragrafu 5.2.2. ta’ hawn fuq għandu jkun sinjal ta’ informazzjoni li jista’ jiġi nnutat u li jista’ jiġi vverifikat faċilment mis-sewwieq mis-sit tiegħu. |
|
5.6.2. |
Dan is-sinjal ta’ informazzjoni għandu jkun viżibbli binhar kif ukoll billejl. |
|
5.7. |
Sinjal ta’ twissija ta’ ħabta |
|
5.7.1. |
L-MOIS għandha tavża lis-sewwieq meta r-riskju ta’ ħabta jkun imminenti billi tipprovdi s-sinjal ta’ twissija ta’ ħabta. |
|
5.7.2. |
Is-sinjal ta’ twissija ta’ ħabta għandu jiġi pprovdut permezz ta’ kombinazzjoni ta’ mill-anqas żewġ modalitajiet magħżula minn sinjal ottiku, sinjal akustiku jew sinjal tattili.
Meta s-sinjal ta’ twissija ta’ ħabta jiġi pprovdut bl-użu ta’ modalità ottika, dan għandu jkun sinjal li jvarja fl-istrateġija ta’ attivazzjoni mis-sinjal ta’ informazzjoni speċifikat fil-paragrafi 5.2.2. u 5.6. |
|
5.7.3. |
Is-sewwieq għandu jkun jista’ jifhem faċilment li s-sinjal ta’ twissija huwa relatat mal-ħabta potenzjali. F’każ li s-sinjal ta’ twissija jkun sinjal ottiku, dan is-sinjal għandu jkun viżibbli binhar u billejl ukoll. |
|
5.7.4. |
Is-sinjal ta’ twissija ta’ ħabta għandu jiġi attivat skont l-istrateġija tal-manifattur. L-istrateġija ta’ twissija għandha tkun spjegata fl-informazzjoni msemmija fil-paragrafu 6.1.
Is-Servizz Tekniku għandu jivverifika t-tħaddim tas-sistema skont l-istrateġija. |
|
5.7.5. |
Dan is-sinjal ta’ twissija ta’ ħabta jista’ jiġi diżattivat b’mod manwali. Fil-każ ta’ diżattivazzjoni manwali, dan għandu jiġi riattivat wara kull attivazzjoni tal-iswiċċ ta’ kontroll prinċipali tal-vettura. |
|
5.8. |
Sinjali ta’ twissija ta’ falliment |
|
5.8.1. |
Is-sinjal ta’ twissija ta’ falliment imsemmi fil-paragrafu 5.3.2. ta’ hawn fuq għandu jkun sinjal ottiku, u għandu jkun differenti jew identifikabbli b’mod ċar mis-sinjal ta’ informazzjoni. Is-sinjal ta’ twissija ta’ falliment għandu jkun viżibbli binhar u billejl, u għandu jkun faċilment verifikabbli mis-sewwieq mis-sit tas-sewwieq. |
|
5.8.2. |
Is-sinjal ta’ twissija ta’ falliment għandu jibqa’ attiv sakemm l-MOIS ma tkunx disponibbli. |
|
5.8.3. |
Is-sinjal ta’ twissija ta’ falliment tal-MOIS għandu jiġi attivat bl-attivazzjoni tal-iswiċċ ta’ kontroll prinċipali tal-vettura. Dan ir-rekwiżit ma japplikax għas-sinjali ta’ twissija ta’ ħabta murija fi spazju komuni għas-sinjal ta’ twissija ta’ falliment. |
|
5.9. |
Dispożizzjonijiet għall-Ispezzjoni Teknika Perjodika |
|
5.9.1. |
Fi Spezzjoni Teknika Perjodika, għandu jkun possibbli li jiġi kkonfermat l-istatus operazzjonali korrett tal-MOIS permezz ta’ osservazzjoni viżibbli tal-istatus tas-sinjal ta’ twissija ta’ falliment.
Fil-każ li s-sinjal ta’ twissija ta’ falliment ikun fi spazju komuni, dan l-ispazju komuni jrid jiġi osservat li jkun funzjonali qabel ma jsir il-kontroll tal-istatus tas-sinjal ta’ twissija ta’ falliment. |
6. PROĊEDURA TAT-TEST
|
6.1. |
Il-manifattur għandu jipprovdi pakkett ta’ dokumentazzjoni li jagħti aċċess għad-disinn bażiku tas-sistema u, jekk applikabbli, il-mezzi li bihom din hija konnessa ma’ sistemi oħra tal-vettura. Il-funzjoni tas-sistema inkluża l-istrateġija tas-sensuri u ta’ twissija tagħha, għandha tkun spjegata u d-dokumentazzjoni għandha tiddeskrivi kif jiġi vverifikat l-istatus operazzjonali tas-sistema, jekk hemmx influwenza fuq sistemi oħra tal-vettura, u l-metodu/metodi użat(i) sabiex jiġu stabbiliti s-sitwazzjonijiet li jirriżultaw fil-wiri ta’ sinjal ta’ twissija ta’ falliment. Il-pakkett ta’ dokumentazzjoni għandu jagħti biżżejjed informazzjoni lill-Awtorità tal-Approvazzjoni tat-Tip sabiex tkun tista’ tidentifika t-tip ta’ vettura u tgħin fit-teħid ta’ deċiżjonijiet dwar l-għażla tal-kundizzjonijiet tal-agħar xenarju. |
|
6.2. |
Kundizzjonijiet tat-test |
|
6.2.1. |
It-test għandu jitwettaq fuq superfiċje lixxa u xotta tal-asfalt jew tal-konkrit. |
|
6.2.2. |
It-temperatura tal-ambjent għandha tkun bejn 0 °C u 45 °C. |
|
6.2.3. |
It-test għandu jsir f’kundizzjonijiet ta’ viżibbiltà li jippermettu l-osservazzjoni tal-bersall matul it-test kollu u li jippermettu sewqan sikur fil-veloċitajiet meħtieġa tat-test. |
|
6.2.4. |
L-illuminazzjoni ambjentali naturali għandha tkun omoġenja fl-erja tat-test u taqbeż l-1 000 lux. Għandu jiġi żgurat li l-ittestjar ma jsirx waqt is-sewqan lejn jew lil hinn mix-xemx f’angolu baxx. |
|
6.3. |
Kundizzjonijiet tal-vettura |
|
6.3.1. |
Il-piż tat-test
Il-vettura għandha tiġi ttestjata f’kundizzjoni ta’ tagħbija li għandha tiġi miftiehma bejn il-manifattur u s-Servizz Tekniku, bid-distribuzzjoni tal-massa fuq il-fusien iddikjarata mill-manifattur. Ma għandha ssir l-ebda bidla ladarba tkun inbdiet il-proċedura tat-test. Il-manifattur għandu juri permezz tal-użu ta’ dokumentazzjoni li s-sistema taħdem f’kull kundizzjoni ta’ tagħbija. |
|
6.3.2. |
Fil-każ fejn l-MOIS tkun mgħammra bi kronometraġġ ta’ informazzjoni aġġustabbli mill-utent, it-testijiet kif speċifikati fil-paragrafi 6.5., 6.6. u 6.7. ta’ hawn taħt għandhom isiru għal kull każ tat-test bil-livell limitu ta’ informazzjoni stabbilit fl-issettjar li jiġġenera s-sinjal ta’ informazzjoni li jkun l-eqreb għall-punt tal-ħbit, jiġifieri ssettjar tal-agħar xenarju. Ma għandha ssir l-ebda bidla ladarba tkun inbdiet il-proċedura tat-test. |
|
6.3.3. |
Kundizzjonament ta’ Qabel it-Test |
|
6.3.3.1. |
Jekk mitlub mill-manifattur tal-vettura, il-vettura tat-test tista’ tinstaq sa mhux aktar minn 100 km fuq taħlita ta’ toroq urbani u rurali bi traffiku u b’elementi oħra tal-infrastruttura tat-toroq biex tiġi inizjalizzata s-sistema tas-sensuri. |
|
6.4. |
Test ta’ verifika tas-sinjali |
|
6.4.1. |
Meta l-vettura tkun wieqfa, ivverifika li s-sinjali ottiċi ta’ twissija ta’ falliment jikkonformaw mar-rekwiżiti tal-paragrafu 5.6. ta’ hawn fuq. |
|
6.5. |
Testijiet Statiċi tal-Qsim |
|
6.5.1. |
Il-vettura tat-test għandha tibqa’ f’manuvra potenzjali tat-tluq bl-MOIS attiva u l-erja tat-test immarkata kif muri fl-Illustrazzjoni 1 tal-Appendiċi 1. Il-bersall tat-test rilevanti (T) għandu jkun immanuvrat b’tali mod li jimxi fuq trajettorja perpendikolari mal-pjan medjan lonġitudinali tal-vettura tat-test fid-distanza tal-każ tat-test (dTC ) lil hinn mill-parti ta’ quddiem tal-vettura u mid-direzzjoni tal-qsim rilevanti (c) (Tabella 1 tal-Appendiċi 1). Il-punt ta’ referenza ta’ bersall tat-test fil-forma ta’ persuna għandu jkun il-punt H (kif iddefinit mill-ISO 19206-2:2018) l-eqreb tal-vettura tat-test. Il-punt ta’ referenza ta’ bersall tat-test fil-forma ta’ ċiklist għandu jkun fl-intersezzjoni tal-pjan perpendikolari mal-linja tan-nofs tal-bersall tat-test li jinsab fil-punt l-aktar ’il quddiem tar-rota u l-pjan parallel mal-linja tan-nofs tal-bersall tat-test li jinsab fil-punt H tal-bersall tat-test l-eqreb tal-vettura tat-test (kif iddefinit mill-ISO (CD) 19206-4). |
|
6.5.2. |
Il-bersall tat-test għandu jiġi aċċellerat b’tali mod li jilħaq il-veloċità tal-bersall tat-test (v) f’distanza ta’ mhux eqreb minn 15-il m mill-pjan relatat man-naħa tal-vettura tat-test l-eqreb tad-direzzjoni tal-qsim. Il-veloċità tal-każ tat-test għandha tinżamm sakemm il-pjan relatat man-naħa opposta tal-vettura jkollu distanza ta’ mhux anqas minn 5 m. |
|
6.5.3. |
F’konformità mal-paragrafu 5.2.2.2., is-Servizz Tekniku għandu jivverifika l-attivazzjoni tas-sinjal ta’ informazzjoni tal-MOIS qabel ma l-bersall tat-test (T) jilħaq distanza li tikkorrispondi għall-aħħar punt ta’ informazzjoni (dLPI ) fit-Tabella 1 tal-Appendiċi 1, u li s-sinjal ta’ informazzjoni tal-MOIS jibqa’ mixgħul sakemm il-bersall tat-test ikun tal-anqas qasam il-pjan ta’ separazzjoni relatat man-naħa tal-vettura opposta għad-direzzjoni tal-qsim. Is-sinjal ta’ twissija ta’ ħabta ma għandux jiġi attivat. |
|
6.5.4. |
Is-Servizz Tekniku għandu jirrepeti l-paragrafi 6.5.1. sa 6.5.3. għal żewġ każijiet tat-test mit-Tabella 1 tal-Appendiċi 1 għal dan ir-Regolament u għal każ tat-test addizzjonali wieħed magħżul mill-kombinazzjoni ta’ bersall artab u l-medda ta’ veloċitajiet tal-VRU, id-direzzjonijiet tal-ivvjaġġar u l-limiti tad-detezzjoni tal-VRU ddefiniti fil-paragrafu 5.2.2.2.
Meta jitqies ġustifikat, is-Servizz Tekniku jista’ jagħżel ukoll każijiet tat-test addizzjonali fil-medda tal-bersalli rotob, tal-veloċitajiet tal-VRU, tad-direzzjonijiet tal-ivvjaġġar u tal-limiti tad-detezzjoni ddefiniti fil-paragrafu 5.2.2.2. |
|
6.6. |
Test ta’ Waqfien Lonġitudinali waqt it-Tluq tal-Vettura b’ċiklist |
|
6.6.1. |
Il-bersall tat-test fil-forma ta’ ċiklist (t) għandu jkun jinsab fl-erja tat-test immarkata kif muri fl-Illustrazzjoni 2 fl-Appendiċi 1. Il-bersall tat-test fil-forma ta’ ċiklist għandu jitqiegħed fil-punt tat-tluq tal-bersall tat-test rilevanti (pcyc ) fit-Tabella 2 tal-Appendiċi 1 u jħares fid-direzzjoni tal-ivvjaġġar u b’mod parallel mal-pjan medjan lonġitudinali tal-vettura tat-test. Il-punt ta’ referenza tal-bersall tat-test fil-forma ta’ ċiklist għandu jkun fiċ-ċentru tal-brekit tar-rota u fuq il-linja tan-nofs tar-rota. Jekk ikun hemm distanza ta’ spazju ħieles ta’ anqas minn 100 mm bejn il-parti ta’ quddiem tal-vettura u l-aktar punt fuq wara tal-bersall tat-test fil-forma ta’ ċiklist, il-pcyc jista’ jiġi mċaqlaq distanza ta’ spazju ħieles addizzjonali (dċara ) lil hinn mill-parti ta’ quddiem tal-vettura, f’direzzjoni parallela mal-pjan lonġitudinali, b’tali mod li jkun hemm spazju ħieles ta’ 100 + 10/-0 mm bejn il-parti ta’ quddiem tal-vettura u l-aktar punt fuq wara tal-bersall tat-test fil-forma ta’ ċiklist. |
|
6.6.2. |
Il-vettura tat-test għandha tiġi aċċellerata f’linja dritta għal veloċità kostanti ta’ 10 + 0/-0,5 km/h, qabel ma tidħol fil-kuritur tal-waqfien. Il-vettura tat-test għandha żżomm din il-veloċità kostanti sakemm il-parti ta’ quddiem tal-vettura tgħaddi mill-pjan tal-ibbrejkjar (pbrejk ) muri fl-Illustrazzjoni 2 tal-Appendiċi 1, qabel ma tibbrejkja sakemm tieqaf b’tali mod li l-parti ta’ quddiem tal-vettura tkun ippożizzjonata fil-pjan ta’ waqfien (pwaqfa ). Il-vettura tat-test għandha titqies li waqfet meta tkun waqfet u l-vettura jew ma tkunx għadha f’modalità ta’ mixi ’l quddiem jew f’ger ta’ mixi ’l quddiem. |
|
6.6.3. |
Wara dewmien ta’ mhux anqas minn 10 sekondi mill-punt li fih il-vettura tat-test titqies li waqfet, il-bersall tat-test għandu mbagħad jiġi aċċellerat f’linja dritta fuq trajettorja parallela mal-pjan medjan lonġitudinali tal-vettura għal veloċità ta’ 10 + 0/-0,5 km/h f’distanza ta’ 5 m, qabel ma jitwaqqaf. Waqt l-aċċellerazzjoni, it-tolleranza laterali tal-moviment tal-bersall tat-test ma għandhiex taqbeż ± 0,05 m. |
|
6.6.4. |
F’konformità mal-paragrafu 5.2.2.3., is-Servizz Tekniku għandu jivverifika l-attivazzjoni tas-sinjal ta’ informazzjoni tal-MOIS qabel ma l-vettura tat-test tilħaq distanza mill-pjan ta’ waqfien (pstop ) li tikkorrispondi għall-aħħar punt ta’ informazzjoni (dLPI ) fit-Tabella 2 tal-Appendiċi 1, u s-sinjal ta’ informazzjoni tal-MOIS jibqa’ mixgħul sakemm il-bersall tat-test jaqsam mill-anqas distanza mill-parti ta’ quddiem tal-vettura relatata mad-distanza ta’ separazzjoni ’l quddiem massima (dFSP) fl-Illustrazzjoni 2 tal-Appendiċi 1. Is-sinjal ta’ twissija ta’ ħabta jista’ jiġi attivat, kif xieraq. |
|
6.6.5. |
Is-Servizz Tekniku għandu jirrepeti l-paragrafi 6.6.1. sa 6.6.4. għal żewġ każijiet tat-test murija fit-Tabella 2 tal-Appendiċi 1 ta’ dan ir-Regolament u għal każ tat-test addizzjonali wieħed billi jagħżel bersall tat-test fil-forma ta’ ċiklist u punt tat-tluq taċ-ċiklist fi ħdan il-limiti tad-detezzjoni ddefiniti fil-paragrafu 5.2.2.3.
Meta jitqies iġġustifikat, is-Servizz Tekniku jista’ jagħżel ukoll każijiet tat-test addizzjonali fil-medda tal-bersalli tat-test fil-forma ta’ ċiklist u l-limiti ta’ detezzjoni ddefiniti fil-paragrafu 5.2.2.3. |
|
6.7. |
Test ta’ Tluq Lonġitudinali tal-Vettura b’Ċiklist |
|
6.7.1. |
Il-bersall tat-test fil-forma ta’ ċiklist (T) għandu jkun jinsab fl-erja tat-test immarkata kif muri fl-Illustrazzjoni 2 tal-Appendiċi 1. Il-bersall tat-test fil-forma ta’ ċiklist għandu jitqiegħed fil-punt tat-tluq tal-bersall tat-test rilevanti (pcyc ) fit-Tabella 2 tal-Appendiċi 1 u jħares fid-direzzjoni tal-ivvjaġġar u b’mod parallel mal-pjan medjan lonġitudinali tal-vettura tat-test. Il-punt ta’ referenza tal-bersall tat-test fil-forma ta’ ċiklist għandu jkun fiċ-ċentru tal-brekit tar-rota u fuq il-linja tan-nofs tar-rota. Jekk ikun hemm distanza ta’ spazju ħieles ta’ anqas minn 100 mm bejn il-parti ta’ quddiem tal-vettura u l-aktar punt fuq wara tal-bersall tat-test fil-forma ta’ ċiklist, il-pcyc jista’ jiġi mċaqlaq distanza ta’ spazju ħieles addizzjonali (dċara ) lil hinn mill-parti ta’ quddiem tal-vettura, f’direzzjoni parallela mal-pjan lonġitudinali, b’tali mod li jkun hemm spazju ħieles ta’ 100 + 10/-0 mm bejn il-parti ta’ quddiem tal-vettura u l-aktar punt fuq wara tal-bersall tat-test fil-forma ta’ ċiklist. |
|
6.7.2. |
Il-vettura tat-test għandha tiġi aċċellerata f’linja dritta għal veloċità kostanti ta’ 10 + 0/-0,5 km/h, qabel ma tidħol fil-kuritur tal-waqfien. Il-vettura tat-test għandha żżomm veloċità kostanti sakemm il-parti ta’ quddiem tal-vettura tgħaddi mill-pjan tal-ibbrejkjar (pbrake ) muri fl-Illustrazzjoni 2 tal-Appendiċi 1, qabel l-ibbrejkjar sakemm tieqaf b’tali mod li l-parti ta’ quddiem tal-vettura tkun ippożizzjonata fil-pjan ta’ waqfien (pstop ). Il-vettura tat-test għandha titqies li waqfet meta tkun waqfet u l-vettura jew ma tkunx għadha f’modalità ta’ mixi ’l quddiem jew f’ger ta’ mixi ’l quddiem. |
|
6.7.3. |
Wara dewmien ta’ mhux anqas minn 10 sekondi mill-punt li fih il-vettura tat-test titqies li waqfet, il-bersall tat-test u l-vettura tat-test għandhom jiġu aċċellerati fl-istess ħin u f’linja dritta, fuq trajettorja parallela mal-pjan medjan lonġitudinali tal-vettura tat-test, għal veloċità kostanti ta’ 10 + 0/-0,5 km/h f’distanza ta’ mhux aktar minn 5 m. Il-vettura tat-test u l-bersall tat-test għandhom iżommu din il-veloċità kostanti sakemm il-vettura tat-test taqsam distanza totali tal-ivvjaġġar ta’ mhux anqas minn 15-il m mill-punt ta’ waqfien. It-tolleranza laterali tal-vettura tat-test ma għandhiex taqbeż ± 0,05 m, filwaqt li t-tolleranza laterali tal-moviment tal-bersall tat-test ma għandhiex taqbeż ± 0,05 m. Id-distanza ta’ separazzjoni ’l quddiem bejn il-bersall tat-test u l-parti ta’ quddiem tal-vettura waqt li tkun miexja għandha tinżamm fil-limiti tal-pjani ta’ separazzjoni ’l quddiem massima u minima. |
|
6.7.4. |
F’konformità mal-paragrafu 5.2.2.3., is-Servizz Tekniku għandu jivverifika l-attivazzjoni tas-sinjal ta’ informazzjoni tal-MOIS qabel ma l-vettura tat-test tilħaq distanza mill-pjan ta’ waqfien (pstop ) li tikkorrispondi mal-aħħar punt ta’ informazzjoni (dLPI ) fit-Tabella 2 tal-Appendiċi 1, u s-sinjal ta’ informazzjoni tal-MOIS jibqa’ mixgħul sakemm il-vettura tat-test tgħaddi distanza ta’ 15-il m mill-punt ta’ waqfien. Is-sinjal ta’ twissija ta’ ħabta jista’ jiġi attivat, kif xieraq. |
|
6.7.5. |
Is-Servizz Tekniku għandu jirrepeti l-paragrafi 6.7.1. sa 6.7.4. għal żewġ każijiet tat-test murija fit-Tabella 2 tal-Appendiċi 1 ta’ dan ir-Regolament u għal każ tat-test addizzjonali wieħed billi jagħżel bersall tat-test fil-forma ta’ ċiklist u punt tat-tluq taċ-ċiklist fi ħdan il-limiti tad-detezzjoni ddefiniti fil-paragrafu 5.2.2.3.
Meta jitqies iġġustifikat, is-Servizz Tekniku jista’ jagħżel ukoll każijiet tat-test addizzjonali fil-medda tal-bersalli tat-test fil-forma ta’ ċiklist u l-limiti ta’ detezzjoni ddefiniti fil-paragrafu 5.2.2.3. |
|
6.8. |
Test ta’ detezzjoni ta’ falliment |
|
6.8.1. |
Agħmel simulazzjoni ta’ falliment tal-MOIS, pereżempju billi tneħħi s-sors tal-enerġija minn kull komponent tal-MOIS jew tneħħi kull konnessjoni elettrika bejn il-komponenti tal-MOIS. Il-konnessjonijiet elettriċi għas-sinjal ta’ twissija ta’ falliment tal-paragrafu 5.8. ta’ hawn fuq ma għandhomx jiġu skonnessi meta jiġi simulat falliment tal-MOIS. |
|
6.8.2. |
Is-sinjal ta’ twissija ta’ falliment speċifikat fil-paragrafu 5.8 għandu jiġi attivat u jibqa’ attivat waqt li l-vettura tkun qed tinstaq u għandu jiġi attivat mill-ġdid ma’ kull attivazzjoni tal-iswiċċ ta’ kontroll prinċipali tal-vettura sakemm ikun hemm il-falliment simulat. |
|
6.9. |
Test tad-diżattivazzjoni awtomatika |
|
6.9.1. |
Bis-sistema MOIS attiva, ikkontamina kwalunkwe wieħed mill-apparati tas-sensuri MOIS kompletament b’sustanza komparabbli mal-borra, mas-silġ jew mat-tajn (eż. abbażi tal-ilma). L-MOIS għandha tiddiżattiva ruħha b’mod awtomatiku, billi tindika din il-kundizzjoni kif speċifikat fil-paragrafu 5.8. |
|
6.9.2. |
Neħħi kull kontaminazzjoni mill-apparati tas-sensuri MOIS kompletament u agħmel riattivazzjoni tal-iswiċċ ta’ kontroll prinċipali tal-vettura. L-MOIS għandha tiġi riattivata b’mod awtomatiku wara ħin tas-sewqan li ma jaqbiżx is-60 sekonda. |
7. MODIFIKA TAT-TIP TA’ VETTURA U ESTENSJONI TAL-APPROVAZZJONI TAT-TIP
|
7.1. |
Kull modifika fit-tip ta’ vettura, kif iddefinit fil-paragrafu 2.3. ta’ dan ir-Regolament, għandha tiġi nnotifikata lill-Awtorità tal-Approvazzjoni tat-Tip li tkun approvat it-tip ta’ vettura. Imbagħad, l-Awtorità tal-Approvazzjoni tat-Tip tista’ jew: |
|
7.1.1. |
Tqis li l-modifiki magħmula ma għandhomx effett negattiv fuq il-kundizzjonijiet tal-għoti tal-approvazzjoni u tagħti estensjoni tal-approvazzjoni; |
|
7.1.2. |
Tqis li l-modifiki magħmula jaffettwaw il-kundizzjonijiet tal-għoti tal-approvazzjoni u tirrikjedi aktar testijiet jew verifiki addizzjonali qabel ma tagħti estensjoni tal-approvazzjoni. |
|
7.2. |
Il-konferma jew ir-rifjut tal-approvazzjoni, fejn jiġu speċifikati t-tibdiliet, għandhom jiġu kkomunikati skont il-proċedura speċifikata fil-paragrafu 4.4. ta’ hawn fuq lill-Partijiet Kontraenti għall-Ftehim li japplikaw dan ir-Regolament. |
|
7.3. |
L-Awtorità tal-Approvazzjoni tat-Tip għandha tinforma lill-Partijiet Kontraenti l-oħra dwar l-estensjoni permezz tal-formola ta’ komunikazzjoni li tidher fl-Anness 1 ta’ dan ir-Regolament. Hija għandha tassenja numru tas-serje lil kull estensjoni, li għandu jkun magħruf bħala n-numru ta’ estensjoni. |
8. KONFORMITÀ TAL-PRODUZZJONI
|
8.1. |
Il-proċeduri għall-konformità tal-produzzjoni għandhom ikunu konformi mad-dispożizzjonijiet ġenerali ddefiniti fl-Artikolu 2 u fl-Iskeda 1 tal-Ftehim tal-1958 (E/ECE/TRANS/505/Rev.3), u għandhom jissodisfaw ir-rekwiżiti li ġejjin: |
|
8.2. |
Vettura approvata skont dan ir-Regolament għandha tkun immanifatturata b’tali mod li tkun konformi mat-tip approvat billi jiġu ssodisfati r-rekwiżiti tal-paragrafu 5 ta’ hawn fuq; |
|
8.3. |
L-Awtorità tal-Approvazzjoni tat-Tip li tkun tat l-approvazzjoni tista’ fi kwalunkwe ħin tivverifika l-konformità tal-metodi ta’ kontroll applikabbli għal kull unità ta’ produzzjoni. Il-frekwenza normali ta’ dawn l-ispezzjonijiet għandha tkun ta’ darba kull sentejn. |
9. PENALI GĦAL NUQQAS TA’ KONFORMITÀ TAL-PRODUZZJONI
|
9.1. |
L-approvazzjoni mogħtija fir-rigward tat-tip ta’ vettura skont dan ir-Regolament tista’ tiġi rtirata jekk ma jiġux irrispettati r-rekwiżiti stipulati fil-paragrafu 8 ta’ hawn fuq. |
|
9.2. |
Jekk Parti Kontraenti tirtira approvazzjoni li tkun tat qabel, hija għandha tavża minnufih b’dan lill-Partijiet Kontraenti l-oħra li jkunu qed japplikaw dan ir-Regolament billi tibagħtilhom formola ta’ komunikazzjoni konformi mal-mudell fl-Anness 1 ta’ dan ir-Regolament. |
10. PRODUZZJONI MWAQQFA GĦALKOLLOX
Jekk id-detentur tal-approvazzjoni jieqaf b’mod permanenti mill-manifattura ta’ tip ta’ vettura approvat f’konformità ma’ dan ir-Regolament, huwa għandu jinforma b’dan lill-Awtorità tal-Approvazzjoni tat-Tip, li min-naħa tagħha għandha tinnotifika minnufih lill-Partijiet Kontraenti l-oħra għall-Ftehim li jkunu qed japplikaw dan ir-Regolament, permezz ta’ formola ta’ komunikazzjoni li tikkonforma mal-mudell fl-Anness 1 ta’ dan ir-Regolament.
11. L-ISMIJIET U L-INDIRIZZI TAS-SERVIZZI TEKNIĊI RESPONSABBLI GĦAT-TWETTIQ TAT-TESTIJIET TAL-APPROVAZZJONI U TAL-AWTORITAJIET TAL-APPROVAZZJONI TAT-TIP
Il-Partijiet Kontraenti għall-Ftehim, li japplikaw dan ir-Regolament, għandhom jikkomunikaw lis-Segretarjat tan-Nazzjonijiet Uniti l-ismijiet u l-indirizzi tas-Servizzi Tekniċi risponsabbli mit-twettiq tat-testijiet tal-approvazzjoni, u tal-Awtoritajiet tal-Approvazzjoni tat-Tip li jagħtu l-approvazzjoni u fejn għandhom jintbagħtu l-formoli li jiċċertifikaw l-approvazzjoni jew l-estensjoni jew ir-rifjut jew l-irtirar tal-approvazzjoni.
(1) Ara l-Anness 1 għar-Riżoluzzjoni Konsolidata dwar il-Kostruzzjoni tal-Vetturi (R.E.3), dokument ECE/TRANS/WP.29/78/Rev.6 - www.unece.org/trans/main/wp29/wp29wgs/wp29gen/wp29resolutions.html
(2) In-numri li jiddistingwu l-Partijiet Kontraenti għall-Ftehim tal-1958 jingħataw fl-Anness 3 tar-Riżoluzzjoni Konsolidata dwar il-Kostruzzjoni tal-Vetturi (R.E.3), dokument ECE/TRANS/WP.29/78/Rev.6 - www.unece.org/trans/main/wp29/wp29wgs/wp29gen/wp29resolutions.html
Appendiċi 1
Japplikaw id-definizzjonijiet li ġejjin:
|
dw |
wisa’ tal-vettura |
|
d25 % |
distanza fir-rigward ta’ 25 % tal-wisa’ tal-vettura |
|
dNSP |
id-distanza mill-pjan tan-nearside tal-vettura sal-pjan ta’ separazzjoni tan-nearside, definita bħala 0,5 m |
|
dOSP |
id-distanza mill-pjan tal-offside tal-vettura sal-pjan ta’ separazzjoni tal-offside, definita bħala 0,5 m |
|
dTC |
id-distanza ta’ separazzjoni ’l quddiem għal kull każ tat-test |
|
dFSP |
id-distanza mill-parti ta’ quddiem tal-vettura sal-pjan ta’ separazzjoni ’l quddiem massima |
|
dLPI |
id-distanza fir-rigward tal-aħħar punt ta’ informazzjoni (LPI) |
Tabella 1
Il-Każijiet tat-Test għat-Testijiet Statiċi tal-Qsim
|
Każ tat-Test |
Bersall Artab (T) |
Distanza tal-Każ tat-Test (dTC)/m |
Direzzjoni tal-Qsim (c) |
Veloċità tal-Bersall Artab (v)/km/h |
Distanza sal-Aħħar Punt ta’ Informazzjoni (dLPI)/m |
|
1 |
Tfal bil-Mixi |
0,8 |
Nearside |
3 |
dNSP |
|
2 |
Persuna Adulta bil-Mixi |
dFSP |
Nearside |
3 |
dNSP |
|
3 |
Ċiklist Adult |
0,8 |
Offside |
3 |
dOSP |
|
4 |
Ċiklist Adult |
dFSP |
Nearside |
5 |
dNSP |
|
5 |
Persuna Adulta bil-Mixi |
0,8 |
Offside |
5 |
dOSP |
|
6 |
Tfal bil-Mixi |
dFSP |
Offside |
5 |
dOSP |
Japplikaw id-definizzjonijiet li ġejjin:
|
d50 % |
id-distanza fir-rigward ta’ 50 % tal-wisa’ tal-vettura |
|
pbrake |
il-pjan tal-ibbrejkjar tal-vettura |
|
pstop |
il-pjan tal-waqfien tal-vettura |
|
dFSP |
id-distanza mill-pjan ta’ waqfien tal-vettura sal-pjan ta’ separazzjoni ’l quddiem massima |
|
dclear |
id-distanza ta’ spazju ħieles addizzjonali li jiġi mċaqlaq il-bersall tat-test fil-forma ta’ ċiklist biex jiġi żgurat spazju ħieles ta’ mill-anqas 100 mm bejn il-parti ta’ quddiem tal-vettura u l-aktar parti fuq wara tal-bersall tat-test fil-forma ta’ ċiklist |
|
pcyc |
il-punt tat-tluq tal-bersall tat-test fil-forma ta’ ċiklist, meħud mill-punt ta’ referenza tal-bersall tat-test fil-forma ta’ ċiklist |
|
px |
id-distanza bejn il-pjan ta’ waqfien u l-punt tat-tluq tal-bersall tat-test fil-forma ta’ ċiklist |
|
py |
id-distanza bejn il-pjan medjan lonġitudinali tal-vettura u l-punt tat-tluq tal-bersall tat-test fil-forma ta’ ċiklist, bin-nearside tal-vettura jkun id-direzzjoni pożittiva |
|
dLPI |
id-distanza bejn il-linja tal-aħħar punt ta’ informazzjoni (LPI) u l-pjan ta’ waqfien tal-vettura |
Tabella 2
Każijiet tat-Test għal Testijiet Lonġitudinali b’Ċiklist
|
Każ tat-Test |
Bersall tat-Test (T) |
Distanza għall-Punt tat-Tluq taċ-Ċiklist ’il Quddiem (px)/m |
Distanza għall-Punt tat-Tluq taċ-Ċiklist Laterali (py)/m |
Distanza sal-Aħħar Punt ta’ Informazzjoni (dLPI)/m |
|
1 |
Ċiklist Adult |
0,8 + dclear |
+ d50 % |
dFSP — 0,8 — dclear |
|
2 |
Ċiklist Adult |
0,8 + dclear |
0,0 |
dFSP — 0,8 — dclear |
|
3 |
Ċiklist Adult |
0,8 + dclear |
-d50 % |
dFSP — 0,8 — dclear |
|
4 |
Ċiklist Adult |
dFSP — 0,1 |
+ d50 % |
0,1 |
|
5 |
Ċiklist Adult |
dFSP — 0,1 |
0,0 |
0,1 |
|
6 |
Ċiklist Adult |
dFSP — 0,1 |
-d50 % |
0,1 |
ANNESS 1
Komunikazzjoni
(Format massimu: A4 (210 × 297 mm)
|
|
maħruġa minn: |
(Isem l-amministrazzjoni) … … … |
|
Dwar: (2): |
Approvazzjoni mogħtija |
|
|
Approvazzjoni estiża |
|
|
Approvazzjoni miċħuda |
|
|
Approvazzjoni rtirata |
|
|
Produzzjoni mwaqqfa għalkollox |
ta’ tip ta’ vettura fir-rigward tas-Sistema ta’ Informazzjoni waqt it-Tluq tal-Vettura (MOIS) skont ir-Regolament Nru 159 tan-NU
Nru ta’ Approvazzjoni: …
|
1. |
Trademark: … |
|
2. |
Tip u isem/ismijiet kummerċjali: … |
|
3. |
Isem u indirizz tal-manifattur: … |
|
4. |
Jekk applikabbli, l-isem u l-indirizz tar-rappreżentant tal-manifattur: … |
|
5. |
Deskrizzjoni qasira tal-vettura: … |
|
6. |
Id-data li fiha l-vettura tressqet għall-approvazzjoni: … |
|
7. |
Servizz Tekniku li jwettaq it-testijiet ta’ approvazzjoni: … |
|
8. |
Id-data tar-rapport maħruġ minn dak is-Servizz: … |
|
9. |
In-numru tar-rapport maħruġ minn dak is-Servizz: … |
|
10. |
Raġuni(jiet) għall-estensjoni (jekk applikabbli): … |
|
11. |
L-approvazzjoni fir-rigward tal-MOIS hija mogħtija/rrifjutata:2… |
|
12. |
Post: … |
|
13. |
Data: … |
|
14. |
Firma: … |
|
15. |
Mehmuża ma’ din il-komunikazzjoni huma d-dokumenti li ġejjin, li għandhom in-numru tal-approvazzjoni indikat hawn fuq: … |
|
16. |
Kwalunkwe kumment: … |
(1) Distinguishing number of the country which has granted/extended/refused/withdrawn an approval (see approval provisions in this Regulation).
(2) Strike out what does not apply.
ANNESS 2
Arranġamenti tal-marki ta’ approvazzjoni
(ara l-paragrafi 4.5. sa 4.5.2. ta’ dan ir-Regolament)
a = minimu ta’ 8 mm
Il-marka ta’ approvazzjoni ta’ hawn fuq imwaħħla ma’ vettura turi li t-tip ta’ vettura kkonċernat ġie approvat fil-Belġju (E 6) fir-rigward tas-Sistema ta’ Informazzjoni waqt it-Tluq tal-Vettura (MOIS) skont ir-Regolament Nru 159 tan-NU. L-ewwel żewġ ċifri tan-numru ta’ approvazzjoni jindikaw li l-approvazzjoni ngħatat f’konformità mar-rekwiżiti tar-Regolament Nru 159 tan-NU fil-forma oriġinali tiegħu.
a ≥ 8 mm
L-Identifikatur Uniku ta’ hawn fuq juri li t-tip ikkonċernat ġie approvat u li l-informazzjoni rilevanti dwar dik l-approvazzjoni tat-tip tista’ tiġi aċċessata fil-bażi ta’ data tal-Internet sigura tan-NU billi jintuża 270650 bħala l-Identifikatur Uniku. Kwalunkwe żero fuq quddiem fl-Identifikatur Uniku jista’ jitħalla barra fil-marka ta’ approvazzjoni.
ANNESS 3
Metodu tat-test għad-determinazzjoni tal-limitu tal-punti moħbija
1. LIMITU TAL-PUNTI MOĦBIJA
Il-limitu tal-punti moħbija definit fil-paragrafu 2.22. ta’ dan ir-Regolament jista’ jiġi ddeterminat permezz tal-approċċ deskritt f’dan l-anness.
2. METODI TA’ TTESTJAR
|
2.1. |
L-oġġett tat-test għandu jkun ċilindru ċirkolari ta’ dijametru estern ta’ 50 ± 2 mm, b’ċirku għoli ta’ 10 ± 2 mm, b’kulur f’kuntrast mill-bqija tal-oġġett tat-test, li jkun jinsab b’tali mod li l-aktar tarf baxx tiegħu jkun 900 ± 2 mm mill-bażi tal-oġġett tat-test. |
|
2.2. |
Il-kundizzjonijiet tat-test għandhom ikunu kif definiti fil-paragrafu 6.2 ta’ dan ir-Regolament. |
|
2.3. |
Il-kundizzjonijiet tal-vettura għandhom ikunu kif definiti fil-paragrafi 6.3 ta’ dan ir-Regolament. |
|
2.4. |
L-erja tat-test għandha tiġi mmarkata kif muri fl-Illustrazzjoni 1 ta’ dan l-anness.
Japplikaw id-definizzjonijiet li ġejjin:
|
|
2.5. |
Il-punt ta’ referenza okulari għandu jkun kif definit fil-paragrafu 2.11. ta’ dan ir-Regolament. |
|
2.6. |
Proċedura tat-test |
|
2.6.1. |
Qiegħed kamera wieqfa b’format ta’ 35 mm jew akbar, kamera tal-video, jew l-ekwivalenti diġitali b’tali mod li ċ-ċentru tal-pjan tal-immaġni tal-kamera jkun jinsab fil-punt ta’ referenza okulari.
Il-kamera għandha tkun kapaċi tara l-oġġett tat-test fil-pożizzjonijiet tat-test potenzjali kollha. Jekk il-kamera tkun tirrikjedi pożizzjonament mill-ġdid biex tara l-pożizzjonijiet tat-test potenzjali kollha, għandu jiġi vverifikat li ċ-ċentru tal-pjan tal-immaġni tal-kamera għall-pożizzjonijiet kollha possibbli tal-kamera jkun jinsab fil-punt ta’ referenza okulari. |
|
2.6.2. |
Il-viżibbiltà taċ-ċirku sħiħ tal-oġġett tat-test mill-punt ta’ referenza okulari għandha tiġi rreġistrata għall-pożizzjonijiet tal-oġġett tat-test li jkunu jinsabu fiż-żona limitata mill-pjani ta’ separazzjoni ’l quddiem minima u massima u l-pjani ta’ separazzjoni tan-nearside u tal-offside. |
|
2.6.3. |
Billi tibda mill-pjan ta’ separazzjoni ’l quddiem minima, mexxi l-oġġett tat-test lil hinn mill-parti ta’ quddiem tal-vettura fuq pjan ta’ valutazzjoni parallel mal-pjan lonġitudinali medjan tal-vettura sakemm jintlaħaq il-pjan ta’ separazzjoni ’l quddiem massima. |
|
2.6.4. |
Il-viżibbiltà taċ-ċirku tal-oġġett tat-test għandha tiġi rreġistrata f’intervalli ta’ mhux aktar minn 150 mm ’il bogħod tul il-pjan ta’ valutazzjoni. |
|
2.6.5. |
Dan il-proċess għandu jiġi ripetut għall-pjani ta’ valutazzjoni bejn il-pjani ta’ separazzjoni tan-nearside u tal-offside, b’distanzi ta’ mhux aktar minn 150 mm bejn kull pjan ta’ valutazzjoni. |
|
2.6.6. |
Approċċi differenti mill-metodi ta’ hawn fuq, bħal proċeduri abbażi tas-CAD jew tal-LASER, jistgħu jitqiesu bħala ekwivalenti mis-Servizz Tekniku, jekk tiġi pprovduta evidenza dokumentarja biex jiġi vverifikat li r-rekwiżiti tal-proċeduri tat-test deskritti f’dan l-anness ikunu ġew issodisfati. |
3. DEFINIZZJONI TA’ LIMITU TAL-PUNTI MOĦBIJA
|
3.1. |
Iż-żona tal-punti moħbija għandha tiġi ddeterminata mill-pożizzjonijiet kollha tal-oġġett tat-test fejn iċ-ċirku kollu tal-oġġett tat-test ma jkunx viżibbli mill-punt ta’ referenza okulari. |
|
3.2. |
Il-limitu tal-punti moħbija għandu jiġi ddeterminat fl-ewwel pożizzjoni barra miż-żona tal-punti moħbija fejn iċ-ċirku kollu tal-oġġett tat-test ikun viżibbli mill-punt ta’ referenza okulari. |