|
Iris Oifigiúil |
GA Sraith L |
|
2024/3157 |
19.12.2024 |
CINNEADH CUR CHUN FEIDHME (AE) 2024/3157 ÓN gCOIMISIÚN
an 17 Nollaig 2024
lena leasaítear Cinneadh Cur Chun Feidhme (AE) 2021/1067 maidir le húsáid chomhchuibhithe speictrim raidió i mbanda minicíochta 5 945-6 425 MHz le haghaidh cur chun feidhme córas rochtana gan sreang lena n-áirítear líonraí achair logánta raidió (WAS/RLANanna)
(tugadh fógra faoi leis an doiciméad C(2024) 8803)
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Chinneadh Uimh. 676/2002/CE ó Pharlaimint na hEorpa agus ón gComhairle an 7 Márta 2002 maidir le creat rialála don bheartas speictrim raidió sa Chomhphobal Eorpach (an Cinneadh maidir le Speictream Raidió) (1), agus go háirithe Airteagal 4(3) de,
De bharr an mhéid seo a leanas:
|
(1) |
Le Cinneadh Cur Chun Feidhme (AE) 2021/1067 (2) ón gCoimisiún déantar comhchuibhiú ar an mbanda minicíochta 5 945 – 6 425 MHz le haghaidh córais rochtana gan sreang lena n-áirítear líonraí achair logánta raidió. I dTábla 2 den Iarscríbhinn a ghabhann leis an gCinneadh sin leagtar amach, i gcás gléasanna WAS/RLAN ar leibhéal cumhachta an-íseal (VLP), an teorainn le haghaidh dhlús na meánchumhachta coibhéisí uasta radaithe go hiseatrópach (e.i.r.p.) i gcomhair astaíochtaí lasmuigh den bhanda faoi bhun 5 935 MHz ag -45 dBm/MHz go dtí an 31 Nollaig 2024. Thairis sin, déantar foráil le Nóta 3 den Tábla sin gur cheart oiriúnacht na teorann sin a bheith faoi réir athbhreithniú faoin 31 Nollaig 2024, agus mura bhfuil fianaise chuí-réasúnaithe ann, bheadh feidhm ag luach -37 dBm/MHz ón 1 Eanáir 2025. |
|
(2) |
An 21 Aibreán 2021, de bhun Airteagal 4(2) de Chinneadh Uimh. 676/2002/, d’eisigh an Coimisiún sainordú do Chomhdháil Eorpach na Riarachán Poist agus Teileachumarsáide (‘CEPT’) chun athbhreithniú a dhéanamh, faoi mhí Iúil 2024, ar theorainn na n-astaíochtaí lasmuigh den bhanda faoi bhun 5 935 MHz is infheidhme maidir le gléasanna WAS/RLAN ar leibhéal cumhachta an-íseal a úsáideann an banda 5 945-6 425 MHz, bunaithe, go háirithe, ar an staidéar ar theicnící maolaithe féideartha chun córais iompair chliste (CIC) le haghaidh iarnróid uirbeacha a chosaint, d’fhonn an teorainn a ísliú go dtí -37 dBm/MHz. Tá údar leis sin i ngeall ar an ngá le sábháilteacht iompair a áirithiú agus le gléasanna den sórt sin a bheith ann in éineacht le CIC, lena n-áirítear rialú traenacha bunaithe ar chumarsáid (CBTC), a bhaineann úsáid as speictream i gcodanna den bhanda minicíochta 5 905-5 935 MHz. |
|
(3) |
Toisc nach raibh CEPT in ann torthaí an tsainordaithe a sholáthar faoi mhí Iúil 2024, tá sé riachtanach deimhneacht dhlíthiúil a áirithiú le haghaidh sábháilteacht iompair i ndáil le teorainn iomchuí dhlús na meánchumhachta coibhéisí uasta radaithe go hiseatrópach (e.i.r.p.) i gcomhair astaíochtaí lasmuigh den bhanda a bheidh le cur i bhfeidhm faoi 5 935 MHz le haghaidh gléasanna WAS/RLAN ar leibhéal cumhachta an-íseal. Dá bhrí sin, go dtí go mbeidh athbhreithniú ceart curtha i gcrích ag CEPT de bhun an tsainordaithe, ba cheart a áirithiú go leanfadh an luach reatha de -45 dBm/MHz de bheith i bhfeidhm tar éis an 31 Nollaig 2024. Ba cheart dóthain ama a thabhairt do CEPT freisin chun an t-athbhreithniú a bhfuil coinne leis a chur i gcrích freisin agus dá bhrí sin ba cheart an sprioc-am don athbhreithniú den sórt sin a shíneadh go dtí an 31 Nollaig 2025. |
|
(4) |
Tá na bearta dá bhforáiltear sa Chinneadh seo i gcomhréir leis an tuairim ón gCoiste um an Speictream Raidió, |
TAR ÉIS AN CINNEADH SEO A GHLACADH:
Airteagal 1
Leasaítear Cinneadh Cur Chun Feidhme (AE) 2021/1067 mar a leanas:
|
(1) |
Cuirtear an méid seo a leanas in ionad Airteagal 4: ‘Airteagal 4 Beidh an Cinneadh seo faoi réir athbhreithniú faoin 31 Nollaig 2025 ina gcuirfear san áireamh staidéir agus tomhais bhreise a mhéid a bhaineann le teorainn dhlús na meánchumhachta coibhéisí uasta radaithe go hiseatrópach i gcomhair astaíochtaí lasmuigh den bhanda faoi bhun 5 935 MHz’; |
|
(2) |
cuirtear an téacs a leagtar amach san Iarscríbhinn a ghabhann leis an gCinneadh seo in ionad na hIarscríbhinne. |
Airteagal 2
Is chuig na Ballstáit a dhírítear an Cinneadh seo.
Arna dhéanamh sa Bhruiséil, an 17 Nollaig 2024.
Thar ceann an Choimisiúin
Henna VIRKKUNEN
Leas-Uachtarán Feidhmiúcháin
IARSCRÍBHINN
‘IARSCRÍBHINN
Coinníollacha teicniúla comhchuibhithe le haghaidh WAS/RLANanna sa bhanda minicíochta 5 945- 6 425 MHz
Tábla 1
Gléasanna WAS/RLAN faoi dhíon ar leibhéal cumhachta íseal (‘LPI’)
|
Paraiméadar |
Coinníollacha teicniúla |
||||
|
Oibriú incheadaithe |
Srianta don úsáid faoi dhíon, lena n-áirítear i dtraenacha ina bhfuil fuinneoga faoi bhrat miotail (nóta 1) agus aerárthaí. Ní cheadaítear úsáid lasmuigh, lena n-áirítear i bhfeithiclí bóthair. |
||||
|
Catagóir gléis |
Pointe rochtana nó droichead LPI a sholáthraítear le cumhacht ó nasc sreinge a bhfuil aeróg chomhtháite ann agus nach bhfuil faoi chumhacht ceallraí. Gléas cliaint LPI atá nasctha le pointe rochtana LPI nó le gléas cliaint LPI eile a fhéadfaidh a bheith faoi chumhacht ceallraí nó gan bheith. |
||||
|
Banda minicíochta |
5 945 -6 425 MHz |
||||
|
An mheánchumhacht choibhéiseach uasta radaithe go hiseatrópach (e.i.r.p.) le haghaidh astaíochtaí laistigh den bhanda (nóta 2) |
23 dBm |
||||
|
Dlús na meánchumhachta coibhéisí uasta radaithe go hiseatrópach le haghaidh astaíochtaí laistigh den bhanda (nóta 2) |
10 dBm/MHz |
||||
|
Dlús na meánchumhachta coibhéisí uasta radaithe go hiseatrópach le haghaidh astaíochtaí lasmuigh den bhanda faoi 5 935 MHz (nóta 2) |
-22 dBm/MHz |
||||
|
|||||
Bainfear úsáid as teicnící chun rochtain a fháil ar speictream agus trasnaíocht a mhaolú lena soláthraítear leibhéal iomchuí feidhmíochta chun ceanglais riachtanacha Threoir 2014/53/AE ó Pharlaimint na hEorpa agus ón gComhairle (1) a chomhlíonadh. I gcás ina dtugtar tuairisc ar theicnící ábhartha i gcaighdeáin chomhchuibhithe nó i gcodanna díobh ar foilsíodh na tagairtí dóibh in Iris Oifigiúil an Aontais Eorpaigh i gcomhréir le Treoir 2014/53/AE, áiritheofar feidhmíocht atá coibhéiseach ar a laghad leis an leibhéal feidhmíochta a bhaineann leis na teicnící sin.
Tábla 2
Gléasanna WAS/RLAN ar Leibhéal Cumhachta An-íseal (VLP)
|
Paraiméadar |
Coinníollacha teicniúla |
||||||
|
Oibriú incheadaithe |
Faoi dhíon agus lasmuigh. Níl úsáid ar Chórais Aerárthaí Gan Foireann (UAS) ceadaithe. |
||||||
|
Catagóir gléis |
Is gléas iniompartha é an gléas VLP. |
||||||
|
Banda minicíochta |
5 945 -6 425 MHz |
||||||
|
An mheánchumhacht choibhéiseach uasta radaithe go hiseatrópach le haghaidh astaíochtaí laistigh den bhanda (nóta 1) |
14 dBm |
||||||
|
Dlús na meánchumhachta coibhéisí uasta radaithe go hiseatrópach le haghaidh astaíochtaí laistigh den bhanda (nóta 1) |
1 dBm/MHz |
||||||
|
Dlús na meánchumhachta coibhéisí uasta radaithe go hiseatrópach ar caolbhanda le haghaidh astaíochtaí laistigh den bhanda (nóta 1) (nóta 2) |
10 dBm/MHz |
||||||
|
Dlús na meánchumhachta coibhéisí uasta radaithe go hiseatrópach le haghaidh astaíochtaí lasmuigh den bhanda faoi 5 935 MHz (nóta 1) |
- 45 dBm/MHz (nóta 3) |
||||||
|
|||||||
Bainfear úsáid as teicnící chun rochtain a fháil ar speictream agus trasnaíocht a mhaolú lena soláthraítear leibhéal iomchuí feidhmíochta chun ceanglais riachtanacha Threoir 2014/53/AE a chomhlíonadh. I gcás ina dtugtar tuairisc ar theicnící ábhartha i gcaighdeáin chomhchuibhithe nó i gcodanna díobh ar foilsíodh na tagairtí dóibh in Iris Oifigiúil an Aontais Eorpaigh i gcomhréir le Treoir 2014/53/AE, áiritheofar feidhmíocht atá coibhéiseach ar a laghad leis an leibhéal feidhmíochta a bhaineann leis na teicnící sin.
(1) Treoir 2014/53/AE ó Pharlaimint na hEorpa agus ón gComhairle an 16 Aibreán 2014 maidir le comhchuibhiú dhlíthe na mBallstát a bhaineann le trealamh raidió a chur ar fáil ar an margadh agus lena n-aisghairtear Treoir 1999/5/CE (IO L 153, 22.5.2014, lch. 62).
ELI: http://data.europa.eu/eli/dec_impl/2024/3157/oj
ISSN 1977-0839 (electronic edition)