|
Iris Oifigiúil |
GA Sraith L |
|
2024/3109 |
9.12.2024 |
CINNEADH CUR CHUN FEIDHME (AE) 2024/3109 ÓN gCOIMISIÚN
an 6 Nollaig 2024
maidir le bearta éigeandála eatramhacha áirithe a bhaineann le hionfhabhtú le plá na n-athchogantach beag sa Bhulgáir
(tugadh fógra faoi leis an doiciméad C(2024) 8778)
(Is é an téacs Bulgáirise amháin atá barántúil)
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2016/429 ó Pharlaimint na hEorpa agus ón gComhairle an 9 Márta 2016 maidir le galair in-tarchurtha ainmhithe agus lena leasaítear agus lena n-aisghairtear gníomhartha áirithe i réimse na sláinte ainmhithe (‘Dlí maidir le Sláinte Ainmhithe’) (1), agus go háirithe Airteagal 259(2) de,
De bharr an mhéid seo a leanas:
|
(1) |
Is galar víreasach tógálach é ionfhabhtú le plá na n-athchogantach beag a bhíonn ar ainmhithe den chineál gabhair agus den chineál caorach agus d’fhéadfadh tionchar tromchúiseach a bheith aige ar an daonra ainmhithe lena mbaineann agus ar bhrabúsacht na feirmeoireachta, rud a chuirfeadh isteach ar ghluaiseacht choinsíneachtaí na n-ainmhithe sin agus a dtáirgí laistigh den Aontas agus ar onnmhairí go tríú tíortha. |
|
(2) |
I gcás ráige d’ionfhabhtú le plá na n-athchogantach beag in ainmhithe den chineál gabhair nó den chineál caorach, tá riosca tromchúiseach ann go leathfadh an galar sin go bunaíochtaí eile ainmhithe den chineál gabhair nó den chineál caorach. |
|
(3) |
Le Rialachán Tarmligthe (AE) 2020/687 ón gCoimisiún (2) forlíontar na rialacha maidir le rialú na ngalar liostaithe dá dtagraítear in Airteagal 9(1), pointí (a), (b) agus (c), de Rialachán (AE) 2016/429 agus a shainmhínítear mar ghalair de chatagóirí A, B agus C i Rialachán Cur Chun Feidhme (AE) 2018/1882 ón gCoimisiún (3). Go háirithe, déantar foráil in Airteagail 21 agus 22 de Rialachán Tarmligthe (AE) 2020/687 maidir le crios srianta a bhunú i gcás ráig de ghalar de chatagóir A, lena n-áirítear ionfhabhtú le plá na n-athchogantach beag, agus maidir le bearta áirithe a bheidh le cur i bhfeidhm ann. Ina theannta sin, foráiltear le hAirteagal 21(1) den Rialachán Tarmligthe sin go gcuimseofar leis an gcrios srianta crios cosanta, crios faireachais, agus, más gá, criosanna srianta breise timpeall na gcriosanna cosanta agus faireachais nó cóngarach dóibh. |
|
(4) |
Chuir an Bhulgáir an Coimisiún ar an eolas faoin staid atá ann faoi láthair ina críoch a mhéid a bhaineann le hionfhabhtú le plá na n-athchogantach beag. Deimhníodh ráig den ghalar sin an 25 Samhain 2024 in ainmhithe ar coimeád den chineál gabhair agus den chineál caorach i mbardasacht Velingrad, i réigiún Pazardzhik. Mar fhreagairt air sin agus i gcomhréir le Rialachán Tarmligthe (AE) 2020/687, bhunaigh an Bhulgáir crios srianta, lena gcuimsítear criosanna cosanta agus faireachais agus crios srianta breise, ina bhfuil na bearta rialaithe galar a leagtar síos i Rialachán Tarmligthe (AE) 2020/687 á gcur i bhfeidhm. |
|
(5) |
Chun leathadh an ghalair a rialú, chun aon chur isteach nach bhfuil gá leis ar thrádáil laistigh den Aontas a chosc agus chun bacainní gan údar ar thrádáil ó thríú tíortha a sheachaint, maidir leis an gcrios srianta i dtaca leis an ionfhabhtú le plá na n-athchogantach beag, ar crios é lena gcuimsítear na criosanna cosanta agus faireachais, mar aon leis an gcrios srianta breise, sa Bhulgáir, ní mór an crios sin a shainaithint go tapa ar leibhéal an Aontais. |
|
(6) |
Ba cheart méid agus fad tréimhse na gcriosanna cosanta agus faireachais agus an chreasa srianta breise agus fad na mbeart atá le cur i bhfeidhm sna criosanna sin a bheith bunaithe ar na critéir a leagtar síos in Airteagal 64(1) de Rialachán (AE) 2016/429 agus ar na rialacha a leagtar síos i Rialachán Tarmligthe (AE) 2020/687, lena n-áirítear an staid eipidéimeolaíoch a mhéid a bhaineann le hionfhabhtú le plá na n-athchogantach beag sna limistéir atá buailte ag an ngalar sin agus staid eipidéimeolaíoch fhoriomlán an ionfhabhtaithe sin le plá na n-athchogantach beag sa Bhallstát lena mbaineann mar aon leis an leibhéal riosca maidir le leathadh breise an ghalair sin. Ba cheart caighdeáin idirnáisiúnta an Chóid um Shláinte na nAinmhithe Talún ón Eagraíocht Dhomhanda um Shláinte Ainmhithe (WOAH) a chur san áireamh freisin agus fad tréimhse na mbeart á chinneadh. |
|
(7) |
I ngeall ar dhéine agus phráinn na staide agus chun teorainn a chur le leathadh an ghalair láithreach tar éis na chéad tarlú de sa Bhallstát sin, ní mór a áirithiú freisin nach n-aistreofar ainmhithe ó na criosanna cosanta agus faireachais agus ón gcrios srianta breise go cinn scríbe atá lasmuigh d’imlíne sheachtrach an chreasa srianta breise, agus go ndéanfar deonú maoluithe a d’fhéadfadh a bheith ann ar an toirmeasc ar aistriú ainmhithe a eisiamh mar a fhoráiltear i Rialachán Tarmligthe (AE) 2020/687, ar feadh tréimhse áirithe ama, chun leathadh fad-achair an ghalair a chosc. |
|
(8) |
I bhfianaise phráinn na staide eipidéimeolaíche san Aontas a mhéid a bhaineann le hionfhabhtú le plá na n-athchogantach beag agus an ghá cosc a chur ar leathadh an ghalair sin ó na bunaíochtaí atá buailte leis sa Bhulgáir go codanna eile den Bhallstáit sin nó go Ballstáit eile, ba cheart feidhm a bheith ag na bearta a leagtar síos sa Chinneadh Cur Chun Feidhme seo a luaithe is féidir. |
|
(9) |
Dá réir sin, go dtí go bhfaighfear tuairim ón mBuanchoiste um Plandaí, Ainmhithe, Bia agus Beatha, ba cheart na criosanna cosanta agus faireachais agus an crios srianta breise sa Bhulgáir a bhunú láithreach agus a liostú san Iarscríbhinn a ghabhann leis an gCinneadh seo agus ba cheart fad tréimhse an chreasaithe sin a shocrú, agus ba cheart srian a chur le gluaiseachtaí ainmhithe. |
|
(10) |
Agus an staid eipidéimeolaíoch atá ann faoi láthair san Aontas a mhéid a bhaineann le plá na n-athchogantach beag á cur san áireamh, ba cheart feidhm a bheith ag an gCinneadh seo go dtí an 28 Feabhra 2025. |
|
(11) |
Tá an Cinneadh seo le hathbhreithniú ag an gcéad chruinniú eile den Bhuanchoiste um Plandaí, Ainmhithe, Bia agus Beatha, |
TAR ÉIS AN CINNEADH SEO A GHLACADH:
Airteagal 1
Déanfaidh an Bhulgáir an méid seo a leanas a áirithiú:
|
(a) |
go mbunóidh údarás inniúil an Bhallstáit sin láithreach crios srianta, lena gcuimsítear criosanna cosanta agus faireachais mar aon le crios srianta breise, i gcomhréir le hAirteagal 21 de Rialachán Tarmligthe (AE) 2020/687 agus faoi na coinníollacha a leagtar síos san Airteagal sin; |
|
(b) |
go gcuimseofar leis na criosanna cosanta agus faireachais agus an crios srianta breise dá dtagraítear i bpointe (a) ar a laghad na limistéir a liostaítear san Iarscríbhinn a ghabhann leis an gCinneadh seo; |
|
(c) |
maidir leis na bearta is gá a chur i bhfeidhm sna criosanna cosanta agus faireachais agus sa chrios srianta breise, go gcuirfear i bhfeidhm iad ar a laghad go dtí na dátaí a liostaítear san Iarscríbhinn a ghabhann leis an gCinneadh seo. |
Airteagal 2
Tá toirmeasc ar ghluaiseachtaí caorach agus gabhar ó na criosanna cosanta agus faireachais agus ón gcrios srianta breise go ceann scríbe atá suite lasmuigh d’imlíne sheachtrach an chreasa shrianta bhreise dá bhforáiltear i bPointe B den Iarscríbhinn a ghabhann leis an gCinneadh seo go dtí na dátaí a liostaítear le haghaidh gach creasa san Iarscríbhinn a ghabhann leis an gCinneadh seo.
Airteagal 3
Beidh feidhm ag an gCinneadh seo go dtí an 28 Feabhra 2025.
Airteagal 4
Is chuig Poblacht na Bulgáire a dhírítear an Cinneadh seo.
Arna dhéanamh sa Bhruiséil, an 6 Nollaig 2024.
Thar ceann an Choimisiúin
Olivér VÁRHELYI
Comhalta den Choimisiún
(1) IO L 84, 31.3.2016, lch. 1, ELI: http://data.europa.eu/eli/reg/2016/429/oj.
(2) Rialachán Tarmligthe (AE) 2020/687 ón gCoimisiún an 17 Nollaig 2019 lena bhforlíontar Rialachán (AE) 2016/429 ó Pharlaimint na hEorpa agus ón gComhairle a mhéid a bhaineann le rialacha maidir le galair liostaithe áirithe a chosc agus a rialú (IO L 174, 3.6.2020, lch. 64, ELI: http://data.europa.eu/eli/reg_del/2020/687/oj).
(3) Rialachán Cur Chun Feidhme (AE) 2018/1882 ón gCoimisiún an 3 Nollaig 2018 maidir le rialacha áirithe coiscthe agus rialaithe galar a chur i bhfeidhm maidir le catagóirí galar liostaithe agus lena mbunaítear liosta speiceas agus grúpaí speiceas a bhfuil riosca nach beag ag gabháil leo maidir le leathadh na ngalar liostaithe sin (IO L 308, 4.12.2018, lch. 21, ELI: http://data.europa.eu/eli/reg_impl/2018/1882/oj).
IARSCRÍBHINN
A. Criosanna cosanta agus faireachais a bhunaítear timpeall ar an ráig dheimhnithe
|
Aonad réigiúnach agus uimhir thagartha ADIS na ráige |
Limistéir a bhunaítear mar chriosanna cosanta agus faireachais, cuid den chrios srianta sa Bhulgáir dá dtagraítear in Airteagal 1 |
An dáta a bheidh sé infheidhme go dtí |
|
Réigiún Pazardzhik BG-PPR-2024-00001 |
Crios cosanta: Those parts of Pazardzhik region, contained within a circle of a radius of 3 kilometres, centred on UTM 30, ETRS89 coordinates Lat. 42.0156, Long. 23.9989 (2024/1) |
30.12.2024 |
|
Crios faireachais: Those parts of Pazardzhik region, contained within a circle of a radius of 10 kilometres, centred on UTM 30, ETRS89 coordinates Lat. 42.0156, Long. 23.9989 (2024/1) excluding the areas contained in the protection zone |
8.1.2025 |
|
|
Crios faireachais: Those parts of Pazardzhik region, contained within a circle of a radius of 3 kilometres, centred on UTM 30, ETRS89 coordinates Lat. 42.0156, Long. 23.9989 (2024/1) |
31.12.2024 go dtí an 8.1.2025 |
B. Criosanna srianta breise
|
Aonad réigiúnach |
Limistéir a áirítear sa chrios srianta breise a bhunaítear sa Bhulgáir dá dtagraítear in Airteagal 1 |
An dáta a bheidh sé infheidhme go dtí |
||
|
Réigiún Pazardzhik |
|
7.2.2025 |
||
|
1.1.2025 go dtí an 7.2.2025 |
ELI: http://data.europa.eu/eli/dec_impl/2024/3109/oj
ISSN 1977-0839 (electronic edition)