<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2025-02-202502C127202202030-00-TRA-DOC-MT-ARRET-C-0203-22-202500322-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="23/01/2025" name="CustomProvisoryEditionDate"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="7/11/2025 15:39:37" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="dMsslwAjx5pvG6JxR5U6KBbHcSIx6wAo4GXC485ZD11N5aYXhpZslbFdFURTypR+JUlbcFWiHXctRXy2jn0LS8xw/ZYMLz4qobHo8zBI5GBUBtVvTX5VZS8PT+TQlHZkayWF+MYO6zG4cS+2uWfRSRDRGS+NEHIEtwwQ+IoP4WE=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="erv" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="4f232c91-49dc-44c9-a352-30466693a108" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0203" name="NumeroOrdre"/>
    <meta content="2022" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="erv" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 23-01-25 15:39:00" name="Created"/>
    <meta content="" name="Canevas3_Vademecum"/>
    <meta content="2025-03-12T08:41:10Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="398b11bf127f4a39bf9560e7133d40b9" name="DocumentIdentifier"/>
    <meta content="0203" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Sentenza tas‑27.2.2025 – Kawża C‑203/22</div>
      <div id="rId21" style="default">Dun &amp; Bradstreet Austria</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (L‑Ewwel Awla)
    </p>
    <p class="C19Centre" id="para-2" title="page-1">
      27 ta’ Frar 2025  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Protezzjoni tad-data personali – Regolament (UE) 2016/679 – Artikolu 15(1)(h) – Teħid awtomatizzat ta’ deċiżjoni, inkluż tfassil ta’ profili – ‘Scoring’ – Evalwazzjoni tas-solvenza ta’ persuna fiżika – Aċċess għall-informazzjoni importanti dwar il-loġika involuta fit-tfassil ta’ profili – Verifika tal-eżattezza tal-informazzjoni pprovduta – Direttiva (UE) 2016/943 – Il-punt 1 tal-Artikolu 2 – Sigriet kummerċjali – Data personali ta’ terzi”
    </p>
    <p class="C02AlineaAltA" id="para-4" title="page-1">
      Fil-Kawża C‑203/22,
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari skont l-Artikolu 267 TFUE, imressqa milll-Verwaltungsgericht Wien (il-Qorti Amministrattiva ta’ Vjenna, l-Awstrija), permezz ta’ deċiżjoni tal‑11 ta’ Frar 2022, li waslet fil-Qorti tal-Ġustizzja fis‑16 ta’ Marzu 2022, fil-proċedura
    </p>
    <p class="C02AlineaAltA" id="para-6" title="page-1">
      CK
    </p>
    <p class="C02AlineaAltA" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      Magistrat der Stadt Wien
    </p>
    <p class="C02AlineaAltA" id="para-9" title="page-1">
      fil-preżenza ta’:
    </p>
    <p class="C02AlineaAltA" id="para-10" title="page-1">
      Dun &amp; Bradstreet Austria GmbH,
    </p>
    <p class="C19Centre" id="para-11" title="page-1">
      IL-QORTI TAL-ĠUSTIZZJA (L‑Ewwel Awla),
    </p>
    <p class="C02AlineaAltA" id="para-12" title="page-1">
      komposta minn K. Lenaerts, President tal-Qorti tal-Ġustizzja, li qiegħed jaġixxi bħala President tal-Ewwel Awla, T. von Danwitz (Relatur), Viċi President tal-Qorti tal-Ġustizzja, A. Kumin, N. Jääskinen u I. Ziemele, Imħallfin,
    </p>
    <p class="C02AlineaAltA" id="para-13" title="page-1">
      Avukat Ġenerali: J. Richard de la Tour,
    </p>
    <p class="C02AlineaAltA" id="para-14" title="page-1">
      Reġistratur: A. Calot Escobar,
    </p>
    <p class="C02AlineaAltA" id="para-15" title="page-1">
      wara li rat il-proċedura bil-miktub,
    </p>
    <p class="C02AlineaAltA" id="para-16" title="page-1">
      wara li kkunsidrat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għal CK, minn C. Wirthensohn, Rechtsanwalt,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għal Dun &amp; Bradstreet Austria GmbH, minn D. Cooper, solicitor, A.‑S. Oberschelp de Meneses, avocate, K. Van Quathem u B. Van Vooren, advocaten,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Spanjol, minn A. Ballesteros Panizo, bħala aġent,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern tal-Pajjiżi l-Baxxi, minn M. K. Bulterman u C. S. Schillemans, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Pollakk, minn B. Majczyna, bħala aġent,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn A. Bouchagiar, F. Erlbacher u H. Kranenborg, bħala aġenti,</p>
</td>
</tr>
</table>
    <p class="C02AlineaAltA" id="para-23" title="page-1">
      wara li semgħet il-konklużjonijiet tal-Avukat Ġenerali, ippreżentati fis-seduta tat‑12 ta’ Settembru 2024,
    </p>
    <p class="C02AlineaAltA" id="para-24" title="page-1">
      tagħti l-preżenti
    </p>
    <p class="C75Debutdesmotifs" id="para-25" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni, minn naħa, tal-Artikolu 15(1)(h) u tal-Artikolu 22 tar-Regolament (UE) 2016/679 tal-Parlament Ewropew u tal-Kunsill tas‑27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU 2016, L 119, p. 1, rettifika fil-ĠU 2018, L 127, p. 2, iktar ’il quddiem il-“GDPR”), u min-naħa l-oħra, tal-punt 1 tal-Artikolu 2 tad-Direttiva (UE) 2016/943 tal-Parlament Ewropew u tal-Kunsill tat‑8 ta’ Ġunju 2016 dwar il-protezzjoni ta’ konoxxenza u ta’ informazzjoni kummerċjali kunfidenzjali (sigrieti kummerċjali) kontra l-ksib, l-użu u l-iżvelar illegali tagħhom (ĠU 2016, L 157, p. 1).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba tressqet fil-kuntest ta’ tilwima bejn CK u l-Magistrat der Stadt Wien (l-Amministrazzjoni Muniċipali tal-Belt ta’ Vjenna, l-Awstrija) dwar l-eżekuzzjoni forzata ta’ deċiżjoni ġudizzjarja li tordna lil Bisnode Austria GmbH, li saret Dun &amp; Bradstreet Austria GmbH (iktar ’il quddiem “D &amp; B”), impriża speċjalizzata fil-provvista ta’ evalwazzjonijiet ta’ kreditu, tipprovdi lil CK informazzjoni importanti dwar il-loġika involuta fi tfassil ta’ profili li jirrigwarda d-data personali tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt tal-Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-GDPR</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Il-premessi 4, 11, 58, 63 u 71 tal-GDPR jipprovdu:</p>
</td>
</tr>
</table>
    <p class="C09Marge0avecretrait" id="para-32" title="page-2">
      “(4) L-ipproċessar tad-data personali għandu jitfassal biex iservi lill-bniedem. Id-dritt għall-protezzjoni tad-data personali mhuwiex dritt assolut; huwa għandu jiġi kkunsidrat b’rabta mal-funzjoni tiegħu fis-soċjetà u jkun ibbilanċjat ma’ drittijiet fundamentali oħrajn, f’konformità mal-prinċipju tal-proporzjonalità. Dan ir-Regolament jirrispetta d-drittijiet fundamentali kollha u josserva l-libertajiet u l-prinċipji rikonoxxuti fil-[Karta tad-Drittijiet Fundamentali tal-Unjoni Ewropea (iktar ’il quddiem il-‘Karta’)] kif integrata fit-Trattati, b’mod partikolari r-rispett għall-ħajja privata u tal-familja, id-dar u l-komunikazzjonijiet, il-protezzjoni tad-data personali, il-libertà tal-ħsieb, tal-kuxjenza u tar-reliġjon, il-libertà tal-espressjoni u tal-informazzjoni, il-libertà tal-intrapriża, id-dritt għal rimedju effettiv u għal proċess imparzjali u d-diversità kulturali, reliġjuża u lingwistika.
    </p>
    <p class="C09Marge0avecretrait" id="para-33" title="page-2">
      […]
    </p>
    <p class="C09Marge0avecretrait" id="para-34" title="page-2">
      (11) Il-protezzjoni effettiva tad-data personali fl-Unjoni Ewropea] kollha teħtieġ it-tisħiħ u l-ispeċifikar fid-dettall tad-drittijiet tas-suġġetti tad-data u l-obbligi ta’ dawk li jipproċessaw u jiddeterminaw l-ipproċessar ta’ data personali, kif ukoll ta’ setgħat ekwivalenti għall-monitoraġġ u l-iżgurar tal-konformità mar-regoli għall-protezzjoni tad-data personali u sanzjonijiet ekwivalenti għall-ksur fl-Istati Membri.
    </p>
    <p class="C09Marge0avecretrait" id="para-35" title="page-2">
      […]
    </p>
    <p class="C09Marge0avecretrait" id="para-36" title="page-2">
      (58) Il-prinċipju tat-trasparenza jeħtieġ li kwalunkwe informazzjoni indirizzata lill-pubbliku jew lis-suġġett tad-data tkun konċiża, aċċessibbli faċilment u faċli li tinftiehem, u li jintuża lingwaġġ ċar u sempliċi u, barra minn hekk, fejn meħtieġ, tintuża l-viżwalizzazzjoni. […]
    </p>
    <p class="C09Marge0avecretrait" id="para-37" title="page-2">
      […]
    </p>
    <p class="C09Marge0avecretrait" id="para-38" title="page-3">
      (63) Suġġett tad-data għandu jkollu d-dritt ta’ aċċess għal data li tkun inġabret dwaru, u li jeżerċita dak id-dritt faċilment u f’intervalli raġonevoli, sabiex ikun jaf dwar, u jivverifika, il-legalità tal-ipproċessar. […] Dak id-dritt ma għandux jaffettwa negattivament id-drittijiet jew il-libertajiet ta’ persuni oħrajn, inklużi sigrieti tan-negozju jew proprjetà intellettwali u b’mod partikolari d-dritt tal-awtur li jipproteġi s-software. Madankollu, ir-riżultat ta’ dawn il-kunsiderazzjonijiet m’għandux ikun rifjut li tiġi provduta l-informazzjoni kollha lis-suġġett tad-data. […]
    </p>
    <p class="C09Marge0avecretrait" id="para-39" title="page-3">
      […]
    </p>
    <p class="C09Marge0avecretrait" id="para-40" title="page-3">
      (71) Is-suġġett tad-data għandu jkollu d-dritt li ma jkunx soġġett għal deċiżjoni, li tista’ tinkludi miżura, li tevalwa aspetti personali relatati miegħu li hija bbażata unikament fuq ipproċessar awtomatizzat u li tipproduċi effetti legali li jikkonċernaw lilu jew li taffettwah b’mod ugwalment sinifikanti, bħal rifjut awtomatiku ta’ applikazzjoni għal kreditu online jew prattiki ta’ reklutaġġ elettroniku mingħajr l-ebda intervent tal-bniedem. Tali pproċessar jinkludi ‘tfassil ta’ profili’ li jikkonsisti fi kwalunkwe forma ta’ pproċessar awtomatizzat ta’ data personali li tevalwa l-aspetti personali relatati ma’ persuna fiżika, b’mod partikolari biex jiġu analizzati jew imbassrin aspetti li jikkonċernaw il-prestazzjoni fuq ix-xogħol, is-sitwazzjoni ekonomika, is-saħħa, il-preferenzi jew l-interessi personali, l-affidabbiltà jew l-imġiba, il-lokalizzazzjoni jew il-movimenti tas-suġġett tad-data, fejn dan jipproduċi effetti legali li jikkonċernaw lilu jew jaffettwah b’mod ugwalment sinifikanti. […] Fi kwalunkwe każ, dan l-ipproċessar għandu jkun soġġett għal salvagwardji adatti, li għandhom jinkludu informazzjoni speċifika dwar is-suġġett tad-data u d-dritt li dan jikseb intervent uman, id-dritt li jesprimi l-fehma tiegħu, id-dritt li jikseb spjegazzjoni tad-deċiżjoni li tkun ittieħdet wara tali valutazzjoni u d-dritt li jikkontesta d-deċiżjoni. […].”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">Il-punt 4 tal-Artikolu 4 ta’ dan ir-regolament, bit-titolu “Definizzjonijiet”, jipprevedi:</p>
</td>
</tr>
</table>
    <p class="C02AlineaAltA" id="para-42" title="page-3">
      “Għall-finijiet ta’ dan ir-Regolament:
    </p>
    <p class="C02AlineaAltA" id="para-43" title="page-3">
      […]
    </p>
    <p class="C09Marge0avecretrait" id="para-44" title="page-3">
      ‘tfassil tal-profil’ tfisser kwalunkwe forma ta’ pproċessar awtomatizzat ta’ data personali li jikkonsisti fl-użu ta’ data personali biex jiġu evalwati ċerti aspetti personali relatati ma’ persuna fiżika, b’mod partikolari biex jiġu analizzati jew imbassra aspetti rigward il-prestazzjoni fuq ix-xogħol, is-sitwazzjoni ekonomika, is-saħħa, il-preferenzi personali, l-interessi, l-affidabbiltà, l-imġiba, il-lokalizzazzjoni jew il-movimenti ta’ dik il-persuna fiżika”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">L-Artikolu 12 tal-imsemmi regolament, bit-titolu “Informazzjoni, komunikazzjoni u modalitajiet trasparenti għall-eżerċizzju tad-drittijiet tas-suġġett tad-data”, jipprovdi fil-paragrafu 1 tiegħu:</p>
</td>
</tr>
</table>
    <p class="C02AlineaAltA" id="para-46" title="page-4">
      “Il-kontrollur għandu jieħu miżuri adatti biex jipprovdi kwalunkwe informazzjoni msemmija fl-Artikoli 13 u 14 u kwalunkwe komunikazzjoni skont l-Artikoli 15 sa 22 u 34 relatata mal-ipproċessar lis-suġġett tad-data f’forma konċiża, trasparenti, intelliġibbli u faċilment aċċessibbli, bl-użu ta’ lingwaġġ ċar u sempliċi, b’mod partikolari għal kwalunkwe informazzjoni indirizzata speċifikament lil minorenni. […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">L-Artikolu 13 tal-istess regolament, li jirrigwarda l-informazzjoni li għandha tiġi pprovduta meta data personali tinġabar mingħand is-suġġett tad-data, u l-Artikolu 14 tiegħu, li jirrigwarda l-informazzjoni li għandha tiġi pprovduta meta d-data personali ma tkunx inġabret mingħand is-suġġett tad-data, jipprevedu rispettivament fil-paragrafu 2(f) u (2)(g) tagħhom li l-kontrollur għandu l-obbligu jipprovdi lis-suġġett tad-data, sabiex jiġi ggarantit ipproċessar ġust u trasparenti fil-konfront tiegħu, b’mod partikolari, l-informazzjoni dwar “l-eżistenza ta’ teħid awtomatizzat ta’ deċiżjonijiet inkluż it-tfassil ta’ profili msemmi fl-Artikolu 22(1) u (4) u għall-inqas f’dawk il-każijiet, l-informazzjoni importanti dwar il-loġika involuta, kif ukoll is-sinifikat u l-konsegwenzi previsti ta’ tali pproċessar għas-suġġett tad-data”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">L-Artikolu 15 tal-GDPR, bit-titolu “Dritt ta’ aċċess mis-suġġett tad-data”, huwa fformulat kif ġej:</p>
</td>
</tr>
</table>
    <p class="C02AlineaAltA" id="para-49" title="page-4">
      “1. Is-suġġett tad-data għandu d-dritt li jikseb mingħand il-kontrollur konferma dwar jekk id-data personali li tikkonċerna lilu hijiex qiegħda tiġi proċessata jew le, u, fejn dan ikun il-każ, l-aċċess għad-data personali u l-informazzjoni li ġejja:
    </p>
    <p class="C02AlineaAltA" id="para-50" title="page-4">
      […]
    </p>
    <p class="C09Marge0avecretrait" id="para-51" title="page-4">
      (h) l-eżistenza ta’ teħid awtomatizzat ta’ deċiżjonijiet, inkluż it-tfassil ta’ profili, imsemmi fl-Artikolu 22(1) u (4) u, għall-inqas f’dawk il-każijiet, l-informazzjoni importanti dwar il-loġika involuta, kif ukoll is-sinifikat u l-konsegwenzi previsti ta’ tali pproċessar għas-suġġett tad-data.
    </p>
    <p class="C02AlineaAltA" id="para-52" title="page-4">
      […]
    </p>
    <p class="C02AlineaAltA" id="para-53" title="page-4">
      3. Il-kontrollur għandu jipprovdi kopja tad-data personali li tkun qiegħda tiġi pproċessata. Għal aktar kopji mitluba mis-suġġett tad-data, il-kontrollur jista’ jimponi tariffa raġonevoli bbażata fuq l-ispejjeż amministrattivi. Fejn is-suġġett tad-data jagħmel it-talba b’mezzi elettroniċi, u sakemm ma jkunx mitlub mod ieħor mis-suġġett tad-data, l-informazzjoni għandha tiġi pprovduta f’forma elettronika użata b’mod komuni.
    </p>
    <p class="C02AlineaAltA" id="para-54" title="page-4">
      4. Id-dritt li tinkiseb kopja msemmija fil-paragrafu 3 ma għandux jaffettwa b’mod negattiv id-drittijiet u l-libertajiet ta’ oħrajn.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">L-Artikolu 22 ta’ dan ir-regolament, bit-titolu “Teħid ta’ deċiżjonijiet individwali awtomatizzati, inkluż tfassil ta’ profil”, jipprovdi:</p>
</td>
</tr>
</table>
    <p class="C02AlineaAltA" id="para-56" title="page-5">
      “1. Is-suġġett tad-data għandu d-dritt li ma jkunx soġġett għal deċiżjoni bbażata unikament fuq ipproċessar awtomatizzat, inkluż it-tfassil ta’ profili, li jipproduċi effetti legali li jikkonċernaw lilu jew li bl-istess mod jaffettwa lilu b’mod sinifikanti.
    </p>
    <p class="C02AlineaAltA" id="para-57" title="page-5">
      2. Il-paragrafu 1 ma għandux japplika jekk id-deċiżjoni:
    </p>
    <p class="C09Marge0avecretrait" id="para-58" title="page-5">
      (a) tkun meħtieġa biex wieħed jidħol f’kuntratt, jew iwettaq kuntratt, bejn is-suġġett tad-data u kontrollur tad-data;
    </p>
    <p class="C09Marge0avecretrait" id="para-59" title="page-5">
      (b) tkun awtorizzata mil-liġi tal-Unjoni jew ta’ Stat Membru li għaliha jkun soġġett il-kontrollur u li tistabbilixxi wkoll miżuri adatti għas-salvagwardja tad-drittijiet u l-libertajiet u l-interessi leġittimi tas-suġġett tad-data; jew
    </p>
    <p class="C09Marge0avecretrait" id="para-60" title="page-5">
      (c) tkun ibbażata fuq il-kunsens espliċitu tas-suġġett tad-data.
    </p>
    <p class="C02AlineaAltA" id="para-61" title="page-5">
      3. F’każijiet imsemmija fil-punt (a) u (c) tal-paragrafu 2, il-kontrollur tad-data għandu jimplimenta miżuri adatti biex jiġu salvagwardati d-drittijiet u l-libertajiet u l-interessi leġittimi tas-suġġett tad-data, mill-inqas id-dritt li jikseb intervent uman min-naħa tal-kontrollur, li jesprimi l-fehma tiegħu u li jikkontesta d-deċiżjoni.
    </p>
    <p class="C02AlineaAltA" id="para-62" title="page-5">
      4. Id-deċiżjonijiet imsemmija fil-paragrafu 2 ma għandhomx ikunu bbażati fuq kategoriji speċjali ta’ data personali msemmija fl-Artikolu 9(1), sakemm ma japplikax il-punt (a) jew (g) tal-Artikolu 9(2) u ma jkunux fis-seħħ miżuri biex jiġu salvagwardati d-drittijiet u l-libertajiet u l-interessi leġittimi tas-suġġett tad-data.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Skont l-Artikolu 23 tal-imsemmi regolament, bit-titolu “Restrizzjonijiet”:</p>
</td>
</tr>
</table>
    <p class="C02AlineaAltA" id="para-64" title="page-5">
      “1. Il-liġi tal-Unjoni jew ta’ Stat Membru li għaliha jkun soġġett il-kontrollur jew il-proċessur tad-data tista’ tirrestrinġi permezz ta’ miżura leġiżlattiva l-kamp ta’ applikazzjoni tal-obbligi u d-drittijiet previsti fl-Artikoli 12 sa 22 u l-Artikolu 34, kif ukoll l-Artikolu 5 sakemm id-dispożizzjonijiet tiegħu jikkorrispondu mad-drittijiet u l-obbligi previsti fl-Artikoli 12 sa 22, meta tali restrizzjoni tirrispetta l-essenza tad-drittijiet u l-libertajiet fundamentali u hija miżura meħtieġa u proporzjonata f’soċjetà demokratika għas-salvagwardja ta’:
    </p>
    <p class="C02AlineaAltA" id="para-65" title="page-5">
      […]
    </p>
    <p class="C09Marge0avecretrait" id="para-66" title="page-5">
      (i) il-protezzjoni tas-suġġett tad-data jew id-drittijiet u l-libertajiet ta’ persuni oħrajn;
    </p>
    <p class="C02AlineaAltA" id="para-67" title="page-5">
      […]
    </p>
    <p class="C02AlineaAltA" id="para-68" title="page-5">
      2. B’mod partikolari, kull miżura leġiżlattiva msemmija fil-paragrafu 1 għandu jkun fiha dispożizzjonijiet speċifiċi tal-inqas, fejn rilevanti, dwar:
    </p>
    <p class="C09Marge0avecretrait" id="para-69" title="page-5">
      (a) il-finijiet tal-ipproċessar jew il-kategoriji tal-ipproċessar,
    </p>
    <p class="C09Marge0avecretrait" id="para-70" title="page-5">
      (b) il-kategoriji ta’ data personali,
    </p>
    <p class="C09Marge0avecretrait" id="para-71" title="page-6">
      (c) l-ambitu tar-restrizzjonijiet introdotti,
    </p>
    <p class="C09Marge0avecretrait" id="para-72" title="page-6">
      (d) is-salvagwardji għall-prevenzjoni tal-abbuż jew tal-aċċess jew it-trasferiment illegali;
    </p>
    <p class="C09Marge0avecretrait" id="para-73" title="page-6">
      (e) l-ispeċifikazzjoni tal-kontrollur jew il-kategoriji tal-kontrolluri,
    </p>
    <p class="C09Marge0avecretrait" id="para-74" title="page-6">
      (f) il-perijodi ta’ ħażna u s-salvagwardji applikabbli b’kont meħud tan-natura, l-ambitu u l-finijiet tal-ipproċessar jew il-kategoriji tal-ipproċessar;
    </p>
    <p class="C09Marge0avecretrait" id="para-75" title="page-6">
      (g) ir-riskji għad-drittijiet u l-libertajiet tas-suġġetti tad-data; u
    </p>
    <p class="C09Marge0avecretrait" id="para-76" title="page-6">
      (h) id-dritt tas-suġġetti tad-data li jkunu infurmati dwar ir-restrizzjoni, sakemm dak ma jistax jippreġudika l-finijiet tar-restrizzjoni.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">L-Artikolu 54 tal-istess regolament, bit-titolu “Regoli dwar l-istabbiliment tal-awtorità superviżorja”, jipprovdi, fil-paragrafu 2 tiegħu:</p>
</td>
</tr>
</table>
    <p class="C02AlineaAltA" id="para-78" title="page-6">
      “Il-membru jew il-membri u l-persunal ta’ kull awtorità superviżorja għandhom, f’konformità mal-liġi tal-Unjoni jew ta’ Stat Membru, ikunu soġġetti għal dmir ta’ segretezza professjonali kemm matul kif ukoll wara l-mandat tagħhom, fir-rigward ta’ kwalunkwe informazzjoni kunfidenzjali li jkunu saru jafu biha matul it-twettiq tal-kompiti tagħhom jew l-eżerċizzju tas-setgħat tagħhom. Matul il-mandat tagħhom, dak id-dmir ta’ segretezza professjonali għandu japplika b’mod partikolari għar-rappurtar minn persuni fiżiċi ta’ ksur ta’ dan ir-Regolament.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">L-Artikolu 58 tal-GDPR, bit-titolu “Setgħat”, jipprevedi, fil-punt (e) tal-paragrafu 1 tiegħu:</p>
</td>
</tr>
</table>
    <p class="C02AlineaAltA" id="para-80" title="page-6">
      “Kull awtorità superviżorja għandu jkollha s-setgħat kollha investigattivi li ġejjin:
    </p>
    <p class="C09Marge0avecretrait" id="para-81" title="page-6">
      (e) li tikseb, mill-kontrollur u l-proċessur, aċċess għad-data personali kollha u għall-informazzjoni kollha meħtieġa għat-twettiq tal-kompiti tagħha”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-Direttiva 2016/943</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Il-premessa 35 tad-Direttiva 2016/943 tipprovdi:</p>
</td>
</tr>
</table>
    <p class="C02AlineaAltA" id="para-84" title="page-6">
      “[…] din id-Direttiva m’għandhiex taffettwa d-drittijiet u l-obbligi stipulati fid-[Direttiva tal-Parlament Ewropew u tal-Kunsill 95/46/KE tal‑24 ta’ Ottubru, 1995 dwar il-protezzjoni ta’ individwi fir-rigward ta’ l-ipproċessar ta’ data personali u dwar il-moviment liberu ta’ dik id-data (ĠU Edizzjoni Speċjali bil-Malti, Kapitolu 13, Vol. 15, p. 355), b’mod partikolari d-drittijiet tad-data soġġetta għall-aċċess tad-data personali tiegħu jew tagħha li tkun qed tiġi pproċessata u biex tinkiseb ir-rettifika, it-tħassir jew l-imblokk tad-data fejn din ma tkunx kompluta jew mhux preċiża […]”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Il-punt 1 tal-Artikolu 2 ta’ din id-direttiva jipprevedi:</p>
</td>
</tr>
</table>
    <p class="C02AlineaAltA" id="para-86" title="page-7">
      “Għall-finijiet ta’ din id-Direttiva, għandhom japplikaw id-definizzjonijiet li ġejjin:
    </p>
    <p class="C02AlineaAltA" id="para-87" title="page-7">
      (1) ‘sigriet kummerċjali’ tfisser informazzjoni li tissodisfa r-rekwiżiti kollha li ġejjin:
    </p>
    <p class="C11Marge1avecretrait" id="para-88" title="page-7">
      (a) hija sigrieta fis-sens li mhux, bħala korp jew fil-konfigurazzjoni preċiża u l-assemblaġġ tal-komponenti tagħha, magħrufa ġeneralment jew aċċessibbli b’mod faċli lill-persuni li ġeneralment jittrattaw din it-tip ta’ informazzjoni;
    </p>
    <p class="C11Marge1avecretrait" id="para-89" title="page-7">
      (b) għandha valur kummerċjali minħabba li hija sigrieta;
    </p>
    <p class="C11Marge1avecretrait" id="para-90" title="page-7">
      (c) kienet soġġett għal passi raġonevoli taħt iċ-ċirkostanzi, mill-persuna li għandha l-kontroll legali tal-informazzjoni, biex tinżamm sigrieta”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">L-Artikolu 9 tal-imsemmija direttiva, bit-titolu “Preservazzjoni tal-kunfidenzjalità tas-sigrieti kummerċjali matul il-kors tal-proċedimenti legali”, jipprovdi:</p>
</td>
</tr>
</table>
    <p class="C02AlineaAltA" id="para-92" title="page-7">
      “1. L-Istati Membri għandhom jiżguraw li l-partijiet, l-avukati jew rappreżentanti oħra tagħhom, l-uffiċjali tal-qorti, xhieda, esperti u kull persuna oħra li tkun qed tipparteċipa fi proċedimenti legali dwar il-ksib, l-użu jew l-iżvelar illegali ta’ sigriet kummerċjali, jew min għandu aċċess għal dokumenti li jiffurmaw parti minn dawk il-proċedimenti legali, ma jitħallew jużaw jew jiżvelaw l-ebda sigriet kummerċjali jew allegat sigriet kummerċjali li l-awtoritajiet ġudizzjarji kompetenti jkunu, b’rispons għal applikazzjoni motivata kif dovut minn parti interessata, identifikaw bħala kunfidenzjali u li jkunu saru konxji minnha bħala riżultat ta’ tali parteċipazzjoni jew aċċess. F’dak ir-rigward, l-Istati Membri jistgħu jippermettu wkoll li l-awtoritajiet ġudizzjarji kompetenti jaġixxu fuq inizjattiva tagħhom stess.
    </p>
    <p class="C02AlineaAltA" id="para-93" title="page-7">
      L-obbligu msemmi fl-ewwel subparagrafu għandu jibqa’ fis-seħħ wara li jintemmu l-proċedimenti legali. Madankollu, tali obbligu m’għandux jibqa’ jeżisti fi kwalunkwe waħda miċ-ċirkostanzi li ġejjin:
    </p>
    <p class="C09Marge0avecretrait" id="para-94" title="page-7">
      (a) fejn l-allegat sigriet kummerċjali jinsab, permezz ta’ deċiżjoni finali, li ma jissodisfax ir-rekwiżiti stabbiliti fil-punt 1 tal-Artikolu 2; jew
    </p>
    <p class="C09Marge0avecretrait" id="para-95" title="page-7">
      (b) fejn maż-żmien, l-informazzjoni inkwistjoni ssir ġeneralment magħrufa fost jew faċilment aċċessibbli għall-persuni li ġeneralment jittrattaw dik it-tip ta’ informazzjoni.
    </p>
    <p class="C02AlineaAltA" id="para-96" title="page-8">
      2. L-Istati Membri għandhom jiżguraw ukoll li l-awtoritajiet ġudizzjarji kompetenti jistgħu, fuq applikazzjoni debitament raġunata minn parti, jieħdu miżuri speċifiċi meħtieġa biex jippreservaw il-kunfidenzjalità ta’ kwalunkwe sigriet kummerċjali jew allegat sigriet kummerċjali użat jew imsemmi matul proċedimenti legali li jirrigwardaw il-ksib, l-użu jew l-iżvelar illegali ta’ sigriet kummerċjali. L-Istati Membri jistgħu jippermettu wkoll li l-awtoritajiet ġudizzjarji kompetenti jieħdu tali miżuri fuq inizjattiva tagħhom stess.
    </p>
    <p class="C02AlineaAltA" id="para-97" title="page-8">
      Il-miżuri msemmija fl-ewwel subparagrafu għandhom mill-inqas jinkludu l-possibbiltà:
    </p>
    <p class="C09Marge0avecretrait" id="para-98" title="page-8">
      (a) li jiġi ristrett l-aċċess għal kull dokument li fih sigrieti kummerċjali jew allegati sigrieti kummerċjali ppreżentati mill-partijiet jew mill-partijiet terzi, kollha jew parti minnhom, għal numru limitat ta’ persuni;
    </p>
    <p class="C09Marge0avecretrait" id="para-99" title="page-8">
      (b) li jiġi ristrett l-aċċess għas-smigħ, meta s-sigrieti kummerċjali jew allegati sigrieti kummerċjali jistgħu jiġu żvelati, u r-rekord jew traskrizzjoni korrispondenti ta’ dak is-smigħ għal numru limitat ta’ persuni;
    </p>
    <p class="C09Marge0avecretrait" id="para-100" title="page-8">
      (c) li tkun disponibbli għal kwalunkwe persuna għajr dawk inklużi fin-numru limitat ta’ persuni msemmija fil-punti (a) u (b) verżjoni mhux kunfidenzjali ta’ kull deċiżjoni ġudizzjarja, li fiha s-siltiet li jinkludu s-sigrieti kummerċjali jkunu tneħħew jew tgħattew.
    </p>
    <p class="C02AlineaAltA" id="para-101" title="page-8">
      In-numru ta’ persuni msemmija fil-punti (a) u (b) tat-tieni subparagrafu m’għandux ikun akbar minn dak li huwa meħtieġ sabiex tiġi żgurata l-konformità mad-dritt tal-partijiet fil-proċedimenti legali għal rimedju effettiv u għal proċess imparzjali u għandu jinkludi, tal-inqas, persuna fiżika waħda minn kull parti u l-avukati rispettivi jew rappreżentanti oħra ta’ dawk il-partijiet fil-proċedimenti legali.
    </p>
    <p class="C02AlineaAltA" id="para-102" title="page-8">
      3. Meta jiddeċiedu dwar il-miżuri msemmija fil-paragrafu 2 u jivvalutaw il-proporzjonalità tagħhom, l-awtoritajiet ġudizzjarji kompetenti għandhom iqisu l-ħtieġa li jiġi żgurat id-dritt għal rimedju effettiv u għal proċess imparzjali, l-interessi leġittimi tal-partijiet u, fejn xieraq, ta’ partijiet terzi, u kwalunkwe ħsara potenzjali għal waħda mill-partijiet, u, fejn xieraq, għal partijiet terzi, li jirriżultaw mill-għoti jew ir-rifjut ta’ tali miżuri.
    </p>
    <p class="C02AlineaAltA" id="para-103" title="page-8">
      4. Kwalunkwe pproċessar ta’ data personali skont il-paragrafi 1, 2 jew 3 għandu jitwettaq f’konformità mad-[Direttiva 95/46].”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt Awstrijak</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">L-Artikolu 4(6) tad-Datenschutzgesetz (il-Liġi dwar il-Protezzjoni tad-Data), tas‑17 ta’ Awwissu 1999 (BGBl. I, 165/1999), fil-verżjoni tagħha applikabbli għat-tilwima fil-kawża prinċipali (iktar ’il quddiem id-“DSG”), jeskludi, bħala prinċipju, l-aċċess tas-suġġett tad-data għad-data personali tiegħu, previst fl-Artikolu 15 tal-GDPR, meta dan l-aċċess ikun jippreġudika sigriet kummerċjali jew industrijali tal-kontrollur jew ta’ terz.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kawża prinċipali u d-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Operatur ta’ telefonija mobbli rrifjuta li jikkonkludi ma’ CK jew li jestendi fir-rigward tagħha kuntratt ta’ telefonija mobbli, li kien jinvolvi l-ħlas fix-xahar ta’ somma ta’ EUR 10, għar-raġuni li, skont evalwazzjoni awtomatizzata tal-kreditu tagħha, imwettqa minn D &amp; B, hija ma kellhiex solvenza finanzjarja suffiċjenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">CK ressqet talba quddiem l-awtorità Awstrijaka għall-protezzjoni tad-data, li ordnat lil D &amp; B tikkomunika lil CK informazzjoni importanti dwar il-loġika involuta fit-teħid awtomatizzat ta’ deċiżjoni bbażata fuq id-data personali relatata ma’ CK.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">D &amp; B ippreżentat rikors kontra d-deċiżjoni ta’ din l-awtorità quddiem il-Bundesverwaltungsgericht (il-Qorti Amministrattiva Federali, l-Awstrija), fejn sostniet, essenzjalment, li, minħabba sigriet kummerċjali protett, hija ma kellhiex l-obbligu tikkomunika lil CK informazzjoni addizzjonali għal dik li kienet diġà ġiet ipprovduta lilha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Permezz ta’ deċiżjoni tat‑23 ta’ Ottubru 2019 (iktar ’il quddiem id-“deċiżjoni tat‑23 ta’ Ottubru 2019”), dik il-qorti kkonstatat li D &amp; B kienet kisret l-Artikolu 15(1)(h) tal-GDPR, billi ma pprovdietx lil CK informazzjoni importanti dwar il-loġika involuta fit-teħid awtomatizzat ta’ deċiżjoni bbażata fuq id-data personali ta’ CK, jew, tal-inqas, billi ma mmotivatx b’mod suffiċjenti l-impossibbiltà li hija sabet ruħha fiha sabiex tipprovdi din l-informazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">B’mod partikolari, f’din id-deċiżjoni, il-Bundesverwaltungsgericht (il-Qorti Amministrattiva Federali) irrilevat li D &amp; B ma kinitx ipprovdiet lil CK bi spjegazzjonijiet suffiċjenti li jippermettulha tifhem kif kienet ġiet stabbilita, fir-rigward tagħha, il-pronjożi dwar il-probabbiltà tal-aġir futur tagħha (“score”), li din l-impriża kkomunikatilha bil-preċiżazzjoni li, sabiex jinkiseb dan l-“iscore”, ċerta data soċjodemografika ta’ CK kienet ġiet “aggregata b’mod ekwivalenti”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Id-deċiżjoni tat‑23 ta’ Ottubru 2019 saret definittiva u hija eżekuttiva bis-saħħa tad-dritt Awstrijak. Madankollu, it-talba għall-eżekuzzjoni forzata ta’ din id-deċiżjoni, imressqa minn CK quddiem l-amministrazzjoni muniċipali tal-belt ta’ Vjenna, li hija l-awtorità ta’ eżekuzzjoni, ġiet miċħuda minħabba li D &amp; B issodisfat b’mod suffiċjenti l-obbligu tagħha ta’ informazzjoni, minkejja li din il-kumpannija ma pprovdiet ebda informazzjoni addizzjonali wara l-adozzjoni ta’ din l-istess deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">CK ippreżentat rikors kontra d-deċiżjoni tal-amministrazzjoni muniċipali tal-belt ta’ Vjenna quddiem il-Verwaltungsgericht Wien (il-Qorti Amministrattiva ta’ Vjenna, l-Awstrija), li hija l-qorti tar-rinviju, bil-għan tal-eżekuzzjoni forzata tad-deċiżjoni tat‑23 ta’ Ottubru 2019.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Il-qorti tar-rinviju tqis li, skont id-dritt Awstrijak, hija għandha l-obbligu teżegwixxi din l-aħħar deċiżjoni, fatt li jimplika li jiġu ddeterminati l-atti konkreti li D &amp; B għandha l-obbligu twettaq skont din id-deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Peress li qieset li din id-determinazzjoni tista’ titwettaq biss minn espert li jkollu l-kompetenzi meħtieġa, il-qorti tar-rinviju ħatret espert li qies li D &amp; B għandha l-obbligu tipprovdi, sabiex tissodisfa l-obbligi tagħha fir-rigward ta’ CK, l-informazzjoni minima li ġejja:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">id-data personali relatata ma’ CK li ġiet ipproċessata fil-kuntest tal-kostituzzjoni ta’ “fattur” (data tat-twelid, indirizz, sess, eċċ.);</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">il-formola matematika li abbażi tagħha sar il-kalkolu li wassal għall-“iscore” inkwistjoni fil-kawża prinċipali;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">il-valur konkret attribwit lil CK għal kull wieħed mill-fatturi kkonċernati, u</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">il-preċiżjoni tal-intervalli li fihom jiġi attribwit l-istess valur lil data differenti għall-istess fattur (evalwazzjoni f’intervalli jew evalwazzjoni diskreta jew indizjali/katastali).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Sabiex jiġi żgurat li, wara l-komunikazzjoni tagħha, l-eżattezza ta’ din l-informazzjoni minima tkun tista’ tiġi vverifikata minn CK, D &amp; B kellha tipprovdi wkoll lista li tistabbilixxi l- “iscores” ta’ persuni (“scoring”) għall-perijodu li jkopri s-sitt xhur preċedenti u s-sitt xhur sussegwenti għall-istabbiliment tal-“iscore ” ta’ CK, u li nkisbu abbażi tal-istess regola ta’ kalkolu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Skont il-qorti tar-rinviju, hija biss il-komunikazzjoni tal-informazzjoni minima identifikata mill-imsemmi espert li tkun tippermetti li tiġi vverifikata l-koerenza u l-eżattezza tal-informazzjoni pprovduta minn kontrollur skont l-Artikolu 15(1)(h) tal-GDPR.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">F’dan il-każ, diversi indizji juru b’mod ċar li l-informazzjoni pprovduta minn D &amp; B tmur kontra l-fatti. Fil-fatt, filwaqt li l-informazzjoni kkomunikata lil CK, fostha b’mod partikolari l-“iscore” miksub, kienet turi solvenza tajba ħafna tagħha, it-tfassil ta’ profili reali kien wassal sabiex jitqies li hija ma kinitx solventi, inkluż fir-rigward tal-ħlas tas-somma ta’ EUR 10 fix-xahar abbażi ta’ kuntratt ta’ telefonija mobbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Il-qorti tar-rinviju tqis li tqum għalhekk il-kwistjoni dwar jekk l-Artikolu 15(1)(h) tal-GDPR jiggarantixxix lis-suġġett tad-data li huwa jkun jista’ jivverifika l-eżattezza tal-informazzjoni kkomunikata mill-kontrollur.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Fil-każ li l-Artikolu 15(1)(h) tal-GDPR ma jkunx jiggarantixxi din il-verifika, id-dritt ta’ aċċess għad-data personali tas-suġġett tad-data u għal informazzjoni oħra previst fih ikun jitlef kull portata u jsir inutli, peress li kull kontrollur ikun jista’ f’dan il-każ jipprovdi informazzjoni żbaljata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Tqum ukoll il-kwistjoni dwar jekk u, jekk ikun il-każ, sa fejn l-eċċezzjoni bbażata fuq l-eżistenza ta’ sigriet kummerċjali hijiex ta’ natura li tirrestrinġi dan id-dritt ta’ aċċess iggarantit mid-dispożizzjonijiet magħquda tal-Artikolu 15(1)(h) u tal-Artikolu 22 tal-GDPR.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Fid-dawl tar-regoli previsti fl-Artikolu 9 tad-Direttiva 2016/943, għandu jiġi evalwat jekk huwiex possibbli li tiġi kkomunikata biss lill-awtorità jew lill-qorti adita l-informazzjoni kklassifikata bħala “sigriet kummerċjali”, fis-sens tal-punt 1 tal-Artikolu 2 ta’ din id-direttiva, sabiex din l-awtorità jew dik il-qorti tivverifika b’mod awtonomu jekk hemmx lok li jitqies li effettivament jeżisti tali sigriet kummerċjali u jekk din l-informazzjoni pprovduta mill-kontrollur, fis-sens tal-Artikolu 15(1) tal-GDPR, hijiex konformi mar-realtà tas-sitwazzjoni inkwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Fl-aħħar nett, għandu jiġi eżaminat jekk dispożizzjoni bħall-Artikolu 4(6) tad-DSG, li teskludi, bħala prinċipju, id-dritt ta’ aċċess tas-suġġett tad-data, previst fl-Artikolu 15 tal-GDPR, meta dan l-aċċess ikun jikkomprometti sigriet kummerċjali jew ta’ impriża tal-kontrollur jew ta’ terz, tistax titqies li hija konformi mad-dispożizzjonijiet magħquda tal-Artikolu 15(1) u tal-Artikolu 22(3) tal-GDPR.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">F’dawn iċ-ċirkustanzi, il-Verwaltungsgericht Wien (il-Qorti Amministrattiva ta’ Vjenna) iddeċidiet li tissospendi l-proċedura u tagħmel lill-Qorti tal-Ġustizzja d-domandi preliminari li ġejjin:</p>
</td>
</tr>
</table>
    <p class="C09Marge0avecretrait" id="para-129" title="page-11">
      “1) Liema huma r-rekwiżiti sostantivi li għandhom jiġu ssodisfatti minn informazzjoni pprovduta sabiex titqies bħala suffiċjentement ‘utli [importanti]’ fis-sens tal-Artikolu 15(1)(h) ta[l-GDPR]?
    </p>
    <p class="C10Marge1" id="para-130" title="page-11">
      Fil-każ ta’ tfassil ta’ profil, il-kontrollur għandu jipprovdi wkoll, fil-kuntest tal-informazzjoni dwar il-‘loġika sottostanti [involuta]’, l-informazzjoni essenzjali sabiex wieħed jifhem ir-riżultat tad-deċiżjoni individwali awtomatizzata – eventwalment suġġett għall-osservanza ta’ sigriet ta’ impriża eżistenti? Fost din l-informazzjoni, huma inklużi, fost l-oħrajn 1) il-komunikazzjoni tad-data pproċessata dwar il-persuna kkonċernata [suġġett tad-data], 2) il-komunikazzjoni tal-elementi tal-algoritmu li fuqu huwa bbażat it-tfassil tal-profil neċessarji sabiex ikun jista’ jinftiehem u 3) l-informazzjoni rilevanti sabiex tiġi stabbilita r-rabta bejn l-informazzjoni pproċessata u l-evalwazzjoni mwettqa?
    </p>
    <p class="C10Marge1" id="para-131" title="page-11">
      Fil-każijiet li jinvolvu tfassil ta’ profil, anki fil-każ li jiġi invokat sigriet ta’ impriża, il-persuna li għandha dritt għal informazzjoni fis-sens tal-Artikolu 15(1)(h) tar-RĠPD [GDPR] għandha dritt li tikseb l-aċċess għall-informazzjoni li ġejja, rigward l-ipproċessar konkret li jikkonċernaha, sabiex hija tkun tista’ tipproteġi d-drittijiet tagħha taħt l-Artikolu 22(3) tar-RĠPD:
    </p>
    <p class="C11Marge1avecretrait" id="para-132" title="page-11">
      a) trażmissjoni tal-informazzjoni kollha, eventwalment psewdo-anonimizzata, b’mod partikolari dwar il-mod kif id-data tal-persuna kkonċernata hija pproċessata, li tippermetti li jiġi vverifikat ir-rispett tar-RĠPD,
    </p>
    <p class="C11Marge1avecretrait" id="para-133" title="page-11">
      b) tqegħid għad-dispożizzjoni tad-data ta’ input użata għat-tfassil tal-profil,
    </p>
    <p class="C11Marge1avecretrait" id="para-134" title="page-11">
      c) il-parametri u l-varjabbli ta’ input użati sabiex issir l-evalwazzjoni,
    </p>
    <p class="C11Marge1avecretrait" id="para-135" title="page-12">
      d) l-influwenza ta’ dawn il-parametri u varjabbli ta’ input fuq l-evalwazzjoni kkalkolata,
    </p>
    <p class="C11Marge1avecretrait" id="para-136" title="page-12">
      e) informazzjoni dwar il-ksib tal-parametri jew tal-varjabbli ta’ input,
    </p>
    <p class="C11Marge1avecretrait" id="para-137" title="page-12">
      f) spjegazzjoni tar-raġuni għalfejn il-persuna li għandha dritt għal informazzjoni ġiet assoċjata ma’ riżultat ta’ evalwazzjoni speċifiku fis-sens tal-Artikolu 15(1)(h) tar-RPDĠ, u preżentazzjoni tad-dikjarazzjoni assoċjata ma’ din l-evalwazzjoni,
    </p>
    <p class="C11Marge1avecretrait" id="para-138" title="page-12">
      g) elenkar tal-kategoriji ta’ profili u spjegazzjoni dwar liema dikjarazzjonijiet ta’ evalwazzjoni huma assoċjati ma’ kull waħda mill-kategoriji ta’ profili?
    </p>
    <p class="C09Marge0avecretrait" id="para-139" title="page-12">
      2) Id-dritt ta’ aċċess mogħti permezz tal-Artikolu 15(1)(h) tar-RĠPD huwa marbut mad-drittijiet iggarantiti permezz tal-Artikolu 22(3) tar-RĠPD li wieħed jesprimi l-perspettiva tiegħu u li wieħed jikkontesta deċiżjoni awtomatizzata meħuda fis-sens tal-Artikolu 22 tar-RĠPD, sa fejn il-portata tal-informazzjoni pprovduta wara talba għal informazzjoni fis-sens tal-Artikolu 15(1)(h) tar-RĠPD hija suffiċjentement ‘utli’ biss jekk il-persuna li titlob l-informazzjoni u s-suġġett tad-data fis-sens tal-Artikolu 15(1)(h) tar-RĠPD titqiegħed f’pożizzjoni li teżerċita d-dritt iggarantit permezz tal-Artikolu 22(3) tar-RĠPD li tesprimi l-perspettiva tagħha u d-dritt li tikkontesta deċiżjoni awtomatizzata fis-sens tal-Artikolu 22(3) tar-RĠPD b’mod effettiv, iddettaljat u promettenti?
    </p>
    <p class="C09Marge0avecretrait" id="para-140" title="page-12">
      3) a) L-Artikolu 15(1)(h) tar-RĠPD għandu jiġi interpretat fis-sens li ma hemmx lok li jitqies li hija ‘informazzjoni utli’ fis-sens ta’ din id-dispożizzjoni ħlief meta din l-informazzjoni tkun daqstant estensiva li tippermetti lill-persuna li għandha dritt għal informazzjoni fis-sens tal-Artikolu 15(1)(h) tar-RĠPD tistabbilixxi jekk din l-informazzjoni pprovduta tikkorispondix effettivament għall-fatti, u għaldaqstant jekk id-deċiżjoni awtomatizzata konkretament mitluba hijiex effettivament ibbażata fuq l-informazzjoni kkomunikata?
    </p>
    <p class="C09Marge0avecretrait" id="para-141" title="page-12">
      b) Fil-każ li tingħata risposta fl-affermattiv: kif għandu wieħed jipproċedi meta l-eżattezza tal-informazzjoni pprovduta minn kontrollur tista’ tiġi vverifikata biss jekk data ta’ terz li hija protetta mir-RĠPD għandha wkoll tinġab għall-attenzjoni tal-persuna li għandha dritt għal informazzjoni fis-sens tal-Artikolu 15(1)(h) tar-RĠPD (Black-Box)?
    </p>
    <p class="C10Marge1" id="para-142" title="page-12">
      Din it-tensjoni bejn id-dritt ta’ aċċess fis-sens tal-Artikolu 15(1) tar-RĠPD u d-dritt għall-protezzjoni tad-data ta’ terzi tista’ tiġi solvuta wkoll billi tiġi kkomunikata d-data ta’ terzi meħtieġa għal verifika tal-eżattezza, li wkoll ġiet suġġetta għall-istess tfassil ta’ profil, esklużivament lill-awtorità jew lill-qorti, b’mod li l-awtorità jew il-qorti għandha tivverifika b’mod awtonomu jekk id-data kkomunikata ta’ dawn it-terzi tikkorrispondix għall-fatti?
    </p>
    <p class="C09Marge0avecretrait" id="para-143" title="page-13">
      c) Jekk tingħata risposta fl-affermattiv: liema huma d-drittijiet li għandhom f’kull każ jingħataw lill-persuna li għandha dritt għal informazzjoni fis-sens tal-Artikolu 15(1)(h) tar-RĠPD fil-każ li jkun neċessarju li tiġi ggarantita l-protezzjoni tad-drittijiet ta’ terzi fis-sens tal-Artikolu 15(4) tar-RĠPD billi tinħoloq il-Black-Box imsemmija taħt il-punt 3(b)?
    </p>
    <p class="C10Marge1" id="para-144" title="page-13">
      F’dan il-każ, il-persuna li għandha dritt għal informazzjoni fis-sens tal-Artikolu 15(1)(h) tar-RĠPD għandha tiġi pprovduta mill-inqas bid-data ta’ persuni oħra, f’forma psewdo-anonimizzata, biex tkun tista’ ssir il-verifika tal-korrettezza tat-teħid ta’ deċiżjoni tal-kontrollur fis-sens tal-Artikolu 15(1) tar-RĠPD?
    </p>
    <p class="C09Marge0avecretrait" id="para-145" title="page-13">
      4) a) Kif għandu wieħed jipproċedi jekk l-informazzjoni li għandha tiġi pprovduta fis-sens tal-Artikolu 15(1)(h) tar-RĠPD tissodisfa wkoll r-rekwiżiti ta’ sigriet kummerċjali fis-sens tal-Artikolu 2(1) tad-[Direttiva 2016/943]?
    </p>
    <p class="C10Marge1" id="para-146" title="page-13">
      It-tensjoni bejn id-dritt għal informazzjoni ggarantit permezz tal-Artikolu 15(1)(h) tar-RĠPD u d-dritt protett permezz tad-Direttiva 2016/943 għal nuqqas ta’ żvelar ta’ sigriet kummerċjali tista’ tiġi solvuta bil-fatt li dak li huwa kklassifikat bħala sigriet kummerċjali fis-sens tal-Artikolu 2(1) tad-[Direttiva 2016/943] jiġi żvelat biss lill-awtorità jew lill-qorti, b’mod li l-awtorità jew il-qorti għandhom jivverifikaw b’mod awtonomu jekk jistax jiġi preżunt li jeżisti sigriet kummerċjali fis-sens tal-Artikolu 2(1) tad-[Direttiva 2016/943], u jekk l-informazzjoni pprovduta mill-kontrollur fis-sens tal-Artikolu 15(1) tar-RĠPD tikkorrispondix għall-fatti?
    </p>
    <p class="C09Marge0avecretrait" id="para-147" title="page-13">
      b) Fil-każ ta’ risposta fl-affermattiv: liema drittjiet għandhom jingħataw f’kull każ lill-persuna li għandha dritt għal informazzjoni fis-sens tal-Artikolu 15(1)(h) tar-RĠPD fil-każ li jkun neċessarju li tiġi ggarantita l-protezzjoni tad-drittijiet ta’ terzi fis-sens tal-Artikolu 15(4) tar-RĠPD billi tinħoloq il-Black-Box imsemmija fil-punt 4(a)?
    </p>
    <p class="C10Marge1" id="para-148" title="page-13">
      Fil-każ (ukoll) ta’ diverġenza bejn l-informazzjoni li għandha tiġi kkomunikata lill-awtorità jew lill-qorti u l-informazzjoni li għandha tiġi kkomunikata lill-persuna li għandha dritt għal informazzjoni fis-sens tal-Artikolu 15(1)(h) tar-RĠPD, għandu f’kull każ jiġi kkomunikat lill-persuna li għandha dritt għal informazzjoni fis-sens tal-Artikolu 15(1)(h) tar-RĠPD l-informazzjoni li ġejja rigward l-ipproċessar konkret li jikkonċernaha, sabiex hija tkun tista’ tipproteġi b’mod sħiħ id-drittijiet tagħha taħt l-Artikolu 22(3) tar-RĠPD?
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">trażmissjoni tal-informazzjoni kollha, eventwalment psewdo-anonimizzata, b’mod partikolari dwar il-mod kif id-data tal-persuna kkonċernata hija pproċessata, li tippermetti li jiġi vverifikat ir-rispett tar-RĠPD,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tqegħid għad-dispożizzjoni tad-data ta’ input użata għat-tfassil tal-profil,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">il-parametri u l-varjabbli ta’ input użati sabiex issir l-evalwazzjoni,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">l-influwenza ta’ dawn il-parametri u varjabbli ta’ input fuq l-evalwazzjoni kkalkolata,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">informazzjoni dwar il-ksib tal-parametri jew tal-varjabbli ta’ input,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">spjegazzjoni tar-raġuni għalfejn il-persuna li għandha dritt għal informazzjoni ġiet assoċjata ma’ riżultat ta’ evalwazzjoni speċifiku fis-sens tal-Artikolu 15(1)(h) tar-RPDĠ, u preżentazzjoni tad-dikjarazzjoni assoċjata ma’ din l-evalwazzjoni,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">elenkar tal-kategoriji ta’ profili u spjegazzjoni dwar liema dikjarazzjonijiet ta’ evalwazzjoni huma assoċjati ma’ kull waħda mill-kategoriji ta’ profili?</p>
</td>
</tr>
</table>
    <p class="C09Marge0avecretrait" id="para-156" title="page-14">
      5) Id-dispożizzjoni tal-Artikolu 15(4) tar-RĠPD tillimita b’xi mod il-portata tal-informazzjoni li għandha tiġi pprovduta taħt l-Artikolu 15(1)(h) tar-RĠPD?
    </p>
    <p class="C10Marge1" id="para-157" title="page-14">
      Jekk ir-risposta hija fl-affermattiv, b’liema mod huwa dan id-dritt ta’ aċċess limitat mill-Artikolu 15(4) tar-RĠPD, u kif għandha tiġi ddeterminata l-portata tal-limitazzjoni f’kull każ?
    </p>
    <p class="C09Marge0avecretrait" id="para-158" title="page-14">
      6) Id-dispożizzjoni tal-Artikolu 4(6) ta[d-DSG], li tgħid li ‘id-dritt tal-persuna kkonċernata li tikseb aċċess mingħand kontrollur, skont l-Artikolu 15 tar-RĠPD, bla ħsara għal restrizzjonijiet legali oħra, ġeneralment ma jeżistix meta l-għoti ta’ dan l-aċċess ikun jikkomprometti sigriet kummerċjali jew industrijali tal-kontrollur jew ta’ terz’ hija kompatibbli mad-dispożizzjonijiet moqrija flimkien tal-Artikolu 15(1) u tal-Artikolu 22(3) tar-RĠPD? Fl-affermattiv, taħt liema kundizzjonijiet tkun teżisti tali kompatibbiltà?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-proċedura quddiem il-Qorti tal-Ġustizzja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Permezz ta’ deċiżjoni tat‑8 ta’ Diċembru 2022, il-President tal-Qorti tal-Ġustizzja ssospenda din il-proċedura fl-istennija tad-deċiżjoni li ttemm l-istanza fil-Kawża C‑634/21, SCHUFA Holding et (Scoring).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Konformement mad-deċiżjoni tal-President tal-Qorti tal-Ġustizzja tat‑13 ta’ Diċembru 2023, ir-Reġistru tal-Qorti tal-Ġustizzja kkomunika lill-qorti tar-rinviju s-sentenza tas‑7 ta’ Diċembru 2023, SCHUFA Holding et (Scoring) (C‑634/21, EU:C:2023:957), filwaqt li stedinha tindikalu jekk, fid-dawl ta’ dik is-sentenza, hija xtaqitx iżżomm it-talba tagħha għal deċiżjoni preliminari.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Permezz ta’ ittra li waslet fir-Reġistru tal-Qorti tal-Ġustizzja fid‑29 ta’ Jannar 2024, dik il-qorti indikat li hija kienet qiegħda żżomm it-talba tagħha għal deċiżjoni preliminari, peress li s-sentenza tas‑7 ta’ Diċembru 2023, SCHUFA Holding et (Scoring) (C‑634/21, EU:C:2023:957), ma kinitx tippermetti li tingħata risposta għad-domandi li hija għamlet f’din il-kawża.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Għaldaqstant, permezz ta’ deċiżjoni tal‑14 ta’ Frar 2023, il-President tal-Qorti tal-Ġustizzja ordna t-tkomplija tal-proċedura f’din il-kawża.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq id-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ewwel u t-tieni domanda kif ukoll fuq il-punt (a) tat-tielet domanda</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Permezz tal-ewwel u tat-tieni domanda kif ukoll permezz tal-punt (a) tat-tielet domanda, li għandhom jiġu eżaminati flimkien, il-qorti tar-rinviju tistaqsi, essenzjalment, jekk l-Artikolu 15(1)(h) tal-GDPR għandux jiġi interpretat fis-sens li, fil-każ ta’ teħid awtomatizzat ta’ deċiżjoni, inkluż it-tfassil ta’ profili, fis-sens tal-Artikolu 22(1) ta’ dan ir-regolament, is-suġġett tad-data jista’ jeżiġi mingħand il-kontrollur, bħala “informazzjoni importanti dwar il-loġika involuta”, spjegazzjoni eżawrjenti tal-proċedura u tal-prinċipji konkretament applikati sabiex tintuża, b’mod awtomatizzat, id-data personali relatata ma’ dan is-suġġett tad-data bil-għan li jinkiseb minnha riżultat speċifiku, bħal profil ta’ solvenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Skont ġurisprudenza stabbilita tal-Qorti tal-Ġustizzja, fl-interpretazzjoni ta’ dispożizzjoni tad-dritt tal-Unjoni, għandhom jittieħdu inkunsiderazzjoni mhux biss il-kliem tagħha, iżda wkoll il-kuntest tagħha, u l-għanijiet segwiti mil-leġiżlazzjoni li din tkun tagħmel parti minnha (sentenza tal‑4 ta’ Mejju 2023, Österreichische Datenschutzbehörde u CRIF, C‑487/21, EU:C:2023:369, punt 19 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">F’dak li jirrigwarda, qabel kollox, il-formulazzjoni tal-Artikolu 15(1)(h) tal-GDPR, għandu jiġi rrilevat, minn naħa, li t-tifsiriet tal-kunċett ta’ “informazzjoni importanti”, fis-sens ta’ din id-dispożizzjoni, huma differenti fid-diversi verżjonijiet lingwistiċi tagħha, fejn uħud minnhom jagħtu preferenza, bħall-verżjoni Franċiża, għall-funzjonalità (“nuttige” bl-Olandiż, “úteis” bil-Portugiż) jew għar-rilevanza (“pertinente” bir-Rumen) tal-informazzjoni li għandha tiġi pprovduta, filwaqt li oħrajn jinsistu iktar fuq l-importanza tagħha (“significativa” bl-Ispanjol u “istotne” bil-Pollakk). Fl-aħħar nett, kemm fil-verżjoni Ġermaniża kif ukoll fil-verżjoni Ingliża tal-imsemmija dispożizzjoni, il-kelma użata (rispettivament, “aussagekräftig” u “meaningful”) tista’ tinftiehem kemm bħala li tirreferi għall-komprensibbiltà tajba tal-imsemmija informazzjoni kif ukoll bħala li tirreferi għal ċerta kwalità tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Issa, id-diversità ta’ tifsiriet adottati fid-diversi verżjonijiet lingwistiċi għandha tinftiehem fis-sens ta’ komplementarjetà tat-tifsiriet esposti fil-punt preċedenti, li għandhom jittieħdu inkunsiderazzjoni fl-interpretazzjoni tal-kunċett ta’ “informazzjoni importanti dwar il-loġika involuta”, fis-sens tal-Artikolu 15(1)(h) tal-GDPR, hekk kif irrileva l-Avukat Ġenerali, essenzjalment, fil-punt 65 tal-konklużjonijiet tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">Min-naħa l-oħra, fid-dawl tal-formulazzjoni ġenerali tiegħu, ir-riferiment, f’din id-dispożizzjoni, għal-“loġika involuta” f’teħid awtomatizzat ta’ deċiżjoni, li tikkostitwixxi s-suġġett tal-imsemmija “informazzjoni importanti”, jista’ jkopri firxa wiesgħa ta’ “loġika” ta’ użu ta’ data personali u ta’ data oħra bil-għan li jinkiseb, b’mod awtomatizzat, riżultat speċifiku. Din l-interpretazzjoni hija kkorroborata minn ċerti verżjonijiet lingwistiċi tal-imsemmija dispożizzjoni li jużaw kliem li jirrigwarda, b’mod komplementari, aspetti differenti tat-tifsira komuni tal-kunċett ta’ “loġika”. B’hekk, pereżempju, fil-verżjoni Ċeka u dik Pollakka, isir riferiment, rispettivament, għall-kelma “postupu” u għall-kelma “zasady”, li jistgħu jiġu tradotti bħala “proċedura” u “prinċipji”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">Għaldaqstant, għandu jitqies li l-formulazzjoni tal-Artikolu 15(1)(h) tal-GDPR tkopri kull informazzjoni rilevanti relatata mal-proċedura u mal-prinċipji ta’ użu, b’mod awtomatizzat, ta’ data personali bil-għan li jinkiseb minnha riżultat speċifiku.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Fir-rigward, sussegwentement, tal-kuntest li taħtu jaqa’ l-kunċett ta’ “informazzjoni importanti dwar il-loġika involuta”, li jinsab fl-Artikolu 15(1)(h) tal-GDPR, għandu jiġi enfasizzat, fl-ewwel lok, li din l-informazzjoni hija biss parti minn dik koperta mid-dritt ta’ aċċess previst f’dan l-artikolu, peress li dan jirrigwarda wkoll l-informazzjoni relatata mal-importanza u mal-konsegwenzi previsti tal-ipproċessar inkwistjoni għas-suġġett tad-data.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">Għalkemm din l-aħħar informazzjoni, li, skont il-Linji Gwida dwar it-teħid ta’ deċiżjonijiet individwali awtomatizzati [teħid awtomatizzat ta’ deċiżjonijiet individwali] u t-tfassil ta’ profili għall-finijiet tar-Regolament (UE) 2016/679, adottati fit‑3 ta’ Ottubru 2017 mill-grupp ta’ ħidma stabbilit bl-Artikolu 29 tad-Direttiva 95/46, fil-verżjoni rriveduta tagħhom u adottata fis‑6 ta’ Frar 2018, sabiex tkun utli u komprensibbli, għandha tkun akkumpanjata minn “eżempji reali u tanġibbli”, ma hijiex is-suġġett tad-domandi magħmula mill-qorti tar-rinviju, din xorta waħda għandha tittieħed inkunsiderazzjoni bħala element tal-kuntest li taħtu jaqa’ l-kunċett ta’ “informazzjoni importanti dwar il-loġika involuta”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">Fit-tieni lok, fid-dawl tal-fatt li l-kunċett ta’ “informazzjoni importanti dwar il-loġika involuta” jinsab ukoll fl-Artikolu 13(2)(f) u fl-Artikolu 14(2)(g) tal-GDPR, il-Qorti tal-Ġustizzja diġà kkonstatat li, fil-każ ta’ teħid awtomatizzat ta’ deċiżjoni, fis-sens tal-Artikolu 22(1) ta’ dan ir-regolament, id-dritt ta’ aċċess għal tali informazzjoni stabbilit fl-Artikolu 15(1)(h) tiegħu jifforma assjem mal-obbligi ta’ informazzjoni addizzjonali imposti fuq il-kontrollur skont dan l-Artikolu 13(2)(f) u dan l-Artikolu 14(2)(g) tal-GDPR. (ara, f’dan is-sens, is-sentenza tas‑7 ta’ Diċembru 2023, SCHUFA Holding et (Scoring), C‑634/21, EU:C:2023:957, punt 56).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">Fit-tielet lok, hekk kif indika, essenzjalment, l-Avukat Ġenerali fil-punti 58 sa 60 tal-konklużjonijiet tiegħu, għandha tittieħed inkunsiderazzjoni, fil-kuntest tal-interpretazzjoni kuntestwali tad-drittijiet ta’ aċċess previsti fil-każ ta’ teħid awtomatizzat ta’ deċiżjoni, il-ġurisprudenza tal-Qorti tal-Ġustizzja dwar ir-rekwiżiti li l-kontrollur tad-data għandu josserva skont l-Artikolu 15(3) tal-GDPR.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">Għalhekk, għandu jittieħed inkunsiderazzjoni b’mod partikolari l-fatt li r-rekwiżit ta’ trasparenza tal-informazzjoni kkomunikata, previst fl-Artikolu 12(1) tal-GDPR, japplika għad-data u għall-informazzjoni kollha msemmija fl-imsemmi Artikolu 15, inkluż għal dik id-data u għal dik l-informazzjoni li tkun marbuta mat-teħid awtomatizzat ta’ deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">Bil-għan li jiġi żgurat li s-suġġett tad-data jitqiegħed f’pożizzjoni li jkun jifhem b’mod sħiħ l-informazzjoni pprovduta lilu mill-kontrollur, l-imsemmi Artikolu 12(1) jobbliga lil dan tal-aħħar jieħu miżuri xierqa b’mod partikolari sabiex jipprovdi lis-suġġett tad-data din id-data u din l-informazzjoni b’mod konċiż, trasparenti, komprensibbli u faċilment aċċessibbli, bl-użu ta’ lingwaġġ ċar u sempliċi (ara, f’dan is-sens, is-sentenza tal‑4 ta’ Mejju 2023, Österreichische Datenschutzbehörde u CRIF (C‑487/21, EU:C:2023:369, punt 38).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">L-eżami tal-kuntest li taħtu jaqa’ l-Artikolu 15(1)(h) tal-GDPR jikkorrobora għalhekk l-interpretazzjoni li tirriżulta mill-analiżi tal-kliem ta’ din id-dispożizzjoni, li skontha l-“informazzjoni importanti dwar il-loġika involuta” f’teħid ta’ deċiżjoni awtomatizzata, fis-sens ta’ din id-dispożizzjoni, tirrigwarda kull informazzjoni rilevanti dwar il-proċedura u l-prinċipji ta’ użu ta’ data personali sabiex jinkiseb, b’mod awtomatizzat, riżultat speċifiku, fejn l-obbligu ta’ trasparenza jeżiġi barra minn hekk li din l-informazzjoni tkun ipprovduta b’mod konċiż, trasparenti, komprensibbli u faċilment aċċessibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Fl-aħħar nett, fir-rigward tal-għanijiet tal-GDPR, għandu jitfakkar li l-għan ta’ dan ir-regolament jikkonsisti, b’mod partikolari, f’li jiġi ggarantit livell għoli ta’ protezzjoni tal-libertajiet u tad-drittijiet fundamentali tal-persuni fiżiċi, b’mod partikolari tad-dritt tagħhom għall-protezzjoni tad-data personali, stabbilit fl-Artikolu 16 TFUE u ggarantit bħala dritt fundamentali fl-Artikolu 8 tal-Karta, li jikkompleta d-dritt għall-ħajja privata ggarantit fl-Artikolu 7 tagħha (ara, f’dan is-sens, is-sentenza tal‑4 ta’ Ottubru 2024, Schrems (Kommunikazzjoni tad-data lill-pubbliku ġenerali), C‑446/21, EU:C:2024:834, punt 45 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">Għalhekk, hekk kif tippreċiża barra minn hekk il-premessa 11 tiegħu, il-GDPR huwa intiż li jsaħħaħ u li jippreċiża d-drittijiet tas-suġġetti tad-data (sentenza tal‑4 ta’ Mejju 2023, Österreichische Datenschutzbehörde u CRIF, C‑487/21, EU:C:2023:369, punt 33 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53</p>
</td>
<td valign="top">
<p class="normal">Fir-rigward, b’mod iktar partikolari, tad-dritt ta’ aċċess previst fl-Artikolu 15 tal-GDPR, mill-ġurisprudenza tal-Qorti tal-Ġustizzja jirriżulta li dan id-dritt għandu jippermetti lis-suġġett tad-data jiżgura ruħu li d-data personali li tkun tikkonċernah tkun eżatta u li din tiġi pproċessata b’mod legali (sentenzi tal‑4 ta’ Mejju 2023, Österreichische Datenschutzbehörde u CRIF, C‑487/21, EU:C:2023:369, punt 34, kif ukoll tas‑26 ta’ Ottubru 2023, FT (Kopji tal-fajl mediku), C‑307/22, EU:C:2023:811, punt 73).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54</p>
</td>
<td valign="top">
<p class="normal">Dan id-dritt ta’ aċċess huwa neċessarju sabiex jippermetti lis-suġġett tad-data jeżerċita, jekk ikun il-każ, id-dritt tiegħu għar-rettifika, id-dritt tiegħu għat-tħassir (“dritt li wieħed jintesa”) u d-dritt tiegħu għal-limitazzjoni tal-ipproċessar, li huma rrikonoxxuti lilu, rispettivament, mill-Artikoli 16, 17 u 18 tal-GDPR, id-dritt tiegħu li joġġezzjona għall-ipproċessar tad-data personali tiegħu, previst fl-Artikolu 21 tal-GDPR, kif ukoll id-dritt tiegħu għal azzjoni legali u d-dritt tiegħu għal kumpens, previsti rispettivament fl-Artikoli 79 u 82 tal-GDPR (ara, f’dan is-sens, is-sentenza tal‑4 ta’ Mejju 2023, Österreichische Datenschutzbehörde u CRIF (C‑487/21, EU:C:2023:369, punt 35).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55</p>
</td>
<td valign="top">
<p class="normal">B’mod partikolari, fil-kuntest speċifiku tal-adozzjoni ta’ deċiżjoni bbażata esklużivament fuq ipproċessar awtomatizzat, l-għan prinċipali tad-dritt tas-suġġett tad-data li jikseb l-informazzjoni prevista fl-Artikolu 15(1)(h) tal-GDPR jikkonsisti f’li huwa jkun jista’ jeżerċita b’mod effikaċi d-drittijiet mogħtija lilu mill-Artikolu 22(3) ta’ dan ir-regolament, jiġifieri dak li jesprimi l-opinjoni tiegħu dwar din id-deċiżjoni u dak li jikkontestaha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56</p>
</td>
<td valign="top">
<p class="normal">Fil-fatt, jekk il-persuni affettwati minn deċiżjoni awtomatizzata, inkluż it-tfassil ta’ profili, ma jkunux f’pożizzjoni li jifhmu r-raġunijiet li jkunu wasslu għal din id-deċiżjoni qabel ma jesprimu l-opinjoni tagħhom jew jikkontestawha, dawn id-drittijiet ma jkunux jistgħu, għaldaqstant, jissodisfaw b’mod sħiħ l-għan tagħhom li jipproteġu lil dawn il-persuni kontra r-riskji speċifiċi għad-drittijiet u għal-libertajiet tagħhom li l-ipproċessar awtomatizzat tad-data personali tagħhom jippreżenta (ara, f’dan is-sens, is-sentenza tas‑7 ta’ Diċembru 2023, SCHUFA Holding et (Scoring), C‑634/21, EU:C:2023:957, punt 57).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57</p>
</td>
<td valign="top">
<p class="normal">F’dan ir-rigward, mill-premessa 71 tal-GDPR jirriżulta li, meta s-suġġett tad-data jkun is-suġġett ta’ deċiżjoni li tkun meħuda biss abbażi ta’ pproċessar awtomatizzat u li tkun taffettwah b’mod sinjifikattiv, dan is-suġġett tad-data għandu jkollu d-dritt jikseb spjegazzjoni dwar din id-deċiżjoni. Hekk kif irrileva l-Avukat Ġenerali fil-punt 67 tal-konklużjonijiet tiegħu, għandu għalhekk jitqies li l-Artikolu 15(1)(h) tal-GDPR joffri lis-suġġett tad-data dritt reali għall-ispjegazzjoni dwar il-funzjonament tal-mekkaniżmu li fuqu jkun ibbażat teħid awtomatizzat ta’ deċiżjoni li dan is-suġġett tad-data kien suġġett għalih u dwar ir-riżultat li din id-deċiżjoni tkun waslet għalih.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58</p>
</td>
<td valign="top">
<p class="normal">Mill-eżami tal-għanijiet tal-GDPR u, b’mod partikolari, minn dawk tal-Artikolu 15(1)(h) tiegħu jirriżulta li d-dritt li tinkiseb “informazzjoni importanti dwar il-loġika involuta” f’teħid awtomatizzat ta’ deċiżjoni, fis-sens ta’ din id-dispożizzjoni, għandu jinftiehem bħala dritt għall-ispjegazzjoni tal-proċedura u tal-prinċipji applikati b’mod konkret sabiex tintuża, b’mod awtomatizzat, id-data personali tas-suġġett tad-data bil-għan li jinkiseb riżultat speċifiku, bħal profil ta’ solvenza. Sabiex is-suġġett tad-data jkun jista’ jeżerċita b’mod effikaċi d-drittijiet mogħtija lilu mill-GDPR u, b’mod partikolari, mill-Artikolu 22(3) tiegħu, din l-ispjegazzjoni għandha tkun ipprovduta, permezz ta’ informazzjoni rilevanti u b’mod konċiż, trasparenti, komprensibbli u faċilment aċċessibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59</p>
</td>
<td valign="top">
<p class="normal">La s-sempliċi komunikazzjoni ta’ formola matematika kumplessa, bħal algoritmu, u lanqas id-deskrizzjoni ddettaljata tal-istadji kollha ta’ teħid awtomatizzat ta’ deċiżjoni ma jistgħu jissodisfaw dawn ir-rekwiżiti, sa fejn ebda waħda minn dawn il-modalitajiet ma tikkostitwixxi spjegazzjoni suffiċjentement konċiża u komprensibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60</p>
</td>
<td valign="top">
<p class="normal">Fil-fatt, hekk kif jirriżulta mill-paġna 28 tal-Linji Gwida dwar it-teħid ta’ deċiżjonijiet individwali awtomatizzati [teħid awtomatizzat ta’ deċiżjonijiet individwali] u t-tfassil ta’ profili għall-finijiet tar-Regolament (UE) 2016/679, imsemmija fil-punt 45 ta’ din is-sentenza, minn naħa, il-kontrollur għandu jsib mezzi sempliċi sabiex jinforma lis-suġġett tad-data bir-raġuni għad-deċiżjoni awtomatizzata jew bil-kriterji li fuqhom din tkun ibbażata. Min-naħa l-oħra, il-GDPR jeżiġi li l-imsemmi kontrollur jipprovdi informazzjoni importanti dwar il-loġika involuta f’din id-deċiżjoni, “iżda mhux neċessarjament spjegazzjoni kumplessa tal-algoritmi użati jew l-iżvelar tal-algoritmu sħiħ”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61</p>
</td>
<td valign="top">
<p class="normal">Għalhekk, l-“informazzjoni importanti dwar il-loġika involuta” f’teħid awtomatizzat ta’ deċiżjoni, fis-sens tal-Artikolu 15(1)(h) tal-GDPR, għandha tiddeskrivi l-proċedura u l-prinċipji konkretament applikati b’tali mod li s-suġġett tad-data jkun jista’ jifhem liema mid-data personali tiegħu ntużat b’liema mod waqt it-teħid awtomatizzat ta’ deċiżjoni inkwistjoni, mingħajr ma l-kumplessità tal-operazzjonijiet li għandhom jitwettqu fil-kuntest ta’ teħid awtomatizzat ta’ deċiżjoni tkun tista’ teħles lill-kontrollur mid-dmir tiegħu ta’ spjegazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62</p>
</td>
<td valign="top">
<p class="normal">Fir-rigward speċifikament ta’ tfassil ta’ profili bħal dak inkwistjoni fil-kawża prinċipali, il-qorti tar-rinviju tista’, b’mod partikolari, tqis bħala suffiċjentement trasparenti u komprensibbli l-fatt li s-suġġett tad-data jkun informat dwar sa fejn varjazzjoni fil-livell tad-data personali meħuda inkunsiderazzjoni kienet wasslet għal riżultat differenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63</p>
</td>
<td valign="top">
<p class="normal">Madankollu, għandu jiġi ppreċiżat ukoll li, fir-rigward tal-punt dwar jekk l-informazzjoni pprovduta għandhiex tippermetti lis-suġġett tad-data jivverifika l-eżattezza tad-data personali li tkun tikkonċernah li fuqha jkun ibbażat it-teħid awtomatizzat ta’ deċiżjoni, id-dritt ta’ aċċess għall-imsemmija data ma jaqax taħt l-Artikolu 15(1)(h) tal-GDPR, iżda taħt is-sentenza introduttiva tal-istess paragrafu li tiggarantixxi lis-suġġett tad-data jkun jista’ jiżgura ruħu mill-eżattezza ta’ din id-data, hekk kif jirriżulta mill-ġurisprudenza ċċitata fil-punt 53 ta’ din is-sentenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64</p>
</td>
<td valign="top">
<p class="normal">Fl-aħħar nett, fir-rigward tal-affermazzjoni tal-qorti tar-rinviju li l-informazzjoni pprovduta minn D &amp; B lil CK, taħt l-Artikolu 15(1) (h) tal-GDPR, tmur kontra l-fatti, peress li t-tfassil ta’ profili “reali” wassal sabiex jitqies li hija ma kinitx solventi filwaqt li l-imsemmija informazzjoni kienet tissuġġerixxi l-kuntrarju, għandu jiġi rrilevat li, jekk, skont dik il-qorti, in-nuqqas ta’ konformità hekk ikkonstatat jirriżulta mill-assenza ta’ komunikazzjoni minn D &amp; B lil CK tat-tfassil ta’ profil imwettaq fil-konfront tagħha f’isem l-impriża tat-telefonija mobbli li, fuq din il-bażi, irrifjutat li tikkonkludi jew li ġġedded kuntratt magħha, dan għandu jiġi rrimedjat permezz tad-dritt ta’ aċċess għall-profil ta’ solvenza li ġie stabbilit b’dan il-mod. F’dan ir-rigward, mill-ġurisprudenza tal-Qorti tal-Ġustizzja jirriżulta li d-data personali ġġenerata mill-kontrollur stess taqa’ taħt l-Artikolu 14 tal-GDPR (ara, f’dan is-sens, is-sentenza tat‑28 ta’ Novembru 2024, Másdi, C‑169/23, EU:C:2024:988, punt 48).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65</p>
</td>
<td valign="top">
<p class="normal">Għall-kuntrarju, spjegazzjoni tad-differenzi li jkunu jeżistu bejn ir-riżultat ta’ tali tfassil ta’ profili “reali”, jekk dan jitqies li jkun stabbilit, u r-riżultat ikkomunikat minn D &amp; B lil CK u miksub, skont din il-kumpannija, permezz ta’ “aggregazzjoni ekwivalenti” tad-data relatata ma’ CK taqa’ tabilħaqq taħt “informazzjoni importanti dwar il-loġika involuta” fit-tfassil ta’ profili hekk imwettaq. Konformement ma’ dak li ġie rrilevat fil-punt 58 ta’ din is-sentenza, D &amp; B għandha għalhekk l-obbligu tispjega b’mod konċiż, trasparenti, komprensibbli u faċilment aċċessibbli l-proċedura u l-prinċipji li b’applikazzjoni tagħhom inkiseb ir-riżultat tat-tfassil ta’ profili “reali”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66</p>
</td>
<td valign="top">
<p class="normal">Mill-kunsiderazzjonijiet kollha preċedenti jirriżulta li r-risposta għall-ewwel u għat-tieni domanda kif ukoll għall-punt (a) tat-tielet domanda għandha tkun li l-Artikolu 15(1)(h) tal-GDPR għandu jiġi interpretat fis-sens li, fil-każ ta’ teħid awtomatizzat ta’ deċiżjoni, inkluż it-tfassil ta’ profili, fis-sens tal-Artikolu 22(1) ta’ dan ir-regolament, is-suġġett tad-data jista’ jeżiġi mingħand il-kontrollur, bħala “informazzjoni importanti dwar il-loġika involuta”, li dan jispjegalu, permezz ta’ informazzjoni rilevanti u b’mod konċiż, trasparenti, komprensibbli u faċilment aċċessibbli, il-proċedura u l-prinċipji konkretament applikati sabiex tintuża, b’mod awtomatizzat, id-data personali relatata ma’ dan is-suġġett tad-data sabiex jinkiseb minnha riżultat speċifiku, bħal profil ta’ solvenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq il-punti (b) u (c) tat-tielet domanda, fuq il-punti (a) u (b) tar-raba’ domanda, kif ukoll fuq il-ħames u s-sitt domanda</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67</p>
</td>
<td valign="top">
<p class="normal">Permezz tal-punti (b) u (c) tat-tielet domanda, tal-punti (a) u (b) tar-raba’ domanda, kif ukoll permezz tal-ħames u tas-sitt domanda, li għandhom jiġu eżaminati flimkien, il-qorti tar-rinviju tistaqsi, essenzjalment, jekk l-Artikolu 15(1)(h) tal-GDPR għandux jiġi interpretat fis-sens li, fil-każ li l-kontrollur ikun iqis li l-informazzjoni li għandha tiġi pprovduta lis-suġġett tad-data konformement ma’ din id-dispożizzjoni tkun tinkludi data ta’ terz protetta minn dan ir-regolament jew sigrieti kummerċjali, fis-sens tal-punt 1 tal-Artikolu 2 tad-Direttiva 2016/943, dan il-kontrollur ikollu l-obbligu jikkomunika din l-informazzjoni allegatament protetta lill-awtorità superviżorja jew lill-qorti kompetenti, li għandhom jibbilanċjaw id-drittijiet u l-interessi inkwistjoni sabiex tiġi ddeterminata l-portata tad-dritt ta’ aċċess tas-suġġett tad-data previst fl-Artikolu 15 tal-GDPR.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68</p>
</td>
<td valign="top">
<p class="normal">F’dan ir-rigward, għandu jitfakkar li, skont il-premessa 4 tal-GDPR, id-dritt għall-protezzjoni tad-data personali ma huwiex dritt assolut u għandu jiġi bbilanċjat ma’ drittijiet fundamentali oħra, konformement mal-prinċipju ta’ proporzjonalità. Għalhekk, il-GDPR jirrispetta d-drittijiet fundamentali kollha u josserva l-libertajiet u l-prinċipji rrikonoxxuti mill-Karta, li huma stabbiliti fit-Trattati (sentenza tas‑26 ta’ Ottubru 2023, FT (Kopji tal-fajl mediku), C‑307/22, EU:C:2023:811, punt 59 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69</p>
</td>
<td valign="top">
<p class="normal">Barra minn hekk, il-premessa 63 ta’ dan ir-regolament tistabbilixxi li d-dritt ta’ kull suġġett tad-data li jaċċedi għad-data personali li tkun inġabret fir-rigward tiegħu ma għandux jippreġudika d-drittijiet jew il-libertajiet ta’ persuni oħra, inklużi is-sigrieti kummerċjali jew il-proprjetà intellettwali, b’mod partikolari d-drittijiet tal-awtur li jipproteġu s-software. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70</p>
</td>
<td valign="top">
<p class="normal">Madankollu, dawn il-kunsiderazzjonijiet ma għandhomx iwasslu għal rifjut ta’ kull komunikazzjoni ta’ informazzjoni lis-suġġett tad-data. Għaldaqstant, l-Artikolu 23(1)(i) ta’ dan ir-regolament jipprevedi, essenzjalment, li limitazzjoni tal-portata tal-obbligi u tad-drittijiet previsti b’mod partikolari fl-Artikolu 15 tiegħu tkun possibbli biss jekk tali limitazzjoni tkun tosserva l-essenza tal-libertajiet u tad-drittijiet fundamentali u tkun tikkostitwixxi miżura neċessarja u proporzjonata f’soċjetà demokratika sabiex tiġi ggarantita l-protezzjoni tad-drittijiet u tal-libertajiet ta’ persuni oħra.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71</p>
</td>
<td valign="top">
<p class="normal">Fir-rigward tad-dritt relatat li tinkiseb kopja, stabbilit fl-Artikolu 15(4) tal-GDPR, il-Qorti tal-Ġustizzja diġà rrilevat li l-applikazzjoni tiegħu ma għandhiex tippreġudika d-drittijiet u l-libertajiet ta’ persuni oħra, inkluż is-sigriet kummerċjali jew il-proprjetà intellettwali, b’mod partikolari d-drittijiet tal-awtur li jipproteġu s-software (ara, f’dan is-sens, is-sentenza tal‑4 ta’ Mejju 2023, Österreichische Datenschutzbehörde u CRIF (C‑487/21, EU:C:2023:369, punt 43).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">72</p>
</td>
<td valign="top">
<p class="normal">F’dan il-kuntest, il-Qorti tal-Ġustizzja rrilevat li, fil-każ ta’ kunflitt bejn, min-naħa, l-eżerċizzju ta’ dritt ta’ aċċess sħiħ u komplet għad-data personali u, min-naħa l-oħra, id-drittijiet jew il-libertajiet ta’ persuni oħra, għandu jinstab bilanċ bejn id-drittijiet u l-libertajiet inkwistjoni. Sa fejn ikun possibbli, għandhom jintgħażlu modalitajiet ta’ komunikazzjoni tad-data personali li ma jkunux jippreġudikaw id-drittijiet jew il-libertajiet ta’ persuni oħra, filwaqt li jittieħed inkunsiderazzjoni l-fatt li r-riżultat ta’ dawn il-kunsiderazzjonijiet “m’għandux ikun rifjut li tiġi provduta l-informazzjoni kollha lis-suġġett tad-data”, hekk kif jirriżulta mill-premessa 63 tal-GDPR (sentenza tal‑4 ta’ Mejju 2023, Österreichische Datenschutzbehörde u CRIF, C‑487/21, EU:C:2023:369, punt 44).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">73</p>
</td>
<td valign="top">
<p class="normal">Fir-rigward tal-punt dwar kif id-dritt ta’ aċċess stabbilit fl-Artikolu 15(1)(h) tal-GDPR jista’ jiġi implimentat b’mod li jiġu rrispettati d-drittijiet u osservati l-libertajiet ta’ persuni oħra, għandu jitfakkar li, skont il-ġurisprudenza, qorti nazzjonali tista’ tqis li data personali tal-partijiet jew ta’ terzi għandha tiġi kkomunikata lilha sabiex hija tkun tista’ tibbilanċja, b’għarfien sħiħ tal-fatti u fl-osservanza tal-prinċipju ta’ proporzjonalità, l-interessi inkwistjoni. Din l-evalwazzjoni tista’, jekk ikun il-każ, twassalha tawtorizza l-iżvelar sħiħ jew parzjali lill-parti l-oħra tad-data personali li għaldaqstant tkun ġiet ikkomunikata lilha jekk hija tkun tqis li tali żvelar ma jkunx imur lil hinn minn dak li jkun neċessarju għall-finijiet li tiġi ggarantita t-tgawdija effettiva tad-drittijiet li l-partijiet fil-kawża jisiltu mill-Artikolu 47 tal-Karta (sentenza tat‑2 ta’ Marzu 2023, Norra Stockholm Bygg, C‑268/21, EU:C:2023:145, punt 58).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">74</p>
</td>
<td valign="top">
<p class="normal">Hekk kif irrileva l-Avukat Ġenerali fil-punt 94 tal-konklużjonijiet tiegħu, din il-ġurisprudenza hija kompletament trasponibbli għall-każ li fih l-informazzjoni li jkollha tiġi pprovduta lis-suġġett tad-data abbażi tad-dritt ta’ aċċess iggarantit mill-Artikolu 15(1)(h) tal-GDPR tkun tista’ twassal għal ksur tad-drittijiet u tal-libertajiet ta’ persuni oħra, b’mod partikolari sa fejn din tkun tinkludi data personali ta’ terzi protetta mill-imsemmi regolament jew minn sigriet kummerċjali, fis-sens tal-punt 1 tal-Artikolu 2 tad-Direttiva 2016/943. F’dan il-każ ukoll, l-imsemmija informazzjoni għandha tiġi kkomunikata lill-awtorità superviżorja jew lill-qorti kompetenti, li għandhom jibbilanċjaw id-drittijiet u l-interessi inkwistjoni sabiex tiġi ddeterminata l-portata tad-dritt ta’ aċċess tas-suġġett tad-data għad-data personali li tkun tikkonċernah.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">75</p>
</td>
<td valign="top">
<p class="normal">Fir-rigward tan-neċessità ta’ tali determinazzjoni każ b’każ, l-Artikolu 15(1)(h) tal-GDPR jopponi b’mod partikolari l-applikazzjoni ta’ dispożizzjoni bħall-Artikolu 4(6) tad-DSG li tkun teskludi, bħala prinċipju, id-dritt ta’ aċċess tas-suġġett tad-data, previst fl-Artikolu 15 tal-GDPR, meta dan l-aċċess ikun jikkomprometti sigriet kummerċjali jew ta’ impriża tal-kontrollur jew ta’ terz. F’dan ir-rigward, għandu jitfakkar li Stat Membru ma jistax jippreskrivi b’mod definittiv ir-riżultat ta’ bbilanċjar każ b’każ tad-drittijiet u tal-interessi inkwistjoni impost mid-dritt tal-Unjoni. (ara, f’dan is-sens, is-sentenza tas‑7 ta’ Diċembru 2023, SCHUFA Holding et (Scoring), C‑634/21, EU:C:2023:957, punt 70 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">76</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti kollha, ir-risposta għall-punti (b) u (c) tat-tielet domanda, għall-punti (a) u (b) tar-raba’ domanda, kif ukoll għall-ħames u għas-sitt domanda għandha tkun li l-Artikolu 15(1)(h) tal-GDPR għandu jiġi interpretat fis-sens li, fil-każ li l-kontrollur ikun iqis li l-informazzjoni li għandha tiġi pprovduta lis-suġġett tad-data konformement ma’ din id-dispożizzjoni tkun tinkludi data ta’ terz protetta minn dan ir-regolament jew sigrieti kummerċjali, fis-sens tal-punt 1 tal-Artikolu 2 tad-Direttiva 2016/943, dan il-kontrollur ikollu l-obbligu jikkomunika din l-informazzjoni allegatament protetta lill-awtorità superviżorja jew lill-qorti kompetenti, li għandhom jibbilanċjaw id-drittijiet u l-interessi inkwistjoni sabiex tiġi ddeterminata l-portata tad-dritt ta’ aċċess tas-suġġett tad-data previst fl-Artikolu 15 tal-GDPR.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">77</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija dik il-qorti li tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, barra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-208" title="page-23">
      Għal dawn il-motivi, Il-Qorti tal-Ġustizzja (L‑Ewwel Awla) taqta’ u tiddeċiedi:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1)</p>
</td>
<td valign="top">
<p class="normal">L-Artikolu 15(1)(h) tar-Regolament (UE) 2016/679 tal-Parlament Ewropew u tal-Kunsill tas‑27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data), </p>
</td>
</tr>
</table>
    <p class="C32Dispositifmarge1" id="para-210" title="page-23">
      għandu jiġi interpretat fis-sens li:
    </p>
    <p class="C32Dispositifmarge1" id="para-211" title="page-23">
      fil-każ ta’ teħid awtomatizzat ta’ deċiżjoni, inkluż it-tfassil ta’ profili, fis-sens tal-Artikolu 22(1) ta’ dan ir-regolament, is-suġġett tad-data jista’ jeżiġi mingħand il-kontrollur, bħala “informazzjoni importanti dwar il-loġika involuta”, li dan jispjegalu, permezz ta’ informazzjoni rilevanti u b’mod konċiż, trasparenti, komprensibbli u faċilment aċċessibbli, il-proċedura u l-prinċipji konkretament applikati sabiex tintuża, b’mod awtomatizzat, id-data personali relatata ma’ dan is-suġġett tad-data sabiex jinkiseb minnha riżultat speċifiku, bħal profil ta’ solvenza.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2)</p>
</td>
<td valign="top">
<p class="normal">L-Artikolu 15(1)(h) tar-Regolament 2016/679 </p>
</td>
</tr>
</table>
    <p class="C32Dispositifmarge1" id="para-213" title="page-23">
      għandu jiġi interpretat fis-sens li:
    </p>
    <p class="C32Dispositifmarge1" id="para-214" title="page-23">
      fil-każ li l-kontrollur ikun iqis li l-informazzjoni li għandha tiġi pprovduta lis-suġġett tad-data konformement ma’ din id-dispożizzjoni tkun tinkludi data ta’ terz protetta minn dan ir-regolament jew sigrieti kummerċjali, fis-sens tal-punt 1 tal-Artikolu 2 tad-Direttiva (UE) 2016/943 tal-Parlament Ewropew u tal-Kunsill tat‑8 ta’ Ġunju 2016 dwar il-protezzjoni ta’ konoxxenza u ta’ informazzjoni kummerċjali kunfidenzjali (sigrieti kummerċjali) kontra l-ksib, l-użu u l-iżvelar illegali tagħhom, dan il-kontrollur ikollu l-obbligu jikkomunika din l-informazzjoni allegatament protetta lill-awtorità superviżorja jew lill-qorti kompetenti, li għandhom jibbilanċjaw id-drittijiet u l-interessi inkwistjoni sabiex tiġi ddeterminata l-portata tad-dritt ta’ aċċess tas-suġġett tad-data previst fl-Artikolu 15 ta’ dan ir-regolament.
    </p>
    <div class="signatures">
<p class="C77Signatures" id="para-215" title="page-23">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: il-Ġermaniż.</p>
</body>
</html>
