Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2024/2763 |
28.10.2024 |
CINNEADH (CBES) 2024/2763 ÓN gCOISTE POLAITIÚIL AGUS SLÁNDÁLA
an 22 Deireadh Fómhair 2024
maidir le Ceannasaí Fórsa an Aontais a cheapadh le haghaidh oibríocht slándála muirí an Aontais Eorpaigh chun saoirse loingseoireachta a chosaint i ndáil le géarchéim na Mara Rua (EUNAVFOR ASPIDES) agus lena n-aisghairtear Cinneadh (CBES) 2024/2038 (EUNAVFOR ASPIDES/4/2024)
TÁ AN COISTE POLAITIÚIL AGUS SLÁNDÁLA,
Ag féachaint don Chonradh ar an Aontas Eorpach, agus go háirithe Airteagal 38 de,
Ag féachaint do Chinneadh (CBES) 2024/583 ón gComhairle an 8 Feabhra 2024 maidir le hoibríocht slándála muirí de chuid an Aontais Eorpaigh chun saoirse loingseoireachta a chosaint i ndáil le géarchéim na Mara Rua (EUNAVFOR ASPIDES) (1), agus go háirithe Airteagal 4(2) de,
De bharr an mhéid seo a leanas:
|
(1) |
An 8 Feabhra 2024, ghlac an Chomhairle Cinneadh (CBES) 2024/583, lenar bunaíodh oibríocht slándála muirí de chuid an Aontais Eorpaigh chun saoirse loingseoireachta a chosaint i ndáil le géarchéim na Mara Rua (EUNAVFOR ASPIDES). |
|
(2) |
De bhun Airteagal 4(2) de Chinneadh (CBES) 2024/583, d’údaraigh an Chomhairle an Coiste Polaitiúil agus Slándála cinntí a dhéanamh maidir le Ceannasaí Fórsa an Aontais a cheapadh ar EUNAVFOR ASPIDES. |
|
(3) |
An 17 Iúil 2024, ghlac an Coiste Polaitiúil agus Slándála Cinneadh (CBES) 2024/2038 (2), lenar ceapadh an Seachaimiréal Massimo BONU mar Cheannasaí Fórsa an Aontais ar EUNAVFOR ASPIDES ón 8 Lúnasa 2024. |
|
(4) |
An 16 Deireadh Fómhair 2024, mhol údaráis mhíleata na Gréige an Ceannasóir Konstantinos PITYKAKIS a cheapadh i gcomharbas ar an Seachaimiréal Massimo BONU mar Cheannasaí Fórsa an Aontais ar EUNAVFOR ASPIDES ón 1 Samhain 2024 (‘an ceapachán molta’). |
|
(5) |
An 16 Deireadh Fómhair 2024, thacaigh Ceannasaí Oibríochta an Aontais Eorpaigh ar EUNAVFOR ASPIDES leis an gceapachán molta sin. |
|
(6) |
An 17 Deireadh Fómhair 2024, thacaigh Coiste Míleata an Aontais leis an gceapachán molta. |
|
(7) |
Ba cheart cinneadh a dhéanamh maidir leis an gCeannasóir Konstantinos PITYKAKIS a cheapadh mar Cheannasaí Fórsa an Aontais ar EUNAVFOR ASPIDES. |
|
(8) |
Ba cheart Cinneadh (CBES) 2024/2038 a aisghairm, |
TAR ÉIS AN CINNEADH SEO A GHLACADH:
Airteagal 1
Leis seo, ceaptar an Ceannasóir Konstantinos PITYKAKIS mar Cheannasaí Fórsa an Aontais Eorpaigh le haghaidh oibríocht slándála muirí an Aontais Eorpaigh chun saoirse loingseoireachta a chosaint i ndáil le géarchéim na Mara Rua (EUNAVFOR ASPIDES) amhail ón 1 Samhain 2024.
Airteagal 2
Leis seo, déantar Cinneadh (CBES) 2024/2038 a aisghairm.
Airteagal 3
Tiocfaidh an Cinneadh seo i bhfeidhm an 1 Samhain 2024.
Arna dhéanamh sa Bhruiséil, an 22 Deireadh Fómhair 2024.
Thar ceann an Choiste Pholaitiúil agus Slándála
An Cathaoirleach
D. PRONK
(1) IO sraith L, 2024/583, 12.2.2024, ELI: http://data.europa.eu/eli/dec/2024/583/oj.
(2) Cinneadh (CBES) 2024/2038 ón gCoiste Polaitiúil agus Slándála an 17 Iúil 2024 maidir le Ceannasaí Fórsa an Aontais Eorpaigh a cheapadh le haghaidh oibríocht slándála muirí an Aontais Eorpaigh chun saoirse loingseoireachta a chosaint i ndáil le géarchéim na Mara Rua (EUNAVFOR ASPIDES) agus lena n-aisghairtear Cinneadh (CBES) 2024/1686 (EUNAVFOR ASPIDES/3/2024) (IO L, 2024/2038, 29.7.2024, ELI: http://data.europa.eu/eli/dec/2024/2038/oj).
ELI: http://data.europa.eu/eli/dec/2024/2763/oj
ISSN 1977-0839 (electronic edition)