|
18.1.2019 |
MT |
Il-Ġurnal Uffiċjali tal-Unjoni Ewropea |
L 16/108 |
REGOLAMENT TA' IMPLIMENTAZZJONI TAL-KUMMISSJONI (UE) 2019/73
tas-17 ta' Jannar 2019
li jimponi dazju anti-dumping definittiv u jiġbor b'mod definittiv id-dazju proviżorju impost fuq l-importazzjonijiet ta' roti elettriċi li joriġinaw mir-Repubblika tal-Poplu taċ-Ċina
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/1036 tal-Parlament Ewropew u tal-Kunsill tat-8 ta' Ġunju 2016 dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Unjoni Ewropea (1), u b'mod partikolari l-Artikolu 4(4) tiegħu,
Billi:
1. PROĊEDURA
1.1. Bidu
|
(1) |
Fl-20 ta' Ottubru 2017, il-Kummissjoni Ewropea (“il-Kummissjoni”) tat bidu għal investigazzjoni anti-dumping fir-rigward ta' importazzjonijiet fl-Unjoni Ewropea (“l-Unjoni”) ta' roti, b'assistenza ta' pedali, b'mutur elettriku awżiljarju (“roti elettriċi”) li joriġinaw mir-Repubblika tal-Poplu taċ-Ċina (“ir-RPĊ”) abbażi tal-Artikolu 5 tar-Regolament (UE) 2016/1036 tal-Parlament Ewropew u tal-Kunsill (“ir-Regolament bażiku”). |
|
(2) |
Il-Kummissjoni ppubblikat Notifika ta' Bidu f'Il-Ġurnal Uffiċjali tal-Unjoni Ewropea (2) (“in-Notifika ta' Bidu”). |
|
(3) |
Il-Kummissjoni tat bidu għall-investigazzjoni wara lment li ġie ppreżentat fit-8 ta' Settembru 2017 mill-Assoċjazzjoni Ewropea tal-Manifatturi tar-Roti (“l-ilmentatur” jew l-“EBMA”). L-ilmentatur jirrappreżenta aktar minn 25 % tar-roti elettriċi kollha prodotti fl-Unjoni. L-ilment kien fih evidenza ta' dumping u ta' dannu materjali riżultanti, u dan kien biżżejjed biex il-bidu tal-investigazzjoni jkun iġġustifikat. |
|
(4) |
Fil-21 ta' Diċembru 2017, il-Kummissjoni tat bidu għal investigazzjoni antisussidji fir-rigward tal-importazzjonijiet fl-Unjoni ta' roti elettriċi li joriġinaw mir-RPĊ, u bdiet investigazzjoni separata. Hija ppubblikat Notifika ta' Bidu f'Il-Ġurnal Uffiċjali tal-Unjoni Ewropea (3). |
1.2. Reġistrazzjoni ta' importazzjonijiet
|
(5) |
Fil-31 ta' Jannar 2018, l-ilmentatur ippreżenta talba għar-reġistrazzjoni tal-importazzjonijiet ta' roti elettriċi mir-RPĊ, skont l-Artikolu 14(5) tar-Regolament bażiku. Fit-3 ta' Mejju 2018, il-Kummissjoni ppubblikat ir-Regolament ta' Implimentazzjoni (UE) 2018/671 (ir-“Regolament dwar ir-reġistrazzjoni”) (4) li jagħmel l-importazzjonijiet ta' roti elettriċi mir-RPĊ suġġetti għal reġistrazzjoni mill-4 ta' Mejju 2018 'il quddiem. |
1.3. Miżuri proviżorji
|
(6) |
Fit-18 ta' Lulju 2018, il-Kummissjoni imponiet dazju anti-dumping proviżorju fuq l-importazzjonijiet fl-Unjoni ta' roti elettriċi li joriġinaw fir-RPĊ permezz tar-Regolament ta' Implimentazzjoni tal-Kummissjoni (UE) 2018/1012 (5) (“ir-Regolament proviżorju”). |
|
(7) |
Kif iddikjarat fil-premessa (7) tar-Regolament proviżorju, l-investigazzjoni tad-dumping u tad-dannu kopriet il-perjodu mill-1 ta' Ottubru 2016 sat-30 ta' Settembru 2017 (“il-perjodu ta' investigazzjoni” jew “PI”) u l-eżami tax-xejriet rilevanti għall-valutazzjoni tad-dannu kopra l-perjodu mill-1 ta' Jannar 2014 sa tmiem il-perjodu ta' investigazzjoni (“il-perjodu kkunsidrat”). |
1.4. Proċedura sussegwenti
|
(8) |
Wara d-divulgazzjoni tal-fatti u tal-kunsiderazzjonijiet essenzjali li fuq il-bażi tagħhom ġie impost dazju anti-dumping proviżorju (“divulgazzjoni proviżorja”), l-ilmentaturi, il-Kamra tal-Kummerċ taċ-Ċina għall-Importazzjoni u l-Esportazzjoni ta' Makkinarju u Prodotti Elettroniċi (China Chamber of Commerce for Import and Export of Machinery and Electronic Products, “is-CCCME”), il-Kollettiva tal-Importaturi Ewropej ta' Roti Elettriċi (Collective of European Importers of Electric Bicycles, (“is-CEIEB”), importaturi individwali mhux relatati, u produtturi esportaturi Ċiniżi individwali għamlu preżentazzjonijiet bil-miktub biex jaqsmu l-fehmiet tagħhom dwar is-sejbiet proviżorji. |
|
(9) |
Il-partijiet li rrikjedew dan ingħataw l-opportunità li jinstemgħu. Saru seduti ta' smigħ mal-ilmentaturi, mas-CEIEB, mal-importaturi mhux relatati, u ma' produttur esportatur Ċiniż individwali wieħed. Ġiet organizzata seduta ta' smigħ mal-Uffiċjal tas-Seduta fil-proċedimenti kummerċjali ma' dak il-produttur esportatur Ċiniż. |
|
(10) |
Il-Kummissjoni qieset il-kummenti ppreżentati mill-partijiet interessati u indirizzathom kif dettaljat f'dan ir-Regolament. |
|
(11) |
Il-Kummissjoni kompliet tfittex u tivverifika l-informazzjoni kollha li ħasset li kienet meħtieġa għal-konklużjonijiet finali tagħha. Sabiex jiġu vverifikati t-tweġibiet għall-kwestjonarju tal-importaturi mhux relatati, saru żjarat ta' verifika fl-istabbilimenti tal-partijiet li ġejjin:
|
|
(12) |
Il-Kummissjoni għarrfet lill-partijiet interessati kollha dwar il-fatti u l-kunsiderazzjonijiet essenzjali li abbażi tagħhom kienet beħsiebha timponi dazju anti-dumping definittiv fuq l-importazzjonijiet fl-Unjoni ta' roti elettriċi li joriġinaw fir-RPĊ (“id-divulgazzjoni finali”). |
|
(13) |
Il-kummenti ppreżentati mill-partijiet interessati tqiesu u ġew ikkunsidrati fejn xieraq. |
1.5. Kampjunar
|
(14) |
Il-lista ta' produtturi esportaturi Ċiniżi inkluża fl-Anness 1 għal dan ir-Regolament ġiet modifikata biex tieħu inkunsiderazzjoni l-bidla fl-isem ta' produttur esportatur Ċiniż wieħed għal Easy Electricity Technology Co., Ltd. u produttur esportatur ieħor Wuxi Shengda Vehicle Technology Co., Ltd ġie miżjud mal-Anness 1. |
1.6. Eżami individwali
|
(15) |
Sitt produtturi esportaturi mhux ikkampjunati għamlu talba formali għal eżami individwali skont l-Artikolu 17(3) tar-Regolament bażiku. Tlieta minn dawk il-kumpaniji kienu gruppi ta' kumpaniji b'total ta' sitt negozjanti relatati. Barra minn hekk, tnejn mill-kumpaniji li formalment talbu eżami individwali talbu wkoll trattament ta' ekonomija tas-suq. Wara divulgazzjoni proviżorja, erbgħa minn dawk il-kumpaniji tennew it-talbiet tagħhom għal eżami individwali. |
|
(16) |
Kif spjegat fil-premessa (47) tar-Regolament proviżorju, l-eżami ta' numru tant kbir ta' talbiet kien ikun wisq impenjattiv u ma kienx jippermetti li l-investigazzjoni titlesta fil-perjodu ta' żmien stabbilit fir-Regolament bażiku. Barra minn hekk, il-perjodu ta' żmien addizzjonali bejn il-fażijiet proviżorji u definittivi ma kienx biżżejjed biex il-Kummissjoni tkun tista' tqis dan in-numru kbir ta' talbiet. Għaldaqstant, il-Kummissjoni kkonfermat id-deċiżjoni tagħha li ma tilqa' l-ebda talba għal eżami individwali. |
1.7. Trattament ta' ekonomija tas-suq (“TES”)
|
(17) |
Is-CCCME, Bodo Vehicle, Suzhou Rununion u Jinhua Vision tennew il-pretensjoni tagħhom li billi l-paragrafu (a)(ii), it-Taqsima 15 tal-Protokoll għall-Adeżjoni tar-RPĊgħall-Organizzazzjoni Dinjija tal-Kummerċ (“WTO”) kien skada wara l-11 ta' Diċembru 2016, l-eżistenza ta' dumping jenħtieġ li tiġi stabbilita fuq il-bażi tal-prezzijiet u l-kostijiet domestiċi tal-produtturi esportaturi Ċiniżi. Il-Kummissjoni indirizzat din il-pretensjoni kif spjegat fit-Taqsima 3.1.1 tar-Regolament proviżorju. |
|
(18) |
Il-Kummissjoni applikat il-leġiżlazzjoni fis-seħħ u applikabbli għall-investigazzjoni preżenti, jiġifieri l-Artikolu 2(7)(a) u (b) tar-Regolament bażiku. |
|
(19) |
Giant Electric Vehicle “Giant” wieġbet għad-divulgazzjoni proviżorja, u tenniet il-pretensjonijiet tagħha li l-Kummissjoni kellha tagħti TES lil Giant billi, fil-fehma ta' Giant, kienet tissodisfa l-kriterji tat-TES fl-Artikolu 2(7)(c) tar-Regolament bażiku, notevolment il-kriterji 1 u 3. B'mod partikolari, Giant ikkontestat l-interpretazzjoni tal-Kummissjoni dwar l-interferenza mill-Istat, u ddikjarat li l-possibbiltà ta' interferenza mill-Istat ma kinitx biżżejjed biex ma tintlaqax it-talba għal TES. Barra minn hekk, tenniet l-argumenti tagħha li l-impatt tad-distorsjonijiet fuq il-prezz tal-aluminju ma kienx sinifikanti. |
|
(20) |
Dwar il-kriterju 1, il-Kummissjoni sabet interferenza sinifikanti mill-Istat fir-rigward tas-suq tal-aluminju kif deskritt fid-dettall fid-dokument ta' divulgazzjoni tat-TES datat it-3 ta' Mejju 2018, fl-ittra tad-29 ta' Mejju li twieġeb għall-kummenti ta' Giant dwar id-divulgazzjoni tat-TES u fir-Regolament proviżorju, b'mod partikolari l-premessi (88) u (89). Il-Kummissjoni sabet li l-gvern Ċiniż jista' jeżerċita kontroll sħiħ fuq is-suq tal-aluminju u jirregola s-suq tal-aluminju bl-għan li jipprevjeni l-arbitraġġ fis-sens ekonomiku. Il-Kummissjoni sabet li dik is-sitwazzjoni tirriżulta f'suq tal-aluminju b'distorsjonijiet fir-RPĊ u tikkostitwixxi interferenza sinifikanti mill-Istat mill-gvern Ċiniż. Id-distorsjoni fis-suq tal-aluminju hija tant b'saħħitha li ma hemm l-ebda arbitraġġ, li n-nuqqas tiegħu fih innifsu jikkostitwixxi distorsjoni sinifikanti. |
|
(21) |
Giant qatt ma kkontestat is-sejbiet tal-Kummissjoni ta' interferenza sinifikanti mill-Istat fis-suq tal-aluminju tar-RPĊ u tal-kontroll sħiħ tal-gvern Ċiniż fuqu. Sempliċement sostniet li l-effett ta' din l-interferenza mill-Istat ma kienx sinifikanti f'termini ta' valur matul il-perjodu ta' investigazzjoni. Il-Kummissjoni ma tistax taċċetta l-interpretazzjoni proposta, li mhijiex sostnuta mill-ġurisprudenza ċċitata minn Giant (6). Fil-fatt, skont il-ġurisprudenza, il-kriterju 1 jipprekludi l-għoti ta' TES fejn l-Istat interferixxa b'mod sinifikanti fit-tħaddim tal-forzi tas-suq. L-interferenza sinifikanti mill-Istat f'dan ir-rigward ma ssostnix il-konklużjoni li l-kundizzjonijiet tal-ekonomija tas-suq jipprevalu għal produttur li jopera f'tali suq (7). |
|
(22) |
Għalhekk, is-sejba tal-Kummissjoni dwar il-kriterju 1 fir-Regolament proviżorju ġiet ikkonfermata. |
|
(23) |
Rigward il-kriterju 3 Giant iddikjarat li l-Kummissjoni ma indirizzatx it-talbiet tagħha li l-inċentivi finanzjarji ma kinux sinifikanti u ma ġewx ittrasferiti mis-sistema preċedenti tal-ekonomija mhux tas-suq iżda li kienu espressjoni ta' politika industrijali leġittima. Barra minn hekk, Giant tenniet li l-Kummissjoni kellha tikkunsidra s-sinifikat tad-drittijiet tal-użu tal-art li ngħataw bażikament mingħajr ħlas matul il-ħajja tagħhom ta' 50 sena. |
|
(24) |
Il-Kummissjoni tinnota li l-pretensjoni dwar l-inċentivi finanzjarji kif ukoll il-metodoloġija applikata fir-rigward tad-drittijiet tal-użu tal-art, mhux biss kienet diġà ttrattata b'mod estensiv fid-dokument tad-divulgazzjoni tat-TES, iżda kienet ġiet indirizzata wkoll fl-ittra tad-29 ta' Mejju 2018 li twieġeb għall-kummenti ta' Giant. Barra minn hekk, ir-raġunament tal-Kummissjoni huwa deskritt ukoll fir-Regolament proviżorju, b'mod partikolari fil-premessi (91) u (92). |
|
(25) |
Fuq il-bażi tar-raġunament deskritt f'dawk id-dokumenti, il-Kummissjoni kkonkludiet li r-rata ta' taxxa preferenzjali kienet inċentiv finanzjarju ta' karattru miftuħ u kważi-permanenti li jista' jservi wkoll l-iskop li jattira kapital b'rati mnaqqsa, u b'hekk ixekkel b'mod sinifikanti l-kompetizzjoni fuq perjodu ta' żmien twil. Il-Kummissjoni kkonkludiet ukoll li t-tnaqqis tat-taxxa għall-ispejjeż tar-R&Ż kien rikorrenti u mhux limitat fiż-żmien u għalhekk se jkollu effett simili. Fl-aħħar nett, il-Kummissjoni tfakkar li Giant effettivament ma ħallsitx għad-drittijiet tagħha għall-użu tal-art (ara l-premessa (21) hawn fuq). Giant ma ppreżentat l-ebda argument ġdid. |
|
(26) |
Għalhekk, il-kriterju 3, jiġifieri, ir-rekwiżit li ma jkun hemm l-ebda distorsjoni sinifikanti riportata mis-sistema preċedenti ta' ekonomija mhux tas-suq, jibqa' mhux sodisfatt. |
|
(27) |
Is-CEIEB iddikjarat li ċ-ċaħda tat-TES lil produttur esportatur Ċiniż kienet diskriminatorja, billi l-industrija tal-Unjoni tixtri oqfsa tal-aluminju mir-RPĊ u għalhekk tibbenefika wkoll mid-distorsjonijiet fis-suq tal-aluminju fir-RPĊ. Is-CEIEB qajmet ukoll il-kwistjoni tal-importazzjonijiet tal-oqfsa tal-aluminju mir-RPĊ mill-industrija tal-Unjoni skont skema ta' sospensjoni tad-dazju. Dawn il-pretensjonijiet ma ntlaqgħux. Ix-xiri mill-industrija tal-Unjoni huwa irrilevanti għall-analiżi skont l-Artikolu 2(7)(c) tar-Regolament bażiku li għandha l-għan li teżamina jekk produttur esportatur huwiex intitolat għal TES għad-determinazzjoni tal-valur normali. Bħala riżultat, il-Kummissjoni ma qisitx li hija rilevanti għad-determinazzjoni tat-TES. |
1.8. Perjodu ta' investigazzjoni u l-perjodu kkunsidrat
|
(28) |
Fin-nuqqas ta' kummenti rigward il-perjodu ta' investigazzjoni u l-perjodu kkunsidrat, il-premessa (7) tar-Regolament proviżorju hija kkonfermata. |
2. PRODOTT IKKONĊERNAT U PRODOTT SIMILI
2.1. Affermazzjonijiet dwar l-ambitu tal-prodott
|
(29) |
Wara l-pubblikazzjoni tar-Regolament proviżorju, tliet produtturi esportaturi Ċiniżi, importatur wieħed u s-CCCME tennew il-pretensjoni tagħhom stabbilita fil-premessi minn (57) sa (63) tar-Regolament proviżorju biex ir-roti elettriċi b'mutur elettriku awżiljarju għal pedali assistiti sa 45 km/h (“roti elettriċi ta' veloċità”) jiġu esklużi mill-ambitu tal-prodott. |
|
(30) |
Dawn il-partijiet argumentaw li r-roti elettriċi ta' veloċità għandhom notevolment karatteristiċi u użi intenzjonati differenti, li mhumiex soġġetti għall-istess rekwiżiti regolatorji, li għandhom notevolment prezzijiet u spejjeż differenti, u li, mill-perspettiva tal-konsumaturi, ma jistgħux jinbidlu mar-roti elettriċi l-oħra b'mutur elettriku awżiljarju għal pedali assistiti sa 25 km/h koperti minn din l-investigazzjoni. |
|
(31) |
Is-CCCME saħqet li l-Kummissjoni naqset milli tinnota li l-bidla li għamel il-konsumatur fis-softwer fir-rigward tal-limitu massimu msemmi mill-ilmentatur kienet illegali u żiedet li dan il-prospett ma setax jiġi ttrattat bħala possibbiltà probabbli. |
|
(32) |
L-ilmentatur qabel li kien illegali li l-konsumaturi jżidu l-limitu massimu tal-assistenza tal-mutur awżiljarju billi jagħmlu tibdil fis-softwer. Madankollu, fakkar li l-pretensjoni tiegħu ma kinitx relatata ma' dik il-possibbiltà iżda mal-modifiki minn operaturi ekonomiċi (importaturi, negozjanti) qabel ma r-roti elettriċi tqiegħdu fis-suq tal-Unjoni. Fil-fatt, meta dawk il-bidliet għal programmar ta' softwer jinvolvu tnaqqis fil-limitu massimu ta' assistenza tal-mutur awżiljarju, huma jkunu legali minn perspettiva tal-approvazzjoni tat-tip ta' prodott. L-ilmentatur żied li bidliet bħal dawn għall-ipprogrammar tas-softwer kienu joħolqu riskju ovvju ta' evażjoni tal-miżuri anti-dumping u antisussidji. |
|
(33) |
Il-Kummissjoni tosserva li l-premessa (65) tar-Regolament proviżorju ma tirreferix biss għat-tibdil min-naħa tal-konsumatur tas-softwer iżda għall-ipprogrammar tas-softwer inġenerali. Barra minn hekk, l-istess premessa rreferiet b'mod ċar għall-possibbiltà li jinbidel il-limitu massimu kemm billi jiżdied kif ukoll billi jitnaqqas. Filwaqt li s-CCCME tinnota li żieda min-naħa tal-konsumatur tal-limitu massimu ta' assistenza tal-mutur awżiljarju tkun illegali, hija ma tiddubitax tibdil ieħor fl-ipprogrammar tas-softwer, bħalma huma t-tnaqqis tal-imsemmi limitu massimu min-naħa tal-operaturi ekonomiċi msemmija fil-premessa (32) ta' dan ir-Regolament. Għaldaqstant, l-argument ma ntlaqax. |
|
(34) |
Wara divulgazzjoni finali, is-CCCME argumentat li l-Kummissjoni ppreżentat biss l-argument dwar l-operaturi ekonomiċi iktar milli l-konsumaturi li jbiddlu l-ipprogrammar ta' softwer li jżid jew inaqqas il-limitu massimu tal-mutur awżiljarju għall-ewwel darba fid-divulgazzjoni finali. Din id-dikjarazzjoni hija żbaljata. Kif innotat fil-premessa preċedenti, il-premessa (65) tar-Regolament proviżorju tirreferi għat-tipi kollha ta' programmar ta' softwer, irrispettivament minn min iwettaq l-ipprogrammar tas-softwer. Ma hemm l-ebda indikazzjoni li l-premessa (65) tar-Regolament proviżorju tirreferi biss għal programmar ta' softwer li sar mill-konsumaturi u li ma kienx jinkludi programmar ta' softwer imwettaq mill-operaturi ekonomiċi. Fi kwalunkwe każ, il-Kummissjoni tosserva li l-inklużjoni fid-divulgazzjoni finali hija biżżejjed biex tippermetti lill-partijiet interessati kollha biex jikkummentaw. |
|
(35) |
Is-CCCME saħqet li d-dikjarazzjoni tal-ilmentatur li r-roti elettriċi kollha kienu soġġetti għall-istess testijiet skont in-norma EN 15194 ma kinitx eżatta. Is-CCCME sostniet li n-norma EN 15194 tissoġġetta r-roti elettriċi kollha għall-istess proċeduri tal-ittestjar. Din in-norma, madankollu, ma għandha l-ebda effett fuq id-differenza fil-veloċità li taffettwa rekwiżiti differenti u tagħmel ir-roti elettriċi ta' veloċità mhux interkambjabbli ma' roti elettriċi oħra. Is-CCCME kompliet targumenta li r-roti elettriċi ta' veloċità, għall-kuntrarju tar-roti elettriċi ordinarji, ma jaqgħux taħt il-kamp ta' applikazzjoni tan-norma EN 15194. |
|
(36) |
Is-CCCME żiedet li r-roti elettriċi ta' veloċità huma koperti bħala vetturi tat-tip ċiklomuturi għall-użu fit-toroq pubbliċi permezz tar-Regolament (UE) Nru 168/2013 tal-Parlament Ewropew u tal-Kunsill (8). Dan ir-Regolament jeskludi roti elettriċi b'mutur elettriku awżiljarju għal pedali assistiti sa 25 km/h. Ir-regoli addizzjonali li japplikaw għar-roti elettriċi ta' veloċità jkopru t-taxxi, il-liċenzjar u l-assigurazzjoni, il-pjanċi tal-liċenzja u l-elmi konformi għaċ-ċiklomuturi u l-kontrolli tal-konformità tas-sikurezza. |
|
(37) |
Is-CCCME żiedet li r-raġunament stabbilit fil-premessa (70) tar-Regolament proviżorju li r-roti elettriċi kollha għandhom l-istess karatteristiċi fiżiċi ma jegħlibx l-argument li hemm tagħmir u rekwiżiti regolatorji distinti assoċjati mar-roti elettriċi ta' veloċità. Is-CCCME sostniet li minħabba dawk ir-rekwiżiti distinti, ir-roti elettriċi ta' veloċità ma kinux interkambjabbli ma' roti elettriċi oħra u li l-konsumaturi kienu jappoġġjaw din l-opinjoni. Sabiex tissostanzja dak l-argument, is-CCCME semmiet l-oppożizzjoni tal-Federazzjoni Ewropea taċ-Ċiklisti għall-proposta tal-Kummissjoni li titlob assigurazzjoni tar-responsabbiltà ta' partijiet terzi għar-roti elettriċi kollha, mhux biss għar-roti elettriċi ta' veloċità. |
|
(38) |
L-ilmentatur tenna l-argument tiegħu li r-roti elettriċi kollha għandhom l-istess karatteristiċi fiżiċi. B'mod partikolari, l-ilmentatur żied li r-roti elettriċi kollha huma magħmula mill-istess partijiet u komponenti tar-roti, u li ma hemmx partijiet tar-roti li jintużaw esklużivament għar-roti elettriċi ta' veloċità. Dan jinkludi l-muturi manifatturati mill-produtturi ewlenin tal-muturi li jistgħu jintużaw biex iħaddmu kull tip ta' roti elettriċi bl-ipprogrammar adegwat tas-softwer. Id-differenza bejn roti elettriċi ta' veloċità u roti elettriċi oħra ma tistax għalhekk tkun stabbilita b'mod affidabbli fuq il-bażi tad-dehra fiżika tagħhom. |
|
(39) |
L-ilmentatur żied li l-perċezzjoni tal-konsumatur mhijiex fattur determinanti għad-determinazzjoni tal-ambitu tal-prodott fi proċeduri ta' difiża tal-kummerċ u ddikjara li r-roti elettriċi tal-livelli kollha b'assistenza ta' pedali huma disponibbli fil-kategoriji differenti tal-użu (pereżempju għall-ivvjaġġar, trekking, tlielaq, u fuq il-muntanji) u huma kkummerċjalizzati lill-gruppi ta' klijenti kollha irrispettivament mill-età u s-sess tagħhom. Il-perċezzjoni tal-konsumatur u l-użu għalhekk ma jiġġustifikawx l-esklużjoni tar-roti elettriċi ta' veloċità mill-ambitu tal-prodott. |
|
(40) |
L-ilmentatur żied li l-kriterju tal-approvazzjoni tat-tip u b'mod aktar ġenerali l-klassifikazzjoni skont ir-Regolament (UE) Nru 168/2013 mhumiex adattati għad-definizzjoni tal-ambitu tal-prodott f'dan il-każ. L-ilmentatur argumenta li mhux ir-roti elettriċi ta' veloċità kollha huma soġġetti għall-approvazzjoni tat-tip iżda biss dawk maħsuba għall-użu fit-toroq pubbliċi. Dan jeskludi, pereżempju, rota tal-muntanji elettrika użata esklużivament għal avvenimenti kompetittivi jew off-roading fil-muntanji li wkoll ma tkunx soġġetta għal rekwiżiti oħra relatati mal-approvazzjoni tat-tip (pjanċa tal-liċenzja, elmu u assigurazzjoni). |
|
(41) |
Barra minn hekk, l-ilmentatur argumenta li r-roti elettriċi li mhumiex soġġetti għall-approvazzjoni tat-tip skont ir-Regolament (UE) Nru 168/2013 huma madankollu soġġetti għar-rekwiżiti preċiżament l-istess tas-sikurezza tal-prodott skont id-direttiva dwar il-makkinarju tal-Unjoni. L-ilmentatur kompla jżid li n-norma applikabbli li tistabbilixxi rekwiżiti speċifiċi hija l-istess għar-roti elettriċi kollha, jiġifieri n-norma armonizzata EN 15194 u għalhekk tenna l-pretensjoni riflessa fil-premessa (64) tar-Regolament proviżorju. |
|
(42) |
Il-Kummissjoni vvalutat li l-pretensjonijiet imsemmija hawn fuq li saru mis-CCCME dwar l-interkambjabbiltà, ir-rekwiżiti regolatorji u l-perċezzjoni tal-konsumatur kienu ripetizzjoni ta' dawk diġà indirizzati fil-premessi minn (67) sa (73) tar-Regolament proviżorju. |
|
(43) |
Il-Kummissjoni nnutat li l-proposta tagħha li testendi l-ħtieġa ta' assigurazzjoni tar-responsabbiltà ta' partijiet terzi għar-roti elettriċi kollha, użata mis-CCCME biex tissostanzja l-istqarrija tad-differenza fil-perċezzjoni tal-konsumatur, bl-istess mod uriet li d-differenzi fir-rekwiżiti regolatorji kienu qed jevolvu u ma pprovdewx bażi xierqa u stabbli biex teskludi r-roti elettriċi ta' veloċità mill-ambitu tal-prodott ikkonċernat. |
|
(44) |
Il-Kummissjoni kkonkludiet li l-informazzjoni addizzjonali ppreżentata ma kinitx ta' natura li tbiddel is-sejbiet tagħha rigward l-ambitu tal-prodott, jiġifieri li r-roti elettriċi jaqsmu l-istess karatteristiċi fiżiċi u proprjetajiet bażiċi u li l-perċezzjoni tal-konsumatur u l-użi jikkoinċidu b'mod sinifikanti. Għaldaqstant l-argumenti tas-CCCME ma ntlaqgħux. |
|
(45) |
Parti interessata waħda argumentat li l-ambitu tal-prodott tal-investigazzjoni għandu jkun limitat għal roti elettriċi ta' livell baxx. Ir-roti elettriċi ta' livell medju u għoli għandhom jitneħħew mill-ambitu tal-prodott, billi allegatament ma hemm l-ebda dumping li jsir fis-segment tal-livell medju u għoli tar-roti elettriċi. Din il-parti interessata ddikjarat li l-kwalità u l-prestazzjoni, il-prezz, l-ispiża u l-marġni tal-profitt tar-roti elettriċi jistgħu jintużaw biex jiddifferenzjaw bejn dawn is-segmenti tas-suq. |
|
(46) |
Il-Kummissjoni fakkret li l-prodott ikkonċernat u l-prodott simili ġew definiti fuq il-bażi tal-karatteristiċi fiżiċi tagħhom. Il-kriterji bħall-prezz, l-ispiża u l-marġni tal-profitt ma jistgħux jintużaw biex jiddefinixxu l-prodott ikkonċernat (9). Rigward il-kwalità u l-prestazzjoni, lil hinn mill-fatt li l-parti interessata ma spjegatx kif dawn l-elementi għandhom jiġu mkejla u kwantifikati b'mod sistematiku, il-Kummissjoni tfakkar li l-kwalità u l-prestazzjoni jistgħu jitqiesu permezz ta' aġġustamenti għall-karatteristiċi fiżiċi. F'kull każ, anki jekk dawn kienu rilevanti sabiex jiġi ddefinit l-ambitu tal-prodott, quod non, il-Kummissjoni tinnota li għalkemm bosta partijiet interessati ressqu pretensjonijiet simili matul l-investigazzjoni, ebda waħda minnhom ma pprovdiet informazzjoni pertinenti li kienet tiġġustifika jew tippermetti għal segmentazzjoni possibbli tas-suq. Fin-nuqqas ta' kwalunkwe prova, il-Kummissjoni f'kull każ kellha tirrifjuta dan l-argument u kkonfermat is-sejbiet stabbiliti fil-premessa (122) tar-Regolament proviżorju. |
|
(47) |
Fin-nuqqas ta' kummenti oħra fir-rigward tal-ambitu tal-prodott, il-Kummissjoni kkonfermat il-konklużjonijiet stabbiliti fil-premessi minn (67) sa (74) tar-Regolament proviżorju. |
3. DUMPING
3.1. Pajjiż analogu
|
(48) |
Ma wasal l-ebda kumment dwar l-għażla tal-industrija tal-Unjoni bħala pajjiż analogu u l-ebda pajjiż analogu alternattiv ma ġie ssuġġerit. Il-premessa (103) tar-Regolament proviżorju hija b'dan ikkonfermata. |
3.2. Valur normali
|
(49) |
Kif stabbilit fil-premessa (103) tar-Regolament proviżorju, il-valur normali kien ibbażat fuq il-prezzijiet attwalment imħallsa jew pagabbli fl-Unjoni għall-prodott simili. Ma waslu l-ebda kummenti dwar dan il-punt. |
|
(50) |
Żewġ produtturi esportaturi Ċiniżi kkontestaw il-valuri użati għall-valur normali, billi ħadu eżempji ta' pari ta' tipi ta' prodotti (PCN) fejn wieħed għandu jkun, skont il-fehim komuni fl-industrija tar-roti elettriċi, aktar għali mill-ieħor, iżda fil-fatt kienu orħos. Dawk iż-żewġ produtturi esportaturi ddikjaraw li l-Kummissjoni għandha taġġusta l-valur normali għal kull PCN biex ikun aktar “konformi” mal-ispiża preżunta tal-materjali u l-partijiet użati. |
|
(51) |
Din il-pretensjoni ma ntlaqgħetx, minħabba li l-valur normali huwa bbażat fuq il-prezzijiet attwali mħallsa fl-Unjoni għall-prodott simili. Kull rota elettrika hija magħmula minn komponenti multipli, li flimkien ma' fatturi oħra jiddeterminaw il-prezz tal-bejgħ. L-effett konġunt ta' dawk il-komponenti u l-fatturi jista' jkun akbar mill-impatt tad-differenzi fil-prezz ta' komponent partikolari wieħed kif saħqu ż-żewġ produtturi esportaturi. Dawk iż-żewġ produtturi esportaturi ma talbux aġġustament għal differenzi fiżiċi skont l-Artikolu 2(10)(a) tar-Regolament. |
|
(52) |
Il-premessi minn (104) sa (106) tar-Regolament proviżorju huma għalhekk ikkonfermati. |
|
(53) |
Wara d-divulgazzjoni finali, żewġ produtturi esportaturi argumentaw li l-ispjegazzjoni pprovduta fil-premessa (51) ma tkunx biżżejjed. Dawk il-produtturi esportaturi taw eżempju ta' żewġ PCNs differenti biss fil-livell tal-potenza tal-assistenza tal-magna. F'dan l-eżempju, il-PCN bl-assistenza tal-magna b'inqas potenza tpoġġiet fil-medda ta' valuri normali aktar għaljin mill-PCN b'assistenza tal-magna b'potenza ogħla. |
|
(54) |
Il-Kummissjoni nnotat li tali sitwazzjoni ma kinitx tipika għal valur normali użata f'din l-investigazzjoni, peress li fil-parti l-kbira tal-każijiet l-aktar karatteristiċi PCN għaljin kienu jaqgħu f'meded ta' valuri normali aktar għaljin. Tabilħaqq, il-valur normali medju ta' PCNs bl-ogħla livell ta' assistenza huwa ta' 60,8 % ogħla mill-PCNs bil-livell ta' assistenza aktar baxx. Is-sitwazzjoni msemmija fil-premessa (53) tista' sseħħ mingħajr ma tiġi kompromessa l-affidabbiltà ta' dan il-valur normali għal skopijiet ta' paragun ġust, billi l-valur normali huwa bbażat fuq il-bejgħ fl-Unjoni ta' produtturi tal-Unjoni multipli. Dan il-bejgħ b'mod inerenti jinkludi differenzi fil-prezzijiet skont il-mudelli partikulari li jinfluwenzaw il-prezz tal-bejgħ għal kull PCN fit-taħlita tal-bejgħ. Barra minn hekk, il-valur normali tal-prodott ikkonċernat ippreżentati f'meded apparentement jamplifika d-differenza fil-prezz f'xi każijiet. Dan huwa għaliex żewġ PCNs b'differenza żgħira ħafna fil-prezz jistgħu jintwerew f'żewġ meded differenti jekk il-prezzijiet tagħhom ikunu qrib il-limiti tal-medda. |
|
(55) |
Fl-assenza ta' kull pretensjoni oħra dwar il-valur normali, il-premessi minn (104) sa (106) tar-Regolament proviżorju, qegħdin b'dan jiġu kkonfermati. |
3.3. Prezz tal-esportazzjoni
|
(56) |
Fl-assenza ta' kwalunkwe kumment rigward il-prezz tal-esportazzjoni, il-premessi minn (107) sa (109) tar-Regolament proviżorju qegħdin jiġu kkonfermati. |
3.4. Paragun
|
(57) |
Produttur esportatur wieħed iddikjara li l-Kummissjoni ma għandhiex tnaqqas l-ispejjeż tal-kreditu li ġġarrbu bejn il-produttur u l-kumpaniji tal-bejgħ relatati tiegħu fl-Ewropa. Din il-pretensjoni ġiet aċċettata. Dan irriżulta f'aġġustament għall-prezz tal-esportazzjoni ta' anqas minn 1 %. |
|
(58) |
L-istess produttur esportatur staqsa jekk il-valur normali kienx jinkludi l-ispejjeż tal-ippakkjar, u jekk iva, jekk il-paragun mal-prezz tal-esportazzjoni kienx isir fir-rigward tal-prodotti ppakkjati. Din il-pretensjoni ġiet aċċettata għall-produtturi esportaturi kollha billi l-valur normali ġie ddeterminat fuq il-bażi ta' prodotti ppakkjati simili. Dan irriżulta f'aġġustament għall-prezz tal-esportazzjoni ta' anqas minn 1 %. |
|
(59) |
Fil-premessa (116) tar-Regolament proviżorju, il-Kummissjoni stiednet lill-partijiet interessati biex jipprovdu kwantifikazzjoni affidabbli u verifikabbli tal-ispejjeż għal aġġustament skont l-Artikolu 2(10)(k) tar-Regolament bażiku li tinkludi l-ispejjeż għad-disinn, il-kummerċjalizzazzjoni u r-riċerka u l-iżvilupp (R&Ż) ta' importaturi tad-ditta. |
|
(60) |
Żewġ produtturi esportaturi Ċiniżi fil-kampjun ippreżentaw pretensjonijiet għal aġġustament skont l-Artikolu 2(10)(k) tar-Regolament bażiku u pprovdew evidenza mill-importaturi tagħhom fl-Unjoni f'dan ir-rigward. L-evidenza pprovduta kienet tikkonsisti minn data mill-importaturi kkonċernati dwar l-ispejjeż tar-R&Ż u tad-disinn. Dawk l-importaturi ġew spezzjonati bħala parti minn din l-investigazzjoni. |
|
(61) |
Il-Kummissjoni qieset id-data ppreżentata biex tiġġustifika l-pretensjonijiet magħmula u aċċettat li ċerti spejjeż tar-R&Ż u tad-disinn kienu fil-fatt meħtieġa fl-operazzjonijiet tal-importaturi tad-ditta. Madankollu ma setgħetx taċċetta d-data tal-importaturi magħżula mill-produtturi esportaturi minħabba li kienet tkopri kwistjonijiet usa' mill-ispejjeż tar-R&Ż u l-ispejjeż tad-disinn tal-importaturi tad-ditta. Id-differenzi sinifikanti fil-kategoriji tal-ispejjeż irrapportati espressi bħala perċentwal tal-fatturat taż-żewġ importaturi tad-ditta ma pprovdewx bażi rappreżentattiva biex jiġu stabbiliti l-ispejjeż meħtieġa għall-aġġustament mitlub. |
|
(62) |
Madankollu, il-Kummissjoni setgħet tidentifika dawk l-ispejjeż fir-rekords tal-produtturi tal-Unjoni li ttieħdu bħala kampjun u li ġew ivverifikati, li pprovdew is-sors tad-data għall-valur normali f'din l-investigazzjoni. Għalhekk il-produtturi tal-Unjoni li ttieħdu bħala kampjun u li ġew ivverifikati, tqiesu bħala sors affidabbli ta' data għal aġġustament tal-valur normali għar-R&Ż u għad-disinn skont l-Artikolu 2(10)(k). |
|
(63) |
Fuq din il-bażi, il-Kummissjoni għamlet aġġustament ta' 2,3 % għall-valur normali għat-tliet produtturi esportaturi Ċiniżi li biegħu biss roti elettriċi mhux tad-ditta, jiġifieri li pproduċew roti elettriċi fir-RPĊ għad-detenturi tad-ditta fl-Unjoni. |
|
(64) |
L-industrija tal-Unjoni nnotat il-pretensjonijiet oriġinali magħmula miż-żewġ produtturi esportaturi Ċiniżi għar-R&Ż, id-disinn u aġġustamenti oħra, u argumentat li dawn il-pretensjonijiet ma għandhomx jiġu aċċettati. Huma sostnew ukoll li l-aġġustament ta' 2,3 % magħmul mill-Kummissjoni ma għandux jiġi applikat lil produttur esportatur Ċiniż addizzjonali ieħor, li ma kienx talab l-aġġustament. |
|
(65) |
Madankollu rigward l-aġġustament ta' 2,3 %, il-Kummissjoni bbażat ruħha fuq data finanzarja mill-industrija tal-Unjoni. Barra minn hekk, sabiex ikun hemm paragun ġust u raġonevoli bejn il-prezz tal-esportazzjoni u l-valur normali, l-aġġustament kellu jsir għat-tliet produtturi esportaturi Ċiniżi kkonċernati. Il-pretensjoni tal-industrija tal-Unjoni għalhekk ma ntlaqgħetx. |
|
(66) |
Fil-kummenti tagħhom wara d-divulgazzjoni finali, it-tliet produtturi esportaturi Ċiniżi argumentaw li l-aġġustament tar-R&Ż u tad-disinn ma jmissux ġie bbażat fuq id-data verifikata tal-industrija tal-Unjoni, iżda fuq id-data ta' żewġ importaturi mhux relatati pprovduta mill-produtturi esportaturi wara d-divulgazzjoni proviżorja. Dawn l-importaturi affermaw ukoll li l-Kummissjoni naqset milli tqis id-differenzi fl-ispejjeż rilevanti kollha meħtieġa għal tqabbil tal-prezzijiet. Produttur esportatur wieħed sostna li aġġustament ta' 2,3 % għall-valur normali huwa baxx wisq meta mqabbel mal-ispejjeż tiegħu stess relatati ma' operazzjonijiet ta' markar. |
|
(67) |
Il-Kummissjoni spjegat biżżejjed is-sors ta' dan l-aġġustament fil-premessa (61) u nnotat li huma biss l-ispejjeż relatati mal-operazzjonijiet tal-importatur detentur tal-marka li kienu addizzjonali għall-operazzjonijiet ta' importatur standard li setgħu jitqiesu għal dan l-aġġustament. |
|
(68) |
Dwar il-pretensjoni li l-Kummissjoni kien messha minflok użat id-data mingħand iż-żewġ importaturi mhux relatati, il-Kummissjoni tinnota l-punti li ġejjin. Il-Kummissjoni tinnota li l-użu tad-data tal-industrija tal-Unjoni bħala s-sors għal aġġustament bħal dan sar qabel, fil-proċediment li jikkonċerna ċerti oġġetti ta' ħadid fondut li joriġinaw mir-RPĊ (10), iżda l-Kummissjoni użat ukoll data ta' importaturi mhux relatati, bħal fil-proċediment li jikkonċerna ċerti żraben bil-parti ta' fuq tal-ġilda li joriġinaw fir-RPĊ u l-Vjetnam (11). F'dan il-każ, il-Kummissjoni sabet li huwa xieraq li tuża d-data tal-produtturi tal-Unjoni li kienu daħlu fi spejjeż relatati mal-immarkar. |
|
(69) |
L-ewwel nett bl-użu ta' data mill-produtturi tal-Unjoni, il-Kummissjoni kienet kapaċi tiġbor sett sħiħ ta' data mingħand il-produtturi kollha. Għalhekk, id-data użata hija iktar rappreżentattiva minn dik minn żewġ importaturi mhux relatati. |
|
(70) |
It-tieni, il-Kummissjoni ma vverifikatx is-settijiet tad-data pprovduta miż-żewġ importaturi mhux relatati, minħabba li d-data ġiet ippreżentata wara li saru ż-żjarat ta' verifika. Għall-kuntrarju, id-data mill-produtturi tal-Unjoni kienet ġiet speċifikament verifikata. |
|
(71) |
Il-Kummissjoni tinnota wkoll li minħabba li d-data mingħand l-industrija tal-Unjoni ntużat biex jiġi kkalkulat il-valur normali, kif ukoll biex jiġi kkalkulat il-prezz mhux dannuż, l-użu ta' data mill-istess kumpaniji kien aktar koerenti. |
|
(72) |
Wara d-divulgazzjoni finali, Giant talbet biex l-aġġustament ta' 2,3 % għar-R&Ż u d-disinn jiġi applikat lil parti mill-bejgħ tagħha, fejn dawn l-attivitajiet ġew ipprovduti mill-klijent tagħhom jiġifieri l-importatur detentur tal-marka. Dan l-aġġustament ingħata, filwaqt li wassal għal tnaqqis ta' 1,2 % punti perċentwali fil-marġni tad-dumping tiegħu. Ir-riżultat ġie ddivulgat u ma kienx soġġett għal aktar kummenti. |
|
(73) |
Tliet produtturi esportaturi Ċiniżi tennew il-pretensjoni magħmula qabel id-divulgazzjoni proviżorja, stabbilita fil-premessi minn (118) sa (122) tar-Regolament proviżorju, li l-PCN użat mill-Kummissjoni matul l-investigazzjoni kollha għandu jiġi estiż biex jinkludi elementi oħra. |
|
(74) |
Dawk it-tliet produtturi esportaturi Ċiniżi ma pprovdew l-ebda informazzjoni ġdida biex jippermettu li din il-pretensjoni tiġi eżaminata mill-ġdid. Is-sejbiet fil-premessi minn (121) sa (122) tar-Regolament proviżorju ġew, għalhekk, ikkonfermati. |
|
(75) |
Dawn it-tliet produtturi esportaturi Ċiniżi tennew l-istess pretensjoni wara d-divulgazzjoni finali, mingħajr ma pprovdew ebda informazzjoni ġdida. Kuntrarjament għall-argumenti ppreżentati fil-kummenti l-aktar reċenti tagħhom, il-Kummissjoni kkunsidrat bir-reqqa l-evidenza pprovduta mill-produtturi esportaturi Ċiniżi inklużi fil-kampjun u kull informazzjoni oħra disponibbli u spjegat il-konklużjonijiet tagħha fil-premessi minn (118) sa (122) tar-Regolament proviżorju. |
|
(76) |
Produttur esportatur Ċiniż wieħed talab evidenza dwar il-livell tal-kummerċ tal-bejgħ tal-industrija tal-Unjoni fis-suq domestiku, użat għal skopijiet ta' kalkolu tal-valur normali, sabiex jikkunsidra jekk pretensjoni għal livell ta' aġġustament tal-kummerċ skont l-Artikolu 2(10)(d)(i) tar-Regolament bażiku kinitx ġustifikata. Din l-informazzjoni, li tqieset bħala kunfidenzjali mill-partijiet interessati kollha, inkluż mill-produttur esportatur Ċiniż stess, saret disponibbli f'meded minn partijiet interessati fil-fajl miftuħ. Din kienet turi li tipikament aktar minn 85 % tal-bejgħ tal-produttur tal-Unjoni fil-kampjun kien għall-bejjiegħa bl-imnut. |
|
(77) |
Wara li l-evidenza l-ġdida tqiegħdet fil-fajl miftuħ, il-produttur esportatur Ċiniż ippreżenta pretensjoni għal livell ta' aġġustament tal-kummerċ. Minħabba li dan il-produttur esportatur Ċiniż kellu kumpaniji tal-bejgħ relatati fl-Unjoni, ikkunsidra wkoll li l-aġġustamenti magħmula skont l-Artikolu 2(9) tar-Regolament bażiku għall-prezz tal-esportazzjoni tiegħu biddlu l-livell tal-kummerċ tal-bejgħ tiegħu minn bejjiegħa bl-imnut għal distributuri. L-istess argument sar wara d-divulgazzjoni finali. Il-Kummissjoni nnutat li l-aġġustamenti skont l-Artikolu 2(9) tar-Regolament bażiku huma maħsuba biex ineħħu l-effett tal-importaturi relatati fl-Unjoni, mhux biex ibiddlu l-livell tal-kummerċ tal-bejgħ, li essenzjalment baqa' (tipikament aktar minn 85 %) għall-bejjiegħa bl-imnut. Wara reviżjoni tal-argumenti ppreżentati, il-Kummissjoni ma laqgħetx din il-pretensjoni. |
3.5. Marġni tad-dumping
|
(78) |
Kif spjegat fit-Taqsima 3, il-Kummissjoni qieset il-kummenti tal-partijiet interessati u kkalkulat mill-ġdid il-marġni tad-dumping tal-produtturi esportaturi Ċiniżi kollha. |
|
(79) |
Il-marġni tad-dumping definittivi mogħtija bħala perċentwal tal-prezz CIF fil-fruntiera tal-Unjoni, bid-dazju mhux imħallas, huma kif ġej: Tabella 1 Marġni tad-dumping definittivi
|
4. DANNU
4.1. Definizzjoni tal-industrija tal-Unjoni u tal-produzzjoni tal-Unjoni
|
(80) |
Wara l-pubblikazzjoni tar-Regolament proviżorju u l-kummenti li waslu, il-Kummissjoni kompliet teżamina s-sitwazzjoni ta' ċerti produtturi tal-Unjoni tal-prodott simili li kienu rrapportaw importazzjonijiet tal-prodott ikkonċernat kif imsemmi fil-premessi minn (130) sa (132) tar-Regolament proviżorju. |
|
(81) |
Skont l-Artikolu 4(1)(a) tar-Regolament bażiku, il-Kummissjoni stabbilixxiet li sitt kumpaniji inizjalment meqjusa bħala parti mill-industrija tal-Unjoni għandhom jiġu esklużi mid-definizzjoni tal-Industrija tal-Unjoni. Wara l-kummenti, il-Kummissjoni vvalutat mill-ġdid is-sitwazzjoni ta' dawk is-sitt kumpaniji u kkonkludiet li l-interess rappreżentat mill-attività tal-importazzjoni tagħhom qabeż l-interess rappreżentat mill-attività tal-produzzjoni tagħhom. B'riżultat ta' dan, eskludiet lil dawk is-sitt kumpaniji mid-definizzjoni tal-industrija tal-Unjoni. |
|
(82) |
Minħabba li sitt produtturi tal-Unjoni ġew esklużi mid-definizzjoni tal-industrija tal-Unjoni, il-31 produttur li jifdal jikkostitwixxu l-“industrija tal-Unjoni” skont it-tifsira tal-Artikolu 4(1) tar-Regolament bażiku. |
|
(83) |
L-indikaturi tad-dannu għal sehem mis-suq, produzzjoni, kapaċità tal-produzzjoni, użu tal-kapaċità, volum tal-bejgħ, impjieg u produttività ġew riveduti kif xieraq, kif deskritt fil-premessi (106), (113) u (121). |
4.2. Konsum tal-Unjoni
|
(84) |
Fin-nuqqas ta' kummenti fir-rigward tal-konsum tal-Unjoni, il-Kummissjoni kkonfermat il-konklużjonijiet tagħha stabbiliti fil-premessi minn (133) sa (135) tar-Regolament proviżorju. |
4.3. Importazzjonijiet mir-RPĊ
|
(85) |
Wara l-pubblikazzjoni tar-Regolament proviżorju, is-CCCME rrepetiet it-talba tagħha li s-sors u l-istatistiċi dettaljati tal-esportazzjonijiet ippreżentati mill-Ilmentatur jiġu żvelati u tenniet il-pretensjoni tagħha li d-deskrizzjoni tal-metodoloġija segwita mill-Ilmentatur biex tidentifika l-prodott ikkonċernat ma kinitx dettaljata biżżejjed. Is-CCCME ma pprovdietx argumenti ġodda jew addizzjonali b'appoġġ għal dawn il-pretensjonijiet, li kienu diġà indirizzati fil-premessi minn (143) sa (148) tar-Regolament proviżorju. Għaldaqstant, dawn il-pretensjonijiet ma ntlaqgħux. |
|
(86) |
Wara divulgazzjoni finali, is-CCCME kellha dubju dwar għalfejn — minkejja t-tneħħija ta' sitt produtturi mid-definizzjoni tal-industrija tal-Unjoni msemmija fil-premessa (82), is-sehem mis-suq tal-importazzjonijiet Ċiniżi u l-importazzjonijiet minn pajjiżi terzi oħra baqgħu ma nbidlux. F'dan ir-rigward, ta' min jinnota li is-sehem mis-suq huwa kkalkolat bħala persentaġġ tal-konsum totali tal-Unjoni. Kif intqal fil-premessa (84), il-konsum tal-Unjoni ma ġiex rivedut sa mill-pubblikazzjoni tar-Regolament proviżorju. Għaldaqstant l-ishma tas-suq tal-importazzjonijiet Ċiniżi u l-importazzjonijiet minn pajjiżi terzi oħrajn baqgħu ma nbidlux ukoll. |
|
(87) |
Importatur wieħed mhux relatat sostna li t-tnaqqis fil-prezzijiet tal-importazzjonijiet mir-RPĊ ma kienx dovut għal prattiki kummerċjali inġusti iżda għat-tnaqqis fl-ispiża tal-litju u għall-kompetizzjoni intensa biex jintrebaħ sehem mis-suq fl-Unjoni. Madankollu, ma spjegax kif dawn l-iżviluppi jinvalidaw xi waħda mis-sejbiet stabbiliti fir-Regolament proviżorju, b'mod partikolari s-sejba ta' dumping. Il-pretensjoni għalhekk ma għandhiex tintlaqa' u r-raġunament fil-premessi minn (151) sa (158) tar-Regolament proviżorju huwa kkonfermat. |
|
(88) |
Is-CCCME u xi produtturi esportaturi ddikjaraw li l-Kummissjoni għamlet valutazzjoni żbaljata tal-evoluzzjoni tal-prezz medju tal-importazzjonijiet Ċiniżi billi osservat li kien notevolment taħt il-prezz medju tal-produtturi tal-Unjoni u tal-pajjiżi terzi. Dawk il-partijiet iddikjaraw li l-prezz medju tal-importazzjonijiet Ċiniżi ma żvela xejn dwar it-twaqqigħ potenzjali tal-prezz fin-nuqqas ta' “analiżi ugwali”, jiġifieri analiżi fuq il-bażi tat-tip ta' prodott. Huma ddikjaraw li l-Kummissjoni għandha tirrikonoxxi li l-prezz medju dejjem jonqos tal-importazzjonijiet Ċiniżi jista' jirrifletti biss bidla fit-taħlita tat-tip ta' prodotti. |
|
(89) |
Kif indikat fil-premessa (154) tar-Regolament proviżorju, il-Kummissjoni taqbel li bidla fit-taħlita tat-tip ta' prodotti tista' tinfluwenza l-evoluzzjoni tal-prezz medju tal-importazzjonijiet mir-RPĊ. Madankollu, jibqa' li l-prezzijiet medji tal-importazzjonijiet mir-RPĊ kienu b'mod kostanti u sinifikanti taħt il-prezzijiet medji minn kwalunkwe sors ieħor ta' provvista minkejja l-kuntest li fih is-CCCME stess issostni li l-prodott ikkonċernat tjieb fil-kwalità u estenda għal segmenti ta' prezzijiet ogħla. Barra minn hekk, din ix-xejra li qed tonqos għandha tiġi kkunsidrata f'relazzjoni mal-analiżi ugwali li wasslet għal sejbiet ta' twaqqigħ tal-prezz u dumping sostanzjali. |
|
(90) |
Fir-rigward tal-kalkoli tat-twaqqigħ tal-prezz, produttur esportatur Ċiniż wieħed b'importaturi relatati fl-Unjoni stqarr li l-Kummissjoni kellha tuża l-valuri CIF irrapportati tal-importazzjonijiet tiegħu minflok il-valur CIF mibni li użat. Huwa ddikjara li l-metodoloġija użata biex tiddetermina l-valur CIF użat fil-kalkoli tat-twaqqigħ tal-prezz għandha tiġi żvelata. Iddikjara wkoll li bl-użu ta' din il-metodoloġija, il-Kummissjoni ġabet b'mod artifiċjali l-prezzijiet tagħha fil-livell tal-fruntiera tal-Unjoni li mhuwiex il-punt fejn tikkompeti mal-produtturi tal-Unjoni. Barra minn hekk, huwa kompla jsostni li metodoloġija bħal din introduċiet differenza fil-livell ta' kummerċ li għamel il-paragun tal-prezz inġust. |
|
(91) |
L-ewwel nett, il-Kummissjoni tinnota li żvelat kif xieraq lill-partijiet kollha kkonċernati, inkluż lill-produttur esportatur Ċiniż inkwistjoni, il-metodoloġija użata għall-kalkolu tat-twaqqigħ tal-prezz (il-prezz unitarju tal-industrija tal-Unjoni ġie mqabbel mal-prezz unitarju ta' kull produttur esportatur għal kull tip ta' prodott u d-differenza kienet immultiplikata bil-kwantità esportata tal-produttur esportatur). It-tieni, l-istess pretensjoni dwar il-kostruzzjoni tal-prezz tal-esportazzjoni tal-produttur esportatur Ċiniż għall-kalkolu tad-dumping ma ġietx milqugħa kif stabbilit fil-premessa (75). Fil-fatt, għall-istess raġunijiet, jiġifieri l-kostruzzjoni tal-prezz CIF ma tbiddilx il-livell tal-kummerċ tal-bejgħ, li jibqa' b'mod predominanti (tipikament aktar minn 85 %) għall-bejjiegħa bl-imnut, il-Kummissjoni wkoll ikollha ma tilqax il-pretensjoni għall-kalkolu tat-twaqqigħ tal-prezz. Fl-aħħar nett, għall-kalkolu tat-twaqqigħ tal-prezzijiet, il-Kummissjoni ma tistax tuża l-prezzijiet CIF irrapportati minħabba li l-bejgħ sottostanti seħħ bejn partijiet relatati. Barra minn hekk, il-produttur esportatur inkwistjoni ma stabbilixxiex kif dawn il-prezzijiet jistgħu jkunu affidabbli minkejja din ir-relazzjoni. |
|
(92) |
Wara d-divulgazzjoni finali, l-istess parti interessata tenniet il-pretensjoni deskritta fil-premessa (90). |
|
(93) |
Il-Kummissjoni tfakkar li, sa fejn id-determinazzjoni tal-marġni ta' twaqqigħ tal-prezz huwa kkonċernat, ir-Regolament bażiku ma jippreskrivix metodoloġija speċifika. Il-Kummissjoni għalhekk tgawdi minn marġni wiesa' ta' diskrezzjoni fil-valutazzjoni ta' dan il-fattur. Dan il-marġni ta' diskrezzjoni huwa limitat mill-ħtieġa li l-konklużjonijiet ikunu bbażati fuq evidenza pożittiva u eżami oġġettiv, kif mitlub mill-Artikolu 3(2) tar-Regolament bażiku. Għandu jitfakkar ukoll li l-Artikolu 3(3) tar-Regolament bażiku jipprovdi speċifikament li l-eżistenza ta' twaqqigħ tal-prezz sinifikanti għandha tiġi eżaminata fil-livell tal-importazzjonijiet oġġett ta' dumping, u mhux fil-livell ta' kwalunkwe prezz ta' bejgħ mill-ġdid sussegwenti fis-suq tal-Unjoni. |
|
(94) |
Fuq din il-bażi, rigward l-elementi kkunsidrati għall-kalkolu tat-twaqqigħ tal-prezzijiet (b'mod partikolari l-prezz tal-esportazzjoni), il-Kummissjoni trid tidentifika l-ewwel punt li fih isseħħ (jew tista' sseħħ) il-kompetizzjoni ma' produtturi tal-Unjoni fis-suq tal-Unjoni. Dan il-punt huwa fil-fatt il-prezz tax-xiri tal-ewwel importatur mhux relatat għaliex il-kumpanija fil-prinċipju għandha l-għażla li tagħmel l-akkwist tagħha jew mill-industrija tal-Unjoni jew minn klijenti barranin. Din il-valutazzjoni għandha tkun ibbażata fuq il-prezz tal-esportazzjoni fil-livell tal-fruntiera tal-Unjoni, li huwa meqjus bħala livell komparabbli mal-prezz tal-fabbrika tal-industrija tal-Unjoni. Fil-każ tal-bejgħ għall-esportazzjoni permezz ta' importaturi relatati, il-punt ta' paragun għandu jkun eżatt wara li l-prodott jaqsam il-fruntiera tal-Unjoni, u mhux fi stadju aktar tard fil-katina tad-distribuzzjoni, pereżempju meta jinbiegħ lil utent finali tal-prodott. Għalhekk, b'analoġija mal-approċċ li ssegwa għall-kalkoli tal-marġni ta' dumping, il-prezz tal-esportazzjoni jinħadem fuq il-bażi tal-prezz tal-bejgħ mill-ġdid lill-ewwel klijent indipendenti aġġustat kif xieraq skont l-Artikolu 2(9) tar-Regolament bażiku. Peress li dan l-Artikolu huwa l-uniku Artikolu fir-Regolament bażiku li jagħti gwida dwar kif jinħadem il-prezz tal-esportazzjoni, l-applikazzjoni tiegħu b'analoġija hija ġġustifikata. |
|
(95) |
Dan l-approċċ jiżgura wkoll koerenza f'każijiet fejn produttur esportatur qed ibigħ il-prodotti direttament lil klijent mhux relatat (kemm jekk huwa importatur kif ukoll jekk huwa utent finali) minħabba li f'dan ix-xenarju, il-prezzijiet tal-bejgħ mill-ġdid ma jintużawx mid-definizzjoni. Approċċ differenti jwassal għal diskriminazzjoni bejn il-produtturi esportaturi bbażata biss fuq il-kanal tal-bejgħ li jużaw. Il-Kummissjoni tqis li l-istabbiliment tal-prezz tal-importazzjoni rilevanti għall-kalkoli tat-twaqqigħ tal-prezz ma għandux ikun influwenzat mill-kwistjoni jekk l-esportazzjonijiet humiex magħmula għal operaturi relatati jew indipendenti fl-Unjoni. Il-metodoloġija segwita mill-Kummissjoni tiżgura li ż-żewġ ċirkostanzi jirċievu trattament ugwali. |
|
(96) |
Għalhekk, sabiex ikun jista' jsir tqabbil ġust, huwa meħtieġ tnaqqis tal-ispejjeż tal-bejgħ, ġenerali u tal-amministrazzjoni u l-profitt mill-prezz tal-bejgħ mill-ġdid lil klijenti mhux relatati magħmula mill-importatur relatat sabiex jinkiseb prezz CIF affidabbli. Il-Kummissjoni għalhekk ma laqgħetx it-talba. |
|
(97) |
Is-CCCME u erba' produtturi esportaturi ddikjaraw li l-fatt li t-talba tagħhom għal aġġustament tal-kummerċ skont il-premessa (157) tar-regolament proviżorju ma ntlaqgħetx, ma kienx jindirizza d-differenza tal-prezzijiet li tirriżulta mil-livell tal-klijenti OEM. Dawn il-partijiet interessati żiedu li paragun tal-prezz ġust kien jeħtieġ aġġustament 'il fuq biex jirrifletti l-marġni kummerċjali tal-klijenti OEM u tas-sidien tad-ditta wara l-importazzjoni. L-istess argument tqajjem ukoll għal darb' oħra wara d-divulgazzjoni. |
|
(98) |
Il-Kummissjoni qieset, kif diġà spjegat fil-premessa (157) tar-Regolament proviżorju, it-talba għal aġġustament tal-livell tal-kummerċ u kkonkludiet li ma hemm l-ebda differenza konsistenti u distinta fil-prezz għall-bejgħ OEM u tas-sid tad-ditta fl-Unjoni. L-aġġustament 'il fuq fil-prezz tal-importazzjoni Ċiniża mill-marġni kummerċjali tal-importaturi tad-ditta li allegatament jirrifletti differenza fil-livell tal-kummerċ jimmina l-konklużjoni tal-investigazzjoni li ma teżisti l-ebda differenza konsistenti u distinta fil-prezz għall-bejgħ OEM u tas-sid tad-ditta fl-Unjoni. Għalhekk, it-talba ma ntlaqgħetx. |
|
(99) |
Wara divulgazzjoni proviżorja, Giant ressqet talba dwar il-kalkolu tad-dazju konvenzjonali f'każ ta' importazzjonijiet permezz ta' kumpaniji relatati li jaġixxu bħala importatur. Huma argumentaw li l-ammont ta' dazju doganali konvenzjonali għandu jkun ibbażat fuq il-valur CIF reali, u mhux fuq il-valur CIF maħdum. Din il-pretensjoni ġiet aċċettata. Il-marġnijiet tat-twaqqigħ tal-prezz riveduti kienu jvarjaw bejn 16,2 % u 43,2 % kif indikat fit-Tabella 2. Tabella 2 Marġnijiet tat-twaqqigħ tal-prezz
|
|
(100) |
Fin-nuqqas ta' xi kumment ieħor fir-rigward tal-importazzjonijiet mir-RPĊ u wara r-reviżjoni tal-kalkoli tat-twaqqigħ tal-prezz stipulati fil-premessa (99), il-Kummissjoni kkonfermat il-konklużjonijiet l-oħra kollha stabbiliti fil-premessi minn (136) sa (157) tar-Regolament proviżorju. |
4.4. Il-qagħda ekonomika tal-industrija tal-Unjoni
4.4.1. Kummenti ġenerali
|
(101) |
Wara l-pubblikazzjoni tar-Regolament proviżorju, importatur wieħed stqarr li l-Kummissjoni għandha tispjega kif kisbet u stmat l-indikaturi tal-prestazzjoni billi dawk ipprovduti fir-Regolament proviżorju ma kinux konformi maċ-ċifri pprovduti mill-produtturi tal-Unjoni fil-kampjun. B'mod partikolari, huwa rrimarka li l-ebda wieħed mill-produtturi tal-Unjoni inklużi fil-kampjun ma kien irrapporta tnaqqis fil-produzzjoni u l-bejgħ. |
|
(102) |
Il-Kummissjoni tirreferi għall-premessa (162) tar-Regolament proviżorju fejn spjegat li l-makroindikaturi ma kinux ibbażati biss fuq informazzjoni miġbura mill-produtturi tal-Unjoni inklużi fil-kampjun iżda wkoll mill-informazzjoni tas-suq ippreżentata mill-Konfederazzjoni tal-Industriji Ewropej tar-Roti (“CONEBI” ) u mill-istatistika dwar l-importazzjoni. |
|
(103) |
Kif spjegat fil-premessa (163) tar-Regolament proviżorju, il-Kummissjoni użat iċ-ċifra ppreżentata minn CONEBI u vverifikata mill-Kummissjoni għall-konsum. Il-volum tal-bejgħ tal-industrija tal-Unjoni nkiseb billi tnaqqsu l-importazzjonijiet miċ-ċifra totali tal-konsum. Il-produzzjoni kienet stmata fuq il-bażi tal-proporzjonijiet rilevanti tal-bejgħ u l-produzzjoni vverifikati tal-produtturi tal-Unjoni fil-kampjun. |
|
(104) |
Kif intqal fil-premessa (164) tar-Regolament proviżorju, il-Kummissjoni segwiet il-metodoloġija deskritta fl-ilment u li ma sar l-ebda kumment dwarha matul din l-investigazzjoni. |
|
(105) |
Fin-nuqqas ta' kummenti oħrajn, il-Kummissjoni tikkonferma l-premessi minn (159) sa (166) tar-Regolament proviżorju. |
4.4.2. Indikaturi makroekonomiċi
4.4.2.1. Produzzjoni, kapaċità tal-produzzjoni u użu tal-kapaċità
|
(106) |
Wara l-esklużjoni ta' ċerti kumpaniji mid-definizzjoni tal-industrija tal-Unjoni kif spjegat fil-premessi minn (80) sa (83), iċ-ċifri għall-produzzjoni, il-kapaċità tal-produzzjoni u l-użu tal-kapaċità fl-Unjoni ġew riveduti kif indikat fit-Tabella 3. Tabella 3 Il-produzzjoni, il-kapaċità ta' produzzjoni u l-użu tal-kapaċità
|
||||||||||||||||||||||||||||||||||||||||
|
(107) |
Il-volum tal-produzzjoni tal-industrija tal-Unjoni għalhekk żdied bi 28 % fil-perjodu kkunsidrat minkejja tnaqqis ta' 3 % bejn l-2016 u l-perjodu ta' investigazzjoni. Il-kapaċità tal-produzzjoni żdiedet b'34 % bejn l-2014 u l-perjodu ta' investigazzjoni. Bejn l-2014 u l-2016, il-kapaċità tal-produzzjoni żdiedet b'50 %, u mbagħad naqset b'9 % bejn l-2016 u l-perjodu ta' investigazzjoni. L-użu tal-kapaċità naqas minn 75 % fl-2014 għal 72 % matul il-perjodu ta' investigazzjoni, bi tnaqqis minn 75 % għal 66 % bejn l-2014 u l-2016 u żieda minn 66 % għal 72 % bejn l-2016 u l-perjodu ta' investigazzjoni. Ix-xejriet deskritti fir-Regolament proviżorju baqgħu għaldaqstant l-istess għall-produzzjoni, il-kapaċità tal-produzzjoni u l-użu tal-kapaċità wara r-reviżjoni tal-kumpaniji li kkostitwixxew l-Industrija tal-Unjoni. |
|
(108) |
Is-CCCME u erba' produtturi esportaturi ddikjaraw li t-tkabbir fil-produzzjoni ma kienx jindika dannu. Huma żiedu wkoll li l-produtturi tal-Unjoni żiedu l-kapaċità tagħhom mill-2014 u l-2016. Dawn il-partijiet interessati ddikjaraw li dan kien possibbli biss għaliex l-industrija tal-Unjoni ma kellhiex kompetizzjoni sal-2016 kif kien jiġi rikonoxxut fl-ilment tagħhom. Huma jżidu li bejn l-2014 u l-2016, l-industrija tal-Unjoni bniet kapaċità eċċessiva kbira sakemm indunaw li l-kapaċità żejda kienet qed taffettwa l-profittabbiltà tagħhom u naqqsu l-kapaċità biex itejbu l-profittabbiltà meta l-bejgħ baqa' b'saħħtu. Huma nnutaw madankollu li l-użu tal-kapaċità baqa' b'saħħtu u li t-tnaqqis osservat fl-2015-16 kien jikkorrispondi għal żieda sinifikanti fil-kapaċità. |
|
(109) |
Il-Kummissjoni nnutat li l-ilment qatt ma ddikjara li l-Industrija tal-Unjoni ma kellhiex kompetizzjoni bejn l-2014 u l-2016. Kif iddikjarat fil-premessa (169) tar-Regolament proviżorju, iż-żieda fil-produzzjoni kienet xprunata miż-żieda fil-konsum. Madankollu, wara l-2015, il-produzzjoni u l-konsum kienu jvarjaw b'mod notevoli u dejjem aktar, fejn il-pressjoni ssarfet fuq il-bejgħ u telf kontinwu tas-sehem mis-suq. Bl-istess mod, il-kapaċità żdiedet bl-istess pass bħall-konsum sal-2016 u d-deterjorament tal-użu tal-kapaċità kien għalhekk marbut mal-istess mudell. Barra minn hekk, kif spjegat fil-premessa (172) tar-Regolament proviżorju, l-indikaturi għall-kapaċità u l-użu tal-kapaċità huma ta' rilevanza limitata fir-rigward tal-profittabbiltà. |
|
(110) |
Wara d-divulgazzjoni, is-CEIEB sostniet li ma kien hemm l-ebda rabta bejn id-deterjorament tal-kapaċità u l-użu tal-kapaċità u l-importazzjonijiet oġġett ta' dumping mir-RPĊ minħabba li kien diffiċli li jiġi ddeterminat liema parti mill-kapaċità ntużat għal roti konvenzjonali, liema parti għal roti elettriċi, u minħabba li l-produzzjoni tar-roti konvenzjonali naqset bi 3,7 % fl-2016 skont ċifri ppubblikati minn CONEBI. |
|
(111) |
Il-Kummissjoni fakkret li l-kapaċità u l-użu tal-kapaċità ġew ivverifikati f'rabta mal-prodott investigat u r-roti konvenzjonali kienu esklużi. Għalhekk din it-talba ma ntlaqgħetx. |
|
(112) |
Fin-nuqqas ta' xi kumment ieħor fir-rigward tal-produzzjoni, tal-kapaċità ta' produzzjoni u tal-użu tal-kapaċità, u filwaqt li titqies il-korrezzjoni li saret fil-premessa (106), il-Kummissjoni kkonfermat il-konklużjonijiet stabbiliti fil-premessi minn (167) sa (172) tar-Regolament proviżorju. |
4.4.2.2. Il-volum tal-bejgħ u s-sehem mis-suq
|
(113) |
Wara l-esklużjoni ta' ċerti kumpaniji mid-definizzjoni tal-industrija tal-Unjoni kif spjegat fil-premessi minn (80) sa (83), iċ-ċifri għall-volum tal-bejgħ u s-sehem mis-suq tal-industrija tal-Unjoni ġew riveduti. Tabella 4 Volum tal-bejgħ u sehem mis-suq
|
||||||||||||||||||||||||||||||
|
(114) |
Il-volum ta' bejgħ tal-industrija tal-Unjoni għalhekk żdied b'20 % matul il-perjodu kkunsidrat. Bejn l-2014 u l-2016, il-volum ta' bejgħ tal-industrija tal-Unjoni żdied b'25 %, u mbagħad naqas b'4 % bejn l-2016 u l-perjodu ta' investigazzjoni. Is-sehem mis-suq tal-industrija tal-Unjoni naqas b'mod sinifikanti, minn 75 % fl-2014 għal 51 % matul il-perjodu ta' investigazzjoni. Ix-xejriet deskritti fir-Regolament proviżorju baqgħu l-istess għall-volum tal-bejgħ u s-sehem mis-suq wara r-reviżjoni tal-kumpaniji li kkostitwixxew l-Industrija tal-Unjoni. |
|
(115) |
Wara divulgazzjoni finali, is-CCCME affermat li ż-żieda globali ta' 20 % tal-bejgħ matul il-perjodu kkunsidrat għandha titqies bħala prestazzjoni qawwija u ma tistax tikkostitwixxi indizju ta' dannu materjali. |
|
(116) |
Madankollu, iż-żieda ta' 20 % fil-bejgħ tal-industrija tal-Unjoni għandha titqies fid-dawl ta' żieda ta' 74 % fil-konsum tal-Unjoni matul l-istess perjodu, kif iddikjarat fit-Tabella 2 tar-Regolament proviżorju. Il-Kummissjoni ma sabet l-ebda indikazzjoni li żieda fil-bejgħ li kien ħafna inqas miż-żieda fil-konsum setgħet titqies bħala prestazzjoni qawwija, u tabilħaqq ma tkunx indikattiva ta' dannu materjali. |
|
(117) |
Is-CCCME affermat ukoll li, skont l-informazzjoni fl-ilment, il-produtturi tal-Unjoni li appoġġjaw l-ilment ġarrbu biss tnaqqis minuri fis-sehem mis-suq ta' 2 punti perċentwali matul il-perjodu kkunsidrat. Dan it-tnaqqis allegatament jikkonferma li l-ilmentaturi ma jkunux ġarrbu dannu materjali mill-importazzjonijiet tal-prodott ikkonċernat. |
|
(118) |
Skont l-Artikolu 3(1) tar-Regolament bażiku, it-terminu tad-dannu huwa definit bħala “dannu materjali lill-industrija tal-Unjoni”. Għalhekk, il-Kummissjoni hija meħtieġa tivvaluta dannu lill-industrija tal-Unjoni kollha kemm hi, mhux biss lill-ilmentaturi. Il-Kummissjoni sabet li l-industrija tal-Unjoni sofriet telf sinifikanti fis-sehem mis-suq ta' 24 punt perċentwali. Il-fatt li xi produtturi tal-Unjoni tilfu inqas (jew iktar) sehem mis-suq minn oħrajn ma jpoġġix fid-dubju din il-konstatazzjoni. |
|
(119) |
Fin-nuqqas ta' xi kumment ieħor fir-rigward tal-volum tal-bejgħ u s-sehem mis-suq u wara l-korrezzjoni li saret fil-premessa (113), il-Kummissjoni kkonfermat il-konklużjonijiet l-oħra kollha stabbiliti fil-premessi minn (173) sa (176) tar-Regolament proviżorju. |
4.4.2.3. Tkabbir
|
(120) |
Fin-nuqqas ta' kummenti, il-Kummissjoni kkonfermat il-konklużjonijiet tagħha stabbiliti fil-premessa (177) tar-Regolament proviżorju. |
4.4.2.4. Impjieg u produttività
|
(121) |
Wara l-esklużjoni ta' ċerti kumpaniji mid-definizzjoni tal-industrija tal-Unjoni kif spjegat fil-premessi minn (80) sa (83), iċ-ċifri għall-impjieg u l-produttività tal-industrija tal-Unjoni ġew riveduti. Tabella 5 L-impjiegi u l-produttività
|
||||||||||||||||||||||||||||||
|
(122) |
L-industrija tal-Unjoni għalhekk żiedet il-livell ta' impjieg b'40 % fuq il-perjodu kkunsidrat. Il-biċċa l-kbira ta' din iż-żieda seħħet bejn l-2014 u l-2016. L-impjieg żdied b'punt perċentwal wieħed (1) bejn l-2016 u l-perjodu ta' investigazzjoni. Il-produttività naqset b'9 % minħabba ż-żieda fl-impjieg kienet b'pass aktar mgħaġġel miż-żieda fil-produzzjoni. Ix-xejriet deskritti fir-Regolament proviżorju jibqgħu l-istess għall-impjiegi u l-produttività wara r-reviżjoni. |
|
(123) |
Fin-nuqqas ta' xi kumment ieħor fir-rigward tal-volum tal-bejgħ u s-sehem mis-suq u wara l-korrezzjoni li saret fil-premessa (121), il-Kummissjoni kkonfermat il-konklużjonijiet l-oħra kollha stabbiliti fil-premessi minn (178) sa (180) tar-Regolament proviżorju. |
4.4.2.5. Id-daqs tal-marġni tad-dumping u l-irkupru minn dumping fl-imgħoddi
|
(124) |
Fin-nuqqas ta' xi kumment ieħor dwar il-kobor tal-marġni tad-dumping u l-irkupru mid-dumping fl-imgħoddi, il-Kummissjoni tikkonferma l-konklużjonijiet tagħha stabbiliti fil-premessi 181 u 182 tar-Regolament proviżorju. |
4.4.3. Indikaturi mikroekonomiċi
4.4.3.1. Il-prezzijiet u l-fatturi li jaffettwaw il-prezzijiet
|
(125) |
Wara l-impożizzjoni ta' miżuri proviżorji, is-CEIEB, is-CCCME u erba' produtturi esportaturi oħra sostnew li ż-żieda ta' 15 % fil-prezzijiet medji tal-industrija tal-Unjoni kienet tmur kontra s-sejbiet tal-Kummissjoni li l-importazzjonijiet Ċiniżi kkawżaw soppressjoni tal-prezz jew depressjoni fil-konfront tal-kapaċità tal-industrija tal-Unjoni li żżid il-prezzijiet tagħha. |
|
(126) |
L-ewwel nett, il-Kummissjoni tosserva li s-sena ta' referenza biex titkejjel din iż-żieda kienet l-2014, meta l-industrija tal-Unjoni rreġistrat livell baxx ħafna ta' profittabbiltà u l-inqas marġni ta' profitt tagħha matul il-perjodu kkunsidrat. It-tieni, f'dan il-kuntest, iż-żieda fil-prezzijiet medji rriflettiet l-evoluzzjoni tal-ispejjeż medji tal-produzzjoni u ma marritx lil hinn minnha. It-tielet nett, kif iddikjarat fil-premessa (185) tar-Regolament proviżorju, evoluzzjoni bħal din ma tfissirx neċessarjament li l-ispiża u l-prezz ta' prodott komparabbli żdiedu bl-istess mod bħall-ispiża u l-prezz medju peress li l-firxa tal-prodotti tinbidel kull staġun. Meta wieħed iqis dawn l-elementi u s-sejbiet li jikkonċernaw it-twaqqigħ tal-prezz, il-Kummissjoni għalhekk ma taqbilx mat-talba li ż-żieda fil-prezz medju tal-prodotti mibjugħa mill-industrija tal-Unjoni tinvalida l-eżistenza ta' soppressjoni tal-prezz jew ta' depressjoni. |
4.4.3.2. Kostijiet lavorattivi
|
(127) |
Wara l-impożizzjoni tal-miżuri proviżorji, ma ġie ppreżentat ebda kumment fir-rigward tal-kostijiet lavorattivi tal-produtturi tal-Unjoni fil-kampjun. Għalhekk, il-Kummissjoni kkonfermat il-konklużjonijiet tagħha stabbiliti fil-premessa (186) u (187) tar-Regolament proviżorju. |
4.4.3.3. Inventarji
|
(128) |
Wara l-impożizzjoni tal-miżuri proviżorji, is-CEIEB iddikjarat li l-Kummissjoni ma setgħetx, fl-istess ħin, tiddefinixxi t-tmiem tal-istaġun tal-bejgħ f'nofs Lulju meta tivvaluta l-kundizzjonijiet għar-reġistrazzjoni u fl-aħħar ta' Settembru meta tivvaluta s-sinifikat tal-inventarji fl-analiżi tad-dannu tagħha. Hija sostniet ukoll li ż-żieda fl-inventarju bejn l-2016 u l-perjodu ta' investigazzjoni kienet insinifikanti. |
|
(129) |
Il-Kummissjoni qieset li l-istaġun tal-bejgħ dam minn Marzu sa Settembru. Fir-Regolament dwar ir-reġistrazzjoni, il-Kummissjoni kkunsidrat li kien raġonevoli li wieħed jassumi li żieda sostanzjali oħra fl-importazzjonijiet x'aktarx kienet se ddgħajjef l-effett ta' rimedju tad-dazju minħabba li l-iskadenza għall-impożizzjoni ta' miżuri proviżorji kienet l-20 ta' Lulju. Fil-fatt, f'dan il-kuntest, kien ifisser li żieda fil-livelli tal-istokkijiet tippermetti lill-importaturi biex ifornu l-prodott ikkonċernat sa tmiem l-istaġun tal-bejgħ. Fir-Regolament proviżorju, abbażi tal-istess xejriet staġjonali, il-Kummissjoni osservat li l-fatt li l-istokkijiet kienu f'Settembru tal-perjodu ta' investigazzjoni f'livell ogħla minn f'Diċembru ta' sena qabel kien jirrifletti żieda kontinwa u sinifikanti fl-istokkijiet minħabba li l-livelli tal-istokkijiet għandhom normalment ikunu baxxi fl-aħħar tal-istaġun tal-bejgħ. Il-Kummissjoni vvalutat li ma kienx hemm kontradizzjoni bejn dawk iż-żewġ analiżi u kkonfermat is-sejbiet deskritti fil-premessi minn (188) sa (191) tar-Regolament proviżorju. |
4.4.3.4. Il-profittabbiltà, il-fluss tal-flus, l-investimenti, ir-redditu fuq l-investimenti u l-kapaċità li jiġi ġġenerat il-kapital
|
(130) |
Wara l-impożizzjoni ta' miżuri proviżorji, is-CEIEB saħqet li l-marġni ta' profitt tal-industrija tal-Unjoni naqas b'0,4 % biss bejn l-2016 u l-PI meta l-pass tat-tkabbir tal-importazzjonijiet Ċiniżi aċċellera, li juri li ma kien hemm l-ebda dannu. Bl-istess mod, is-CCCME u erba' produtturi esportaturi ddikjaraw li l-livell tal-marġni ta' profitt tal-industrija tal-Unjoni matul il-PI u l-evoluzzjoni tiegħu matul il-perjodu kkunsidrat ma kkaratterizzawx sitwazzjoni ta' dannu materjali. |
|
(131) |
Filwaqt li l-investigazzjoni stabbilixxiet l-eżistenza ta' volum sinifikanti ta' importazzjonijiet bi prezzijiet ta' dumping u ta' twaqqigħ tal-prezz, stabbilixxiet ukoll is-saħħa fid-domanda fis-suq ta' roti elettriċi li illimita bi ftit l-effetti negattivi fuq il-marġni ta' profitt tal-Industrija tal-Unjoni. Din l-osservazzjoni tinkludi l-perjodu bejn l-2016 u l-PI, indikat mis-CEIEB, fejn iż-żieda qawwija fl-importazzjonijiet mir-RPĊ ħabtet ma' tnaqqis relattivament żgħir fil-bejgħ tal-industrija tal-Unjoni minħabba s-saħħa kontinwa fil-konsum. Madankollu, il-Kummissjoni osservat li l-marġni ta' profitt tal-industrija tal-Unjoni naqas fis-snin kollha minbarra waħda u kien b'mod globali f'livelli depressi. Barra minn hekk, il-konklużjoni ta' dannu materjali mhijiex ibbażata fuq indikatur wieħed. Indikaturi oħra, li xi wħud minnhom huma ta' natura finanzjarja bħall-fluss ta' flus, ġew analizzati flimkien mal-evoluzzjoni tal-marġni ta' profitt biex jikkonkludu għal sitwazzjoni ta' dannu materjali. Għalhekk it-talba ma setgħetx tintlaqa'. |
|
(132) |
Is-CCCME sostniet ukoll li l-aktar spjegazzjoni probabbli tat-tnaqqis fil-marġni ta' profitt bejn l-2015 u l-perjodu ta' investigazzjoni ma kinitx dovuta għall-pressjoni mill-importazzjonijiet Ċiniżi imma għall-investimenti tal-industrija tal-Unjoni biex iżidu l-kapaċità tal-produzzjoni tagħha. Is-CCCME sostniet li dan l-argument ma kienx ġie meqjus mill-Kummissjoni. |
|
(133) |
Dan il-kumment ġie analizzat fit-Taqsima 5.2.3 tar-Regolament proviżorju, partikolarment taħt il-premessa (221) fejn il-Kummissjoni spjegat li n-nefqa kapitali ma kellhiex impatt materjali fuq il-profittabbiltà tal-Industrija tal-Unjoni. Fin-nuqqas ta' informazzjoni addizzjonali, it-talba għalhekk ma ntlaqatx. |
|
(134) |
Wara d-divulgazzjoni finali, CEIEB vvalutat li l-marġni ta' profitt immirat ta' 4,3 % ma kienx ogħla b'mod sinifikanti mill-marġni ta' profitt matul il-perjodu tal-investigazzjoni ta' 3,4 % u sostniet li l-livell ta' profittabbiltà tal-industrija tal-Unjoni matul il-perjodu ta' investigazzjoni ma kienx evidenza ta' dannu. |
|
(135) |
Kif iddikjarat fil-premessa (198) tar-Regolament proviżorju, l-industrija tar-roti elettriċi hija strutturalment negozju b'użu intensiv ta' flus kontanti. Għalhekk huwa importanti li wieħed jara jekk il-profittabilità miksuba tistax tiġġenera fluss ta' flus suffiċjenti biex issostni l-operazzjonijiet tal-industrija tal-Unjoni. Kif muri fit-Tabella 11 tar-Regolament proviżorju, il-fluss tal-flus tal-industrija tal-Unjoni kien dgħajjef matul il-perjodu ta' investigazzjoni, li jammonta għal 0,6 % biss tal-fatturat tal-bejgħ. Għalhekk, meta tiġi vvalutata l-prestazzjoni finanzjarja tal-industrija tal-Unjoni kollha kemm hi, u mhux meta wieħed iħares lejn il-profitabbiltà f'iżolament, il-konstatazzjoni dwar il-prestazzjoni finanzjarja batuta tal-industrija tal-Unjoni hija miżmuma. |
|
(136) |
Wara divulgazzjoni finali, is-CCCME nnotat li l-investimenti l-kbar u l-impjiegi jistgħu jimplikaw żieda sostanzjali fl-ispejjeż fissi għall-produtturi tal-Unjoni u għandhom impatt sinifikanti fuq il-profittabilità, speċjalment jekk l-użu tal-kapaċità kien baxx. |
|
(137) |
Fir-rigward tal-investimenti, kif muri fil-premessa (197) tar-Regolament proviżorju, matul il-perjodu kkunsidrat l-investimenti jirrappreżentaw mhux iktar minn 2 % tal-bejgħ. Għalhekk, il-Kummissjoni kkunsidrat li l-industrija tal-Unjoni ma għamlet l-ebda “investimenti kbar” li seta' kellhom impatt sinifikanti fuq il-profittabilità matul il-perjodu meqjus. |
|
(138) |
Fir-rigward tal-impjieg, is-CCCME argumentat li ż-żieda enormi fil-kapaċità kienet riflessa mill-qrib fi tkabbir sostanzjali tal-impjegati. Madankollu, huwa ċar ukoll li ż-żieda fl-impjiegi kienet xprunata wkoll minn żieda sinifikanti fil-produzzjoni. |
|
(139) |
Il-Kummissjoni sabet li, b'mod partikolari bejn l-2014 u l-2016, l-impjieg irrifletta l-produzzjoni ħafna aktar mill-qrib milli l-kapaċità tal-produzzjoni. Matul il-perjodu ta' investigazzjoni, fejn il-bejgħ u l-produzzjoni tal-Unjoni żviluppaw b'mod negattiv minkejja l-konsum dejjem ikbar tal-Unjoni, l-industrija tal-Unjoni ma rnexxilhiex tnaqqas mill-impjiegi, u dan wassal għal tnaqqis fil-produttività għal kull impjegat. Tali tnaqqis fil-produttività u l-impatt negattiv konsegwenti fuq il-profittabilità tal-industrija tal-Unjoni huma madankollu marbuta direttament mal-kwantitajiet dejjem ikbar ta' importazzjonijiet oġġett ta' dumping ta' roti elettriċi Ċiniżi matul il-perjodu kkunsidrat. |
|
(140) |
Fin-nuqqas ta' kummenti oħra dwar il-profittabbiltà, il-fluss ta' flus, l-investiment, ir-redditu fuq l-investimenti u l-kapaċità li jiġi ġġenerat il-kapital, ġiet ikkonfermata l-konklużjoni stabbilita fil-premessi minn (192) sa (199) tar-Regolament proviżorju. |
4.4.4. Konklużjoni dwar id-dannu
|
(141) |
Wara l-impożizzjoni tal-miżuri proviżorji, is-CCCME u erba' produtturi esportaturi Ċiniżi sostnew li l-fatturi tal-kompetizzjoni ma kinux ġew indirizzati fl-analiżi tad-dannu. Huma sostnew li l-ilment ammetta li l-importazzjonijiet mir-RPĊ ma kinux kwistjoni tas-suq sal-2016, sakemm dawn iffukaw fuq is-segmenti ta' livell baxx u medju tas-suq tal-Unjoni u li l-analiżi tad-dannu kellha tiffoka fuq dawn is-segmenti speċifiċi. Importatur wieħed sostna wkoll li d-dannu, jekk ippruvat, kien essenzjalment jaffettwa jew jiffoka fuq is-segment ta' livell baxx tar-roti elettriċi u, fuq il-bażi tal-esperjenza tiegħu stess, ma kienx jeżisti fis-segmenti ta' livell għoli tas-suq. |
|
(142) |
Minkejja l-fatt li t-talbiet tas-CCCME saru fuq qari mhux preċiż tal-ilment, il-Kummissjoni tfakkar li l-konklużjonijiet tagħha ma kinux ibbażati fuq l-ilment iżda fuq l-investigazzjoni tagħha stess u fuq is-sejbiet dwar id-dumping, id-dannu u l-kawżalità. Kif stabbilit fil-premessa (249) tar-Regolament proviżorju, l-investigazzjoni wriet li l-industrija tal-Unjoni hija attiva fis-segmenti kollha tas-suq. Dan id-divrenzjar tal-prodott ikkonċernat għalhekk ma kienx ġustifikat u t-talba ma setgħetx tintlaqa'. |
|
(143) |
Wara divulgazzjoni finali, is-CCCME argumentat li l-Kummissjoni ma kinitx iddeskriviet fir-Regolament proviżorju kif hija kkaratterizzat il-“prodotti ta' livell baxx” imsemmija fil-premessa (249) tar-Regolament proviżorju. Hija qalet ukoll li l-impatt ta' kull tkabbir fl-importazzjonijiet mir-RPĊ (anki minn pajjiżi terzi) f'dawn l-aħħar snin irid jiġi evalwat b'kunsiderazzjoni tat-taqsimiet speċifiċi tas-suq li fih dawn ir-roti elettriċi importati ġew mibjugħa. |
|
(144) |
F'dan ir-rigward, “prodotti ta' livell baxx” huma r-roti elettriċi li jkollhom il-karatteristiċi bażiċi fl-istruttura tal-PCN. Id-definizzjoni ta' “prodotti ta' livell baxx” hija differenti mill-allegata differenzjazzjoni tas-suq f'segmenti. Kif iddikjarat fil-premessa (42), għalkemm bosta partijiet interessati ressqu talbiet simili dwar is-segmentazzjoni, ħadd ma pprovda evidenza li kienet tiġġustifika jew tippermetti għal segmentazzjoni possibbli tas-suq. B'mod partikolari, ebda kriterji fiżiċi jew kriterji oġġettivi oħra ma ġew ipprovduti minn xi parti interessata, fatt li jappoġġja analiżi bbażata fuq segmentazzjoni tas-suq, kif deskritt fil-premessi (45) u(46). |
|
(145) |
Is-CCCME argumentat ukoll li peress li t-telf tas-sehem mis-suq tal-industrija tal-Unjoni affettwa l-aktar lill-produtturi tal-Unjoni aktar milli l-ilmentaturi, kif spjegat fil-premessa (117), l-importazzjonijiet mir-RPĊ u l-produzzjoni tal-ilmentaturi allegatament saru f'ħafna segmenti tas-suq distinti. Madankollu, kif diġà ssemma fil-premessa (118), l-analiżi tad-dannu tkopri l-industrija tal-Unjoni kollha kemm hi, mhux biss l-ilmentaturi. Mhuwiex ikkontestat il-fatt li l-industrija tal-Unjoni sofriet telf sinifikanti fis-sehem mis-suq ta' 24 punti perċentwali, l-aktar minħabba l-importazzjonijiet Ċiniżi, li kisbu 17-il punt perċentwali ta' sehem mis-suq matul il-perjodu kkunsidrat. |
|
(146) |
Is-CEIEB ma qablitx mal-konklużjoni tal-Kummissjoni dwar id-dannu. Hija sostniet li l-industrija tal-Unjoni kienet marret tajjeb ħafna bl-eċċezzjoni taż-żamma tas-sehem mis-suq. Is-CEIEB argumentat ukoll li l-indikaturi tal-kapaċità, l-użu, il-volumi tal-bejgħ u l-impjiegi kienu żviluppaw b'mod pożittiv matul il-perjodu kkunsidrat u li s-sejbiet negattivi tal-Kummissjoni kienu bbażati fuq perjodi ta' analiżi inkonsistenti u iqsar. B'mod partikolari, is-CEIEB saħqet li għall-bejgħ, il-perjodu analizzat kien l-2016-PI, filwaqt li għall-użu tal-kapaċità l-perjodu kien l-2014-2016. |
|
(147) |
Is-CCCME u erba' produtturi esportaturi sostnew li d-dikjarazzjoni magħmula fil-premessa (205) tar-Regolament proviżorju li l-indikaturi kollha ċċitati hemmhekk “żviluppaw b'mod negattiv” kienet falza u qarrieqa. Dawn il-partijiet interessati sostnew li l-indikatur tat-“tkabbir” f'termini kemm ta' produzzjoni kif ukoll ta' bejgħ, u l-bejgħ f'termini kemm ta' valur kif ukoll ta' volum, kien sostanzjalment pożittiv matul il-perjodu kkunsidrat. Barra minn hekk, ġie ddikjarat li l-“kapaċità” tal-industrija tal-Unjoni żdiedet sostanzjalment u li kemm il-profittabbilità kif ukoll il-prezzijiet kienu żdiedu wkoll matul il-perjodu kkunsidrat. Is-CCCME żiedet li kuntrarjament għal dak li kien iddikjarat fil-premessi (204) u (205) tar-Regolament proviżorju, l-indikaturi tal-prestazzjoni u notevolment il-profittabbiltà ma tbaxxewx matul il-perjodu kkunsidrat. Fl-aħħar nett, is-CCCME sostniet li ladarba l-ilmentatur stess ammetta li l-importazzjonijiet mir-RPĊ ma bdewx jikbru u jsiru kompetittivi sal-2016, marġni ta' profitt baxx fl-2014 seta' jkun biss in-nuqqas kummerċjali tal-produtturi tal-Unjoni infushom. |
|
(148) |
Il-Kummissjoni tfakkar li l-iskop tal-analiżi tagħha tad-dannu huwa li tivvaluta l-livell ta' dannu mġarrab mill-industrija tal-Unjoni. Dan jinvolvi valutazzjoni tar-rilevanza ta' kull indikatur tal-prestazzjoni, ir-relazzjonijiet u l-evoluzzjoni tagħhom fil-perjodu kkunsidrat u matulu. Is-sempliċi paragun tal-punti finali ta' kull indikatur meħud separatament ma jistax jirrifletti x-xejriet ekonomiċi fil-post tax-xogħol fl-industrija tal-Unjoni. F'dan ir-rigward, il-konklużjoni dwar l-indikatur tat-tkabbir ġiet spjegata fil-premessi (177) u (200) tar-Regolament proviżorju u kienet tiddependi fuq id-diverġenza sostanzjali u dejjem tikber bejn l-evoluzzjoni tal-konsum u l-evoluzzjoni tal-bejgħ tal-industrija tal-Unjoni li ssarfet f'telf sinifikanti ħafna tas-sehem mis-suq. Kif spjegat fil-premessi minn (201) sa (203), l-impatt ta' din id-diverġenza nfirex maż-żmien fuq il-produzzjoni, l-istokkijiet, il-kapaċità, l-użu tal-kapaċità, u l-livell ta' impjieg. Barra minn hekk, kif spjegat fil-premessa (204), il-marġni ta' profitt baqa' ċertament f'livell baxx u b'xejra ta' tnaqqis fis-snin kollha minbarra waħda. Addizzjonalment, meta wieħed iqis li n-negozju tar-roti elettriċi jagħmel użu intensiv ta' flus kontanti u jiddependi fuq il-finanzjament bankarju, l-analiżi tal-pożizzjoni finanzjarja trid tqis il-qlib tal-profitti fi flussi ta' flus operattivi li ma kienx biżżejjed u ferm taħt il-marġnijiet tal-profitt. B'mod ġenerali, il-Kummissjoni għalhekk ikkonfermat li x-xejriet imsemmija qabel f'din il-premessa kkaratterizzaw sitwazzjoni depressa u negattiva u kkonfermaw il-konklużjoni tagħha li l-industrija tal-Unjoni ġarrbet dannu materjali. |
|
(149) |
Fl-aħħar nett, il-Kummissjoni ma qablitx mat-talba tas-CCCME li l-marġni baxx ta' profitt tal-Industrija tal-Unjoni fl-2014 seta' jkun biss it-tort kummerċjali tagħha peress li l-ilmentatur kien ammetta li l-importazzjonijiet mir-RPĊ ma kinux bdew jikbru u jsiru kompetittivi sal-2016. Il-Kummissjoni qieset li din it-talba kienet ibbażata fuq qari mhux preċiż tal-ilment u, li fi kwalunkwe każ, kienet tikkontradixxi s-sejbiet tal-investigazzjoni li wrew li l-importazzjonijiet mir-RPĊ kellhom sehem sinifikanti mis-suq ta' 18 % fl-2014, u li diġà kienu rduppjaw fil-volum sal-2016. Għalhekk it-talbiet tas-CCCME ma ntlaqgħux. |
|
(150) |
Is-CEIEB kif ukoll żewġ importaturi ddikjaraw li s-sejbiet ta' dannu materjali kienu jiddependu b'mod ċentrali fuq il-valutazzjoni tal-Kummissjoni li l-industrija tal-Unjoni kienet tilfet sehem mis-suq għall-importazzjonijiet mingħajr ma kkunsidrat li dan it-telf kien attribwibbli għal difetti strutturali bħan-nuqqas ta' rikonoxximent ta' opportunitajiet potenzjali fil-ħin adatt, it-twettiq aktar bikri ta' investimenti fil-kapaċità tal-produzzjoni, prodotti li ma jħajrux u mezzi ta' bejgħ inadegwati. |
|
(151) |
L-ewwel nett il-Kummissjoni osservat li dawn id-dikjarazzjonijiet dehru li jikkontradixxu t-talbiet tas-CCCME u l-produtturi esportaturi Ċiniżi li ddikjaraw li s-suq tar-roti elettriċi fl-Unjoni kien iddominat mill-industrija tal-Unjoni, li l-importazzjonijiet tar-roti elettriċi Ċiniżi kienu għadhom kif b'mod gradwali laħqu mal-kwalità u l-kompetittività u eventwalment li l-kawża l-aktar probabbli tad-dannu kienet investiment eċċessiv fil-kapaċità tal-produzzjoni tal-industrija tal-Unjoni. |
|
(152) |
Il-Kummissjoni nnutat ukoll li s-CEIEB sostniet kemm li l-industrija tal-Unjoni marret tajjeb ħafna matul il-perjodu kkunsidrat (kif iddikjarat fil-premessa (146)) kif ukoll li l-mudell kummerċjali tagħha u l-ġestjoni tiegħu ġew affettwati minn difetti strutturali u nuqqasijiet oħra ddikjarati fil-premessa (151) ta' tali skala li tispjega għalfejn il-bejgħ tal-industrija tal-Unjoni żdied b'20 % biss matul il-perjodu kkunsidrat meta l-importazzjonijiet mir-RPĊ żdiedu b'250 %. |
|
(153) |
F'dan il-kuntest, il-Kummissjoni vvalutat li sabiex tkun ikkunsidrata, talba bħal din kellha tkun speċifikata u kkwantifikata b'mod preċiż. Fi kwalunkwe każ, il-Kummissjoni fakkret li filwaqt li t-telf tas-sehem mis-suq kien element importanti tal-analiżi tagħha tad-dannu, din tal-aħħar ma kinitx limitata għalih. F'dan ir-rigward, il-Kummissjoni tirreferi għall-analiżi ta' indikaturi oħra ta' dannu u għall-konklużjoni tagħha ta' twaqqigħ tal-prezz, li kollha jappoġġjaw il-valutazzjoni tagħha tal-analiżi globali tad-dannu. Il-Kummissjoni għalhekk ma laqgħetx it-talba. |
|
(154) |
Wara d-divulgazzjoni finali, is-CEIEB sostniet li l-Kummissjoni kienet iddikjarat fil-premessa (115) tad-Dokument ta' Divulgazzjoni Finali Ġenerali li s-sempliċi eżistenza ta' twaqqigħ tal-prezzijiet kien biżżejjed sabiex jissodisfa l-kundizzjoni ta' materjalità u esprimiet in-nuqqas ta' qbil tagħha. Madankollu, il-Kummissjoni ma tarax din id-dikjarazzjoni taħt il-premessa (115), li tirreferi għal “l-analiżi ta' indikaturi oħra ta' dannu u l-konklużjoni tagħha ta' twaqqigħ tal-prezz, li kollha jappoġġjaw il-valutazzjoni tagħha tal-analiżi globali tad-dannu.”. Għalhekk, l-argument ġie rifjutat. |
|
(155) |
Wara l-impożizzjoni ta' miżuri proviżorji, is-CCCME u erba' produtturi esportaturi saħqu li l-evoluzzjoni tal-indikaturi indiċjati mhux kunfidenzjali tal-produtturi tal-Unjoni fil-kampjun dgħajfet sostanzjalment il-konklużjoni tal-Kummissjoni li l-industrija tal-Unjoni ġarrbet dannu materjali skont it-tifsira tal-Artikolu 3(5) tar-Regolament bażiku. |
|
(156) |
Kif inhi l-prattika standard tal-Kummissjoni u kif ġie stabbilit fil-premessa (166) tar-Regolament proviżorju, il-Kummissjoni kkunsidrat l-indikaturi tad-dannu mikroekonomiċi billi użat id-data vverifikata tal-produtturi tal-Unjoni fil-kampjun. Dawn l-indikaturi kkontribwixxew għas-sejba ta' dannu materjali iżda ma jistgħux jinqraw bħala li, fihom infushom, jagħmlu sejba materjali kompleta tad-dannu (jew, jekk niġu f'dan, jissostitwixxu d-determinazzjoni globali tad-dannu mwettqa mill-Kummissjoni). Bħal fil-każ tal-indikaturi tad-dannu makroekonomiċi, ġew stabbiliti għall-industrija tal-Unjoni kollha. Għaldaqstant, l-argument ġie rifjutat. |
|
(157) |
Fin-nuqqas ta' kummenti oħrajn, il-Kummissjoni kkonfermat il-konklużjonijiet tagħha stabbiliti fil-premessi minn (200) sa (206) tar-Regolament proviżorju. |
5. KAWŻALITÀ
5.1. L-effetti tal-importazzjonijiet oġġett ta' dumping
|
(158) |
Fin-nuqqas ta' kummenti u b'kunsiderazzjoni għar-reviżjoni tas-sehem mis-suq tal-industrija tal-Unjoni skont il-premessi minn (113) sa (114) u tal-marġnijiet tat-twaqqigħ tal-prezz skont il-premessa (99), il-Kummissjoni kkonfermat il-konklużjonijiet tagħha stabbiliti fil-premessa (209) tar-Regolament proviżorju. |
5.2. Effetti ta' fatturi oħra
5.2.1. Importazzjonijiet minn pajjiżi terzi
|
(159) |
Importatur mhux relatat wieħed stqarr li filwaqt li l-livell assolut tal-importazzjonijiet mir-RPĊ matul il-perjodu kkunsidrat kien ferm ogħla mill-volum tal-importazzjonijiet minn pajjiżi oħra, iż-żieda relattiva tal-importazzjonijiet minn kull pajjiż jenħtieġ li tiġi kkunsidrata wkoll. B'mod partikolari, din il-parti interessata rrimarkat li l-importazzjonijiet mill-Iżvizzera żdiedu bi 3 000 % matul il-perjodu kkunsidrat. L-importatur iddikjara li l-importazzjonijiet minn pajjiżi għajr ir-RPĊ kellhom impatt fis-suq li ma jistax jiġi sempliċiment ikkunsidrat bħala marġinali kif iddikjarat fil-premessa (215) tar-Regolament proviżorju. |
|
(160) |
Il-Kummissjoni osservat li l-importazzjonijiet mill-Iżvizzera kellhom sehem mis-suq ta' 1 % matul il-perjodu ta' investigazzjoni. Barra minn hekk, l-importatur ma spjegax kif l-osservazzjonijiet tiegħu jistgħu jinvalidaw is-sejba tal-Kummissjoni li l-importazzjonijiet mill-pajjiżi kollha minbarra mir-RPĊ ma naqqsux ir-rabta kawżali bejn l-importazzjonijiet li huma l-oġġett ta' dumping mir-RPĊ u d-dannu mġarrab mill-industrija tal-Unjoni kif immotivat fil-premessi minn (210) sa (214) tar-Regolament proviżorju. Għalhekk din it-talba ma ntlaqgħetx. |
5.2.2. Il-prestazzjoni mill-industrija tal-Unjoni
|
(161) |
Wara l-impożizzjoni ta' miżuri proviżorji, is-CCCME u erba' produtturi esportaturi sostnew li ħafna produtturi tal-Unjoni fl-Ewropa Ċentrali importaw il-partijiet mir-RPĊ, u immuntaw u biegħu ir-roti elettriċi fl-Unjoni. Hija żiedet li l-prezz tar-roti elettriċi prodotti minn dawn il-kumpaniji jidher li huwa relattivament baxx, li jista' jkun kawża oħra tad-dannu mġarrab mill-produtturi tal-Unjoni li jipproduċu roti elettriċi ta' livell għoli. |
|
(162) |
Il-Kummissjoni tfakkar li l-ambitu ġeografiku tal-investigazzjoni tagħha huwa s-suq tal-Unjoni, mhux partijiet minnu. L-investigazzjoni wriet li l-produtturi tal-Unjoni ta' roti elettriċi kienu attivi fis-segmenti kollha u li wħud mill-produtturi fil-kampjun kellhom unitajiet ta' produzzjoni lokalizzati fl-Istati Membri li jinsabu f'pajjiżi tal-Ewropa Ċentrali. Fi kwalunkwe każ, it-talba ma kinitx sostanzjata u ma ntlaqgħetx. |
|
(163) |
Barra minn hekk, is-CCCME u erba' produtturi esportaturi sostnew li l-prestazzjoni dgħajfa tal-industrija tal-Unjoni setgħet ġiet ikkawżata mill-iżbalji ta' ġestjoni mill-produtturi tal-Unjoni. |
|
(164) |
Il-Kummissjoni tirreferi għat-tweġiba tagħha fil-premessa (151). Din it-talba ma kienet tipprovdi l-ebda element ġdid jew ġiet sostanzjata aktar u għalhekk ma ntlaqgħetx. |
5.2.3. L-inċentivi għall-bejgħ tar-roti elettriċi fis-suq tal-Unjoni
|
(165) |
Is-CCCME u erba' produtturi esportaturi ddikjaraw li s-sussidji fis-suq tal-Unjoni setgħu jiffavorixxu l-bejgħ ta' roti elettriċi Ċiniżi irħas u talbu lill-Kummissjoni biex tkompli tinvestiga l-impatt tas-sussidji fuq ix-xejriet tax-xiri ta' roti elettriċi fis-suq tal-Unjoni. |
|
(166) |
L-impatt tas-sussidji għall-promozzjoni tal-użu tar-roti elettriċi huwa kwistjoni distinta mis-sejba ta' twaqqigħ tal-prezz u d-dannu mill-importazzjonijiet Ċiniżi. Għal darba oħra, l-investigazzjoni wriet li l-industrija tal-Unjoni hija attiva fis-segmenti kollha tas-suq. Għalhekk, anki jekk is-sussidji allegati kienu rilevanti għal din il-valutazzjoni, dawn ma jispjegawx iż-żieda tar-roti Ċiniżi għad-detriment tar-roti irħas prodotti fl-Unjoni iżda għall-fatt li r-roti Ċiniżi huma oġġett ta' dumping. Għaldaqstant, din l-affermazzjoni ma ntlaqgħetx. |
|
(167) |
Fin-nuqqas ta' kummenti oħrajn, il-Kummissjoni kkonfermat il-konklużjonijiet tagħha stabbiliti fil-premessi minn (210) sa (222) tar-Regolament proviżorju. |
5.3. Konklużjoni dwar il-kawżalità
|
(168) |
Il-Kummissjoni kkonfermat il-konklużjonijiet tagħha dwar il-kawżalità stabbiliti fil-premessi minn (223) sa (226) tar-Regolament proviżorju. |
6. INTERESSI TAL-UNJONI
6.1. Interess tal-Fornituri
|
(169) |
Fil-premessa (228) tar-Regolament proviżorju, il-Kummissjoni, bi żball indikat li kienet irċeviet ittra ta' appoġġ mingħand CONEBI favur il-miżuri, waqt li l-osservazzjoni kienet saret f'isem l-Assoċjazzjoni Ewropea għall-Industrija tal-Vetturi b'Żewġ Roti u Aċċessorji Relatati (“COLIPED”) li tiġbor flimkien assoċjazzjonijiet nazzjonali ta' fornituri ta' partijiet. |
|
(170) |
Fin-nuqqas ta' xi kumment ieħor, il-Kummissjoni kkonfermat il-konklużjonijiet tagħha stabbiliti fil-premessi minn (228) sa (230) tar-Regolament proviżorju. |
6.2. L-interess tal-industrija tal-Unjoni
|
(171) |
Fin-nuqqas ta' kummenti, il-Kummissjoni kkonfermat il-konklużjonijiet tagħha stabbiliti fil-premessi minn (231) sa (234) tar-Regolament proviżorju. |
6.3. L-interess ta' importaturi mhux relatati
|
(172) |
Matul l-investigazzjoni, 31 importatur, li 19 minnhom kienu jagħmlu parti mis-CEIEB, esprimew l-oppożizzjoni tagħhom għall-impożizzjoni tal-miżuri. Tlettax (13) minn dawn il-kumpaniji (li għalihom huwa magħruf il-volum tal-importazzjonijiet) irrappreżentaw b'kollox 10 % tal-importazzjonijiet totali mir-RPĊ fil-perjodu ta' investigazzjoni. |
|
(173) |
Kif spjegat fil-premessa (81), sitt kumpaniji li jimmanifatturaw il-prodott simili ġew esklużi mid-definizzjoni tal-industrija tal-Unjoni u ġew klassifikati mill-ġdid bħala importaturi mhux relatati. Dawn il-kumpaniji esprimew l-appoġġ tagħhom għall-miżuri. L-importazzjonijiet tagħhom kienu jirrappreżentaw viċin it-12 % tal-importazzjonijiet totali mir-RPĊ matul il-perjodu ta' investigazzjoni. |
|
(174) |
Wara l-impożizzjoni tal-miżuri proviżorji, is-CEIEB saħqet li l-ftuħ tal-investigazzjoni kien ikkawża dannu estensiv u divers lil numru kbir ta' importaturi. |
|
(175) |
Mal-pubblikazzjoni tar-Regolament dwar ir-reġistrazzjoni, is-CEIEB wettqet stħarriġ dikjarattiv ma' ħamsa u sittin importatur. L-istħarriġ sab li 21 % ma jkomplux l-operazzjonijiet jekk jiġu imposti dazji definittivi, 33 % kienu diġà waqqfu l-importazzjonijiet ta' roti elettriċi mir-RPĊ iżda kienu għadhom ma sabux soluzzjoni alternattiva, 39 % kellhom iżidu l-prezz tal-prodotti tagħhom bħala riżultat tal-investigazzjoni u 37,5 % kienu affettwati finanzjarjament bil-bidu tal-investigazzjoni dwar id-dumping. |
|
(176) |
Il-Kummissjoni osservat li dan l-istħarriġ sar f'Mejju 2018. Dak iż-żmien, l-informazzjoni disponibbli fl-ilment u fir-Regolament dwar ir-reġistrazzjoni indikat dazju potenzjali ta' 189 %. |
|
(177) |
Madankollu, il-Kummissjoni nnutat li l-maġġoranza tal-importaturi mistħarrġa indikaw li huma jkomplu l-attività tagħhom f'każ li jiġu imposti dazji definittivi. Bl-istess mod, il-maġġoranza kienu sabu sors alternattiv ta' provvista jew komplew jimportaw mir-RPĊ. |
|
(178) |
Fil-premessa (238) tar-Regolament proviżorju, il-Kummissjoni kienet indikat li l-akbar importaturi setgħu jsibu sorsi oħra ta' roti elettriċi xierqa u/jew kellhom sorsi alternattivi potenzjali ta' forniment barra mir-RPĊ, inkluża l-industrija tal-Unjoni. Din is-sejba ġiet ikkorroborata mill-istħarriġ tas-CEIEB u ġiet ikkonfermata wkoll minn seduti ta' smigħ sussegwenti mas-CEIEB u ma' importaturi oħra. |
|
(179) |
Barra minn hekk, il-Kummissjoni osservat li sitt importaturi li jirrappreżentaw volum kbir ta' importazzjonijiet appoġġjaw l-impożizzjoni ta' miżuri, li jikkonferma l-kapaċità tal-importaturi li jadattaw l-attività tagħhom għall-impożizzjoni tal-miżuri. |
|
(180) |
Bħala riżultat, il-Kummissjoni għalhekk ikkonkludiet li l-impożizzjoni ta' miżuri tista' tħalli effett negattiv fuq l-importaturi ż-żgħar, iżda li l-impatt negattiv tal-impożizzjoni tad-dazji jittaffa bid-disponibbiltà ta' sorsi ta' roti xierqa fl-industrija tal-Unjoni, f'pajjiżi terzi oħra u fir-RPĊ bi prezzijiet ġusti. |
|
(181) |
Wara d-divulgazzjoni finali, is-CEIEB ikkoreġiet is-sottomissjoni inizjali tagħha u indikat li l-istħarriġ tagħha ma sarx mal-pubblikazzjoni tar-Regolament dwar ir-reġistrazzjoni iżda sar disponibbli online mit-22 ta' Ġunju 2018 u kien baqa' aċċessibbli online minn dik id-data 'l hawn. |
|
(182) |
Is-CEIEB sostniet ukoll li l-istħarriġ tagħha ma kkonfermax li l-maġġoranza tal-importaturi se tkompli n-negozju tagħha minkejja l-impożizzjoni ta' dazji, u rreferiet għall-informazzjoni ppreżentata waqt is-seduta li saret fit-5 ta' Ottubru 2018. Li CEIEB sostniet ukoll li hija qatt ma pprovdiet evidenza li turi li l-biċċa l-kbira minnhom kienet sabet b'suċċess ktajjen tal-provvista alternattivi mingħajr ebda impatt negattiv fuq in-negozji tagħhom. |
|
(183) |
Fuq il-bażi tal-istħarriġ ippreżentat mis-CEIEB, il-Kummissjoni osservat li 21 % ta' dawk li wieġbu indikaw li huma kienu se jwaqqfu l-attività tagħhom jekk kemm-il darba jiġu imposti dazji. Dan ifisser li l-maġġoranza ta' dawk li wieġbu kienet tal-fehma, f'dak iż-żmien, li dan ma kienx riżultat probabbli. Barra minn hekk, waqt is-seduta tal-5 ta' Ottubru 2018, is-CEIEB ppreżentat informazzjoni għan-nom ta' 15-il importatur, li minnhom, 4 iddikjaraw li ma jkomplux l-attività tagħhom jekk jiġu imposti miżuri definittivi. Dawn l-4 importaturi kienu jirrappreżentaw 8 % tal-fatturat totali tal-15-il importatur ippreżentat. Il-Kummissjoni tfakkar li kkampjunat 5 importaturi mhux relatati fuq il-bażi tal-akbar volum ta' importazzjonijiet fl-Unjoni. Fuq il-bażi ta' dak il-kampjun rappreżentattiv, il-Kummissjoni ġibdet il-konklużjonijiet tagħha fir-rigward tal-impatt tal-miżuri fuq l-importaturi. F'dan ir-rigward partikolari, l-ebda wieħed mill-importaturi fil-kampjun ma indika li huwa kien se jiġi kostrett li jwaqqaf l-attivitajiet tiegħu fil-każ ta' impożizzjoni ta' miżuri definittivi. |
|
(184) |
Bl-istess loġika, il-Kummissjoni kkonkludiet li jekk 33 % ta' dawk li wieġbu l-istħarriġ tas-CEIEB iddikjaraw li kienu waqqfu l-importazzjonijiet ta' roti elettriċi mir-RPĊ iżda kienu għadhom ma sabux soluzzjoni alternattiva, il-maġġoranza kompliet timporta mir-RPĊ jew kienet sabet sors alternattiv ta' provvista. Barra minn dan, matul is-seduta mas-CEIEB fil-5 ta' Ottubru 2018, 12-il importatur (li jirrappreżentaw 96 % tal-fatturat tal-15-il importatur ippreżentat) kienu diġà adattaw il-katina ta' provvista tagħhom jew kienu fil-proċess li jagħmlu dan. L-istess osservazzjoni tapplika għall-importaturi kkampjunati ivverifikati mill-Kummissjoni u preżumibbilment għall-importaturi li esprimew il-fehma tagħhom favur l-impożizzjoni ta' miżuri. |
|
(185) |
Għalhekk, il-Kummissjoni kkonfermat is-sejbiet tagħha fil-premessi minn (177) sa (179). |
|
(186) |
Is-CEIEB żiedet ukoll li l-Kummissjoni ma evalwatx b'mod adegwat id-diffikultà u l-ispejjeż involuti fl-adattament tal-katina ta' provvista ta' importaturi kkawżati mill-impożizzjoni ta' miżuri u ma kkunsidratx is-sitwazzjoni tal-importaturi ż-żgħar. |
|
(187) |
Il-Kummissjoni ma taqbilx ma' din il-pretensjoni u tirreferi għall-premessa (180) ta' dan ir-Regolament u l-premessa (242) tar-Regolament proviżorju fejn l-effett negattiv tal-impożizzjoni tal-miżuri fuq l-importaturi żgħar ġie ddikjarat b'mod ċar. Barra minn hekk, fil-premessa (243) tar-Regolament proviżorju, il-Kummissjoni kkonkludiet li l-impożizzjoni tal-miżuri ma kinitx fl-interess tal-importaturi. Il-Kummissjoni ssostni, madankollu, il-konstatazzjoni li dan l-impatt negattiv huwa mmitigat mill-possibilità ta' sors adattat ta' roti elettriċi mill-industrija tal-Unjoni, minn pajjiżi terzi oħra u mir-RPĊ bi prezzijiet ġusti mhux dannużi, u li dan mhuwiex akbar mill-effett pożittiv tal-miżuri fuq l-industrija tal-Unjoni. |
|
(188) |
Fin-nuqqas ta' kummenti oħrajn, il-Kummissjoni tikkonferma l-konklużjonijiet tagħha stabbiliti fil-premessa (243) tar-Regolament proviżorju. |
6.4. L-interess tal-utenti
|
(189) |
Is-CCCME, erba' produtturi esportaturi u żewġ importaturi ddikjaraw li l-impożizzjoni ta' miżuri tnaqqas l-għażla tal-konsumatur, iżżid il-prezzijiet u taħdem kontra politiki ambjentali mfassla biex jinkoraġġixxu l-użu ta' roti elettriċi. |
|
(190) |
Is-CCCME qajmet dubji dwar il-konklużjoni proviżorja tal-Kummissjoni li l-industrija tal-Unjoni hija attiva fis-segmenti kollha tas-suq u ddikjarat li ma kienet appoġġjata minn l-ebda evidenza mill-Kummissjoni. |
|
(191) |
Żewġ importaturi ddikjaraw li l-industrija tal-Unjoni ma kellhiex il-kapaċità ta' produzzjoni biex timla d-domanda u li ma kienx hemm ċertezza jekk sorsi alternattivi ta' provvista setgħux jimlew il-vojt. |
|
(192) |
Il-Kummissjoni fakkret li l-verifika tal-produtturi fil-kampjun ikkonfermat li l-industrija tal-Unjoni kienet attiva fis-segmenti kollha tas-suq, inklużi l-prodotti ta' livell baxx. |
|
(193) |
Barra minn hekk, kif mistqarr fil-premessa (249) tar-Regolament proviżorju, huwa mistenni li l-miżuri jamplifikaw u jiddiversifikaw il-provvista ta' roti elettriċi mill-Industrija tal-Unjoni u sorsi ta' provvista alternattivi billi jirrestawraw il-kompetizzjoni f'kundizzjonijiet ekwi filwaqt li jżommu l-provvista ta' importazzjonijiet mir-RPĊ bi prezzijiet ġusti. |
|
(194) |
Barra minn hekk, il-livell ta' użu tal-kapaċità tal-industrija tal-Unjoni, il-possibbiltà li faċilment tikkonverti linji eżistenti ta' produzzjoni għal roti tradizzjonali għal roti elettriċi, u l-ħeffa li biha l-industrija tal-Unjoni kienet kapaċi tespandi l-kapaċità tal-produzzjoni tagħha bejn l-2014 u l-2016 f'kuntest negattiv juru li għandha l-potenzjal, ir-riżorsi u l-ħiliet biex taġġusta għal nuqqasijiet potenzjali fil-provvista. |
|
(195) |
Il-Kummissjoni ttenni li l-impożizzjoni tal-miżuri fuq roti konvenzjonali ma naqqsitx l-għażla tal-konsumaturi, iżda żiedet id-diversità tal-fornituri u tal-pajjiżi ta' oriġini tagħhom. L-istess żvilupp tas-suq huwa mistenni fil-każ tar-roti elettriċi. |
|
(196) |
Fir-rigward tal-impatt tal-miżuri fuq il-prezzijiet, il-Kummissjoni tirreferi għall-premessi (250) u (251) tar-Regolament proviżorju u b'mod partikolari li l-interess tal-konsumatur ma setax jitnaqqas għall-impatt fuq il-prezzijiet li jirriżulta meta l-importazzjonijiet mir-RPĊ jiġu rrestawrati għal livelli mhux dannużi. |
|
(197) |
Għalhekk il-pretensjonijiet ma setgħux jintlaqgħu. |
|
(198) |
Fin-nuqqas ta' kummenti oħrajn, il-Kummissjoni kkonfermat il-konklużjonijiet tagħha stabbiliti fil-premessi minn (244) sa (252) tar-Regolament proviżorju. |
6.5. Interessi oħra
|
(199) |
Fin-nuqqas ta' kummenti oħrajn, il-Kummissjoni tikkonferma l-konklużjonijiet tagħha stabbiliti fil-premessa (253) tar-Regolament proviżorju. |
6.6. Konklużjoni dwar l-interessi tal-Unjoni
|
(200) |
Fil-qosor, l-ebda argument ippreżentat mill-partijiet interessati ma juri li hemm raġunijiet konvinċenti kontra l-impożizzjoni ta' miżuri fuq l-importazzjonijiet tal-prodott ikkonċernat mir-RPĊ. |
|
(201) |
Kull effett negattiv fuq l-importaturi mhux relatati ma jistax jiġi kkunsidrat sproporzjonat u hu mmitigat mid-disponibbiltà tas-sorsi alternattivi tal-provvista, kemm minn pajjiżi terzi kif ukoll mill-industrija tal-Unjoni. L-effetti pożittivi tal-miżuri anti-dumping fuq is-suq tal-Unjoni, b'mod partikolari fuq l-industrija tal-Unjoni, jegħlbu l-effett potenzjalment negattiv fuq il-gruppi ta' interess l-oħra. |
|
(202) |
Fin-nuqqas ta' kummenti oħrajn, il-Kummissjoni kkonfermat il-konklużjonijiet tagħha stabbiliti fil-premessi minn (254) sa (255) tar-Regolament proviżorju. |
7. MIŻURI ANTI-DUMPING DEFINITTIVI
|
(203) |
Fid-dawl tal-konklużjonijiet milħuqa fir-rigward tad-dumping, id-dannu, il-kawżalità u l-interess tal-Unjoni, jenħtieġ li jiġu imposti miżuri anti-dumping definittivi sabiex jiġi evitat li jiġi kkaġunat dannu ulterjuri lill-industrija tal-Unjoni mill-importazzjonijiet li huma l-oġġett ta' dumping tal-prodott ikkonċernat. |
7.1. Il-livell tal-eliminazzjoni tad-dannu
|
(204) |
Għall-fini ta' determinazzjoni tal-livell ta' dawn il-miżuri, ittieħdu f'kunsiderazzjoni l-marġnijiet tad-dumping misjuba u l-ammont ta' dazju neċessarju biex jiġi eliminat id-dannu mġarrab mill-produtturi tal-Unjoni, bla ma jinqabżu l-marġnijiet tad-dumping misjuba. |
|
(205) |
Wara l-impożizzjoni tal-miżuri proviżorji, produttur esportatur sostna li l-metodoloġija tal-Kummissjoni biex tikkalkula l-prezz mhux dannuż tal-produtturi tal-Unjoni kienet żbaljata. Huwa ddikjara li billi jitnaqqas il-profitt medju matul il-PI u jiżdied il-profitt fil-mira, il-Kummissjoni injorat il-livelli differenti ta' profitti miksuba mill-produtturi tal-Unjoni għal mudelli differenti. Din il-parti interessata ddikjarat li l-prezz mhux dannuż għandu jiġi kkalkulat billi mill-prezzijiet attwali jitnaqqas il-profitt medju għal kull PCN qabel ma jiżdied il-profitt fil-mira. |
|
(206) |
Il-Kummissjoni tfakkar li r-Regolament bażiku ma jipprovdi l-ebda metodoloġija speċifika biex jiġi kkalkulat il-livell tal-eliminazzjoni tad-dannu. Barra minn hekk, id-determinazzjoni tal-Kummissjoni tikkonċerna l-prodott simili mibjugħ mill-industrija tal-Unjoni. F'dan ir-rigward, huwa perfettament aċċettabbli li jitneħħa l-profitt medju tal-industrija tal-Unjoni mill-prezzijiet tal-bejgħ medji tagħha biex tiġi ddeterminata l-ispiża medja tal-produzzjoni tal-prodott simili u mbagħad jiżdied il-profitt fil-mira biex jiġi kkalkulat il-livell tal-eliminazzjoni tad-dannu. Il-Kummissjoni użat din il-metodoloġija b'mod konsistenti fil-passat u għandha diskrezzjoni sinifikanti meta twettaq din il-valutazzjoni. |
|
(207) |
F'din l-investigazzjoni, id-dannu huwa vvalutat għat-tipi ta' prodotti kollha kemm huma. Tabilħaqq, l-indikaturi kollha ta' dannu inklużi l-profittabbiltà u l-profitt fil-mira huma espressi bħala medja għat-tipi kollha tal-prodott tal-prodott ikkonċernat. Meta jiġi stabbilit il-prezz mhux dannuż, dan isir bl-għan li jitneħħa d-dannu mill-industrija tal-Unjoni kkawżat mill-importazzjonijiet li huma l-oġġett ta' dumping kollha kemm huma. Sabiex jitneħħa dan id-dannu, huwa biżżejjed jekk il-prezz mhux dannuż jiġi stabbilit billi jiżdied b'mod uniformi l-prezz tal-bejgħ tat-tipi kollha tal-prodotti bid-differenza bejn il-profitt attwali matul il-perjodu ta' investigazzjoni u l-profitt fil-mira, u b'hekk l-industrija tal-Unjoni tkun tista' tikseb il-profitt fil-mira. Mhuwiex meħtieġ li tiġi vvalutata b'mod individwali s-sitwazzjoni tal-profittabbiltà għal kull tip ta' prodott individwali. |
|
(208) |
Għaldaqstant, l-argument ġie rifjutat. |
|
(209) |
L-ilmentatur ma qabilx mal-profitt fil-mira użat mill-Kummissjoni biex tikkalkula l-prezz mhux dannuż. Huwa saħaq li l-profitt fil-mira ma għandux ikun il-profitt medju mill-industrija tal-Unjoni iżda l-profitt medju mill-kumpaniji li ma kinux milquta mid-dannu tal-importazzjonijiet Ċiniżi fl-2015. L-ilmentatur argumenta li minħabba li l-profitt fil-mira huwa l-profitt raġonevoli li l-produtturi tal-Unjoni setgħu jiksbu fin-nuqqas ta' dannu kkawżat minn importazzjonijiet li huma l-oġġett ta' dumping jew sussidjati, il-Kummissjoni ma setgħetx, b'definizzjoni, tieħu bħala l-punt ta' referenza l-profittabbiltà tal-produtturi tal-Unjoni li diġà huma materjalment milquta mid-dannu tal-importazzjonijiet li huma l-oġġett ta' dumping jew sussidjati. Bħala alternattiva, l-ilmentatur sostna li l-profitt fil-mira jista' jiġi ddeterminat b'referenza għall-profitt fil-mira tar-roti tradizzjonali (8 %) aġġustat 'il fuq b'1,5 % biex jirrifletti teknoloġija addizzjonali, valur miżjud ogħla u rekwiżiti addizzjonali ta' investiment. |
|
(210) |
Il-Kummissjoni tfakkar li l-profitt fil-mira huwa l-profitt li l-industrija tal-Unjoni kollha kemm hi tista' tikseb fin-nuqqas ta' dumping dannuż. Bħala konsegwenza, ma jistax jiġi stabbilit fuq il-bażi tal-profitt miksub minn numru magħżul ta' produtturi tal-Unjoni. Għaldaqstant, l-argument kellu jiġi rifjutat. F'dak li għandu x'jaqsam mal-affermazzjoni alternattiva (il-profitt fil-mira użat fl-investigazzjoni dwar ir-roti tradizzjonali aġġustat 'il fuq), il-Kummissjoni tfakkar li kull investigazzjoni titwettaq abbażi tal-fatti speċifiċi tal-każ dwar il-prodott ikkonċernat u mhux fuq fatti stabbiliti fl-investigazzjonijiet li jikkonċernaw prodotti oħra. F'dan il-każ partikolari, il-Kummissjoni kkonfermat li l-profitt fil-mira użat kien xieraq u li ma kien hemm l-ebda raġuni biex din tirrikorri għal profitt fil-mira ta' prodott ieħor. Għalhekk, l-affermazzjoni ma setgħetx tintlaqa'. |
|
(211) |
Wara d-divulgazzjoni finali, l-ilmentatur tenna l-affermazzjonijiet tiegħu u sostna li, f'kawżi oħra, il-Kummissjoni ma mxietx mal-metodoloġija standard tagħha biex jiġi stabbilit il-profitt fil-mira b'referenza għaċ-ċirkostanzi rilevanti. Kif diġà deskritt fil-premessa (210), il-Kummissjoni tfakkar li kull każ jiġi vvalutat fuq il-bażi tal-fatti speċifiċi tagħha. F'dan il-każ partikolari, il-Kummissjoni kkonkludiet li ma kien hemm l-ebda ċirkustanza partikolari li tiġġustifika l-użu ta' profitt miksub minn ċerti produtturi biss, kif mitlub mill-ilmentatur. Għaldaqstant, din l-affermazzjoni ma ntlaqgħetx. |
|
(212) |
Fl-aħħar nett, il-Kummissjoni tinnota li, kif spjegat fil-premessi minn (59) sa (63), hija ħadet inkunsiderazzjoni ċerti spejjeż imġarrba mill-produtturi tal-Unjoni fil-kampjun biex jaġġustaw il-prezz mhux ta' dannu tal-industrija tal-Unjoni. Il-livell ta' eliminazzjoni ta' dannu ġie aġġustat kif xieraq, li wassal għal tnaqqis ta' 3 % - 5 % tal-marġni ta' dannu. Kif deskritt fil-premessa (72), l-imsemmi aġġustament kien suġġett għal pretensjoni minn Giant wara d-divulgazzjoni finali. Din il-pretensjoni ġiet aċċettata u t-tnaqqis li jirriżulta mill-marġni ta' twaqqigħ kien żvelat mingħajr l-ebda kumment ulterjuri. |
|
(213) |
B'kunsiderazzjoni għall-aġġustament magħmul taħt il-premessa (212) u fin-nuqqas ta' kummenti oħra dwar il-livell tal-eliminazzjoni tad-dannu, ġiet ikkonfermata l-metodoloġija deskritta fil-premessi minn (257) sa (262) tar-Regolament proviżorju. |
7.2. Offerta ta' impenn fuq il-prezz
|
(214) |
Wara d-divulgazzjoni tal-informazzjoni produttur esportatur Ċiniż wieħed, Wettsen Corporation, ippreżenta offerta ta' impenn fuq il-prezz. |
|
(215) |
Wettsen Corporation ma kinitx inkluża fil-kampjun, u minkejja li kienet talbet eżami individwali, din it-talba flimkien ma' kull talba oħra għal eżami individwali ma ntlaqgħux. |
|
(216) |
L-offerta ta' impenn fuq il-prezz ma ntlaqgħetx għal għadd ta' raġunijiet, li ġew ikkomunikati lil Wettsen Corporation f'ittra separata. Ir-raġunijiet kienu kif ġej:
|
7.3. Miżuri definittivi għar-RPĊ
|
(217) |
Fid-dawl tal-konklużjonijiet milħuqa rigward id-dumping, id-dannu, il-kawżalità u l-interessi tal-Unjoni, u f'konformità mal-Artikolu 9(4) tar-Regolament bażiku, jenħtieġ li jiġu imposti miżuri anti-dumping definittivi fuq l-importazzjonijiet tal-prodott ikkonċernat fil-livell tal-marġni l-aktar baxx tad-dumping u tad-dannu misjuba, skont ir-regola tal-inqas dazju. F'dan il-każ, ħlief għal produttur esportatur wieħed, ir-rata tad-dazju jenħtieġ għalhekk li tiġi stabbilita fil-livell tal-marġnijiet ta' dannu misjuba. |
|
(218) |
Huwa osservat li saret investigazzjoni antisussidji b'mod parallel mal-investigazzjoni anti-dumping. Skont l-Artikolu 24(1) tar-Regolament (UE) 2016/1037 tal-Parlament Ewropew u tal-Kunsill dwar il-protezzjoni kontra importazzjonijiet sussidjati minn pajjiżi li mhumiex membri tal-Unjoni Ewropea (12), fid-dawl tal-użu tar-regola tal-inqas dazju u l-fatt li r-rati tas-sussidju definittivi huma inqas mil-livell ta' eliminazzjoni tad-dannu, huwa xieraq li jiġi impost dazju kompensatorju definittiv fil-livell tar-rati ta' sussidju definittivi stabbiliti u mbagħad jiġi impost dazju anti-dumping definittiv sal-livell rilevanti tal-eliminazzjoni tad-dannu. |
|
(219) |
Fil-każ ta' Yadea Technology Group Co., Ltd (“Yadea”), kien stabbilit marġni ta' dannu speċifiku għall-kumpanija (13) fl-investigazzjoni antisussidji parallela fuq il-bażi tal-informazzjoni pprovduta minn Yadea. Il-Kummissjoni għaldaqstant qieset li huwa xieraq li tuża l-marġni ta' dannu speċifiku għall-kumpanija ta' Yadea minflok il-marġni ta' dannu għall-kumpaniji li kkooperaw fl-investigazzjoni anti-dumping meta jitqies l-effett ikkombinat tad-dazji anti-dumping u kompensatorji. |
|
(220) |
Barra minn hekk, fil-każ ta' Yadea, il-produttur esportatur b'marġni ta' dumping aktar baxx mil-livell tal-eliminazzjoni tad-dannu, id-dazju kompensatorju definittiv ġie stabbilit fil-livell tar-rata definittiva ta' sussidju stabbilita u ġie impost dazju anti-dumping definittiv fil-livell tal-marġni ta' dumping rilevanti mnaqqas bl-ammont tad-dazju kompensatorju. Dan it-tnaqqis kien meħtieġ minħabba li f'sitwazzjoni fejn il-valur normali huwa stabbilit fuq il-bażi tal-Artikolu 2(7)(a) tar-Regolament bażiku, l-impożizzjoni ta' dazju akkumulat li jirrifletti l-livell ta' sussidjar u l-livell sħiħ ta' dumping tista' tirriżulta biex tpaċi l-effetti tas-sussidjar darbtejn (“għadd doppju”). Skont l-Artikolu 18 tar-Regolament bażiku, il-kumpaniji li ma kkooperawx fl-investigazzjoni anti-dumping (għalkemm ikkooperaw fl-investigazzjoni parallela antisussidji), huma soġġetti għall-marġni ta' dumping u l-marġni ta' dannu residwi. |
|
(221) |
Wara d-divulgazzjoni finali, l-aċċettazzjoni ta' pretensjoni minn Giant deskritta fil-premessi (72) u (212) kif ukoll bidla tad-dazji kumpensatorji fl-investigazzjoni parallela antisussidji wasslu għal bidla fid-dazji ta' anti-dumping. Din il-bidla ġiet żvelata lil partijiet interessati u ma kinitx suġġetta għal xi kummenti ulterjuri fil-qafas tal-investigazzjoni anti-dumping. |
|
(222) |
Għalhekk, ir-rati li bihom se jiġi impost id-dazju anti-dumping definittiv huma stabbiliti fit-Tabella 6 kif ġej: Tabella 6 Miżuri definittivi
|
|
(223) |
Ir-rati tad-dazju anti-dumping ta' kumpaniji individwali speċifikati f'dan ir-Regolament ġew stabbiliti abbażi tal-konklużjonijiet ta' din l-investigazzjoni. Għalhekk, dawn jirriflettu s-sitwazzjoni li nstabet matul dik l-investigazzjoni fir-rigward ta' dawk il-kumpaniji. Dawn ir-rati ta' dazju (għall-kuntrarju tad-dazju applikabbli fil-pajjiż kollu għall-“kumpaniji l-oħra kollha”) huma għalhekk applikabbli esklużivament għal importazzjonijiet tal-prodott ikkonċernat li joriġina mir-RPĊ u li ġie prodott minn dawn il-kumpaniji u għalhekk mill-entitajiet ġuridiċi speċifiċi msemmija. Il-prodotti importati kkonċernati mmanifatturati minn xi kumpanija oħra mhux imsemmija speċifikament fil-parti operattiva ta' dan ir-Regolament, bl-isem u bl-indirizz tagħha, inklużi l-entitajiet relatati ma' dawk imsemmija speċifikament, ma jistgħux jibbenifikaw minn dawn ir-rati u għandhom ikunu soġġetti għar-rata ta' dazju applikabbli għall-“kumpaniji l-oħra kollha”. |
|
(224) |
Jenħtieġ li kull pretensjoni li titlob l-applikazzjoni ta' dawn ir-rati ta' dazju anti-dumping tal-kumpaniji individwali (pereżempju wara bidla fl-isem tal-entità jew wara t-twaqqif ta' entitajiet ġodda tal-produzzjoni jew tal-bejgħ) tiġi indirizzata lill-Kummissjoni (15) flimkien mal-informazzjoni kollha rilevanti, b'mod partikolari kull tibdil fl-attivitajiet tal-kumpanija marbuta mal-produzzjoni, mal-bejgħ domestiku u esportat, assoċjat pereżempju ma' dik il-bidla fl-isem jew dik il-bidla fl-entità tal-produzzjoni jew tal-bejgħ. Jekk xieraq, dan ir-Regolament jiġi għaldaqstant emendat billi tiġi aġġornata l-lista ta' kumpaniji li jibbenefikaw minn rati individwali ta' dazju anti-dumping. |
|
(225) |
F'każijiet fejn id-dazju kompensatorju ġie mnaqqas mid-dazju anti-dumping sabiex jiġi evitat għadd doppju, il-ġbir tad-dazju kompensatorju għandu l-għan li jpaċi kemm l-effetti tas-sussidju kompensatorju kif ukoll il-marġni ta' dumping (sal-livell tar-rata ta' sussidju). Bħala konsegwenza, ir-rifużjoni tad-dazju mħallas tista' tingħata biss jekk jintwera li tali dazju jeċċedi r-rata ta' sussidju attwali u l-marġni ta' dumping korrispondenti. Għalhekk, jenħtieġ li l-investigazzjonijiet ta' rifużjoni skont l-Artikolu 21 tar-Regolament (UE) 2016/1037 jikkunsidraw ukoll is-sitwazzjoni partikolari tal-produttur esportatur fir-rigward tal-marġni reali tad-dumping prevalenti matul il-perjodu ta' investigazzjoni ta' rimbors. |
|
(226) |
Jekk l-esportazzjonijiet minn waħda mill-kumpaniji li jibbenefikaw mir-rati tad-dazju anti-dumping individwali aktar baxxi jiżdiedu b'mod sinifikanti fil-volum wara l-impożizzjoni tal-miżuri kkonċernati, it-tali żieda fil-volum tista' titqies li tikkostitwixxi fiha nfisha bidla fil-mudell tan-negozju minħabba l-impożizzjoni ta' miżuri skont it-tifsira tal-Artikolu 13(1) tar-Regolament bażiku. Fit-tali ċirkustanzi u diment li jiġu ssodisfati l-kundizzjonijiet, tista' tinbeda investigazzjoni kontra ċ-ċirkumvenzjoni. Din l-investigazzjoni tista', fost l-oħrajn, teżamina l-ћtieġa għat-tneћћija tar-rati tad-dazju individwali u għall-impożizzjoni konsegwenti ta' dazju għall-pajjiż kollu. |
|
(227) |
Biex jiġu mminimizzati kemm jista' jkun ir-riskji ta' ċirkomvenzjoni minħabba d-differenza kbira fir-rati ta' dazju, jenħtieġu miżuri speċjali biex tkun żgurata l-applikazzjoni tad-dazji anti-dumping individwali. Il-kumpaniji b'dazji anti-dumping individwali jridu jippreżentaw fattura kummerċjali valida lill-awtoritajiet doganali tal-Istati Membri. Il-fattura trid tkun konformi mar-rekwiżiti stipulati fl-Artikolu 1(3) ta' dan ir-Regolament. L-importazzjonijiet li ma jkunux akkumpanjati minn din il-fattura jkunu soġġetti għad-dazju anti-dumping applikabbli għall-“kumpaniji l-oħra kollha”. |
|
(228) |
Sabiex jiġi żgurat infurzar xieraq tad-dazju anti-dumping, ir-rata ta' dazju tal-“kumpaniji l-oħra kollha” jenħtieġ li ma tapplikax biss għall-produtturi esportaturi li ma kkooperawx iżda anki għal dawk il-produtturi li ma kellhomx esportazzjonijiet lejn l-Unjoni matul il-perjodu ta' investigazzjoni sakemm dawn tal-aħħar ma jikkonformawx mal-kundizzjonijiet stabbiliti fl-Artikolu 3. |
|
(229) |
Sabiex jiġi żgurat trattament indaqs bejn kwalunkwe esportatur ġdid u l-kumpaniji li jikkooperaw mhux inklużi fil-kampjun, imsemmija fl-Anness I u l-Anness II ta' dan ir-Regolament, jenħtieġ li jiġi previst li d-dazju medju ponderat impost fuq il-kumpaniji msemmija l-aħħar jiġi applikat fuq kwalunkwe esportatur ġdid li f'każ ieħor ikun intitolat għal analiżi skont l-Artikolu 11(4) tar-Regolament bażiku. |
|
(230) |
Fid-dawl tal-ġurisprudenza riċenti tal-Qorti tal-Ġustizzja (16), huwa xieraq li tiġi stabbilita r-rata tal-imgħax ta' inadempjenza li jrid jitħallas f'każ ta' rimborż ta' dazji definittivi, billi d-dispożizzjonijiet rilevanti fis-seħħ li jikkonċernaw id-dazji doganali ma jipprevedux din ir-rata tal-imgħax, u l-applikazzjoni tar-regoli nazzjonali twassal għal distorsjonijiet bla bżonn bejn l-operaturi ekonomiċi skont liema Stat Membru jintgħażel għall-iżdoganar tal-merkanzija. |
7.4. Retroattività
|
(231) |
Kif speċifikat fil-premessa (5), fit-3 ta' Mejju 2018 il-Kummissjoni għamlet l-importazzjonijiet tal-prodott ikkonċernat li joriġina mir-RPĊ soġġetti għar-reġistrazzjoni abbażi ta' rikjesta min-naħa tal-industrija tal-Unjoni. Dik ir-rikjesta, minn dak iż-żmien ġiet irtirata u għalhekk il-kwistjoni ma komplitx tiġi eżaminata. |
7.5. Ġbir definittiv tad-dazju proviżorju
|
(232) |
Fid-dawl tal-marġnijiet tad-dumping li nstabu u minħabba l-livell ta' dannu kkawżat lill-industrija tal-Unjoni, l-ammonti garantiti permezz tad-dazju anti-dumping proviżorju impost bir-Regolament proviżorju għandhom jinġabru b'mod definittiv. |
|
(233) |
Ir-rati definittivi ta' dazju huma anqas mir-rati proviżorji ta' dazju. Għalhekk, l-ammonti miġbura li jeċċedu r-rata definittiva ta' dazju anti-dumping jenħtieġ li jiġu rilaxxati. |
|
(234) |
Il-miżuri previsti f'dan ir-Regolament huma skont l-opinjoni tal-Kumitat stabbilit bl-Artikolu 15(1) tar-Regolament bażiku. |
ADOTTAT DAN IR-REGOLAMENT:
Artikolu 1
1. Qed jiġi impost dazju anti-dumping definittiv fuq l-importazzjonijiet ta' roti, b'assistenza ta' pedali, b'mutur elettriku awżiljarju, li joriġinaw fir-Repubblika tal-Poplu taċ-Ċina. Il-prodott ikkonċernat bħalissa jaqa' taħt il-kodiċijiet NM 8711 60 10 u ex 8711 60 90 (kodiċi TARIC 8711609010).
2. Ir-rata tad-dazju anti-dumping definittiv applikabbli għall-prezz nett, ħieles fil-fruntiera tal-Unjoni, qabel id-dazju, tal-prodotti deskritti fil-paragrafu 1 u mmanifatturati mill-kumpaniji elenkati hawn taħt għandha tkun kif ġej:
|
Pajjiż |
Kumpanija |
Dazju anti-dumping definittiv |
Kodiċi TARIC addizzjonali |
|
Ir-Repubblika tal-Poplu taċ-Ċina |
Bodo Vehicle Group Co., Ltd. |
58,3 % |
C382 |
|
|
Giant Electric Vehicle (Kunshan) Co., Ltd; |
20,7 % |
C383 |
|
|
Jinhua Vision Industry Co., Ltd u Yongkang Hulong Electric Vehicle Co., Ltd. |
10,3 % |
C384 |
|
|
Suzhou Rununion Motivity Co., Ltd. |
62,1 % |
C385 |
|
|
Yadea Technology Group Co., Ltd. |
37,4 % |
C463 |
|
|
Kumpaniji oħra li kkooperaw fl-investigazzjoni anti-dumping (bl-eċċezzjoni tal-kumpaniji soġġetti għar-rata tad-dazju kompensatorja parallela għall-kumpaniji l-oħra kollha li għalihom japplika r-Regolament ta' Implimentazzjoni (UE) 2019/72) (Anness I) |
24,2 % |
|
|
|
Kumpaniji oħra li kkooperaw fl-investigazzjoni anti-dumping, soġġetti għar-rata tad-dazju kompensatorja parallela għall-kumpaniji l-oħra kollha li għalihom japplika r-Regolament ta' Implimentazzjoni (UE) 2019/72 (Anness II) |
16,2 % |
|
|
|
Kumpaniji li ma kkooperawx fl-investigazzjoni anti-dumping, iżda li kkooperaw fl-investigazzjoni antisussidji parallela u elenkati fl-Anness I tar-Regolament ta' Implimentazzjoni (UE) 2019/72 (Anness III) |
70,1 % |
|
|
|
Il-kumpaniji l-oħra kollha |
62,1 % |
C999 |
3. L-applikazzjoni tar-rati individwali tad-dazju anti-dumping speċifikati gћall-kumpaniji msemmija fil-paragrafu 2 isseћћ bil-kundizzjoni li tkun ippreżentata fattura kummerċjali valida lill-awtoritajiet doganali tal-Istati Membri, li fiha tidher dikjarazzjoni ddatata u ffirmata minn uffiċjal tal-entità li toħroġ din il-fattura, identifikat minn ismu/isimha u l-funzjoni tiegħu/tagħha, abbozzata kif ġej: “Jien, is-sottoskritt, niċċertifika li l-(volum) ta' roti elettriċi mibjugħa għall-esportazzjoni lejn l-Unjoni Ewropea koperti minn din il-fattura ġie mmanifatturat minn (isem u indirizz tal-kumpanija) (kodiċi addizzjonali TARIC) fir-Repubblika tal-Poplu taċ-Ċina. Niddikjara li l-informazzjoni mogħtija f'din il-fattura hija sħiħa u korretta.” Jekk din il-fattura ma tiġix ippreżentata, għandha tapplika r-rata ta' dazju applikabbli għall-“kumpaniji l-oħrajn kollha”.
4. Sakemm mhux speċifikat mod ieħor, japplikaw id-dispożizzjonijiet fis-seħħ dwar id-dazji doganali. L-imgħax ta' inadempjenza li għandu jitħallas f'każ ta' rimborż li jwassal għal dritt ta' ħlas ta' imgħax ta' inadempjenza għandu jkun ir-rata applikata mill-Bank Ċentrali Ewropew għall-operazzjonijiet prinċipali ta' rifinanzjament tiegħu, kif ippubblikata fis-serje C ta' Il-Ġurnal Uffiċjali tal-Unjoni Ewropea, fis-seħħ fl-ewwel jum kalendarju tax-xahar li fih taħbat id-data tal-iskadenza, miżjuda b'punt perċentwali wieħed.
5. F'każijiet fejn id-dazju kompensatorju ġie mnaqqas mid-dazju anti-dumping għal ċerti produtturi esportaturi, ir-rikjesti għar-rifużjonijiet skont l-Artikolu 21 tar-Regolament (UE) 2016/1037 għandhom ukoll iwasslu għall-valutazzjoni tal-marġni ta' dumping għal dak il-produttur esportatur prevalenti waqt il-perjodu ta' investigazzjoni tar-rifużjoni.
6. Fejn kwalunkwe produttur esportatur ġdid fir-Repubblika tal-Poplu taċ-Ċina jipprovdi evidenza suffiċjenti lill-Kummissjoni, il-paragrafu 2 jista' jiġi emendat billi jiżdied il-produttur esportatur ġdid fl-anness xieraq mal-kumpaniji li kkooperaw mhux inklużi fil-kampjun u għalhekk soġġetti għall-medja ponderata xierqa tar-rata tad-dazju anti-dumping. Produttur esportatur ġdid għandu jipprovdi evidenza li:
|
— |
ma esportax lill-Unjoni l-prodott deskritt fil-paragrafu 1 matul il-perjodu ta' investigazzjoni bejn l-1 ta' Ottubru 2016 u t-30 ta' Settembru 2017, |
|
— |
ma huwa relatat mal-ebda wieħed mill-esportaturi jew produtturi fir-Repubblika tal-Poplu taċ-Ċina soġġetti għall-miżuri imposti minn dan ir-Regolament, kif ukoll |
|
— |
ikun effettivament esporta lejn l-Unjoni l-prodott ikkonċernat wara l-perjodu tal-investigazzjoni li fuqu huma bbażati l-miżuri, jew li jkun daħal f'obbligu kuntrattwali irrevokabbli sabiex jesporta kwantità sinifikanti lejn l-Unjoni. |
Artikolu 2
L-ammonti ggarantiti bid-dazju anti-dumping proviżorju skont ir-Regolament ta' Implimentazzjoni tal-Kummissjoni (UE) 2018/1012 għandhom jinġabru b'mod definittiv. L-ammonti garantiti ogħla mir-rati definittivi tad-dazju tal-anti-dumping se jiġu rilaxxati.
Artikolu 3
Ir-reġistrazzjoni ta' importazzjonijiet li tirriżulta mir-Regolament ta' Implimentazzjoni (UE) 2018/671 li jagħmel importazzjonijiet ta' roti elettriċi li joriġinaw fir-Repubblika tal-Poplu taċ-Ċina soġġetti għar-reġistrazzjoni ma għandhiex titkompla. L-ebda dazju anti-dumping definittiv mhu se jiġi impost b'mod retroattiv għall-importazzjonijiet irreġistrati.
Artikolu 4
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-17 ta' Jannar 2019.
Għall-Kummissjoni
Il-President
Jean-Claude JUNCKER
(1) ĠU L 176, 30.6.2016, p. 21.
(2) Notifika ta' bidu ta' proċediment anti-dumping rigward l-importazzjonijiet ta' roti elettriċi li joriġinaw fir-Repubblika tal-Poplu taċ-Ċina, ĠU C 353, 20.10.2017, p. 19.
(3) Notifika ta' bidu ta' proċediment antisussidji rigward l-importazzjonijiet ta' roti elettriċi li joriġinaw fir-Repubblika Popolari taċ-Ċina, ĠU C 440, 21.12.2017, p. 22.
(4) Ir-Regolament ta' Implimentazzjoni tal-Kummissjoni (UE) 2018/671 tat-2 ta' Mejju 2018 li jagħmel importazzjonijiet ta' roti elettriċi li joriġinaw fir-Repubblika tal-Poplu taċ-Ċina soġġetti għar-reġistrazzjoni (ĠU L 113, 3.5.2018, p. 4).
(5) Ir-Regolament ta' Implimentazzjoni tal-Kummissjoni (UE) 2018/1012 tas-17 ta' Lulju 2018 li jimponi dazju anti-dumping proviżorju fuq l-importazzjonijiet ta' roti elettriċi li joriġinaw fir-Repubblika tal-Poplu taċ-Ċina u li jemenda r-Regolament ta' Implimentazzjoni (UE) 2018/671, ĠU L 181, 18.7.2018, p.7.
(6) Il-Kawża C-337/09 P, Il-Kunsill v Zhejiang Xinan Chemical Industrial Group, EU:C:2012:471, il-paragrafi 66 u 73. Ara wkoll il-Kawża C-26/96, Rotexchemie v. Hauptzollamt Hamburg-Waltershof, EU:C:1997:261, il-paragrafu 9 u l-Kawża C-338/10, GLS v. Hauptzollamt Hamburg-Stadt, EU:C:2012:158, il-para. 20.
(7) Il-Kawża C-337/09 P, il-Kunsill v Zhejiang Xinan Chemical Industrial Group Co. Ltd, EU:C:2012:471, il-paragrafu 90: “ F'dan ir-rigward, għandu jiġi nnotat li l-benefiċċju ta' TES jista' jingħata biss lil operatur jekk l-ispejjeż li huwa suġġett għalihom u l-prezzijiet li huwa jistabbilixxi jkunu r-riżultat tal-effetti ħielsa tal-offerta u tad-domanda. Dan ma jkunx il-każ jekk, pereżempju, l-Istat jinterferixxi direttament fuq il-prezz ta' ċerti materji primi jew il-prezz tax-xogħol tal-id. ”
(8) Ir-Regolament (UE) Nru 168/2013 tal-Parlament Ewropew u tal-Kunsill tal-15 ta' Jannar 2013 dwar l-approvazzjoni u s-sorveljanza tas-suq ta' vetturi b'żewġ jew tliet roti u kwadriċikli. Test b'rilevanza għaż-ŻEE (ĠU L 60, 2.3.2013, p. 52).
(9) Ara l-Kawża T-394/13 Photo USA Electronic Graphic vs il-Kunsill ECLI:EU:T:2014:964.
(10) Ir-Regolament ta' Implimentazzjoni tal-Kummissjoni (UE) 2018/140 tad-29 ta' Jannar 2018 li jimponi dazju anti-dumping definittiv u li jiġbor b'mod definittiv id-dazju proviżorju impost fuq l-importazzjonijiet ta' ċerti oġġetti tal-ħadid fondut li joriġinaw fir-Repubblika tal-Poplu taċ-Ċina u li jtemm l-investigazzjoni fuq l-importazzjonijiet ta' ċerti oġġetti tal-ħadid fondut li joriġinaw fl-Indja, ĠU L 25, 30.1.2018, p. 6.
(11) Ir-Regolament tal-Kunsill (KE) Nru 1472/2006 tal-5 ta' Ottubru 2006 jimponi dazju anti-dumping definittiv u li jiġbor b'mod definittiv id-dazju proviżorju impost fuq l-importazzjoni ta' ċerti tipi ta' lbies għar-riġlejn bil-parti ta' fuq tal-ġilda li joriġinaw fir-Repubblika Popolari taċ-Ċina u l-Vjetnam (ĠU L 275, 6.10.2006, p. 1).
(12) ĠU L 176, 30.6.2016, p. 55.
(13) Il-kumpanija ma ssottomettiet ebda informazzjoni speċifika għall-kumpaniji għall-kalkolu ta' marġni ta' dumping individwali.
(14) ĠU L 16, 18.1.2019, p. 98.
(15) Il-Kummissjoni Ewropea, id-Direttorat Ġenerali għall-Kummerċ, id-Direttorat H, 1049 Brussell, il-Belġju.
(16) Is-Sentenza f'Wortmann, C-365/15, EU:C:2017:19, il-paragrafi minn 35sa 39.
ANNESS I
|
Isem il-Kumpanija |
Provinċja |
Kodiċi TARIC addizzjonali |
|
Acetrikes Bicycles (Taicang) Co., Ltd. |
Jiangsu |
C386 |
|
Active Cycles Co., Ltd. |
Jiangsu |
C387 |
|
Aigeni Technology Co., Ltd. |
Jiangsu |
C388 |
|
Alco Electronics (Dongguan) Limited |
Guangdong |
C390 |
|
Changzhou Airwheel Technology Co., Ltd. |
Jiangsu |
C392 |
|
Changzhou Bisek Cycle Co., Ltd. |
Jiangsu |
C393 |
|
Changzhou Rich Vehicle Technology Co., Ltd. |
Jiangsu |
C395 |
|
Changzhou Sobowo Vehicle Co., Ltd. |
Jiangsu |
C397 |
|
Changzhou Steamoon Intelligent Technology Co., Ltd. |
Jiangsu |
C398 |
|
Cycleman E-Vehicle Co., Ltd. |
Jiangsu |
C400 |
|
Dongguan Benling Vehicle Technology Co., Ltd. |
Guangdong |
C401 |
|
Dongguan Honglin Industrial Co., Ltd u Melton Industrial (Dong Guan) Co., Ltd |
Guangdong |
C402 |
|
Foshan Lano Bike Co., Ltd. |
Guangdong |
C405 |
|
Foshan Zenith Sports Co., Ltd. |
Guangdong |
C406 |
|
Guangzhou Symbol Bicycle Co., Ltd. |
Guangdong |
C410 |
|
Hangzhou Fanzhou Technology Co., Ltd. |
Zhejiang |
C411 |
|
Jiangsu Imi Electric Vehicle Technology Co., Ltd. |
Jiangsu |
C415 |
|
Jiangsu Lvneng Electrical Bicycle Technology Co., Ltd. |
Jiangsu |
C416 |
|
Jiangsu Stareyes Bicycle Industrial Co., Ltd. |
Jiangsu |
C417 |
|
Jiaxing Onway Ev Tech Co., Ltd. |
Zhejiang |
C418 |
|
Jinhua Enjoycare Motive Technology Co., Ltd. |
Zhejiang |
C419 |
|
Jinhua Feirui Vehicle Co., Ltd. |
Zhejiang |
C420 |
|
Jinhua Jobo Technology Co., Ltd. |
Zhejiang |
C421 |
|
Jinhua Suntide Vehicle Co., Ltd. |
Zhejiang |
C422 |
|
Jinhua Zodin E-Vehicle Co., Ltd. |
Zhejiang |
C424 |
|
Kenstone Metal (Kunshan) Co., Ltd. |
Jiangsu |
C425 |
|
Komda Industrial (Dongguan) Co., Ltd. |
Guangdong |
C426 |
|
Kunshan Sevenone Cycle Co., Ltd. |
Jiangsu |
C427 |
|
Nantong Tianyuan Automatic Vehicle Co., Ltd. |
Jiangsu |
C429 |
|
Ningbo Bestar Co., Ltd. |
Zhejiang |
C430 |
|
Ningbo Lvkang Vehicle Co., Ltd. |
Zhejiang |
C431 |
|
Ningbo Nanyang Vehicle Co., Ltd. |
Zhejiang |
C432 |
|
Ningbo Oner Bike Co., Ltd. |
Zhejiang |
C433 |
|
Ningbo Roadsan New Energy Technology Co., Ltd. |
Zhejiang |
C435 |
|
Ningbo Zixin Bicycle Industry Co., Ltd. |
Zhejiang |
C437 |
|
Pronordic E-Bikes Limited Company |
Jiangsu |
C438 |
|
Shenzhen Shenling Car Co., Ltd. |
Guangdong |
C442 |
|
Sino Lithium (Suzhou) Electric Technology Co., Ltd. |
Jiangsu |
C443 |
|
Skyland Sport Tech Co., Ltd. |
Tianjin |
C444 |
|
Suzhou Guoxin Group Fengyuan Imp & Exp. Co., Ltd. |
Jiangsu |
C446 |
|
Tianjin Luodeshengda Bicycle Co., Ltd. |
Tianjin |
C449 |
|
Tianjin Upland Bicycle Co., Ltd. |
Tianjin |
C450 |
|
Easy Electricity Technology Co., Ltd. |
Tianjin |
C451 |
|
Ubchoice Co., Ltd. |
Guangdong |
C452 |
|
Wettsen Corporation |
Shandong |
C454 |
|
Wuxi Shengda Bicycle Co., Ltd. u Wuxi Shengda Vehicle Technology Co.,Ltd |
Jiangsu |
C458 |
|
Wuxi United Mobility Technology Inc |
Jiangsu |
C459 |
|
Xiangjin (Tianjin) Cycle Co., Ltd. |
Tianjin |
C462 |
|
Yong Qi (China) Bicycle Industrial Corp |
Jiangsu |
C464 |
|
Yongkang Juxiang Vehicle Co, Ltd. |
Zhejiang |
C466 |
|
Yongkang Lohas Vehicle Co., Ltd. |
Zhejiang |
C467 |
|
Yongkang Mars Vehicle Co., Ltd. |
Zhejiang |
C468 |
|
Zhejiang Apollo Motorcycle Manufacturer Co., Ltd. |
Zhejiang |
C469 |
|
Zhejiang Baoguilai Vehicle Co., Ltd. |
Zhejiang |
C470 |
|
Zhejiang Goccia Electric Technology Co., Ltd. |
Zhejiang |
C472 |
|
Zhejiang Jsl Vehicle Co., Ltd. |
Zhejiang |
C473 |
|
Zhejiang Kaiyi New Material Technology Co., Ltd. |
Zhejiang |
C474 |
|
Zhejiang Lianmei Industrial Co., Ltd. |
Zhejiang |
C475 |
|
Zhejiang Tuer Vehicle Industry Co., Ltd. |
Zhejiang |
C477 |
|
Zhejiang Xingyue Vehicle Co., Ltd., Zhejiang Xingyue Overfly Electric Vehicle Co., Ltd. u Zhejiang Xingyue Electric Vehicle Co., Ltd. |
Zhejiang |
C478 |
|
Zhongxin Power (Tianjin) Bicycle Co., Ltd. |
Tianjin |
C480 |
ANNESS II
|
Isem il-Kumpanija |
Provinċja |
Kodiċi TARIC addizzjonali |
|
Aima Technology Group Co., Ltd. |
Tianjin |
C389 |
|
Beijing Tsinova Technology Co., Ltd. |
Beijing |
C391 |
|
Changzhou Hj Pedal Co., Ltd. |
Jiangsu |
C394 |
|
Changzhou Bisek Cycle Co., Ltd. |
Jiangsu |
C396 |
|
Cutting Edge Power Vehicle Int'l TJ Co., Ltd. |
Tianjin |
C399 |
|
Eco International Elebike Co., Ltd. |
Jiangsu |
C403 |
|
Everestt International Industries Ltd. |
Jiangsu |
C404 |
|
Geoby Advance Technology Co., Ltd. |
Jiangsu |
C407 |
|
Guangdong Commercial Trading Imp. & Exp. Corp., Ltd. |
Guangdong |
C408 |
|
Guangdong Shunde Junhao Technology Development Co., Ltd. |
Guangdong |
C409 |
|
Hangzhou Morakot E-Bike Manufacture Co., Ltd. |
Zhejiang |
C412 |
|
Hangzhou TOP Mechanical And Electrical Technology, Co. Ltd. |
Zhejiang |
C413 |
|
Hua Chin Bicycle & Fitness (H.Z.) Co., Ltd. |
Guangdong |
C414 |
|
Jinhua Yifei Electric Science And Technology Co., Ltd. |
Zhejiang |
C423 |
|
Nanjing Jincheng Machinery Co., Ltd. |
Jiangsu |
C428 |
|
Ningbo Pugonying Vehicle Technology Co., Ltd. |
Zhejiang |
C434 |
|
Ningbo Shenchima Vehicle Industry Co., Ltd. |
Zhejiang |
C436 |
|
Shandong Eco Friendly Technology Co., Ltd. |
Shandong |
C439 |
|
Shanghai Promising Int'l Trade & Logistics Co., Ltd. |
Shanghai |
C440 |
|
Shenzhen SanDin Cycle Co., Ltd. |
Guangdong |
C441 |
|
Suzhou Dynavolt Intelligent Vehicle Technology Co., Ltd. |
Jiangsu |
C445 |
|
Suzhou Joydeer E-Bicycle Co., Ltd |
Jiangsu |
C447 |
|
Taioku Manufacturing (Jiangsu) Co., Ltd. |
Jiangsu |
C448 |
|
Universali Cycle Corporation (Guang Zhou) |
Guangdong |
C453 |
|
Wuxi Bashan E-Vehicle Co., Ltd. |
Jiangsu |
C455 |
|
Wuxi Merry Ebike Co., Ltd. |
Jiangsu |
C456 |
|
Wuxi METUO Vehicle Co., Ltd. |
Jiangsu |
C457 |
|
Wuyi Simino Industry & Trade Co., Ltd. |
Zhejiang |
C460 |
|
Wuyi Yuema Leisure Articles Co., Ltd. |
Zhejiang |
C461 |
|
Yongkang Aijiu Industry & Trade Co., Ltd. |
Zhejiang |
C465 |
|
Zhejiang Enze Vehicle Co., Ltd. |
Zhejiang |
C471 |
|
Zhejiang Luyuan Electric Vehicle Co., Ltd. |
Zhejiang |
C476 |
|
Zhongshan Qiangli Electronics Factory |
Guangdong |
C479 |
ANNESS III
|
Isem il-Kumpanija |
Provinċja |
Kodiċi TARIC addizzjonali |
|
Changzhou Fujiang Vehicle Co. Ltd |
Jiangsu |
C484 |
|
Jinhua Lvbao Vehicles Co. Ltd |
Zhejiang |
C486 |
|
Suzhou Leisger Vehicle Co. Ltd |
Jiangsu |
C487 |
|
Zhejiang Hangpai Electric Vehicle Co. Ltd |
Zhejiang |
C488 |