<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2026-03-202603C112202401190-00-TRA-DOC-MT-CONCL-C-0119-24-202508949-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="12/11/2025 15:03:34" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="CNC" name="TypeDoc"/>
    <meta content="/8xl7CWQRby8DMFKf4Y8ajnOtdPjOFPgr2qJEWwAmN6trTg3tRVTGCDSkR5O1H8UHKwQQidq7Jjq6D+H/wpxmFqdeLPVO61csCON4LxZ7CUM1TVVCkzGEs4itiqJohEMiE5tgvDIO4Eyu29Ogtd1qMZ6ljfiAJcoAYLo2K2vfl8=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="zammian" name="Gendoc_User"/>
    <meta content="10, 3, 0, 1" name="MSIP_Label_6bd9ddd1-4d20-43f6-abfa-fc3c07406f94_Tag"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="ae40e81e-4a97-4937-9e63-98eb3ad1f492" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0119" name="NumeroOrdre"/>
    <meta content="2024" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="zammian" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="CNC_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 25-08-25 15:12:03" name="Created"/>
    <meta content="" name="Canevas3_Vademecum"/>
    <meta content="2025-09-16T09:37:35Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="4b21731b83904d179a2c389d47530fc7" name="DocumentIdentifier"/>
    <meta content="0119" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId25" style="first"/>
      <div id="rId21" style="even">Konklużjonijiet Emiliou – Kawża C‑119/24</div>
      <div id="rId22" style="default">Chefquet</div>
    </div>
    <p class="C36Centre" id="para-1" title="page-1">
      KONKLUŻJONIJIET TAL-AVUKAT ĠENERALI
    </p>
    <p class="C36Centre" id="para-2" title="page-1">
      EMILIOU
    </p>
    <p class="C36Centre" id="para-3" title="page-1">
      ippreżentati fl‑4 ta’ Settembru 2025  (<span class="note footnote notemarker">
<a id="c-1" href="#t-1">1</a>
</span>)
      
    </p>
    <p class="C38Centregrasgrandespacement" id="para-4" title="page-1">
      Kawża C‑119/24 [Chefquet]  (<span class="note footnote notemarker">
<a id="c-2" href="#t-2">i</a>
</span>)
    </p>
    <p class="C37Centregras" id="para-5" title="page-1">
      DK,
    </p>
    <p class="C37Centregras" id="para-6" title="page-1">
      JO
    </p>
    <p class="C37Centregras" id="para-7" title="page-1">
      vs
    </p>
    <p class="C37Centregras" id="para-8" title="page-1">
      État belge
    </p>
    <p class="C39Centreespacement" id="para-9" title="page-1">
      (talba għal deċiżjoni preliminari mressqa mill-cour d’appel de Liège (il-Qorti tal-Appell ta’ Liège, il-Belġju))
    </p>
    <p class="C71Indicateur" id="para-10" title="page-1">
      “Rinviju għal deċiżjoni preliminari – Artikolu 45 TFUE – Moviment liberu tal-ħaddiema – Taxxa fuq id-dħul – Leġiżlazzjoni nazzjonali li tissuġġetta lil kontribwenti mhux residenti għal suppliment tat-taxxa fil-livell nazzjonali, stabbilit b’analoġija mas-supplimenti tat-taxxa muniċipali imposti fuq kontribwenti residenti”
    </p>
    <p class="C02AlineaAltA" id="para-11" title="page-2">
      
        <br/>
      
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">I.</p>
</td>
<td valign="top">
<p class="normal">Introduzzjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Jingħad li Albert Einstein notevolment osserva li “l-iktar ħaġa diffiċli li wieħed jifhem fid-dinja hija t-taxxa fuq id-dħul” [traduzzjoni libera]  (<span class="note footnote notemarker">
<a id="c-3" href="#t-3">2</a>
</span>) – kumment spiss ikkwotat li huwa relatabbli, anki f’każijiet bħal dan fejn il-kalkolu tat-taxxa dovuta jvarja mhux biss skont id-dħul, iżda wkoll skont il-kodiċi postali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">B’mod iktar preċiż, din it-talba għal deċiżjoni preliminari tal-cour d’appel de Liège (il-Qorti tal-Appell ta’ Liège, il-Belġju) tirrigwarda leġiżlazzjoni nazzjonali li timponi, fil-livell nazzjonali, suppliment tat-taxxa fuq it-taxxa fuq id-dħul tal-kontribwenti mhux residenti biss. Madankollu, dan is-suppliment tat-taxxa ġie introdott bl-għan iddikjarat li jiġi ggarantit piż fiskali proporzjonalment ugwali bejn ir-residenti u l-persuni mhux residenti, billi jiġu riflessi s-supplimenti tat-taxxa muniċipali fuq it-taxxa fuq id-dħul li jinġabru, mill-agglomerazzjonijiet u mill-muniċipalitajiet, mingħand il-kontribwenti residenti. Filwaqt li s-suppliment tat-taxxa fil-livell nazzjonali għall-persuni mhux residenti huwa ddefinit b’rata fissa, is-supplimenti tat-taxxa muniċipali jvarjaw skont l-agglomerazzjoni jew il-muniċipalità. Il-qorti tar-rinviju tistaqsi dwar il-kompatibbiltà ta’ tali leġiżlazzjoni mal-moviment liberu tal-ħaddiema, stabbilit fl-Artikolu 45 TFUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3.</p>
</td>
<td valign="top">
<p class="normal">Konsegwentement, din il-kawża toffri lill-Qorti tal-Ġustizzja l-opportunità li tiċċara u teżamina ulterjorment sitwazzjoni oħra fil-kuntest tal-intersezzjoni bejn it-tassazzjoni diretta (qasam li fih l-Istati Membri jibqgħu kompetenti) u d-dispożizzjonijiet tat-TFUE dwar il-moviment liberu (li madankollu għandhom jiġu osservati mill-Istati Membri fl-eżerċizzju tagħhom ta’ din il-kompetenza)  (<span class="note footnote notemarker">
<a id="c-4" href="#t-4">3</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">II.</p>
</td>
<td valign="top">
<p class="normal">Il‑kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4.</p>
</td>
<td valign="top">
<p class="normal">Skont il-code des impôts sur les revenus 1992 (il-Kodiċi tat-Taxxa fuq id-Dħul tal‑1992 (iktar ’il quddiem iċ-“CIR 92”), ir-residenti Belġjani huma suġġetti għat-taxxa fuq id-dħul abbażi tad-dħul dinji tagħhom, filwaqt li l-persuni mhux residenti huma ntaxxati biss fuq id-dħul provenjenti mill-Belġju. Fiż-żewġ każijiet, ir-rati tat-taxxa applikabbli huma, fil-prinċipju, l-istess u huma applikati għad-dħul taxxabbli rispettiv  (<span class="note footnote notemarker">
<a id="c-5" href="#t-5">4</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5.</p>
</td>
<td valign="top">
<p class="normal">Skont l-Artikolu 465 taċ-CIR 92, l-agglomerazzjonijiet u l-muniċipalitajiet jistgħu jiġbru suppliment tat-taxxa fuq it-taxxa fuq id-dħul personali tar-residenti li jgħixu fit-territorju tagħhom (iktar ’il quddiem is-“suppliment tat-taxxa muniċipali”). Dan is-suppliment tat-taxxa huwa kkalkolat skont il-metodu previst fl-Artikolu 466 taċ-CIR 92, bħala perċentwali tat-taxxa dovuta fuq id-dħul (qabel l-applikazzjoni tal-krediti ta’ taxxa, ħlasijiet akkont jew aġġustamenti oħra). Ir-rata tas-suppliment tat-taxxa speċifika, jiġifieri l-perċentwali applikata – hija ddeterminata b’mod awtonomu minn kull agglomerazzjoni jew muniċipalità  (<span class="note footnote notemarker">
<a id="c-6" href="#t-6">5</a>
</span>) u għalhekk tista’ tvarja bejniethom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6.</p>
</td>
<td valign="top">
<p class="normal">L-Artikolu 245 taċ-CIR 92, id-dispożizzjoni inkwistjoni f’dan il-każ, jipprevedi li t-taxxa fuq id-dħul tal-persuni mhux residenti hija suġġetta għal suppliment tat-taxxa favur l-Istat (iktar ’il quddiem is-“suppliment tat-taxxa għall-persuni mhux residenti”), stabbilit b’rata fissa, iżda kkalkolat, bħala suppliment tat-taxxa muniċipali, konformement mal-Artikolu 466 tal-istess kodiċi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7.</p>
</td>
<td valign="top">
<p class="normal">Il-formulazzjoni preċiża tal-Artikolu 245 taċ-CIR 92, kif ukoll ir-rata applikabbli tas-suppliment tat-taxxa għall-persuni mhux residenti varjaw matul il-perijodu rilevanti għall-kawża prinċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8.</p>
</td>
<td valign="top">
<p class="normal">Fil-verżjoni applikabbli għas-snin tat-taxxa 1992 sa 2003, dan l-artikolu pprovda: “It-[taxxa fuq id-dħul għall-persuni mhux residenti] tiżdied b’[6 % addizzjonali] favur l-Istat, ikkalkolata skont ir-regoli previsti fl-Artikolu 466 [taċ-CIR 92]”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9.</p>
</td>
<td valign="top">
<p class="normal">B’effett mis-sena tat-taxxa 2005, dan l-istess artikolu ġie ssupplimentat permezz tat-tieni paragrafu, li jipprovdi li “[i]r-Re jista’, permezz ta’ digriet deliberat fil-Conseil des Ministres [(il-Kunsill tal-Ministri)], iżid is-[suppliment tat-taxxa għall-persuni mhux residenti] sa massimu ta’ [7 %]”  (<span class="note footnote notemarker">
<a id="c-7" href="#t-7">6</a>
</span>). Minn hemm ’il quddiem, ir-rata tas-suppliment tat-taxxa għall-persuni mhux residenti ġiet stabbilita għal 7 %  (<span class="note footnote notemarker">
<a id="c-8" href="#t-8">7</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">III.</p>
</td>
<td valign="top">
<p class="normal">Il-kawża prinċipali u d-domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10.</p>
</td>
<td valign="top">
<p class="normal">Din it-talba għal deċiżjoni preliminari tressqet fil-kuntest ta’ kawża bejn, minn naħa, DK u JO, koppja miżżewġa (iktar ’il quddiem, flimkien, l-“appellanti”), u, min-naħa l-oħra, l-État belge (l-Istat Belġjan) dwar id-determinazzjoni tal-kontribuzzjonijiet tat-taxxa fuq id-dħul tal-appellanti għal diversi snin tat-taxxa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11.</p>
</td>
<td valign="top">
<p class="normal">Matul is-snin tat-taxxa kontenzjużi (speċifikament, mill‑1992 sal‑1998, mill‑2001 sal‑2003 u mill‑2007 sal‑2009), l-appellanti kienu jirrisjedu fi Franza  (<span class="note footnote notemarker">
<a id="c-9" href="#t-9">8</a>
</span>). DK kien prinċipalment impjegat fi Franza, filwaqt li kien jaħdem, part-time, bħala professur f’diversi universitajiet fil-Belġju. Martu, JO, kienet impjegata b’salarju fi Franza sal‑2000, u wara dan hija ma baqgħetx teżerċita attività professjonali. Barra minn hekk, matul l-istess perijodu, l-appellanti kellhom proprjetà immobbli fil-Belġju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12.</p>
</td>
<td valign="top">
<p class="normal">Fir-rigward tad-dħul tagħhom provenjenti mill-Belġju – professjonali u mill-immobbli – l-appellanti ġew intaxxati fil-Belġju bħala persuni mhux residenti. Skont l-Artikolu 245 taċ-CIR 92, l-awtoritajiet Belġjani applikaw is-suppliment tat-taxxa għall-persuni mhux residenti għat-taxxa tagħhom fuq id-dħul.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13.</p>
</td>
<td valign="top">
<p class="normal">L-appellanti kkontestaw il-kontribuzzjonijiet tagħhom għat-taxxa fuq id-dħul, inkluża l-applikazzjoni tas-suppliment tat-taxxa għall-persuni mhux residenti, għas-snin tat-taxxa rilevanti. Huma ressqu lmenti suċċessivi quddiem l-awtoritajiet amministrattivi kompetenti, li kollha ġew miċħuda bħala inammissibbli jew bħala infondati  (<span class="note footnote notemarker">
<a id="c-10" href="#t-10">9</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14.</p>
</td>
<td valign="top">
<p class="normal">Sussegwentement, l-appellanti ressqu proċeduri quddiem it-tribunal de première instance de Namur (il-Qorti tal-Ewwel Istanza ta’ Namur, il-Belġju), fejn ippreżentaw erba’ azzjonijiet separati li fihom ikkontestaw il-kontribuzzjonijiet tat-taxxa fuq id-dħul inkwistjoni  (<span class="note footnote notemarker">
<a id="c-11" href="#t-11">10</a>
</span>) – fosthom l-applikazzjoni tas-suppliment tat-taxxa għall-persuni mhux residenti – għal diversi raġunijiet. Permezz ta’ sentenza tal‑20 ta’ Jannar 2016, din il-qorti għaqqdet dawn l-azzjonijiet u ċaħdet il-parti l-kbira tal-motivi tal-appellanti jew bħala inammissibbli jew bħala infondati. Fir-rigward tal-motivi l-oħra, il-Qorti tal-Ġustizzja rriżervat id-deċiżjoni tagħha u għamlet żewġ domandi preliminari lill-Cour constitutionnelle (il-Qorti Kostituzzjonali, il-Belġju; iktar ’il quddiem il-“Qorti Kostituzzjonali Belġjana”), fir-rigward tal-kompatibbiltà ta’ ċerti dispożizzjonijiet taċ-CIR 92 mal-Artikoli 10 u 11 tal-Kostituzzjoni Belġjana (li jistabbilixxu l-prinċipji ta’ nondiskriminazzjoni u ta’ ugwaljanza fit-trattament taċ-ċittadini Belġjani).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15.</p>
</td>
<td valign="top">
<p class="normal">L-ewwel waħda minn dawn id-domandi, li kienet tikkonċerna l-Artikolu 245 taċ-CIR 92 dwar is-suppliment tat-taxxa għall-persuni mhux residenti, hija rilevanti għas-suġġett ta’ din it-talba għal deċiżjoni preliminari. B’mod partikolari, il-Qorti Kostituzzjonali Belġjana ġiet mistoqsija dwar jekk din id-dispożizzjoni toħloqx diskriminazzjoni mhux iġġustifikata bejn persuni mhux residenti u residenti, sa fejn timponi fuq il-persuni mhux residenti suppliment tat-taxxa analogu għas-supplimenti tat-taxxa muniċipali li jinġabru mir-residenti, minkejja li tal-ewwel ma jibbenefikawx mill-faċilitajiet u mill-infrastrutturi ta’ muniċipalità Belġjana bl-istess mod bħal tat-tieni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16.</p>
</td>
<td valign="top">
<p class="normal">Permezz ta’ sentenza tas‑6 ta’ Ġunju 2019 (iktar ’il quddiem is-“sentenza tal-Qorti Kostituzzjonali”)  (<span class="note footnote notemarker">
<a id="c-12" href="#t-12">11</a>
</span>), il-Qorti Kostituzzjonali Belġjana rrispondiet fin-negattiv għal din id-domanda billi ddeċidiet li l-Artikolu 245 taċ-ĊIR 92 ma jiksirx l-Artikoli 10 u 11 tal-Kostituzzjoni Belġjana. Il-Qorti Kostituzzjonali enfasizzat b’mod partikolari l-għan ta’ din id-dispożizzjoni li, kif huwa speċifikat fit-travaux préparatoires rilevanti, huwa li tiġi evitata kull diskriminazzjoni bejn residenti u persuni mhux residenti. Barra minn hekk, hija osservat li, bħar-residenti, il-persuni mhux residenti jibbenefikaw ukoll, b’mod ġenerali, minn faċilitajiet u servizzi pubbliċi Belġjani, li jippermettulhom li jirċievu dħul minn sorsi Belġjani (li fuqu hija kkalkolata t-taxxa fuq id-dħul għall-persuni mhux residenti). Barra minn hekk, il-Qorti Kostituzzjonali Belġjana enfasizzat li t-taxxa fuq id-dħul għall-persuni mhux residenti tapplika biss għad-dħul tal-persuni mhux residenti provenjenti minn sorsi Belġjani (u mhux għad-dħul globali tagħhom), u għalhekk għandha l-għan li tiżgura li persuni mhux residenti jikkontribwixxu biss proporzjonalment għall-finanzjament ta’ affarijiet ta’ interess ġenerali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17.</p>
</td>
<td valign="top">
<p class="normal">Fit‑3 ta’ Frar 2020, l-appellanti appellaw mis-sentenza tal-ewwel istanza quddiem il-cour d’appel de Liège (il-Qorti tal-Appell ta’ Liège). Fl-appell tagħhom, l-appellanti kkontestaw b’mod partikolari l-kompatibbiltà tal-Artikolu 245 taċ-CIR 92 mal-moviment liberu tal-ħaddiema, stabbilit fl-Artikolu 45 TFUE, u talbu lil din il-qorti tagħmel domanda rilevanti lill-Qorti tal-Ġustizzja għal deċiżjoni preliminari. F’dan il-kuntest, il-cour d’appel de Liège (il-Qorti tal-Appell ta’ Liège) iddeċidiet li kien opportun li tissospendi l-proċeduri quddiemha u li tagħmel lill-Qorti tal-Ġustizzja d-domanda li ġejja għal deċiżjoni preliminari:</p>
</td>
</tr>
</table>
    <p class="C02AlineaAltA" id="para-32" title="page-6">
      “L-Artikolu 45 TFUE jipprekludi l-applikazzjoni tal-Artikolu 245 tal-code des impôts sur les revenus (il-Kodiċi tat-Taxxa fuq id-Dħul) […], sa fejn dan l-artikolu jissuġġetta lill-kontribwent mhux residenti għal suppliment tat-taxxa tal-Istat ta’ 6 [sa] 7 % meta mqabbla ma’ dik li jħallas kieku kien jgħix fir-Renju tal-Belġju; suppliment stabbilit b’analoġija għat-taxxa lokali li l-agglomerazzjonijiet u l-muniċipalitajiet Belġjani jimponu fuq l-abitanti tar-Renju tal-Belġju li għandhom ir-residenza prinċipali tagħhom f’dawn l-agglomerazzjonijiet u muniċipalitajiet?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18.</p>
</td>
<td valign="top">
<p class="normal">L-appellanti, il-Gvern Belġjan u l-Kummissjoni Ewropea ppreżentaw osservazzjonijiet bil-miktub. Ma saret l-ebda seduta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">IV.</p>
</td>
<td valign="top">
<p class="normal">Analiżi</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19.</p>
</td>
<td valign="top">
<p class="normal">Permezz tad-domanda tagħha, il-qorti tar-rinviju titlob gwida fir-rigward tal-kompatibbiltà tas-suppliment tat-taxxa għall-persuni mhux residenti, skont l-Artikolu 245 taċ-CIR 92, mal-Artikolu 45 TFUE, li jistabbilixxi l-moviment liberu tal-ħaddiema, peress li dan is-suppliment tat-taxxa japplika biss għall-persuni mhux residenti u jinġabar fil-livell nazzjonali b’rata fissa, iżda huwa impost minflok is-supplimenti tat-taxxa muniċipali imposti fuq ir-residenti mill-muniċipalitajiet, b’rati varjabbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20.</p>
</td>
<td valign="top">
<p class="normal">Sabiex tiġi inkwadrata l-analiżi ta’ din il-kwistjoni, inqis li jkun neċessarju li l-ewwel nispjega fil-qosor l-argumenti mressqa fl-osservazzjonijiet bil-miktub quddiem il-Qorti tal-Ġustizzja (A). Imbagħad ser nindirizza l-evalwazzjoni tad-domanda preliminari billi neżamina jekk il-leġiżlazzjoni nazzjonali inkwistjoni tagħtix lok għal trattament diskriminatorju mhux iġġustifikat (B).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">L-osservazzjonijiet magħmula lill-Qorti tal-Ġustizzja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21.</p>
</td>
<td valign="top">
<p class="normal">L-appellanti jsostnu li l-Artikolu 245 taċ-CIR 92 huwa inkompatibbli mal-Artikolu 45 TFUE, peress li joħloq diskriminazzjoni mhux iġġustifikata bejn residenti u persuni mhux residenti u, għalhekk, jikkostitwixxi ostakolu għall-moviment liberu tal-ħaddiema.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22.</p>
</td>
<td valign="top">
<p class="normal">Insostenn ta’ din il-pożizzjoni, huma jsostnu li s-suppliment tat-taxxa għall-persuni mhux residenti huwa fundamentalment differenti mis-suppliment tat-taxxa muniċipali. Filwaqt li t-tieni wieħed huwa ddeterminat u miġbur mill-awtoritajiet muniċipali u jservi sabiex jiffinanzja s-servizzi pubbliċi lokali, li r-rata tagħhom tvarja skont il-muniċipalità, l-ewwel wieħed huwa ffissat bħala rata fissa u huwa impost mill-Istat u għall-benefiċċju tiegħu. Fuq din il-bażi, l-appellanti jsostnu li s-suppliment tat-taxxa għall-persuni mhux residenti huwa miżura kompletament distinta mis-suppliment tat-taxxa muniċipali u li tali suppliment huwa impost fuqhom biss minħabba l-kwalità tagħhom ta’ persuni mhux residenti. Għaldaqstant, huma jidhru li jsostnu li, bħala kontribwenti, huma jinsabu f’sitwazzjoni paragunabbli għal dawk tar-residenti u madankollu huma ttrattati b’mod differenti, billi huma suġġetti għal suppliment tat-taxxa nazzjonali ta’ 6 sa 7 % tat-taxxa tagħhom fuq id-dħul li għalih huma ma jkunux suġġetti li kieku kienu residenti fil-Belġju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23.</p>
</td>
<td valign="top">
<p class="normal">Madankollu, b’mod kemxejn ambigwu, huma jirrikonoxxu sussegwentement li s-suppliment tat-taxxa għall-persuni mhux residenti tikkorrispondi għas-suppliment tat-taxxa muniċipali u, minn din il-perspettiva, jargumentaw li huma ttrattati bl-istess mod bħar-residenti, anki jekk ma jinsabux f’sitwazzjonijiet paragunabbli, peress li, kuntrarjament għar-residenti, huma ma jibbenefikawx bl-istess mod mis-servizzi pprovduti mill-awtoritajiet muniċipali (pereżempju, billi jibagħtu lil uliedhom fi skola muniċipali).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24.</p>
</td>
<td valign="top">
<p class="normal">Fl-aħħar nett, l-appellanti jenfasizzaw li huma wkoll suġġetti għat-taxxa lokali fl-Istat ta’ residenza tagħhom (Franza) – b’mod partikolari t-“taxe d’habitation” (taxxa tar-residenti). Huma jsostnu li s-suppliment tat-taxxa għall-persuni mhux residenti jikkostitwixxi essenzjalment it-tieni “taxe d’habitation”, minkejja li ma huwiex marbut ma’ domiċilju reali, u jesponihom għal taxxa doppja  (<span class="note footnote notemarker">
<a id="c-13" href="#t-13">12</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25.</p>
</td>
<td valign="top">
<p class="normal">Il-Gvern Belġjan, min-naħa tiegħu, isostni li l-Artikolu 45 TFUE ma jipprekludix l-impożizzjoni ta’ suppliment tat-taxxa għall-persuni mhux residenti. Filwaqt li ttenni s-sentenza tal-Qorti Kostituzzjonali, hija ssostni li, sa fejn il-persuni mhux residenti huma suġġetti għat-taxxa fuq id-dħul fil-Belġju għad-dħul tagħhom provenjenti mill-Belġju, huma jinsabu f’sitwazzjoni paragunabbli għal dik tar-residenti, peress li jibbenefikaw ukoll minn servizzi pubbliċi li joħolqu kuntest li jippermettilhom jiksbu tali dħul. F’dan ir-rigward, dan il-gvern iqis li l-kwistjoni dwar jekk dawn is-servizzi pubbliċi humiex ipprovduti fuq livell reġjonali jew federali hija irrilevanti. Għaldaqstant, il-Gvern Belġjan isostni li s-suppliment tat-taxxa għall-persuni mhux residenti jikkostitwixxi miżura ekwivalenti għas-suppliment tat-taxxa muniċipali u, għaldaqstant, ma huwiex diskriminatorju. Għall-kuntrarju, din il-miżura hija intiża, skont l-għan leġiżlattiv tagħha, li tiżgura lill-persuni mhux residenti trattament ugwali u, fil-fatt, iktar favorevoli mir-residenti, u b’hekk tevita d-diskriminazzjoni inversa – għan li jista’ jiġi leġittimament imfittex mill-Istati Membri.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26.</p>
</td>
<td valign="top">
<p class="normal">Il-Kummissjoni tqis li l-Artikolu 245 taċ-CIR 92 ma jammontax għal diskriminazzjoni u ma jikkostitwixxix ostakolu għall-moviment liberu tal-ħaddiema. Fil-fehma tagħha, ir-residenti u l-persuni mhux residenti ma jinsabux f’sitwazzjoni paragunabbli, peress li l-persuni mhux residenti, li ma għandhomx residenza lokali, ma jistgħux ikunu s-suġġett ta’ supplimenti tat-taxxa komunali. Fl-istess ħin, hija tqis ukoll li s-suppliment tat-taxxa għall-persuni mhux residenti huwa miżura separata mis-suppliment tat-taxxa muniċipali, ibbażat fuq bażi legali differenti u maħsub sabiex jiffinanzja servizzi f’livell differenti (il-livell nazzjonali). Madankollu, il-Kummissjoni tenfasizza li ż-żewġ supplimenti tat-taxxa għandhom l-istess loġika u għanijiet simili. Barra minn hekk, hija tirrileva li r-rata tas-suppliment tat-taxxa għall-persuni mhux residenti tidher li hija qrib il-medja tar-rati tas-supplimenti tat-taxxa muniċipali bejn muniċipalitajiet Belġjani. Il-Kummissjoni tissuġġerixxi li l-għażla ta’ rata medja bħal din (jekk tiġi kkonfermata) ma tikkostitwixxix diskriminazzjoni, iżda taqa’ taħt il-limiti aċċettabbli għall-Istati Membri fil-qasam tat-tassazzjoni diretta. Fl-aħħar nett, il-Kummissjoni tenfasizza li s-suppliment tat-taxxa għall-persuni mhux residenti sservi sabiex tiggarantixxi l-ugwaljanza fit-trattament bejn persuni residenti u dawk mhux residenti, f’ċirkustanzi fejn tassazzjoni identika ma hijiex pragmatikament fattibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">Evalwazzjoni tad‑domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27.</p>
</td>
<td valign="top">
<p class="normal">Infakkar li, permezz tad-domanda tagħha, il-qorti tar-rinviju tistaqsi jekk l-Artikolu 245 taċ-CIR 92, li jistabbilixxi suppliment tat-taxxa fil-livell nazzjonali b’rata fissa fuq it-taxxa fuq id-dħul ta’ persuni mhux residenti, b’analoġija mas-supplimenti tat-taxxa muniċipali b’rata varjabbli sostnuti mir-residenti tal-Belġju, huwiex kompatibbli mal-moviment liberu tal-ħaddiema stabbilit fl-Artikolu 45 TFUE  (<span class="note footnote notemarker">
<a id="c-14" href="#t-14">13</a>
</span>). Essenzjalment, il-qorti tar-rinviju tfittex tiċċara jekk is-suppliment tat-taxxa għall-persuni mhux residenti jagħtix lok għal diskriminazzjoni li tmur kontra l-Artikolu 45 TFUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28.</p>
</td>
<td valign="top">
<p class="normal">F’dan ir-rigward, għandu, qabelxejn, jitfakkar li l-Artikolu 45 TFUE jipprevedi li l-moviment liberu tal-ħaddiema jimplika l-abolizzjoni ta’ kull diskriminazzjoni bbażata fuq in-nazzjonalità bejn il-ħaddiema tal-Istati Membri, b’mod partikolari fir-rigward tar-remunerazzjoni. Kif irrilevat il-Qorti tal-Ġustizzja, dan ifisser li l-Artikolu 45 TFUE jipprekludi wkoll dispożizzjonijiet nazzjonali diskriminatorji fil-qasam tat-taxxa fuq id-dħul, peress li l-prinċipju ta’ ugwaljanza fit-trattament fil-qasam tar-remunerazzjoni jiġi altrimenti mċaħħad mill-effett tiegħu  (<span class="note footnote notemarker">
<a id="c-15" href="#t-15">14</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29.</p>
</td>
<td valign="top">
<p class="normal">Barra minn hekk, skont ġurisprudenza stabbilita tal-Qorti tal-Ġustizzja, il-prinċipju ta’ ugwaljanza fit-trattament stabbilit fl-Artikolu 45 TFUE jipprojbixxi mhux biss id-diskriminazzjoni diretta, ibbażata fuq in-nazzjonalità, iżda wkoll kull forma indiretta ta’ diskriminazzjoni li, bl-applikazzjoni ta’ kriterji oħra ta’ distinzjoni, bħar-residenza, iwasslu fil-fatt għall-istess riżultat  (<span class="note footnote notemarker">
<a id="c-16" href="#t-16">15</a>
</span>). Għalhekk, hija ġurisprudenza stabbilita li l-Artikolu 45 TFUE jipprekludi miżuri li, minkejja li japplikaw mingħajr distinzjoni skont in-nazzjonalità, jistgħu, min-natura tagħhom stess, jaffettwaw ħażin lill-ħaddiema migranti iktar milli lill-ħaddiema nazzjonali u li, konsegwentement, jirriskjaw li jisfavorixxu b’mod iktar partikolari lil tal-ewwel  (<span class="note footnote notemarker">
<a id="c-17" href="#t-17">16</a>
</span>). Fl-aħħar nett, hija wkoll ġurisprudenza ferm stabbilita li jista’ jkun hemm diskriminazzjoni biss meta sitwazzjonijiet paragunabbli jiġu ttrattati b’mod differenti jew meta sitwazzjonijiet differenti jiġu ttrattati bl-istess mod  (<span class="note footnote notemarker">
<a id="c-18" href="#t-18">17</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30.</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, sabiex tingħata risposta għad-domanda tal-qorti tar-rinviju dwar il-kompatibbiltà tal-Artikolu 245 taċ-CIR 92 mal-Artikolu 45 TFUE, għandu jiġi evalwat jekk din id-dispożizzjoni nazzjonali, minkejja li hija applikabbli indipendentement min-nazzjonalità, toħloqx diskriminazzjoni bejn persuni mhux residenti u dawk residenti fil-Belġju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31.</p>
</td>
<td valign="top">
<p class="normal">Għaldaqstant, għandu jiġi eżaminat jekk, fiċ-ċirkustanzi ta’ dan il-każ, ir-residenti u l-persuni mhux residenti jinsabux f’sitwazzjoni paragunabbli (1) u jekk humiex ittrattati b’mod differenti (2), b’ġustifikazzjoni xierqa (3).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Ir‑residenti u l-persuni mhux residenti jinsabu f’sitwazzjoni paragunabbli fiċ‑ċirkustanzi ta’ dan il-każ?</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32.</p>
</td>
<td valign="top">
<p class="normal">Fil-qasam tat-tassazzjoni diretta, il-Qorti tal-Ġustizzja ddeċidiet, f’kawżi relatati mat-tassazzjoni tad-dħul tal-persuni fiżiċi, li s-sitwazzjoni tar-residenti u dik tal-persuni mhux residenti fi Stat partikolari ma humiex, bħala regola ġenerali, paragunabbli. Dan huwa l-każ minħabba li d-dħul irċevut fit-territorju ta’ Stat Membru minn persuna mhux residenti jikkostitwixxi biss parti mid-dħul globali ta’ din il-persuna, iċċentralizzat fil-post tar-residenza tagħha. Barra minn hekk, ladarba l-kapaċità personali tal-persuna mhux residenti li tħallas it-taxxa hija ddeterminata billi jitqiesu d-dħul kollu tagħha u ċ-ċirkustanzi personali u familjari tagħha, huwa iktar faċli li din tiġi evalwata fil-post fejn hija għandha ċ-ċentru tal-interessi personali u finanzjarji tagħha, li ġeneralment ikun il-post tar-residenza abitwali  (<span class="note footnote notemarker">
<a id="c-19" href="#t-19">18</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33.</p>
</td>
<td valign="top">
<p class="normal">Madankollu, mill-ġurisprudenza tal-Qorti tal-Ġustizzja jirriżulta wkoll li dan il-fatt ma huwiex ta’ natura li jipprekludi konstatazzjoni li ż-żewġ kategoriji ta’ kontribwenti huma f’sitwazzjoni paragunabbli, fejn ma teżisti ebda differenza oġġettiva bejniethom fir-rigward tal-għan u tal-kontenut tad-dispożizzjonijiet nazzjonali inkwistjoni  (<span class="note footnote notemarker">
<a id="c-20" href="#t-20">19</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34.</p>
</td>
<td valign="top">
<p class="normal">F’dan il-każ, kif diġà ġie rrilevat iktar ’il fuq, il-persuni mhux residenti huma ntaxxati fil-Belġju biss fuq id-dħul tagħhom provenjenti mill-Belġju, b’kuntrast mar-residenti li huma ntaxxati fuq id-dħul dinji tagħhom. Madankollu, is-supplimenti tat-taxxa inkwistjoni ma humiex iddeterminati skont il-kapaċità kontributtiva personali tal-kontribwent u ma humiex marbuta mas-sitwazzjoni personali u familjari tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35.</p>
</td>
<td valign="top">
<p class="normal">Għall-kuntrarju, fir-rigward tal-kontenut tal-miżura inkwistjoni, għandu jiġi osservat li s-suppliment tat-taxxa għall-persuni mhux residenti jikkostitwixxi, bħas-suppliment tat-taxxa muniċipali, sempliċi żieda tal-piż fiskali fuq id-dħul, li għalhekk iservi l-għan immedjat sabiex jiżdied id-dħul fiskali li għandu jintuża għall-finanzjament tas-servizzi pubbliċi. Fil-fatt, iż-żewġ supplimenti tat-taxxa jistgħu jinftiehmu bħala żieda fir-rata ta’ taxxa fuq id-dħul  (<span class="note footnote notemarker">
<a id="c-21" href="#t-21">20</a>
</span>), applikata fuq il-bażijiet taxxabbli rispettivi tar-residenti u tal-persuni mhux residenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36.</p>
</td>
<td valign="top">
<p class="normal">F’dan ir-rigward, għandu jitfakkar li l-Qorti tal-Ġustizzja ddeċidiet, diversi drabi, li, f’dak li jirrigwarda r-rata ta’ taxxa fuq id-dħul li għandha tiġi applikata għall-bażi taxxabbli rispettiva tal-kontribwenti, ma teżistix differenza oġġettiva fis-sitwazzjoni bejn il-kontribwenti residenti u dawk mhux residenti u li, jekk l-affarijiet l-oħra jkunu ugwali, dawn iż-żewġ kategoriji għandhom jitqiesu, f’dan ir-rigward, li jinsabu f’sitwazzjoni paragunabbli  (<span class="note footnote notemarker">
<a id="c-22" href="#t-22">21</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37.</p>
</td>
<td valign="top">
<p class="normal">Fil-fatt, din il-konklużjoni hija kkonfermata fiċ-ċirkustanzi ta’ dan il-każ: sa fejn kemm il-persuni residenti kif ukoll dawk mhux residenti jiġġeneraw dħul taxxabbli fil-Belġju u għalhekk jistgħu jikkontribwixxu proporzjonalment għall-finanzjament tas-servizzi pubbliċi permezz tat-taxxa fuq id-dħul, ma hemm ebda differenza oġġettiva bejniethom li tiġġustifika li d-dħul taxxabbli rispettiv tagħhom fil-Belġju jiġi ntaxxat b’rata effettiva differenti – kemm fir-rigward tar-rata ta’ taxxa “prinċipali” (li hija wkoll identika għaż-żewġ gruppi  (<span class="note footnote notemarker">
<a id="c-23" href="#t-23">22</a>
</span>)) kif ukoll fir-rigward tas-suppliment tat-taxxa applikati għalih. Fi kliem ieħor, ma hemm l-ebda distinzjoni oġġettiva bejn iż-żewġ gruppi fir-rigward tal-piż fiskali li għandu jiġi impost fuq il-parti tad-dħul tagħhom suġġetta għat-taxxa fil-Belġju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38.</p>
</td>
<td valign="top">
<p class="normal">Din il-konklużjoni ma hijiex affettwata mill-fatt li s-suppliment tat-taxxa għall-persuni mhux residenti jinġabar u jintuża fil-livell nazzjonali u s-suppliment tat-taxxa muniċipali fil-livell muniċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39.</p>
</td>
<td valign="top">
<p class="normal">L-ewwel, din id-distinzjoni tirrifletti biss l-istruttura deċentralizzata tas-sistema fiskali Belġjana, fejn il-kompetenza għall-ġbir u l-użu ta’ ċerti taxxi ngħatat lill-awtoritajiet fil-livell lokali  (<span class="note footnote notemarker">
<a id="c-24" href="#t-24">23</a>
</span>). Fir-rigward tal-effett, ma hemm l-ebda differenza sinjifikattiva mix-xenarju ta’ awtorità ċentrali li timponi suppliment tat-taxxa uniku fuq il-kontribwenti kollha u mbagħad talloka d-dħul għal diversi kompiti pubbliċi, inklużi dawk imwettqa fil-livell lokali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40.</p>
</td>
<td valign="top">
<p class="normal">It-tieni, għandu jiġi enfasizzat li l-għan fundamentali tat-taxxa fuq id-dħul u, korrelattivament, ta’ suppliment għal din it-taxxa, ikun xi jkun il-livell li fih jinġabar, jibqa’ – l-istess bħall-għan ġenerali tat-taxxi kollha – il-finanzjament tas-servizzi pubbliċi, ikun xi jkun il-livell tagħhom  (<span class="note footnote notemarker">
<a id="c-25" href="#t-25">24</a>
</span>). L-appellanti, u jidher ukoll sa ċertu punt il-Kummissjoni, jidhru li jikkunsidraw li, peress li s-suppliment tat-taxxa muniċipali sservi sabiex tiffinanzja servizzi offruti fuq livell muniċipali u peress li l-persuni mhux residenti ma jibbenefikawx minn dawn is-servizzi bl-istess mod bħar-residenti, iż-żewġ gruppi ma jinsabux f’sitwazzjoni paragunabbli li tiġġustifika l-applikazzjoni għall-persuni mhux residenti ta’ suppliment tat-taxxa fuq id-dħul b’analoġija mas-supplimenti tat-taxxa muniċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41.</p>
</td>
<td valign="top">
<p class="normal">Madankollu, jidhirli li tali raġunament iħawwad it-taxxi mat-tariffi (jew imposti) għal servizzi speċifiċi  (<span class="note footnote notemarker">
<a id="c-26" href="#t-26">25</a>
</span>). Kuntrarjament għal tali tariffi, it-taxxi ma humiex allokati għal servizz partikolari, l-ammont tagħhom ma huwiex intiż sabiex jirrifletti l-ispiża reali ta’ benefiċċju li jgawdi minnu l-persuna kkonċernata u ma jitħallsux inkambju għal servizz partikolari mogħti  (<span class="note footnote notemarker">
<a id="c-27" href="#t-27">26</a>
</span>). Għaldaqstant, ir-responsabbiltà ta’ persuna taxxabbli li tikkontribwixxi għall-finanzjament ta’ servizzi pubbliċi ma tiddependix mill-użu personali tagħha ta’ servizz pubbliku partikolari. Konsegwentement, l-argument li jorbot is-suppliment tat-taxxa muniċipali ma’ servizzi speċifiċi offruti mill-muniċipalitajiet u li jwassal għall-konklużjoni li r-residenti u dawk li ma humiex residenti ma jinsabux f’sitwazzjoni paragunabbli peress li dawn tal-aħħar ma jibbenefikawx minn dawn is-servizzi partikolari huwa, fil-fehma tiegħi, irrilevanti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42.</p>
</td>
<td valign="top">
<p class="normal">Bħala konklużjoni, jiena tal-fehma li, fir-rigward ta’ leġiżlazzjoni fiskali, bħal dik inkwistjoni, li essenzjalment iżżid il-piż fiskali tat-taxxa fuq id-dħul, is-sitwazzjoni tal-persuni mhux residenti (sa fejn huma suġġetti għat-taxxa fuq id-dħul fil-Belġju) għandha titqies li hija paragunabbli ma’ dik tal-kontribwenti residenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Hemm differenza fit-trattament?</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43.</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, dak li għandu sussegwentement jiġi vverifikat huwa jekk il-kontribwenti residenti u mhux residenti humiex ittrattati b’mod simili jew differenti. Fl-opinjoni tiegħi, f’dan ir-rigward għandhom jiġu eżaminati żewġ aspetti: l-ewwel, l-impożizzjoni tas-suppliment tat-taxxa per se fuq il-persuni mhux residenti, minflok is-suppliment tat-taxxa muniċipali (a); u, it-tieni, ir-rata ta’ dan is-suppliment tat-taxxa (b).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">a)</p>
</td>
<td valign="top">
<p class="normal">L-impożizzjoni tas-suppliment tat-taxxa per se</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44.</p>
</td>
<td valign="top">
<p class="normal">Jidher ċar mit-travaux préparatoires  (<span class="note footnote notemarker">
<a id="c-28" href="#t-28">27</a>
</span>), li l-Artikolu 245 taċ-CIR 92 introduċa suppliment tat-taxxa fuq it-taxxa fuq id-dħul tal-persuni mhux residenti minflok is-suppliment tat-taxxa fuq it-taxxa fuq id-dħul tar-residenti, miġbur mill-muniċipalitajiet skont l-Artikolu 465 tal-istess kodiċi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45.</p>
</td>
<td valign="top">
<p class="normal">Jekk dawn is-supplimenti tat-taxxa huma differenti fir-rigward tal-bażi legali tagħhom u tal-livell ta’ gvern tagħhom li permezz tiegħu jinġabru u jintużaw, it-tnejn li huma jiġu kkalkolati b’riferiment għall-Artikolu 466 taċ-CIR 92, skont l-istess metodu u applikati fuq l-istess bażi (jiġifieri, fuq l-ammont tat-taxxa fuq id-dħul pagabbli). Barra minn hekk, għar-raġunijiet diġà esposti fil-punti 35 sa 41 ta’ dawn il-konklużjonijiet, il-funzjoni u l-għan tagħhom huma l-istess: iż-żieda tal-piż fiskali tal-kontribwenti, u b’hekk żieda tal-fondi pubbliċi li għandhom jintużaw għall-benefiċċju pubbliku. Għalhekk, anki jekk l-oqfsa leġiżlattivi li jirregolaw iż-żewġ supplimenti tat-taxxa ma humiex identiċi, is-supplimenti tat-taxxa stess huma, essenzjalment, ekwivalenti (fatt li l-appellanti jidhru li jirrikonoxxu huma stess)  (<span class="note footnote notemarker">
<a id="c-29" href="#t-29">28</a>
</span>). Minn dan isegwi li fir-rigward tal-eżistenza ta’ suppliment tat-taxxa per se, ma hemmx differenza fit-trattament bejn persuni residenti u dawk mhux residenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46.</p>
</td>
<td valign="top">
<p class="normal">Din il-konklużjoni ma hijiex imqiegħda f’dubju mill-argument tal-appellanti li huma ġew esposti għal taxxa doppja, minħabba li huma kienu, fil-fehma tagħhom, essenzjalment suġġetti għal taxxi muniċipali fil-Belġju, kif ukoll fi Franza fejn huma kienu jħallsu t-“taxe d’habitation”. F’dan ir-rigward, nirrileva li t-“taxe d’habitation”, kif applikabbli fiż-żmien tal-fatti fil-kawża prinċipali, kienet taxxa fuq l-individwi li kienu jużaw jew jittrasferixxu esklużivament bini residenzjali fi Franza u kienet ikkalkolata abbażi tal-valur lokattiv tal-proprjetà immobbli. Bħala tali, hija fundamentalment differenti min-natura u l-għan tagħha mit-tassazzjoni fuq id-dħul. Għal din ir-raġuni, il-Qorti tal-Ġustizzja diġà ddeċidiet li t-“taxe d’habitation” ma tistax titqies bħala ekwivalenti għat-taxxa fuq id-dħul  (<span class="note footnote notemarker">
<a id="c-30" href="#t-30">29</a>
</span>), u lanqas għaldaqstant, inżid ngħid, għal suppliment tat-taxxa fuq it-taxxa fuq id-dħul – kif dan tqis ukoll fis-sentenza tal-Qorti Kostituzzjonali. Għaldaqstant, ma jistax jitqies li l-appellanti kienu s-suġġett ta’ taxxa doppja f’dan ir-rigward. Inżid ukoll, ex abundanti cautela, li anki kieku kellu jiġi aċċettat li seħħet forma ta’ tassazzjoni doppja (quod non), skont il-ġurisprudenza tal-Qorti tal-Ġustizzja, fin-nuqqas ta’ armonizzazzjoni fil-livell tal-Unjoni, l-iżvantaġġi – bħat-tassazzjoni doppja – li jirriżultaw mill-eżerċizzju parallel tal-kompetenzi fiskali tal-Istati Membri differenti, sa fejn tali eżerċizzju ma jkunx diskriminatorju, ma jikkostitwixxux restrizzjonijiet għall-moviment liberu  (<span class="note footnote notemarker">
<a id="c-31" href="#t-31">30</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47.</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, jiena tal-fehma li l-fatt li tiġi imposta fuq il-persuni mhux residenti suppliment tat-taxxa fuq it-taxxa fuq id-dħul li tirrifletti s-suppliment tat-taxxa muniċipali impost fuq ir-residenti ma jikkostitwixxix, fih innifsu, differenza fit-trattament bejn dawn iż-żewġ gruppi u għalhekk ma huwiex inkompatibbli mal-Artikolu 45 TFUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48.</p>
</td>
<td valign="top">
<p class="normal">Fil-fehma tiegħi, l-analiżi tista’ tintemm f’dan l-istadju, jekk ir-rati tas-supplimenti tat-taxxa għall-persuni mhux residenti u muniċipali jkunu l-istess  (<span class="note footnote notemarker">
<a id="c-32" href="#t-32">31</a>
</span>). Madankollu, kif imsemmi hawn fuq, ir-rati applikabbli huma differenti, u dan iqajjem il-kwistjoni dwar jekk id-differenza fir-rata reali tas-suppliment tat-taxxa twassalx għal trattament diskriminatorju. Għalhekk ser neżamina dan l-aspett iktar ’il quddiem f’dawn il-konklużjonijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">b)</p>
</td>
<td valign="top">
<p class="normal">Ir‑rata tas‑suppliment tat-taxxa</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49.</p>
</td>
<td valign="top">
<p class="normal">Skont l-Artikolu 245 taċ-CIR 92, is-suppliment tat-taxxa għall-persuni mhux residenti huwa stabbilit b’rata fissa, li, kif ġie rrilevat iktar ’il fuq, telgħet minn 6 għal 7 % matul is-snin tat-taxxa inkwistjoni. Id-deċiżjoni tar-rinviju ssemmi li s-supplimenti tat-taxxa muniċipali huma stabbiliti mill-muniċipalitajiet, u b’hekk jimplikaw li r-rati tagħhom ivarjaw skont il-muniċipalità, iżda ma tipprovdix ir-rati reali ta’ dawn is-supplimenti tat-taxxa matul is-snin tat-taxxa inkwistjoni fil-kawża prinċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50.</p>
</td>
<td valign="top">
<p class="normal">Madankollu, il-Kummissjoni rreferiet għal informazzjoni aċċessibbli għall-pubbliku  (<span class="note footnote notemarker">
<a id="c-33" href="#t-33">32</a>
</span>), li tgħid li r-rati tas-supplimenti tat-taxxa muniċipali kienu jvarjaw, matul il-perijodu rilevanti, minn 0 % għal ċerti muniċipalitajiet sa 9.5 % għal oħrajn. Abbażi tal-istess data, ir-rata medja ta’ suppliment tat-taxxa muniċipali bejn il-muniċipalitajiet kienet tvarja, matul is-snin inkwistjoni, bejn, madwar, 6.8 % u 7.4 %. Dawn iċ-ċifri juru li r-rata ta’ bejn 6 u 7 % applikata għas-suppliment tat-taxxa għall-persuni mhux residenti għall-istess perijodu kienet tikkorrispondi jew kienet ftit inqas mir-rata medja tas-suppliment tat-taxxa muniċipali għal kull waħda mis-snin inkwistjoni. Dak li ntqal iktar ’il fuq jibqa’, naturalment, suġġett għal verifika mill-qorti tar-rinviju. L-analiżi li ġejja hija bbażata fuq il-premessa li din tista’ titqies bħala affidabbli, b’mod partikolari għaliex sar riferiment għaliha wkoll, f’diversi istanzi, fil-proċess tal-kawża  (<span class="note footnote notemarker">
<a id="c-34" href="#t-34">33</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51.</p>
</td>
<td valign="top">
<p class="normal">Fid-dawl ta’ dak li ntqal iktar ’il fuq, għandu jiġi evalwat jekk l-applikazzjoni ta’ rata fissa għall-persuni mhux residenti, li – fil-prattika u, kif inhu mifhum, anki mit-tfassil  (<span class="note footnote notemarker">
<a id="c-35" href="#t-35">34</a>
</span>) – tikkorrispondi għal (ftit taħt) il-medja tar-rati tas-supplimenti tat-taxxa li jvarjaw, tistax tibqa’ titqies bħala trattament ekwivalenti għal dak tar-residenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52.</p>
</td>
<td valign="top">
<p class="normal">Huwa ċar, miċ-ċirkustanzi tal-każ, li l-persuni mhux residenti setgħu jitqiesu li ġew ittrattati b’mod kompletament ugwali, fid-dawl tar-rata tas-suppliment tat-taxxa applikabbli, matul is-snin tat-taxxa inkwistjoni, biss għar-residenti ta’ dawn il-muniċipalitajiet li ġabru suppliment tat-taxxa muniċipali bl-istess rata eżatta bħal dik tas-suppliment tat-taxxa għall-persuni mhux residenti. Fil-każijiet l-oħra kollha, il-persuni mhux residenti kienu suġġetti għal suppliment tat-taxxa iktar baxx jew ogħla minn dak tar-residenti, skont ir-rata speċifika applikata minn kull muniċipalità. Konsegwentement, f’dawn il-każijiet, il-persuni mhux residenti kienu ttrattati b’mod iktar favorevoli mir-residenti ta’ ċerti muniċipalitajiet u b’mod inqas favorevoli mir-residenti ta’ muniċipalitajiet oħra.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53.</p>
</td>
<td valign="top">
<p class="normal">Għandi nosserva li, fil-prattika, l-użu ta’ rata għas-suppliment tat-taxxa għall-persuni mhux residenti li tikkorrispondi għal rata muniċipali ftit iktar baxxa mill-medja jfisser b’mod konkret li l-persuni mhux residenti kienu, matul is-snin tat-taxxa inkwistjoni, suġġetti għal suppliment tat-taxxa – u għalhekk għal piż fiskali tat-taxxa fuq id-dħul – daqs jew inqas minn dak sostnut mill-maġġoranza tal-kontribwenti residenti fil-Belġju  (<span class="note footnote notemarker">
<a id="c-36" href="#t-36">35</a>
</span>). Konsegwentement, il-persuni mhux residenti ġew għalhekk ittrattati fil-parti l-kbira tal-każijiet b’mod iktar favorevoli jew, tal-inqas, b’mod ugwali meta mqabbla mar-residenti. Madankollu, dan ma jbiddilx il-fatt li r-rata tas-suppliment tat-taxxa għall-persuni mhux residenti kienet ogħla minn dik tas-suppliment tat-taxxa applikat għar-residenti ta’ ċerti muniċipalitajiet. Għaldaqstant, meta mqabbla ma’ dawn ir-residenti, il-persuni mhux residenti ġew ittrattati b’mod inqas favorevoli, peress li kienu effettivament suġġetti għal rata ogħla ta’ taxxa fuq id-dħul. Barra minn hekk, għandu jiġi rrilevat li, indipendentement mir-rati speċifiċi applikabbli, li huma suġġetti għal verifika mill-qorti tar-rinviju, l-impożizzjoni ta’ suppliment tat-taxxa b’rata fissa fuq il-persuni mhux residenti meta mqabbla mas-supplimenti tat-taxxa muniċipali b’rati varjabbli tħalli, bħala regola, lok għal differenza fit-trattament bejn il-persuni mhux residenti u tal-inqas ċerti residenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54.</p>
</td>
<td valign="top">
<p class="normal">F’dan ir-rigward, għandu jitfakkar li, skont il-ġurisprudenza tal-Qorti tal-Ġustizzja, anki jekk miżura tkun iktar ta’ spiss favorevoli għall-persuni mhux residenti, dan ma jipprekludix li din twassal, meta tkun ta’ żvantaġġ għal dawn il-persuni mhux residenti, għal inugwaljanza fit-trattament meta mqabbla ma’ kontribwenti residenti. Bl-istess mod, il-Qorti tal-Ġustizzja diġà ddeċidiet li l-fatt li, f’sitwazzjoni waħda, il-leġiżlazzjoni nazzjonali applikabbli tqiegħed fi żvantaġġ lill-persuni mhux residenti ma jistax jiġi kkumpensat mill-fatt li, f’sitwazzjonijiet oħra, din l-istess leġiżlazzjoni ma tiddiskriminax bejn il-persuni mhux residenti u r-residenti  (<span class="note footnote notemarker">
<a id="c-37" href="#t-37">36</a>
</span>). Fl-aħħar nett, il-Qorti tal-Ġustizzja ddeċidiet ukoll li leġiżlazzjoni nazzjonali li tippermetti varjazzjonijiet reġjonali fit-trattament tat-taxxa hija inkompatibbli mad-dispożizzjonijiet tat-TFUE dwar il-moviment liberu meta twassal sabiex il-persuni mhux residenti jiġu ttrattati b’mod inqas favorevoli mir-residenti f’ċerti reġjuni (anki jekk ir-residenti f’reġjuni oħra lanqas ma jibbenefikaw minn trattament favorevoli)  (<span class="note footnote notemarker">
<a id="c-38" href="#t-38">37</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55.</p>
</td>
<td valign="top">
<p class="normal">L-Artikolu 245 taċ-CIR 92 iwassal, għalhekk, għal inugwaljanza fit-trattament tat-taxxa sa fejn jippermetti (bla ħsara għal verifika mill-qorti tar-rinviju) l-impożizzjoni ta’ rata ta’ taxxa ogħla fuq id-dħul taxxabbli tal-persuni mhux residenti u, għaldaqstant, piż fiskali proporzjonalment ogħla għall-persuni mhux residenti minn dak sostnut minn – tal-inqas ċerti – residenti  (<span class="note footnote notemarker">
<a id="c-39" href="#t-39">38</a>
</span>). Tali differenza fit-trattament – li tista’ tkun ta’ detriment għaċ-ċittadini ta’ Stati Membri oħra sa fejn il-persuni mhux residenti huma ħafna drabi persuni li ma humiex ċittadini – tikkostitwixxi diskriminazzjoni indiretta bbażata fuq in-nazzjonalità  (<span class="note footnote notemarker">
<a id="c-40" href="#t-40">39</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56.</p>
</td>
<td valign="top">
<p class="normal">Għalhekk ma nistax naqbel mas-suġġeriment tal-Kummissjoni li l-applikazzjoni ta’ rata “medja” ma tikkostitwixxix diskriminazzjoni. B’mod partikolari, il-Kummissjoni tidher li ssostni li “leġiżlazzjoni approssimativa” ma hijiex diskriminatorja fiha nnifisha, billi tibbaża ruħha fuq is-sentenza Sopora  (<span class="note footnote notemarker">
<a id="c-41" href="#t-41">40</a>
</span>), li fiha l-Qorti tal-Ġustizzja ddeċidiet li leġiżlazzjoni li tinkludi limiti approssimattivi ma kinitx, bħala prinċipju, kuntrarja għall-Artikolu 45 TFUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57.</p>
</td>
<td valign="top">
<p class="normal">Is-sentenza Sopora kienet tikkonċerna vantaġġ tat-taxxa li permezz tiegħu r-rimborsi mogħtija lill-ħaddiema li jidħlu għal spejjeż sostnuti minħabba l-attività professjonali tagħhom barra mill-pajjiż ta’ oriġini tagħhom setgħu jiġu eżentati mid-dħul taxxabbli tagħhom. F’din il-kawża, il-leġiżlazzjoni nazzjonali kienet stabbilixxiet, essenzjalment, preżunzjoni ta’ eliġibbiltà għal dan il-vantaġġ, ibbażata fuq limiti neċessarjament approssimattivi (f’dak li jirrigwarda d-distanza mill-pajjiż ta’ oriġini tal-Pajjiżi l-Baxxi u l-ammont tal-ispejjeż). Madankollu, anki l-ħaddiema li ma kinux josservaw dawn il-limiti setgħu jiksbu l-istess vantaġġ billi jipproduċu l-prova tal-ispejjeż effettivament sostnuti. Il-motivazzjoni ta’ din is-sentenza għalhekk ma tistax tiġi trasposta għal dan il-każ, fejn l-applikazzjoni ta’ rata medja “approssimattiva” bl-ebda mod ma hija preżunzjoni konfutabbli, iżda twassal għal differenza fit-trattament konkreta u inevitabbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58.</p>
</td>
<td valign="top">
<p class="normal">Għalhekk jibqa’ biss li jiġi evalwat jekk din id-differenza fit-trattament tistax tiġi ġġustifikata, b’tali mod li tista’ madankollu tkun kompatibbli mal-Artikolu 45 TFUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">c)</p>
</td>
<td valign="top">
<p class="normal">Parallel fil‑ġurisprudenza tal-Qorti tal‑EFTA</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59.</p>
</td>
<td valign="top">
<p class="normal">Qabel ma nipproċedi għal din l-evalwazzjoni, għandu madankollu jiġi nnotat li l-pożizzjoni hawn fuq imsemmija hija allinjata mar-raġunament adottat mill-Qorti tal-Assoċjazzjoni Ewropea tal-Kummerċ Ħieles (EFTA) f’kawża li tixbah ħafna lil din il-kawża  (<span class="note footnote notemarker">
<a id="c-42" href="#t-42">41</a>
</span>). B’mod partikolari, fil-Kawża E‑11/22, dik il-qorti kellha quddiemha l-kwistjoni tal-kompatibbiltà mal-moviment liberu tal-ħaddiema ta’ leġiżlazzjoni tal-Liechtenstein li kienet tissuġġetta lill-persuni mhux residenti għal suppliment tat-taxxa b’rata fissa fil-livell nazzjonali d-dħul professjonali tagħhom, minflok is-supplimenti tat-taxxa muniċipali imposti fuq ir-residenti mill-muniċipalitajiet b’rati varjabbli. Il-Qorti tal-EFTA ddeċidiet li, f’dak li jirrigwarda r-regoli li jirregolaw it-taxxa tagħhom fuq id-dħul (u s-supplimenti tat-taxxa relatati), il-kontribwenti residenti u mhux residenti kienu jinsabu f’sitwazzjoni paragunabbli, irrispettivament minn jekk din it-taxxa nġabritx fil-livell muniċipali jew f’dak nazzjonali  (<span class="note footnote notemarker">
<a id="c-43" href="#t-43">42</a>
</span>). Sussegwentement, hija kkonstatat l-eżistenza ta’ differenza fit-trattament ta’ dawn is-sitwazzjonijiet paragunabbli, li tikkonsisti fir-rata żvantaġġuża tas-suppliment tat-taxxa applikata għall-persuni mhux residenti (u mhux fl-eżistenza tas-suppliment tat-taxxa bħala tali)  (<span class="note footnote notemarker">
<a id="c-44" href="#t-44">43</a>
</span>). F’dik il-kawża, b’differenza żgħira meta mqabbla ma’ din il-kawża quddiem il-Qorti tal-Ġustizzja, ir-rata tas-suppliment tat-taxxa applikata għall-persuni mhux residenti saħansitra qabżet l-ogħla taxxa muniċipali effettivament miġbura mingħand ir-residenti, u dan wassal lill-Qorti tal-EFTA sabiex tikkonkludi li kien hemm b’mod ċar diskriminazzjoni indiretta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60.</p>
</td>
<td valign="top">
<p class="normal">Għalhekk, din il-kawża hija differenti biss fir-rigward tal-fatt li r-rata applikata għal persuni mhux residenti ma hijiex kompletament sfavorevoli fir-rigward tar-residenti kollha, iżda pjuttost – suġġett għal verifika mill-qorti tar-rinviju – tikkorrispondi għar-rata medja tas-supplimenti tat-taxxa muniċipali sostnuti mir-residenti. Fil-fehma tiegħi, dan l-aspett jista’ jkun rilevanti fl-evalwazzjoni ta’ jekk il-miżura inkwistjoni tistax tkun iġġustifikata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3.</p>
</td>
<td valign="top">
<p class="normal">Id-diskriminazzjoni hija ġġustifikata?</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61.</p>
</td>
<td valign="top">
<p class="normal">Skont il-ġurisprudenza tal-Qorti tal-Ġustizzja, miżura li tagħti lok għal diskriminazzjoni indiretta, bħal f’dan il-każ l-Artikolu 245 taċ-CIR 92, tista’ madankollu tiġi ġġustifikata jekk ikollha għan leġittimu u tkun proporzjonata għalih  (<span class="note footnote notemarker">
<a id="c-45" href="#t-45">44</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62.</p>
</td>
<td valign="top">
<p class="normal">Fir-rigward tal-għan imfittex, kif sostnut mill-Gvern Belġjan, l-Artikolu 245 taċ-CIR 92 huwa intiż li jipprevjeni d-diskriminazzjoni inversa, jiġifieri li jiġi evitat li l-kontribwenti residenti jkunu żvantaġġati meta mqabbla ma’ persuni mhux residenti. Għalkemm id-dritt tal-Unjoni ma jipprojbixxix diskriminazzjoni inversa, il-prevenzjoni ta’ tali diskriminazzjoni tista’, fil-fehma tiegħi, titqies bħala għan leġittimu, li l-Istati Membri jistgħu jagħżlu li jsegwu u li jista’ jservi, bħala prinċipju, sabiex jiġġustifika miżura li tirrestrinġi l-moviment liberu tal-ħaddiema  (<span class="note footnote notemarker">
<a id="c-46" href="#t-46">45</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63.</p>
</td>
<td valign="top">
<p class="normal">Fir-rigward tal-proporzjonalità tal-miżura inkwistjoni fid-dawl ta’ għan leġittimu, skont il-ġurisprudenza tal-Qorti tal-Ġustizzja, għandu jiġi eżaminat jekk il-miżura (i) hijiex xierqa sabiex jintlaħaq dan l-għan, (ii) tmurx jew le lil hinn minn dak li huwa neċessarju għal dan l-għan, u (iii) hijiex proporzjonata stricto sensu, billi tistabbilixxi bilanċ ġust bejn l-interessi involuti  (<span class="note footnote notemarker">
<a id="c-47" href="#t-47">46</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64.</p>
</td>
<td valign="top">
<p class="normal">Għalkemm il-Qorti tal-Ġustizzja tista’ tipprovdi gwida sabiex tgħin lill-qorti tar-rinviju, hija l-qorti nazzjonali li għandha, fl-aħħar mill-aħħar, tiddetermina jekk miżura nazzjonali tosservax il-prinċipju ta’ proporzjonalità, fid-dawl taċ-ċirkustanzi tal-kawża prinċipali u tal-punti kollha ta’ liġi u ta’ fatt nazzjonali rilevanti  (<span class="note footnote notemarker">
<a id="c-48" href="#t-48">47</a>
</span>). F’dan il-każ, fl-assenza ta’ informazzjoni kompleta vverifikata dwar il-kuntest nazzjonali rilevanti (inklużi, b’mod partikolari, ir-rati tas-suppliment tat-taxxa muniċipali applikabbli) jew ta’ spjegazzjoni mill-Gvern Belġjan dwar l-għażla tal-miżura inkwistjoni, ikolli nillimita ruħi li nagħmel ċerti kunsiderazzjonijiet ġenerali fir-rigward ta’ kull wieħed mit-tliet elementi ta’ proporzjonalità.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65.</p>
</td>
<td valign="top">
<p class="normal">F’dan ir-rigward, għandu jitfakkar, preliminarjament, li l-evalwazzjoni tal-proporzjonalità tal-Artikolu 245 taċ-CIR 92 ma tikkonċernax is-suppliment tat-taxxa għall-persuni mhux residenti per se (li, kif spjegat iktar ’il fuq, fih innifsu ma jwassalx għal inugwaljanza fit-trattament), iżda tikkonċerna biss l-applikazzjoni ta’ rata fissa għal dan is-suppliment tat-taxxa (li fil-prattika tidher li tikkorrispondi għall-medja tar-rati tas-suppliment tat-taxxa muniċipali), li twassal għal differenza fit-trattament bejn persuni mhux residenti u – tal-inqas ċerti – residenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66.</p>
</td>
<td valign="top">
<p class="normal">Fir-rigward, fl-ewwel lok, tal-element ta’ adegwatezza, kif ġie rrilevat iktar ’il fuq, l-użu ta’ rata fissa għas-suppliment tat-taxxa għall-persuni mhux residenti jista’, f’ċerti każijiet, iwassal għal trattament inqas favorevoli tar-residenti meta mqabbla ma’ persuni mhux residenti, fejn ir-rati tas-suppliment tat-taxxa muniċipali applikabbli għal dawk tal-ewwel jeċċedu r-rata fissa applikabbli għal dawn tal-aħħar. Konsegwentement, ir-rata tas-suppliment tat-taxxa għall-persuni mhux residenti ma tippermettix kompletament li jintlaħaq l-għan li tiġi evitata d-diskriminazzjoni inversa. Madankollu, l-użu ta’ rata li b’mod approssimattiv tikkorrispondi għall-medja tar-rati tas-suppliment tat-taxxa muniċipali jista’ jservi bħala mod raġonevoli u prattiku sabiex tiġi evitata tassazzjoni baxxa sistematika tal-persuni mhux residenti meta mqabbla mar-residenti. Minn din il-perspettiva, il-miżura tista’ dejjem titqies bħala globalment adatta sabiex jintlaħaq l-għan invokat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67.</p>
</td>
<td valign="top">
<p class="normal">Fir-rigward tal-element ta’ neċessità, għandu jiġi eżaminat jekk miżuri inqas restrittivi jistgħux jilħqu l-għan imfittex bl-istess effettività. Fil-fehma tiegħi, jistgħu jiġu kkunsidrati diversi alternattivi ta’ dan it-tip; pereżempju, l-applikazzjoni ta’ rata uniformi tas-suppliment tat-taxxa għall-kontribwenti kollha jew li r-rata tas-suppliment tat-taxxa tiġi deċiża abbażi tar-rata imposta fil-muniċipalità minn fejn id-dħul oriġina. Dawn iż-żewġ għażliet jiggarantixxu l-ugwaljanza fit-trattament bejn ir-residenti u l-persuni mhux residenti, u b’hekk jiżguraw fl-istess ħin l-osservanza tal-Artikolu 45 TFUE u jipprekludu d-diskriminazzjoni inversa. Madankollu, għadu mhux ċar jekk l-isfidi u l-kumplessitajiet li dawn l-għażliet jistgħu jippreżentaw f’termini ta’ koordinazzjoni u implimentazzjoni  (<span class="note footnote notemarker">
<a id="c-49" href="#t-49">48</a>
</span>) jirrenduhomx effettivament kumplessi wisq u mhux fattibbli, fid-dawl tal-fatt li hemm iktar minn 580 muniċipalità fil-Belġju  (<span class="note footnote notemarker">
<a id="c-50" href="#t-50">49</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68.</p>
</td>
<td valign="top">
<p class="normal">Min-naħa l-oħra, ma jistax jiġi miċħud li l-użu ta’ rata fissa, sa fejn din fil-fatt tikkorrispondi għall-medja tar-rati tas-suppliment tat-taxxa applikabbli, jikkostitwixxi approċċ ħafna iktar sempliċi u, kif issuġġerixxiet il-Kummissjoni, pragmatikament fattibbli  (<span class="note footnote notemarker">
<a id="c-51" href="#t-51">50</a>
</span>). F’dan ir-rigward, għandu jitfakkar li, għalkemm huwa minnu li kunsiderazzjonijiet ta’ natura amministrattiva ma jistgħux jiġġustifikaw deroga mid-dritt tal-Unjoni, ġie aċċettat ukoll mill-Qorti tal-Ġustizzja li l-possibbiltà li jintlaħqu għanijiet leġittimi permezz tal-introduzzjoni ta’ regoli faċilment amministrati u kkontrollati mill-awtoritajiet kompetenti ma tistax tiġi rrifjutata lill-Istati Membri  (<span class="note footnote notemarker">
<a id="c-52" href="#t-52">51</a>
</span>). F’dan is-sens, l-użu ta’ rata medja fissa jista’ jitqies li huwa realistikament neċessarju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69.</p>
</td>
<td valign="top">
<p class="normal">Filwaqt li għad għandi ċerti riżervi dwar id-disponibbiltà ta’ alternattivi inqas restrittivi, jekk l-użu ta’ rata medja fissa kellu jiġi aċċettat, fiċ-ċirkustanzi inkwistjoni, bħala li huwa mhux biss ġeneralment adattat iżda wkoll realistikament neċessarju, l-analiżi mbagħad trid iddur lejn il-proporzjonalità stricto sensu. Dan jinvolvi li l-vantaġġi tal-użu ta’ rata bħal din, fir-rigward tal-għan segwit, jiġu mqabbla mal-iżvantaġġi li din toħloq għal dawk li ma humiex residenti, fir-rigward tad-drittijiet tagħhom ta’ moviment liberu. F’dan ir-rigward, jidher li l-mistoqsija ewlenija hija dik dwar jekk id-differenza fit-trattament li tirriżulta mill-użu tar-rata medja fissa – speċifikament, l-oneru addizzjonali mqiegħed fuq dawk li ma humiex residenti meta mqabbla ma’ xi residenti – hijiex fil-fatt marġinali, meta l-miżura sservi sabiex tiżgura l-għan leġittimu ta’ prevenzjoni ta’ diskriminazzjoni inversa, bl-iktar mod fattibbli fi ħdan qafas fiskali kumpless. Fid-dawl tal-premess u abbażi tal-informazzjoni disponibbli, jidhirli li l-għażla tar-rata medja fissa tirrappreżenta kompromess ibbilanċjat bejn l-interessi involuti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70.</p>
</td>
<td valign="top">
<p class="normal">Konsegwentement, fil-fehma tiegħi, sakemm l-oneru addizzjonali fuq il-persuni mhux residenti jibqa’ strettament limitat u ebda alternattiva inqas restrittiva ugwalment effettiva ma tkun fattibbli, l-applikazzjoni tar-rata medja fissa għas-suppliment tat-taxxa tal-persuni mhux residenti tista’ titqies li hija proporzjonata. Dan huwa, ovvjament, bla ħsara għal kunsiderazzjonijiet oħra – jew saħansitra għal ġustifikazzjonijiet addizzjonali – li l-qorti tar-rinviju tista’ tieħu inkunsiderazzjoni fil-kuntest tal-evalwazzjoni konkreta tagħha tal-proporzjonalità tal-Artikolu 245 taċ-CIR 92.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">V.</p>
</td>
<td valign="top">
<p class="normal">Konklużjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71.</p>
</td>
<td valign="top">
<p class="normal">Fid-dawl tal-kunsiderazzjonijiet kollha preċedenti, nipproponi li l-Qorti tal-Ġustizzja tirrispondi għad-domanda magħmula mill-qorti tar-rinviju fis-sens li l-Artikolu 45 TFUE ma jipprekludix leġiżlazzjoni nazzjonali, bħal dik inkwistjoni fil-kawża prinċipali, li timponi fuq il-persuni mhux residenti suppliment tat-taxxa fuq it-taxxa fuq id-dħul minflok is-supplimenti tat-taxxa muniċipali sostnuti mir-residenti, sakemm ir-rati applikabbli għal din is-suppliment tat-taxxa ma jeċċedux ir-rati applikati għal residenti fi kwalunkwe reġjun partikolari, mingħajr ġustifikazzjoni oġġettiva u suġġett għall-prinċipju ta’ proporzjonalità.</p>
</td>
</tr>
</table>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">1</a>
</span>) Lingwa oriġinali: l-Ingliż.</p>
<p class="note footnote">(<span class="note footnote notemarker">
<a id="t-2" href="#c-2">i</a>
</span>) L-isem ta’ din il-kawża huwa fittizju. Dan l-isem ma jikkorrispondi għall-isem reali ta’ ebda waħda mill-partijiet fil-proċedura.</p>
<p class="note footnote">(<span class="note footnote notemarker">
<a id="t-3" href="#c-3">2</a>
</span>) Mattersdorf, L., “Einstein on taxes” (ittra lill-editur tal-konsulent tat-taxxa ta’ Einstein), Time Magazine, 22 ta’ Frar 1963.</p>
<p class="note footnote">(<span class="note footnote notemarker">
<a id="t-4" href="#c-4">3</a>
</span>) Sentenza tat‑22 ta’ Marzu 2007, Talotta (C‑383/05, EU:C:2007:181, punt 16 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-5" href="#c-5">4</a>
</span>) Ara, b’mod partikolari, l-Artikoli 5, 130, 228 u 243 taċ-CIR 92.</p>
<p class="note footnote">(<span class="note footnote notemarker">
<a id="t-6" href="#c-6">5</a>
</span>) Għall-finijiet ta’ qosor, it-terminu “muniċipalità” ser jintuża f’dawn il-konklużjonijiet sabiex jirreferi kemm għall-agglomerazzjonijiet kif ukoll għall-muniċipalitajiet.</p>
<p class="note footnote">(<span class="note footnote notemarker">
<a id="t-7" href="#c-7">6</a>
</span>) Skont l-Artikolu 398 tal-Loi-programme du 24 décembre 2002 (il-Liġi ta’ Programm tal‑24 ta’ Diċembru 2002) (Moniteur belge tal-31 ta’ Diċembru 2002, p. 58686).</p>
<p class="note footnote">(<span class="note footnote notemarker">
<a id="t-8" href="#c-8">7</a>
</span>) Skont l-Artikolu 80 tal-arrêté royal du 27 août 1993 d’exécution du Code des impôts sur les revenus 1992 (id-Digriet Irjali tas-27 ta’ Awwissu 1993 li jimplimenta [ċ-CIR 92]) (Moniteur belge tat‑13 ta’ Settembru 1993, p. 20096), kif emendat bid-Digriet Irjali tal-4 ta’ Diċembru 2003 (Moniteur belge tas‑17 ta’ Diċembru 2003, p. 59397).</p>
<p class="note footnote">(<span class="note footnote notemarker">
<a id="t-9" href="#c-9">8</a>
</span>) Id-deċiżjoni tar-rinviju ma tippreċiżax in-nazzjonalità tal-appellanti, iżda huwa mifhum li huma ċittadini tal-Unjoni Ewropea. Mill-proċess tal-kawża jista’ jiġi dedott ukoll, għalkemm b’ċerti riżervi, li huma ta’ nazzjonalità Belġjana.</p>
<p class="note footnote">(<span class="note footnote notemarker">
<a id="t-10" href="#c-10">9</a>
</span>) Bl-eċċezzjoni ta’ ċerti oġġezzjonijiet li jikkonċernaw is-snin tat-taxxa 1993 u 2008, li ntlaqgħu parzjalment, għal raġunijiet li ma humiex relatati ma’ din it-talba għal deċiżjoni preliminari.</p>
<p class="note footnote">(<span class="note footnote notemarker">
<a id="t-11" href="#c-11">10</a>
</span>) Mid-deċiżjoni tar-rinviju jirriżulta li l-kontribuzzjonijiet tat-taxxa kkontestati jikkonċernaw biss lil DK għas-snin tat-taxxa 1993 sa 1998, iżda liż-żewġ appellanti għas-snin li jifdal.</p>
<p class="note footnote">(<span class="note footnote notemarker">
<a id="t-12" href="#c-12">11</a>
</span>) Arrêt No 92/2019 de la Cour constitutionnelle du 6 juin 2019 (is-sentenza Nru 92/2019 tal-Qorti Kostituzzjonali Belġjana tas‑6 ta’ Ġunju 2019).</p>
<p class="note footnote">(<span class="note footnote notemarker">
<a id="t-13" href="#c-13">12</a>
</span>) Għall-finijiet ta’ kompletezza, nirrileva li l-appellanti ssuġġerew ukoll fl-osservazzjonijiet bil-miktub tagħhom li d-deċiżjoni tar-rinviju ma tissodisfax ir-rekwiżiti dwar il-kontenut tat-talbiet għal deċiżjoni preliminari, kif previsti fl-Artikolu 94 tar-Regoli tal-Proċedura tal-Qorti tal-Ġustizzja u fir-Rakkomandazzjonijiet lill-qrati nazzjonali dwar ir-rinviji għal deċiżjoni preliminari (ĠU 2019 C 380, p. 1). Għal din ir-raġuni, l-appellanti ma jeċċepixxux l-inammissibbiltà tat-talba għal deċiżjoni preliminari – li, għandu jitfakkar, huma stess talbu – iżda jidhru li qegħdin iqajmu l-kwistjoni sempliċiment sabiex jispjegaw għalfejn huma qiesu neċessarju li jiċċaraw il-kuntest ġuridiku u fattwali. F’dan ir-rigward, huwa biżżejjed, fil-fehma tiegħi, li jiġi rrilevat li d-deċiżjoni tar-rinviju ppreżentat b’mod suffiċjenti l-kuntest fattwali rilevanti, kif ukoll il-kontenut tad-dispożizzjonijiet nazzjonali rilevanti, sabiex il-Qorti tal-Ġustizzja tkun tista’ tifhem u tipprovdi risposta utli għad-domanda magħmula, skont l-Artikolu 94 tar-Regoli tal-Proċedura, b’tali mod li, fil-fehma tiegħi, ma teżisti ebda problema ta’ inammissibbiltà tad-deċiżjoni tar-rinviju.</p>
<p class="note footnote">(<span class="note footnote notemarker">
<a id="t-14" href="#c-14">13</a>
</span>) Ninnota li l-applikabbiltà tal-Artikolu 45 TFUE f’din il-kawża ma hijiex imqiegħda f’dubju, la mill-qorti tar-rinviju u lanqas mill-Gvern Belġjan jew mill-Kummissjoni. Fil-fatt, abbażi tal-preżunzjoni li l-appellanti huma ta’ nazzjonalità Belġjana (ara n-nota ta’ qiegħ il-paġna 8 iktar ’il fuq) residenti fi Franza, isegwi li huma jistgħu, bħala prinċipju, jinvokaw id-dispożizzjonijiet tat-TFUE dwar il-moviment liberu. Madankollu, nirrileva dan li ġej: DK ħadem, matul is-snin tat-taxxa inkwistjoni, b’mod parallel, kemm fi Franza kif ukoll fil-Belġju, filwaqt li għex fi Franza, u għalhekk jaqa’ fil-kamp ta’ applikazzjoni tal-Artikolu 45 TFUE (u dan indipendentement min-nazzjonalità tiegħu) (ara, pereżempju, is-sentenzi tas‑27 ta’ Ġunju 1996, Asscher, (C‑107/94, iktar ’il quddiem “is-sentenza Asscher”, EU:C:1996:251, punt 33), u tat‑12 ta’ Diċembru 2002, de Groot (C‑385/00, EU:C:2002:750, punti 76 sa 79 u l-ġurisprudenza ċċitata)). Min-naħa l-oħra, skont id-deċiżjoni tar-rinviju, JO ħadmet biss sal‑2000 u għalhekk, bħala prinċipju, ma tistax tinvoka l-moviment liberu tal-ħaddiema wara din id-data. Fi kwalunkwe każ, peress li hija ħadmet biss fi Franza, huwa mifhum li hija ma għandhiex dħul professjonali taxxabbli fil-Belġju, iżda hija ntaxxata biss għad-dħul minn immobbli tagħha. Dan ikun ifisser li l-libertà rilevanti fil-każ tagħha tkun dik tal-moviment tal-kapital, skont l-Artikolu 63 TFUE. Madankollu, il-Kummissjoni ssostni li din l-analiżi dwar it-trattament diskriminatorju bejn residenti u persuni mhux residenti, permezz tal-moviment liberu tal-ħaddiema, tibqa’, mutatis mutandis, rilevanti wkoll fil-kuntest tal-moviment liberu tal-kapital (ara, f’dan ir-rigward, is-sentenza tal‑11 ta’ Ottubru 2007, Hollmann, (C‑443/06, iktar ’il quddiem is-“sentenza Hollmann”, EU:C:2007:600)).</p>
<p class="note footnote">(<span class="note footnote notemarker">
<a id="t-15" href="#c-15">14</a>
</span>) Sentenza tal‑24 ta’ Frar 2015, Sopora (C‑512/13, iktar ’il quddiem is-“sentenza Sopora” EU:C:2015:108, punt 22 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-16" href="#c-16">15</a>
</span>) Ara s-sentenzi tal‑14 ta’ Frar 1995, Schumacker (C‑279/93, iktar ’il quddiem is-“sentenza Schumacker”, EU:C:1995:31, punt 26), u tal‑15 ta’ Ġunju 2023, Ministero dell’Istruzione, dell’Università e della Ricerca (Klassifikar speċjali) (C‑132/22, EU:C:2023:489, punt 28 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-17" href="#c-17">16</a>
</span>) Sentenza tat‑22 ta’ Ġunju 2017, Bechtel (C‑20/16, EU:C:2017:488, punt 39 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-18" href="#c-18">17</a>
</span>) Ara s-sentenza Schumacker, punt 30, u s-sentenza tat‑28 ta’ Ġunju 2012, Erny, (C‑172/11, iktar ’il quddiem is-“sentenza Erny”, EU:C:2012:399, punt 40 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-19" href="#c-19">18</a>
</span>) Ara s-sentenza Asscher, punt 41, u s-sentenza tat‑12 ta’ Ġunju 2003, Gerritse, (C‑234/01, iktar ’il quddiem is-“sentenza Gerritse”, EU:C:2003:340, punt 43).</p>
<p class="note footnote">(<span class="note footnote notemarker">
<a id="t-20" href="#c-20">19</a>
</span>) Ara, pereżempju, is-sentenzi tad‑29 ta’ April 1999, Royal Bank of Scotland (C‑311/97, iktar ’il quddiem is-“sentenza RBS”, EU:C:1999:216, punt 29); tal‑10 ta’ Mejju 2012, Il‑Kummissjoni vs L‑Estonja (C‑39/10, EU:C:2012:282, punt 51); u tad‑9 ta’ Frar 2017, X (C‑283/15, EU:C:2017:102, punti 30 sa 32 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-21" href="#c-21">20</a>
</span>) Teknikament, is-suppliment tat-taxxa ma jbiddilx ir-rata nominali tat-taxxa nnifisha. Għall-kuntrarju, dan huwa kkalkolat bħala perċentwali tat-taxxa dovuta (wara l-applikazzjoni tar-rata rilevanti) u miżjud flimkien mal-istess taxxa. Madankollu, l-effett tiegħu jammonta, fuq livell funzjonali, għal rata ta’ taxxa globali ogħla.</p>
<p class="note footnote">(<span class="note footnote notemarker">
<a id="t-22" href="#c-22">21</a>
</span>) Ara, pereżempju, is-sentenza Asscher, punt 48; is-sentenza RBS, punt 30; is-sentenza Gerritse, punt 53; is-sentenza Hollmann, punt 53, u s-sentenza tas‑6 ta’ Ottubru 2009, Il‑Kummissjoni vs Spanja (C‑562/07, iktar ’il quddiem is-“sentenza C‑562/07”, EU:C:2009:614, punti 48 et seq. u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-23" href="#c-23">22</a>
</span>) Ara punt 4 hawn fuq.</p>
<p class="note footnote">(<span class="note footnote notemarker">
<a id="t-24" href="#c-24">23</a>
</span>) F’dan ir-rigward, ara, pereżempju, Traversa, E. “Is there still room left in EU law for tax autonomy of Member States’ regional and local authorities?”, EC Tax Review, Vol. 20, Issue 1, 2011, p. 4 sa 15, li jsostni wkoll li t-tqassim, għall-istess taxxa, tas-setgħa li tiġi rregolata r-responsabbiltà tar-residenti u tal-persuni mhux residenti lejn awtoritajiet differenti jwassal kważi inevitabbilment għal ksur tal-libertà ta’ moviment fin-nuqqas ta’ koordinazzjoni stretta; ara wkoll, Bourgeois, M., “Le cadre institutionnel de l’impôt des non-résidents après la sixième réforme de l’État: observations préalables à l’étude de Hannelore Niesten”, Revue de Fiscalité Régionale et Locale, Nru 1, 2018, p. 21 sa 26.</p>
<p class="note footnote">(<span class="note footnote notemarker">
<a id="t-25" href="#c-25">24</a>
</span>) Ara, pereżempju, Barassi, M., “The notion of tax and the different types of taxes – comparative approach”, u Bourgeois, M., “Constitutional framework of the different types of income”, f’Peeters, B., The Concept of Tax, EATLP, 2005, p. 59 sa 73 u 99 sa 183.</p>
<p class="note footnote">(<span class="note footnote notemarker">
<a id="t-26" href="#c-26">25</a>
</span>) Ibid; ara wkoll de Jonckheere, M., Schep, A. u Monsma, A. “Open versus closed competence to tax: A comparative legal study of municial taxes in Belgium and the Netherlands”, Intertax, Vol. 47, Issue 5, 2019, p. 468 sa 489, u Spitzer, H. D. “Taxes vs. fees: A curious confusion”, Gonzaga Law Review, Vol. 38, Nru 2, 2002 sa 2003, p. 335 sa 365.</p>
<p class="note footnote">(<span class="note footnote notemarker">
<a id="t-27" href="#c-27">26</a>
</span>) Għall-kuntrarju, skont il-kliem tal-Imħallef Oliver Wendell Holmes Jr., “it-taxxi huma dak li nħallsu għal soċjetà ċivilizzata” [traduzzjoni libera].</p>
<p class="note footnote">(<span class="note footnote notemarker">
<a id="t-28" href="#c-28">27</a>
</span>) Doc. parl., Chambre, 1977 sa 1978, Nru 113/1, p. 1 u Doc. parl., Chambre, 2002 sa 2003, DOC 50-2124/001 u DOC 50-2125/001, p. 194, iċċitati fis-sentenza tal-Qorti Kostituzzjonali.</p>
<p class="note footnote">(<span class="note footnote notemarker">
<a id="t-29" href="#c-29">28</a>
</span>) Ara l-punt 23 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-30" href="#c-30">29</a>
</span>) Ara s-sentenza tal‑21 ta’ Mejju 2015, Pazdziej (C‑349/14, EU:C:2015:338, punti 21 sa 24).</p>
<p class="note footnote">(<span class="note footnote notemarker">
<a id="t-31" href="#c-31">30</a>
</span>) Sentenza tas‑26 ta’ Mejju 2016, NN (L) International (C‑48/15, EU:C:2016:356, punt 47 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-32" href="#c-32">31</a>
</span>) Ninnota li l-analiżi tas-sentenza tal-Qorti Kostituzzjonali kienet limitata preċiżament għall-punt tal-eżistenza tas-suppliment tat-taxxa nnifsu u ma daħlitx fl-ispeċifiċitajiet tar-rati differenti.</p>
<p class="note footnote">(<span class="note footnote notemarker">
<a id="t-33" href="#c-33">32</a>
</span>) Ara l-ħarsa ġenerali lejn ir-rata tal-imposta addizzjonali muniċipali, għal kull muniċipalità u għal kull sena tat-taxxa, kif ipprovduta mis-Service Public Fédéral Finances (is-Servizz Pubbliku Federali tal-Finanzi, il-Belġju), disponibbli fl-indirizz li ġej: https://finances.belgium.be/sites/default/files/Statistieken_SD/open-data/Taux_IPP_Com.xlsx.</p>
<p class="note footnote">(<span class="note footnote notemarker">
<a id="t-34" href="#c-34">33</a>
</span>) Ara, pereżempju, il-punt A.2.1 tas-sentenza tal-Qorti Kostituzzjonali, li tippreżenta l-pożizzjoni tal-appellanti quddiem it-tribunal de première instance de Namur (il-Qorti tal-Ewwel Istanza ta’ Namur).</p>
<p class="note footnote">(<span class="note footnote notemarker">
<a id="t-35" href="#c-35">34</a>
</span>) Ara t-travaux préparatoires, iċċitati fis-sentenza tal-Qorti Kostituzzjonali (Doc. parl., Chambre, 2002 sa 2003, DOC 50‑2124/001 u DOC 50‑2125/001, p. 194), li jipprovdu li l-possibbiltà li tiġi ffissata r-rata tas-suppliment tat-taxxa għall-persuni mhux residenti permezz ta’ digriet irjali ġiet introdotta (mis-sena tat-taxxa 2005) sabiex ikun hemm allinjament iktar mill-qrib mar-realtà tar-rati tas-suppliment tat-taxxa, li ħafna drabi jkunu ogħla.</p>
<p class="note footnote">(<span class="note footnote notemarker">
<a id="t-36" href="#c-36">35</a>
</span>) Dan huwa iktar u iktar minnu peress li, kif indikat fil-punt 50 ta’ dawn il-konklużjonijiet, ir-rati medji msemmija iktar ’il fuq jirriflettu l-medja tar-rati ta’ suppliment tat-taxxa muniċipali (jiġifieri l-medja bejn il-muniċipalitajiet) u mhux medja ponderata li tieħu inkunsiderazzjoni l-popolazzjoni tal-muniċipalitajiet. Għalhekk, jidher li għadd żgħir ta’ muniċipalitajiet b’supplimenti tat-taxxa b’rata żero, iżda popolazzjonijiet żgħar, naqqsu dawn ir-rati medji b’mod sinjifikattiv.</p>
<p class="note footnote">(<span class="note footnote notemarker">
<a id="t-37" href="#c-37">36</a>
</span>) Sentenza tat‑2 ta’ Ġunju 2016, Pensioenfonds Metaal en Techniek (C‑252/14, EU:C:2016:402, punt 38).</p>
<p class="note footnote">(<span class="note footnote notemarker">
<a id="t-38" href="#c-38">37</a>
</span>) Sentenza tat‑3 ta’ Settembru 2014, Il‑Kummissjoni vs Spanja (C‑127/12, mhux ippubblikata, EU:C:2014:2130, punt 66).</p>
<p class="note footnote">(<span class="note footnote notemarker">
<a id="t-39" href="#c-39">38</a>
</span>) Ara wkoll is-sentenza Asscher, punt 49; is-sentenza RBS, punt 30; is-sentenza Hollmann, punt 54; u s-sentenza C‑562/07, punt 43.</p>
<p class="note footnote">(<span class="note footnote notemarker">
<a id="t-40" href="#c-40">39</a>
</span>) Sentenza tas‑16 ta’ Mejju 2024, Hocinx (C‑27/23, EU:C:2024:404, punt 35).</p>
<p class="note footnote">(<span class="note footnote notemarker">
<a id="t-41" href="#c-41">40</a>
</span>) Iċċitata fin-nota ta’ qiegħ il-paġna 14 iktar ’il fuq.</p>
<p class="note footnote">(<span class="note footnote notemarker">
<a id="t-42" href="#c-42">41</a>
</span>) Sentenza tal-Qorti tal-EFTA tal‑4 ta’ Lulju 2023 fil-Kawża E‑11/22, RS vs Steuerverwaltung des Fürstentums Liechtenstein.</p>
<p class="note footnote">(<span class="note footnote notemarker">
<a id="t-43" href="#c-43">42</a>
</span>) Għandu jiġi nnotat li l-Qorti tal-EFTA, bħala punt prinċipali, ikkonstatat li s-sitwazzjoni tar-residenti kienet paragunabbli ma’ dik tal-persuni mhux residenti li jirċievu kważi d-dħul dinji kollu tagħhom fil-Liechtenstein, kif kien il-każ tar-rikorrent ikkonċernat. Madankollu, dik il-qorti mbagħad enfasizzat, b’riferiment għas-sentenza Asscher, li, fir-rigward tad-determinazzjoni tar-rata ta’ taxxa applikabbli, l-istatus ta’ residenza jew ta’ nuqqas ta’ residenza huwa fi kwalunkwe każ irrilevanti.</p>
<p class="note footnote">(<span class="note footnote notemarker">
<a id="t-44" href="#c-44">43</a>
</span>) Ta’ min jinnota li l-Liechtenstein emenda l-leġiżlazzjoni kkontestata (emenda diġà skattata b’sentenza preċedenti tal-Qorti Kostituzzjonali tiegħu), billi żamm is-suppliment tat-taxxa għall-persuni mhux residenti iżda pprovda li r-rata tas-suppliment tat-taxxa tiġi stabbilita kull sena fil-Liġi dwar il-Finanzi. Kif enfasizzat il-Qorti tal-EFTA, dan jippermetti lill-Parlament tal-Liechtenstein jistabbilixxi s-suppliment tat-taxxa b’riferiment għas-suppliment tat-taxxa muniċipali l-iktar baxx applikabbli f’dak iż-żmien.</p>
<p class="note footnote">(<span class="note footnote notemarker">
<a id="t-45" href="#c-45">44</a>
</span>) Sentenza Erny, punt 41 u l-ġurisprudenza ċċitata; ara wkoll is-sentenza tal‑10 ta’ Lulju 2025, Städteregion Aachen (C‑257/24, EU:C:2025:567, punt 46).</p>
<p class="note footnote">(<span class="note footnote notemarker">
<a id="t-46" href="#c-46">45</a>
</span>) Sentenza tat‑30 ta’ Novembru 2023, Ministero dell’Istruzione u INPS (C‑270/22, EU:C:2023:933, punt 73).</p>
<p class="note footnote">(<span class="note footnote notemarker">
<a id="t-47" href="#c-47">46</a>
</span>) Sentenza tal‑5 ta’ Diċembru 2023, Nordic Info (C‑128/22, EU:C:2023:951, punt 77 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-48" href="#c-48">47</a>
</span>) Sentenza tat‑13 ta’ Frar 2025, Lexitor (C‑472/23, EU:C:2025:89, punt 50).</p>
<p class="note footnote">(<span class="note footnote notemarker">
<a id="t-49" href="#c-49">48</a>
</span>) Ara CFE ECJ Task Force, “Opinion Statement ECJ-TF 4/2023 on the Decision of the EFTA Court of 4 July 2023 in Case E‑11/22, RS”; Ara wkoll Traversa, E., nota ta’ qiegħ il-paġna 23, op. cit., p. 14.</p>
<p class="note footnote">(<span class="note footnote notemarker">
<a id="t-50" href="#c-50">49</a>
</span>) Ara https://circabc.europa.eu/webdav/CircaBC/ESTAT/regportraits/Information/be.htm</p>
<p class="note footnote">(<span class="note footnote notemarker">
<a id="t-51" href="#c-51">50</a>
</span>) Madankollu nżid li l-użu ta’ medja ponderata li tieħu inkunsiderazzjoni l-popolazzjoni tal-muniċipalitajiet (ara n-nota ta’ qiegħ il-paġna 35 iktar ’il fuq) x’aktarx jipprovdi benchmark iktar rappreżentattiv. Fl-assenza ta’ data rilevanti, madankollu, ma huwiex ċar jekk dan iwassalx għal riżultat sostanzjalment differenti jew jekk dan huwiex, fil-fatt, il-metodu li diġà qiegħed jintuża.</p>
<p class="note footnote">(<span class="note footnote notemarker">
<a id="t-52" href="#c-52">51</a>
</span>) Ara s-sentenza Sopora, punt 33 u l-ġurisprudenza ċċitata.</p>
</body>
</html>
