<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.1.1-->
  <head>
    <title>2018-11-201811C114201702150-00-TRA-DOC-MT-CONCL-C-0215-17-201806548-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="mt-MT" name="Gendoc_Lang"/>
    <meta content="1/06/2018" name="CustomProvisoryEditionDate"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="7/02/2019 11:28:56" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="CNC" name="TypeDoc"/>
    <meta content="yzOzyneZX0OrKOenOFLpAdSBRL/45QKY3wD5V1D2rUMhHBIZ2re0DJGQ3ngtbldBVx2/+CV+t+a2jRwtw0oYMoNUx66KhYDPCmxEqZyjFl5e78aepQXOgrTz0x9SeCswWScboEEOGHzx1W6FsRXBbFrj9Eq7skqPhWVmq6g6luM=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="oromacr" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="0215" name="NumeroOrdre"/>
    <meta content="2017" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="" name="Gendoc_DGTGeneratedUser"/>
    <meta content="FAST_document_go_green" name="Gendoc_LastVerificationStatus"/>
    <meta content="CNC_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 28/02/2018 08:50:14" name="Created"/>
    <meta content="" name="Canevas3_Vademecum"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="d67252a2cab64350bb48c71783b1d35a" name="DocumentIdentifier"/>
    <meta content="0215" name="Gendoc_CaseNumber"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="XzEaL52PK9rgmPfivLZPbt2cAIlV2V9hZYcrMolAMJNGG8nOMpBo3DFxoWYPsDomqJVAnaFQ/+x55sWJ5KZHZ/PBybzQrEoLsE1aNgZrB/p7vZbzLNkCDGf+5jK5J/S6" name="GeneratedGenDocVersion"/>
  </head>
  <body>
    <div style="header">
      <div id="rId26" style="first"/>
      <div id="rId22" style="even">Konklużjonijiet Bobek – Kawża C-215/17</div>
      <div id="rId23" style="default">NKBM</div>
    </div>
    <p class="C36Centre" id="para-1" title="page-1">
      KONKLUŻJONIJIET TAL-AVUKAT ĠENERALI
    </p>
    <p class="C36Centre" id="para-2" title="page-1">
      BOBEK
    </p>
    <p class="C36Centre" id="para-3" title="page-1">
      ippreżentati fil-5 ta’ Settembru 2018  (<span class="note footnote notemarker">
<a id="c-1" href="#t-1">1</a>
</span>)
      
    </p>
    <p class="C38Centregrasgrandespacement" id="para-4" title="page-1">
      Kawża C-215/17
    </p>
    <p class="C37Centregras" id="para-5" title="page-1">
      Nova Kreditna Banka Maribor d.d.
    </p>
    <p class="C37Centregras" id="para-6" title="page-1">
      vs
    </p>
    <p class="C37Centregras" id="para-7" title="page-1">
      Republika Slovenija
    </p>
    <p class="C39Centreespacement" id="para-8" title="page-1">
      (talba għal deċiżjoni preliminari mressqa mill-Vrhovno sodišče Republike Slovenije (il-Qorti Suprema tar-Repubblika tas-Slovenja))
    </p>
    <p class="C71Indicateur" id="para-9" title="page-1">
      (Rinviju għal deċiżjoni preliminari — Użu mill-ġdid ta’ informazzjoni tas-settur pubbliku — Rekwiżiti prudenzjali għal istituzzjonijiet ta’ kreditu u ditti ta’ investiment — Istituzzjonijiet ta’ kreditu taħt influwenza dominanti tal-Istat — Regoli nazzjonali li jagħtu aċċess mingħajr restrizzjonijiet għal ċerta informazzjoni dwar kuntratti kummerċjali konklużi minn tali istituzzjonijiet)
    </p>
    <p class="C02AlineaAltA" id="para-10" title="page-1">
      
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">I.</p>
</td>
<td valign="top">
<p class="normal">Introduzzjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Nova Kreditna Banka Maribor d.d. (iktar ’il quddiem “NKBM”) huwa bank Sloven. Ġurnalist għamel talba lil dan il-bank għal aċċess għal lista li fiha ċerta informazzjoni dwar kuntratti konklużi minn NKBM ma’ ditti ta’ konsulenza, ditti legali u kumpanniji li jipprovdu servizzi ta’ natura intellettwali. Din it-talba saret skont ir-regoli Sloveni dwar l-aċċess għal dokumenti. Fiż-żmien li saret it-talba, ir-Repubblika tas-Slovenja kellha maġġoranza tal-ishma fi NKBM. Kienet ukoll għamlet rikapitalizzazzjoni ta’ dan il-bank. Għal dawn ir-raġunijiet, il-leġiżlazzjoni nazzjonali dwar l-aċċess għal dokumenti kienet applikabbli għall-bank f’dak iż-żmien, u jidher li informazzjoni bħal dik mitluba mill-ġurnalist kellha tingħata skont id-dritt nazzjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">NKBM ċaħad it-talba tal-ġurnalist. Il-ġurnalist ressaq ilment lill-awtorità amministrattiva li tittratta l-aċċess għall-informazzjoni fis-Slovenja, li ordnat lill-bank jagħti aċċess għall-informazzjoni mitluba. NKBM ikkontesta din id-deċiżjoni quddiem il-qrati nazzjonali. Il-kawża issa qed tinstema’ mill-Vrhovno sodišče Republike Slovenije (il-Qorti Suprema tar-Repubblika tas-Slovenja) fuq punt ta’ liġi. Din il-qorti qed tirreferi żewġ domandi lill-Qorti tal-Ġustizzja, fuq il-kompatibbiltà tal-leġiżlazzjoni Slovena dwar l-aċċess għal dokumenti kemm mad-Direttiva 2003/98/KE (<span class="note footnote notemarker">
<a id="c-2" href="#t-2">2</a>
</span>) kif ukoll mar-Regolament (UE) Nru 575/2013. (<span class="note footnote notemarker">
<a id="c-3" href="#t-3">3</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">II.</p>
</td>
<td valign="top">
<p class="normal">Qafas legali</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">Id-dritt tal-UE:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Id-Direttiva 2003/98</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3.</p>
</td>
<td valign="top">
<p class="normal">Id-Direttiva 2003/98 tfittex li tistabbilixxi, kif iddikjarat fl-Artikolu 1(1), “sett minimu ta’ regoli li jirregolaw l-użu mill-ġdid u l-mezzi prattiċi għall-iffaċilitar ta’ l-użu mill-ġdid ta’ dokumenti eżistenti miżmuma minn korpi tas-settur pubbliku ta’ l-Istati Membri”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4.</p>
</td>
<td valign="top">
<p class="normal">L-Artikolu 1(2) ta’ din id-direttiva fih lista ta’ esklużjonijiet mill-kamp ta’ applikazzjoni tagħha. Fis-subparagrafu (c) huwa jipprovdi, b’mod partikolari, li d-direttiva ma għandhiex tapplika għal “dokumenti li huma esklużi mill-aċċess minħabba r-reġimi ta’ aċċess fl-Istati Membri, fosthom minħabba raġunijiet ta’ […] kunfidenzjalità kummerċjali (eż. sigrieti kummerċjali, professjonali jew tal-kumpanniji)”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5.</p>
</td>
<td valign="top">
<p class="normal">Id-direttiva tgħid ukoll, fl-Artikolu 1(3), li “tibni fuq u hija bla ħsara għar-reġimi ta’ aċċess fl-Istati Membri.”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6.</p>
</td>
<td valign="top">
<p class="normal">L-Artikolu 2 tad-Direttiva jipprovdi, inter alia, id-definizzjonijiet li ġejjin għall-finijiet tad-direttiva:</p>
</td>
</tr>
</table>
    <p class="C09Marge0avecretrait" id="para-21" title="page-6">
      “1. ‘korp tas-settur pubbliku’ tfisser l-Istat, awtoritajiet reġjonali jew lokali, korpi regolati bil-liġi pubblika u assoċjazzjonijiet iffurmati minn awtorità waħda jew diversi awtoritajiet bħal dawk regolati bil-liġi pubblika;
    </p>
    <p class="C09Marge0avecretrait" id="para-22" title="page-6">
      2. ‘korp regolat bil-liġi pubblika’ tfisser [kull] korp:
    </p>
    <p class="C11Marge1avecretrait" id="para-23" title="page-6">
      (a) stabbilit għal fini speċifiku biex iħares il-ħtiġiet fl-interess ġenerali, li ma jkollux karattru industrijali jew kummerċjali; u
    </p>
    <p class="C11Marge1avecretrait" id="para-24" title="page-6">
      (b) li jkollu personalità ġuridika; u
    </p>
    <p class="C11Marge1avecretrait" id="para-25" title="page-6">
      (c) finanzjat, fil-parti ‘l kbira tiegħu mill-Istat, jew minn awtoritajiet reġjonali jew lokali, jew korpi oħra regolati mill-liġi pubblika; jew suġġett għas-sorveljanza maniġerjali minn dawk il-korpi; jew li jkollu bord amministrattiv, maniġerjali jew ta’ sorveljanza, li iktar minn-nofs il-membri tiegħu ikunu maħtura mill-Istat, awtoritajiet reġjonali jew lokali jew minn korpi oħra regolati mill-liġi pubblika;
    </p>
    <p class="C11Marge1avecretrait" id="para-26" title="page-6">
      […]”
    </p>
    <p class="C02AlineaAltA" id="para-27" title="page-1">
      
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Ir-Regolament Nru 575/2013,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7.</p>
</td>
<td valign="top">
<p class="normal">Il-kamp ta’ applikazzjoni tar-Regolament Nru 575/2013 huwa definit fl-Artikolu 1, li jgħid hekk:</p>
</td>
</tr>
</table>
    <p class="C02AlineaAltA" id="para-30" title="page-6">
      “Dan ir-Regolament jistabbilixxi regoli uniformi li jikkonċernaw rekwiżiti prudenzjali ġenerali li l-istituzzjonijiet sorveljati skont id-Direttiva 2013/36/UE għandhom jikkonformaw magħhom fir-rigward tal-elementi li ġejjin:
    </p>
    <p class="C02AlineaAltA" id="para-31" title="page-6">
      […]
    </p>
    <p class="C09Marge0avecretrait" id="para-32" title="page-6">
      (e) rekwiżiti ta’ divulgazzjoni pubblika.
    </p>
    <p class="C02AlineaAltA" id="para-33" title="page-6">
      […]”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8.</p>
</td>
<td valign="top">
<p class="normal">It-Tmien Parti ta’ dan ir-regolament hija intitolata “Żvelar mill-Istituzzjonijiet” u hija magħmula mill-Artikoli 431 sa 455. L-Artikolu 431 jistabbilixxi l-ambitu tar-rekwiżiti ta’ divulgazzjoni. L-Artikolu 432(2) jawtorizza, taħt ċerti kundizzjonijiet, l-ommissjoni ta’ informazzjoni privata jew kunfidenzjali fid-divulgazzjoni. L-Artikolu 433 iżid li l-istituzzjonijiet għandhom jippubblikaw id-divulgazzjonijiet meħtieġa mit-Tmien Parti mill-inqas darba fis-sena.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">Id-dritt Sloven</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Il-liġi dwar l-aċċess għall-informazzjoni pubblika</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9.</p>
</td>
<td valign="top">
<p class="normal">L-Artikolu 1a taż-Zakon o dostopu do informacij javnega značaja (iktar ’il quddiem il-“Liġi dwar l-aċċess għall-informazzjoni pubblika”, jew iz-“ZDIJZ”) jaqra kif ġej:</p>
</td>
</tr>
</table>
    <p class="C02AlineaAltA" id="para-38" title="page-7">
      “(1) Il-liġi preżenti tirregola wkoll il-proċedura li tippermetti lil kulħadd ikollu aċċess liberu għal informazzjoni ta’ importanza pubblika miżmuma minn kumpanniji kummerċjali u entitajiet oħra taħt id-dritt privat li jaqgħu taħt l-influwenza dominanti, kemm direttament jew indirettament, individwalment jew konġuntament, tar-Repubblika tas-Slovenja, entitajiet territorjali lokali awtonomi jew entitajiet oħra taħt id-dritt pubbliku (iktar ‘il quddiem l-“impriżi taħt l-influwenza dominanti ta’ entitajiet ta’ dritt pubbliku”).
    </p>
    <p class="C02AlineaAltA" id="para-39" title="page-7">
      (2) Għandu jitqies li jkun hemm influwenza dominanti fis-sens tal-paragrafu preċedenti meta r-Repubblika tas-Slovenja, l-entitajiet territorjali lokali awtonomi, jew entitajiet oħra taħt id-dritt pubbliku, individwalment jew kollettivament:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">ikunu jistgħu jeżerċitaw influwenza dominanti fuq il-bażi ta’ sehem maġġoritarju fil-kapital sottoskritt, jew ikollhom, fir-rigward ta’ kumpannija kummerċjali, id-dritt li jikkontrollaw il-maġġoranza jew is-setgħa li jaħtru iktar minn nofs il-membri tal-organu amministrattiv jew korp superviżorju, direttament jew indirettament permezz ta’ kumpanniji kummerċjali oħra jew entitajiet oħra taħt id-dritt privat,</p>
</td>
</tr>
</table>
    <p class="C02AlineaAltA" id="para-41" title="page-7">
      […]
    </p>
    <p class="C02AlineaAltA" id="para-42" title="page-7">
      (3) Bank li jibbenefika minn miżuri meħuda taħt il-liġi li tirregola l-miżuri meħuda mir-Repubblika tas-Slovenja biex isaħħaħ l-istabbiltà tal-banek għandu wkoll jitqies li huwa taħt influwenza dominanti fis-sens tal-paragrafu 1 ta’ dan l-artikolu.
    </p>
    <p class="C02AlineaAltA" id="para-43" title="page-7">
      (4) Impriża għandha wkoll titqies li tkun suġġetta għall-obbligu stabbilit fil-paragrafu 1 ta’ dan l-artikolu għal perijodu ta’ ħames snin wara li l-influwenza dominanti, kif imsemmija fil-paragrafu 2 ta’ dan l-artikolu, tkun intemmet, fil-każ ta’ informazzjoni ta’ importanza pubblika li tmur lura għall-perijodu li matulu dik l-impriża kienet taħt influwenza dominanti.
    </p>
    <p class="C02AlineaAltA" id="para-44" title="page-7">
      (5) Impriża taħt l-influwenza dominanti ta’ entitajiet taħt id-dritt pubbliku għandha tkun suġġetta għall-obbligu li tipprovdi aċċess għal informazzjoni ta’ importanza pubblika fis-sens tal-Artikolu 4a ta’ din il-liġi.
    </p>
    <p class="C02AlineaAltA" id="para-45" title="page-8">
      (6) Minbarra l-għan stabbilit fl-Artikolu 2(1), il-liġi preżenti għandha jkollha l-għan li ttejjeb it-trasparenza u t-tmexxija responsabbli tal-fondi pubbliċi u l-finanzi ta’ impriżi taħt l-influwenza dominanti ta’ entitajiet taħt id-dritt pubbliku.
    </p>
    <p class="C02AlineaAltA" id="para-46" title="page-8">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10.</p>
</td>
<td valign="top">
<p class="normal">L-Artikolu 4a(1) taz-ZDIJZ jgħid li:</p>
</td>
</tr>
</table>
    <p class="C02AlineaAltA" id="para-48" title="page-8">
      “Fil-każ ta’ impriżi taħt l-influwenza dominanti ta’ entitajiet taħt id-dritt pubbliku, informazzjoni ta’ importanza pubblika tfisser:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">informazzjoni dwar tranżazzjoni li tinvolvi l-akkwist, it-tneħħija jew il-ġestjoni tal-assi tanġibbli tal-impriża jew in-nefqa tal-impriża b’relazzjoni mal-ordnijiet ta’ provvisti, xogħlijiet, servizzi ta’ aġenzija, konsulenza jew servizzi oħra, kif ukoll finanzjament, sponsorizzazzjoni, konsulenza u ftehimiet ta’ awtur, jew tranżazzjonijiet oħra li jipproduċu riżultat simili;</p>
</td>
</tr>
</table>
    <p class="C02AlineaAltA" id="para-50" title="page-8">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11.</p>
</td>
<td valign="top">
<p class="normal">Skont l-Artikolu 6a taz-ZDIJZ:</p>
</td>
</tr>
</table>
    <p class="C02AlineaAltA" id="para-52" title="page-8">
      “(1) Minkejja d-dispożizzjonijiet tal-paragrafu 1 tal-artikolu preċedenti, aċċess mitlub għal informazzjoni ta’ importanza pubblika fuq impriżi taħt l-influwenza dominanti ta’ entitajiet taħt id-dritt pubbliku għandu jingħata fir-rigward tad-data prinċipali li tikkonċerna t-tranżazzjonijiet magħluqin imsemmija fl-ewwel inċiż tal-Artikolu 4a(1) ta’ din il-liġi, jiġifieri:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">informazzjoni dwar it-tip ta’ tranżazzjoni;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">lis-sieħeb kuntrattwali, fil-każ ta’ persuna ġuridika, l-isem tal-kumpannija jew tan-negozju, l-uffiċċju rreġistrat u l-indirizz tan-negozju; jew, fil-każ ta’ persuna fiżika, l-isem tal-persuna u l-post ta’ residenza;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">il-valur tal-kuntratt u l-ammonti tad-diversi pagamenti magħmula;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">id-data li fiha jkun ġie konkluż il-kuntratt u t-tul tat-tranżazzjoni; u</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">ċerta informazzjoni li tinsab fl-annessi għal dawn il-kuntratti.</p>
</td>
</tr>
</table>
    <p class="C02AlineaAltA" id="para-58" title="page-8">
      […]
    </p>
    <p class="C02AlineaAltA" id="para-59" title="page-9">
      (3) Minkejja d-dispożizzjonijiet tal-paragrafu 1 ta’ dan l-artikolu, fejn l-informazzjoni ta’ importanza pubblika ma tkunx aċċessibbli permezz tal-internet skont l-Artikolu 10a(4) ta’ din il-liġi, persuna meħtieġa li tipprovdi aċċess għandha tirrifjuta aċċess għad-data prinċipali relatata ma’ tranżazzjoni msemmija fil-paragrafu 1 ta’ dan l-artikolu, jekk dik il-persuna turi li d-divulgazzjoni tkun ser tippreġudika serjament il-pożizzjoni kompetittiva tagħhom fis-suq, sakemm dik id-data ma tikkonċernax tranżazzjonijiet li jinvolvu l-provvista ta’ servizzi minn finanzjaturi, sponsorizzant, konsulenti, awturi jew tranżazzjonijiet oħra li jipproduċu riżultat simili.
    </p>
    <p class="C02AlineaAltA" id="para-60" title="page-9">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Il-liġi dwar il-kumpanniji kummerċjali</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12.</p>
</td>
<td valign="top">
<p class="normal">L-Artikolu 39 taż-Zakon o gospodarskih družbah (iktar ’il quddiem il-“Liġi dwar il-kumpanniji kummerċjali” jew iz-“ZGD-1”) jipprovdi:</p>
</td>
</tr>
</table>
    <p class="C02AlineaAltA" id="para-63" title="page-9">
      “(1) Id-data deskritta minn kumpannija f’deċiżjoni bil-miktub bħala sigriet tan-negozju għandha titqies bħala tali. Id-deċiżjoni għandha tiġi mgħarrfa lill-membri, lill-impjegati, lill-membri tal-korpi amministrattivi tal-kumpannija u lill-persuni oħra marbuta bis-sigriet tan-negozju.
    </p>
    <p class="C02AlineaAltA" id="para-64" title="page-9">
      (2) Kemm jekk deskritta bħala tali b’deċiżjoni fis-sens tal-paragrafu 1, data li fir-rigward tagħha jkun ċar li d-divulgazzjoni tagħha lil persuna mhux awtorizzata tikkawża danni serji wkoll għandha titqies li tkun sigriet tan-negozju. Il-membri, l-impjegati, il-membri tal-korpi amministrattivi tal-kumpannija u persuni oħra jinżammu responsabbli għad-divulgazzjoni ta’ sigriet tan-negozju jekk ikunu jafu jew kellhom ikunu jafu li d-data kienet ta’ dak in-natura.
    </p>
    <p class="C02AlineaAltA" id="para-65" title="page-9">
      (3) Id-data li, bil-liġi, hija pubblika, jew data relatata ma’ ksur ta’ liġi jew ksur ta’ prattika kummerċjali tajba ma għandhiex tiġi deskritta bħala sigriet tan-negozju.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">III.</p>
</td>
<td valign="top">
<p class="normal">Il-fatti, il-proċedura nazzjonali u d-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13.</p>
</td>
<td valign="top">
<p class="normal">Nova Kreditna Banka Maribor, d.d. huwa bank Sloven. Ġurnalist għamel talba lil dan il-bank għal aċċess għal lista b’informazzjoni li tinkludi data dwar kuntratti li NKBM kienet ikkonkludiet ma’ ditti ta’ konsulenza, ditti legali u kumpanniji li jipprovdu servizzi ta’ natura intellettwali fil-perijodu mill-1 ta’ Ottubru 2012 sas-17 ta’ April 2014. Id-data mitluba tirrelata speċifikament ma’: it-tip ta’ tranżazzjoni konkluża; l-imsieħeb kuntrattwali (fil-każ ta’ persuna ġuridika, l-isem tal-kumpannija jew tan-negozju, l-uffiċċju rreġistrat u l-indirizz kummerċjali); il-valur tal-kuntratt; l-ammont ta’ pagamenti individwali; id-data li fiha ġie konkluż il-kuntratt; it-tul ta’ żmien tar-relazzjoni kummerċjali; u informazzjoni oħra bħal din li tinsab fl-annessi tal-kuntratt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14.</p>
</td>
<td valign="top">
<p class="normal">Skont l-Artikolu 6a(1) taz-ZDIJZ, meta d-data mitluba tirrigwarda ċerti tipi ta’ tranżazzjonijiet kuntrattwali - inklużi kuntratti bħal dawk inkwistjoni - huma jiġu kklassifikati bħala “data prinċipali”. Din id-data titqies li hija “informazzjoni ta’ importanza pubblika” meta tikkonċerna kumpanniji taħt l-influwenza dominanti ta’ entità taħt id-dritt pubbliku.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15.</p>
</td>
<td valign="top">
<p class="normal">Matul il-perijodu li għalih intalab l-aċċess għad-data, NKBM kien taħt l-influwenza dominanti ta’ entità taħt id-dritt pubbliku, jiġifieri r-Repubblika tas-Slovenja. Dan kien għaliex (i) direttament jew indirettament, is-Slovenja kellha l-maġġoranza tal-ishma ta’ NKBM u, (ii) bħal numru ta’ banek oħra, NKBM kien ġie sostanzjalment rikapitalizzat permezz ta’ intervent tal-Istat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16.</p>
</td>
<td valign="top">
<p class="normal">Skont l-Artikolu 6a(3) taz-ZDIJZ, l-aċċess għal “data ewlenija” msemmija hawn fuq għandu bħala prinċipju jingħata. Madankollu, dan l-aċċess jista’ jiġi rrifjutat jekk il-kumpannija turi li d-divulgazzjoni tista’ jagħmel ħsara serja lill-pożizzjoni kompetittiva tagħha fis-suq.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17.</p>
</td>
<td valign="top">
<p class="normal">Hemm madankollu eċċezzjoni għal din l-eċċezzjoni: l-aċċess għandu dejjem jingħata fejn din id-“data prinċipali” tikkonċerna “tranżazzjonijiet li jinvolvu l-għoti ta’ servizzi minn finanzjaturi, sponsorizzanti, konsulenti, awturi jew tranżazzjonijiet oħra li jipproduċu riżultat simili”. Skont il-qorti tar-rinviju, il-lista mitluba mill-ġurnalist tikkonċerna kuntratti li jaqgħu taħt din il-kategorija.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18.</p>
</td>
<td valign="top">
<p class="normal">Fil-21 ta’ April 2016, NKBM sar kumpannija b’responsabbiltà limitata privata u, bħala tali, ma baqax taħt l-influwenza dominanti tal-Istat. Madankollu, skont l-Artikolu 1a(4) taz-ZDIJZ, baqa’ obbligat li jagħti aċċess għal data għal ħames snin oħra, sakemm din id-data tkun relatata mal-perijodu li fih NKBM kien taħt dik l-influwenza dominanti. Fi kwalunkwe każ, il-ġurnalist għamel it-talba għal aċċess f’data li mhix indikata espressament fid-digriet tar-rinviju, iżda b’mod ċar din kienet qabel id-data li fiha NKBM sar kumpannija privata: kif tosserva l-qorti tar-rinviju, ir-risposta (negattiva) ta’ NKBM għal din it-talba ngħatat fid-19 ta’ Mejju 2014.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19.</p>
</td>
<td valign="top">
<p class="normal">NKBM irrifjuta t-talba għal informazzjoni tal-ġurnalist. Il-ġurnalist ressaq ilment kontra dan ir-rifjut lill-Informacijski pooblaščenec (il-Kummissarju tal-Informazzjoni, is-Slovenja). Il-Kummissarju tal-Informazzjoni laqa’ l-ilment u ordna lil NKBM jipprovdi d-data mitluba lill-ġurnalist.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20.</p>
</td>
<td valign="top">
<p class="normal">NKBM ressaq talba kontra din id-deċiżjoni, li ġiet miċħuda mill-qorti tal-ewwel istanza. NKBM imbagħad ressaq appell fuq punt ta’ liġi quddiem il-qorti tar-rinviju, il-Vrhovno sodišče Republike Slovenije (il-Qorti Suprema tar-Repubblika tas-Slovenja). Quddiem din il-qorti, NKBM allega li z-ZDIJZ kisret drittijiet kostituzzjonali, u li kienet inkompatibbli mad-dritt tal-Unjoni. L-allegazzjonijiet ta’ inkompatibbiltà tal-leġiżlazzjoni nazzjonali mal-Kostituzzjoni Slovena ġew eżaminati mill-Ustavno sodišče Republike Slovenije (il-Qorti Kostituzzjonali tar-Repubblika tas-Slovenja), li ġiet adita mill-qorti tar-rinviju dwar il-kwistjoni tal-kostituzzjonalità tal-liġi nazzjonali. L‑Ustavno sodišče Republike Slovenije (il-Qorti kostituzzjonali tar-Repubblika tas-Slovenja) iddeċidiet li r-regoli nazzjonali inkwistjoni ma kinux inkompatibbli mal-Kostituzzjoni Slovena.  (<span class="note footnote notemarker">
<a id="c-4" href="#t-4">4</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21.</p>
</td>
<td valign="top">
<p class="normal">F’dawn ir-ċirkustanzi, il-Vrhovno sodišče Republike Slovenije (il-Qorti Suprema tar-Repubblika tas-Slovenja) iddeċidiet li tissospendi l-proċedura u li tagħmel lill-Qorti tal-Ġustizzja d-domandi preliminari li ġejjin:</p>
</td>
</tr>
</table>
    <p class="C02AlineaAltA" id="para-76" title="page-11">
      “(1) It-tielet inċiż tal-Artikolu 1(2)(c) tad-Direttiva 2003/98, kif emendat bid-Direttiva 2013/37 (verżjoni kkonsolidata), b’teħid inkunsiderazzjoni ta’ approċċ ta’ armonizzazzjoni minima, għandu jiġi interpretat fis-sens li leġiżlazzjoni nazzjonali tista’ tippermetti aċċess illimitat (assolut) għall-informazzjoni kollha li tirriżulta minn kuntratti li jikkonċernaw id-drittijiet tal-awtur u minn kuntratti ta’ konsulenza, anki jekk dawn jiġu ddefiniti bħala sigriet tan-negozju, u l-imsemmija leġiżlazzjoni tipprevedi dan biss f’rabta mal-persuni suġġetti għal influwenza dominanti tal-Istat, iżda mhux ukoll għall-persuni obbligati l-oħra, u, l-interpretazzjoni tiġi influwenzata wkoll mir-Regolament (UE) Nru 575/2013 b’rabta mar-regoli dwar l-iżvelar ta’ informazzjoni, u b’mod partikolari fis-sens li l-aċċess għall-informazzjoni ta’ natura pubblika fis-sens tad-Direttiva 2003/98 ma jistax ikun iktar wiesa’ minn dak previst mir-regoli uniformi fil-qasam tal-iżvelar ta’ data previsti mill-imsemmi regolament?
    </p>
    <p class="C02AlineaAltA" id="para-77" title="page-11">
      (2) Ir-Regolament Nru 575/2013, meqjus taħt il-profil tar-regoli dwar l-iżvelar ta’ informazzjoni fir-rigward tal-attività kummerċjali tal-banek, u b’mod iktar preċiż l-Artikoli 446 u 432(2), li jinsabu fil-Parti Tmienja ta’ tali regolament, għandhom jiġu interpretati fis-sens li tali regoli jipprekludu leġiżlazzjoni ta’ Stat Membru, li timponi fuq bank li jinsab jew li kien jinsab taħt l-influwenza dominanti ta’ entità rregolata mid-dritt pubbliku jiżvela informazzjoni dwar il-kuntratti konklużi għall-provvista ta’ servizzi ta’ konsulenza, ta’ servizzi ta’ avukati, ta’ servizzi ta’ awturi ta’ xogħlijiet intellettwali u ta’ servizzi oħra ta’ natura intellettwali, u iktar preċiżament l-informazzjoni dwar it-tip ta’ negozju konkluż, il-partner kuntrattwali (għall-persuni ġuridiċi: l-isem kummerċjali, is-sede, l-indirizz kummerċjali), il-valur tal-kuntratt, l-ammont tal-pagamenti individwali, id-data ta’ konklużjoni tal-kuntratt, it-tul tar-relazzjoni tan-negozju u data analoga li tirriżulta mill-annessi tal-kuntratti – informazzjoni li hija kollha datata fil-perijodu tal-issuġġettar għall-influwenza dominanti –, mingħajr previżjoni ta’ kwalunkwe eċċezzjoni għal tali obbligu u mingħajr il-possibbiltà ta’ bbilanċjar bejn l-interess tal-pubbliku li jkollu aċċess għad-data u l-interess tal-bank għaż-żamma tas-sigriet tan-negozju, meta ma jkunx każ li jinvolvi elementi transkonfinali?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22.</p>
</td>
<td valign="top">
<p class="normal">Tressqu sottomissjonijiet bil-miktub minn NKBM, il-Kummissarju tal-Informazzjoni, il-Gvernijiet Ungeriżi u Sloveni, u l-Kummissjoni Ewropea. NKBM, il-Gvern Sloven u l-Kummissjoni ppreżentaw osservazzjonijiet orali waqt is-seduta tas-7 ta’ Ġunju 2018.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">IV.</p>
</td>
<td valign="top">
<p class="normal">Evalwazzjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23.</p>
</td>
<td valign="top">
<p class="normal">Jidhirli li la d-Direttiva 2003/98 u lanqas ir-Regolament Nru 575/2013 ma jipprekludu l-leġiżlazzjoni inkwistjoni fil-kawża prinċipali. Ser neżamina kull wieħed minn dawn l-istrumenti tal-UE separatament fil-qafas tal-analiżi tal-ewwel (A) u tat-tieni (B) domanda preliminari.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">L-ewwel domanda: id-Direttiva 2003/98</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24.</p>
</td>
<td valign="top">
<p class="normal">L-ewwel domanda għandha żewġ partijiet. L-ewwel parti tikkonċerna l-kwistjoni tal-kompatibbiltà, mat-tielet inċiż tal-Artikolu 1(2)(ċ) tad-Direttiva 2003/98, tar-regoli nazzjonali li jippermettu aċċess mingħajr restrizzjonijiet (assolut) għal kull informazzjoni f’kuntratti ta’ drittijiet tal-awtur u ta’ konsulenza, anki meta dawn il-kuntratti jiġu kklassifikati bħala sigriet tan-negozju. Il-qorti tar-rinviju tinnota li din il-leġislazzjoni tistipula dan biss fir-rigward ta’ istituzzjonijiet taħt l-influwenza dominanti tal-Istat. Fit-tieni parti tad-domanda, il-kwistjoni hija jekk l-interpretazzjoni tad-direttiva hijiex influwenzata mir-Regolament Nru 575/2013.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25.</p>
</td>
<td valign="top">
<p class="normal">Bħala kwistjoni preliminari, ta’ min josserva li l-Gvern Sloven sostna fis-sottomissjonijiet bil-miktub tiegħu u kkonferma waqt is-seduta li l-formulazzjoni tal-kliem ta’ din id-domanda ma hijiex kompletament preċiża.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26.</p>
</td>
<td valign="top">
<p class="normal">L-ewwel nett, din id-domanda tiddikjara li l-leġiżlazzjoni Slovena inkwistjoni tagħti aċċess mingħajr restrizzjonijiet għall-informazzjoni kollha li tikkonċerna ċerti tipi ta’ kuntratti. Madankollu, skont il-Gvern Sloven, iz-ZDIJZ tagħti aċċess mingħajr restrizzjonijiet għal ċerta data biss, jiġifieri d-“data prinċipali” f’dawk il-kuntratti. Kif spjegat ulterjorment mill-Gvern Sloven waqt is-seduta, din id-data tiġi ppreżentata f’forma miġbura, li jfisser li persuna li tkun qed tfittex aċċess tikseb l-informazzjoni li, pereżempju, il-bank X kien ikkonkluda kuntratt mal-kumpannija Y, relatat mal-qasam Z, u s-somma globali mħallsa, iżda dik il-persuna ma tirċevix iktar dettalji rigward il-kontenut ta’ dak il-kuntratt. Għalhekk, l-aċċess għall-elementi kollha li jkun fadal tal-kuntratt (li ma humiex “data prinċipali”) jista’ jiġi miċħud jekk il-kumpannija kellha tikklassifikahom bħala sigriet tan-negozju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27.</p>
</td>
<td valign="top">
<p class="normal">Fi kwalunkwe każ, nixtieq nenfasizza li mid-digriet tar-rinviju jirriżulta li t-talba għal aċċess tal-ġurnalist tkopri biss tali “data prinċipali” dwar kuntratti ta’ drittijiet tal-awtur u ta’ konsulenza, jiġifieri informazzjoni suġġetta għal aċċess mingħajr restrizzjonijiet taħt l-Artikolu 6a(3) taz-ZDIJZ in fine.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28.</p>
</td>
<td valign="top">
<p class="normal">It-tieni nett, il-qorti tar-rinviju tindika, fl-ewwel domanda, li l-leġiżlazzjoni nazzjonali inkwistjoni tagħti aċċess mingħajr restrizzjonijiet anki meta dawn il-kuntratti jiġu kklassifikati bħala sigriet tan-negozju. Il-Gvern Sloven jerġa’ jissuġġerixxi li l-kliem tal-domanda ma huwiex konsistenti mal-leġiżlazzjoni nazzjonali tiegħu. B’mod iktar speċifiku, huwa jsostni li d-data mitluba mill-ġurnalist ma tistax tiġi kkwalifikata bħala sigriet tan-negozju minn NKBM, għaliex l-Artikolu 39(3) taz-ZGD-1 ma jippermettix li d-data tiġi kkategorizzata bħala sigriet tan-negozju jekk dik id-data tkun pubblika skont il-liġi. Id-data mitluba mill-ġurnalist hija pubblika bis-saħħa tal-Artikolu 6a(3) taz-ZDIJZ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29.</p>
</td>
<td valign="top">
<p class="normal">Għal darb’oħra, fi kwalunkwe każ, anki jekk f’dan ir-rigward il-kwistjoni tidher li ġiet abbozzata f’termini wesgħin wisq, il-qorti tar-rinviju ma tindikax fid-digriet tar-rinviju li NKBM kien ser jikkategorizza jew ifittex li jikkategorizza d-data li talab il-ġurnalist bħala sigriet tan-negozju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30.</p>
</td>
<td valign="top">
<p class="normal">Jekk jitpoġġew fil-ġenb id-dettalji dwar il-fatti u l-liġi nazzjonali, dak li jidher li mhux ikkontestat huwa li skont il-liġi Slovena NKBM għandu jagħti aċċess mingħajr restrizzjonijiet, f’forma miġbura, għal-lista li fiha d-data mitluba mill-ġurnalist. Din il-lista tikkonċerna kuntratti konklużi minn NKBM ma’ ditti ta’ konsulenza, ditti legali u kumpanniji li jipprovdu servizzi ta’ natura intellettwali. Id-data li l-ġurnalist għandu jingħata aċċess għaliha tkopri biss id-data prinċipali. Mhux ikkontestat ukoll li tali aċċess mingħajr restrizzjonijiet ma jkunx possibbli kieku NKBM ma kienx, fil-perijodu rilevanti, taħt l-influwenza dominanti tal-Istat. Dan jidher li huwa l-punt kruċjali tal-ewwel parti tal-ewwel domanda magħmula mill-qorti tar-rinviju: dan l-aċċess mingħajr restrizzjonijiet huwa kompatibbli mat-tielet inċiż tal-Artikolu 1(2)(c) tad-Direttiva 2003/98?</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31.</p>
</td>
<td valign="top">
<p class="normal">Mill-perspettiva tiegħi huwa kompatibbli, għal raġuni pjuttost sempliċi: ma jidhirlix li d-Direttiva 2003/98, meta tqis l-applikabbiltà ratione materiae tagħha, tfittex li tirregola s-sitwazzjoni fil-kawża prinċipali (2). Madankollu, barra minn hekk, l-iskop tal-applikazzjoni ratione personae tad-direttiva għandu jiġi indirizzat u forsi għandu jiġi indirizzat kif suppost forsi anki qabel il-kwistjoni tal-applikabbiltà ratione materiae (1).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">L-applikabbiltà ratione personae</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32.</p>
</td>
<td valign="top">
<p class="normal">Id-Direttiva 2003/98 tgħid fl-Artikolu 1(1) li tistabbilixxi regoli li “jirregolaw l-użu mill-ġdid u l-mezzi prattiċi għall-iffaċilitar ta’ l-użu mill-ġdid ta’ dokumenti eżistenti miżmuma minn korpi tas-settur pubbliku ta’ l-Istati Membri” (enfasi miżjuda). L-Artikolu 2(1) tad-direttiva jipprovdi li “korp tas-settur pubbliku” tfisser “l-Istat, awtoritajiet reġjonali jew lokali, korpi regolati bil-liġi pubblika […]”. L-Artikolu 2(2) jkompli jiddefinixxi “korp regolat bil-liġi pubblika” bħala kull korp li jissodisfa tliet kundizzjonijiet kumulattivi. L-ewwel minn dawn il-kundizzjonijiet hija li dak il-korp ikun “stabbilit għal fini speċifiku biex iħares il-ħtiġiet fl-interess ġenerali, li ma jkollux karattru industrijali jew kummerċjali (enfasi miżjuda).  (<span class="note footnote notemarker">
<a id="c-5" href="#t-5">5</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33.</p>
</td>
<td valign="top">
<p class="normal">Naturalment, hija essenzjalment il-qorti nazzjonali li għandha tivverifika l-fatti ta’ każ. Madankollu, jien nammetti li għandi ċerta diffikultà nimmaġina kif entità, li ġiet deskritta bħala bank (kummerċjali normali), u li kienet biss ikkontrollata temporanjament mill-Istat għal skopijiet ta’ rikapitalizzazzjoni u sussegwentement mibjugħa mill-ġdid fis-suq, tista’ titqies li hija “korp tas-settur pubbliku” fis-sens tad-direttiva. Anki jekk ikkontrollat għal xi żmien mill-Istat, dan ma tantx jibdel dik l-entità f’korp “regolat mil-liġi pubblika” fis-sens tal-Artikolu 2(1) tad-Direttiva 2003/98. Barra minn hekk, bank kummerċjali, kif jidher li huwa NKBM, x’aktarx jonqos ukoll milli jissodisfa r-rekwiżiti tal-Artikolu 2(2)(a) tad-direttiva: il-fatt li entità bħal din hija temporanjament ikkontrollata mill-Istat u rikapitalizzata minnu ma tantx twassal biex dik l-entità tkun korp “stabbilit għal fini speċifiku biex iħares il-ħtiġiet fl-interess ġenerali”, u jċaħħadha mill-“karattru industrijali jew kummerċjali” tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">L-applikabbiltà ratione materiae</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34.</p>
</td>
<td valign="top">
<p class="normal">Madankollu, irrispettivament mill-konklużjoni tal-qorti tar-rinviju dwar jekk NKBM ikkwalifikax bħala korp tas-settur pubbliku fis-sens tad-Direttiva 2003/98 fiż-żmien tal-fatti, jiena tal-fehma li din tal-aħħar fl-ebda każ ma tirregola ratione materiae l-kwistjonijiet indirizzati mil-leġiżlazzjoni Slovena applikabbli fil-kawża prinċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35.</p>
</td>
<td valign="top">
<p class="normal">Skont l-Artikolu 1(3), id-direttiva “tibni fuq u hija bla ħsara għar-reġimi ta’ aċċess fl-Istati Membri”. Bl-istess mod, il-premessa 9 tad-Direttiva 2003/98 tiddikjara li d-direttiva “tibni fuq ir-reħimi [reġimi] eżistenti ta’ aċċess fl-Istati Membri u ma tibdilx ir-regoli nazzjonali għall-aċċess għal dokumenti”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36.</p>
</td>
<td valign="top">
<p class="normal">Dan huwa ċċarat iktar mill-premessa 7 tad-Direttiva 2013/37, li emendat id-Direttiva 2003/98. Skont din il-premessa, “id-Direttiva 2003/98/KE ma fihiex obbligu li jikkonċerna aċċess għad-dokumenti jew obbligu li jiġi awtorizzat l-użu mill-ġdid ta’ dokumenti”. Barra minn hekk, skont il-premessa 8 tagħha, l-emendi magħmula mid-Direttiva 2013/37 “m’għandhomx l-għan li jiddefinixxu jew ibiddlu ir-reġimi tal-aċċess fl-Istati Membri, li jibqgħu r-responsabbiltà tagħhom”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37.</p>
</td>
<td valign="top">
<p class="normal">B’hekk, id-Direttiva 2003/98 tiddistingwi b’mod ċar bejn aċċess għal dokumenti u użu mill-ġdid ta’ dawn id-dokumenti. Mingħajr aċċess ma jista’ jkun hemm ebda użu mill-ġdid, iżda dan ma jfissirx li aċċess u użu mill-ġdid jistgħu jitqiesu li huma kunċetti ekwivalenti.  (<span class="note footnote notemarker">
<a id="c-6" href="#t-6">6</a>
</span>) Id-direttiva tistabbilixxi obbligi fir-rigward tal-użu mill-ġdid tad-dokumenti iżda ma tmissx mar-regoli (nazzjonali) dwar l-aċċess għad-dokumenti. Fl-istess ħin, id-direttiva toqgħod u tiddependi fuq ir-regoli nazzjonali dwar l-aċċess għad-dokumenti sabiex tkun applikabbli. Huwa veru wkoll li, kull meta l-aċċess jingħata mil-liġi nazzjonali, l-użu mill-ġdid għandu, bħala prinċipju,  (<span class="note footnote notemarker">
<a id="c-7" href="#t-7">7</a>
</span>) jitħalla awtomatikament, suġġett għall-kundizzjonijiet stabbiliti mid-direttiva.  (<span class="note footnote notemarker">
<a id="c-8" href="#t-8">8</a>
</span>) Madankollu, dan ma jbiddilx il-fatt li d-direttiva hija bla ħsara, u ma għandhiex l-intenzjoni li tbiddel regoli dwar l-aċċess, għal dokumenti miżmuma minn korpi nazzjonali tas-settur pubbliku, li jibqgħu dominju li l-Istati Membri huma unikament responsabbli għalihom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38.</p>
</td>
<td valign="top">
<p class="normal">Kif ġie osservat mill-Gvern Sloven fis-sottomissjonijiet bil-miktub tiegħu, il-leġiżlazzjoni Slovena inkwistjoni fil-kawża prinċipali, jiġifieri z-ZDIJZ, tikkostitwixxi l-leġiżlazzjoni nazzjonali dwar l-aċċess għal dokumenti. Huwa minnu li z-ZDIJZ hija wkoll il-leġiżlazzjoni li fiha l-leġiżlatur nazzjonali ddeċieda li jdaħħal xi dispożizzjonijiet sabiex jittrasponi d-Direttiva 2003/98. Madankollu, fid-dawl tal-kontenut tad-dispożizzjonijiet speċifiċi taz-ZDIJZ applikabbli għall-kawża prinċipali, inkluż l-Artikolu 6a(3) tagħha, fil-fehma tiegħi huwa ċar li dawn id-dispożizzjonijiet huma regoli li jagħtu aċċess mingħajr restrizzjonijiet għal ċerta informazzjoni, u mhux regoli dwar l-użu mill-ġdid tad-dokumenti.  (<span class="note footnote notemarker">
<a id="c-9" href="#t-9">9</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39.</p>
</td>
<td valign="top">
<p class="normal">B’hekk, is-sitwazzjoni fil-kawża prinċipali u l-leġiżlazzjoni nazzjonali applikabbli jikkonċernaw b’mod ċar l-aċċess, iżda mhux l-użu mill-ġdid fis-sens tad-Direttiva 2003/98.  (<span class="note footnote notemarker">
<a id="c-10" href="#t-10">10</a>
</span>) Peress li l-kwistjonijiet ta’ aċċess inizjali huma b’mod ċar għall-Istati Membri biex jiddeċiedu, allura fih innifsu s-suppliment potenzjalment applikabbli sussegwentament, fil-forma tad-Direttiva 2003/98, ma jistax jintuża għar-raġunament b’lura u jillimita l-ambitu tal-aċċess inizjali. B’riżultat ta’ dan, din id-direttiva ma tistax tipprekludi regoli nazzjonali milli jagħtu aċċess mingħajr restrizzjonijiet għal ċerti dokumenti, anki jekk dawn id-dokumenti kienu kklassifikati bħala sigrieti kummerċjali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40.</p>
</td>
<td valign="top">
<p class="normal">Din il-konklużjoni ma hijiex affettwata mit-tielet inċiż tal-Artikolu 1(2)(ċ) tad-Direttiva 2003/98, imsemmija mill-qorti nazzjonali. Skont din id-dispożizzjoni, id-direttiva ma tapplikax għal dokumenti li huma esklużi mill-aċċess bis-saħħa ta’ liġi nazzjonali. Dan huwa preċiżament għaliex, kif diġà osservajt, l-użu mill-ġdid (skont id-direttiva) huwa possibbli biss fejn id-dokumenti jistgħu jiġu aċċessati (skont il-liġi nazzjonali). Għaldaqstant, il-fatt li t-tielet inċiż tal-Artikolu 1(2)(ċ) jiċċita “kunfidenzjalità kummerċjali (eż. sigrieti kummerċjali, professjonali jew tal-kumpaniji)” bħala wieħed mill-eżempji  (<span class="note footnote notemarker">
<a id="c-11" href="#t-11">11</a>
</span>) ta’ raġunijiet possibbli għal esklużjoni (nazzjonali) minn aċċess għal dokumenti (li, jekk u fejn applikabbli, jimplikaw li dawn id-dokumenti ma jkunux koperti mid-direttiva), ma tantx jista’ jiġi interpretat li jimponi obbligu fuq l-Istati Membri biex jipprovdu limiti għal aċċess għal dawk ir-raġunijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41.</p>
</td>
<td valign="top">
<p class="normal">Fl-aħħar nett, permezz tat-tieni parti tal-ewwel domanda, il-qorti tar-rinviju essenzjalment tistaqsi jekk l-interpretazzjoni tad-Direttiva 2003/98 hijiex influwenzata mir-Regolament Nru 575/2013, b’mod partikolari fis-sens li aċċess għal informazzjoni tas-settur pubbliku ma jistax ikun iktar estensiv minn dak previst mir-regoli uniformi dwar id-divulgazzjoni tal-informazzjoni stabbilit bir-regolament.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42.</p>
</td>
<td valign="top">
<p class="normal">Dan l-element tal-ewwel domanda jiftaħ id-diskussjoni tat-tieni domanda magħmula mill-qorti nazzjonali: jiġifieri jekk ir-regolament huwiex eżawrjenti fir-rigward tal-obbligi ta’ divulgazzjoni li jimponi fuq istituzzjonijiet ta’ kreditu u, jekk dan ikun il-każ, jekk dan jimplikax projbizzjoni ta’ regoli nazzjonali li jippermettu aċċess għal informazzjoni addizzjonali mhux kopert minn dawk ir-rekwiżiti ta’ divulgazzjoni. Hija din id-domanda li jiena issa ser ngħaddi għaliha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">It-tieni domanda: Ir-Regolament Nru 575/2013</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43.</p>
</td>
<td valign="top">
<p class="normal">It-tieni domanda tikkonċerna r-regoli dwar id-divulgazzjoni tal-informazzjoni prevista mill-Parti Tmienja tar-Regolament Nru 575/2013, u b’mod iktar speċifiku l-Artikolu 446 u l-Artikolu 432(2). Il-qorti tar-rinviju tistaqsi, essenzjalment, jekk dawn ir-regoli jipprekludux leġiżlazzjoni nazzjonali li tobbliga lil bank taħt l-influwenza dominanti ta’ entità ta’ dritt pubbliku li tiddivulga ċerta informazzjoni (li tikkorrispondi għad-data prinċipali fis-sens taz-ZDIJZ) dwar kuntratti pprovduti għal konsulenza u servizzi legali u servizzi ta’ natura intellettwali, mingħajr ma tipprovdi għal xi eċċezzjoni għal dak ir-rekwiżit, u bl-ebda possibbiltà li jibbilanċja l-interess pubbliku li jkollu aċċess għad-data kontra l-interess tal-bank li jħares is-sigrieti tan-negozju tiegħu. Il-qorti tar-rinviju żżid li hija qed tistaqsi din id-domanda f’ċirkustanzi fejn ma hemmx elementi transkonfinali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44.</p>
</td>
<td valign="top">
<p class="normal">Ir-Regolament Nru 575/2013 huwa biċċa leġiżlazzjoni dettaljata. Dan jistabbilixxi regoli uniformi dwar ir-rekwiżiti prudenzjali ġenerali li l-istituzzjonijiet sorveljati taħt id-Direttiva 2013/36/UE,  (<span class="note footnote notemarker">
<a id="c-12" href="#t-12">12</a>
</span>) jiġifieri istituzzjonijiet ta’ kreditu u ditti ta’ investiment, għandhom jikkonformaw ruħhom ma’ numru ta’ punti elenkati fl-Artikolu 1 tar-regolament. Dawn jirrigwardaw prinċipalment il-profil ta’ riskju ta’ dawn l-entitajiet. Il-premessa 7 tiċċara li “dan ir-Regolament għandu, fost l-oħrajn, ikun fih ir-rekwiżiti prudenzjali għall-istituzzjonijiet marbutin strettament mal-funzjonament tas-swieq tas-servizzi bankarji u finanzjarji u huma maħsuba biex jiżguraw l-istabbiltà finanzjarja tal-operaturi f’dawk is-swieq kif ukoll livell għoli ta’ protezzjoni tal-investituri u d-depożituri”. Ir-rekwiżiti prudenzjali stabbiliti mir-regolament ifittxu li jiggarantixxu mhux biss is-solidità finanzjarja ta’ istituzzjonijiet ta’ kreditu u ditti ta’ investiment, iżda wkoll livell suffiċjenti ta’ informazzjoni għall-investituri u għad-depożituri, permezz ta’ sistema standardizzata ta’ divulgazzjoni ta’ informazzjoni dwar il-profil ta’ riskju ta’ kull istituzzjoni..</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45.</p>
</td>
<td valign="top">
<p class="normal">Ir-regolament jimponi għadd ta’ obbligi strutturali sostanzjali, ekonomiċi, kontabilistiċi u finanzjarji relatati ma’ kwistjonijiet bħal fondi proprji (Parti Tnejn), rekwiżiti ta’ kapital (Parti Tlieta), l-iskoperturi kbar (Parti Erbgħa), skoperturi għal riskju ta’ kreditu trasferit (Parti Ħamsa), likwidità (il-Parti Sitta) u lieva (Parti Sebgħa). Barra minn hekk, ir-Regolament Nru 575/2013 jistabbilixxi fil-Parti Tmienja l-obbligu ta’ divulgazzjoni pubblika ta’ informazzjoni fir-rigward ta’ xi wħud minn dawn l-obbligi sostantivi. Il-premessa 68 tgħid li “l-għan tar-rekwiżiti tad-divulgazzjoni għandu jkun li jipprovdu lill-parteċipanti tas-suq b’informazzjoni preċiża u komprensiva rigward il-profil tar-riskju tal-istituzzjonijiet individwali”.  (<span class="note footnote notemarker">
<a id="c-13" href="#t-13">13</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46.</p>
</td>
<td valign="top">
<p class="normal">L-istituzzjonijiet ta’ kreditu għandhom, skont l-Artikolu 431(3) tar-Regolament Nru 575/2013, jadottaw politika formali biex jikkonformaw ruħhom ma’ dawn ir-rekwiżiti ta’ divulgazzjoni. Skont l-Artikolu 433, l-informazzjoni rilevanti għandha tiġi divulgata mill-inqas darba fis-sena, għalkemm tista’ tiġi ppubblikata iktar spiss. L-Artikolu 434 jipprovdi li l-istituzzjonijiet ta’ kreditu u d-ditti tal-investiment huma ħielsa li jagħżlu l-mezzi ta’ pubblikazzjoni, għalkemm kemm jista’ jkun id-divulgazzjonijiet kollha għandhom jingħataw f’mezz wieħed jew f’post wieħed.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47.</p>
</td>
<td valign="top">
<p class="normal">L-Artikolu 432(2) tar-Regolament Nru 575/2013, li jissemma fit-tieni domanda, jipprovdi li istituzzjonijiet ta’ kreditu u ditti tal-investiment għandhom il-possibbiltà li ma jiddivulgawx parti minn din l-informazzjoni  (<span class="note footnote notemarker">
<a id="c-14" href="#t-14">14</a>
</span>) jekk titqies li tkun “proprjetarja jew kunfidenzjali”.  (<span class="note footnote notemarker">
<a id="c-15" href="#t-15">15</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48.</p>
</td>
<td valign="top">
<p class="normal">Kif diġà ġie osservat,  (<span class="note footnote notemarker">
<a id="c-16" href="#t-16">16</a>
</span>) l-Artikolu 6a(3) taz-ZDIJZ jippermetti r-rifjut ta’ aċċess għal informazzjoni ta’ importanza pubblika fejn dik id-divulgazzjoni tippreġudika serjament il-pożizzjoni kompetittiva fis-suq tal-persuna jew tal-kumpannija kkonċernata. Din l-eċċezzjoni għall-obbligu tad-divulgazzjoni hija fformulata f’termini kemmxejn simili għall-eċċezzjoni għall-obbligu tad-divulgazzjoni tal-informazzjoni proprjetarja provduta mill-Artikolu 432(2) tar-Regolament Nru 575/2013. Madankollu, kuntrarjament għaz-ZDIJZ, ir-regolament ma jippermettix li din l-eċċezzjoni tiġi annullata għal raġunijiet ta’ interess pubbliku. Din hija preċiżament ir-raġuni għaliex il-qorti tar-rinviju tidher li għandha dubji dwar il-kompatibbiltà tar-regola nazzjonali mad-dritt tal-UE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49.</p>
</td>
<td valign="top">
<p class="normal">Jien indikajt id-dispożizzjonijiet tad-dritt nazzjonali u tal-UE inkwistjoni f’ċertu dettall sabiex nenfasizza li minkejja li ż-żewġ dispożizzjonijiet fihom “kliem prinċipali” simili (“divulgazzjoni”, “banek” u “informazzjoni kunfidenzjali”), huma jikkonċernaw u mistennija jirregolaw suġġetti differenti ħafna. Dan huwa enfasizzat ukoll minn tliet punti relatati mal-istruttura ġenerali u l-loġika taż-żewġ miżuri.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50.</p>
</td>
<td valign="top">
<p class="normal">L-ewwel nett, iz-ZDIJZ tippermetti l-possibbiltà ta’ aċċess individwali għal dokumenti speċifiċi, fuq il-bażi ta’ talba individwali fuq bażi ta’ każ b’każ. Ir-Regolament Nru 575/2013, min-naħa l-oħra, jistabbilixxi obbligu ta’ divulgazzjoni ġenerali ta’ numru kbir ta’ punti ta’ informazzjoni predeterminati mir-regolament, li huwa obbligatorju li tiddivulga b’mod unilaterali (jiġifieri mingħajr il-ħtieġa ta’ kwalunkwe talba minn xi parti interessata) sistematikament, darba fis-sena (jew, jekk ikun il-każ, iktar spiss) u, bħala prinċipju, f’forma kkonsolidata permezz ta’ pubblikazzjoni unitarja fuq l-internet jew stampata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51.</p>
</td>
<td valign="top">
<p class="normal">It-tieni nett, fir-rigward tal-entitajiet suġġetti għall-obbligi ta’ divulgazzjoni, iz-ZDIJZ hija applikabbli ġeneralment għall-entitajiet kollha taħt id-dritt pubbliku kif ukoll għall-entitajiet privati taħt l-influwenza dominanti ta’ entitajiet taħt id-dritt pubbliku, filwaqt li r-regolament huwa applikabbli biss għal istituzzjonijiet ta’ kreditu u ditti ta’ investiment.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52.</p>
</td>
<td valign="top">
<p class="normal">It-tielet nett, fir-rigward tal-għan tal-obbligi ta’ divulgazzjoni, l-Artikolu 1a(6) taz-ZDIJZ jgħid li “din il-Liġi għandha jkollha l-għan li ttejjeb it-trasparenza u t-tmexxija responsabbli ta’ fondi pubbliċi u l-finanzi ta’ impriżi taħt influwenza dominanti ta’ entitajiet taħt id-dritt pubbliku” (enfasi miżjuda). Min-naħa l-oħra, il-premessa 68 tar-regolament tinnota li “l-għan tar-rekwiżiti tad-divulgazzjoni għandu jkun li jipprovdu lill-parteċipanti tas-suq b’informazzjoni preċiża u komprensiva rigward il-profil tar-riskju tal-istituzzjonijiet individwali.” (enfasi miżjuda).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53.</p>
</td>
<td valign="top">
<p class="normal">Fil-fehma tiegħi, it-tip ta’ divulgazzjoni stabbilit fir-Regolament Nru 575/2013 u d-dritt ta’ aċċess mingħajr restrizzjonijiet mogħti miz-ZDIJZ għandhom raġunijiet u għanijiet differenti, huma abbozzati b’mod differenti u jimponu drittijiet u obbligi fuq persuni differenti. Huma jikkonċernaw kwistjonijiet differenti ħafna.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54.</p>
</td>
<td valign="top">
<p class="normal">Għaldaqstant, ma naħsibx li r-regoli uniformi dwar l-eċċezzjonijiet għad-divulgazzjoni permessi mill-Artikolu 432(2) tar-regolament, li tfasslu u ġew ifformulati fil-kuntest speċifiku tagħhom u għall-iskop speċifiku tagħhom, jistgħu jiddaħħlu fil-leġiżlazzjoni nazzjonali dwar aċċess għal dokumenti, jiġifieri ż-ZDIJZ. Ma hemm assolutament ebda relazzjoni materjali jew sistemika bejn ir-regolament u z-ZDIJZ biex tiġi ġġustifikata kwalunkwe limitazzjoni bħal din.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55.</p>
</td>
<td valign="top">
<p class="normal">Eżempju wieħed jista’ jgħin biex tintwera n-natura vera (u problematika) tal-argument sottostanti għat-tieni domanda tal-qorti tar-rinviju. Immaġina liġi li twaqqaf awtorità pubblika nazzjonali. F’dik il-miżura, li tistipula l-kompetenzi u l-governanza ta’ din l-istituzzjoni, jiġi ddikjarat ukoll li l-istituzzjoni inkwistjoni għandha tippubblika rapport annwali, li fih tali u tali tip ta’ informazzjoni, disponibbli għal kulħadd fis-sit internet tagħha. Tista’ mbagħad miżura bħal din tiġi invokata minn din l-istituzzjoni pubblika biex tirrifjuta aċċess għal biċċa informazzjoni individwali mitluba minn individwu taħt l-aċċess ġeneralment applikabbli għal leġiżlazzjoni dwar l-informazzjoni, bl-argument li minħabba li l-leġiżlatur ma kienx inkluda din it-tip ta’ informazzjoni fil-lista ta’ informazzjoni li għandha tiġi ppubblikata awtomatikament fuq bażi annwali, b’hekk tipprekludi li din l-informazzjoni qatt ma tiġi żvelata individwalment?</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56.</p>
</td>
<td valign="top">
<p class="normal">Naturalment it-tweġiba hija le. Il-fatt li żewġ vapuri jgħaddu lil xulxin fil-lejl, u anki jagħtu sinjal lil xulxin waqt li jgħaddu lil xulxin, ċertament ma jfissirx (mingħajr ma jittieħdu iktar azzjonijiet espliċiti) li wieħed jikkontrolla lill-ieħor.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57.</p>
</td>
<td valign="top">
<p class="normal">Hawn iridu jsiru tliet rimarki tal-għeluq sabiex jirriflettu b’mod sħiħ l-argumenti kollha magħmula mill-qorti tar-rinviju u biex jassistu bis-sħiħ lill-Qorti tal-Ġustizzja, jekk xi għajnuna bħal din tkun meħtieġa fil-kuntest tat-tieni domanda lil hinn minn dak li diġà ġie ssuġġerit.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58.</p>
</td>
<td valign="top">
<p class="normal">L-ewwel nett, fid-domanda tagħha, il-qorti tar-rinviju tikkwota mhux biss l-Artikolu 432(2), iżda wkoll l-Artikolu 446 tar-Regolament Nru 575/2013. Din id-dispożizzjoni, intitolata “Riskju operattiv”, essenzjalment tistabbilixxi obbligu li tiddivulga l-approċċi u l-metodoloġija li kull istituzzjoni tuża għall-valutazzjoni tar-rekwiżiti tal-fondi proprji għar-riskju operattiv li tikkwalifika għalih.  (<span class="note footnote notemarker">
<a id="c-17" href="#t-17">17</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59.</p>
</td>
<td valign="top">
<p class="normal">Madankollu, barra milli tikkwota din id-dispożizzjoni, il-qorti tar-rinviju ma tispjegax għalfejn tqis li l-liġi Slovena tista’ tkun inkompatibbli ma’ din id-dispożizzjoni. Ma naħsibx li din id-dispożizzjoni tbiddel xi ħaġa fil-konklużjoni ġenerali li diġà ntlaħqet għat-tieni domanda. F’kull każ, jista’ jitfakkar li l-Artikolu 94 tar-Regoli tal-Proċedura tal-Qorti tal-Ġustizzja, li jiddetermina l-kontenut tat-talbiet għal deċiżjoni preliminari, jiddikjara fil-punt (c) li dan tal-aħħar għandu jkollu inter alia “espożizzjoni tar-raġunijiet li wasslu lill-qorti tar-rinviju sabiex ikollha dubji dwar l-interpretazzjoni jew il-validità ta’ ċerti dispożizzjonijiet tad-dritt tal-Unjoni, kif ukoll il-konnessjoni li hija tistabbilixxi bejn dawn id-dispożizzjonijiet u l-leġiżlazzjoni nazzjonali applikabbli għall-kawża prinċipali”. Peress li l-qorti tar-rinviju naqset milli twettaq dan l-obbligu, inqis li din il-parti tat-tieni domanda hija inammissibbli.  (<span class="note footnote notemarker">
<a id="c-18" href="#t-18">18</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60.</p>
</td>
<td valign="top">
<p class="normal">It-tieni nett, il-qorti tar-rinviju ssemmi l-Artikolu 450 tar-Regolament Nru 575/2013 bħala sors ieħor ta’ inkompatibbiltà potenzjali taz-ZDIJZ mad-dritt tal-Unjoni. Din id-dispożizzjoni, intitolata “Politika ta’ rimunerazzjoni”, tistabbilixxi obbligu ta’ divulgazzjoni ta’ ċerta informazzjoni dwar il-politika u l-prattiċi tar-remunerazzjoni ta’ kull istituzzjoni għal dawk il-kategoriji ta’ persunal li l-attivitajiet professjonali tagħhom ikollhom impatt materjali fuq il-profil tar-riskju tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61.</p>
</td>
<td valign="top">
<p class="normal">F’dan ir-rigward, irrid ngħid li l-Gvern Sloven ikkonferma waqt is-seduta li l-lista tad-data mitluba mill-ġurnalist ma kienx fiha informazzjoni dwar il-politika ta’ remunerazzjoni ta’ NKBM, iżda biss dwar kuntratti li kkonkluda ma’ partijiet terzi, liema kuntratti ma jikkonċernawx il-politika ta’ remunerazzjoni ta’ NKBM. Fl-assenza ta’ iktar spjegazzjonijiet mill-qorti tar-rinviju, jidher li r-riferiment għall-Artikolu 450 tar-regolament għalhekk ma huwiex rilevanti għall-każ fil-kawża prinċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62.</p>
</td>
<td valign="top">
<p class="normal">It-tielet u l-aħħar nett, il-qorti tar-rinviju espressament tgħid fl-aħħar tat-tieni domanda li din tal-aħħar titqajjem “f’ċirkustanzi fejn ma hemmx elementi transkonfinali”. Dan jikkuntrasta mal-fatt li d-digriet tar-rinviju jgħid, fil-kuntest tal-argumenti invokati minn NKBM, li “l-element transkonfinali jirriżulta għaliex [NKBM] għandu sussidjarja bl-uffiċċju reġistrat tagħha fi Vjenna [l-Awstrija] (Adria Bank AG)”. Id‑digriet tar-rinviju wkoll josserva li NKBM bħalissa huwa proprjetà ta’ impriża minn Stat Membru ieħor, li madankollu ma hijiex identifikata. Skont il-qorti tar-rinviju dan jista’ jkun rilevanti biex issir evalwazzjoni tar-regoli Sloveni fid-dawl tar-regoli dwar id-dritt ta’ stabbiliment (Artikolu 49 TFUE), dwar il-libertà li jiġu pprovduti servizzi (Artikolu 56 TFUE), jew dwar il-moviment liberu tal-kapital (Artikolu 63 TFUE), kif ukoll dwar il-libertà li jitmexxa negozju (Artikolu 16 tal-Karta tad-Drittijiet Fundamentali tal-Unjoni Ewropea).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63.</p>
</td>
<td valign="top">
<p class="normal">Madankollu, il-qorti tar-rinviju immedjatament tosserva li l-kwistjoni dwar il-libertajiet fundamentali “qed titressaq biss ipotetikament”, peress li fiż-żmien inkwistjoni NKBM ma kienx proprjetà ta’ impriża minn Stat Membru ieħor. Madankollu, il-qorti tar-rinviju tinsisti li din id-domanda għandha tingħata risposta għax “ma hijiex kwistjoni distinta, iżda hija marbuta mill-qrib mal-effetti tal-armonizzazzjoni minima permessa mid-Direttiva 2003/98”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64.</p>
</td>
<td valign="top">
<p class="normal">Fid-dawl tal-fatti ppreżentati mill-qorti tar-rinviju kif ukoll mir-rikonoxximent li din il-parti tal-kwistjoni hija ipotetika, jiena tal-fehma li ma hemmx għalfejn tiġi indirizzata l-kwistjoni tar-restrizzjonijiet potenzjali għal-libertajiet fundamentali.  (<span class="note footnote notemarker">
<a id="c-19" href="#t-19">19</a>
</span>) Forsi iktar importanti, ma hemm ebda kwistjoni speċifika dwar din il-kwistjoni, u għalhekk ma hemmx għalfejn tingħata tweġiba.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">V.</p>
</td>
<td valign="top">
<p class="normal">Konklużjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65.</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, nipproponi lill-Qorti tal-Ġustizzja tirrispondi kif ġej għad-domandi preliminari magħmula mill-Vrhovno sodišče Republike Slovenije (il-Qorti Suprema tar-Repubblika tas-Slovenja):</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">It-tielet inċiż tal-Artikolu 1(2)(ċ) tad-Direttiva 2003/98/KE tal-Parlament Ewropew u tal-Kunsill tas-17 ta’ Novembru 2003 dwar l-użu mill-ġdid ta’ informazzjoni tas-settur pubbliku, kif emendata bid-Direttiva 2013/37/UE tal-Parlament Ewropew u tal-Kunsill tas-26 ta’ Ġunju 2013 li temenda d-Direttiva 2003/98/KE, ma tipprekludix leġiżlazzjoni nazzjonali, bħal dik fil-kawża prinċipali, li tippermetti aċċess mingħajr restrizzjonijiet (assolut) għal ċerta informazzjoni dwar kuntratti ta’ drittijiet tal-awtur u ta’ konsulenza unikament fir-rigward ta’ istituzzjonijiet taħt l-influwenza dominanti tal-Istat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Ir-Regolament (UE) Nru 575/2013 tal-Parlament Ewropew u tal-Kunsill tas-26 ta’ Ġunju 2013 dwar rekwiżiti prudenzjali għal istituzzjonijiet ta’ kreditu u ditti ta’ investiment u li jemenda r-Regolament (UE) Nru 648/2012, u b’mod partikolari l-Artikolu 432(2) tiegħu, ma jipprekludix leġiżlazzjoni nazzjonali, bħal dik inkwistjoni fil-kawża prinċipali, li tobbliga lil bank taħt l-influwenza dominanti ta’ entità ta’ dritt pubbliku li jiddivulga ċerta informazzjoni fuq kuntratti pprovduti għal konsulenza u servizzi legali u servizzi ta’ natura intellettwali, mingħajr ma tipprovdi għal xi eċċezzjoni għal dan ir-rekwiżit.</p>
</td>
</tr>
</table>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">1</a>
</span>) Lingwa oriġinali: l-Ingliż.</p>
<p class="note footnote">(<span class="note footnote notemarker">
<a id="t-2" href="#c-2">2</a>
</span>) Direttiva tal-Parlament Ewropew u tal-Kunsill tas-17 ta’ Novembru 2003 dwar l-użu mill-ġdid ta’ informazzjoni tas-settur pubbliku (ĠU 2003 L 345, p. 90), kif emendata bid-Direttiva 2013/37/UE tal-Parlament Ewropew u tal-Kunsill tas-26 ta’ Ġunju 2013 li temenda d-Direttiva 2003/98/KE dwar l-użu mill-ġdid ta’ informazzjoni tas-settur pubbliku (ĠU 2013 L 175, p. 1).</p>
<p class="note footnote">(<span class="note footnote notemarker">
<a id="t-3" href="#c-3">3</a>
</span>) Regolament tal-Parlament Ewropew u tal-Kunsill tas-26 ta’ Ġunju 2013 dwar ir-rekwiżiti prudenzjali għall-istituzzjonijiet ta’ kreditu u ditti tal-investiment u li jemenda r-Regolament (UE) Nru 648/2012 (ĠU L 176, p. 1, u r-rettifiki ĠU 2013 L 208, p. 68, u ĠU 2013 L 321, p. 6).</p>
<p class="note footnote">(<span class="note footnote notemarker">
<a id="t-4" href="#c-4">4</a>
</span>) Deċiżjoni tal-Ustavno sodišče Republike Slovenije (il-Qorti kostizzjonali tar-Repubblika tas-Slovenja) tat-12 ta’ Jannar 2017 fil-Kawża U-I-52/16-17 (ECLI:SI:USRS:2017:U.I.52.16).</p>
<p class="note footnote">(<span class="note footnote notemarker">
<a id="t-5" href="#c-5">5</a>
</span>) Il-premessa 10 tad-direttiva tiċċara li “t-tifsiriet ta’ ‘korp tas-settur pubbliku’ u ‘korp regolat bil-liġi pubblika’ huma meħuda mid-Direttivi tal-ksib pubbliku (92/50/KEE [tat-18 ta’ Ġunju 1992 (ĠU Edizzjoni Speċjali bil-Malti, Kapitolu 6, Vol. 1, p. 322)], 93/36/KEE [tal-14 ta’ Ġunju 1993 (ĠU Edizzjoni Speċjali bil-Malti, Kapitolu 6, Vol. 2, p. 110)] u 93/37/KEE [tal-14 ta’ Ġunju 1993 (ĠU Edizzjoni Speċjali bil-Malti, Kapitolu 6, Vol. 2 p. 163)] u 98/4/KE [tas-16 ta’ Frar 1998 (ĠU Edizzjoni Speċjali bil-Malti, Kapitolu 6, Vol. 3 p. 91)]. Impriżi pubbliċi ma humiex koperti b’dawn it-tifsiriet”.</p>
<p class="note footnote">(<span class="note footnote notemarker">
<a id="t-6" href="#c-6">6</a>
</span>) Ara s-sentenza tas-27 ta’ Ottubru 2011, Il-Kummissjoni vs Il-Polonja (C-362/10, mhux ippubblikata, EU:C:2011:703, punt 54).</p>
<p class="note footnote">(<span class="note footnote notemarker">
<a id="t-7" href="#c-7">7</a>
</span>) Tabilħaqq, kif diġà osservat il-Qorti tal-Ġustizzja, mill-premessa 9 u mill-Artikolu 3 jirriżulta li d-direttiva ma fiha ebda obbligu li jippermetti l-użu mill-ġdid ta’ dokumenti miżmuma minn korpi tas-settur pubbliku: sentenza tas-27 ta’ Ottubru 2011, Il-Kummissjoni vs Il-Polonja, mhux ippubblikata, EU:C:2011:703, punt 48); ara wkoll is-sentenza tat-12 ta’ Lulju 2012, Compass-Datenbank (C-138/11, EU:C:2012:449, punt 50).</p>
<p class="note footnote">(<span class="note footnote notemarker">
<a id="t-8" href="#c-8">8</a>
</span>) Il-premessa 8 tad-Direttiva 2013/37, li emendat id-Direttiva 2003/98, tgħid b’mod ċar li dan tal-aħħar “għandha tiġi emendata biex tistipula l-obbligu ċar li l-Istati Membri joffru d-dokumenti kollha għall-użu mill-ġdid tagħhom sakemm l-aċċess ma jkunx ristrett jew eskluż skont regoli nazzjonali dwar l-aċċess għad-dokumenti u suġġett għall-eċċezzjonijiet l-oħra stipulati f’din id-Direttiva”.</p>
<p class="note footnote">(<span class="note footnote notemarker">
<a id="t-9" href="#c-9">9</a>
</span>) Il-Gvern Sloven enfasizza wkoll waqt is-seduta li z-ZDIJZ fiha regoli dwar l-użu mill-ġdid tad-dokumenti, iżda osserva li dawn ir-regoli jinsabu f’artikoli oħra ta‘ din il-leġiżlazzjoni. Huwa insista wkoll fuq il-fatt li r-rekwiżiti applikabbli għal talba għall-aċċess għal dokumenti u talba għall-użu mill-ġdid ta’ dokumenti jvarjaw sostanzjalment, u kkonferma li t-talba fil-kawża prinċipali ċertament taqa’ fl-ewwel kategorija.</p>
<p class="note footnote">(<span class="note footnote notemarker">
<a id="t-10" href="#c-10">10</a>
</span>) Nirrikonoxxi li fid-dawl tad-definizzjoni wiesgħa ta’ “użu mill-ġdid” fl-Artikolu 2(4) tad-Direttiva 2003/98, jista’ jiġi argumentat li ġurnalist li jitlob aċċess għal data (miġbura/ewlenija) dwar ċerti kuntratti x’aktarx ikollu f’moħħu “użu mill-ġdid” ta’ din l-informazzjoni “għal finijiet […] mhux kummerċjali minbarra l-fini inizjali fi ħdan il-kompitu pubbliku li għalih kienu prodotti d-dokumenti.”, għaliex jekk kien hemm xi ħaġa interessanti fid-data miksuba, il-ġurnalist x’aktarx juża mill-ġdid dik id-data biex jikteb artikolu jew saħansitra serje ta’ artikoli dwar dak is-suġġett. Madankollu, huwa preċiżament għal dawn ir-raġunijiet li l-kunċett ta’ “użu mill-ġdid” għandu jinqara fil-kuntest tal-loġika u tal-iskema tad-Direttiva 2003/98. Inkella kważi kull attività, f’xi stadju jew ieħor, tkun tinvolvi l-“użu mill-ġdid ta’ data pubblika”. Id-Direttiva 2003/98 imbagħad issir applikabbli kważi universalment għal kwalunkwe dokument jew ipproċessar ta’ informazzjoni, minħabba li dejjem ikun hemm probabbiltà li jkun hemm mill-inqas xi data f’dan l-ipproċessar li jkun ġej mis-settur pubbliku.</p>
<p class="note footnote">(<span class="note footnote notemarker">
<a id="t-11" href="#c-11">11</a>
</span>) Nosserva li l-Artikolu 1(2)(ċ) juża l-kelma “fosthom”, li juri b’mod ċar lista indikattiva ta’ raġunijiet ta’ esklużjoni mill-aċċess.</p>
<p class="note footnote">(<span class="note footnote notemarker">
<a id="t-12" href="#c-12">12</a>
</span>) Direttiva 2013/36/UE tal-Parlament Ewropew u tal-Kunsill tas-26 ta’ Ġunju 2013 dwar l-aċċess għall-attività tal-istituzzjonijiet ta’ kreditu u s-superviżjoni prudenzjali tal-istituzzjonijiet ta’ kreditu u tad-ditti tal-investiment, li temenda d-Direttiva 2002/87/KE u li tħassar id-Direttivi 2006/48/KE u 2006/49/KE (ĠU 2013 L 176, p. 338).</p>
<p class="note footnote">(<span class="note footnote notemarker">
<a id="t-13" href="#c-13">13</a>
</span>) Dwar l-għan tad-divulgazzjoni, il-premessa 76 tgħid ukoll li “Għall-finijiet ta’ tisħiħ tad-dixxiplina tas-suq u t-titjib tal-istabbiltà finanzjarja huwa meħtieġ li jkunu introdotti rekwiżiti aktar dettaljati għad-divulgazzjoni tal-forma u n-natura tal-kapital regolatorju u l-aġġustamenti prudenzjali magħmula sabiex ikun żgurat li l-investituri u d-depożituri jkunu informati tajjeb b’mod suffiċjenti rigward is-solvenza tal-istituzzjonijiet.” (enfasi miżjuda).</p>
<p class="note footnote">(<span class="note footnote notemarker">
<a id="t-14" href="#c-14">14</a>
</span>) L-unika eċċezzjoni għall-eċċezzjoni, jiġifieri informazzjoni li għandha dejjem tiġi divulgata, hija informazzjoni dwar il-fondi proprji u l-politika ta’ remunerazzjoni.</p>
<p class="note footnote">(<span class="note footnote notemarker">
<a id="t-15" href="#c-15">15</a>
</span>) L-Artikolu 432(2) tar-Regolament Nru 575/2013 jiddefinixxi ż-żewġ kunċetti kif ġej: L-informazzjoni għandha titqies bħala “proprjetarja” għal istituzzjoni jekk id-divulgazzjoni pubblika tagħha timmina l-pożizzjoni kompetittiva tagħha. Din tista’ tinkludi informazzjoni dwar prodotti jew sistemi li, jekk tinqasam mal-kompetituri, jonqos fihom il-valur tal-investimenti ta’ istituzzjoni. L-informazzjoni għandha titqies bħala “kunfidenzjali” jekk ikun hemm obbligi għall-klijenti jew għar-relazzjonijiet ma’ kontropartijiet oħra li jorbtu lill-istituzzjoni bil-kunfidenzjalità.</p>
<p class="note footnote">(<span class="note footnote notemarker">
<a id="t-16" href="#c-16">16</a>
</span>) Iktar ’il fuq, il-punti 11 u 16.</p>
<p class="note footnote">(<span class="note footnote notemarker">
<a id="t-17" href="#c-17">17</a>
</span>) Dan l-artikolu jaqra kif ġej: “L-istituzzjonijiet għandhom jiddivulgaw l-approċċi għall-valutazzjoni tar-rekwiżiti tal-fondi proprji għar-riskju operattiv li jikkwalifikaw għalihom; deskrizzjoni tal-metodoloġija stabbilita fl-Artikolu 312(2), jekk użata mill-istituzzjoni, inkluża diskussjoni dwar il-fatturi interni u esterni rilevanti kkunsidrati flapproċċ ta’ kalkolu tal-istituzzjoni, u f’każ ta’ użu parzjali, lambitu u l-kopertura tal-metodoloġiji differenti użati”.</p>
<p class="note footnote">(<span class="note footnote notemarker">
<a id="t-18" href="#c-18">18</a>
</span>) Reċentement ara, pereżempju, is-sentenza tat-2 ta’ Lulju 2015, Gullotta u Farmacia di Gullotta Davide &amp; C. (C-497/12, EU:C:2015:436, punti 17 sa 21).</p>
<p class="note footnote">(<span class="note footnote notemarker">
<a id="t-19" href="#c-19">19</a>
</span>) Il-Qorti tal-Ġustizzja diġà ddikjarat bħala inammissibbli (fuq il-bażi ta’ ġurisprudenza stabbilita li tgħid li l-ġustifikazzjoni għal talba għal deċiżjoni preliminari ma hijiex li tippermetti li jingħataw opinjonijiet konsultattivi dwar kwistjonijiet ġenerali jew ipotetiċi, iżda pjuttost li tkun meħtieġa għas-soluzzjoni effettiva ta’ tilwima dwar id-dritt tal-UE) domandi li l-qorti tar-rinviju tikkwalifika bħala purament ipotetiċi sa fejn tkun tirrigwarda l-kawża prinċipali pendenti quddiemha: ara, pereżempju, is-sentenza tal-10 ta’ Novembru 2016, Private Equity Insurance Group (C-156/15, EU:C:2016:851, punti 56 sa 59).</p>
</body>
</html>
