(1)

Skont l-Artikolu 6(1) tal-Azzjoni Konġunta 2008/851/PESK, il-Kunsill awtorizza lill-Kumitat Politiku u ta' Sigurtà (KPS) biex jieħu deċiżjonijiet dwar il-ħatra tal-Kmandant tal-Operazzjoni tal-UE għall-operazzjoni militari tal-Unjoni Ewropea bil-ħsieb ta' kontribut għad-deterrenza, il-prevenzjoni u t-trażżin tal-atti ta' piraterija u ta' serq bl-użu tal-armi 'l barra mix-xtut tas-Somalja (“Kmandant tal-Operazzjoni tal-UE”).

(2)

Fit-30 ta' Lulju 2018, id-Deċiżjoni tal-Kunsill (PESK) 2018/1083 (2) ħatret lill-Viċi Ammirall Antonio MARTORELL LACAVE bħala l-Kmandant tal-Operazzjoni tal-UE mid-29 ta' Marzu 2019.

(3)

L-Awtoritajiet Militari Spanjoli pproponew li l-Maġġur Ġeneral Antonio PLANELLS PALAU jieħu post il-Viċi Ammirall Antonio MARTORELL LACAVE bħala l-Kmandant tal-Operazzjoni tal-UE.

(4)

Fil-5 ta' Settembru 2019, il-Kumitat Militari tal-UE appoġġa n-nomina tal-Maġġur Ġenerali Antonio PLANELLS PALAU bħala l-Kmandant Operazzjonali tal-EUNAVFOR Operation Atalanta mill-1 ta' Ottubru 2019.

(5)

F'konformità mal-Artikolu 5 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka ma tiħux sehem fl-elaborazzjoni u fl-implimentazzjoni ta' deċiżjonijiet u azzjonijiet tal-Unjoni li għandhom implikazzjonijiet ta' difiża,